- 81,288
- 119,193
- 354
Update - 66
____________________
____________________
"Okay fine." Maine jaise us par ehsaan karte huye kaha____"Waise to main nahi samajhta ki ab bhi aisa kuch bacha hai jo mujhse chhupa hai, fir bhi agar tum aisa kahte ho to maan leta hu. Chalo fir bataao ki aisa kaun sa sach hai jisse tum mujhe rubaru karana chaahte ho?"
"Yakeen maano vikram main tumhare mata pita ki maut ka jimmedaar nahi hu." Gulfam ne jaise hi ye kaha to main uski baat puri hone se pahle hi gusse me cheekh utha_____"Khamosh! Ekdam khamosh! Warna halak me hath daal kar tumhari zubaan kheench luga."
"Beshak meri zubaan kheench sakte ho tum?" Gulfam ne pure dhairya ke sath kaha_____"Tumhari jagah agar khud main hota to mujhe bhi aisi baat ka yakeen nahi hota lekin sach yahi hai vikram. Sach yahi hai ki tumhare parents ki maut me mera koi hath nahi hai."
"Apni zubaan ko lagaam de kutte." Main revolving chair se ek jhatke me uth kar gurraya tha____"Warna mujhse bura koi nahi hoga."
"Pahle meri puri baat sun lo." Gulfam ne bina dare mujhe dekhte huye shaanti se bola_____"Uske baad hi faisla karna ki tumhe kya karna hai mere sath. Halaaki main achhi tarah jaanta hu ki is wakt meri saanse sirf aur sirf tumhare hi rahmo karam par hain aur main apne bachaav me kuch bhi nahi kar sakta."
Gulfam ki baat sun kar mera gussa thoda shaant hua. Zahen me khayaal ubhra ki sahi to kah raha hai wo. Is wakt wo yakeenan mere hi rahmo karam par hai. Waise bhi jab sab kuch mere hi bas me hai to uski jaan lene me mujhe jaldbaazi nahi karni chahiye. Balki pure sanyam ke sath uski baat sunni chahiye. Aakhir pata to chale ki wo kaun si kahani sunana chahta hai mujhe. Ye soch kar main wapas revolving chair par baith gaya.
"Tumhare parents ki maut me bhale hi mera koi hath nahi tha." Mujhe wapas chair par baith gaya dekh gulfam ne gambheerta se kaha____"Lekin iske bavjood main awdhesh aur madhuri ki maut ke liye khud ko jimmedaar samajhta aaya hu. Sanstha ka chief hone ke baad bhi shuruaat me main samajh nahi paaya tha ki aakhir in logo ke bich sachcha kaun hai? Halaaki iske bavjood main is sabse door hi tha. Waise bhi us samay main apni family ko videsh me settle karne me laga hua tha to mera dhyaan is taraf kam hi tha. Meri sachchaayi ke bare me sirf tumhare pita ko pata tha aur yahi vajah thi ki maine usko apne baad sanstha ka sabse bada ohda diya hua tha aur itna hi nahi mere na rahne par mere order par wo hi chief ki haisiyat se sanstha ka saara kaam kaaj dekhta tha."
"Ek minute." Maine gulfam ko bich me hi tokte huye kaha_____"Tumne kaha ki tumne apne baad mere pita ko hi sanstha me bada ohda diya tha aur tumhari sachchaayi yaani ki sanstha ke chief ka asal chehra wo hi jaante the to mera sawaal ab ye hai ki sanstha ka vajood kaise bana? Tumse pahle is sanstha ko kaun chalata tha?"
"Koi nahi." Gulfam ne kaha____"Sach to ye hai ki CMS naam ki sanstha ka pahle koi vajood hi nahi tha. Ye to bas achanak hi zahen me aaya tha aur maine is sanstha ki buniyaad rakh di thi. Halaaki aisi sanstha ko chalana bilkul bhi asaan nahi tha aur na hi ek akela sakhs iska vistaar kar sakta tha. Asal me iske start hone ki kahani thoda dilchashp hai. Ye tab ki baat hai jab ham saare dost college me padhte the. Tumhare pita ke alawa baaki ham sab khoob mauj masti karte the. Hamare group me sanjay in sab kaamo me bahut aage tha. Ham log bade baap ki aluaad to the hi sath me dikhte bhi smart aur handsome the to ladkiya badi asaani se hamari jholi me aa tapakti thi aur ham sab ek sath unke sath maze karte the. Tumhare baap ko ye sab pasand nahi tha lekin wo hamse dosti bhi nahi todna chaahta tha. Iski ek vajah ye bhi thi ki ham kabhi bhi use uski gareebi ya kami ka ehsaas nahi karaate the balki har tarah se uski aarthik help hi karte the to ek tarah se wo hamare ehsaano ki vajah se daba hua tha. Halaaki ye uski mansikta thi jabki ham me se koi bhi aisa nahi sochta tha. Hame wo is liye pasand tha kyoki wo behad imandaar aur sachche dil ka tha. Study me bhi ham sabse aage tha. Khair aisi hi mauj masti bhari life me ek din sanjay ne ek baat kahi ki yaar ham sabke hathiyaar to tagde hain jiske chalte hamare sath judne wali har ladki setisfy ho jati hai aur hamari diwani ho jati hai to kyo na ham log play boy ban jaye. Iska ek faayda ye hoga ki ham alag alag ladkiyo ya aurto ke maze bhi lenge aur paisa bhi kamayenge. Us Umar me sanjay ki ye baat yakeenan hame pasand aayi lekin ham ye bhi jaante the ki is kaam me kisi na kisi din pakde bhi ja sakte hain aur ham sab badnaam bhi ho jayenge jiske chalte hamare ameer parents ki izzat mitti me mil jayegi. Yahi sab soch kar hamne yahi faisla kiya ki ham play boy nahi banenge. Waise bhi hame mauj masti ke liye ladkiyo ki kami nahi thi aur paisa to bahut tha hamare paas. Aakhir raees family se belong jo karte the. Khair ye baat aayi gayi ho gayi lekin sanjay ki ye baat mere zahen me lambe samay tak goojti rahi magar mujhe kuch soojh nahi raha tha. Play boy banne ka khayaal mujhe bhi pasand nahi tha lekin kahi na kahi alag alag jismo ko bhogne ki khwaaish ya fir ye kahe ki lalak badhti hi ja rahi thi. Ek din maine dekha ki tumhara baap yaani awdhesh apne kamre me akela baitha koi kitaab padh raha tha. Kareeb se jab dekha to pata chala ki wo kisi Ved Prakash Kamboj ka jasusi novel tha. Jisme Vijay naam ka ek aisa jasus tha jo ek gupt sanstha me naukari karta tha aur gupt roop se hi desh ki sewa me samarpit tha. Koi nahi jaanta tha ki wo asal me kya karta tha. Apne asal peshe ko secret rakhne ke liye vijay naam ke us jasus ne bakaayda ek private detective ka office khol rakha tha. Pahle to mujhe us novel se related kuch bhi pata nahi tha. Maine jab awdhesh se pucha ki tum hamesha novel kyo padhte rahte ho to usne bataya ki use jasusi novel padhna achha lagta hai. Mere puchhne par hi usne novel se sambandhit aur us novel ki kahani ke bare me thoda bahut bataya. Khaas kar vijay naam ke us jasus ke bare me. Uski baate sun kar mujhe kahani me thoda dilchashpi huyi to maine usse kaha ki free time me main bhi us novel ko padhuga. Yakeen maano vikram agar main novel nahi padhta to mere zahen me kabhi bhi CMS jaisi sanstha ko kholne ka khayaal nahi aata. Maine dilchashpi ke chalte Ved prakash Kamboj ke aur bhi kayi novel padhe jisme vijay naam ka wo jasus hota tha. Main is baat se behad prabhaavit tha ki wo jasus kitni safaayi se apne raaz ko apne ghar walo se hi nahi balki saari duniya se chhupaye huya tha aur puri success ke sath us secret service ke dwara apna kaam kar raha tha. Uska mujh par aisa asar hua ki main har wakt usi ke bare me sochta rahta tha aur fir ek din mujhe idea mil gaya. Vijay secret service ka agent tha to mere zahen me bhi secret service jaisi sanstha ka khayaal jaag utha. Maine is bare me bahut socha aur kuch hi samay me maine pura khaaka taiyar kar liya. Secret service ke anusaar sanstha ka ek chief hota tha jiske bare me sanstha me uske under kaam karne walo ko bhi nahi pata hota tha ki wo asal me kaun hai. Mere dimaag me plan taiyar ho chuka tha, ab bas apne dwara khole jane wali is tarah ki sanstha ka naam sochna tha. Bahut soch vichaar kiya maine is bare me aur fir ek din achanak zahen me jo naam ubhra usne mujhe pahle to chaunkaya aur fir zor zor se hasne par majboor kar diya. Choot maar service, saala main is naam ko soch soch kar hi romanchit ho raha tha. Khair sab kuch soch liya tha maine lekin main achhi tarah janta tha ki main akela aisi sanstha ko nahi chala sakta tha. Mujhe kisi ke help ki shakht zarurat thi. Mere paas mere dost the jinhe main apne is plan ke bare me bata sakta tha aur main achhi tarah jaanta tha ki awdhesh ke alawa koi bhi mere is kaam se inkaar nahi karega magar main ye bhi jaanta tha ki awdhesh ke alawa baaki ke mere dost shakht nature ke hain aur aage chal kar kabhi bhi problem create kar denge. Maine soch liya tha ki main CMS naam se aisi sanstha ka gathan zarur karuga. Mujhe iske liye kisi aise byakti ki chaah thi jo behad imandaar aur bharose ka ho aur aisa byakti awdhesh ke siva koi nahi tha. Maine awdhesh se is bare me baat ki to pahle to wo yahi sun kar shock rah gaya tha ki main aise waahiyaat naam se koi sanstha kholna chahta hu jiska maksad mard aur aurat ki sex need ko pura karna hai. Yaani secret tarike se mard aur aurto ko sex ki service dene ka kaam. Awdhesh meri taraf aankhe faad kar dekhe ja raha tha. Fir jab use hosh aaya to usne aise kaam me mera sath dene se saaf inkaar kar diya. Main jaanta tha ki wo behad shareef aur nek insaan hai aur aisa koi kaam nahi karega jo uski nazar me galat ya ghatiya ho. Maine use bahut samjhaya magar wo na maana tab maine uski hath jod kar minnate ki aur duniyadaari ke bare me tarah tarah ki daleele de kar use convince kiya ki aisa karna galat nahi hai balki ek tarah se pyaase ki pyaas bujhane jaisa nek kaam hi hai. Aakhir bahut samjhane aur minnate karne ke baad awdhesh mera sath dene ko raazi ho gaya. Uske baad ham dono ne mil kar saare kaam ke bare me bariki se vichaar vimarsh kiya aur sanstha ke rules banaye. Saari baato ko clear karne ke baad hamne sanstha ki buniyaad rakh di. Har cheez ko set karne me kaafi wakt lag gaya. Yaha tak ki hamari college life bhi khatam ho gayi. Sanjay aur baaki logo ko iske bare me kuch bhi pata nahi tha. Mere paas jo bhi paisa tha usse maine sanstha ka headquarter banwa diya aur ek training centre bhi. Iske baad ham dono ne aise logo ki talash ki jo aise kaam me hamse jud sake lekin ye asaan nahi tha kyoki hamare liye sabse zyada zaruri tha khud ko expose hone se bachana aur apne raaz ko chhupana. Iske liye hamne college ke ladke aur ladkiyo ko jodne ka socha. Main jaanta tha ki is umar ke bahut se ladke ladkiya is kaam me judenge. Kyoki isse unhe hi faayda tha. Ek to alag alag logo ko bhogne ka maza aur dusre paisa. Iske alawa sabse badi baat ye bhi ki kisi ko pata hi nahi chalega ki wo kya kaam karte hain. Khair pura setup taiyar ho chuka tha. Ab zaruri tha apne dosto ko bhi aisi sanstha se jodna. Awdhesh bhale hi shuru se is kaam me tha lekin baaki dosto ki nazar me yahi dikhana tha ki wo bhi unke sath hi aisi sanstha ka member bana hai. Bas uske baad un sabko ek ek kar ke usi tarike se sanstha se judne ko kaha gaya jis tarike se tumhare baap ne tumhe joda tha."
"K..kya matlab?" Main gulfam ki is aakhiri wali baat par chaunk pada tha, hairaani se puchha____"M..mere dad ne mujhe joda tha?? Nahi, main nahi maan sakta."
"Tumhare maanne ya na maanne se sach badal nahi jaayega vikram." Gulfam ne ek shigar sulgate huye kaha_____"Us raat jis kale saaye se tumhara saamna hua tha aur baat huyi thi wo tumhara pita hi tha. Halaaki tumhara baap ye hargiz nahi chaahta tha ki uska beta aisi sanstha se jude magar maine hi use force kiya tha. Ye kah kar ki apne bete ko mard banaao. Ham baaki dosto ko bhi apne apne beto ko mard banana tha. Badi ajeeb baat thi ki ham sab to hamesha se hi bejhijhak aur bekhauf ho kar ladkiyo ke sath maze karte the lekin hamari aulaade ladkiyo se kahi zyada sharm karti thi. Ham aksar sochte the ki hamare bete itne sharmile kaise ho sakte hain ki wo ladkiyo ka saamna karne se hi ghabra jate hain. Yahi vajah thi ki ham sabne ek ek kar ke apne beto ko sanstha se jod liya aur unhe mukammal mard bana diya. Awdhesh ko bhi isi baat ki chinta thi ki uska beta itna sharmila kyo hai? Aise me wo jeewan me kya kar sakega? Jab maine force karte huye samjhaya to use bhi samajh aa hi gaya ki use apne bete ko mard banane ke liye yahi ek tarika apnana chahiye. Us raat wo mere zor dene par hi sanstha ka chief ban kar tumhare saamne tumse baat karne gaya tha. Khair isi tarah baaki ke tumhare dosto ki bhi sanstha me entry ho gayi. Halaaki usse pahle hi tumne mere bete zafer ko apne tarike se mard banane ki koshish kar li thi."
"To tumhare kahne ka matlab ye hai ki tumhare hi dimaag me ye khayaal aaya tha ki aisi ghatiya sanstha kholi jaye?" Maine shakht bhaav se kaha_____"Aur apne is ghatiya kaam me tumne mere dad ko bhi shaamil hone par majbur kiya? Khair sanstha ke paida hone ke bare me to maine sun liya, magar main ye jaanna chahta hu ki mere parents ki maut me tumhara hath kaise nahi hai jabki meri nazar me to saara kasoor hi sanstha ka hai."
"Sanstha ka ghathan karne ka koi galat irada nahi tha vikram." Gulfam ne shigar ka gaadha dhua hawa me udaate huye kaha____"Aur na hi ye irada tha ki kisi ki is tarah se hatya kar di jaye. Haan sanstha ke apne kuch rules the jinka paalan karna sabke liye aniwaarya tha. Paalan na karne ki surat me sakht saza milna tay tha aur ye tumhe bhi pata hai. Khair tumhare parents ki maut me mera hath is liye nahi hai kyoki mujhe sach ka pata nahi tha aur jo kuch sanstha ke chief ko yaani mujhe bataya gaya maine usi ko sach maan liya tha. Zaahir hai chief ke roop me mera ye farz tha ki main wahi kadam uthaau jo sanstha ke vajood ko salamat rakhe. Jaisa ki maine pahle bhi tumhe bataya tha ki us samay main apni family ko videsh me settle karne me busy tha aur is vajah se maine sanstha ka saara kaarya bhaar tumhare pita ko saump diya tha. Tumhare pita ko sanjay par bharosa tha jiske chalte wo zyadatar kaam usi ko saump deta tha. Ye jaante huye bhi ki sanjay uski tarakki se khafa tha. Uska maanna tha ki awdhesh se kahi zyada usne sanstha ke liye kaam kiya hai aur is vajah se tripple ex ka ohada use milna chahiye tha. Us bevkoof ko ye pata hi nahi tha ki awdhesh to khud bhi meri tarah sanstha ka janmdata tha. Chief ke roop me use ye bataya bhi nahi ja sakta tha ki sanstha me awdhesh ki ahmiyat kya thi. Mujhe bhi andaza nahi tha ki itni si baat ke liye sanjay ke man me awdhesh ke prati is tarah zaher bhar jaayega. Main to yahi samajhta tha ki wo is baat ko bhool jayega. Agar main apni family ko videsh settle karne ke kaam me na busy hota to mujhe yaha ke halaat ka bakhubi pata hota. Dusri baat ye bhi hai ki khud tumhare pita ne bhi mujhe iske bare me kuch nahi bataya tha. Aisa shayad is liye kyoki wo nahi chaahta tha ki uske dost sanjay ki shikayat chief yaani ki mere paas pahuche aur main sanjay ke khilaaf koi sakht faisla le lu. Agar main ye kahu to galat na hoga ki awdhesh khud hi apni aur apni wife ki maut ka jimmedaar ban baitha tha. Itna hi nahi tum khud bhi apne parents ki maut ke jimmedaar the. Tumhe kya zarurat thi sanstha ke bare me itna deeply jaanne ki?"
"Waah bahut khoob." Main taali bajate huye bol pada____"To is tarah se tum mujhe sach se rubaru karana chaahte the? Kya baat hai, yaani ab tum mujhe hi mere parents ki maut ka jimmedaar thahra rahe ho? Apne nikammepan ko kya shandaar tarike se chhupa liya tumne?"
"K..kya kahna chaahte ho?" Gulfam ne meri taraf hairaani se dekha.
"Kya ye tumhara nikammapan nahi hai ki sanstha ke chief ke roop me tumne apna kaam imandaari se aur tarike se nahi kiya?" Maine shakht bhaav se uski taraf dekhte huye kaha____"Main puchhta hu ki aisi kya vajah thi jo tum apni puri family ko videsh me settle karna chaahte the? Kya is liye ki tum nahi chaahte the ki sanstha ka koi member tumhare ghar ki kisi aurat ke sath maza kare?"
"Zubaan ko samhaal kar baat karo vikram." Gulfam ne mujhe ghoorte huye kaha to maine uski aankho me dekhte huye kaha____"Kyo sach hajam nahi hua kya? Dusro ki maa bahan betiyo ke sath maza karne me to bada maza aata hai tumhe aur jab khud ke ghar ki aurto ki baat aayi to jhaanthe sulag gayi tumhari?"
"Aisi koi baat nahi hai." Gulfam dheela padte huye bola_____"Asal me main videsh me bhi aisi ek sanstha kholna chaahta tha. Mujhe yakeen tha ki videsh me aisi sanstha ko chalane me yaha ki tarah problem nahi ho sakti thi. Yaha par aurte ya ladkiya asaani se aise kaam karne ke liye raazi nahi hoti hain jabki videsho me aisa nahi hai. Yahi soch kar maine faisla kiya tha ki videsh me is sanstha ki ek branch kholi jaye. Maine videsh me sanstha kholne ke liye awdhesh ko bhejna chaha magar usne inkaar kar diya tha. Majburan iske liye mujhe apne bete ko bhejna pada. Ye alag baat hai ki mera ye mansuba kabhi kamyaab nahi ho paya. Bees saal pahle yaha jo kuch hua tha uski vajah se ham sab aahat se ho gaye the. Tumhe jab umar kaid ki saza ho gayi to zafar ko bada ranz hua. Use tab aur bhi dukh hua jab maine use tumse milne se rok diya tha. Wo mujhse behad khafa ho gaya tha jiski vajah se usne videsh me sanstha ki branch kholne se saaf inkaar kar diya tha. Awdhesh aur madhuri ki maut ka mujhe bhi behad ranz tha magar ab kya hi ho sakta tha? Mera bhi dil nahi kiya ki main waha sanstha ka vistaar karu. Mujhe ummid nahi thi ki sanstha se log is kadar judne lagenge, mujhe to laga tha ki ek din sanstha ka vajood khatm ho jayega magar aisa nahi hua. Awdhesh ki maut ke baad sanjay aur baaki ke mere dosto ne sanstha ke vistaar ke liye kuch aur bhi kaam karne shuru kar diye the. Wakt ke sath main bhi ye soch kar aage badh chala tha ki jiske sath jo hona tha wo to ho hi gaya hai lekin ab aage ka sochna chahiye. Idhar is beech mere abba jaan ka bhi intkal ho gaya to main aur bhi thoda dheela pad gaya. Sach kahu to main ab is kaam se oob gaya tha. Awdhesh aur madhuri ki maut ko main bhula hi nahi pa raha tha. Mujhe pata chal chuka tha ki sanjay ki saazish ke chalte hi awdhesh aur madhuri ki maut huyi thi aur apne hi mata pita ke khoon ke ilzaam me tumhe umar kaid ki saza bhi huyi thi. Sanjay, jeewan aur siraj sanstha ke bade ohde par the aur ab khoob manmaani karne lage the. Main chaahta to palak jhapakte hi unhe khaak me mila sakta tha magar maine aisa nahi kiya. Jaante ho kyo?"
Gulfam itna bol kar chup ho gaya aur meri taraf is ummid me dekhne laga ki main usse puchhuga kyo? Idhar mere zahen me kayi tarah ke khayaal ubharte ja rahe the.
✤༺✧༻✤
