- 26,068
- 25,033
- 304
Chapter-9: Hot Chocolate
Update-35
Update-35
School khatm hone ke baad main aur Ved, Ranjan ko dhoondhane uski class me gaye.. jaha ek taraf Jafar mujhe ghoor raha tha toh dusari taraf Riya…. Nope.. aisa bikul nahi tha. Riya ne nazaar utha kar ek baar meri taraf dekhi tak nahi, fir ghoorna toh bahut door ki baat hai. Wo toh maine aise hee flow-flow me kah diya… afterall, I’m The Narrator. so, Jafar ko maine ignore kiya aur Riya ne mujhe... Waise bhi ye is samay best tha, yaahi hona bhi chaahiye tha… kyunki mujhe is samay sirf aur sirf Ranjan se kaam tha aur yadi Riya bhi mujhe ghoorti toh mera man vichlit ho sakta tha aur isi ke sath meri yojna bhi...
“Ranjan kaha…?”bio ki class se bahar nikalte hue ek ladke se maine pucha…
“mujhe kya malum, wo sala mera dost thodi hai… donation ke chalte ek jhapad maara mujhe, subah... tu chutiya, Ranjan Chutiya”bolte hue wo chala gaya
“Ranjan ko dekha kya…?”maine ek aur ladke ko pakda…
“hath chhod mera, nahi toh hath tod dunga…. Saale ki ungaiya ke nishaan abhi tak mere gaal par hai.. tu gandmara... tera dost Ranjan gandmara”bolkar wo bhi chalta bana…
“Ved, ye bio walo ko kya ho gaya hai, dhang se baat hee nahi kar rahe…”
“ Jafar hero hai inka aur us-se tune aaj ladayi ki hai + Ranan ne pela bhi inko… itna toh normal hai…”
“achchha ye baat hai… lekin mujhe pata hai ki kaun mujhe Ranjan ke bare me batayega… aur sala ye Ranjan bina bataye gaya kaha… Karan Naik se dar toh nahi gaya…”class se bahar nikal railing se apna pichhwada tika-kar main bola…
Is dauran Riya bhi class se nikli aur ek pal ke liye hum dono ki nazare mili aur fir wo apne raaste ho li aur main wahi khada use waha se jate hue dekhta raha.
“Madhu… ek minute…”jab thodi der baad Madhu class se nikli toh maine uska naam pukara…
“Atharva….”usne bhi mera naam pukara
“tu quiz me meri team ka hissa banegi…? Physics, chemistry ke liye koyi tension nahi…lekin bio se tere ek jaisi intelligent ladki chahiye…”
“main na , tujhe soch ke batati hu, abhi mujhe Mini ke yaha jaana hai fir main aur Mini gup-chup aur hot chocolate khane jayenge.. fir main jab ghar aaungi toh yoga karungi tab is baare me sochungi aur tujhe call karke bata dungi… okkkkkkkkkkk...”
“okkkkkkkk”
“ par yadi call nahi ki toh tu mujhe call karke pareshan mat karne lagna ki , meri quiz team me aa jao… tujhe toh pata hee hoga ki last year bio me mere 75 me 73 number aaye the aur bio me main bahut intelligent hu… lekin iska matlab ye nahi ki tu jo bolega main wo karungi… mujhe pareshan mat karna call karke, warna main Principal sir se complain kar dungi teri... samjha…”
“maaaaadhaarchod…”Madhu ki baat sun Ved badbadaya aur main apni aankho ke sath-sath apna sar malne laga
“ kuch bola kya tune.... Vedu…?”
“Vedu...? what the fuuuu....”main hansa
“tu kyun hans raha hai Bhattu....”
“Bhattu..? what the fuuuu...”abki baar Ved hansa
“Vedu... bata naaaaa kya bola....”hum dono ke chup-chap aise hasne se pareshan hokar Madhu boli
“meri kya majaal jo main aapke saamne kuch bolu… waise Ranjan ko dekha hai kya aapne…?”Madhu ke muh se Vedu sun ... Ved khud par control karke seedhe point pe aaya
“yahi school me dekha hai…”
“kab…?”Ved ne puchha
“jab wo lunch me donation collect karne ke baad aaya tha”
“kaha gaya…? Kuch pata hai?”
“ghar… shayad…”
“chal thik hai… botal-chor … nikal ab….”
“tu botalchor….. Vedu….”
Madhu ke jaane ke baad main aur Ved gate ki taraf badhe, is dauran humne Ranjan ko kayi baar call kiya… ring toh jaa rahi thi, par Ranjan call receive nahi kar raha tha…
“toh plan cancel…?”mobile jeb me rakhte hue Ved bola
“cancel kyun karenge… tu ek kaam kar , tu gate ke bahar mera intezaaar kar… main Sanjana se milke aata hu…”
“kyunn… ab toh use tujhse milna chahiye… naa ki tujhe , us-se”
“bahut ghamandi hai wo… aage se kabhi baat nahi karegi… ab tujhe hee dekh le, tune jab se us-se baat karna band kiya hai, wo tujhse baat ki kya…? Aur main nahi chahta ki mere sath bhi yahi ho … main faltu ki akad me rishte barbad nahi karta”
“kitni bar bola hai ki , tu thoda akad kar raha kar... anyway, bas 5 min gate ke baahar intezaar karunga tera… itni der me yadi aaya toh thik nahi toh mujhe jo milega main usi ke sath nikal lunga…”
.
Main neeche seedhi ke paas khada ho gaya aur Sanjana ka intezaar karne laga… Sanjana jab apne class se nikli thi toh maine use dekh liya tha, wo akeli apne hee khayalo me khoyi hui seedhiyo se neeche utar rahi thi aur jab wo paas aayi toh main dusari taraf apna chehra karke mobile me kisi se baat karne ki acting karne laga aur kuch der aise hee baat karta raha, jab tak ki wo mere aur paas nahi aa gayi… jaha se wo mujhe sun sake aur meri aawaz sunkar hee mujhe pahchan sake
“Athaaa..rrr...vvvaaa…”lambi-lambi saanse lete hue wo boli aur mera itna sun-na tha ki main turant peechhe palat kar uski taraf khiska
“kyuunn... aakhir aa hee gayi meri yaad…kya bola tha subah ki 5000 ki jaroorat hai… tune 5000 manga, maine char guna de diya aur rahi baat ki jab 2-3 aadmi ek saath aa jayenge toh main tujhe kaise protect karunga… toh ek baat batau, tab tujhe Karan Naik bhi nahi bacha payega… pel toh kal main hee deta use, par fir tera jija hai , soch ke chhod diya…”
“I’m sorry…”kahte hue Sanjana mere oor thoda khiski
Aur use aisa karte dekh mere hontho par ek feeki muskan aa gayi, meri feeki muskan dekh uske hontho pe bhi feeki muskan ki ek lahar daudi… par main us feeki muskan ke peechhe ke sach ko nahi pahchan paaya tha aur pahchanta bhi kaise… mujhe kaise pata hota ki iske aage kya hone wala hai… us pal sanjana ektak mujhe dekhti rahi aur main use… use dekhte hue maine apni ek aankh mali toh uski feeki muskan aur badh gayi… jiske baad main apni dusari aankh malne laga is dauran wo muskurate hue dheere-dheere mere paas aati rahi aur fir itne paas aa gayi ki main idhar-udhar dekhne laga... uski aankhe ab band ho chuki thi aur chehra itne paas ki peechhe se yadi halka sa hawa kaa jhoka bhi aata toh.............
“so gayi kya tu khade-khade.....”Sanjana ko pakadkar jordar tareeke se hilaate hue maine kaha “….chal thik main chalta hoon.. Ved mera bahar intezaar kar raha hai…”
jaise hee mujhe achanak se baahar khada Ved yaad aaya toh main bola aur Sanjana ki aankhe turant khul gayi aur wo ekdum se peechhe hat gayi…
“ paise collect aur count karke maine principal office me pahucha diya hai, tujhe waha se mil jayega…”
“mil gaya mujhe…”
“toh fir main chalu…?”
“kyun, mere sath nahi jayega aaj…”
“ Karan Naik sir bahar intezaar kar rahe hai tera…wo dekh. waise bhi Ved ke sath paidal jaate hue… 2-3 dukan me rukte hue, ladkiya taadte hue, 2- 4 logo se ladte hue, unki maa-behan ek karte hue ghar jaane ka maja hee kuch aur hai… aur tu chahti hai ki main tere sath jaun… jaha tu rapidfire khel-khel ke mujhe kohni maaregi... Nope, babes... waise bhi Ved ko already bahar rukne ka bol chuka hoon aur Atharva Singh daruha ho sakta hai par dhokebaaz nahi...”
“ek peg me ludhak jaata hai aur khud ko daruha bola raha... chal ho gaya. Bye... pahle mujhe jaane de…”
“chal kat le fir…”
“bye dumb-dumb…”
“dumb-dumb kyun bolti hai mujhe tu, itna hoshiyar toh hu main…”
“ek din samajh jayega…”
Last edited:
