Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[KEKIUS MAXIMUS]

sapna ki maut bahut dardbhari thi ??....un alien ko saja milni hi chahiye ....jo hero de sakta hai ...

ansh ne sample le liye hai wo kya karega sach jaankar ??

chirag ka love matter mast tha ??...
jivisha bhi hero se pyar karne lagi hai aisa lagta hai .....

 

[Ssking]

Update:-3​

Idhar Jivisha apne sapney me khoyi apni dil ki baat pure pariwar ko bata rahi thi, aur udhar uski maa ka B.P high hota ja raha tha......


Jivisha jaise he apni baat kah kar aage mudi...... "chatakkkkk.... chatakkkkk" do thappad Jivisha ke gal par....


Pura ghar shocked.... Sab ke muh khule ke khule rah gaye..... butt ban kar jaise sab apni jagah khadey ho....


Himanshu.... Priya, bachon ko koi aise marta hai kya...


Priya.... Himmat to dekho iss ladki ki, sab ke samne kaise besharmon ki tarah kah rahi hai. Jarra bhi sharm na aayi isse. Suniye ji ye aap sab ke lad pyar ka natija hai. Ek he baat hogi yadi ye shadi na hui to main zahar kha lungi....


Himanshu.... Ye kya pagalpan hai Priya....


Jivisha action me aati.... "Bas mukhiya ji bas.... ab no argument... aap sab yahi chahte hain na ki main aap sab ki marji se shadi kar lun, to thik hai bajwaeye dhol, kar dijiye mere hath pile... meri khushi na mili to na sahi, aap sab ki khushiyon ke liye ji lungi"....


Aisa laga jaise background me abhi se he sahnaeyan baj gayi ho. Ghar wale sab khush. Jivisha sab ka chehra dekhti sochne lagi.....


"Kamal hai ye to, maine senty dialogue mare to kisi ne bhi ye na kaha, achha thik hai teri pasand se he shadi karenge. Meri baat ko ulta meri rajamandi samjh kar aise khush ho rahe jaise ladka abhi pass hota to abhi he shadi kara ke vida kar dete. Pagal, ullu, jhalli, barboli kahin ki... aur maar le dialogue"....


Ussi din ladkey aur ladki, dono ne ek dusre ko dekh kar pasand bhi kar liya. Agle din magni tay aur 10 din baad ki tarikh bhi pakki ho gayi.......



Raat ke waqt....


Chirag apni bua ke kamre me aaya aur uske gode me apna sir rakh kar so gaya.... Jivisha uske galon ke chumti puchhne lagi..... "Kya hua mere bache ko, aaj itna gumsum kyon hai"


Chirag, Jivisha ke gal par hath ferte kahne laga..... "Bahut gandi hai dadi, aap ko kitni jor se mara"


Jivisha.... Achha, tab tune kuch kaha kyon nahi, bas chup-chap dekhta raha...


Chirag.... Dadi thi na isliye chhor diya, koi aur hota to chir far deta...


Jivisha.... Basss, bahut badmas ho gaya hai. Yahi sikhaya hai kya maine tujhe...


Chirag.... Haan to, aap ko koi kuch karega to kya main chup rahunga...


Jivisha.... Maar khayega betu, kahi na bass... waise ye bata tu abhi yahan kya kar raha hai... sone nahi gaya.... fir koi presani hai kya...


Chirag..... Di aap kaise sab samjh jati ho....


Jivisha.... Tu to mera bacha hai, tujhe na samjhungi to kise samjhungi...


Chirag..... Di main mathmatics me fail ho gaya. Aaj to aap ke shadi ke baat ke karan bach gaya, lekin kal mamma mujhe mar degi... bacha lo please...


Jivisha.... Tu fail kaise ho gaya.... Fail hone wala to tu nahi tha. Kya karan hai tumhare fail hone ki.


Chirag.... Di tum bhi reason he puchogi, ya mujhe save karogi.


Jivisha, aakhen dikhate.... "Jaldi muh kholo"


Chirag.... Di, wo meri gf fail hoti to uski maa bahut marti, aur uske pass to meri tarah pyari di bhi nahi, jo usse save kar sake, isliye maine paper exchange kar diye. Bahut cute hai wo di, bilkul aap ki tarah.


Jivisha uss ki baat sun kar hasne lagi...... "Bitte bhar ka ho kar abhi se tere pass gf bhi hai"


Idhar Himanshu, subah hui ghatna par apni patni ko sunate huye kahne laga.... "Priya, Jivisha ko mari kyon".


Priya.... Aap ne nahi dekha kaise wo badh-chadh kar bol rahi thi...


Himanshu.... Bachi hai wo... apne armaan humare pass nahi kahegi to kya padosiyon ke pass kahegi. Aur kya burai hai yadi wo apne pasand ke ladkey se shadi karegi...


Priya.... Aap ko to koi bhi baat galat he nahi lagti. Chadha lo usse sir par...


Humanshu.... Had hai, shadi ka matlab beti khush rahe jiske bhi sath rahe. Humara kaam to itna dekhna hai ki ladka wo chune ya hum, bas chunaw galat nahi ho... tabhi to bachi khush rahegi. Kya maa-baap se ladka pasand karne me galti nahi hoti...


Priya.... Haan thik hai samjh gayi, mujhe hath nahi uthana chahiye tha. Lekin mujhe bura laga to hath uth gaya. Gussa kyon nahi aayega aap batao. Aap ko to pata he hai na, Jivisha ke bare me, uski kundli, uski indriyan gyan aur uski alp aayu. Aap bhawnao me bah kar pahle bhi 5 shadi cancel kar chuke ho. Par iss baar nahi Himanshu... Jivisha ki slamati ke liye hume ye shadi kisi tarah karwani he hogi, fir chahe wo mane ya na mane.


Himanshu.... Maan to gayi hai wo, fir kyon itni paresan ho rahi ho....


Priya... Haan, maan gayi hai.... Natunki kar rahi hai nautanki, Jaroor wo apne dimag me kuch khichdi paka rahi hogi...


Humanshu.... Hahaha... to chalo uske dimag ki khichdi kha kar aate hain....


Himanshu aur Priya, dono ke kadam badh chale the Jivisha ke kamre ki ore. Dono jab uske gate par pahunche, tabhi Chirag aur Jivisha ki baten bhi shuru hui thi. Dada, dadi apne pote ki baat par hase bina rah nahi paye.....


Priya, hasti hui ander aayi.... "Ohh hoo, to Bua-Bhatije me ye khichdi pak rahi hai. Kyon re main gandi hun, ruk abhi teri maa ko main teri kartut batati hun".


Chirag jhat se apne dadi ke dono paun pakar kar...... "Nai, nai, nai... dadi please maa ko mat bolna. Janti to ho kitni khukhar hai wo. Main to bas didi ko khush karne ke liye aap ko aisa bol diya. Sachi.... baki aap to meri pyari dadi ho....


Himanshu.... Ha, ha, ha.... Chal ja ab so ja.


Chirag.... Kyon mukhiya ji iss baar Di se private panchayat karne aa gaye....


Jivisha, Chirag ko aankhen dikhati.... "Badmassss.... aisa bolte hain... chal bhag"


Priya.... Beta I am sorry. Gusse me mera hath uth gaya....


Jivisha, apne maa ke gale me dono hath dal kar usse hilati hui kahne lagi.... "Koi na maa, do aur maar lo, mujhe bilkul bura nahi laga. Par.. maaaaaa... ye shadi... please mujhe nahi karni na... fir bhi jabardasti sab tay kar diye. Kya main kisi ke sath bhagi ja rahi thi jo itni jaldi sab kuch tay kar diya...


Himanshu, Apni beti ke sir par hath ferte..... "Aaj na kal, shadi to karni he thi na. Waise ab bhi kuch na hua hai, tumhe agar ab bhi lagta hai ki hum jabardasti kar rahe to main Punya ko bol kar cancel kar deta hun ye rista. Par beta jarra soch... jaise ladkey ki tu talash kar rahi thi wo gun tere hone wale pati me bhi to ho sakta hai na.... sirf iss baat ke liye shadi se inkaar kar dena ki arrange marriage hai, jayaj to nahi"....


Jivisha...... Thoda bura lag raha tha ki aap ne meri feeling nahi suni, bas sab tay kar diya, lekin ab khush hun. Aap ki baat samjh me aa gayi papa, mera prince charm mera hone wala he hai... aur yadi waisa nahi hua to belan se maar-maar ke usse apne khawon ka sahzada bana dungi....


Shadi ke din.....


Sahnaeyan bajna shuru ho gayi thi. Din ke 2 baj kar 22 min ka subh muhrrat nikla tha... Pura ghar saza tha, har koi khush tha. Papa ki aankhen na jane aaj subah se he kyon nam thi... Chhote bhaiya Avinash jo hamesa khinchatani karte rahta tha, na jane usse aaj kya ho gaya tha... bas apni bahan se pyar he jata raha tha.


Maa shadi ki sari rashmon ko pura karne me lagi thi... Bare bhaiya aur bhabhi sare guest ka swagat aur unke dekhbhal me lage the. Ek achhe host ki tarah welcome karne me lage huye the... Mandap saja... barat aayi, Dulhe-Dulhan ki pahli jhalak sab ne jaymala stage par dekhi... Sab ke muh se ek he baat nikal rahi thi... "Kya jodi hai, made for each other"


Jaymala chal rahi thi, Jivisha ko sab upar uthaye the, uska hone wala dulha Shresh usse war-mala dalne ki kosis kar raha tha. Hansi-mazak ka mahol tha, tabhi Shresh ke mobile ki ghanti baji, aur uss ne pick kar ke usse baad me call karne ko kaha.


Kisi ko iss harkat se koi fark nahi para kyonki chhanik mamla tha, Shresh ne ek line msg diya aur uss mahol me ram gaya tha. Lekin ye baat Jivisha ne notice kar li....


Jaymale ke baad wo apne kamre me akeli baithi thi, idhar shadi ke mandap par tab tak rashmen nibhayi ja rahi thi.....


"Kya karun, kisi se kahungi ki ye ladka thik nahi to sab emotional drama karne lagenge. Fir itne sare ristedar, izzat-bejjati.... Bhag Jivisha bhag, itne jhamelon se achha hai ki abhi nikal le. Sab thoda naraj he honge na, koi na apne he ghar ke log hain mana lungi"


Idhar 2 baje pandit ji ne awaz laga di.... "dulhan ko le kar aaeye, vivah ka subh muhrat nikla ja raha hai"


Teen-char ladkiyan gayi Jivisha ke kamre tak, aur sabhi daurti hui wapas aa kar chillane lagi..... "Dulhan apne kamre me nahi hai, wo bhag gayi"......

Fulham bhaag gayi?tqdir me aasman or nam likhne wala Likha hai to ye chhachhundar kese uska hota?

 

[piyanuan]

abhi kafi piche chal rahi hain ye story

 

[Naina]

 

[Black water]

F

Update:-40​

Wo aage badh raha tha. Uski speed unmatched thi. Par jaise he wo Jivisha ke pass pahuncha..... Abhi usne apna hona jahir nahi kiya, lekin Jivisha fir bhi uss ke ore mudi, najren mili, aur fir sab blank.... Jahan me uss ke baad ki tasveer nahi.


"Ye kaise tej-tej sasen le raha hai, tu thik to hai na".... Nischal dhyan laga liya tha jis wajah se uss ki tej-tej sasen chalne lagi thi. Dhyan toot'te he Nandni ke baat ka bina koi jawab diye car ke gate ko pakad kar khada hua.... "ghar chal"


Nandni drive karti..... "Hospital chalun kya"


Nischal..... Nahi hospital gaye to unhe mere bare me pata chal jayega. Tum flat he chalo.


Nandni.... Par Jivisha ke marne se tumhari pasliyan toot gayi, ye baat meri samjh se pare hai.


Nischal.... Ye baat to main bhi samjhne ki kosis kar raha hun ki uss waqt aakhir hua kya tha....


Nandni.... Matlab kya hai tumhare kahne ka. Tumhe yaad nahi kya hua tha?


Nischal…. Mujhe bas itna yaad hai ki main Jivisha ke thik pichhe tha. Uss ke baad Jivisha mere ore mudi hai aur fir yaad nahi kya hua.


Nandni...... Ho sakta hai accident ke waqt jaise dimag kaam karna band kar deta hai aur dimag me thik accident ke waqt ki tasveer nahi hoti, waisa he tumhare sath hua ho..... Lekin baat to ghum fir kar wahi aa jati hai, Jivisha itna tej humla kaise kar sakti hai... Kahin wo Alian to nahi, jis ne tum par humla kiya....


Nischal...... Sahi pakdi ho, ho na ho ye Jivisha ke vesh me alian he tha. Lekin ye un alian me se ek nahi jo Kasak ke room me tha. Ye to bahut he takatwar aur kafi furtila hai. Aur haan, sayad inko ye aabhas ho jata hai ki koi pichhe se aa raha hai....


Nandni..... Agar ye Jivisha alian hai to asli Jivisha kahan hai. Nischal ye sari ghatnayen tumhare aane ke baad he ho rahi hai. Tumhe ne in sab ko humare pichhe lagaya hai.


Nischal...... Nalayak ladki, uss raat jaan bachaya wo bhi bhul gayi, aur ulta mujh par ilzam laga rahi hai.


Nandni..... Tumhi ne karwaya hai to tum kyon nahi jaan bacha sakte, mujhe to ab sari ghantnao me tum par he shaq ho raha hai.


Nischal..... Nandni ek min jarra pass aao.


Nandni.... Pass kyon aana hai, tum ab kya mujhe mar dialoge...


Nischal.... Main to nahi marunga, lekin tumhare sir par ek jahrila kida hai wo tumhe maar dega.


Nandni ne jaise he jahrila kide ke bare me suni, wo dhire-dhhire apne sir ko Nischal ke karib le aayi.... "Dekh kar hatana, kahin ye kida mujhe kate na le"


Jaise he Nandni thoda aage jhuki, waise he "Chatakkkkkk" ek thappad Nandni ke gaal par padi........... "Ummid hai ab akal thikane aa gayi ho, nahi aayi hai to bol main dobaara treatment shuru karun".


Nandni gadi rok kar Nischal par bhadakti usse marne lagi, Nischal usse shant karta dhyan se uss ki baat sun'ne ko kaha. Fir uss ne kal raat Sapna wala kand ko batate huye kahne laga.....


"Bahut he kurur narbhakshi tha wo. Kahin Jivisha ke vesh me wahi narbhakshi to nahi chhipa hua hai".


Jaise he Nischal ne ye samiksha kiya, Nandni ke to paun tale se jamin khisak gayi. Usse Jivisha ki chinta satane lagi..... . "Yadi ye nakli Jivisha hai to asli kahan hai... Kahin usse bhi to Sapna ki tarah" ......


Nischal..... Iss ka pata kaise lagaya ja sakta hai....


Nandni.... Ek takrib hai, tum to kisi ke bhi dimag me jhank sakte ho na to kyon na iss alian wale Jivisha ke man me jhank kar tum dekho....


Nischal.... Lekin iss vidya me main nipun nahi hun.....


Nandni..... Haan to thik hai, tum wo apne guru ji ki kitab le aao. Ho sakta hai hum dono uss par kaam kare to koi naya rasta nikal aaye.


Idhar college me......


Jivisha ko ander se bilkul bhi achha nahi lag raha tha, wo bas issi baat ko soche ja rahi thi ki, bharam wale Nischal ko chot pahunchane ke chakkar me bechara original ko chot lag gayi.


Halanki wo bhi ye tay nahi kar pa rahi thi ki kewal uss ke chhote se dhakke se, aakhir Nischal itni tej gir kaise gaya. Lekin na to khud Jivisha aur na he uske aas-pass logon ko ye aabhash tha ki Jivisha ke ander kya hai aur wo kitna acha ya kitna kharnak ho sakta hai.


Raste bhar wo Nischal ke bare me he sochti rahi. Class ke ander aaj jab Kunal uss ke pass aakar baithne laga to wo usse kahin aur ja kar baithne ke liye bol di. Ander sirf yahi khyal chal raha tha ki Nischal yadi uss ke pass aa kar baith'ta hai to wo usse sorry bol degi.


Khair pure class intzar ke baad bhi jab wo aur Nandni nahi dikhi to Jivisha ko chinta satane lagi. Uss ne turant Nischal ka haal puchne ke liye Nandni ko call laga diya.


Jivisha ka call jab Nandni ke pass pahuncha tab wo dono sabhi baton ki samiksha kar rahe the, aur jaise he guruji ke kitab ki baat samapt hui waise he Jivisha ka call Nandni ke pass aa gaya.


Abhi kis Jivisha ne call ki thi, Asli ya behrupiya Jivisha, iss sachai ka pata lagane ke liye Nandni ne Nischal ke accident ko bahut bara batati Jivisha ko apne ghar bula lee, taki aaj he iss mamle lo nipta liya jaye.


Idhar Sawalker ke upar media aur superiors ka itna jyada pressure aa gaya ki usse iss case ko jald se jald, har haal me solve karna tha. Katil ne apni haiwaniyat ke sath-sath dimag ka bhi saboot diya tha.


Forensic janch kar rahi team ko janch karte 12 ghante ho chuke the par iss case se juda ek bhi surag unke hath nahi laga tha. Sawalker ko rah-rah kar Nischal ki wo harkat yaad aa rahi thi jo usne lash ke upar apna hath rakh kar kiya tha....


Uss ke dimag me ek sandeh sa paida hone laga tha. Usse kahin na kahin ye ehsas ho raha tha ki ho na ho Nischal iss prakar ke mahol se kafi jyada wakif hai. Apne case me help ke irade se Sawalker bhi Nischal se milne uss ke liye Nandni ke flat ke ore chal diya


Jivisha ke Ghar…


Sabhi bache apne-apne kaam se nikal chuke the. Nandita bhi apne kamre me baithkar aaram kar rahi thi. Jivisha ke papa Himanshu aur maa Priya hall mein hi baithe the..


Himanshu akhbar ki uss khabar ko padhkar pura achambhit ho gaya, jisme sapna ki kururta purn hatya ka ullekh tha. Himanshu, Priya ko ek najar akhbar iss khabar par dene ke liye kahne laga. Kintu Priya apne khyalon mein kahin gum thi aur wo Himanshu ki baat par dhyan nahi de saki….. "Kya hua Priya, kahan gum ho"..


Priya:- Wo ab shararat nahi karti hai to ghar khane ko daudta hai. Dekho na jahan pahle pura din kam rahta tha, aaj sochna par raha hai kya kaam karun.


Himanshu:- To kya karen Priya, bachon ko manmani karne den. Haan uss waqt main bahut jyada gusse me tha, lekin jab gusse se ubra to bhi main Jivisha ko samjhane nahi gaya.. janti ho kyon..


Priya, Himanshu ko sawaliya najron se dkhti hui puchhne lagi … "kyon"


Himanshu…. Kyonki Jivisha ko khud faisle lena sikhna hoga. Yaad hai wo baba ne kya kaha tha.... Yadi nischit samay ke purv Jivisha ki shadi nahi hui to kaal gherna shuru ho jayega… uske jagne se pahle kayi apriya ghatna shuru hogi… aur ek baar jab wo Jivisha ke ander jag gaya fir Jivisha ke kiye faisle hi tay karegi ki sabka bhawishya acha hone wala hai bura…


Priya… Aap ke kahna kya chahte hain ji, mujhe dara to nahi rahe iss baat se…


"Kis baat se papa ji aap ko darane lage maa. Kahin dusri shadi to nahi kar rahe"... Nandita bhi dono ke pass baith'ti hui kahne lagi..


Priya…. Dusri shadi kar to le tumhare papa ji, lekin us bechari ka kya hoga jo yahan aayegi.. main to chahti hun ki ye shadi kar he le, taki kuch sukoon main bhi le lun..


Nandita:- rahne bhi do maa. Aap ke tano se aaj ye pura ghar khamosh hai. Maine to Ravi se bol diya hai, yahan se kahin aur shift karne ke liye.


Himanshu aur Priya dono chaunkte huye…. "Kyon kya ho gaya… tum dono ne itna bada descision le liya wo bhi akele. Humara jarra bhi khyal nahi aaya..


Nandita:- Aap logon ko bhi to khyal nahi aaya tha. Ek ladki jo ghar se pure lade gahno mein bhagi thi, wo surakhit aur apni purani muskan ke sath iss ghar me wapas lauti. Lekin kisi ne bhi iss baat ko mehsus nahi kiya…


"Ek ladka, jiske liye sej saji thi, wo suhagrat ke liye samne se mana kar deta hai. Jitne din ruka kewal har kisi se hans kar baat kiya aur Jivisha ke tane bhi jhelta raha. Ji haan thik suna aap ne Jivisha ke tane."


"Us din itne sare ghar walon ke hote huye bhi, wah ladka najane kahan se aakar humse pahle Chirag se mila, uske ander ke dar ko khatam kiya aur aap ne maa.. aapne kya kiya. Aapne na sirf Jivisha ko sunaya, uske sath-sath Nandni ko bhi kya kuch nahi kaha. Kya kisi ladki se galti nahi ho sakti. Lekin aap khud ek aurat hokar kisi dusri ladki ke bhawana ko thes pahunchane ke baad khyal tak na karen ki aap se kitni badi galti hui hai to hume bhi ghar chhodne ke faisle ko aap se kyon puch kar len, ek karan batayen."


"Hospital me bhi maa puri raat meri pyari si bachi ko sunati rahi. Sach kahun maa uss raat agar mujhme thodi bhi himmat bachi hoti na to fir aap mera ugr roop dekh leti. Subah schhai pata lagne ke baad bhi, aap log bus afsos kar rah gaye, uske baad sab bhul gaye.."


"Aap logon ke sine me dil hai ki nahi mujhe aaj tak samjh me nahi aaya. Aawsesh me aap sabne galtiyan kiye.. koi baat nahi har kisi se hoti hai… kya schhai pata chalne ke baad apni galti ko ek baar bhi sudharne ki kosis kiye… manf kijiyega papa ji, dosh aap ka bhi kam nahi… gusse me aap aur aap ka beta kisi ke girewan ko pakad kar pit to sakte hain, lekin schai pata chalne ke baad ek kadam aage badhkar apne kiye ke liye mafi nahi mang sakte…"


Aisa lag raha tha mano Nandita aayi he thi dono ko yahan sunnane ke liye. Nandita ki baaton ko sunne ke baad dono dampatti jaise puri tarah se sharminda ho gaye ho…


Himanshu:- Tumne thik kaha beta, hum apne swarth me itne andhe ho gaye, ki hume ek achhe ladke ki achai kabhi dikhi hi nahi. Main bhi kya karta, pahle to laga ki beti ke bhagne me ussi ladke ka hanth hai, fir pote ko achet awastha mein dekhkar main apne pure hosh kho baitha.


Nandita:- papa pahli baat to ye ki Jivisha ka bhagna koi pahle se tay plan nahi tha, usne achanak me yah faisla liya tha.


Nandita ki baat par dono chaunkte huye… "Yah tum kya kha rahi ho?"


Nandita:- haan aap ne thik suna.. pahle to aap dono ne uspar dawab banaya shadi ka. Usne bhi apni man ki jigyasha ko markar shadi ke liye raji ho gayi. Jaymala tak kiya… aakhir ain mauke par kuch to usse Shresh me aisa dikha hoga ya ander se kuch to aisi feeling rahi hogi, ki wah jaymala ke baad bhag gayi. Jara soch kar dekhiye to aap ko sabhi baten samjh me aa jayengi, lekin yahan sochta kaun hai. Yadi Jivisha ko bhagna hi hota to uske liye safe side tha ki wo shadi ke ek din pahle ya 2-4 din pahle bhag jati. Uske pass pura mauka tha. Wo shadi se bhagna nahi chahti thi, lekin uski kismat kahiye ha anterman ki pukar. Usne achanak se ye faisla kar gayi, jo shayad mujhe ek had tak thik bhi lagta hai…


Himanshu:- wo kaise?


Nandita:- Kyonki mujhe to apni bachi ke liye Nischal se acha koi ho hi nahi sakta, aisa lagta hai?


Priya:- lekin Nandita na to uske bare me hume kuch pata hai aur na hi uske kul aur khandan ka kuch pata hai.


Nandita:- Maa kul aur khandan ko jaan kar kya uske naam ka dhol pitna hai. Cheracter hi sabse bada certificate hai, jise Nischal ne shabit kiya hai. Ek ore Shresh ko dekh lijiye jo kewal baten to achi-achi karta hai, lekin sab ek bhrm jaisa lagta hai, wahin uss ladke ko dekhiye.. sab kuch karta bhi hai aur kuch kahta bhi nahi. Baki mai to yahi kahungi Shresh ho ya Nischal ho ya koi aur, aap log bina kisi dawab ke Jivisha ko faisla karne dijiye… Manti hun shararten bahut hai Jisa ke ander, lekin wo murkh nahi jo sahi galat na pahchan sake. Haan lekin aap logon ka dawab aise hi bana raha, jaise kayi dino se uske sath begano ki tarah bartaw karte aa rahe hai... Fir bhul jaeye ki wo khud se koi sahi faisla bhi kar sakti hai.…


Aaj to jaise bite dino ke pure anubhaw aur schai ke itihas ko Nandita ne ulat kar rakh diya ho. Dono dampatti lagatar apni kiye ke liye sharminda par sharminda huye ja rahe the. Jivisha ki hansi ke bina iss ghar ka sunapan kahin na kahin to dono ko pahle se khal hi raha tha, kintu baat ab tir ki tarah chubhne lagi thi. Dono dampatti ander se yah sochne par majboor ho chuke the…… Yadi unka shadi ko lekar galat faisla na liya gaya hota to ek ke baad ek itni sari ghatnayen na hui hoti… Unke kewal ek galat faisle ne, ek puri nayi kahani ko he janm de diya tha.


Himanshu aur Priya se lagbhag ab rukna namumkin sa ho gaya tha... Unhone sari baton ki jankari aur sahi galat ka aaklan, apne dono beton ko bhi bata kar, ghar bula liya. Pure priwar ne anth me yah faisla kiya ki aaj Jivisha ki hansi wapas lane ke liye har koi uske college jakar Nandni aur Nischal se dil se mafi mangege aur Jivisha se bhi mafi mangte huye usse puri tarah se khud ke faisle lene ke liye swatantr kar denge.


Pura he pariwar college pahunch gaya.. lekin college mein to koi tha he nahi. Idhar behrupiya Apini jo Kunal ke vesh me tha, usse pata tha ki Jivisha aur Kasak kahan gayi hai. Pariwar me aur tanaw badhane ki mansa se usne sabko Nandni ke flat ka adress dete huye tane bhade shabdon me kah diya, "Sab raas lila manate wahin ussi ke flat me mil jayenge"…


Ek ore jahan Jivisha aur Kasak, Nandni ke flat par pahle nikal chuki thi, wahin ab Sawalker apne case ki tahkiqat ke liye Nischal ke pass pahunch raha tha.. aur ab ye pura khandan.. surprise dene ke irade se nikle to the lekin college aakar khud hi surprise hokar teji me Nandni ke flat ke ore nikal gaye…

Fabulous update bhai

 

[nain11ster]

abhi kafi piche chal rahi hain ye story

Kya aap aage kar sakte hain .. total 38 badlaw hai 43 update me ... Wo pata hai kya aap ko .. aaj ke 3 update 80%. Naye theme ke sath hai...

Aap ko lag raha hai bahut piche hai to jab sath hogi tab aap apne vichar de denge to mujhe khushi hogi...

Ye nayi kahani nahi hai yeh sab ko pata hai.. kayi log yahan naye hain aur kayi purane .. kisi ne ye nahi likha ki piche hai ya aage ..

Haan kisi ko jyada utsukta hoti hai to bol jate hain ki bhai ek sath sabhi update de do..

So please .. aap kahani par comment den .. aage piche ki jimmedari meri hai.. wo main dekh lunga


Dhanywad

 

[Ssking]

Update:-4​

Teen-char ladkiyan gayi Jivisha ke kamre tak, aur sabhi daurti hui wapas aa kar chillane lagi..... "Dulhan apne kamre me nahi hai, wo bhag gayi"......


Jivisha apne chhote se flashback ko yaad kar ke, niche baithi bas yahi soch rahi thi.... "Iss chipku se to jyada achha main uss chipku se he shadi kar leti, bhagwan sare twist aaj he de dena kal ke liye kuch mat chhorna"


Jivisha itna soch kar jaise he apne khyalon se bahar aayi, thik uske bagal me Nischal baitha tha...... Usse dekhte he Jivisha fir se thunakte huye jor-jor se rone lagi......


"Ab ye ladki ro kyon rahi hai, isse fir kya ho gaya. Mujhe yahan ki bhasha sikhni hogi, tabhi iss ladki se mujhe kuch fayda bhi milega..."


Nischal uske pass se utha aur ek side me chala gaya... high-tect yantr apne jeb se nikal kar uske wire apne sir ke dono side laga diya. Apne aankhen munda aur concentrate karte huye Serin.. Serin bar-barane laga..... Thodi he der me dusre ore se bhi respond hua....


Nischal..... Serin iss location ko trace karo aur yahan ki ajib si bhasha ko decode kar ke upload karo.

Serin.... Lightwave frequency to kafi dur ki lag rahi hai. Nischal tum itni dur pahunche kaise... aur yahan sab tumhe bhagode kyon kah rahe hain ?....


Nischal.... Jise jo kahna hai kahne do, mujhe kya karna hai. Tumhe jo kaha tum bas wahi karo....


Serin... Par Nischal...


Nischa.... Koi bahas nahi. Jitna kaha, utna chup-chap karo....


Jivisha ne jab rona shuru kiya, tabhi Nischal uth kar chala aaya. Usne jab aankhe kholi tab tak Nischal ja chuka tha.


"Thank god, jaan bachi... pahle he rone lagti to itna drama nahi hota. Ab jara main relax ho kar station se bahar niklun fir sochti hun aage kya karna hai"


Jivisha Kalyan junction ke bahar aayi. Raat andheri thi aur junction ke bahar ka mahol bhi kuch achha nahi, upar se ek akeli ladki jo dulhan ke vesh me upar se niche tak saji thi. Jivisha jab bahar nikli tab se he uska pichha hona shuru ho gaya.


Idhar Jivisha wahan se nikalte he sab se pahle kaam apna huliya badlne ka sochi. Wahin najdiki ek mall me ghusi aur apna huliya change kiya, aur bahar aa gayi.... "Huliya to change kar liya ab jarra pet puja ho jaye to kuch sochun aage kya karna hai"


Mast khana khayi, khate-khate usse khyal aaya..... "Mumbai me rahi to fasna pakka hai, kyon na kuch dino ke liye apne dost ke pass Indore chala jaye, aakhir uss par mere itne ehsaan bhi hai"... Fir kya tha Jivisha jaldi se khana khatam ki aur wapas Kalyan junction aa gayi.


Kismat, Kalyan junction par Indore jane wali train ka announcment bhi ho raha tha, Jivisha bhagi-bhagi train pakrne pahunch gayi. Lekin in sab ke bich usse pata bhi na chala ki usko lutne ki puri planning ban chuki hai, aur 5 gundey uske pichhe lage hain.


Idhar Saren se baat kar ke jab tak Nischal lauta, tab tak wo ja chuki thi. Afsos usse bahut hua, abhi-abhi to kisi se pahchan hui thi, wo bhi kahin gum ho gayi. Nischal bhi Kalyan junction par tab se Jivisha ko he dhund raha tha....


Jivisha, Indore jane ke liye bhagi, bhagi train pakrne ja rahi thi, uske pichhe-pichhe wo sare gundey, aur unke pichhe Nischal. Sabhi sleeper class me pahunche.


Jivisa compartment ke ander pahla kadam he dali thi ki usse wahi lady mil gayi jo pichhli train me thi. Jivisha ko dekhte he wo.... "Arre beta tum bhi Indore ja rahi ho kya, aur tumhare husband kahan hai, nahi mila kya ?"


"Bhagwan, yahan log kitne fursat me hote hain, isse to sab yaad hai"...... Jivisha ajib si jabardasti wali hansi, hasti hui kahne lagi..... "Pata nahi aunty kahan chala gaya. Koi aisa bhi karta hai kya, batao ?"


Jivisha apni kahani suna he rahi thi ki samne Nischal aa kar khada ho gaya..... "Hey bhagwan, ab to lagta hai main train se kud he jaun".


Jivisha man me apna rona ro rahi thi, Nischal thik uske samne aa kar khada ho gaya..... Nischal ko samne khada dekh wo lady uss se puchhne lagi..... "Kaun ho tum, yahan aa kar kyon khadey ho gaye. Ye humari reserve berth hai"


"Ye naye log mujh se kuch kah raha hai, sayad mere bare me puchh rahe honge... main isse isharon me batata hun ki main aur ye, hum dono ek dusre ko jante hain"..... Nischal ne apna he solution nikala aur uss lady se "Muaahhh... muahhhh" ka ishara karte batane laga ki Jivisha ne usse kiss kiya... wo usse janta hai"...


Bas fir kya tha, wo lady ko laga yahi hai Jivisha ka pati. Fir kya tha uss lady ka pura khandan toot para uss par...... "Aisa koi karta hai kya... apni biwi ko koi chhor kar jata hai kya ... ye wo, bla-bla"...


Nischal chup-chap sunta raha aur soch chuka tha, ab to kuch bhi ho jaye wo yahan se jayega nahi. Idhar Jivisha..... "Cool haan, to in logon ne ristedari bhi jor diya. Koi na main samjh gayi iss chipku se to ab Indore me he pichha chhutega. Jivisha beta go with flow, ab aur jyada yahan koi drama nahi".


Jivisha ne bhi sahmati dete huye, usse apna pati swikar kar li. Nischal ki harkaton ko bhanpte fir to Jivisha ne lambi chahuri kahani bana di...... "Mera pati bol aur sun nahi sakta. Ye mujhe bahut pyara lagta hai, isliye maine iss se shadi kar li"


Baton ka daur lamba he chalta gaya aur Jivisha bhi puri kahani par kahani banati rahi. Nischal ko to kuch samjh me aane se raha, sab ko dekh wo bas apna sir he hilata raha.


Idhar wo sare chor ussi berth ke dayen-bayen unki baton ko sun rahe the. Pati gunga, patni ke pass lakhon ka maal.... kaam to pahle se aasan tha, ab bas sone ka intzar ho raha tha.


Raat ke takriban 3 baje wo chor active huye aur Jivisha ka sara maal lootne ki kosis karne me lag gaye. Bare he chaturai se usne Jivisha ka bag urraya, aur urra kar chain pulling kar ke train se bahg gaye....


Train se jab wo niche utar kar aapas me apni saflta par khush ho rahe the tabhi samne se unhe Nischal dikha.... Nischal ko dekh kar sabhi chaunk gaye..... "Abe tu to so raha tha, yahan kya urri maar kar aaya"


Dusra aadmi.... "Tu bhi kahan gunge se baat kar raha hai. Ye sale... inka sixth sence kafi tej hota hai. Maar isse aur nikalte hain yahan se...


Sab ne marne par sahmati diya aur Nischal ki ore lapatne daure. Nischal ka dhyan to sirf uske hath me para Jivisha ke saman ke upar tha. Nischal ne kuch jyada mehnat nahi kiya. Wo log samne se aa rahe the, Nischal side se bhagta usse apne pichhe aane par majboor kiya... aur jab wo log Nischal ke pichhe bari teji se daur rahe the, tabhi wo ruk kar ek kadam pichhe hua aur jhappatta marta bag chhin kar fir se daur laga diya.


Nischal daudte huye chalti train me aaram se chadh gaya.... Jivisha aur baki sare log ab bhi so rahe the, Nischal ne bhi apni jagah pakar li. Nischal Jivisha ko dekhte huye sochne laga.... "Kuch alag he khinchaw hai iss ladki me. Aakhir mera itna jhukaw kyon ho raha hai. Jo bhi ho Saren jaldi yahan ki bhasa decode kare fir dekhte hain ye kitne kaam aa sakti hai ye".


Raat ko fir sabhi mast nind lene lage. Agle din train Indore pahunchi... Jivisha rahat ki sans leti sochne lagi.... "Ab to iss family aur iss chipku dono se chhutkara milega"


Bhid puri utarne me lagi thi, Nischal aur wo family jab utarne ke liye aage badhe, Jivisha teji dikhati hui dusre gate se utar gayi..... dusre gate se jaise he utri, uski najar apne dost Nandni par gayi....


"Aahhh bahgwan, kal se le kar aaj tak me yahi ek sahi kaam kiye ho. Thank you"... Jivisha bhag kar Nandita ke pass pahunchi aur uska hath pakar kar khinchti hui usse bahar ki taraf le jane lagi.


Pune ka koi dost, yun achanak se Indore station par, na kuch kaha, na kuch suna... sidha hath khinchte huye bahar le jane lage..... Shocking...


Nandni, Jivisha ka hanth khinch kar roki..... "Duffer, ye sab kya hai"


Jivisha..... Time nahi mere pass raste me puri baat batati hun.


Nandni.... Yaar meri puri family issi train se utar rahi hai.... main unhe receive karne aayi hun. Pata nahi tere baat par kya reaction dun. Ruk main unko receive kar ke tere sath chaliti hun...


Jivisha, uska hanth khinchti..... "Wo kya bache hain jo station par gum ho jayenge... main yahan itni musibat me hun... itna samjh ki yadi usne mujhe dekh liya to main mari jaungi...


Nandni.... Kyaaaa ????


Jivisha, fir se uska hanth khinchti.... "Tu ye shocking expression baad me bhi sakti hai, abhi tu chal na please. Ye mere zindgi aur maut ka sawal hai"


Baat ki gahrai ko samjhte, Nandni bhi uske sath teji se bahar ki ore nikli. Jivisha ko dilasha deti hui kahne lagi.... "Tu dar mat Indore me tujhe kisi baat ki chinta karne ki jaroorat nahi. Koi tere pichhe para hai ye baat tu phone par batati to ab tak uski band yahin baj jati",


Baat karte dono bahar aa gaye aur dono chal diye ghar ki taraf. Raste me jab Jivisha ne apni puri kahani usse bayan ki to Nandita apna sir pit'ti kahne lagi.....


"Jisa teri to. Kamini kahin ki, jahil gawar ullu. Tere melodrama ke chakkar me tu to fasti he hai, dusron ko bhi shock de deti hai. Waise ek baat bata tujhe jaroorat kya thi usse kiss karne ki... itne bare station par kahin bhi kona pakar leti".


Jivisha... Nandu situation he aisi thi, wo log itne pass aa gaye the ki mujhe majbooran kiss karna para. Khair tum nahi samjhegi....


Dono baat karte huye ghar pahunch gaye. Un dono ko pahunche 5 min bhi nahi huye honge ki pichhe se Nadni ka pura pariwar pahunch gaya.... Jivisha ke aankhon ke samne wahi pariwar jo train me mili thi, aur unke sath tha Nischal bhi....


Unhe dekhte he Jivisha ke muh se nikal gaya...... "Hey bhagwan"

Isko kehte Hain qismat connection bahut hi umda story

 

[Ssking]

Ha

Kya aap aage kar sakte hain .. total 38 badlaw hai 43 update me ... Wo pata hai kya aap ko .. aaj ke 3 update 80%. Naye theme ke sath hai...

Aap ko lag raha hai bahut piche hai to jab sath hogi tab aap apne vichar de denge to mujhe khushi hogi...

Ye nayi kahani nahi hai yeh sab ko pata hai.. kayi log yahan naye hain aur kayi purane .. kisi ne ye nahi likha ki piche hai ya aage ..

Haan kisi ko jyada utsukta hoti hai to bol jate hain ki bhai ek sath sabhi update de do..

So please .. aap kahani par comment den .. aage piche ki jimmedari meri hai.. wo main dekh lunga


Dhanywad

Han meko hi dekh lo abhi abhi to shuri hua ye story wese bhai Dil kar rha hai achhi badi story ho kafi lambe samay to chale esi story's Dil khush kar deti hai lagata hai ki Kabhi khatm hi na ho

 

[Black water]

Update:-41​

Nandni ke flat me iss waqt….



Idhar jab tak Nandni, Jivisha se baat kar ke usse flat par bula rahi thi, ussi bich Sawalker, Nischal se baat kar yahan aa raha tha aur in sab mamle me Nischal ki tooti pasliyan rah he gayi.


Nandni jaise he Jivisha se baat kar ke hall me aayi.... "Tu kya pagal hai Nandu, main yahan dard me hun aur tu phone par gappe lada rahi hai".


Nandni..... Oh sorry main to teri haddi bhul he gayi. Arre Jivisha ka call tha, to maine usse kisi tarah bahane se yahin bula liya.


Nischal..... Duffer kahin ki, usse abhi bulane se pahle puch to leti, bede bhaiya bhi abhi yahan aa raha hai.


Nandni.... What???? Wo kyon aa raha hai....


Nischal..... Chhod ab to aa he rahe hain na, dono. Tu ilaz shuru kar, mujhe bahut dard ho raha hai.


Nandni..... Wait, wait... Nischal main koi Dr thode na hun jo tera ilaz karungi. Tu kya pagal ho gaya hai?
.…. Arre kuch nahi hoga bas kuch pattiyan lagani hai.


Nandni.... Had hai, pattiyan lagani thi to batana tha na, raste se he le leti.


Nischal..... Nah uss ki jaroorat na hai, mere bed ke niche ek bag rakha hoga, ussi me hai wo pattiyan, aur pttiyon ke pass hi ek tharmas rakhi hai, usse bhi nakal lana.. chhod pura bag hi le aa..


Jab tak Nandni wo bag nikal kar lati, tab tak Nischal apni shirt utar kar sofe se tik kar baith gaya. Jaise he Nandni hall me aayi..... "Woooooo Nischal, macho man. Body to tune ek dum mast banayi hai. Uffff teri body dekh kar to niyat gandi ho gayi".


"Hat besharam, kahin ki".... Nischal thoda uncomfortable feel karte, apne sine ke upar t-shirt dal liya. Nischal ki iss harkat par Nandni lotpot hoti kahne lagi.... "Cool look Nischal, aisa lag raha hai jaisa suhagrat ke scene me kisi heroine ko dekh rahi hun"


Nischal..... Tu pakke wali besharm hai. Sala filmon me jitni sarif ladkiyon ko dikhate hain, actual life me wo utni hoti nahi. Ab dant dikhana band kar aur kaam kar le kuch.


Nandni..... Kyon chhed-chhad kewal ladke he kar sakte hain kya, hum ladkiyan nahi. Hume bhi chhed-chhad me bahut maza aata hai, bus talash aise ladke ki thi jis'se safely chhed chhad kar sakun.


Nischal:- Aur iss pure jahan iklauta bakra main he mila tujhe..


Nandni:- yessss, Khair ab baat band kar main nahi chahti ki teri sexy body koi bahar wala dekhe, isliye jaldi bata patti kahan lagani hai


Nischal.... Pahle bag se pattiyan to nikal le... Lekin usse pahle wo tharmas dede.


Nandni bag se wah tharmas nikal kar nischal ko badha di. Nischal ek jug pani me tharmas ke ander ka dawa usme thoda milaya aur dhire-dhire pine jaga. Jaise jaise wo pani gale ke niche utar raha tha, Nandni ki aankh fati ja rahi thi.


Nichal ke ander ka food pipe line chamakne laga, jahan se wah dawa mila pani gujar raha tha. Niche dhire-dhire karke ander ke pure parts dikhne lage the. Achambhit karne wale kashn the. Aisa lag raha tha mano ander ki puri banawat chamak rahi thi.


Nischal pani pikar jaise he fursat hua…. "Ye kya piya tune… ander ki sari chij bahar dikh rahi hai."


Nischal:- Dawa ke bare mein bataya to tha tujhe. Us janwar ke chirne par jitna damage mere body ne feel nahi kiya tha, usse kahin jyada damage Jivisha ke dhakke ne diya hai mujhe…


Tabhi ek tej raushni pasliyon ke hisse mein bhi hui, jahan Nandni saaf dekh sakti thi ki Nischal ki pasli crack hokar alag ho chuki thi. Nischal ne jab ye baat batayi thi, tab mahaj ek majak matr he laga tha, lekin abhi dekhne par usse pura yakin ho chala tha ki Nichal ko kitna damage hua hai.


Nischal:- Bus re show khatm ho gaya, dawa apna kaam shuru kar chuki hai. Ab chamak bhi chali gayi hai. Tu pattiyan laga warna pasliyan upar niche jud jayegi.


"Oh haan" kah kar jaise he Nandni ne bag se pattiyan nikali usse dekh kar..... "Ye kaisi pattiyan hain. Iss se ilaz hoga ya torture".


Darasal bilkul tight rubber ke upar steel ke dhardar nukile blade dono he siron par lage the. Jise dekh Jivisha ascharya kar rahi thi.


Nischal.... Chawkne ki jaroorat nahi hai, pasliyon ki haddi ka ilaz humare yahan aise he hota hai.


Nandni..... Duffer teri pasliyan to ab judna shuru ho gaya na dawa ke karan. Fir normal pattiyon se wo haddi set kar na.


Nischal..... Ab Nandu please, aise shocking expression dena band kar ke yahan aao. Pichhe ek sire ko pith ki ribs line ke thoda sa left me ghusao aur right se ghuma kar dusra sira mujhe do.


Nandni ke hath kanp gaye, jab wo steel Nischal ke pith me ghusa rahi thi. Uss ke sarir ke ander se khun nikalne laga. Khun ko bhi dekh kar usse ascharya hua, kyoki wo aam insano jaisa laal nahi thi.


Chuki Nandni, Nischal ke bare me janti thi, isliye khun ko dekh kar jyada react na karte huye usne patti ka ek sire ko kisi tarah uss ke pith me adjust kar ke dusra sira Nischal ke hath me de di.


Nischal, kisi tarah dard ko bardasht karte, Nandni se kahne laga.... "Uss sire ko dono hath se tight pakde rakho, main dusra sira aage adjust karke piche badha raha hun".


Nandni kisi tarah himmat kar ke, pith me guse sire ko dono hathon se daba kar pakdi rahi, aur Nischal ne uska dusra sira pasliyon ke upar ache se chadha kar piche Nandu ke ore badha diya. Nandu ek hath se pith me ghuse sire par pura dabaw bana kar dusra sure ko ribs ke line ke pass ghusa diya.


"Kewal ek patti se kaam nahi chalegi, dusri patti bhi lagana hoga"…. Itna kahte huye Nischal ne usse dusra patti thik ussi ke upar se lagane ka ishara kar diya.


Pattiyan lag gayi thi. Nandni garam pani se uss ke khun ko saaf karne lagi tabhi wahan Kasak aur Jivisha bhi pahunch gayi.


Samne ka najara aisa tha ki, Nischal apne dono paun latka kar sofe par baitha tha aur Nandni uss ke dono paun ke bich sofe par ghutne ke bal baithi, kabhi dayen jhuk kar pichhe ka khun saf kar rahi thi, to kabhi bayen.

Samne se dekhne par Nischal ki pattiyan dikh nahi rahi thi aur aisa lag raha tha jaise Nandni, Nischal ke khule badan se lipat kar dono romance karne me busy ho.


Aisa najara dekh kar Jivisha aur Kadak ke paun ruk gaye. Jivisha ko pata nahi kya ho raha tha. Wo ander se bahut he bura feel kar rahi thi, kuch aisa jo wo bardasht nahi kar pa rahi ho. Khade-Khade usne apne sath laye ful ko maror kar jamin par bikher di. Tabhi Nandni ko wahan kisi ke hone ka ehsaas hua, aur wo khun saaf karke badi he chaturai se aise hati ki dono ko khun na dikhe.


Nandni..... Kasak, Jivi dono kab aayi. Sorry main jarra zakham saaf kar rahi thi. Aao baitho na, bas ye upar se pattiyan lagani baki hai.


Nandni jab Nischal ke upar se hati, to samne ka najara dekh kar Jivisha ke man ko ashim shanti mili. Uske kadam apne aap Nischal ki ore badh gaye.


Jivisha bade gaur se un pattiyon ko dekhti rahi. Dhire se apna hath badha kar un pattiyon ko chhuti hui puchne lagi..... "Dard ho raha hai kya"


Jivisha ke hathon ka asparsh matr he itna priya tha ki Nischal gahri shwans lete huye puri tarah sukoon mehsus karne laga. Nischal, Jivisha ke sparsh se he khota chala gaya. Khumari si awaz me usne kaha "Thoda-thoda". Aur sofe se tik kar apni aakhen mund liya.


Nandni.... Jivi, bura na mane to ek kaam kahun...


Jivisha... Haan bol na...


Nandni.... Ghar me ek guest aane wale hain, yadi tujhe bura na lage to kya tu ye pattiya Nischal ke badan par lapet degi......

Rubber ki tight patti par Sawalker koi sawal jawab na khade kar de isliye Nandni normal si patti Jivisha ke ore badhati hui kahne lagi….


Jivisha.... Haan-haan koi baat nahi hai, waise bhi in sab ke pichhe to jimmedar main he hun.


Nandni..... Oh thanks Jivi, tu yahan khade-khade kya kregi Kasak, chal mere sath kitchen me.


Kasak...... Mera wahan aana jaroori hai kya?


Nandni.... Haan bahut jaroori hai, aur haan sun wo jo tere hath me pappi hai usse tu yahin hall me chhod dena, kitchen me nahi le kar chali aana.


Kasak apne sath layi pappi ko hall me he chhod kar Nandni ke sath kitchen me chali gayi. Idhar Jivisha, Nischal ke chot par pattiyan dekhti afsos karti hui kahne lagi...... “Sooo sorry meri wajah se tumhe ye padesani uthani padi”.


Nischal.... Its ok Jivisha, tum ne jaan bujh kar thode na kiya tha.


Jivisha apne hath me pattiyan utha kar.... “Nischal thoda sidha baithna, main jarra pattiyan lapet dun”... Nischal sidha hua aur pith se le kar pet tak wo pattiyan roll karne lagi.... “Nischal, maine to sirf tumhe halka dhakka diya tha, fir itni jor se kaise lagi”.


Nischal... Darasal mere paun ke niche kele ka chhilka aa gaya tha aur ussi wajah se main fisal gaya. Tumhe afsos karne ki koi jaroorat nahi hai”


Jivisha... Aisa lag raha jaise tumhara dard main mehsus kar rahi hun. Baat jo bhi ho, par mera hath lagna hi tumhare unbalance ka karan hai.


Khumari bhari awaz me dono dhire-dhire baat kar rahe the, pattiyan lapet’te-lapet’te Jivisha aur Nischal ka chehra bikul karib aa gaya.... dono ke chehre par ek dusre ki sasen takrayi, aur Jivisha ka hath ruk gaya.


Khamoshiyon ke alfaj jaise ab aakhen kah rahi ho. Kabhi dono ki najren milti to kabhi njaren jhuka kar idhar-udhar dekhne ka bahana kar lete. Pyara pal tha dono ke liye aur ek dusre ko ko dekhna achha lag raha tha.



“Palken kaun pahle jhapkata hai, kya wahi game khel rahe ho dono”... Sawalkar gate par he khada ho kar dono ko tok diya. Usse distrub karte dekh, Kasak aur Nandni dono ke muh se yahi nikla.... “Sala kabab me haddi”....


Sawalker ki awaz sun kar Jivisha chaunk kar Nischal se thoda dur hat gayi aur Sawalker, Nischal ke pass aa kar baith gaya. Itne me Nandni aur Kasak bhi chay naste ke sath wahan pahunch gayi. Sawalker sukriya kahte huye chay liya aur kahne laga.....


Sawalker:- Ye chot kahan se lagi tumhe, Jivisha patti ko clip karke to hat'ti.


Nischal:- Kuch nahi bade bhaiya, wo mera paun fisla aur dayen bhag se girne ke karan pasliyon me chot aayi hai.


Jivisha:- Nahi sir, maine dhakka diya tha aur iss wajah se Nischal unbalance ho gaya aur ise buri tarah se chot aa gayi.


Sawalker:- Fir to police case banta hai. Lagta hai Jivisha ke papa se fir puchna hoga ki yahan kaun sa dhara lagana hai…


"Meri bachi par charge lagaoge, tunhari wardi na utarwa dun main… kiya kya hai meri bachi ne..".. Charge lagane ki baat jab shuru hi ho rahi thi tabhi Jivisha ka pura khandan Nandni ke darwaje aa dhamka.


Wardi utarne ki baat se to Sawalker pure taish me aa gaya…. "Nischal dekh aisi baat sunkar mera bheja sanak jata hai. Tera sasur sathiya gaya hai. Main to kahta hun in paglon ke khandan se rishta he tod de. Tere liye main Jyoti ki sabse chhoti bahan se baat chala dunga"..


"Bade bhaiya lagta hai badi jaldi wo incounter spot wali ghatna bhul gaye. Dobara agar aisi baat khyalon me bhi laye na to dukhi pati ki pira aur badh jayegi"….


"Nalayak, sasural ke liye bhai ko dhamki deta hai"… idhar Sawalker aur Nischal ki dhime baten shuru thi aur udhar kuch logon ke bich kamal ke isharon ka khel shuru tha…


Nandni jab Jivisha ke pure khandan ko darwaje par dekhi, Nandni juban se bina koi shabd nikale bus aankh aur chehre ke bhaw se Kasak aur Jivisha se puchne ki kosis karne lagi… "Kya tum dono ne yahan koi drama plan kiya hai"..


Dono hi ussi bhaw me bina koi shabd nikale fati aakhon se jawab dene lagi… "hume bhi pata nahi ye log yahan kyon aa dhamke"…


Jivisha ka bada bhai Ravi thode kade lahje me puchhne laga… "Tum dono yahan kya kar rahi ho"..


Nandita apne pati ko aakhen dikhati hui kahne lagi…. "Wahi jo shadi se pahle aap pipe chadh kar mere room me aakar kiya karte the. Choton se kaise pesh aate hain lagta hai aap bhul gaye"..


Sharafat ki misla kayam kar chuke Ravi ke karname sunkar…. "Kya… kya… kya"… karke sabhi gharwalon ka expression aur Ravi bechara bhid me sabse piche khada ho gaya. Jivisha ek bar fir kuch jyada he mayus hokar sochne lagi, "na wo Nischal ko dhakka deti aur na hi ye situation paida hoti"… Jivisha apne kadam aage badha kar bich mein khadi hoti hui kahne lagi…


"Dekhiye aap log jo bhi smiksha kar rahe hain, uski kewal jimmedar main hun, isliye jo bhi kahna ho mujhe kahiye, Nischal aur Nandni ko kuch bhi kahne ki jaroorat nahi hai. Rahi baat mahaj ek shadi ke karan itna bada bakhera hai na to jis kisi se bhi aap logon ko meri shadi karwani ho final kar dijiyega main taiyar hun"…

Awesome update bhai
Bhai ek update me Nandini ko jab Nischal ki sachayi pata laga tab Nandini ne Nischal ke hath me pin chubhoi thi tab nischal ka blood red tha is update me khoon ka rang alag kaise hagaya ???

 

[Ssking]

Update:-5​

Unhe dekhte he Jivisha ke muh se nikal gaya...... "Hey bhagwan"


Jivisha ko dekhte he wo lady..... "Tum kya pagal ho, akal-wakal hai ki nahi. Khud to bhag jati ho, aur kal se kah rahi ho mere pati kahin chale gaye hain. Tum kya isse chhor kar bhagna chahti ho, mamla kya hai batao. Do apne ghar walon ka number, main unse baat kar ke tumhari harkaten batati hun. Pata nahi aaj kal ki ladkiyon ke dimag me kya chalte rahta hai".


Non stop wo lday bolti he rahi. Mamla sambhalte huye Nandni bol pari..... "Mom, stop it. Jo muh me aaye wo bake ja rahi ho. Ye station par gum ho gayi thi, ro rahi thi isliye main isse yahan par le aayi. Aap to janti he ho, akeli ladki aur bara sahar".


Nandita ki Maa Durga devi..... "Tu jyada wakalat na kar, mujhe abhi iske ghar walon ka number chahiye, warna main police me report karti hun. Mujhe kuch thik nahi lag raha, jaroor koi baat hai. Crime petrol nahi dekhti kya. Ghatnayen aise he hoti hain"....


"Ye mother india to kafi chalu india lagti hai, jhanse me nahi aane wali. Hey bahgwan bacha lo, kal se kewal fasa he rahe ho".


Nandni, apni maa par chillati...... "Mom tumhara dimag kharab ho gaya hai. Ye crime scenes dekh-dekh ke aap har kisi ko criminal he samjhne lagti ho. Main isse bahut pahle se janti hun... ruko 2 min...


Nandni apne college ka album nikalti, apni maa ko dikhane lagi, jisme uski aur Jivisha ki tasveer thi. Uski maa har tasveer ko gaur se dekhne ke baad..... "Ye to samjh gayi ki ye teri dost hai, lekin tumhare har tasveer me ye ladka kaun hai"


Nandni, ghurti najron se Jivisha ko dekhi..... telepathy ke jariye jaise apna sandesh de rahi ho.... "Kamini tumhe bachane ke chakkar mein, main he na fas jaun, bhag yahan se"


Jivisha, minnat bhari najron se usse dekhti apne dono hath jor li... Durga devi ab bhi Nandni ko sawaliya najron se ghure ja rahi thi. Itne me Nandni ka bhai bolne laga.... "Mom, college hai… class me sath padhte honge. Inka apna group hoga.... chalo re sabha khatam karo. Sab safar se thak kar aaye hain jao sab fresh ho, khana khao... aaram se evening me baten karte hain".


Nandita ka bhai Ashis ne mamle ko rafa-dafa karte huye sab ko bhej diya. Nischal, wo to jaise wahan tha he nahi. Ashis usse apne sath apne kamre me le gaya, wahin fresh hone ke liye. Nischal bathroom me gaya he hoga ki uska device bajne laga..... Serin ka msg tha...


Wo samjh gaya yahan ki bhasha decode ho gayi hai. Language aur iss jagah ki sari information uplaod ho rahi thi.... Takriban aadhe ghantey me puri jankari uploaded thi..... Nischal jaldi se fresh hokar bahar nikla...


Idhar Jivisha, Nandni ke sath uske kamre me aa gayi...... "Kamini, to tu tab se meri he family ko pagal kah rahi thi. Tu bhag yahan se warna tere chakkar me main to pakka fasungi".


Jivisha..... Nandu, tu apni ekaluti dost ko bhaga rahi hai. Bhul gayi kitni madad ki thi tumhari maine. Meri sachi dosti ka aisa sila diya, mujhe he bhaga rahi hai....


Nandni.... Jisa jarra bataogi kis tarah ki madad ki thi mujh par. Main to aaj tak uss manhus ghadi ko kos rahi hun jab tu mujhe mili thi. Nahi chahiye tere jaise dost. Tujh se dosti nibhane se achha hai, main kisi kuyen me kud kar jaan de dun...


Jivisha..... Achhi baat hai Nandu, aaj mere bure waqt me tu bhi sath chhor de. Sach he kahte hain log, bure waqt me saya bhi sath chhor deta hai...


Nandni.... O madam ji, tujh par bura waqt nahi aata, balki tera sath jo deta hai uss par rahu, ketu aur sani teeno mandrane lagte hain. Bhul gayi ho to main yaad dila dun tumhe....


Jivisha.... Ye to sarasar ilzam hai my lord. Main to aap ki sachi sathi hun. Tu kya yaad dilayegi main batati hun... Bhul gayi jab wo ladkey aaye the tujhe chherne tab mere bhai ne tujhe bachaya tha. Wo professor wala case. Kitni jaldi bhul gayi tujhe uss Saroj ke chakkar se maine he nikala tha. Tere liya itna pain liya maine aur tu hai ki.... huhhhh !!!


Nandni.... Kya, kya, kya..... Sharm kar Jisa. Kaun se ladkey ke case me tere bhai ne mujhe bachaya tha. Ulta tera bhai mujh par line mar raha tha, aur college ke doston ne dekh liya tha to tere bhai ne ulta unhe pita. Huhhh ! Jab usse pata chala main teri dost hun to usne puri kahani he badal di. Professor ko challenge tune kiya, aur to aur mera, Saroj se break-up bhi karwa diya... Teri to, ek to sare kand tune mere he sath kee, uspar se mujhe ehsaan jata rahi hai. Ruk tere ghar abhi phone karti hun.....


Jivisha.... Bas baba samjh gayi, ab chhoro bhi purani baton ko Nandu. Bhul gayi we are friends till the end of life.


Nandni.... Tere sath deti rahi to waise bhi meri life ka jald hi the end ho jana hai. Chal bata tera ye drama ab aur kitne dino tak chalega...


Jivisha... What do you mean by drama Nandu...


Nandni.... Rahne de nautanki, teri ye bholi shurat aur jhoota expression kisi aur ko dikhana. 3 sal tujhe jhela hai, tere rag rag se wakif hun. Ab batayegi, tu yahan kitne din rahne wali hai taki main khud ko mentally prepare kar lun.


Jivisha.... Rahne de, lagta hai maine tujhe kuch jyada he pareshan kiya hai. Sorry Nandu, manf kar dena. Lekin haan jo bhi kee na wo jaan bujh kar nahi kee thi. Pune mein tujhe pahle hi bahut padeshan kiya hai, yahan bhi meri wajah se tum kyon paresan hogi.... main aaj he chali jaungi...


Nandni.... Tu seriously aaj he ja rahi hai....


Jivisha.... Haan Nandu... chal ab tu happy ho ja...


Nandni ko laga Jivisha fir se emotional hone ka natak kar rahi hai, par Jivisha ab usse sach me pareshan nahi karna chahti thi...


Iss baar Jivisha ne Nandni ko jarra bhi feel nahi hone diya ki wo uske ghar se ja rahi hai. Din ke waqt jab sab apne-apne kamron me the, Jivisha chupchap uss ghar se nikal gayi...


Thik ussi waqt Nischal, Ashis ke sath uske kamre me tha. Ashis apni gf se baat kar raha tha, aur Nischal khidki se bahar dekhte huye uski baat karne ka tarika samjh raha tha. Tabhi uski najar Jivisha par gayi, jo bari teji me gate se bahar ki ore ja rahi thi.


Nischal bhi uske pichhe-pichhe gaya. Jisvisha ghar se 10 kadam aage he gayi hogi ki uske samne Nischal khada tha...... "Ye bahar ghum raha tha.. pata nahi kaun se janam ka karj khayi hun, jo ye pichha he nahi chhorta. Iss se to kuch kahna he bekar hai"


Jivisha achanak se he bol pari..... "Chalo meri kismat, ab tumse to kah bhi nahi sakti ki please mera pichha chhod do.”


Nischal.... Tum har waqt mujh se aise kyon baat karti ho...


Jivisha shocked..... "Tum bol bhi sakte ho"


Nischal.... Haan, main to bol bhi sakta hun, aur tumhe samjh bhi sakta hun...


Jivisha, apne kadan ghar se dur badhati hui.... “To fir mera pichha kyon kar rahe ho. Tum se kaha na wo kiss maine tumse majboori me kiya tha. Tum kahin ke prince nahi jo main ek he jhalak dekh kar tum par mar mitun aur kiss kar dun...


Nischal.... Tu chilla kyon rahi hai. Ja kar apne ghar me chillana. Mujh par chillane walon ka main awaz band kar deta hun...


Jivisha... Badtamij, baat karne ka tarika nahi pata kya ? Kaise tu tarake se baat kar rahe ho. Mera chillana itna he bura lag raha hai tou bhago yahan se, kisne kaha meri awaz sun'ne ke liye. Jaan na pahchan main tera mehmaan. Kaminey tharki, shuru se sab kuch samajh rahe the, fir bhi situation ka maza liye ja rahe ho.


Nischal, Jivisha ka gala dabate..... "Jyada unchi awaz me baat ki tou fir kabhi baat karne ke layak nahi rahengi. Tum ho kaun jo main tumhe sunu.... tu bhag yahan se aur dobara kabhi apni shakal mat dikhana."


Cold war jaise dono me chhir gaya ho. Dono sadak par he jungli ki tarah larne lage. Fir kya tha wahin se dono ke raste alag aur dono chal diye alag-alag disha me. Kahani kismat ki bhi ajib hoti hai.... kismat ne milaya tha, apne jid aur pagalpan se alag huye.... Hay re kismat.....





Idhar ek din pahle jab Jivisha bhagi thi.....


Mate shree Priya ka ro-ro kar bura haal tha, aur wo Jivisha par puri tarah se gussayi hui thi. Ravi aur Avinash dono he Jivisha ke pichha karte Pune se Kalyan tak bhi aaye the, par Kalyan ke baad to jaise wo lapata ho gayi.


Ravi aur Avisnash apni family ka utra hua chehra dekh rahe the aur sage sambandhi dilasa dene ke sath-sath unke ghar me aag bhi laga raha the. Agle din saam ke waqt jab sare ristedar ja chuke the tab Himanshu apne pariwar ke sath apne dost Punya ke yahan pahuncha....


Apne dost se manfi mangte huye Himanshu kahne laga..... "Hume jarra bhi pata nahi tha ki Jivisha aisa kiuch karegi, warna main ye shadi kabhi fix nahi karta"


Shresh.... Uncle kya Jivisha kisi aur ladke ko pasand karti thi?...


Himanshu..... Nahi beta aisi baat nahi hai. Wo bas abhi shadi nahi karna chahti thi....


Punya.... Had hai jab wo shadi nahi karna chah rahi thi, fir bhi uss bachi ke sath tum sab ne jabardasti kiya. Yaar jab nahi karna chahti to nahi karte, kyon itni jaldi thi tumhe shadi ki....

Priya, achanak he bol pari.... "Kisne kaha wo shadi nahi karna chahti. Shadi to karna chahti hai, par ajib sa bhoot sawar hai uske sar par, wo apne sapney ke rajkumar ka intzar kar rahi hai, jo ghode par sawar hokar aaye aur hum sabke samne uaka hanth mang kar, usse byah kar le jaye.”


Shresh.... Ha ha ha, samjh gaya main. Ek baat bolun, aap log please uss par naraj mat hona. Ab to uski shadi uske rajkumar se he hogi, aur main banuga uske sapney ka rajkumar....


Himanshu.... Aaj mujhe mere faisle par garv ho raha hai. Thanks beta.... main to himmat he nahi juta pa raha tha yahan aane kee.


Shresh.... Koi baat nahi uncle, ab bas itna bata dijiye ki wo aap sab se chhip kar ja kahan sakti hai.


Himanshu.... Wo Mumbai ke taraf to gayi thi, lekin usse Mumbai bilkul pasand nahi, isliye wo wahan rukegi nahi. Pata nahi kahan gayi hogi. Uske jitne dost the sab se pata kar liya par kisi ko uske bare me kuch pata nahi....

Shresh..... Koi baat nahi uncle, yadi wo apna mobile chhor kar gayi hai to mujhe de do. Jivisha kahan ja sakti hai, main yun pata kar lunga...


Shresh ki iss baat par Chirag tapak se bol para..... "Meri bua ka mobile le kar jasusi karoge. Abhi to aap kah rahe the ki main banuga unka rajkumar... to jao apni rajkumari ko apne dum par dhundho. Bua ka mobile nahi milega.


Nandita, Chirag ko aakhen dikhati kahne lagi..... "Mobile deta hai ya lagaun ek chapet... chal mobile de abhi"


Chirag.... Chhota hun na sab hukum jhar lo. Abhi Di nahi to sab sher ban rahe ho. Aane do unko fir hum dono mil kar aap sab ko batate hain....


Nandita.... Jyada natak nahi, chal de mobile abhi....


Chirag, apne hathon se mobile aage badhate..... "Lo, le lo mobile... aaj jit jao aap sab kal mera bhi waqt aayega".....


Shresh ke hathon me mobile thi.... Shresh mobile pura check karne ke baad..... "Iss phone me to koi deta he nahi, phone reset kiya gaya hai"


Nandita aankhen dikhati Chirag se kahne lagi..... "Ye jaroor teri he kartut hogi, chal ghar tujhe aaj main babati hun"


Chirag.... Mamma… papa aap ke pass mein baithe hain. Ye papa wala dialogue mujhe kyon chipka rahi ho. Ab mobile me kuch nahi to uska bhi ilzam mujh par he laga do. Jarra bhi akal-wakal hai ki nahi, wo jaymala ke baad bhagi thi, to khud he reset karke gayi hongi na. Warna unke phone ka to lock he nahi khulta...


Chirag ki baten sun kar Ravi aur Nandita, aur wahan maujood sabhi log tahake laga kar hasne lage...


Himanshu.... Chalo chhoro bhi. Shresh, beta tum paresan na ho, hum dhund lenge, aur yadi Jivisha kee koi khabar mili to tumhe turant inform kar denge. Ek baar fir se dhanywaad aap sab ka aur Jivisha abhi bachi hai, uske galti ke liye ek baar fir main manfi mangta hun.


Do char line ki aur dialoguebaji chalti rahi, fir sab log wahan se chalte bane. Jate-jate sab ko Shresh ne kaha... "Aap sab Jivisha ke bagne ko jyada seriously na le, hum sab milkar dhundhege usse"....

Indore walo kA Dil bhi bahut bada hota hai yari dosto ke liye to jaan Luta dete hai phir ghar me rakhna kya badi baat hai bhai lagta hai aapka bhi kaafi lagav hai Indore se......wese lovely update bro bahut hi slow aur maje se padh rha hu