Horror AAFAT

[AnkurKumar3456]

Mehul itna kehke chala jaata hain vaha se, aur Parul ghusse me apni heel patak deti hain farsh pe, aur apni saheliyon ko aankhe dikhake, vaha se chali jaati hain. In saare ghatnao ko chupke se dekhti hui Arpita, Parul ki plan ko chaupat hote dekh, muskurane lagti hain. Mann ke kisi kone mein voh yakeen kar rahi thi ke shayad Neha ki aatma ne hi yeh sab ki ho!

Is raat ke ghatna ka natija yeh hua ke, agle din Prom mein na Mehul hissa leta hain aur nahi Parul, hala ke use ladko se offer bahut aye the. Lekin shart ko haarne ke vajah se mood itna off ho chuki thi ke, usne apni naam hi dance se vapas leli thi.

Ek baat to thi, ke us ghatna ke baad Parul phir ek baar Neha ke khayal mann me laane ke liye majboor ho gayi, lekin voh zyada yakeen ke saath kuch keh nahi pa rahi thi.

............

Yunhi kuch din beet jaate hain, na Neha ki koi zikar hui aur na hi Rashid Khan ne koi update diya. Lekin ek baat hai, har ek raat Prakash aur Damini aksar chinta me guzarne lage. Jahaan Prakash ko police ki chaanvin ka darr tha, vaha dusre aur Damini bhi kuch asahaj mehsoos karne lagi sote vakt bhi.

Aksar Damini ko yehi sapne aati rehti thi ke Neha achanak kamre ke darwaze ko todke, seedha haath me ek churi liye uspe hamla kar rahi thi, ya achanak kahin se prakat hoke, gala daba rahi thi. Kuch aise sapno se ab pareshan si hone lagi Damini, lekin baante bhi to kisse? Prakash se? Jo pehle se hi pareshan tha.

Khair, aaj raat Damini ko vaise bhi neend bhi bahut kam aa rahi thi, pehli baar use yeh ehsaas ho rahi thi ke apne bhatiji ki maut ke liye, voh bhi utna hi zimidar thi, jitna ki uska pati. Drawyer me se neend ki goli ki davai bas lene hi vali thi, ke tabhi kisi ladki ki siskiyon ki awaaz uski kaan tak aati hain. Maano, koi ladki phut phut ke ro rahi ho.

Siskiyon ki awaaz itni kareeb se sunke Damini ki dil tezi se dhadak uthi. Aakhir, ghar pe uske aur Prakash ke alava tha hi kaun!

Kuch sochti hui, Damini chupke se bistar se uthke, apne kamre ki darwaza kholne lagi. Ab un siskiyon ki awaaz itni uchi sunayi dene lagi, jaise ronewali ladki ghar me hi kahin kisi kone me thi. Bahut hi khauffnaak lamha lag raha tha, kyonki Damini ko rone ki awaaz to bharpoor aa rahi thi, lekin use yeh samajh nahi aa rahi thi ke kahaan se aur kaun thi voh!

"Kaun hai yaha?????" kuch ucha kehke Damini phir dhire dhire yaha se vaha jaa hi rahi thi, ke tabhi achanak use ehsaas hui ke siskiyon ki awaaz rasoi se aa rahi thi. Hairan hoti hui voh dhire dhire chalke aakhirkar jab rasoi pahuchi, to nazron ko ghumake dekhne lagi. Tabhi achanak se Damini ko ehsaas hui ke awaaz ki disha ek khaas jagah se aa rahi thi.

Voh jagah thi fridge!

Apne sandeh ko yakeen me badalne ke liye Damini fridge tak dhire dhire chalne lagti hain aur jaise jaise siskiyon ki awaaz badthi gayi, vaise vaise uska dil bhi zoron se dhadakne lag gayi. Raat ke us thandai me bhi maathe pe bharpoor pasina liye, Damini apni kaampte huye haath ko handle tak kaise bhi karke le jaati hain.

Fridge ko bahut haule se kholne lagi Damini aur aakhirkar jaise hi darwaza khul jaata hain, andar ka nazara dekhke Damini ki rooh kaamp uthi aur uske mooh se ek cheekh nikal jaati hain "aaaaaahhhhhhhh yeh nahiiii ho sakta!!!!!!!"

Fridge ke andar ek ladki, ghutno ko modke, kaali ghaneri zulfon se apne sar ko chupaye roye jaa rahi thi. Kapdo ke naam pe usne ek safed gown pehni hui thi aur mooh ghutno ke darmiyan chupi hui thi. Yeh adhbut nazara dekhke Damini ki dil zoron se dhadak uth rahi thi aur uski aankhein badi badi ho jaati hain.

Damini : kkkk kkaun ho tum????

Ladki roti gayi.....

Damini : bbolte kkkyon nahi????? Kaun hooo tum????? (Khauff se pasina pasina hoke)

Tabhi, voh ladki rona band kar deti hain aur jaise hi apni mooh upar kar leti hain, Damini ki haal aur battar hone lagi.

Ladki Neha hi thi!

Lekin Neha ke chehre ko dekhke Damini ki dil zoron se dhadki hi jaa rahi thi. Uski aankhe khooni laal the aur chehra barf saman safed, hairat ki baat yeh thi ke uski aankhon se khoon uski gaalon tak ansoo jaise beh rahe the, isse Neha ki chehra aur bhi bhayank dikh rahi thi.

Damini : (hosh khoke, piche sadak jaati hain) Nnneehahaaa??????

Neha ki aatma : (ruasi hoke) chachi! Chachi! bahut bhookh lagi hai (Sisakke)

Damini : yyyeeeh nahi ho saktaaa.... Neha....tum to..... nahi!

Neha ki aatma : chachi! Aao na... paas aao!!! (Ruasi hone ka natak karti hui)

Damini : (dhadakte dil ke saath) bbbeti...ttt...tteerii haatttya me meri KKK koi haath nahii thiiiii....jj..jane de mujhe!

Lekin Neha apni zidd me atal thi. Apni safed haathon ko failaye, apne chachi ko bulaye jaa rahi thi. Damini un safed ungliyon pe lage lambe lal nakhuno ko dekhke, apni santulan khone lagi thi. Aisi aafat kabhi sapne me bhi nahi ayi thi kabhi!

Neha ki aatma : bhookh lagi hai chachi! (Ruasi hone ka natak kar rahi thi) kuch do na!!! Yaha aisa kuch bhi nahi hai.....

Damini ghabrake fridge ka darwaza band karne hi vali thi ke tabhi Neha uski kohni ko jakad leti hain, jisse Damini ekdam se ghabra jaati hai "naahiii!!! Jaaanne do mujheee!!!! Naaahiiiiii Neha!". Lekin Neha ki chehra ka bhav achanak badal jaati hain. Apni chachi ki kohni ko pakdte huye, achanak uski chehre pe khushi aane lagi.

Damini to vaise hi khauff me thi, lekin uski darr hadd se tab guzri, jab Neha uski hatheli ko apne mooh ke aur nazdeek laake, foran chamre par apni naukile daant dhass deti hain aur hatheli ke maas ko dhire dhire khaane lagti hain. Is ehsaas se Damini cheekh padi dard se, lekin apni hatheli ko chura nahi payi.

Neha bahut hi dhime se haath ke maas ko chabati hui, vaha se saare ke saare khoon choosne lagi. Phir hua yun ke Damini jaisi hi zor lagaye haath ko choorane ki koshish ki, vaise hi Neha bhi ziddi bacchi ki tarah us hatheli ko apni mooh se jakde huye khichne lagi.

Neha us hatheli ko apni mooh me itni bhar chuki thi ke, Damini jaise jaise apne kohni ko piche ki aur khichti gayi, vaise vaise uski hatheli ki haddi me hulchule hui, aur tabhi Neha krodhit hoti hui, puri hatheli ko kohni se alag kar deti hain, mooh se khichke!

"Aaaaaaaaaaaaaaaaaarghhh!!!"

Hatheli jaise hi alag hoke puri jism se nikal aayi, kohni ke ant hisse se khoon ka ek leher niche zameen par girne lagi aur Damini pagalo ki tarah cheekhti gayi. Vaha, fridge me bethi Neha pyar se ab us hatheli ko pura ka pura mooh ke andar ghusa deti hain aur awazein nikal nikalke chabane lagi.

Haath ko nivale ki tarah chabati hui, honton pe muskaan laake Neha apni khooni laal aankhein aur daanton ko dikhake apni chachi ko gaur se dekhne lagti hain.

Kate huye haath to ek taraf, lekin Neha ki yeh roop dekhke Damini ki jaise pairo tale zameen hi khisak gayi thi. Puri haath ko haddiyan samet khaake Neha ek halki dakkar maarti hain aur phir ek baar aur ruasi hone ka natak karne lagi "chacchi.....chachii...abhi bhi bhookh lagi hai!!!!!!"

Damini vaha se ghabrake, bas bhaagne hi wali thi ke Neha uski kamar ko jakadke ek jhatke me use fridge ke andar leleti hain aur darwaza apne aap bandh ho jaata hain. Andher rasoi ghar me bandh fridge me se Damini ki zoron ki cheekh bas sunayi di rahi thi aur saath saath kuch niwala chabane ki awaazein.

Saath hi saath, fridge ke andar se khoon ki ek taazi leher bahaar behene lagi aur kuch pal ke baad awaazein ruk jaati hain aur mahol vapas shant hone laga rasoi me.

........

Agle subah :

Neend se kaise bhi uthke, ubasi lete vakt Prakash ko ek bahut hi taaza ghinoni gandh aane laga pure kamre me. Gandh se ghinn aake, voh foran bistar se uth jaata hain aur apne patni ko awaaz dene lag jaata hain "Damini???? DAMINI KAHA HO??????? EEEUUSSH!!!!" Badbu se pareshan hoke, rumal se apna naak sikudke Prakash apne kamre me se nikal jaata hain aur nikalte hi is baar aur taaza taaza badbu ka gandh uske naak tak aane lagta hain.

"Yeh badbu kaha se aa raha hai!! Eeeshh...uhgh kahin....." Tabhi Prakash ka sandeh rasoi ke aur jaata hain. Use yakeen hone lag gaya ke badbu vahi se hi aa rahi thi.

Naak pe rumaal lagaye aur tez dhadakte dil liye, Prakash dhire dhire rasoi ke vaha jaane laga. Dhime dhime kadmo se chalke, aakhir jaise hi voh rasoi pahuch jaata hain, use atyant hairani hua.

Fridge ke ird gird farsh par sukhe gaye khoon the aur badbu ki asli jad voh fridge hi lag raha tha!

Prakash rumal ko naak pe lagaye, niche jhukke us laal rang ke paani ko jaise hi parkha, to uske hosh ud gaye. Voh khoon hi tha. "Yeh kkyaa hhai yeh ssab?? Yyeehh yaaha..." Ab Prakash ka nazar upar fridge pe tik gaya, jaha se badbu behad taaza aa raha tha. Kaise bhi karke, voh farsh pe se uth jaata hain aur tez dhadakte dil ke saath apne haath kaise bhi karke handle tak le aata hain.

Khair, aakhirkar haath handle tak pahuch hi jaata hain, aur jaise hi Prakash fridge darwaze ko khol deta hain, uske mooh se ek zordaar cheekh nikal aata hain aur pairo tale zameen takreeban khisak hi jaata hain.

"AAAAAH!! NAAAHII yehhhh nahi ho sakta NAAAHIII!!!"

 

[AnkurKumar3456]

Bane rahiye agle bhaag ke liye!

 

[AnkurKumar3456]

Bhaag 17

Fridge ke andar ka nazara dekhke Prakash andar se hil jaata hain, aur kaafi had tak hosh bhi khone laga.

Andar Damini ki laash leti hui thi, lekin uski halat aisi thi jaise kisi janwar ne aadhe adhure khaake chor diya ho aur jism ki kuch kuch bhaag to dikhe hi nahi, jaise pairo ke talwe aur hatheliyan aur sabse bhayanak avastha thi uski chehre ki, jahaan se aankhen gayab thi aur honton se leke jabra pura khaya hua nazar aa rahi thi, jis vajah se kuch had tak kankal ka nichla hissa bhi dikhe jaa rahi thi.

Damini ki laash ki itni bhayanak avastha dekhkar Prakash sahem jaata hain aur use yeh samajh nahi aa raha tha ke pehle apne santulan ko sambhale ya laash ko thikane lagaye. Filhal bas rumal se naak sikhudke khada raha.

"Yyyeeh kya!! Nahi.....yeh hhua kkkaise??? Oh!!! ......lekin... ab is laash ka kya karoon???". Prakash ko Damini ki is tarah maut ke karan janne se zyada, yeh zaroori samjha ke kaise bhi karke laash ko jald se jald thikane lagaya jaye, taaki koi lafde me na aajaye. Lekin, mann me yeh sawal bhi bharpoor tha ke aakhir aisi halat ki kisne? Kya isme jaanwar ya insaan ki haath thi? Aakhir raat ko uske patni ke saath hui kya thi?

Lekin jawab Prakash ke soch ke pare tha, kyonki Neha ki aatma ki bhatakne ka zara sa bhi andaza use nahi tha. Tabhi usi vakt, darwaze ki bell baj uthi.

Ding dong!

Tez dhadakte dil ke saath Prakash kuch ghabra jaata hain aur foran, fridge ka darwaza band karke, farsh par carpet bicha ke, pure rasoi me room spray laga deta hain. Vaha bell dubara baj utha.

Kuch had tak khud ko tasalli deke, Prakash apne huliye ko thik karke, darwaze tak pahuch jaata hain. Khulte hi, use ek aadmi nazar aaya. Dikhne me voh koi courierwala lag raha tha, aur haath me ek madhyam aakar ka baksa bhi tha.

Courierwala : Mr Mehra! Aaapke liye parcel!

Prakash : (hairan hoke) parcel?? Kahan se aaya hain?

Courierwala : sahab, yeh to malum nahi, lekin stock me aap ke naam ka yeh parcel mila hain, isliye....

Prakash : thik hai! Thik hai! Lao....

Prakash parcel le leta hain aur sign karne ke liye jaise hi pen uthake hastakshar karne wala tha, to courierwale ki nazar uske ungliyon pe gaur karne laga, jahaan pe kuch khoon ke katre sukhe sukhe nazar aa rahe the.

Prakash : (sign khatam karke) aise kya dekh raha hai? Nikal yaha se!

Us aadmi ke jaane ke baad, Prakash jhat se darwaza band kar deta hain aur kuch hairan hoke bakse ki aur dekhne laga. Baksa kuch zyada bhaari to nahi tha, lekin rahasyajanak zaroor tha. Bina, kisi vilamb kiye, voh foran bakse ko kholne lagta hain. Khulte hi uske aankhe andar ke cheezon ko dekhke kuch chaunk sa jaata hain.

Bakse ke andar kuch chocolates the aur ek card jispar likha tha "mere pyare Chachaji!"!

Yeh sab dekhke Prakash hairan ho jaata hain aur phir use yaad aata hain ke kis tarah voh Neha ke liye aksar chocolates aur greeting card le jaya karta tha, hostel ke dino aur Neha bhi kabhi kabhi use card likhti thi. Yeh sochke Prakash ka dil kamp utha aur darr darr ke, card ko uthake jaise hi use khola, to voh andar hi andar hil jaata hain ghabrake.

Card ke andar ek cartooni tasveer thi, jahaan ek rakshas ek aadmi ka gala ghont raha hain aur uske baju ke panne me lal rang se kuch aisa likha hua tha :

"Chachaji! Maut ka saamna karne ke liye tayyar ho??"

Kaampte huye haathon se padhne ke baad Jab Prakash ne yeh gaur kiya ke lekhani koi lal pen se nahi, balki khoon ke katre se ki gayi ho, to foran voh card ko phaad deta hain aur voh baksa chocolates samet table pe se niche gira deta hain. "YEH KYA BEHUDA MAZAK HAI???" Ghusse me Prakash mini bar ke rack pe rakhe bottlo ko bhi gira deta hain.

"NEHA MAR CHUKI HAI! phir....yeh sab kaise...nahi....."

Kuch sochke, Prakash foran courier office phone karne lagta hain.

Courier service : hello!

Prakash : main Prakash Mehra baat kar raha hoon! Aap ke yaha se mujhe ek parcel bheja gaya hain!

Courier service : ummm ek min.....haan! Jee bheja to gaya hain!

Prakash : main source janna chahta hoon! ABHI KE ABHI! (ghusse me)

Courier service : (kuch derh baad) dekhiye, yeh ek ajeeb si baat hai, humne subah hi 50 parcels ke list banaye the, lekin final packing me, pata nahi 51 kaise ho gaya! Khair, dekhiye...parcel aapke hi adress ka tha, isliye courier to karna hi para! Anything else sir?

Praksh phone cut karke, apne dusre haath me patakne laga "Shit! Kahin yeh behuda mazak un do haramzado ki to nahi? Agar aisa hai to unki carreer ka kher nahi!. Swabhavik taur pe uske mann me Arpita aur Mehul aane lage. Lekin, Prakash ko malum nahi tha ke kuch hi der me ek aur musibat gale parne wala tha uska!

Achanak tabhi, phone baj utha aur screen pe Parul ka naam dekhkar Prakash kuch hairan hone laga.

Prakash : Parul? Tum?

Parul : (apni zulfon ke lut ke saath khelti hui kamre me) hmmm! Mujhe itni jaldi bhool gaye aap?

Prakash : faltu ki bakwas kam karo, aur yeh batao phone kyon kiya?

Parul : ab kya karu sir! Kuch pocket money ki zaroorat padh gayi thi, isliye daddy ko phone kiya! (Tease karke)

Prakash : bakwas band karo! Kis baat ke paise??

Parul : aap shayad bhul rahe hain ke, main aapka raazdaar hoon! So, Mr Prakash....please co-operate! Aap mujhe thode se aur paise de dijiye, mmmm yehi kuch 5 laakh! Ummm thik hai? (Masoom banne ki dhong karke)

Prakash : 5 lakh???? Tumhe maine pehle hi 2 lakh de diya hai! Ab yeh kya bak rahi ho???

Parul : hmmm! Well..... thik hai, mat dijiye! Main jaake police ko aapke baare me sab bata dungi! Phir.....bhale main jail jaaon, aap bhi nahi bachoge!

Prakash : is baare me baadme baat karenge, rakhta hoon!

Call cut karke Prakash ab ghusse me apne phone ko switch off hi kar deta hain aur uska sabse bada chinta yeh tha ke kaise bhi ho, raat ko Damini ko thikana lagaya jaye, kyonki ghar me aise sade huye laash ko rakha bhi kab tak jaa sakta tha.

Lekin, in sab baaton ko chorke jo sabse ahem baat thi, voh yeh tha ke uske patni ka yeh hashar hua, to hua kaise aakhir! Achanak se use Manglu ki kahin gayi baatein yaad aane lag gayi. Kaise voh baar baar Neha ki dafan ka zikar kiye jaa raha tha, aur kaise 'abhishaap' aur 'bargad ke ped' jaise shabdo ka istimal kar raha tha.

Hamesha yatharth sochne wala Prakash aaj pehli baar in adhbut baaton ko yaad karke ghabrane laga tha. "Lekin.....lekin yeh kaise mumkin ho sakta hai?? Ek laash achanak se......Nahi!.... Uffff..kuch samajh nahi aa raha hai!". Apne sar khujate huye Prakash zindagi me pehli baar aisi aafat se guzar raha tha. Lekin filhal use pne patni ke laash ko thikane lagane ki koi tarqeeb sochne laga. Vaise bhi subah subah yeh kaam mukammal kiya nahi jaa sakta tha. Use kisi bhi halat pe raat ka intezar karna hi tha.

Foran Prakash office phone karke apne saare appointments cancel kar deta hain aur khud ke liye ek drink banake, besabri se raat ka intezar karne laga.

................

Kuch ghante baad, college me :

"Tum sach keh rahi ho?? Amazing Arpita!" Mehul hairan hoke bola, lekin khushi se. Classes bunk karke, dono garden me hi aise hi ghoom rahe the, kyonki Neha ke mamle dono kuch dino se bahut bechain the.

Arpita : bilkul sach! Us wardboy ko maine pata liya! Kuch paise use transfer kar diye....voh ladka khush hoke mujhe Manglu se milne ka ek khaas time bataya!

Mehul : Arpita, tum apne guzre huye saheli ke liye jo kuch bhi kar rahi ho, kaash Neha dekh pati yeh sab!

Arpita : you know Mehul! Jab se is naye officer ka phone aya ke voh phir se file open kar raha hai! Main aur utsahit mehsoos karne lagi! Neha meri acchi saheli thi, main uski maut pe insaaf chahti hoon, bas!

Mehul : pata nahi, yeh Manglu kya kya jaanta hai! Lekin kaafi kuch jaanta hai, yeh to pakka hai!

Arpita : exactly! Aur yeh nek kaam kal dophar ko hi hoga! Ab hum saare ke saare raaz jaan ke hi rahenge Mehul!

Kuch pal tak yunhi baatein karke, dono class ke aur ravana hone lage.

.................

Raat ko, bina vilamb kiye Prakash apne biwi ki laash ko leke gadi me nikal jaata hain. Bas, garage se gaadi nikaale ravana hone hi wala tha ke tabhi, saamne se ek jeep aata hua nazar aaya. Prakash ne gaur kiya to pata chala ke jeep me se nikalne wala aur koi nahi, balki Rashid Khan hi tha.

Maathe se pasina pochke, Prakash gaadi se nikal jaata hain aur seedha jaake inspector Khan ke nazdeek khada ho jaata hain.

Prakash : aap...is vakt? (Rumal se matha pochke)

Rashid Khan : lagta hai, galat samay dastak de diya maine! Kahin jaa rahe the aap?

Prakash : voh....aise hi ek dost ke ghar jaa raha....

Rashid Khan : are yeh kya, thandi raat me pasina kyon? Is everything okay?

Prakash : aap kyon aaye hain! Agar aap bata de....to badi meherbani hoga!

Rashid Khan : haan! Aapko ek khush khabri deni hai! Ab lagta hain Miss Neha Mehra ke kaatil ko hum jald se jald pakad lenge!

Prakash : (aankhe chaudi karke) kaatil?? Kya keh rahe hai aap? Kaun??

Rashid Khan : jee haan Mr Mehra! Aapke bhatiji ka accident nahi, khoon hua hai! Main dave ke saath keh sakta hoon.... Vaise, bhi inspector Shah apko kaafi gumrah kar chuke hain! Lekin... ab main aa gaya hoon, Neha Mehra ke case ko solve zaroor karunga! (Kaide se muskurake)

Prakash : oh.....thik hai, thank you inspector...

Rashid Khan : (phir se Prakash ko maatha pochte huye dekhke) oh sorry! Aapka vakt lene ke liye maafi chahta hoon! Vaise....yeh message main whatsapp bhi kar sakta tha aapko, lekin aamna saamna hoke baatein karne me maza hi alag hai! (Muskurake) anyways, goodnight Mr Mehra!

Inspector Khan ke jaane ke baad, Prakash zara sa bhi risk nahi lena chahta tha. Bina vilamb kiye, usne foran Damini ki laash ke bori ko nikalke, ghar tak ghasitte huye leke gaya aur store room me lejaake,bori me se laash ko nikalke, gaur se sochne laga.

Damini ki aadhi adhuri khayi hui jism ko dekhke Prakash ko zoron se ubki aane laga aur voh mann hi mann thaan leta hain is kisse ko khatam karne ki. Bina sakoch kiye, voh puri laash pe ghaslet chirakne lagta hain aur ek maachis ki teeli jalake, ek aakhri baar apne patni ko dekhne laga.

Kabhi sapne me bhi Prakash ne socha nahi hoga ke uspe aisi aafat aa sakta hain. Apne aankhen band karke aur dil pe patthar rakhke, voh jalti teeli ko laash par phenk deta hain aur hamesha ke liye Damini ko alvida keh deta hain.

Apne patni ki jalti hui laash ko dekhke, Prakash ko dukh to bahut hua, lekin khud pe kabu karke, apne aap ko sambhalne lag jaata hain.

Kuch pal ke baad, pasine se latpat jism aur tez dhadakte huye dil liye, Prakash store room se bahaar nikal jaata hai. Aaj usne voh kaam kiya, jis kaam ko voh shayad sapne me bhi nahi kar sakta tha. Lekin, kamina bhi itna tha, ke is baat ka sukoon bhi lene laga, ke jaydaat ab uske akele ka tha.

Lekin, Prakash ko andaza bhi nahi tha ke door khidki pe Neha muskurati hui apne chacha ko gaur se dekhte jaa rahi thi. Agar Prakash galti se bhi khidki ke aur dekhta to use apni guzri hui bhatiji ki muskurati hui chehre me naukile danton ka darshan ho jaata.

Apne chacha ko bebas aur pareshan dekhke, Neha khushi khushi vaha se gayab ho jaati hain.

.................

Agle din dophar ko, bina koi vilamb kiye Mehul aur Arpita hospital ki aur ravana ho jaate hain. Dono ke dil mein Manglu se bahut se sawalo ke jawab janne ki umeed thi. Pahuchte hi, foran Arpita us wardboy ko message karti hain.

Tabhi ek 19 se 20 saal ka ladka aata hain aur Mehul aur Arpita, dono ko ek alag raste se upar ke manzil pe le jaate hain. Aakhirkar dono Manglu ke ward me pahuch jaate hain. Un dono ko fir ek baar dekhke Manglu hairan tha.

Manglu : aap log?? Phir see...

Mehul : kaka, please hume sab thik thaak bataiye! Neha ke baare me aap kya jaante hain! Please bataiye.

Arpita : kya kahin se bhi isme Prakash Mehra ka haath hai?? Agar hai to bata dijiye! Main aapse vada karti hoon, police aapko kuch nahi karega!

Manglu duvidha me pad gaya. Voh is baat ko apne tak hi rakhna chahta tha, lekin baccho ko dekhke, uska dil pighalne laga. Kam se kam zindagi me ek punya ka kaam voh karna chahta tha, marne se pehle.

Mehul : chup mat rahiye!!! PLEASE KAKA!"

Arpita Mehul ke peeth pe haath rakhke, use shant kar deti hain, ke tabhi Manglu ke mooh se kuch sisak sunayi diya. Dono uske aur mud jaate hain. Aakhirkar Manglu ab dono ko saari baatein batane ka faisla kar leta hain.

 

[AnkurKumar3456]

Bane rahiye doston!

 

[Amar kumar Mohanty]

Nice story

 

[AnkurKumar3456]

Bhaag 18

Mehul aur Arpita gaur se Manglu ko dekhe jaa raha tha ke tabhi Manglu ke honton me hilchul hui.

Manglu : bete! Neha bitiya ke saath bahut bura hua! Bahut hi bura hua....(aankhe mund ke)

Arpita : (tez dhadkan liye) kya kya hua uske saath? Saaf saaf batayiye kaka!

Manglu : Beta, us din, bitiya ke janamdin ke jashn ke baad.......

Manglu dono ko us bhayank raat ke saare ke saare ghatnaye batane lag gaya. Prakash ke haiwaniayat se leke Aashish ke shamil hone tak, sab kuch. Saari baaton ko sunke, Mehul aur Arpita ke aankhe bade hone lage aur dono ko jaise ek mansik dhakka lag jaata hain, jab Manglu is baat ka zikar karta hain ke, Neha ke balatkaar ke baad Prakash ne use kaise behrehmi se maar daala tha.

Saari baatein sunke, Arpita ki aankhon se ek lamba katra ansoo gir pari aur dil ko ek thes dhakka lagti hain. Mehul, jise pehle hi Prakash pe shaq tha, ab sau guna zyada ghussa hone laga us aadmi pe. Apne haath ko mutthi me kasske, deewar pe ek kass ke mukka maarta hain "THAT BASTARD!!!".

Arpita : (Mehul ko sambhalti hui) bas karo, hospital hai yeh....(aansoo pochti hui) control karo khudko!

Mehul : bas Arpita! Bas....(krodhit hoke) tum mere aur us haramzade ke beech me nahi aogi!!!! I am gonna kill that son of bitch!

Arpita kuch kehne hi wali thi ke tabhi, Manglu bol utha "bete! Prakash sahab ne vaise bhi khud pe ek aafat laa diya hai!". Dono foran Manglu ko dekhne lage.

Arpita : (hairani se) aafat? Kaisi aafat??

Manglu : bitiya, ab tumse kaise kahoon! Tum log, aaj ke yuva peedi ho! Shayad meri baatein tumhe vishwas hi na ho!......(gambhir hoke dono ko baari baari dekhne laga) lekin, yeh baat utni hi sach hai, jitna ke maujud tum dono!

Mehul : saaf saaf batayiye kaka!

Manglu : bete, yaha se kareeb 6 kms doori pe ek veeran jungle aata hain. Prakash seth ne bitiya ko us jungle ke jis zameen me dafnaya hai, voh.......voh shrapit hain!

Yeh sunke dono Mehul aur Arpita ke aankhe chaude ho jaate hain.

Mehul : shrapit zameen??? Kya bakwas kiye jaa rahee hai aap??

Arpita : kaka, kehna kya chahte hai aap? (Kautohol hoke)

Manglu : beta! Neha bitiya......(lambi saas leke) Neha bitiya vapas aagayi hai!!!

Arpita : KYA??? Kya keh rahe hai aap??

Mehul kuch keh nahi saka, bas aankhe bade karke Manglu ko dekhne laga. Uske kaano pe suni baat, abhi bhi yakeen nahi ho raha tha.

Manglu : uski aatma bahut bhayanak ho gayi hai bete!... Use ab rokna namumkin hai! Aur......meri is halat ke piche, usi ka haath hai!!! .... Neha bitiya jahaan bhi jayegi, bas aafat le ayegi!! Bas...aafat le ayegi! (Gambhir hoke gehre saas lene laga)

Arpita : (glass me paani bharke, Manglu ko pilane lagi) kaka.... aap jo kuch bhi keh rahe hain, anhonee si lag rahi hai.....bhala aisa kabhi....

Manglu : (glass se mooh hatake) tum log mera yakeen karo!!!! Iska ka ek hi samadhan hai....us laash ko zameen se nikaalke, jala do!!! Bhasm kar do bitiya ke laash ko...kyonki jab tak voh jungle ke us hisse me dafan rahegi, uski aatma keval aatank phelayegi!

Mehul : kaka, jungle ke kaun se hissa??

Arpita : haan kaka, kaun sa hissa? Bataiye hume!

Manglu : bitiya... voh badga....AAAAHHH! Aaaaaghhh.......

Achanak Manglu sisak utha zor se aur bistar pe vapas khud ko gira deta hain. Usko aisa laga jaise koi uske jism ke andar haath daalke dil ko daboch raha ho. Manglu pagalo ki tarah hilne laga aur chillane laga, jisse foran kamre me doctor ka pravesh hone lagta hain.

Arpita aur Mehul Manglu ko is avastha me dekhke, hairani se piche hat jaate hain aur doctor jee tod koshish karke Manglu ko sambalne me lag gaya, lekin voh cheekhta gaya dard se.

Kuch pal aur cheekhne ke baad, Manglu ka jism dheela pad jaata hain aur uske mooh se khoon ka ek chota leher bahaar aa jaata hain. Uske haal dekhke doctor ko pura tasalli ho gaya ke Manglu mar chuka tha. Pehle se hi hairan Mehul aur Arpita ab aur bhi pareshan ho gaye, kyonki Manglu apne baat ko pura nahi kar paya tha.

Shaam tak, dono apne apne hostel laut jaate hain, lekin pure raste me Mehul aur Arpita ne ek dusre se zara bhi vartalab nahi kiya. Manglu ke kahin gayi baaton ko sunke dono ko ab tak yakeen nahi ho pa raha tha. Neha ke vishay pe sunke, maano dono ke pairo se zameen khisak chuki ho. Jahaan ek taraf Mehul mayus apne bistar pe leta hua tha, vaha dusre aur Arpita baar baar Neha ki photo ko dekhi jaa rahi thi.

Photo ko dekhke, Arpita baar baar Manglu ke kahin gayi baaton ko sochne lag jaati hain, ke kya aisa ho sakta hai bhala? Kya aatmaye sach me hoti hain, aur kya voh itne bhayank bhi hote hain?....

Hala ke Arpita ke mann mein yeh baat barkakar thi ke us din prom ke pehle ki raat me Parul ko satane mein Neha ki aatma ka hi haath thi, lekin phir bhi kahin sawal use satane lagi. Tabhi achanak, photo me Neha ki chehre ki bhav thodi badal jaati hain. Jahaan, voh khush thi, achanak ekdam se krodh ka bhav aa jaati hain. Photo me is tabdili ko dekhke Arpita chaunk jaati hain aur uske haath se frame niche gir jaati hain. Jab ghabrahat kam hui, to voh niche jhukke jaise hi tute huye frame ko uthati hain, uski hairani badh gayi kyonki photo me Neha ke chehre ka bhav vapas normal hasmukh ho gayi thi.

Kuch ghante beet jaate hain aur Mehul ek baar phir, kaafi dino ke baad us ped ke paas jaata hain, jis ped ke chav tale aksar voh aur Neha yuhi betha karte the aur kabhi kabhi ek dusre ko pyar jatate the. Aaj itne dino baad Neha ki zikr se uska mann dukhi ho gaya tha aur voh vahi chav ke tale phir ek baar beth jaata hain. Aankhen mundke purane din ko yaad karne me magan ho jaata hain Mehul aur apne mobile ke gallery me se Neha ki ek dilkash tasveer ko dekhne lag jaata hain.

 

[AnkurKumar3456]

Tabhi achanak tasveer me Neha ka roop badalne lag gayi. Uski zulfe lambi hoti gayi aur chehre pe ek safedi chaa gayi, saath hi saath, aankhe lal aur khoon se latpat. Photo me Neha ki yeh huliya dekhke Mehul chaunk jaata hain aur apne aankhe tatolke phir ek baar photo ko dekhne laga, lekin vapas photo normal ho chuki thi.

Mehul ko ab sach me lagne laga ke bahut badi gadbad shayad ho chuki hain aur yehi jazbaat Arpita ki bhi thi, kyonki kahin na kahin use atmao aur preto ke kathan pe vishwaas thi, isliye Manglu ki baatein pe use ab haule haule yakeen hone lagi thi, lekin is baat ka use dukh thi ke Manglu ek ehm baat pura nahi kar paya.

Vaha, apne kamre me Mehul apne yaadon me khoya hua tha, tabhi uske phone pe Arpita ki call aati hain.

Mehul : kaho Arpita!

Arpita : Mehul, mujhe Manglu ke baaton pe abhi bhi yakeen nahi ho rahi hain!

Mehul : in sab baaton pe mujhe kabhi yakeen nahi tha, aur nahi, kabhi iccha ya ruchi thi. Lekin....aaj aisi anhonee vishay pe sochne pe majboor ho raha hoon!

Arpita : is tarah chup bethne se kuch nahi hoga! Hume foran....

Arpita apni baat puri karne hi wali thi ke uski darwaze par dastak hoti hain. "Mehul main baad me phone karti hoon!" Phone cut karke, voh dhime se darwaza kholne jaati hain.

Darwaza khulte hi Arpita ki nazar ek kaala chashma pehna hua adher umar ke aadmi se hoti hain, jise voh pehle kabhi nahi dekhi thi. Yeh koi aur nahi balki inspector Rashid Khan hi the. Bade adab ke saath voh bola "Miss Arpita aap hi hain?"

Arpita : jee, aap?

Rashid Khan : bande ko Rashid khan kehte hain! Main Inspector Shah ke badle me join hua hoon! Aur....(chashma nikalke) Neha Mehra ki case ko main hi dekh raha hoon!

Arpita use andar le aati hain aur dono itmenan se aamne saamne beth jaate hain. Rashid ne gaur kiya ke Arpita ki aankhon me bahut kuch jhalak rahi thi, peeda, dukh aur hairat.

Rashid Khan : Miss Arpita, puri hostel ka yeh kehna hai ke aap Miss Mehra ki acchi dost rahi hain! Voh aapki roommate bhi thi.

Arpita : jee! (Haule se)

Rashid Khan : maine bahut tehkikat kiya! Aur ab main dave ke saath keh sakta hoon ke aapki saheli ka accident nahi, balki murder hua hai!

Arpita, jise sacchai barkhubi malum ho gayi thi, kuch zyada react nahi kar payi, bas seedhe seedhe keh diya "jee haan, main janti hoon!".

Ab hairani ki baari Khan ki thi "kya?? Aap janti hain?"

Arpita : jee haan...aur yeh bhi janti hoon ke (kuch rukke) kaatil kaun hai!

Rashid Khan : (gambhir hoke) kaun?

Arpita : (lambi saas leke) Prakash Mehra! Neha ki uncle..

Rashid Khan : (kuch khaas hairan nahi hua) oh I see!.... Yeh to kamal ka breaking news hai!

Arpita : lekin....

Rashid Khan : lekin kya miss Arpita?

Arpita : hum ise sabit nahi kar payenge! ....kyonki.......

Rashid Khan : khulke batayiye please! Dekhiye aap police ki madat nahi karengi, to kaun karega!

Arpita : (apni jagah se uthke, yaha se vaha tahelne lagi) main aapko khulke batati hoon....

Arpita Manglu ke kahin gayi har ek baat, party ki puri dastaan se leke, kate huye haath ke hadse tak, sab kuch bata deti hain inspector Khan ko. Saari baaton ko sunke, Rashid ke aankhe chaude ho gaye aur kuch pal sochke, hasne lage.

Arpita : aap has rahe hain?

Rashid Khan : aap ne kaha, aapke saheli ke laash ko thikane lagane wala Prakash hi tha, yaha tak thik hai! Lekin...yeh laash ka vapas aana aur is tarah tabahi aur aafat failana, yeh kuch zyada ho gaya!

Arpita : mujhe khud bhi yakeen nahi ho raha hai, lekin Aashish ka maut pe agar kisi ki haath ho sakti hain, to voh Neha hi hogi! Kyonki Prakash Mehra ke saath saath Aashish bhi is balatkaar me shamil tha!

Rashid Khan : hmmm I see.... To, ab hume yeh sabit karna hai ke Neha ki katal me usi ke uncle ka haath tha! ...khair, raat bahut ho gaya hain.....kal aap ek baar police station ayenge, fir chai pe charcha karte karte, hum ek nateeje pe ayenge! Goodnight!

Inspector Khan ke chale jaane ke baad Arpita ab aur bechain ho uthi. Neha ke baare me Manglu se sunke, use yeh samajh nahi aa rahi thi ke use khauff ke maare darni chahiye ya saheli ke vapas aane ki khushi ke ansoo chalkana chahiye.

Lekin Arpita ne door door tak nahi sochi thi ke Neha jab aatma ki roop me ayegi bhi, to itni zyada bahayanak hoke. Na jaane kyon achanak use Parul ki khayal aayi aur mann hi mann muskurayi. Hala ke yeh muskurahat vaasna aur vilaas ki nahi thi, balki ek gehri ghav par marham ki thi.

.............

Jahaan ek taraf Arpita apni soch me doobi hui thi, vaha hostel mein dusre aur, warden ke office mein ek dastak hoti hain.

"Ma'am may I come in?" Yeh awaaz ek ladki ki thi, jo Ramola ke cabin ke chaukhat pe khadi thi. Iske jawab mein Ramola use andar aane ki ijazat de deti hain.

Ramola : yes?

Ladki : ma'am, aaj meri birthday hai! So.....agar aap ijazat de to, kya main apne friends ke saath....bahaar...

Ramola : (muskurake) ofcoarse! Lekin suno, dont be too late! Rules ka khayal rakhna! Okay?

Ladki : (khushi se hairan hoke) ma'am...aap ne mujhe permission de di! Isse badi khush khabdi aur kya ho sakti hai! Thank you!

Voh ladki uthke khushi khushi cabin se bahaar nikal jaati hain aur Ramola apni jagah pe muskuraye jaa rahi thi, tabhi cabin ke washroom me se ek aurat nikalti hain, hand towel se sar ko pochti hui.

 

[AnkurKumar3456]

Hairani ki baat yeh thi ke washroom se nikalke vali aurat asli Ramola thi. Voh jaise hi ek nazar apni kursi pe gayi jo ekdam khaali thi, aur phir pure kamre ke aur.

"Aisa kyon lag rahi hai ke jaise kamre me koi tha....aur yeh emergency bhi kab lag jaye, kambakht pata bhi nahi chalti! (Pet pe haath pherke) aur apni kursi pe beth jaati hain, lekin baar baar uski dimaag me yehi chal rahi thi ke jaise kuch hi pal pehle koi aur betha hua tha kursi pe.

Khair, dusre aur, voh ladki Ramola ke cabin se nikalke khushi khushi apni kamre me jaake, jhoomti hui apni roommate ke gale mil jaati hain. Voh roommate aur koi nahi balki Parul thi!

Parul : Heyy relax! Badi phudak rahi hai tu!

Ladki : kyon nahi hongi Parul! Us khadoos ne permission de di mujhe bahaar jaane ke liye!! (Foran apni baalon ko savarne lagi)

Parul : really?? Ramola ka dil itni badi ho gayi, yeh mujhe malum nahi thi!

Ladki : khair jo bhi ho! Permission to mil gayi hai!! Anyway....main to chali! Aake tujhe apni romantic dastaan sunaungi! (Honton ko dabake, unme gloss lagane lagi)

Apne roommate ko tayyar hote dekh, Parul kuch hairan to zaroor hui, kyonki Ramola itni bhi dariya dil nahi thi ladkiyon ko hostel ke bahaar bhejne ke mamle mein. Lekin fir, is baare me aur zyada soch vichar nahi ki usne.

.......

Kuch pal ke baad :

"Okay Parul! shayad aadhi raat tak laut ke aajaoon! Byee!!!" Itna kehke voh ladki matakke room se nikal jaati hain aur use dekh,. Parul halki si apni khud ki tanhai me frustrate hoke, kamre ka darwaza de deti hain.

"Ek yeh kutiya! Aur ek tanhai mein jhulasti mein! Hmmm...lagta hain jald se jald ek ladke ko pata hi lu!" Khud se baatein karte karte, Parul apni towel liye washroom ghus jaati hain. Hamesha ki tarah aadat se majboor, raat ko ek baar sone se pehle, voh nahane zaroor jaati thi.

Bathroom pahuchke, ek ek karke apni kapde utaarne lagi Parul aur aakhirkar purn nagn hoke shower ke tale khadi ho jaati hain. Uski naram mulayam honton mein hamesha ki tarah ek gungunahat thi.

Jaise hi paani ki boondon ki baarish jism ko choone lagi, vaise vaise Parul apni jism ki ek ek ang ko sabun lagaye sehlane lag jaati hain. Aam jaise stan se leke niche kase huye jaanghon tak, aur phir vaha se upar apni gale aur hathon tak. Isi tarah Parul apni puri jism ki anand leti hui nahati thi. Honton pe rumani geet gungunate huye voh apni lambe gesuo pe shampoo lagane lagi.

Sab kuch thik hi chal raha tha, ke tabhi Parul ko achanak aise lagne lagi ke jaise uski zulfon pe, uske apne haathon ke alava do aur haath ghum rahe the aur voh bhi shampoo ko male jaa rahe the. Is ehsaas se, ekdam se chaunke Parul apni khud ki haathon ko rok leti hain aur jab piche dekhti hain, to shower ke ird gird uske alava aur koi nahi thi. Hairan hoke, phir ek baar apne baalon ko shampoo se malne me vyast ho jaati hain.

Parul is ehsaas ko apni bhram samajh ke, vapas gungunane lagti hain ke tabhi uski sudol aur mulayam tango pe do anjaane se haath ghoomne lage aur vah ke mulayam twacha ko sehlane lag jaate hain. Taango pe haathon ke ehsaas se Parul phir ek baar chaunke niche dekhti hain, lekin kuch bhi nazar nahi aayai use. "Fuck! yeh taangon pe gudgudee ki ehsaas kyon ho rahi thi?" Hairani se Parul soch rahi thi aur jaise hi vapas aankhe mundke nahane lagi, uski peeth ke piche se ek haath aake uski ek stan ki nipple ko zor se madod deti hain, jisse Parul dard se dhime se cheekh uthi aur is baar chintit bhav se apne aju baju dekhne lagi.

Shower of bandh karke, apni jism me towel lapetke, Parul in sab baaton ko apni bhram samajhne lagi aur apni baal ko sukhane ke liye ek choti si towel liye, aine ke saamne khadi ho gayi. Baalon ko towel se ragadne ke baad, jaise hi usne towel ko aazad ki, uski aankhe chaudi ho gayi. "SHIT!!! EEEUHH!" bahut zyada chaunk gayi thi Parul.

Pure ke pure baal paani se nahi, balki khoon se sukhe huye the. Yaha tak ki, uski bheegi lato se khoon ki boond bhi niche tapak rahi thi. Ghabrake Parul foran apni choti si towel ko dekhti hain aur hairanjanak, usme khoon ke mote mote dhabbe the. Jaise maano, khoon mein towel ko dooboya gaya ho.

"DAMNIT, WHAT THE....F..!" Ekdam se cheekhti hui Parul us towel ko phenk deti hain aur apni khoon se latpat haathon ko hairani se dekhne lagti hain. Jhat se, bina kisi soch vichaar kiye, voh basin tak daudke, foran apni haathon ko dhone lagi aur aakhirkar saaf sutre haathon ko dekhke, ek rahat ki saas leli.

"What the hell...yeh sab kya ho raha hai mere saath??" Mann me sawal liye Parul khud se puchne lag jaati hain aur dua karne lagi ke uski mann ki santulan salamat rahe. Khair, ab khud ko kaise bhi shant karke, Parul vapas apne baalon ko savarne me lag jaati hain ke tabhi kamre me achanak se light chali jaati hain.

Ek jhatke me kamre ko andhere me aate dekh, thodi si chaunke, Parul yaha vaha dekhne lag gayi aur towel ko badan se lipte, apni mobile ki torch ke sahare seedhe jaake main switch board ko gaur se dekhne lagi. Hairat ki baat yeh thi, ke board me sab kuch normal tha aur kahin koi loose circuit bhi nahi thi. Is baar, bahut zyada hairani liye Parul yaha vaha dekhne lag jaati hain, aur uska dil ab pehle se bhi kahin zyada zoron se dhadak rahi thi.

 

[AnkurKumar3456]

Tabhi, ek awaaz uske kaano me gunj uthi "Paarul! Paaaarul!" Ek ladki ki koyel jaisi awaaz, lekin awaaz itni meethi ki gayi thi ke Parul ka us ladki ko pehchan nahi payi.

Hairani se Parul yaha vaha dekhne lagi "kkkaaun??? Kaun hai??". Lekin, koi jawab hi nahi aayi. Achanak Parul ko apni bathroom se shower ki awaaz aane lagi, maano koi abhi is vakt naha rahi thi, saath hi saath kuch halke halke gungunane ki awaaz bhi aa rahi thi, usi gaane pe jispar kuch pal pehle Parul khud gunguna rahi thi.

"Kya...??? Kaun hai vah....." Hairan hoke Parul apni bathroom ki aur badhne lag jaati hain, tez dhadakte dil liye.

Lekin, aakhir yeh ho kaisa sakti hai? Sochne lahi Parul. Jaise taise voh bathroom tak pahuch jaati hain aur hairanjanak bathroom andar se band thi. Thodi si hichkahat ke bavajud, voh zoron se khatkhatane lagi.

"Kaun hai andar!???!! Damnit! Kaun hai????? Baahaar niklo!!" Parul ko kuch had tak aise lagne lagi jaise, yeh hostel ki hi kisi ladki ki shararat ho, lekin nischit hone ke liye, voh darwaze ko khatkhati gayi, lekin andar koi ladki nahaye jaa rahi thi, gungunati hui.

Ekdam andher kamre me, ek anjaan ladki ki nahane ki awaaz se Parul ekdam sahemi reh jaati hain. Use kuch bhi samajh main hi nahi aa rahi thi ke aakhir yeh ho kya rahi thi. Lekin phir hua yun ke, andar se darwaza apne aap halka sa khul jaata hain, jise dekhke Parul aur zyada hairan hui. Kuch pal yuhi khadi khadi dekhti gayi, lekin phir himmat jutake, darwaze ko kholke andar dekhne lagi.

"Wwwho the hell is here??? Kkkaun hain yaha???" Bathroom ke andar shower to chal rahi thi, lekin koi ladki andar maujood hi nahi thi!

"Yeeehhh....kkya...hhho rahhi hhai...main pakka kisi ko gungunate huye suni thi!" Soch me doobe Parul andar aake shower band kar deti hain aur phir yaha vaha dekhne lag jaati hain. Kuch pal ke baad, voh bathroom se bahaar aajati hain aur achanak uski nazre door khidki pe chipak gayi, jahaan ek safed gown pehni hui ladki uske taraf peeth karke bahaar dekh rahi thi. Ladki ke baal lambe aur thodi ghane the aur kareeb jaangho tak aayi hui thi.

"Kaaaun??? Kaun hai vaha???" Tez dhadakte dil liye Parul dhire dhire us piche mudi hui ladki ki aur jaati rahi. Haule haule kadam the, kyonki andar hi andar voh bahut dari hui thi, lekin chahe jitni baar awaaz di, us ladki ne piche mudke dekhi bhi nahi. Chalte chalte, Parul bas kuch hi doori pe aake tham jaati hain aur phir ek baar himmat jutake puchne lagi "kkkkaaauun hoo tttumm???".

Kuch pal yunhi khidki ke aur dekhne ke baad, achanak kuch aisa hua jisse dekh Parul ke pairo tale zameen hi khisak gayi. Voh ladki hasne lag jaati hain aur uski shakal, gardan samet puri 360 degree ghum jaati hain Parul ki aur. Voh ladki Neha hi thi! Jo safed sa chehra liye, apne naukile danton ko dikhake hasi jaa rahi thi Parul ko dekhkar.

"NAAAHII!!! NAHI... TTTUMM???" Neha darr ke maare piche hat jaati hain, ek to yeh ghoome huye gardan aur upar se Neha ki aisi bhayank roop dekhke. Neha ki aankhen ekdam laal aur khoonkhar lag rahi thi aur achanak hasi rokke, voh puchne lagi

"Kaisi ho Parul?? Miss kiya mujhe? Hehehehehehe!"

"Maine kaha tha na main vapas aa gayi hoon! Hehehe! Chalo, aajao mere paas!". Neha gehri saansen leti hui, Parul ki aur muskurake dekhne lagti hain, lekin safed se chehre pe naukile danton ke vajah se muskaan itni khaufnaak thi ke Parul bhaag bhi nahi paa rahi thi dehshat ke maare. Bas vahi ke vahi safed dil liye sehmi hui khadi rahi "ttttuuum??? Nnneehahaaa a...... Nehaaa...... tum....kaise.....?????".

Parul ke mooh se alfaaz mushkil se nikal rahe the, ke tabhi Neha apni ek haath ko aage karne lagi aur uski lambe laal laal nakhuno ko dekhke Parul ki aankhe bhay me badi ho gayi aur "naaahiiiiii!!!!" chillati hui, vaha se bhaagke seedhe bathroom me ghus gayi aur andar se latch laga deti hain.

Ek lambi saas leke, Parul dhire se darwaze ki aur jaake, apni kaan vaha pe chipka leti hai, lekin koi bhi awaaz nahi aayi. Apne tez dhadakte dil ko shant karti hui, voh basin pe apni haathon ko thamke, foran nal kholke, niche jhuk gayi aur khud pe paani chalkane lagi.

"Uffff! baap re...." thodi si rahat liye Parul ki mann shant ho jaati hain.

Kuch aur paani chalkane ke baad, voh sar ko upar kiye, apne aap ko aine me dekhne lagi, ke tabhi achanak hua yun ke aine me Parul ki pratibimb dhire dhire Neha ki roop me badal gayi, jise dekh Parul phir ek baar cheekh padti hain aur Neha apni ghinoni daanton ko dikhake, vapas hasne lagti hain.

Parul : Nnehhaa!! Mmmaine tumhe nahi maara! Jaane do mmujhe!!!!! Pppleaaase!!

Neha kuch kahi nahi, bas jawab me hasti gayi, khilli udati gayi Parul ki, aine ke us paar se. "Nahi!!!!! Yeh nahi ho sakta....PLEASE CHALI JAAO!!! JAAOO YAAHAA SE!!!!!" Jaise jaise Parul cheekhti gayi, vaise vaise Neha aur hasti gayi.

Kuch derh tak aur yunhi haste huye, Neha Parul ke cheekh ko rokne ka faisla karti hain aur apnin ek lambi haatheli ko kholke, aine ke sheeshe ko chidte huye, seedha Parul ki mooh pe dhass deti hain.


Neha ki thandi si sakht haath ko apne chehre pe chipke mehsoos karke, Parul ko ek gehra ghutan mehsoos hoti hain. Voh laakh koshish ki lekin, chehre pe ungliyon ke phailne se, kuch bol nahi payi, yahaan tak ke apni cheekhen bhi thik se nikaal nahi paayi. Neha ki khuli hui haath uski chehre pe chipki rahi aur tabhi uski haath aur Parul k chehre ke darmiyan halke halke dhuye nikalne lag jaati hain.

Chehre pe harmi mehsoos karte huye, Parul ki aankhen badi badi ho jaati hain aur use aisi mehsoos hui ke jaisi uski chehra jal rahi ho tez garmi se. Parul ke chehre pe haath ko kass ke chipkaye, Neha ki khoonkhar aankhe bade bade nazar aa rahe the aur chehre pe bahut krodh thi.

Dekhte hi dekhte Parul ki chehra ungliyon ke darmiyan kaali kaali hoti gayi jaise ki garmi se jalti jaa rahi ho. Kuch pal ke baad, Neha apni haath ko hata deti hain aur Parul ko azaad karke achanak gayab ho gayi. Parul, jiski aankhen khauff se bandh the, apne chehre pe bahut zyada jalan mehsoos karke khul jaati hain aur jaise hi Parul ne aina dekhi, uski cheekh zor se nikal aayi "nnnnaaahhhiii!!!! Yyyeeeh kaaaisee... NAAAAHIIII."

Aine me Parul ne gaur ki ke uski chehre puri ke puri jal chuki thi aur charo taraf tez ghav ke nishan bhi ban chuke the aur puri chehra aisi ho gayi thi ke maano kisi ne tezaab phenk di ho. Apni chehre ki aisi hashar dekhke Parul chillati gayi aur uski aankhe chehre ke dard se nam hone lag gayi. Dard aur bhay ke maare, voh ek shampoo ka bottle uthaye, seedhe aaine pe de maarti hain zor se, jisse sheesha tukdo me aajate hain.

 

[AnkurKumar3456]

"Aaaaahh aaaaaas ssssss". Chehre pe tez jalan liye, Parul bahut kamzor mehsoos karti hain aur bathroom se nikalke apni bistar pe let jaati hain. Tezaabi jalan chehre ko aisi bana di thi ke ab haule haule naak aur kaan aur yaha tak ke jabre me se chamri pighalke niche girne lag gayi thi.

Dard se binbinata hui Parul bistar pe jaise lete lete khud ko aaram dilane lag jaati hain, tabhi takiye ke ird gird se bistar ke gadde ko chidti hui aajati hain Neha ki dono haath! Jo ek jhatke me Parul ke gale ko zor se dabane lag jaati hain. Jale huye chehre se pareshan Parul ab apni gardan ko Neha ki giraft se churane ki koshish karne lagi, lekin bechari kuch kar nahi payi.

Aisa kabhi sapne me bhi shayad nahi hui thi, jo ab haqeekat me Parul ke saath ho rahi thi. Neha ki dono haathon ke lambe nakhun gardan pe dhass jaati haib aur haath the ke apne giraft ko gale pe jamaye rakhe. "Naaaahiiii!!!! Naaaahiiii uurgghhhhh!" Parul pehle se hi dard liye huye, ab zyada der tak is naye dard ko bardaasht nahi kar payi aur agle hi pal uski saas hamesha ke liye ruk jaati hain.

Pure kamre me vapas ek sukoon ka mahol ban jaata hain.

Parul ko maar daalke, Neha ki haath gale se azaad hoke, vapas gadde ke andar jaake gayab ho jaate hain. Andhere kamre me foran light vapas aajati hain aur Parul ki laash jale huye chehra liye vahi bistar me padi rahi.