Horror Gehrayee

[AnkurKumar3456]

Bhaag 10

Usi raat :

Aaj Jaidev bahut hi utsukh apne ek drink liye betha hua tha, kyonki aaj raat Latika ne aane ka vaada jo ki thi. Us bala ki jawani ka voh tasavvur kar hi raha tha ke.....

Agle hi pal...

*DING DONG*

Darwaze ki ghanti sunte hi Jaidev darwaze ki aur jaane laga aur khulte hi, uske nazron ke saamne Latika khadi thi, apni regular t-shirt aur jeans me, lekin bala ki aafat lag rahi thi phir bhi. Use dekhte hi Jaidev ke lund me hulchulen hona shuru hua aur voh foran use andar aane deta hain.

Jaidev : thanks Latika! Mera request rakhne ke liye!

Latika : aap kuch surprise ke baare me keh rahe the? Aur to aur, aapne itni raat hi kyon bulaya mujhe?

Jaidev : Latika, tum meri mehman ho! Kya logi? Ummm coffee, juice ya maybe beer?

Jaidev ki nazron me lachak Latika saaf saaf gaur kar rahi thi aur use is baat se zara bhi aitraaz nahi thi. Ek kaatil muskaan liye, voh bade ada ke saath apni ras bhare honton ko apas me ragadti hui kehti hain...

"Pyas to bahut lagi hain, shayad beer hi leloon!"

Jaidev kayal hone laga is ada par aur Latika ko foran ek Kingfisher ka can pass kar deta hain. Dono milke kamsekam do do can ghont lete hain aur phir Jaidev apne mudde pe aata hain...

"Follow me!"

Latika Jaidev ke piche piche jaane lagi. Jaidev chalte chalte apne kaan me ek dusre pairo ke awaaz ke badle me sirf 'chap chap' ki awaaz sun raha tha, jaise maano koi kuch geela towel ya kapda patak raha ho zameen par. Hairan hoke voh ruk gaya aur piche mudke dekha ke Latika bhi khadi thi...

"Um kya hua uncle?"

"Nahi...nahi..kuch nahi, chalo.."

Ek nazar Jaidev niche dekhta hain aur hairani se aage ki aur dekhke chalne laga..

"Kamal hai, Latika ne to heels pehni hui hai, phir uski heel ki awaazen kyon nahi aa rahi?"

Khair, is baat ko Jaidev nazarandaaz kar leta hain aur aakhirkar dono ek andher kamre me pahuch jaate hain. Isse pehle Latika kuch sochti, ek ek karke saare chote mote hare peele rang ki spotlights on ho jaate hain aur pure kamra takreeban khali nazar aaya, bas ek chaude se sofa ko chorke!



"Wow uncle, yeh koi studio lag jaisa lag raha hai mujhe!"

Latika charo aur dekhke kehne lagi. Jaidev ki nazre Latika ki nitamb par tiki hui thi, jo is samay chalne ke karan bhi, ek thirkan si pesh kar rahi thi. Apne tez chalte dil ko thaamte huye, voh khud se kehne laga...

"Aaj is bala ki aisi chudai karunga, yeh mere niche aane ke liye tadpegi!'

Latika thodi aur bechain ho uthi..

"Uncle aapne abhi tak yeh nahi bataya ke surprise kya hai!"

Jaidev muskuraya aur kamre ke us paar, ek almari se kuch nikaalne laga aur phir haath me us bade se costume ko Latika ko dikhane lagi. Latika gaur karti hain ke costume ek jalpari ki thi, jisme ek jheeni si bikini thi aur ek kapde ka bana hua nakli lambi matsya pankh. Use dekh, Latika kuch khoyi khoyi hoke, Jaidev ki aur dekhne lagi.

Jaidev : to yeh hai surprise! Main ek jalpari ki live painting banana chahta hoon Latika, aur meri model banogi tum!

Latika : oh! (Utsahit hoke) hmmmm, poshak to badiya banaya aapne! Lekin.... bikini kuch choti nahi hai uncle?

Latika khelne lagi is mahol ke saath aur Jaidev ko apne kismat pe bahut bharosa tha, lekin shayad aane wale khatre ka use koi andaza bhi nahi tha. Jaidev ka khushi ka koi thikana nahi raha, jab Latika uske haath se voh poshak leti hain aur apni honton pe ek kaatil muskaan laati hain.

"Soch kya rahi ho Latika! Tumhari is kaatil jawani ko jab ek jalpari ki poshak me apni painting ke kaid karunga, to puri duniya us painting ka deewana ho jayega!"

Jaidev ke bechaini Latika saaf saaf dekh rahi thi aur khilkhilate huyi, voh poshak ko leke kamre ke dusre aur jaane lagi, jahaan ek kapde badalne ki duar thi, lekin Latika nahi jaanti thi ke voh deeware pardarshi thi, jispe change karne wale ki parchai saaf saaf nazar aate the. Isliye Jaidev bade gaur se Latika ki parchai ko kapde badalte huye dekhne laga.

Sabse pehle tshirt ka utar jaana aur uske baad, bra ka. Ab parchai me hone ke bavajood bhi, nagn stan ke akaar ka andaza lagana bhi koi badi baat nahi thi. Parchai me sakt stan me khade nipplo ko bhi Jaidev mooh me laar laate huye taarne laga aur uska uttejna uske pant me saaf saaf jhalakne lagta hain.

Lekin jaise hi Latika apni jeans kholne gayi, tabhi foran Jaidev ke ek baar palke jhapakne se, voh gayab ho gayi. Kuch pal tak Jaidev vapas aankhon ko tatolne laga, aur phir us dressing zone ke paas jaake, yaha vaha dhoodhne laga, lekin Latika kahin nazar nahi aayi.

"Yeh kaise ho sakta hai, abhi abhi to voh yehi pe apni kapde utaar rahi thi"

Phir, hairanjanak kuch hi pal ke baad..

"Are uncle, aap vaha kya kar rahe hai?"

Thode se hairan hoke, Jaidev mud jaata hain aur gaur se dekhta hain ke door, spot pe Latika kahin to bethi hui thi, lekin uske baju ke kuch bulb ke off hone se, voh nazar hi nahi aayi.

"Latika?? Tum vaha kaise pahuch gayi?"

Jaidev ahista ahista Latika ki aur jaane laga ke tabhi, ek ek karke Latika ke aas paas se saare bulb jal uthe aur ab aur bhi zyada hairan ho gaya Jaidev.

Saamne Latika nirdharit spot pe bilkul vaisi bethi thi, jaise Jaidev ne soch ke rakha hua tha aur kamar ke niche matsya pankh bhi thi aur upar patli kamar ko lachak deti hui voh jhini si bikini. Jaidev sab kuch bhulake, apna chashma adjust karta hua, Latika ki kaatil roop ko dekhne laga. Jo Jaidev ne gaur nahi kiya voh yeh tha ke Latika ke niche matsya pankh nakli wale nahi the.

"Kyon uncle, painting nahi shuru karenge?"



Latika ki chehre pe ek kaatilana muskaan thi aur uske hont kaafi rasile lag rahe the is samay. Jaidev se raha nahi jaata aur voh pagalo ki tarah bartav karne lagta hain...

"Hhaa.. haaan! Kyon nahi! Waah...kayamat lag rahi ho Latika beti! Wow...."

Apne canvas aur stand ko foran apne saamne laake, Jaidev painting shuru kar deta hain. Aaj uska mann utsah se bhar utha aur uske yeh bechaini dekhke Latika thodi khilkhila uthi...

"Uncle! Aap to sach me khushi se pagal ho rahe hain!"

"Are beti, ek jeeta jaagta jalpari ki bhes me ladki ki painting banane ka shauk to mera barso se hain...par pata nahi, voh kaatil ada aur voh jawani kahin nahin mila mujhe!"

Jaidev ahista ahista painting karne laga aur jab takreeban puri jism ki painting ban chuki thi, tab voh Latika ke chehre ko banane ke liye, ek baar canavas ke us paar dekhne laga aur dekhte hi, uska dil kaamp utha...

"Yyehhh kya???"

Latika usi pose me bethi thi, lekin uska chehra bahut hi dhundli aur vichitra lag rahi thi.

 

[AnkurKumar3456]

Bane rahiye!

 

[AnkurKumar3456]

Bhaag 11

Jaidev ka dil zor se dhadak utha aur voh apne chashme ko saaf karke phir pehenne laga aur is baar Latika ki chehra normal nazar aayi. Jaidev ko samajh hi nahi aaya ke achanak uske aankhon ko kya ho gaya tha. Khair, ab voh apne painting pe vapas dhyan dene laga.

Ek baar phir Jaidev kuch had tak painting karke, vapas ek baar Latika ki aur dekhne laga aur is baar phir se vohi dhundli ajeeb chehra, lekin is baar aur bhi zyada vichitra lag rahi thi.



"Shit, kya ho raha hai yeh? Kaisi vaham hai yeh?"

Jaidev ek baar phir apne chashme ko thik se saaf kiye, vapas pehn ke dekhne laga ke Latika ekdam normal nazar aayi. Ahista ahista painting khatam ho chuka tha aur Jaidev gaur se painting ko dekhne laga.

Lekin phir painting me Latika ki muskurati hui chehre me kuch hulchuclein hone lag gayi aur yeh dekhke Jaidev hairan reh gaya. Voh painting ko aur kareeb se dekhne lag gaya ke tabhi, Latika ki muskurati hui chehra ekdam se bahut hi tez raftar me ek ajeeb si daravni soorat me tabdil ho jaati hain, jis vajah se Jaidev ka dil zoron se dhadak utha aur voh piche hat jaata hain.



"Aaahahhh nahi!!!!! Yehhhh.."

Jaidev ghabrake kuch pal ke liye apne aankhon ko band kar leta hain aur tabhi achanak...

"Uncle kya hua??"

Jaidev aankhen khole hairani se dekhta hain ke painting ekdam normal thi aur canavas ke us paar se Latika, vaisi hi bethi hui thi jaise voh painting ke dauran thi.

Jaidev ka dhadakta dil kuch pal ke shaant ho gaya aur voh kabhi painting ko dekhta gaya, to kabhi saamne pose deti hui Latika ko, jiske chehre par abhi bhi vahi pyari si muskaan thi. Jaidev mann me sochta gaya...

"Aisi ajeeb vaham kaise ho raha hai aaj mujhe? Kambakht zyada peg ka asar hoga!"

Jaidev yeh sochke vapas normal ho jaata hain.

Takreeban pura painting ban chuka tha, lekin ab yeh saare cheezon ko chorke, Jaidev apne asli mansube pe vapas aane laga aur dhire dhire Latika ke kareeb jaane laga. Jaidev ko kareeb aate dekh Latika usi pose me bethi rahi aur kuch harkat ki hi nahin.

"Are uncle, aapne to painting dikhaya hi nahi mujhe!"

Latika badi ada dikhaye kehti hain aur Jaidev ab uske kareeb beth jaata hain aur ahista se uske kandhe ko sehlane lag jaata hain. Latika foran apni natak shuru karne lagi..

"Uncle...kya kar rahe hai aap??"

Is baar Jaidev dono haathon se Latika ke dono kandhe ko jakad leta hain aur use apne kareeb kheench leta hain. Is baar Latika bhi aaankhon ke ek suroor si laati hain.

Jaidev : Painting to bahana tha! Aaj tumhe main ek alag duniya me leke jaunga!

Latika : uncle, aap to bade voh nikle!

Is baar Latika bhi khud Jaidev ke agosh me aane lagi aur Jaidev apne hont ko uski honton se milane hi wala tha ke Latika uske honton pe ungli thaam leti hain...

"Itni bhi jaldi kya hai uncle? Kuch mahol to hone dijiye..."

Latika ne yeh kehna khatam hi kiya tha ke Jaidev ko ek tarkeeb sujha aur voh uthke apne shirt ke so button khol leta hain yeh kehte huye.. "to chalo mere saath!"

Latika jaan gayi Jaidev ke mann me kya hain aur voh apni baahen phailaye badi pyar se kehti hain..

"Jaha bhi jaa rahe ho, apne bahon me leke jao!"

Is ada pe Jaidev kayal hone laga aur apne kismat pe prasann hone laga ke Latika use kitni asani se prapt ho gaya aur ab ek bhi mauka zaya karna gawara nahi tha use. Isliye, Jaidev jhukke Latika ko apne god me uthake hall ke dusre kone pe sthaapit ek aalishan washroom me jaane laga. God me uthaye Latika ki asli matsya pankh is samay Jaidev ke panjo pe tha, lekin use yeh baat ki bhanak tak nahi laga, ulta use ek chipchipapan saaf mehsoos hua apne haathon pe.

"Yeh geela geela ehaaas kya ho raha hai mere haathon me?"

Khud se sawal kiye Jaidev is baat ko nazar andaz kar leta hain aur aakhirkar dono ek aalishan bade se bathtub tak pahuch jaate hain, jispe paani ke saath saath gulab ke pankhudiya bhi jagah jagah phaile huye the.



"Kaafi romantic hai aap uncle! Maanni paregi!"

Latika ke taarif ke jawab me ek jhatke me Jaidev use tub ke andar dhakel deti hain aur khud apne shirt ke ek ek button ko kholke kehne laga..

"Are mera romantic nature tumne dekhi hi kab hai! Aaj aazma ke dekhlo Latika!"

Ahista ahista Jaidev keval apne kacche tak nirvastra hone laga aur use dekhke Latika bhi naino se kamuk ishare karne lag gayi aur mann hi mann Jaidev ke kismat pe hasne lagi.

........

Dusre aur :

Rohan apne kursi pe bethe yunhi khudke aur Deepshika ke kuch haseen lamho ke videos ko dekh raha tha. Yeh un dino ke lamhe the, jab un dono ka pyar bas ubharna shuru hua tha.

Saare videos uske dil ke bahut kareeb the, lekin ek video khaas karke jahaan Deepshika aage aage daud rahi thi aur jahaan Rohan khud cameraman tha.

Us video me Deepshika aage aage daud rahi thi, lekin piche mudke Rohan ki aur dekhke yunhi kuch barbaraye jaa rahi thi. Achanak kuch ajeeb baat ghati!

Us video me Deepshika Latika me ek pal me tabdil ho jaati hain aur Rohan hairani se dekhne laga kaise Latika aage aage daudke, muskurati hui piche mudke, use kehne lagi...

"I love you Rohan!!!!! Kitna maza aa raha hai! Tum bhi to mujhe pyar karte ho! Hai na???? Hehehe! Common say it!"

Rohan clip ko stop karke ek baar phir replay karta hain, aur is baar vapas Deepshika hi nazar aayi. Rohan ka dil tezi se dhadak utha. Use yeh samajh nahi aa raha tha ke achanak uske zehn me Latika kyon bas gayi aur voh bhi khaas karke jab jab voh Deepshika ko tasavvur karta, ya phir use dekhta.

"Yeh kya ho gaya hai mujhe? Yeh vaham kyon ho raha hai baar baar?"

Rohan phone ko side me rakhke soch me padne laga.

 

[AnkurKumar3456]

Bane rahe doston

 

[AnkurKumar3456]

Bhaag 12

Aalishan bathtub ke andar ab Jaidev utar gaya aur uske saamne leti Latika kamuk isharo se use apne paas bula rahi thi. Ab hua yun ke Jaidev Latika ki peeth ko kass leta hain aur use apne aur kareeb ke aata hain. Aise me uske haath ahista ahista Latika ki matsya pankh pe ragadne laga aur phir ek baar hairan hone me majboor ho gaya

Jis matsya pankh ko Jaidev apne nakli kapde ka samajh raha tha, voh ekdam asli hone ke saboot diye jaa rahe the, kyonki ab uske haathon pe ek chipchipapan aane laga tha. Lekin hawas me andhe Jaidev ko yeh baat zyada nahi parva karwaya. Voh bas ab Latika ke gale se chipakke, gale ke ird gird chumne lag jaata hain

Tabhi achanak washroom ke andar batti band ho jaate hain aur keval khidki se chand ki neeli si roshni bathtub pe aa rahi thi. Jaidev chumban band karke kuch sankoch me nazar aaya.

"Are light kaise chali gayi?? Generator to on hi hai

Jawab me Latika khud apni bikini me kaid stan ko chaati par ragad ke puchti hain pyar se.

"Kyon uncle? Andhere se darr lagta hai

Jawab me Jaidev ekdam bindas hoke hasne laga.

"Are Latika, aisi roshni na ho, to romance ka faida kya

Latika apni matsya pankh ki istimal se Jaidev ke kamar ko tub ke andar se hi kasske, use apni aur kheench leti hain. Jaidev ko laga ke jaise Latika apni ek pair ki istimal karke use pure zor se kheench li ho, aur is baat se voh hairan hone laga. Lekin phir Latika ki mulayam honton ko dekhke uska mann utsukh ho utha aur voh aakhirkar honton se hont mila leta hain

Rasbhare honton ke ras ko leta hua Jaidev khushi se ekdam jhoom utha aur kuch pal ke baad Latika apni honton ko azaad karke, badi pyar se kehne lagi.

"Uncle, kyon na jannat ki gehrayio me chale jaye! Aana chahte hai aap

Jaidev Latika ki peeth ko jakde rakha aur hawas me andhe hoke kehne laga.

"Aaj jitni gehrayiya ho sake, vaha tak mujhe leke jao Latika! Aaj mujhe teri jannat ki har ek rang dekhna hai

Latika yeh sunke khush hui aur agle hi pal Jaidev ke balon ko kass ke jakadke use tub ke andar dhakel deti hain, voh bhi zor se ekda

"Yeh kyyyyyaa.....

Jaidev paani bulbulate huye hairani se dekhne laga ke tub ke andar ek pura ka pura samundar ki gehrayio wala maahol tha.



Jaidev yeh sab dekhke sochne laga..

"Yyeehh kaise ho sakta hai??? Yeh kyaaaa.."

Jaidev paani ke andar dubki lagaye yaha vaha Latika ki khoj me dekhne laga, lekin tabhi ek hasne ki awaaz uske kaano tak aane laga. Hairan hoke Jaidev piche mudta hain, lekin koi bhi nazar hi nahi aaya. Tabhi Latika ki awaaz uske kaano tak aaya...

"Mere pyar ke is saugat ko kubul Karo Jaidev uncle! Hehehe!"

Tabhi Jaidev apne niche ki zameen me se kuch hulchuclein mehsoos karne laga. Ghabrahat ke karan voh niche hi dekhta gaya aur ek chote se ched me se ek piranha bahaar aajata hai.



Us piranhe ko dekhke Jaidev ghabrake use "shoo! Shoo! karke bhagane lagta hain. Lekin voh ziddi piranha vaha se ek inch bhi nahi hata!

Phir ek baar zameen me se hulchul!

Aur...

Ek aur piranha bahaar!

Ab Jaidev do do piranho ke beecho beech tha. Is baar jab voh kuch harkat karne gaya, tabhi ek baju me se ek piranha uske saare ungliyan khaa jaata hain, bare behrehmi se! Jisse hua yun...

"Aaaaaaah!!!"

Jaidev chilla utha, paani ko tez bulbulate huye aur tabhi kahin door ek shor sunayi diya use. Jaidev ghabrake mudke dekhne laga ke ek nahi, do nahi, balki pura ka pura Piranha ka fauj daudte huye uske kareeb aa raha hain.



"NAAAAHIIIIIIII NAAAAAH III NAAAHI LATIKAAA NAHIIII!!!!!!!!!"

Saare ke saare piranha Jaidev ke upar ek ek karne chadhne lage aur Jaidev ke ek ek ang ko kaccha khaane lag gaye. Chamre ke chabaye jaaye huye awaaz ko sunti hui Latika kuch hi doori pe se dekhke hasne lagi aur meethe andaz me kehne lagi...

"Bye bye Jaidev uncle!"

 

[AnkurKumar3456]

Bane rahe!

 

[AnkurKumar3456]

Bhaag 13

Kuch din yunhi beet jaate hain aur Jaidev ka gayab hona, Ramesh aur Shikha ko hairan kar deta hain. Latika in dino aksar Rohan ko surprise calls deti gayi aur Rohan vinamrta ke khatir, usse baatein karta gaya.

Ek din, kuch hua yun ke, apne ghar me, yunhi Deepshika ke saath Rohan ek dance de raha tha, ke tabhi ek baar phir, uska chehra Latika me badal jaati hain aur phir ek baar Rohan hairan reh gaya. Jo top aur jeans Deepshika ne pehni hui thi, unhi kapdo me Latika aur bhi zyada kayanat lag rahi thi. Pehle se hi thoda sharab piya huye Rohan ko Latika ki jawani bhaa gayi aur voh use apne bahon me bharke dance karne lag gaya.

"Rohan babe! Kitna haseen maahol hai! Hai na?"

Latika ke madmast ada se Rohan aur jhoom utha...

"Haan Latika! Yeh maahol hai hi utna rangeen!

Lekin, agle hi pal..

"Latika??? What the hell! Aakhir kya ho gaya tumhe??"

Ek jhatke me Rohan hosh me aajata hain aur use tab saamne Deepshika hi nazar aayi, jo is vakt ghusse se kamre me rakhe saare phulo ke guldaste ko ek ek karke phenk deti hain. Ab ke baar Rohan kuch doshi sa mehsoos karne laga khud aur voh Deepshika ko samjhne ki koshish karne laga..

"I am sorry...lekin pata nahin kyon, ek vaham sa hone laga mujhe! I mean... achanak tum Latika.."

Deepshika apni narazgi ko kabu pe nahi kar payi aur voh vaha se jaane lagi ke Rohan uske kohni ko jakadke use rok leta hain. Sach to yeh tha ke dono ke dil me ek dusre ke liye pyar abhi bhi maujud the.

"I am sorry! Hm?'

Rohan apne kaan pakadke khada raha aur is baar Deepshika ki dil pighal jaati hain aur dono ek dusre ko gale laga lete hain kass ke. Unhe yeh nahi pata the ke bahaar khidki ke gird khadi Latika unhe dekhe jaa rahi thi aur apni muthiyan kass rahi thi krodh me..

"Deepshika you bitch! Rohan sirf meri hai! Yeh baat shayad tujhe samjhani paregi!"

...........

Ek din shaam ko :

Ramesh ne aaj office se chutti le rakha tha aur sofe pe bethe, kuch soch me tha. Shikha se raha nahi gayi aur voh seedhe jaake apne pati ke baju beth jaati hain.

Shikha : kya soch rahe hai aap?

Ramesh : ek baat baar baar mann me aata jaata raha hain.... bhagwan na kare ke voh sach ho!

Shikha : kaisi baat?

Ramesh : ek baat batao, Latika college chali gayi?

Shikha : haan, voh to subah subah hi nikal gayi....baat kya hai Ramesh?

Ramesh sofe se uthne laga aur aju baju tehelne lag jaata hain. Shikha ne gaur ki ke kuch gehri soch me uljhe huya tha uska pati.

Ramesh : Shikha, tumhe yaad hai, jab laakh koshish ke baad tum maa nahi ban payi aur..... humne jab pehli baar Latika ko god liya tha!

Is baat ki har ek shabd teer ki tarah Shikha ke dil me jaake lagi aur voh bhi sofe se uth gayi.

Shikha : yeh achanak aap kya keh rahe hai??? Aaj itne saalo ke baad yeh sab khayalat??

Ramesh : (mud ke, uske aur) yeh khayalat aise hi nahi hai!! Aaj mujhe us ghari ka ek ek pal yaad aa raha hai! Ek ek pal...

Dono Ramesh aur Shikha vapas us daur pe chale gaye, jab Latika unke zindagi me aayi....

Flashback - 2001 :

Shikha apne maa na banne ki dukh me, apne pati ke saath yunhi ek bade se aalishan park me ghumne gayi thi. Hala ke park kaafi veeran tha, lekin Ramesh ne socha ke is veerane me bas voh aur Shikha vakt bitayegi ek dusre ke saath.

Shikha : kitni badnaseeb hoon main! Jo aapko asli khushi nahi de pati ab tak!

Ramesh : nahi Shikha! Kami shayad mujhme hai! Khair....yeh sab jaane do! Hum ek dusre ke saath bhi khush reh sakte hai!

Dono is veeran se park ke khumariyo me khone lage aur yaha se vaha ek dusre ke haath thame, tehelne lag gaye ke tabhi..

Ek bacche ki rone ki awaaz dono ke kaan tak aaya!

Shikha : are aisa nahi lagta aapko ke kahin koi baccha ro raha ho?

Ramesh : exactly! Mujhe bhi aisa hi lagta hain..hmmmm haan, vaha se aa raha hai!

 

[AnkurKumar3456]

Dono pati patni us disha ki aur jaldi jaldi jaane lage, jahaan se yeh bacche ki rone ki awaaz aa rahi thi. Kuch doori pe aane ke baad, Ramesh aur Shikha ki nazre ek jheel ke paas chale jaate hain, jahaan se voh rone ki awaaz baar baar aa raha tha. Jaise hi dono kareeb gaye, vaha unhe ek choti bacchi nazar aayi, jo roye jaa rahi thi jheel ke bikkul kareeb kuch patto pe leti hui.

Shikha : (hairani se) koi apne bacche ko aisi ajeeb sthan pe kyon chorke jayega??

Ramesh : ajeeb baat hai! Yaha aas paas koi nazar bhi to nahi aa raha hai!

Shikha aur Ramesh ne gaur kiya ke hala ke bacchi insan hi thi, lekin uski twacha pe kuch hare neele padarth bhi maujud the, yaha vaha. Lekin jo sabse badi baat thi, voh yeh thi ke us bacchi ki rone se Shikha ki chaati me ek dard si hone lagi aur uski dil beth gayi. Voh foran us bacchi ko utha leti hain aur gale laga leti hain...

"Kyon na hum is bacche ko god lele!"

Shikha se raha nahi jaati aur uski baaton se Ramesh hairan reh gaya..

"Kaisi baat kar rahi ho? Ek anjaan bacche ko is tarah...."

Lekin Shikha se raha nahi jaa rahi thi. Voh baar baar us bacchi ko apne gale lagaye jaa rahi thi. Ramesh apne patni se bina kuch kahe ya sune, uska saath dene laga aur is baat ki parvah bhi nahi kiya ke kis ajeeb vatavaran me un dono ko yeh bacchi mili.

.......

Vartman me :

Ramesh : hum is baat ko jhutla nahi sakte ke Latika humari apni bacchi nahi hai......aur....na jaane kyon! Pichle kuch dino se jo kuch bhi ho raha hai...kahin usme Latika ki haath...

Shikha : aap pagal to nahi ho gaye??? Latika ek normal insaan hai, humari tarah! Jis laad pyar aur sneh se humne use itne saal paala hai, aap humari beti ke baare me aise kaise soch sakte hai???

Ramesh : pata nahin, lekin....jahaan dil tumse sehmat hai, vaha dimaag kuch aur hi keh raha hai! Vaise bhi maine tumse ek baat chupayi hai...

Shikha : kaun si baat?

Ramesh : tumhe yaad hai voh hare nile rang ki padarth, jo Latika ki badan pe thi?

Shikha : haan yaad hai...voh to shayad jheel ke gandagi....

Ramesh : voh padarth Maine saalo saal Latika ki badan me lipte huye dekha hai!

Shikha : matlab??

Ramesh apne patni ko voh har ek lamhe ke baare me batane laga jab jab bhi voh Latika ki bedsheet pe ek hare neele rang ki daag ko dekha tha aur tab tab usne khud besheet ko apne patni ke nazron se bachake, machine me daal dete the. Shikha yeh sunke hairan reh gayi.

Shikha : lekin....baat kuch samajh hi nahi ayi! Yeh sab.... Latika ke saath!

Ramesh ke mann me kuch chal raha tha aur voh foran ek hi dum me vapas sofe pe beth jaata hain. Shikha bhi apne pati ke vapas sofe pe bethne wala tha, ke tabhi uski phone pe ek call aati hain.

Shikha voh call uthake baatein karne lagi aur Ramesh soch me doobne laga. Kuch pal baad Shikha kehti hain ke uski ek saheli ne use apne ghar bulayi thi foran aur is baar se Ramesh ek sukoon sa mehsoos karne laga...

"Tum apne saheli ke vaha hoke aao...main yehi ghar me hoon, aur haan...ab jo bhi baatein humare beech hua, use bhool jao!"

Shikha apne pati ko ek sankoch bhari muskaan deke, nikal jaati hain aur Ramesh ek plan pe gaur karne lagta hain..

"Latika ki asliyat janne ke liye mujhe kuch tedi raasta nikalna parega!"

Foran sofe se uthke Ramesh store room me chala jaata hain kuch dhoodhne.

.........

Shaam ko :

Deepshika apni classes sampann karke jaise hi apne ghar aayi, voh hairan thi ke darwaze ki latch geeli geeli si thi aur hairani se jaise hi voh chabi lagake kholke andar jaati hain, uski dil thodi tez dhadak uthi kuch pal ke liye.

Andar sofe par Latika bethi hui thi, haath me ek magazine liye.

"Latika tum yaha??? T...tum andar kaise aayi??"

Deepshika hairan thi Latika ko apne ghar me dekhke, lekin Latika pyari si muskaan deke magazine ko side me rakhke uth jaati hain. Deepshika abhi bhi uske maujudgi ko leke hairan thi.

Latika : hairan mat ho! Main kaise aayi hoon, yeh zaroori nahi tere liye! Main kyon aayi hoon, yeh sun!

Deepshika : shayad tameez se baat karna tumhe aata nahi!

Latika : oh really? Tumme badi tameez hai! Isliye Rohan se abtak chipki hui ho!

Deepshika : SHUT UP! get the hell out of my house! Yaha kyon aayi ho??

Latika : sirf itna samjhane ke... Rohan ko tum jaane do! He loves me! Aur main bhi use chahti hoon!

Deepshika : (vinamra hoke) Latika! Tum pagal ho! Rohan aur main barso se ek dusre ko chahte hain! Okay? Tum apne galat faimi se nikal aao please!

Latika : main keval ek baar kahungi. Agli baar kuch nahi kahungi, samjhi?

Itna kehke Latika vaha se chali jaati hain aur Deepshika krodh ke maare use jaate dekhne lagi.

 

[AnkurKumar3456]

Bane rahiye doston

 

[AnkurKumar3456]

Bhaag 14

Aadhi Raat ko :

Aadat se majboor Latika har raat ko ek baar sone se pehle zaroor nahati thi, aur aaj raat bhi voh gungunati hui apni saare vastron se mukt hoke washroom ke andar chali jaati hain. Vaha apne kamre me, apne patni ko sote huye dekhke, Ramesh haule se uth jaata hain aur apne plan ko anjaam dena shuru karta hain.

Ek baat jisse Latika anjaan thi, voh yeh tha ke uske washroom aur Ramesh aur Shikha ke kamre ke faasla kaafi kam tha, jiska faida uthaye, Ramesh ne shaam ko hi, apne drill machine ke duara deewar pe se ek ched bana chuka tha, jisse voh Latika ke washroom me jhaank sake.

"Aaj Latika ki sacchai ko main jaan ke hi rahunga!'

Latika ki gungunati hui awaaz to Ramesh ko barkhubi aa raha tha aur voh nischit tha ke andar Latika naha rahi thi. Sach puchiye to kuch pal ke liye Ramesh ko ajeeb laga, kyonki barso se usne Latika ko apne hi beti ki tarah pala aur aaj voh uske nagn badan par jhaankne jaa raha tha. Is baat se uske niche ke nas bhi kuch pal tak phul uthe, lekin Ramesh pehle se hi patnivrata tha.

Ramesh ne saare himmat jutake, apne aankh ko deewar ke us chote se ched me rakh leta hain aur agle hi pal, voh jo kuch bhi dekhta hain, usse uske aankhen hi nahi, balki mooh bhi bada sa khul jaata hain. Uske dil ki dhadkan tez raftar se daudne lagta hain!

"Nnnaaaahi! Aye bhagwan!"

Washroom ke andar koi insaan nahi, balki bathtub me ek vibhatsa dikhnewali jalpari apni matsya pankh ko achi khaase madodke tub me paani ki luft utha rahi thi aur uske hare neele rangat ke honton me se geet bhi gungunate huye bahaar aa rahe the. Awaaz beshak Latika ki hi thi, lekin uski yeh asli roop dekhke Ramesh baukhla gaya aur tabhi kuch hua yun ke, Latika ki munde huye aankhen khul jaati hain aur voh achanak hi Ramesh se mil jaate hain.

Ghabrake Ramesh apne aankh ko ched me se hatake, apne dhadkan ko kabu me karne ki koshish karne laga..

"Aye bhagwan! Latika....yeh..... oh god! Yeh kaun hai andar???? Latika ek insaan nahi...... balki...ek...."

Ramesh apne baat ko pura karta, ke tabhi uske piche ki deewar ke ek hissa jhatak se tut jata hain aur ek Octopus ke panje saman ek moti si lambi si tentacle seedhe Ramesh ke gardan ko daba ke use deewar se sata deta hain. Tentacle ki vajan kaafi tha aur Ramesh saanson ko phulata hua, apne pure taaqat se use apne gardan se hatane ki koshish karta gaya.

"Urghfhhfhfhfggghhh uuurggghhhhh jaaaanee deeurhhh uhh!"

Ramesh ke cheekhe dabe huye the, lekin voh dabe huye siskiyan Shikha ko jagane ke kamyab ho gaye.

"Yeh awaazen kaisi? Aur.... Ramesh kaha gaya hoga?? RAMESH???"

Pareshan hoke Shikha uth jaati hain aur tabhi kamre ke dusre aur jab usne nazar daali, to voh hairan ho gayi..

"RAMESH!!!"

Ek vichitra nazara tha vakai me!

Ek Octopus ke tentacle jaisi vastu Ramesh ke gardan ke gardan ko jakade rakha hua tha aur Ramesh uchal uchal ke apne aap ko churane ki koshish kar raha tha. Shikha ko to aisi lagne lagi ke maano koi daravni sapna chal rahi ho.

"Uuuuugthhhhh sshikhaaaaa uujhhhhhhh!"

Ramesh ke siskiyon ko sunke jaise hi Shikha madat ke liye aage gayi, vaise hi washroom ka darwaza khul utha aur bahaar aayi Latika, jiske asli chehre ko dekhke Shikha ki jism khauff se kaamp uthi. Yehi vahi ladki thi jise dono ne paal pos ke badi ki thi!

Shikha hairan reh gayi..

"LATIKA??????"

Latika muskurayi aur Shikha ko saaf saaf dikh rahi thi ke tentacle ki jad uski peeth se hoke shuru hui thi.

"Sorry mummy! Aap dono ke mujhpe bahut ehsaan hai, lekin ummm main koi insaan nahi, jiske dil me koi raham ho!"

Itna kehke Latika ki peeth ke dusre baju me se bhi ek aur tentacle bahaar aayi aur is baar ek jhatke me aage jaake Shikha ke kamar ko daboch leti hain. Tentacle ki jakad uski rheed ki haddi par padne se Shikha zor se chillai..

"NAHI LATIKA....AAAAAHH NAHIII!"

"Mummy, daddy I am veeery sorrrry! Hehehe!"

Jin dono ne use bachapan se jawani tak saath diya, aaj unhi ko Latika bina sharam ya glaani ke, bade aaram se apne changul me laake, katal kar rahi thi aur jahaan ek taraf Shikha ki kamar tut jaati hain, to vaha dusre aur tentacle ki taaqat se Latika Ramesh ke gardan ko pure 360 degree ghuma deti hain aur agle hi pal, voh bhi zameen pe dher!

Latika apne dono tentacle apni peeth pe vapas kass leti hain aur voh vapas gungunati hui apni matsya pankh ko zameen par ghisti hui washroom ke andar chali jaati hain. Josh aur junoon me us ladki ne is baat ko nazarandaaz ki, ke jahaan ek taraf Ramesh mar chuka tha, dusre aur Shikha keval behosh hui thi.

......

Rohan ke ghar :

Rohan do do drinks banake apne mehman ko ek glass dene laga. Voh mehmaan aur koi nahi, balki khud Dr Saxena tha.

Rohan : Doctor sahab, aap itni raat ko kyon takleef uthaye? Main subah lab aajata!

Dr Saxena : nahi Rohan! Jo baat me kehne jaa raha hoon, agar main lab me kehta, to shayad mere juniors mere mazak urate!

Rohan : main samjha nahi!

Dr Saxena : Rohan, tume yeh to malum hai na ke main ek forensic doctor peshe se hoon, lekin shaukiya taur se kabhi kabhi Mythology me bhi ruchi rakhta hoon!

Rohan : umm haan, aapne bataya to tha, lekin aap yeh sab kyon....

Dr Saxena : Rohan! Sunne me ajeeb lag sakta hai tumhe, lekin yeh jitne bhi murders huye hain, unme ek common factor hai, machli ki lakeer ke nishan, right?

Rohan : jee haan, bilkul.....

Dr Saxena : Yeh nishan ek prachin jal ke rakshasni se judi hui hai!

Rohan : what??? Yeh aap kya keh rahe hai??

Rohan ko yakeen hi nahi hua ke ek lab ke scientist aisa kuch keh sakta hain.

Rohan : Dr Saxena, yeh aap kya keh rahe hain??? Ek mythological rakshasni???.... aap ek scientist hoke....

Dr Saxena : main bina vajah ke kuch nahi keha hoon Rohan! Baat ko manne ko dimaag to nahi kehta, lekin mera mythological taalim yeh baar baar keh raha hai, ke yeh rakshasni ne har yug ki tarah, is yug me bhi janam li hain, voh bhi insaani bhes me!

Ab Rohan majboor hua apne mann me Latika ko laane ke liye. Uska dil kaamp utha yeh sochte huye ke kahi Latika hi to voh rakshasni nahi. Usne faisla kar liya ke agle hi din, voh ek baar Latika ke ghar zaroor jayega.