Update-36
“ek din samajh jayega… waise Tea’se Me coffee house chalega… hot chocolate khaane ? jiju mujhe wahi le jaa rahe hai…?”
“no.. nope… never… hot chocolate toh sirf starbeans me badhiya milta hai, baki toh saale copy karte hai… aur jaa na jaldi se…. apna timepass aur mera time waste mat kar…”
Sanjana ke waha se jaane ke baad maine Ved ko call kiya… khada toh Ved baahar hee tha, par fir bhi maine call kiya... kyunki jo balance mere mobile me tha.. uski validity aaj khatm hone waali thi.. isliye wo waise bhi waste ho jaata. So, maine call kiya
.
.
“bike kyun rok di…”maine jhatke se bike roki toh Ved mere upar Vetal ki tarah latak gaya
“wo dekh Starbeans…”
“toh waha daru thodi milega…?”
“daruha sale… utar gadi se… hot chocolate khaate hai, chal …”
“kya hai ye… hot chocolate… ek chocolate lenge , sale garam karke pighala denge aur fir doodh , shakkar me dekar 500 rupaye per cup denge…”
“tujhe chahiye ya nahi…?”
Jispar Ved ne haan me apni gardan hilaayi… hum dono Katni pahuch chuke the, jaha se Rewa ab kuch ghanto ki hee doori par tha. Katni me jab hume Starbeans khula dikha toh main aur Ved uske andar ghuse….
“ye dekh hum dono ki Lord EL Dorado ke sath Jabalpur ki photo… badhiya hai na..? insta me dalunga”ek chair kheechkar mobile mujhe dete hue Ved bola…
“Instagram me kyun daal raha hai aur sale facebook me bhi share aur kar raha hai… ”
“kyun kya hua…”
“baapu ji dekh liye toh… beda paar…”
“bol dena ki photoshop kiya hu… khush ho jayenge , editing skill dekh kar”
“bhaiya… 2 hot chocolate….”maine do hot chocolate ka order de diya ….
.
.
“bhai, aaj hee gate se bahar aayega naa...? ki do-teen din mujhe intezaar karna padega…?”
Sanjana ke jaane ke baad maine school ke andar se hee Ved ko call kiya toh Ved bhadak utha…
“I’m cumming….”
.
“Ved se baat hui….?”school ke main gate ke baahar aakar maine puchha
“bsdk, mere se hee na baat kar raha hai… main hee Ved hoon”
“arey sorry, mera matlab Ranjan se baat hui….?”
“haan… wo ghar chala gaya tha lunch break me…. Uske baap ki ladyai ho gayi thi ek Sardar ji se dhabe me… koyi khass nahi hai, khana khane ke baad paisa nahi de raha tha. kahi baat jyada naa badh jaye isliye dhabe me kaam karne walo ne Ranjan ko call kar diya… baat hui hai meri us-se. sham ko aayega wo, yadi time mila toh….”
“chal fir....”
School se ghar aane ke baad main maa ko apni bahaduri ke bade-bade kisse sunane laga ki kaise maine akele... bilkul akele... apne dum me donation campaign chala kar bees hazar se bhi jyada rupaye Sanjana ki maa ke ilaaz ke liye jama kar liya, kaise Gupta ji ko apna jhootha birthday batakar unse bach gaya tha…. Yahi sab batate hue maine unse bike bhi mangi. Par unhone shayad suna nahi.... TV dekhte hue matar chhilne me wo shayad itni magan thi ki unhone meri bakwas par shayad dhyaan hee nahi diya.... jiska fayda uthate hue maine bowl me se ek mutthi bharkar matar ke daano kko chupke se churaya aur turant gapp kar gaya....
“Mommy....”
“kya bakwas kiye jaa raha hai, itni der se...”
“Mooomy...”
“kya chahiye tujhe...?”
“bike....” bolkar maine wapas apna hath matar ke daano ki taraf badhaya...
Socha tha ki is baar bhi main apni is dakaiti me kamyab ho jaunga par bike ka naam sunte hee pahle meri maa ne meri taraf dekha aur fir matar ke daano ki taraf badhte hue mere hath ko.... unhone turant mere hath pe hath de maara....
“kya hai yeeee... Atharva... aur ye matar itna kam kaise ho gaya...”
“Ab tv dekhne me busy rahogi toh kaam kaha se hoga...”daant me fase matar ke ekat daano ko chabate hue maine kaha aur fir jab yaad aaya toh chori pakde jaane ke dar se muh chalana band kar diya...
“usme kida hai shayad....”bolkar maine apna hath bowl ki taraf badhaya aur jhat se ek mutthi matar nikal kar , meri maa kuch kahti, kuch karti ... uske pahle hee gap kar gaya aur Mom ke gusse se dekhne par apna daant dikha diya...
“ab dobara mat lena...”
Jiske baad main waha se utha aur bowl me se teebara ek mautthi matar ke daane nikalkar kha liya aur Mom kuch kahti uske pahle hee main bol pada...
“bike chahiye...”
“kaha jayega....?”
“Sanjay Gandhi... Sanjana ki maa ko dekhne jaane ke liye…”
pahle toh wo taiyar nahi hui isliye on the spot ek background story banani padi ki Sanjana mujhse tab tak baat nahi karegi, jab tak main hospital jakar uski maa se nahi milta…. Jiske baad thoda aur jor dene par meri maa maan gayi aur main bike lekar hospital ke liye ravana hua… lekin Sanjay Gandhi hospital ke liye nahi, balki Vindhya hospital ke liye… jaha Riya ki maa ki kidney stone ki surgery hui thi…
.
WAISE PAHLE MAIN BHI RIYA KE BEHAVIOUR KO LEKAR….. BC, CAPS LOCK ON HO GAYA…. Waise pahle main bhi Riya ke behaviour ko lekar confuse tha ki wo ekdum se aise kyun kar rahi hai, matlab maine toh daru peekar sirf thoda ulti-seedhi baat kiya tha, maal-vaal bol diya tha.. bas… mera ye zurm itna bhi sangeen nahi tha ki Riya ekdum se baat karna hee band kar de… maine school me toh ispe jyada dhyan nahi diya kyunki Sanjana aur Gupta ji ne mere dimag ko divert karke rakha hua tha par jab Lunch break me Madhu ne mujhe Riya ki maa ke kidney stone ke bare me bataya aur maine is par gaur kiya, chizo ko analyse kiya tab mujhe ahsaas hua ki kyun Riya mujhe itna chidhi hui hai…
actually wo kal ki baat ko lekar mujhse naraz nahi thi… matlab thoda bahut thi par mukhya Kaaran ye tha ki main aaj school me subah se Sanjana ki maa ke peechhe pada tha par Riya ki maa ke haalat ki mujhe bhanak bhi nahi thi… islliye wo mujhpaar bhadki hui thi. ab isme meri kya galti hai...? Riya ko mujhe batana chahiye tha… Sanjana toh mere ghar ke paas rahti hai + usne mujhe personally apni maa ke hemodialysis ke bare me bataya tha + aaj usne meri izzat ko taar-taar kar diya tha school me seedhiyo ke paas jiske karan maine wo donation wala pura kaand kiya… warna main wo sab karta hee nahi… infact, hafto se Sanjana ki maa Sanjay Gandhi me admit thi lekin main unse abhi tak milne ek baar bhi nahi gaya tha.
Riya shayad meri isi ignorance ke karan naraz ho gayi thi, ya fir koyi dusara kaaran tha… ye maloom karne kaa sirf ek hee raasta tha aur usi raaste par main apni bike is samay dauda raha tha… main beech me ek dukan par ruka aur Dairy milk ka bada wala packet Riya ke liye liya aur jab jaane laga toh dukan wale ne mujhe aawaz dekar kaha ki ek aur naya chocolate market me aaya hai, dairy milk se bhi badhiya…. Ab mera itna budget nahi tha ki main pahle ek chocolate sample ke taur par khareed kar use pahle taste karu aur pasand aane par fir Riya ke liye ek aur kharid lu… isliye maine bina taste kiye dusara packet bhi kharid liya…
.
“hiiii…”
“Atharva…. Tune mujhe kyun call kiya.. maine bataya tha na ki mujhe call mat karna, main khud tujhe call karungi…”dusari side se Madhu boli “anyway, bata toh... what am I doing right now…? Nahi bata paaya na... chal acha, main hee bata deti hu, main naa… wo pani-puri kha rahi hu… tujhe khana hai toh tu bhi aaaja…”
“kitna bolti hai Madhu tu bhi…”
“dekh mere se jyada akad mat, jaroorat tujhe hai meri… na ki mujhe teri… bio me 75 me se 73 number aaye the mere…”
“toh…?”
“toh tune quiz ke liye hee call kiya hai na... ki main tere sath participate karungi ya nahi…?”
“quiz ke liye…? Arey haan… usi ke liye kiya hai… toh kya socha aapne…”
“abhi main pani-puri kha rahi hu, fir Starbeans me hot chocolate aur fir tu mujhe call karna… tab main tujhe bataungi aur mere hot chocolate ke paise tujhe dene padenge… mujh jaisi intelligent ladki ke liye itna toh kar hee sakta hai tu…”
“bilkul... kyun nahi… ye bhi koyi kahne ki baat hai”Vindhya Hospital ke bahar khade hokar apni khali ho chuki jeb me hath daalte hue maine kaha… “waise ek aur kaam tha aapse…”
“ek aur kaam… kaisa kaam ? dekh main kuch galat nahi karungi… samjha na… main us type ki ladki nahi hu”
..
..
akhir best friend jo hai .. yunhi hazar do hazar de dega 
:
teen ladkiyo me se ek hai... Lead role me hai wo
By the way, where is Rajan?
Keep it up 
chalo nahi feki.. toh nahi feki... par mujhe dekh ulta wo muskurayi.... 
