UPDATE 4
.
.
dopahar ke 2 baje college ki chhutti hui to main aur sagar parking me pahunche aur apni bike nikali tabhi mujhe sima hamari taraf aate dikhai di to sagar ne mujhe best of luck bola aur wahan se chala gaya. ab mujhe ye samajh nahi aa raha tha ki main kya karu
"kya soch rahe ho...." sima mere paas aakar boli
"wo...wo...kuchh nahi" aadat ke anusar main haklate hue bola
"to chalo phir" wo boli
aur phir maine bike start kar li aur sima jisne abhi jeans pahni thi dono side pair daal kar baith gai, ye pahla mauka tha jab koi ladki meri bike par baithi thi yahan tak ki meri bahne bhi aaj tak meri bike par nahi baithi thi kyonki un dono ke paas apni alag alag scooty thi
"ab bolo sonu tum kya baat karna chahte the jo tum canteen me nahi kah paye" thoda aage badhne ke baad sima boli
"ka...kuchh nahi bas aise hi" main bola
"nahi kuchh baat to jarur hai, pls batao na" wo boli
"sach me aisa kuchh nahi hai bas aise hi" main bola
"achha.....aise hi, to phir pahle mujhse baat kyon nahi ki jab main khud tumse baat karna chahti thi" wo boli
ab main use kya batata ki meri kamjori kya hai lekin maine sab sach batana hi thik samjha kyonki ek jhut ko cover karne ko aur bhi bahut se jhut bolne padte to maine use sab sach bata diya ki ladkiyo ke samne aate hi mujhe ghabrahat hone lagti hai isiliye main usse pahle baat nahi kar paya
"oh...to ye baat hai lekin phir aaj ekdum se hi tumhe mujhse baat karne ki kaise sujhi" wo boli
"wo kya hai na ki maine socha ki kab tak aisa chalega aakhir main kab tak ladkiyo se dur bhagta rahunga aur jab ye baat maine sagar ko batai to usne kaha ki mujhe kisi ladki se dosti kar leni chahiye tab kahi main thik ho sakta hu" maine bataya
"oh....to college me to bahut si ladkiya hai phir tumne mujhe kyon chuna" wo boli
ab mere paas bolne ke liye kuchh nahi tha to main chup raha
"bolo na sonu ki tumne mujhe kyon chuna" usne phir puchha
main phir chup raha
"ok to bike roko aur mujhe utaar do main bus se hi aa jaungi" wo thoda tunak kar boli
ab main fans gaya tha to mujhe bolna hi pada
"wo...wo...kya hai na ki tum baki ladkiyo se alag lagti ho mujhe bas isliye" main bola
"alag matlab..." usne puchha
"are yaar tum bhi na......alag matlab achhi lagti ho mujhe" maine bol to diya lekin jab socha ki maine kya bola hai to meri to fat gai ki kahi sima naraz na ho jaye aur maine ek baat aur notice ki ki ab mujhe usse baat karne me koi ghabrahat nahi ho rahi thi
"achhi matlab? kahi tum mujhe pasand to nahi karne lage" wo meri khichai karte hue boli
"are jo pasand hota hai wohi to achha lagta hai na" maine bola
"to kis tarah pasand karte ho tum mujhe" usne puchha
"ek achhe dost ki tarah" maine bola "kya tum meri dost banogi"
"main to kab se tumse dosti karna chahti thi lekin tum hi dur bhagte rahe, chalo aaj se hum dost hue wo bhi pakke wale ok" wo boli
"done...." main bola
"to phir party kab de rahe ho apni nai dosti ki" wo boli
"jab tum kaho..." main bola
"ok to kal college ka off hai to chalte hai kahin ghumne" wo boli
"thik hai...." main bola
phir hum dono ne hi apne mobile number exchange kiye aur phir usne bataya ki uske ghar me uske papa mummy aur wo tin log hi hai ek badi bahan hai jiski shadi ho chuki hai aur bhai nahi hai aur uske papa ek government school me principle hai aur unki duty koi 100 km dur hai wo month me ek ya do baar hi ghar aa pate hai isliye jyadatar uski mummy aur wo hi ghar par hote hai aur aise hi bato bato me uska ghar aa gaya to mujhe yakin hi nahi hua ki uska ghar hamare ghar se koi 500 meter ki hi duri par tha
"are tum yahan rahti ho" mere muh se nikla
"haan kyon..." usne puchha
"are main bhi to yahin rahta hu, wo thoda aage jo mandir hai na uske samne hi to mera ghar hai, mujhe to yakin nahi ho raha hai ki itne paas rah kar bhi yahan kabhi nahi mile" main bola
"chalo ab to milte hi rahenge" wo boli aur phir bye karke apne ghar chale gai
aur idhar main bhi aaj bahut khush tha ki ladkiyo ke prati jo meri jhijhak thi wo kam hone lagi thi
