Update : 13 (Welcome to the Past)
Location : Earth-2, Mumbai
Time : 16 February 2018
Yeh duniya bhi kitni ajeeb haina, kab kya ho jaaye koi nahi jaanta, ha kabhi kabar hume abhaas jarur ho jaata hai ki shayad aane waale waqt me kuch bura hone vala hai..par kya hoga voh hamare sochne samajne ke bahar hai
Insaano ne kabhi sapne me bhi iss hone vali tabahi ki ummid nahi ki thi, 2018 ka saal ek esi barbaadi lekar aayega iski kisine kalpana tak nahi ki thi, aaj pure 2 mahine beet chuke hai..karib 70% se bhi jyada Earth tabah ho chuki hai..ab kuch gine chune sheher bach gaye hai..par yeh shehar naa hokar kabristan baan chuke hai, yaanha log ab gaadiyo me nahi balki raat ke andhere me tuti futi buildings ki aad me chupkar bahar jaate hai, kyunki ab naa toh sehar me raste bacha hai aur naa hi rehne ke liye ghar
Raat ke karib 11 baj rahe honge, Mumbai..jise hum keh sakte hai unchi imarto ka shehar aaj puri tarah se tabah ho chuka hai…sehar me kuch bacha hai toh unn giri hui imarto ka malba aur unhi malbo ke niche dabi hui insaano ki laashe
Vaise toh Mumbai bahut hi bada sehar tha..lekin aaj yeh Mumbai shaant ho chuka tha..aisa lag raha tha maano iss sehar ki dhadkan band si ho gayi ho..kyunki sehar ki haalta itni jyada kharab ho gayi thi ki ab iss sehar me jeena namumkin sat ha
Lekin yeh haal sirf Mumbai ka hi nahi..balki duniya ke har ek jagah par yahi haal tha, tuti hui imarte aur unke niche dabi hui insano ki laashe
Mumbai aaj puri tarah se shaant pad chuka tha, bas asmaan me rahe baadalo ke garajne ki awaaz ek matr shor ka jariya thi, aur roshni toh jese seher se gayab ho gayi thi, charo aur Ghana andhera tha
Upar se mumbai tej baarish ki vajah se kuch dekhna lagbhag naamumkin sa ho gaya tha..jo kuch dikhayi padta toh voh sir bijli ke kadakne ki vajah se dikhayi deta tha
Yah haalat sirf iss sehar ki nahi balki puri prithvi ki haalat ese ho gaye the, aisa lag raha tha maano ki prithvi baarish ke madhyaam se apna dard bayan kar rahi thi
Ek ladka teji se bhaag raha tha, chap chap chap ki awaaz uske daudne ki vajah se unn tuti hui buildings ke pass se aa rahi thi, voh ladka daudte hue baar baar piche dekh raha tha, aisa lag raha tha ki maano koi hai jo uska peecha kar raha hai
Voh ladka buri tarah haanfte hue bas daude jaa raha tha daude jaa raha tha..chehra pura pasine se latpath aur uske chehre se saaf pata chal raha tha ki voh bahut hi jyada dara hua hai
Achanak se awaaz kabhi band ho jaati toh kabhi ekdum se daudne ki awaaz sunayi deti, voh buildings ki aadd me chipte hue vaha se bhaag raha tha, daudne ki vajah se uski saanse kaafi jyada ful gayi thi..lekin voh uski parwaah kiye bina hi voh apni jaan bachata hue bhaage jaa raha tha
Thodi der aur bhagne ke baad use ek shaqs dikhayi diya, jise dekhte hi uske chehre par ek choti si muskaan aagayi aur voh teji se uss shaqs ke pass aa pahucha, uske pass pahuchte hi uske muh se sirf ek hi shabd nikla “aarav” aur voh jor jor se haanfne lagta hai aur voh aarav kaa naam lena band nahi karta
Vahi aarav thodi dur ek building ke pass ek aur ladke ke saath khada tha, voh ladka aarav se kehta hai “are yaar, ise kya hua ab..?? yeh kyu itna chilla raha….” Voh bolte hue ruk gaya
Aarav uss ladke ki adhuri baat sunkar haste hue kehta hai “are chodna bhai, yeh Rahul ki purani adat hai, voh hamesa ese hi rote rehta hai”
Lekin pathik ne aarav ki baat ko unsuna kiya aur voh Rahul ke pass jaakar use sambhalne ki koshish karne laga, Rahul bahut hi joro se haanf raha tha, uski saansein itne tez chal rahi thi ki Pathik ko pata chal gaya ki kuch gadbad hui hai
Pathik ko dekh Aarav ki najar Rahul ki aur padi, aarav ekdum serious hote hue kehta hai “shant hoja Rahul, saans lele”
Thodi der ke baad Rahul ki saansein normal hui, voh haklate hue kehta hai “aarav, voh zorians…voh unhone”
Pathik “zorians kya, kya hua”
Rahul “unhone infinity mall aur uske aaspass vala sara area tabah kar diya hai, muje lag raha hai ki shayad voh iss taraf aa rahe hai”
Aarav yeh sunkar turant Pathik ko ishara karta hai, aur voh teeno hi vaha se bhagne lage, voh kuch choti galiyon mese gujarte hue aage badh rahe the
Yeh galiya tuti hui imarto ki vajah se bani thi, aur yeh teeno kuch der bhagte hue ek adh-giri hui buildings ke pass aakar ruk gaye
Yaha pahuchte hi Aarav kehta hai “bhai, agar yeh aisa hi chalta raha toh pata nahi hum kitne din zinda reh paayenge”
Pathik “yeh toh sahi kaha tune, ab sirf yahi ek jagah bachi hai..agar yeh khatam ho gaya toh hamare pass naa toh khaane ke liye kuch bachega aur naahi kisi ke liye koi dawa”
Rahul vese hi haklate hue kehta hai “aur naa hi hum bachenge, muje sab maare jayenge”
Aarav “nahi Rahul, hume ladna hoga, lade bina mai haar nahi maan ne vala”
Pathik “voh sab toh thik hai, hume jaldi karna chahiye, agar voh zorians hai toh unke aane se pehle hume apna saamaan lekar yanha se nikal jaana chahiye” aur voh fatafat se khaane peene aur dawai ka samaan lene lagte hai
Acnahak se Aarav ko kuch sunayi deta hai toh voh uss awaaz ki aur chala jaata hai, aur yeh dekh Pathik bhi Aarav ke saath uske piche chala jaata hai
Vahi kuch hi dur, ek tuti hui dukaan ke pass, Sam aur Akshita baate karte hue chal rahe the, voh apne aaspass uss har ek giri hue malbe ko dekh rahe the, yanha ke haalat unn dono ke liye bhi bahut hi jyada chaukane vale the
Sam unn har laasho ko dekh raha tha jo vaha padi hui thi, kisi ke hath kate hue the toh kisi ke pair, toh kisika sharir nahi tha kahi sirf insaan ka sar tha toh kahi kuch aur, yeh sab dekhkar voh kehta hai “what the hell is this..??”
Akshita “sam, yeh..yeh past nahi ho sakta, I think we are in future” voh ghabrate hue kehti hai “nahi sam, please keh de ki yeh, yeh hamara future nahi hai, mai nahi dekh sakta aisa”
Sam aur Akshita yeh nahi jaante the ki voh log kaha hai, yaa fir yeh kahu ki voh konse waqt me hai, lekin jo halat voh dekh rahe hai usse toh yeh saaf ho raha tha ki voh past me jaane ki vajah future me pahuch chuke hai
Sam bina kuch bole vahi par apne charo aur dekhe jaa raha tha, sam ke iss tarah se chup rehne par akshita kehti hai “sam..muje nahi lagta ki ab yaha par koi rehta hoga”
Sam bhi uss jagah ki durdasha dekhte hue kehta hai “aksh..yeh jagah par rehna toh dur..muje toh yeh bhi nahi lagta ki yaha par koi zinda bhi bacha hoga”
Akshita “sam..toh kya sach me yeh hamara ant hai..?? kya sach me hum zorians se haar jayenge..??”
Akshita ke puche hue sawalo ke jawab Sam ke pass nahi the, voh bina kuch kahe Akshita ko apne gale se laga deta hai aur apni najar charo aur ghumata hai jaha par sirf buildings ka malba pada hua tha
Charo aur ka vatavaran ekdum shant tha, baarish band ho chuki thi, par thandi thandi dheere dheere hawaein chal rahi thi, aisa lag raha tha ki ab iss dharti par kuch nahi bacha..jo ghrah kabhi insaano se bhara hua tha voh ab hamesa ke liye khokla ho gaya hai..aisa mehsus ho raha tha ki shayad insaano ke karmo ka fal hamari dharti ko bhugatna pada hai, kyunki kahi na kahi dharti ki iss haalat ke zimmedar hum insaan hi toh hai
Aaj humne prithvi ki kya haalat bana rakhi hai, charo aur sirf pradushan bacha hai, global warming badhte jaa raha hai, paani khatam hone laga hai, par hum insaan abhi bhi hamare ghar ki kadar nahi kar rahe
Tabhi sam aur aksh ko kisi ke baat karne ki awaaz sunayi deti hai, awaaz ko dhyaan se sunne par pata chala ki yeh awaaz unke dayi aur se aati hai toh voh dono uss awaaz ka piche karte hai, aur unhe tin log dikhayi dete hai jinmese do aapass me baat kar rahe the
Pehla shaks “aarav, muje nahi lagta ki yaha par koi hai”
Aarav “sahi kaha bhai, muje aisa abhaas hua tha ki shayad yaanha par koi hai”
Pathik “aarav, humare alawa ab iss seher me koi jinda nahi bacha, ab toh muje bhi lagne laga hai ki ab hum aur kitne din zinda reh payenge”
Aarav “I don’t know, par mai itni jaldi haar nahi manne vala”
Tabhi aarav ko lagta hai ki unn dono ke piche koi hai toh voh turant hi apne belt par lagi gun nikalta hai aur unke piche aa rahe Sam par tank deta hai
Aarav ko aise karta dekh Pathik aur Rahul bhi thik aisa hi karte hai aur Pathik unse sawaal karta hai “who are you..?? kaun ho tum dono..??”
Achanak se inn tino ko aisa karta dekh Sam thoda hadbada jaata hai aur voh apne haatho ko upar karte hue kehta hai “wait..wait, I am not your enemy, let me explain”
Aarav “jaldi bol”
Sam “yeh konsi jagah hai..??”
Sam ke esa puchne par aarv ajeeb si shakal banate hue kabhi sam ki aur dekhta hai toh kabhi Pathik ki aur dekhta hai
Aarav fir vapas jab Sam ki aur dekhta hai toh achanak se uski najar ek deewar ke piche se aa rahi Akshita par padi, aur uske haath me ek gun dekh voh dar jaata hai
Aarav kuch karta uske pehle Akshita apni laser guns ko fire karti hai, laser gun se nikalkar aarav ke pass se gujarkar sidhe uske piche jaati aur vaha se aa rahe ek zorian ko lagti hai
Aarav ne jaldi se piche mudkar dekha aur fir voh chillaya “ohhhh freekkk, ise bhi abhi aana tha”
Pathik ki najar abhi akshita par nahi thi, par aarav ki awaaz sunkar usne pehle aarav ki aur dekha aur fir usne bhi piche mudkar Zorian ki aur dekhta hai
Sam jo apne haath upar kiye hue khada tha uski bhi najar uss akele Zorian par padti hai, toh use dekhkar voh bahut hi gusse me aajata hai
Sam ne jaldi se apni laser sword nikali aur siddha jaakar Zorian se bhid pada, lekin zorian bhi kaha peeche rehne vala tha, voh Sam ko kadi takkar de raha tha, unn dono ki hathiyaar apas me takra rahe the, Zorian ka iss waqt pura dhyaan Sam par tha, toh usne Akshita ko aate hue nahi dekha, aur sam jor se chillate hue kehta hai “now aksh”
Zorian ko maarne ke baad Akshita uski body ko dekhte hue kehti hai “sam..I think, we are in the same time”
Aarav “same time..?? iska kya matlab..?? and who are you..??”
Lekin shayad Pathik ko abhaas tha ki yaha jyada der rukna sahi nahi hoga, voh fauran kehta hai “aarav, filhaal hume yaha se jaana hoga, agar yaha ek aa sakta hai, toh pata nahi iske piche aur kitne honge..kyu na hum thoda aage jaakar baat kare, let’s move”
Sam, akshita aur aarav ko bhi yeh sahi lagta hai, voh sab vaha se bhagte hue nikal jaate hai, aur fir thoda dur aakar ek building ki aad me chup jaate hai
Pathik apna haath aage badhate hue kehta hai “thanks, thanks for your help”
Sam bhi pathik se haath milate hue kehta hai “Sam, aur yeh Akshita” voh akshita ki aur ishara karte hue kehta hai
Rahul, Pathik aur Aarav ke haath me rahe bade se thelo ko dekhkar Sam kehta hai “tum sab ne bureu ka contact kyu nahi kiya..??”
pathik, aarav aur Rahul tino ek saath dohrate hai “bureu..??”
Sam “tum log toh aise chaunk rahe ho jese Meditown Bureu ke baare me kabhi nahi suna”
Pathik apna sar naa mein hilata hai “humne kabhi bhi Meditown ke baare me nahi suna”
Aarav khud ki pehchan dete hue apna sawal dohrata hai “dekh sam, hum mese kisine bhi iss jagah ke baare me nahi suna, toh mai apna sawaal fir se dohrate hue puchta hu ki tere kehne ka kya matlab tha..?? aur who the hell are you”
Pathik “aarav, shant hoja, I don’t think yeh voh zorians hai”
Sam “aarav, hum dono bhi insaan hai, mere kehne ka bas yeh matlab tha ki mai galat tha, voh koi time portal nahi tha”
Aarav aur Pathik ek saath kehte hai “time portal..??”
Sam “haa, anyways..voh mai baad me bataunga, but I really want to know ki yeh jagah konsi hai..??”
Pathik ajeeb se hasi haste hue kehta hai “yaar..tu toh esi baate kar rahe hai ki jese tu Mumbai pehli baar aaye hai, comman man”
Pathik ki baat sunkar Sam aur Akshita dono ek saath kehte hai “MUMBAI….!!!!!”
To be continued…
next update milu
arpi 
dinosaurs bhi wahi hai.. 
& Gentleman, 
