Schedule |
|---|
UPDATE# | DATE |
|---|---|
Update 117  | November 28th 11:30 PM |
Update 118 | December 6th 11:30 PM |
Update 119  | December 12th 11:30 PM |
Update 120  | December 16th 11:30 PM |
Update 121 | December 20th 11:30 PM |
Umeed hai ap ko update pasand aye ga, Target hamara wohi hai 120 likes ke liye, Milte hai agle update per aur tab tak ke liye, Sayonara!!!]LIKE FIRSTUPDATE 90 ~
(SISTERS)
Sayani Mansion
France ~ 12:41 PM
*Fuuuu ~*
Aarav aur Parth dono balcony me khade huwe the, Aarav balcony ke darwaze se andar sab ke saath baithi huwi Urvi ko daikh raha tha, Urvi ki Yoo-Jung aur Tsubame se bhi dosti lag rahi thi.
Parth: Kaisa hai?
Aarav: Badhiya...Tu kaisa hai?
Parth: Badhiya...!
Parth ye keh ker chup ker gaya, Aarav aur Parth dono ek dusre ko bachpan se jaante the, Aarav aur Parth me bohat kuch similar tha, Uske Mata Pita ek accident me guzar gye the, Parth bhi Aarav ki tarha he uski behan ka khayal rakh raha tha.
Aarav aur Parth dono ne he ek saath bohat kuch daikha tha, Aarav ke bohat mushkil samay me bhi Parth ne uska bohat saath diya huwa tha, Unke beech ek alag tarha ki he understanding thi.
Aarav ke liye Parth uska sab se khaas mitr tha, Lekin ab dono ek dusre ke saamne ek naye rishte ke saath khade huwe the, Parth ko samajh bhi nahi aa rahi thi ke wo Aarav se kaise baat kare.
Aarav(Sigh): Parth, Mujhe tumhare aur Urvi ke rishte se kuch bhi issue nahi hai! In fact, Main khush hu ke Urvi akeli nahi thi, uske paas tumhare jaisa koi tha..Someone i can trust.
Parth ko samajh aa rahi thi ke Aarav kiske baare me keh raha hai, Usko abhi bhi uski Maa per bharosa nahi tha, Aarav sach me Parth ko Urvi ke saath daikh ker khush tha.
Aarav: Lekin main hairan huwa hu...! Mujhe nahi lagta ke last time hum saath the to tumhare Dil me Urvi ke liye feelings thi!?
Parth(Nod): Haan...Lekin kabhi kabhi kuch rishte upar se he ban ker ate hai! Yaad hai main California me ek company ke liye try ker raha tha? Usme mera ho gaya tha aur January se joining thi aur main December 2012 me he California aa gaya tha.
Parth ne uski internship ke baad se he California ki ek company ke liye try karna shuru ker diya tha, Uski ye dream company thi, Aarav ko ab bhi yaad tha ke Parth uski kitni baat kiya karta tha.
Parth: Lekin New Year per main ne tumhe Surprise karna chahta tha! New-York tum se milne Sayani Mansion gaya tha, Lekin udhar Adarsh Sayani ki laash thi, Ye daikh ker main dar gaya... Lekin tabhi tum dono ko lene ayi Suhani Ji se mil gaya.
Aarav ne Varsha ki yaadon me ye daikha tha, Aakash se usko khabar milte he usne Suhani ko Aarav aur Urvi ko lene ke liye bheja tha.
Parth: Suhani Ji se he pata laga ke ab tum dono bhi khatre me ho sakte ho! Ye sun ker main bhi unke saath he hospital chala gaya, Lekin... Lekin bohat der ho gayi thi tumhara kuch bhi pata nahi tha aur... Urvi ki saanse ruk gayi thi.
Aarav(Exhale): Fuuuuu ~
Parth: Urvi ki body ko le ker hum udhar se nikal gye! Aisa mehsoos ho raha tha ke ek baar dobara se main ne apni family ko kho diya ho aur main kuch bhi nahi ker sakta tha...Lekin tabhi ek miracle huwa aur Urvi ki saanse dobara chal gayi, Ye kaise huwa kuch bhi nahi pata tha.....*Tearful* Lekin Urvi ko dobara zinda daikh main khush tha.
Aarav ne uski taraf daikha to uski nazren Urvi per thi, Parth ki aankhon me aansu bhi the aur chehre per ek sakoon bhi tha.
Parth: Lekin... Urvi ko kuch bhi yaad nahi tha! Aisa lag raha tha ke hamare saamne koi aur he ladki baithi thi...Suhani Ji ne Urvi ko yanha france laane ka nirnay liya, Lekin main ab aur kisi per bhi bharosa nahi ker sakta tha, Tumhare ane tak usko bachane ki zimedari main ne khud le li aur main bhi unke saath France aa gaya.
Aarav: Lekin tumhari Dream company ka kya?
Parth(Smile): Dreams family ke saath hote hai! Ye companies to ek gayi dusri aa jaye gi *Giggle*
Parth ye sab keh to muskurate huwe raha tha, Lekin Aarav ko bhi pata tha ke ye uske liye kitna mushkil raha ho ga.
Parth: Varsha Ji ko laga ke ye sab kuch he clan ke kaaran huwa hai! Unhone Urvi ko bachane ke liye uske naam se “Arya” hata diya aur “Arora” ker diya.
Aarav: *Sigh*
Aarav ne ye Varsha ki yaadon me daikha tha, Avinash ne bhi kabhi unhe papers me “Arya” nahi banaya tha, Usko bhi ye andaza tha ke unke spirit clan se hone ke baare me pata lagte he sab clan's unke khoon ke pyase ho jaane the.
Varsha ne bhi Avinash se alag hone ke baad uska naam hata diya tha, Duniya ki nazaron me Varsha aur Ankush married the, Lekin ye sab kuch usne sirf khud ki identity ko chhupane ke liye kiya tha.
Parth: Ab main uske saath bina kisi kaaran ke to reh nahi sakta tha!? Aur uski medical ki padhai ke time per usko sabhi ladko ke proposal se bachana bhi aasan nahi tha to main ne usko.... *Awkward* Date karna shuru ker diya... Lekin kasam se shuruaat me ye sirf usko bachane ke liye tha.
Aarav: Shuruaat me?
Parth: *Cough* Haan, Uske saath ye natak karte huwe kab ye sachai me badal gaya pata he nahi laga! Yanhi ek company ko bhi join ker liya tha aur uske baad hum ne shaadi ker li.
Aarav ko batate huwe Parth kab un dinon me kho gaya usko bhi kuch ehsaas nahi huwa, Aarav bhi usko aise daikh khoya daikh muskurane laga.
*Ding-Dong*
Parth: Huh? Lagta hai Suhani Ji Aarohi ko school se le ayi hai.
Aarav: Aarohi?
Parth: Huh? I thought ke tum ne Varsha Ji ki memories me daikha ho ga.
Aarav: Mnemosyne's Gaze ki kuch limits hai! Unki sabhi memories ko daikhna bhi possible nahi tha.
Parth: Aisa kya?... Ye to phir tumhare liye bhi surprise ho ga! Varsha Ji ne tumhare blood se cure bana liya tha... Aarohi, Urvi aur meri beti hai.
Aarav: Huh?
****
Pune Outskirts
Underground Base ~ 6:49 PM
*Sigh*
Malia Guild ke meeting room me baithi ek file ko daikh rahi thi, Uske saamne he Mia khadi huwi thi aur uske paas he uska bag rakha huwa tha, Michael bhi screen per unke saath he tha.
Malia: Mr. Michael, Ap chahte hai ke hum Mia ko temporary hamari guild ko join karne de?
Michael(Nod): Yes...Mia sirf ek shuruaat hai! Main chahta hu ke hum Association ke sab new members ko training ke liye ap ke paas bheje, Ye ek tarha se hum sab ke liye bohat acha ho ga...Aarav ke saath reh rahe sab log Unbelievable speed ke saath grow ker rahe hai.
Malia: Aur hamay ye kyu karna chahiye hai?... Association ke Strong hone se hum kaise faiyda utha sakte hai?
Michael: Association Aarav ko har tarha ka support karne ke liye ready hai! Aur uska kya matlab hai ye batane ki mujhe zaroorat nahi hai.
Michael ki baat sun ker Malia bhi chup ker gayi, Aarav ne Mia ke saath kya kya kiya tha uske baare me usne Malia ko bhi bata diya tha, Lekin uske baad bhi Michael ne usko yanha bheja tha.
Malia ko bhi andaza tha ke agar Michael unko support karne ki baat ker raha hai to uska kya matlab banta hai, Michael unhe unofficially bhi help karne ke liye taiyar tha.
Malia(Nod): Fine... Lekin hamari Raid team abhi recovery per hai! Hum kuch weeks ke liye raid nahi kare gye aur na he hum Mia ki growth ki kuch bhi guarantee de sakte hai, Uske baad bhi ap ye chahate hai?
Michael(Nod): Yes...!
Malia: Good...! Mia ab se 2 saal tak ke liye hamari guild ki member hai.
*Disconnected*
Malia call ko disconnect karte huwe khadi ho gayi.
Malia: Main tumhe Guild ka ek tour de deti hu...!
Mia: *Nod*
Malia ne Mia ko apne saath liya aur usko underground base dikhane lagi, Aarav ne usko Mia ko sab dikhane ki permission de di huwi thi to Malia bhi usko bina kisi bhi secret ke sab kuch dikha rahi thi.
Malia: Ye Tarun ka workroom hai! Yanha per he Tarun sabhi stones ko purify karta hai.
*Beep*
Malia ne gate khol diya aur dono he andar aa gayi, Lekin andar ka drishya daikh ker Mia bhi chaunk gayi, Usko hava me Mana float hote huwe dikhayi de raha tha aur uske beech me Tarun baitha huwa tha.
Mia uss drishya ko daikh ker bilkul hairan ho gayi aur khud aage badhne lagi, Tarun ke aas-paas Mana float ker raha tha aur usko Tarun ek feather me daalte huwe kaam ker raha tha.
“Ughhh”
Mia bedhyani me he Tarun ke kuch zyada he kareeb chale gayi, Uske shareer se bhi Mana khinchate huwe Tarun ke paas jaane laga, Ek naye Mana ko mehsoos karte he Tarun ka dhayan per uske upar chala gaya aur usne Mana khinchana band ker diya.
*Tuck*
Mia ke kadam ladkhadaye, Lekin Tarun ne uska haath pakad usko girne se bacha liya.
Tarun: Malia...?
Malia: Mia ko ek tour de rahi hu! Usko sirf batana sahi nahi hota to usko experience karne diya ke yanha tumhe bina bataye ane se kya ho ga...Aage chale kya? Lekin ab bine puche khud se aage na badhna.
Mia(Nod): Sorry...!
Tarun ne Mia ke haath ko chhod diya aur Mia Malia ke saath baahir nikal gayi, Lekin ab Mia khud Malia ke peeche he reh rahi thi.
Malia: Ye hamara training room hai! Abhi... Akansha training ker rahi hai, Daikhna hai kya?
Malia ne panel per naam ko padhte huwe kaha.
Mia: *Nod*
*Beep*
Malia ne training room ke bhi darwaze ko khol diya aur dono andar spectator room me chali gayi, Unhe beech me he Akansha khadi huwi dikh gayi, Uske paas ek bada boulder tha.
“Fuuuuu~”
Akansha ne ek gehra saans liya aur usne punch bana liya, Mia bhi usko dhayan se daikhne lagi, Akansha ne uske aur boulder ke beech portals bana liye.
*Woooosh*
*Booooom*
*Crack*
Akansha ka punch un portals ke beech se hote huwe boulder ke lag gaya, Boulder ke tukade ho gye, Ye daikh ker udhar Mia bhi chaunk gayi, Usne kabhi S ranker ko bhi aise punch se itne bade boulder ko todate huwe nahi daikha tha.
*Groan*
Lekin udhar neeche ab Akansha bhi uske haath ko pakad ker baith gayi thi, Uski sab haddiyan dobara toot gayi thi, Akansha ne uske paas rakhe potion ko uthaya aur pee liya.
Mia: Healing Potion?
Ab normal healing potions to zyada rear nahi the, Lekin Akansha ne ek S Rank ka healing potion piya tha, Unko sirf aur sirf extreme critical situation me he Use kiya jata tha, S rank healer bhi ek S rank healing potion ki tarha heal nahi ker sakte the.
Lekin yanha Aarav uske logo ko training ke liye potion de raha tha, Mia ko ab samaj aa rahi thi ke uske baap ne usko yanha kyu bheja hai.
*Brrrrrr*
Akansha ke saamne ka boulder ab dobara khud se sahi hone laga tha, Ye daikh ker Mia aur bhi chaunk gayi.
Malia: Ye indestructible boulder hai! Aarav ne ye item banayi hai...Hum kaam ker rahe hai aise armor ko bhi banane ki.
Mia(Startled): What?
Malia(Nod): Yes... Aisi kuch magic items per bhi kaam chal raha hai, Unhe daikhna chaho gi kya?
Mia(Nod): Yes...!
Mia bhi ab dilchaspi lene lagi thi, Usne to kabhi socha bhi nahi tha ke usko ye sab daikhne bhi diya jaye ga, Malia usko le ker baahir aa gayi aur usko dusri taraf le ker chali gayi.
Mia ko ek badi workshop dikhne lagi, Malia usko andar le gayi, Usko andar har taraf he alag alag items dikhayi di, Mia bhi un sab ko daikh ker hairan thi, Ek saath Aarav ne kayi items per kaam shuru ker diya tha.
“Guild Master?”
Mia ko ek taraf se awaaz ayi to usne udhar daikha, Uske saamne Zoe khadi huwi thi aur uske haatho me kuch items pakadi huwi thi.
Malia: Zoe...Tumhe Mia to yaad he ho gi na? Ab se Mia bhi Guild ko join ker rahi hai... Mia, Zoe bhi Guild ki member hai.
Mia: Lekin... Zoe to ek damage dealer thi na? Yanha kaise?
Zoe(Smile): Mujhe bhi ye he laga tha! Lekin itne saalon se ek player bane hone ke baad bhi main grow nahi ker rahi thi, Mujhe laga ke talent ki kami ke kaaran hai... Lekin Aarav se milne ke baad pata laga ke main kabhi Raid team ke liye thi he nahi.
Mia: What? Lekin phir kya ho?
Zoe: Magic Engineer... Main swordsman nahi ek Magic Engineer hu! Blacksmith ki skills ko main aise he bekar samajh rahi thi, Lekin mere paas wo thi kyu ke main ek magic engineer ka talent rakhti hu... Aarav ne mujhe teach kiya hai aur ab mere paas Magic Engineer Job bhi hai.
Malia: Zoe aur tum hamari Guild ke new player ho! Ek aur bhi hai, Lekin uske saath sirf Aarav he baat karta hai aur tumhare liye ek task bhi Aarav ne diya hai.
Michael aur Mia ko bhi pata tha ke Aarav he Guild ka real Leader hai, Malia sirf Guild ko Aarav ki absence me manage karne ke liye aur sab ko dikhane ke liye he thi.
Mia: Task?
Malia: Haan...To complete it, you need to forge 100 swords in the next 100 days! and they all have to be at least E rank.
Mia: What?
****
Sayani Mansion
France ~ 1:57 PM
“Mummy... Daddy”
Aarohi darwaza khulte he bhaagte huwe andar aa gayi, Urvi ne usko ate daikh aage badh ker usko gaud me utha liya, Urvi ki gaud me ate he Aarohi khilkhilane lagi.
Aarav: Ye....Ye Aarohi hai?
Aarohi ko daikh Aarav ke chehre per bhi ek muskurahat aa gayi, Urvi aur Aarohi ko yun hanste daikh usko bhi khushi ho rahi thi.
Parth(Smile): Haan... Ye tumhari bhanji hai.
Urvi ne Aarohi ko neeche utara to Aarohi bhaagte huwe Parth ke paas aa gayi, Parth ne bhi usko gaud me utha liya aur baate karne laga.
Aarav: She look just like her mother...!
Aarohi ko daikh ker Aarav ko usme Urvi ka bachpan dikhayi de raha tha, Aarav ne Urvi ko bhi aise he bachpan me hanste huwe daikha tha, Lekin uski muskan samay ke saath khatam si ho gayi thi.
Lekin ab Urvi bhi Aarohi ke saath dobara muskura rahi thi, Uski ye Muskan jhooti nahi thi.
Aarohi: Uncle, Ap roo kyu rahe ho?
Aarav: Huh?
Aarav ko khud ehsaas nahi huwa ke unko daikhte huwe uske khud ke aansu kab chhalak pade the, Aarav ne uske aansuon ko paunchh liya.
Urvi: Aarav, Ap theek to hai na? Kuch huwa hai kya?
Yoo-Jung: Aarav?
Aarav: Kuch bhi nahi huwa... Aise he soch raha tha ke Derek bhi yanha hota to kitna acha hota na?
Urvi: Derek? Yoo-Jung ka beta?
Aakash(Grin): Actually... Derek Yoo-Jung aur Aarav dono ka beta hai! Shayad batana bhool gaya tha.
Yoo-Jung(Startled): Aakash?
Aakash:
Urvi: I'm Sorry... Mujhe pata nahi tha ke ap dono saath hai! Lekin Yoo-Jung... tum ne bhi kabhi bataya nahi?
Yoo-Jung: Nahi...Hum saath nahi hai.
Urvi: Sorry... Main kya bol rahi hu? Meri bhi kaisi backward soch ho gayi hai, I'm happy for both of you *Awkward*
Aakash aur baaki sab unke beech ki uss awkwardness ko enjoy ker rahe the, Urvi ko samaj he nahi aa rahi thi ke wo kya kahe.
“Aarav”
Varsha aur Suhani bhi aa gayi, Varsha ate he Aarav ke paas aa gayi.
Varsha: Hum baat ker sakte hai kya?
Aarav(Nod): Huh, Mujhe bhi ap se kuch baat karni hai...!
Varsha Aarav ki baat sun ker hairan ho gayi, Usko laga tha ke Aarav uske saath baat bhi nahi karna chahe ga, Lekin Aarav bhi uske saath baat karna chahata tha.
Urvi: Aarav, Ek minute rukna...!
Urvi ne Aarav ke haath ko pakadte huwe usko rok diya, Aarav bhi udhar ruk ker usko daikhne laga, Urvi ne usko khada kiya aur apne saath laye bag me se kuch nikalne lagi.
Urvi: Actually...Yanha aj main Aakash aur Barbie ko raakhi baandhne ayi thi! Lekin ap ke baare me pata nahi tha ke ap bhi aye huwe ho...Ye kal ek normal rakhi khud se banayi hai ap ke liye to iss saal ke liye ap ko iske saath kaam chalana ho ga.
Urvi ne bag me se ek rakhi ko nikal liya aur Aarav ke paas aa gayi, Aarav khada usko daikhta he reh gaya.
Urvi: Ap ki kalai?
Aarav: Huh? Haan...Haan!
Aarav ne haath aage ker diya, Urvi ne uski kalai per rakhi baandh di.
Urvi: Happy Rakshabandhan...!
Aarav ke Rakhi bandh ker Urvi Aakash aur Barbie ko bhi rakhi baandhne lagi, Aarav khada apni kalai per bandhi rakhi ko he daikhta raha.
Aarav: *Tearful*
Varsha: Aarav...Chale kya?
Aarav(Nod): Haan... Chaliye!
Aarav Varsha aur Suhani ke saath baahir chala gaya, Varsha aur Aarav car ke andar baith gye, Suhani baahir he khadi ho gayi.
Lekin dono me se koi bhi kuch bhi bol nahi raha tha, Varsha abhi bhi gilani se bhadi huwi thi, Lekin Aarav abhi bhi uske haath per Rakhi ko daikh raha tha.
Varsha: Umm...Aarav, Main tum se maafi mangna chah-
Aarav: Maaf ker diya...!
Varsha: Kya?
Varsha Aarav ko daikhti he reh gayi, Aarav ke kahe shabdon per usko vishwas nahi ho raha tha.
Aarav: Lekin ap dobara kabhi bhi meri Maa nahi ban sakti ho! Ap uska haq kab se kho chuki ho...Lekin main ap chahta hu ke ap Urvi ki Maa bani raho.
****
20 Minutes ago....,
“Aarav”
Parth ne haath aage karte huwe Aarav ko ishara ker diya, Aarav usko daikhne laga.
Parth: Tum sab kuch nahi daikh sake the na? Ab tum meri nazar se baaki sab kuch daikh sakte ho.
Parth ki baat sun ker Aarav ne uska haath pakad liya.
[Ability (Mnemosyne's Gaze) Activated]
[Sharing memories…]
****
“Urvi? Urvi?”
Urvi ne khud ko kamre me band ker diya huwa tha, Usko kuch bhi yaad nahi aa raha tha aur ye usko pagal ker raha tha, Varsha ne darwaze ke lock ko tod diya aur andar chali gayi.
Usko daikhte he Urvi dar gayi, Varsha usko aise daikh ker dheeme dheeme uske paas jaane lagi aur usne Urvi ko gale se laga liya.
Parth, Suhani aur Ankush darwaze per he khade sab kuch daikh rahe the, Varsha ko Urvi ka pata laga to wo sab kaam ko aise he adhoora chhod ker aa gayi thi, Usne ab tak kapade bhi nahi badle the aur na he usko farak per raha tha.
Varsha ki aankhe bheegi huwi thi aur uske agosh me Urvi ko bhi ab sakoon aa raha tha, Usko ab bhi nahi pata tha ke Varsha kon hai, Lekin uske paas usko safe feel ho raha tha.
****
Sayani Mansion
France ~ 2:27 PM
Varsha: Aarav...?
Aarav(Sigh): Huh, Ap kabhi meri nahi ban saki aur na he ban sake gi! Lekin shayad ap Urvi ki Maa ban sakti ho...Please, Uske liye ek Maa baniye ga, Ek researcher nahi.
Varsha(Tearful): Aarav...Kya tum hamare saath nahi raho gye? Urvi ko tumhari bhi zaroorat hai.
Aarav: Urvi ke liye main sirf ek shrap ki tarha hu...! Agar main nahi hota to kabhi ap kuch experiment na karti...Papa ko bhi kabhi Urvi se dur na rehte aur na he uske upar kabhi attack huwa hota...Mere kaaran usko sirf dukh he mile the lekin mere baad se usko khushiyan naseeb huwi hai, Ab main unka gala nahi ghontna chahata.
Varsha(Tearful): Aarav?
Aarav(Tearful): Please... Agar ap ne kabhi ek pal ke liye bhi mujhe apna beta mana tha to meri ye baat maan lo.
Aarav ki baat sun Varsha bhi chup ker ke baith gayi, Usko kuch bhi samajh nahi aa rahi thi ke wo kya kare, Usne sirf haan me sar hila diya aur baahir nikal gayi.
Tinkerbell: [Master, Ye zaroori tha kya?]
Aarav: [Haan, Kyu ke abhi kuch bhi khatam nahi huwa hai! Abhi mera intiqaam pura nahi huwi hai, Lekin Urvi ko bhi mere saath intiqaam ki aag me jalne ki zaroorat nahi hai]
Tinkerbell: [Lekin Master! Kya ap sach me Urvi ke bina reh sako gye?]
Aarav(Smile): [Rehna he ho ga! Tinkerbell, forged memory fragment lo destroy ker do]
Tinkerbell: [Are you sure?]
Aarav(Nod): [Sure!]
Tinkerbell: [Destroyed...! Ab ap kya kare gye?]
*Ding*
Aarav ke phone per ek notification aya to Aarav usko daikhne laga, Aarav ko ek Tanu ki taraf se ek video message aya huwa tha.
Aarav(Smile): Ab naye rishton per dhayan dena ho ga...!
*Play*
****
“Yanhi per baithe raho”
Tanu ne Aayush ko pakad ker udhar rakhi kursi per baitha diya, Ishika uske paas he baithi usko daikh rahi thi, Tanu ne phone set kiya aur Aayush ke paas chali gayi.
Tanu: Mr. Aarav, Ap ki sabhi kartuton ka bhanda foot gaya hai! Ap ke paas Ishika Di ke discharge hone tak ka time hai, Sab kuch khud he bata dena, Nahi to ap ke iss behrupiye ka muh noch lu gi... Lekin, Nahi Nahi... Aise to ap ke natak ke baare me sab ko pata lag jaye ga na? Aisa karu gi ke ap ka bhi muh noch du gi, Phir bane rehna ek dusre ke humshakal... Ab khud sharafat se sab kuch bata dena.
****
Sayani Mansion
France ~ 2:38 PM
*Laugh*
Tanu ki Video ko daikh ker Tinkerbell bhi khud ki hansi rok nahi saki, Uske saamne Red dragon kisi bheegi billi ki tarha baitha huwa tha, Aise to wo Aarav ke saamne bhi nahi dara tha.
Aarav(Sigh): [Lagta hai waapis jaane ka samay aa gaya hai]
*Knock-Knock*
Aarav ne abhi Video band ki he thi ke car ki window per knock huwa, Aarav ne udhar daikha to Suhani khadi huwi thi, Aarav ne seesha neeche ker diya.
Aarav: Yes?
Suhani(Annoyed): Ek minute ke liye haath aage karo...!
Aarav: Huh?
Suhani: Please ab meri patience ko test na karo! Haath aage karo aur... Aankho ko bhi band karo.
Aarav: What?
Suhani: Do it...!
Aarav ko kuch bhi samaj to nahi ayi, Lekin usne haath aage ker ke aankhe band ker di, Suhani ne uske haath per rakhi bandh di aur udhar se bhaag gayi.
Aarav: Ye kya tha?
“Uske bhai ki aatma abhi bhi tumhare he andar hai na? Uska bhi apne bhai ko rakhi baandhne ko dil chah raha ho ga”
Aarav(Startled): What the fuck?
Aarav uske paas se ayi awaaz ko sun ker chaunk gaya, Usne apne saath daikha to udhar Soul baitha huwa muskura raha tha.
Aarav: Ap yanha kaise?
Soul(Grin): Un dono ko chakma de ker aya hu! Unko pata lagte he dono ke dono laal peele hone wale hai.
Aarav: Phir ap kyu aye ho?
Soul: Tum ne mere ek reward ko to destroy ker diya hai! Ab uske badle dusra to dena ho ga na?
Aarav: Dusra reward?
Soul: Aankh ke badle to Aankh hoti hai! Ab Behan ke badle bhi to behan ho gi na? Ab dusri behan ke paas jaane ka samay aa gaya hai.
****
Unique Hospital
Surat ~ 7:12 PM
Kunal: Doctor se baat ho gayi hai! Ap ko aj raat rest karni ho gi, Ap ko kal discharge mil jaye ga, Sab gharwale Mumbai chale gye hai aur hum sab kal saath chale gye.
Ishika: Thank You...!
Kunal: Ab mujhe bhi Thanks kaho gi kya ap? *Smile* Ye ap mera school ka homework karne ke ehsaan ka badla samajh sakti ho.
Kunal ki baat sun ker sab hans diye, Kunal aur Nandini doctor se baat karne ke liye chale gye, Tanu udhar baithi dobara se Aayush ko ghurne lagi.
Ishika: Ab kya ho gaya hai?
Tanu: Soch rahi thi! Aarav to ab bade bhai hai, Unko maru gi to wo disrespect ho gi na? Lekin ye chehra to punching bag ki tarha Use ker sakti hu na?
Ishika(Glare): Tanu!
Lekin Ishika ke ghurne per bhi Tanu ruki he nahi aur khadi ho gayi, Usko aise daikh ker Aayush ko kuch samaj nahi aye ke ab wo kya kare, Tanu ne uske saamne punch bana liya.
Ishika ne uski aankhe band ker li aur Tanu bhi ne bhi uska punch bana ker zor lagate huwe aankhe band ker li.
*Woooosh*
“Ouch”
Tanu ka punch lag gaya, Ye daikh Tanu ne bhi aankhe khol li, Usne to sirf Aayush ko darana he chaha tha, Lekin ab Tanu ne aankhe kholi to uske saamne Aayush to tha, Lekin uska punch Aarav ke muh per tha.
Tanu: *Scream*.
.
.
.
.
.
.
.
[Aj ke liye itna he, Ye update 4.5K ka tha aur ye kaafi blunders ke baad likha gaya hai
Badhiya update
Arav ko fir new year ka nightmare aya or ab arav ke friends ko bhi arav ke bare me pata pad gaya ha ki arav itna time se kahan tha jahan sab emotional ho gaye the wahin you jung ne lagaya dimag ki vansh ke pas 3 CWD kahan se ayi ek to uski khudki thi ek jinhoo ne di ab baki rahti ha tisri drop wo kon de gaya mujhe to lagta ha tisri drop wo fire clan wala Lee Soo-hyun de diya ha lagta ha kher ye to waqt batayega
Or you jung ke sath bi bura hua ye uske dad ne hi uski maa ko usi ke samne jinda jala diya or un dono ko bhi marne wala tha wo to avinash ne ake bacha liya isliye fire clan wale avinash or spirit clan se itni nafrat karte han bhai inke ghar me ghuske inki leader ko tapka gaya or dusre ka hath kat diya kher ab ane wali mulakat me dekhte han ki kya hota ha you jung badla le pati ha ya nahi waise lena to chahiye or ek bat ha avinash ne in sabhi ki madad kar rakhi ha ek tarah se chahe you jung or uski siter ko bachana ho ya wind clan ki madad karna ho sab oer apni chhap chhod rakhi ha usne iska hi fal ha ki ye sab arav ke sath ha
Idhar hospital me rad rank dragon ki tanu se phati hui ha
Tanu: Hilne ki koshish bhi na karna! Yanhi per injection laga laga ker puncture ker du gi.
Litteraly it was to funnysocho rad dragon ko koi aise dhamki de kitna funny ha ye
Or ye dhanush matlab ki kiske samne khade hoker kya bat kar raha ha sidha arav ko clan leader banne se mana kar dena or arav ko dual ke liye chunoti li ho kara li beijjati ek jhatke me har gaya arav ne bhi sidhe kah diya ki arav hi ha leader next or wo puchh nahi order de raha ha inko badass attitude barkarar ha arav bhai ka
Idhar sanvi bua ban gayi arav ki or akash fufa aila kya horela ha idhar pehle akash bhai tha or sanvi bhabhi ab badal gaya sab
Idhar last me urvi aa pahunchi ha arav ke pas wo bhi parth ke sath ye parth to arav ka friend ha dekhte han ki kya ha urvi ir parth ke bich kahin sach me to urvi ne shadi to nahi kar li parth se ab arav ko bhi urvi ko uski memories de dena chahiye jisse use usmi behen wapas mil sake
Zabardast
Ab mai aur interested ho gya saanvi uski bua kaise ? parth udhar urvi ke sath kya kar raha hai ? Woh bhi janna hai mujhe.
Mazedaar fantastic update brother.
Excellent update bhai
Ding
Very nice update bhai
Bhai sach mein imagination ki power Logon ki badi Khatarnak hai
Thik hai bhai
BHAI ABHI AAYEGA ya fir LATE NIGHT AAYEGA?
