Sci-FI StRanGe WoRLd : APOCALYPSE

[Milan2010]

Strange
Will wait for next

avir bhai

 

[Milan2010]

Sahi bolu bhai likh to acha rahe ho acha kya jabarjast likh rahe ho par bhut confuse ho rha hu ki chal kya rha hai....

thnk u so much bhai
Sari toh nahi pr kuch confusion iss update me dur ho jayegi

 

[Milan2010]

Excellent story milan bhai
Mujhe to ye physics ki space world theory na kabhi samajh aayi thi aur lagta hai ki na kabhi samajh ayegi
But padhne me maza a raha hai

thank you bhai
Koshish karunga ki asan lang me likh saku

 

[Milan2010]

But how will they reach bureau???
They have traveled in time....
Am I right or....
A fantastic update....
Keep it up and post fast....

luv bhai
Well u will get to know today
Keep reading

 

[Milan2010]

Zorains kam the jo yeh Dinosaurs aa gaye hai ab toh ladai mein kya hoga dekhane wali baat hai kya sam ki soch sahi hai ya galat pata karna padega
Waiting next

Hihihi...abhi toh bahut kuch aana baaki h

 

[Milan2010]

Bhai ho kya raha kabhi lagta hai Dinosaurs hai kabhi lagta hao Zorains hai kon hai yeh jo sab ki lene par tule hai woh bhi itni buri tarah se aur last mein yeh kon sa oculus protocol aa gaya
Kuch clear bhi karo yrr jaldi jaldi dimag ki dahi hote jaa rahi hai
Waiting Next

Bhai aaj kuch had tak clear ho jayega

 

[Milan2010]

Yeh ishq nahi aasa
Ek aag ka dariya hai
Aur dub ke jaana hai
Ab samjh aaya yeh sala kon sa protocol hai ab sam time travel karega ab dekhana yeh hai ki sam akele jata hai ya aksh sath mein jayegi aur sab se main sam jayega ya nahi aur yeh Zorains aur dainasours ka kya lafda hai dainasours hai bhi ya yeh Zorains ka hi koi part hai waiting next

Sam kya karega voh toh muje nhi pta
Pr ab aage dhamaal hone vala h

 

[Milan2010]

Kuch aise update diya karo bhai jisme dimag jayada na lagana pade aap ke baki update aise bhari rahate hai ki sala 2 baar padhana padata hai
Waise yeh sam toh akshita par lattu ho gaya hai shuru se hi apne commender se hu bhidane ko tayar hai uske liye agar woh nahi toh hum nahi wali baat aa gayi
Waiting Next

Hahaha bhai isi hi pyaar kehte h
Jo sabko barbaad kr deta h ..yeh bhi marega
Anyways..aage toh ese updates honge ki 3 baar padhna padega
Keep reading

 

[Milan2010]

Selection toh bahot jor shor se karwaya tha sam ne aks ka
Aur yeh abhi tak aks ka gussa shant nahi huwa usko kaise shant karoge chicha usko bhi shant karo aur time travel mein part 1 wale koi milega ya sab new hi hai yeh dekhana hai mere ko
Waiting next

Aksh maan gayi h bhain..age padh lo
Time travel ka pta nhi...pr travel hoga jarur

 

[Milan2010]

Update : 11 (Waqt ka Mayajaal)​

akshita ne sam ko ekdum joro se apni baanho me le liya tha aur ruansi awaaz me kehti hai “I love you sam…please ese majak naa kiya kar..muje bahut darr lag raha hai" aur voh rone lagti hai

Sam ne akshita ko chup karaya aur uske sar par haath firate yue kehta hai “aksh..you are right..yeh jagah safe nahi hai..hume jald hi bureau pahuchna hoga”

Ab aage…

Sam ki baat sunkar akshita sawaliya bhari najro se sam ki aur dekhti hai..par voh kehti kuch nahi, kyunki sam ke chehre par rahe bhaav ko dekhkar voh samaj gayi thi ki koi bahut badi baat hai..lekin use yakeen tha ki sam usse chipayega nahi isiliye usne kuch nahi pucha

Akshita ka haath pakadte hue sam vaha se bhagne laga..aur akshita bhi bina kuch puche sam ke saath bhag rahi thi..karib 20 min ke baad voh dono vapas vaha pahuch gaye jaha par unka vehicle khada tha
Sam ne akshita ko turant vehicle me baithne ko kaha aur voh dono hi coronal city se bahar nikal gaye..sam ki yeh hadbadhat dekhte hue akshita khud ko rok nahi paayi..use kuch bhi samaj me nahi aaraha tha toh usne sare sawaal ek saath hi puch liye “sam..aakhir tu gaya kaha tha..?? meri yeh watch kyu kaam nahi kar rahi thi..?? Aur tu itna tensed kyu hai..kya hua sam..?? Aisa toh tuje kya pata chala ki tu fauran vaha se nikal aaya..aur uss soldier ke baare me kuch pata chala..??"

Sam ne akshita ki air dekhte hue bas itna hi kaha “abhi nahi aksh..mai bureau pahuchkar sab bata dunga, and you are right..voh dinosaurs hi the"

Akshita yeh sunkar thodi chaunk jaati hai..kyunki jo ladka coronal city aane se pehle yeh manne ko taiyaar nahi tha ki dinosaurs hai voh hi abhi keh raha hai ki dinosaurs sach me hai..par sam ki halat dekhte hue akshita ne kuch bhi puchna sahi nahi samja..aur voh bas sam ke kandhe par apna sar rakh deti hai aur apni aankhe band karke sam ki yaadon me lipatti chali gayi..aur vahi sam ne pyaar se akshita ke sar par kiss kiya aur voh kuch sochne laga..uss baare me ki usne jo bhi dekha voh sach tha ya fir koi bhram..??

Sam apne man me kehta hai “yeh sach nahi ho sakta voh sirf ek illusion tha..aur kuch nahi, mai yeh sab sochte rehta huna isiliye….” Par fir voh apne haath me rahi uss chiz par ek baar najar daalta hai aur apne man me hi kehta hai “agar yeh mera bhram hai toh fir yeh kya hai"

Vaise toh yeh 31st century hai to jaahir si baat hai ki iss waqt me koi bhi insaan apni car khud drive nahi karta..lekin aaj Sam apni car ko manually drive kar raha tha..aur yahi baat Akshita ko kabse pareshan kar rahi thi..uska dil tha jo shant hone ka naam hi nahi le raha tha..ek ajeeb se bechani uske dil me ho rahi thi

Sam se bhi yeh baat chupi nahi thi..akshita ke dil kaa haal voh ache se jaanta tha, isiliye usne car drive karte hue akshita ka haath pakda aur uski aankho me dekhte hue kaha “it’s okay aksh, tu pareshan mat ho, I promise..bureau pahuch kar mai tumhe sab kuch bata dunga, just trust me”

Akshita kuch der sam ki aur dekhti rahi aur firse usne apna sar Sam ke kandhe par rakh diya aur apni aankhe band kiye hue ese hi baithi rahi

Pata nahi ladkiya aisa kyu karti hai..par ek pyaari si feeling aati hai..muje toh yeh baat aajtak samaj nahi aayi…khair kisi ko b pata chale toh muje bata dena..tab tak story me vapas chalte hai

Back to Bureau
Sam aur Aksh bureau pahuchte hi sidhe Bennet ke pass gaye, aur uss waqt unke Head bhi vahi maujud the..par sam kuch kehta uske pehle bennet sam se kehta hai “I am really sorry sam..muje yeh samaj nahi aa raha ki mai unn voids ko kese dhundhu..actually muje kya dhundhna hai aur exactly yeh voids kya chize hai….”

Lekin sam toh kuch aur hi soch raha tha..usne bennet ki baat ko rokte hue kaha “relax Bennet, tu unn voids ke baare me bhul jaa..kuch aisa hai jiski hume jyada fikar karni hai”

Itna kehte hi sam ne baaki sab ko ignote kiya aur uss artificial screen par kuch karne laga..AI system ke hone ke bawjood bhi voh uss transparent screen par alag alag panels open kar raha tha..kabhi voh aage vali panel kholta toh kabhi piche vali..aur itna hi nahi vo baar baar apne haath me rahi chiz ko dekhe jaa raha tha

Sam ki yeh harkate naa toh head samaj paa rahe the aur naahi bennet, unn dono ke chehre thode se ajeeb se ho gaye the..kabhi voh ekdusre ki aur dekhte hai toh kabhi sam ki aur dekhte..par sam tha ki kuch bata nahi raha tha
Bennet sam se puchta hai “tu kar kya raha hai mere bhai..??” par sam ne bennet ke sawaal ka koi jawab nahi diya toh bennet akshita ki aur dekhne laga..aur vahi akshita bhi naa mein ishara karti hai

Karib 10 min tak vaha par sannata Chaya hua tha..aur naa hi unn tino ko yeh samaj me aa raha tha ki Sam aakhir kar kya raha hai
Akshita ab khud ko rok nahi paayi aur voh Sam se puchti hai “sam..ab toh bata ki baat kya hai..?? Tune kaha thi tu muje bureau pahuchkar sabkuch bataega, aur yeh..”

Akshita aage kuch bol paati uske pehle hi Sam ne uski baat ko kaat diya aur ulta ek sawaal kiya “aksh..uss din, uss ladki ne konse colour ke kapde pehne hue the..??”

Akshita sawaliya bhari najro se dekhte hue kehti hai “kyaa…??”

Bennet bhi ajeeb si shakal banate hue kehta hai “yaha hamari earth ka future daav par laga hai aur tuje ek ladki ke kapde ke baare me jaana hai..??”

Sam apne sawal ko dohra te hue kehta hai “please aksh, tell me..uss raat voh ladki ne konse colour ke kapde pehne hue the..??”

Akshita kuch sochte hue “normal, pink top aur black jeans”

Yeh sunkar Sam ka chehra ekdum gambhir ho gaya, aur voh kehta hai “yeh nahi ho sakta..it’s impossible, yeh namumkin hai”

Sab ek saath “kya namumkin hai..??”

Sam “uss raat maine jis ladki ko dekha tha..usne mehendi rang ke kapde pehne hue the"

Akshita “yeh tu kya keh raha hai sam..??”

Bennet “tere coronal city jaane me aur uss ladki ke kapdo ke bich me kya relation hai"

Akshita “haa sam, yeh toh muje bhi kuch samaj me nahi aa raha"

Sam bina kuch bole apne haath me rahi chiz ko bennet ko deta hai..jise dekhne ke baad bennet kehta hai “yeh toh kagaz ka tukda hai"

Sam “Yeh koi aam tukda nahi hai..padh usme kya likha hai"

Bennet “tu kuch bataega ki tu kehna kya chahta hai..??”

Akshita “kya hai iss paper me..??”

Sam “yeh koi mamuli sa paper nahi hai..just look at it once”

Akshita uss paper ke tukde ko bennet se lete hue kehti hai “yeh toh bas ek normal pape…” voh bolte hue ruk jaati hai, aur fir dhyaan se uss paper ke tukde ko padhte hue “28-May-2017”

Head “muje aisa kyu lag raha hai ki yeh ek date hai”

Sam “haa bilkul sir..yeh ek date hi hai”

Bennet “par yeh hai kya..??”

Akshita “yeh ek ticket hai, but how..??”

Head uss ticket ko dekhte hue kehta hai “Dadar to Panvel”

Sam “ji haa sir, yeh ticket 21st century ki hi hai"

Bennet “par yeh kese possible ho sakta hai..?? 21st century ki ticket tere pass kese aayi..tu majak kar raha haina..??”

Sam kuch aisa kehta hai jisse sunne ke baad sabki aankhe khuli ki khuli reh jaati hai “nahi bennet..mai majak nahi kar raha, yeh ticket vese hi yaanha aayi hai jese mere saath hua tha”

Aksh “kya matlab..?? kya hua tha..??”

Sam “maine jis ladki ko marte hue dekha tha usne mehndi colour ke kapdee pehne the, aur voh jis jagah mari thi” usne screen ki aur ishara karte hue kaha

Uss transparent screen par ek tasweer thi, aur niche side me uss jagah ka naam likha tha “MUMBAI”

Ab vaha room me haalat ese thi ki kisi ko kuch bhi samaj me nahi aaraha tha, ek guthi sulaj nahi rahi thi ki dusri paheliya samne aa rahi thi, sam ki esi gol-gol baate sunkar akshita jhallate hue kehti hai “sam..ab yeh nautanki band kar..aur saaf saaf bata ki tu kehna kya chahta hai"

Akshita ki aur dekhte hue sam kehta hai “aksh..mai bas itna kehna chahta hu ki hamari earth par kuch aisa hua hai jisse sabkuch badal gaya hai..science ke laws tak fail ho rahe hai, tune pucha tha na ki mai kaha gaya tha..??”

Akshita haa mein apna sar hilati hai toh sam kehta hai “mai thik yahi par tha” usne screen ki aur ishara kiya jispar abhi bhi mumbai ki tasweer thi

Bennet “koi kuch bataega ki yanha par chal kya raha hai..??”

Sam “bennet, hum dono coronal city ke park me the, uss waqt muje taaza khoon dikha tha..par voh insaan ka nahi balki zorians ka tha" yeh sunkar sabhi chaunk jaate hai, sam apni baat ko aage badhata hai “par sabse pehle..jab hum coronal city me pahunche tab hume ek awaaz sunayi di..behad hi ajeeb si awaaz thi..aur fir kuch der baad uss awaaz ki jagah dinosaurs ne le li..aur uss dinosaur ko akshita ne bhi dekha tha, muje laga Shayad voh akshita ka vahem hoga, par mai galat tha" voh saans lete hue kehta hai “thik usi waqt hum dono ne laser guns ke firing ki awaaze suni..aur jab hum uss jagah pahuche toh vaha ekdum sannata tha..aisa lag raha tha maano sadiyo se vaha par koi aaya hi naa ho..par ek baat bahut hi ajeeb se dekhi maine..vanha sachi me dinosaurs ke pairo ke nishaan the, maine tabhi soch liya ki hona ho coronal city me kuch toh gadbad jarur hai..maybe shayad hamare servers thik se kaam nahi kar rahe, lekin dinosaur ke pairo ke nishaan kaafi nahi the, mera shaq aur bhi jyada gehra hua jab maine guns ke firing ki awaaz suni..aur voh bhi uss guns ke firing ki awaaz jo 21st century me use ki jaati thi"

Head “sirf awaaz sunayi dene se tune yeh maan liya ki…”

Sam ne head ki baat ko bhi bech me hi rokte hue kaha “nahi sir, abhi bhi kuch aisa hai jo hamari insaani dimag ke samaj ke baahar hai"

Bennet “ab kya baaki reh gaya hai bhai..?? Kabhi kehta hai ki dinosaurs nahi hai aur ab kehta hai ki hai”

Sam “uss park me maine zorians ka baha hua khoon dekha..par vaha par ladayi hue toh kaafi time ho gaya tha, fir voh khoon kese..?? akshita shayad tere diye hue data analysis me busy thi..aur mai uss nishaan ko dekhne me jo bahut hi ajeeb the..naa hi koi jaanwaar ya koi dinosaur ke..balki koi esi chiz ke nishaan jise aajtak humne kabhi nahi dekha, toh mai uss nishaan ke pass gaya aur vai se muje yeh ticket mila..par itna hi nahi, mai coronal city me naa hokar mumbai me tha…aur jese hi maine palat kar piche dekha toh vaha akshita nahi balki purane jamane ki buildings the aur fir jab maaine vapas se iss ticket ko dekha toh sabkuch badal gaya..mai vapas coronal city me tha aur akshita vahi par dari hui khadi thi "

Akshita ekdum shant lehje se kehti hai “yaani meri watch”

Sam ne akshita ki baat ko pura kiya “haa..aksh, teri watch sahi kaam kar rahi thi..mai vaha par tha hi nahi”

Head “iska matlab ke tune time travel kiya hai..??”

Sam “haa…par jaanbujkar nahi..anjaane me"

Bennet “sam..time travel koi khel nahi hai jo anjaane me khela gaya ho"

Sam unn sab ki aur dekhte hue kehta hai “sir, I think there are some kind of time portals, hamari earth par coronal city ek time gate ki tarah kaam karti hai, mai uss raat jab apne group se alag hua toh sirf alag hi nahi..balki mai ek dusre time me pahuch gaya tha..isliye muje uss ladki ki maut itni ajeeb lag rahi thi, aur voh jagah…mai isiliye nahi yaad kar paa raha tha ki voh jagah konsi thi, par ab sab saaf hai..mai uss raat bhi Mumbai me tha”

Bennet “sam..bina time machine ke time travel karne ka matlab samaj raha haina”

Sam “haa, it means..time line has broken, because according to theories..time portals tabhi open ho sakte hai jab time line disturb ho chuki ho..yaa somehow time line tut chuki ho"

Akshita “sam…iska matlab tu samaj raha haina"

Sam “ha aksh, shayad kisine hamare pehle timetravel kar liya hai"

Bennet “yaa fir tune hi future me oculus protocol ka use kiya ho aur uska result yeh aaya hai"

Sam “Nahi bennet..yeh muje oculus protocol ka result nahi lag raha..kuch aur hai jo hume nahi samaj aa raha”

Bennet “thik hai sam..mai directly toh kuch nahi keh sakta..par tune jo bhi bataya, mai apne tarike se research karna chahunga"

Sam “okay bennet, iss nishaan ke baare me bhi pata karna..shayad hamare datebase me iske baare me kuch detials ho" voh uss tasweer ko dikhata hai jo usne coronal city ke park se li thi

Shayad aajka din sam ke liye acha nahi tha..voh abhi bennet se baat kar hi raha tha ki achanak se uski watch me alarm bajne laga aur jese hi usne apni watch par lage buttons ko press kiya toh ek artificial awaaz sunayi di “sir, your home is under attack” aur fir turant hi uss badi transparent screen par Sam ki building dikhayi di..jo puri tarah se tabah ho chuki thi

To be continued…