Update 266
tik tok tik tok
Hall mai baithi sabhi ladies bato mai lagi huvi khilkhila kar hans rahi thi tabhi upar sidiyo se richa ati huvi dikhayi di aur sabki nazar ek ek karke uski taraf gayi…aur usai itna taiyar dekh kar kriti boli “ meri chodo mujhe toh pata tha ki raj mere naseeb mai nahi h jo mil jaye usi mai khus hu par richa ki kismat dekho raj se shadi bachpan mai he fix ho gayi aur school mai raj bhi is par pyar ki nadi baha raha tha”
Jasmin “ pyar ki nadi baha raha tha se kya matlab h”
Shweta “ main batati hu madam goswami khandan ki iklouti warish h toh paiso ka ghamand chad rakha tha us waqt inke sir par”
Shalini “ par raj toh khud bahut amir h”
Shweta “ are ruko toh wahi bata rahi hu … raj ne hamesha khud ko low profile rakha school life mai…aur isne raj se duriya banani suru kar di apne dosto ke bahkawe mai aakar aur last mai raj ko laghbhag puri tarah avoid he kar diya tha matlb usai puri tarah neglect kiya aur bhai bechare mera pyarrrr…. mera pyarrrrr karte rahe isai samjhte rahe manate rahe par madam tass se masss nahi huvi”
Neha “ phir kya huva”
Shweta “ phir kya hona tha maine isai samjhaya bhi ki bhai wo nahi h jo tu samjhti h wo tujhse sacha pyar karte h..jo tu kar rahi h unke sath wo bahut galat h jab sachayi samne ayegi tu puchtayegi…par ye nahi samjhi aur mujhse bhi dur rahne lagi” phir kriti ki taraf dekh kar boli “kuch baate h jo nahi batayi ja sakti h par un baato se miss understanding huvi bhai aur richa ke bich…bhai ne kaha bhi tha ki jo dikhta h wo hota nahi h sachayi kuch aur he hoti h par ye nahi samjhi aur trip par kuch bada huva tha jiski wajah se bhai ko madam ne sabke samne he thapad maar diya tha aur sath mai itna bura kaha ki bata nahi sakti hu…aur last mai gussi ke chalte apne papa se raj ko uski aukat dikhane chali thi school ke last day par” tab tak richa bhi pass agayi thi aur shweta uski taraf dekh kar boli “aur papa ke ane par madam ko pata laga ki raj ke sath toh uski shadi bachpan mai he tay ho gayi thi aur uska sara business raj ke papa ki he wajah se h even uski life bhi aur rahi sahi kasar kriti ne madam ko sachayi batakar kardi thi phir madam mentaly disturb ho gayi aur foreign chali gayi par kuch bhi kaho solid come back kiya h mujhe manaya phir family ko ab apni dono soutan ko manayegi phir raj ko tab jakar iska rasta khulega …aur last mujhe bhi bada sa gift dekar manana padega kyu madam sahi kaha na ”
Richa bechari ne dono hath jodkar kaha “jo hukum nanand ji ap sahi ho sari meri he galti h aur ab ap kaho toh sri sri shweta devi ji ke charno mai matha tikakar maafi manguu”
Shweta sidhi hokar badappan dikhati huvi “ Nahi vatas…. nahi iski jarurat nahi h sheweta ne apne bhakht ko maaf kiya”
Aur uski is over acting ko dekh kar sab hans pade …
Par manisha jo muskurati huvi sabkuch observe kar rahi thi wo man mai boli “ raj ki lagne wali h kyoki ye toh saaf h ki raj ko sab ji jaan se chahti h aur sabko jitna bhi jaisa bhi pyar raj se mile wo khushi khushi le lengi par raj kaise in sabko sambhalega kyoki kam koyi bhi nahi h inmai se aur ye bhi inke chehre se saaf dikh raha h mujhe ki physical relationship bhi jarur honge raj ke sath inke hmmm raj tum bahut bura fansoge ek din”
Shweta dheere se kavita ke kaan mai “ dekh lena bhai ayenge toh ye sari kaise ladengi”
Kavita “ maza ane wala h babe…ek sikar aur sikari itni bhai ki lagne wali h main toh start se he yahi notice kar rahi hu ab toh ye preeti aur neha bhi h waise ek madam nisha ka bhi jikra huva h he he he apne toh profit he h babe..par insai pahle hum nahi chodenge bhai ko bahut marne wali hu”
Shweta “ me too kasam se itna marenge ki dr ko samaj nahi ayega ki pahle treatment kaha se suru karu”
Richa “tum dono ko kya huva kya secret share kar rahi ho …waise wo rajgharne aur businessmans ane wale h udaipur ke…kriti tumse meeting karna chahte h”
Kriti “ Ha jennifer ne bataya mujhe night ka appointment diya h seven star hotel ka project discuss karna chahte h”
Manisha “ Good”
Kriti “ ohh good matlab malkin jag gayi h”
Manisha “ shut up… ye tumhari he hard working h hum hotel industry mai arahe h”
Kriti “ thank you thank you ..waise preeti raj ne kaha tha ki mp mai college liya h”
Preeti “ ha choti story h uske piche bhi but yes raj ne liya h”
Kriti “ i know maine usai top class level ka banne ke liye project taiyar kar liya h…aur wanha se direct hiring singh group of companies karegi students ki jald he tumse jennifer contact karegi”
Ye soonkar neha preeti jasmin shalini bahut khus ho gayiii…
Manisha “ waise good news h sunil bata rahe the ki sherdil ke liye ladki pasand kar li h”
Ye sunte he sabhi ek sath shock hokar “ kkkkyaaaaa…. Kaise….Matlb koun h wo jo sherdil bhai ki wife banegi”
Manisha ke chehre par badi si muskurahat agayi aur wo jasmin ki taraf dekhne lagi aur usai apni taraf dekh jasmin ko laga bahut bada shock ….aur wo sabko ghoorta dekh kar dekh kar boli “ nnnahiii ye mazak h”
Manisha “ mazzak...” Phir uske kandhe par hath rakh kar “nahi ye bilkul sach h tension mat lo sheril mere devar bhi kam nahi h ..tumhari jodi khub jamegi …simple saral aur ladkiyo se dur he rahte h wo… tumhe dekhne mai he usnke hath paanvphool jaye ge aur tumhare papa ne nahi bataya tumhe bahut ache h sherdil”
Kavita “ yes”
Rifat “ bhabhi ap tension mat lo wo kuch bhi kanhe toh mujhe bolna main pit dungi bhai ko”
Kavita” waise sherdil bhai ke samne bhabhi halki nahi lag rahi h…suhagrat ko he halat kharab kardenge”
Ye sunkar sab hans pade toh jasmin sharma gayii aur gardan niche karli.
Manisha kavita ke kaan pakadkar “chuhiya bahut patar patar karne lag gayi h …teri shadi pahle karwaungi …Mamta aur rifat ko dekh kuch nahi bolti h”
Anu “ ha manisha …mujhe bhi bahut tang kiya tha raj ki gf samajkar”
Mamta “ kavita kya soon rahi hu main ye maa ko batau teri kartoot”
Kavita “ are bhabhi kyo pitwane ki taiyari kar rahi ho wo toh bus mazak tha …aur anu di …ap toh boliye kuch”
Anu “Chod do manisha warna aur noutanki karegi ye”
Manisha “ tum dono ghodi jaise ho rakhi ho uchal kudh kam kardo”
Dono ankhe timtimate huve “ ji bhabhi”
Aur unki sakal dekh sab ek sath jor se hans padi …
Haveli ke Bahar…
Sunil “ kya khabar h chacha ji”
Bheema “ wo aj raat hamla karenge mujhe pura yakin h”
Sunil “ Abhay kanha h”
Bheema “ wo unhi ke piche gaya h ”
Sunil “ ajay aur jaanvi”
Bheema “ unhone sare cctv heck kar rakhe h city ke aur nazar banaye huve h ajju aur shrutii ke sath”
Sunil “ chacha ji wo dono abhi bache h…”
Bheema gahri saans chodhkar kar“ jaanvi ne jo pahle dekha aur saha h us sai usai itni samaj agayi h ki kya ho sakta h isliye wo bhi is ladayi mai pura sath de rahi h”
Sunil “ sahi kaha apne aur agai chalkar wo is pariwar ki ek majboot kadi banegi”
Bheema sunil ke kandhe par hath rakhte huve bole “ Tum bhi bache he the jab is ladayi mai aye ….tumne bhi apni galtiyo se bahut kuch sikha h …hamari maut kab ajaye hume pata nahi h isliye tumhe bhi kaptaan ko ab maaf kar dena chahiye h … ek baap hamesha apni aulad ka bhala he chahta h …usai pata h ki sahdev bhai ke sathiyo ke sath kya huva isliye wo bhi dar gaya tha …aur bus Deepika ki shadi ache ghar mai karna chahta tha …aur waise bhi sab toh us manohar ne kiya tha dhokha dekar usmai uski itni badi galti bhi nahi h…”
Sunil ne kuch nahi kaha …par uska ek tak samne ki taraf dekhna bata raha tha ki wo kuch toh soch raha tha ….
Bheema ne sunil ko gahri soch mai dekha toh agai kuch nahi kaha aur wanha se chale gaye …..
Sunil apni soch mai dooba..School mai Deepika ke sath bitaye pal yaad karne laga ..janha deepika uske kaan khich rahi thi
“ toh tu mujhe bewakoof banayega apni bahan ko ullu banayega”
Sunil “Didi maine kanha kuch kiya wo raj he bina bataye chala gaya aur mujhe bhi sath mai fanswa diya”
Deepika “ Tum dono mujhe samjhte kya ho”
Sunil “ Ap toh meri pyari si sweet si badi Di ho na …please mera kaan chod dijiye galti uski h”
Aahhh sunil ke sir par ek thapad pada aur deepika boli “ ye koyi baat nahi hoti h sunil pahle galti karo aur phir manalo”
Sunil deepika ke hathpakadte huve “ meri ek he bahan h wo shweta toh nakchadi idiot h ladti rahti h …ap toh sweet ho cute ho i love you na”
Deepika “ muskura kar gale lagati huvi love you too”
Sunil khayalo mai tha par uske chehre par is waqt muskurahat thi …jo bata rahi thi wo aj bhi Deepika ko kitna yaad karta h uski ankho mai is waqt ek nami si thi jo uske dard ko andar na daba pane ki wajah se ankho mai ansuu ke roop dikh rahi thi ..
Sunil ne ek gahri saans choudi aur kudh ko normal karne ki kosis kari…par usai pata tha ki ye dard aise he nahi jane wala tha…
“ Apko unse milne jana chahiye ….wo jaise bhi h apke mata pita h …aur us bahan ne apko apne sage bhai se badhkar mana h ek galti sabki maaf hoti h”
Sunil turant piche palta “ Apppp..ap kab ayi …”
Manisha “ Bus abhi jab apka dhukh dard apki ankho mai agaya tha”
Sunil “ Main tikh hu wo toh bus”
Manisha “Raj apko maaf nahi karenge unhone hamesha ek he baat kahi h na apse ki family first …ye pariwar nahi tutna chahiye h ….Deepika di ko yanha nahi dekhenge toh wo puchenge nahi …socha h unpar kya beetegi ap kya jawab denge unhe…kaise kahenge ki ap mile he nahi unse”
Sunil “ par unhone jo kiya”
Manisha pyar se “ galti sabse hoti h toh kya ek galti ke liye hum unki sari achayi bhul jaye”
Sunil “ par”
Manisha “ yanha se sab khatam hote he ap mummy papa aur didi ko lene jayenge”
Sunil “ raj ke sath jau toh tikh nahi rahega”
Manisha hairani se dekhti huvi boli “ apko dar lag raha h unhe face karne mai”
Sunil “ nahi”
Manisha ke chehre par badi si muskaan agayi aur boli “ koyi baat nahi dono jana ek sath par raj ka lagta nahi h wo ja payenge kyoki unki gopiyo ki line badi ho gayi h”
Sunil “ pitega wo ek din bahut bura mujhse meri teen bahne kam pad gayi usai …kamine ki taang tod dunga”
Manisha “ khabardar jo mere raj ko kuch kaha toh”
Sunil hairani se “ matlb wo jo kar raha h meri bahno ke sath wo sahi h”
Manisha “ maine aisa kab kaha”
Sunil “ reaction aur support toh aise he diya tha uske liye”
Manisha ne kuch nahi kaha aur phir kuch pal baad boli “ aise ghooro mat bus main itna kahna chahti thi ki raj par gusa mat karo wo he itna handsome ek baar toh main bhi pasand karne lag gayi thi”
Sunil “hhhhh kya kaha …”
Manisha muskurakar “ mazak kar rahi thi …usne hamesha he mujhe bhabhi mana h” phir jate huve boli “ acha laga apki jalan dekh kar”
Sunil piche khada muskurata raha par manisha ke jate he uski muskurahat gayab ho gayi kyoki uske kaan mai lage ear piece mai jo information ayi thi usai usne serious kar diya tha ….
Usne reply kiya toh half hour baad dono mityudoot samne agaye aur kaafi waqt baad dikhi raj ki modified Harley Davidson
Mityudoot “ unki counting ka koyi heesab nahi h”
Mityudoot 2 “ carodo ka inam rakha h aur unka focus sirf dono bacho ko lene par h”
Mityudoot 1 “ wo ek ladki ki bhi baat kar rahe the”
Sunil “ wo jarur poonam hogi par wo toh abhi yanha pahuchi bhi nahi toh unhe kaise pata ki wo yanha milegi”
Mityudoot 2 “ sayad unhe andaza hoga ki dono bache aur poonam apas mai jude huve ho sakte h”
Ye sunkar sunil ki muthiya kas gayi …aur wo ghurrate huve bola unhe un dono tak pahuchne se pahle mujhse hokar gujarna padega …..aur main unhe kisi bhi keemat par un dono tak nahi pahuchne dunga..”
Idhar bheema ke mobile par ring huvi…
Bheema “ hello”
“ Aur kaisa h …hum pahuch rahe h”
Bheema “ xxxx road par hotel ashriwaad mai maneger se milna wo tumko yanha tak le ayega … poonam beti kaisi h”
“ Narpat singh ke rahte kuch ho sakta h kya wo tikh h aur doctor aur uski bahan dare huve h par rajiv ne sambhala huva h tum toh bus swagat ki taiyari karo”
Bheema “ meri baat dhayan se suno”
Narpat serious hote huve“ kya baat h” ye usne isliye kaha kyoki wo janta tha ki bheema ke serious hone ka kya matlb tha
Bheema “ scorpian tribe ke log yanha poonam aur bacho ke liye arahe h”
Narpat kya “ toh phir hum yanha se dur rahte h matlb poonam ko safe jagah par le jata hu kisi dusri jagah”
Bheema “ Nahi…poonam ko yanha se he safe jagah lekar jayenge puri taiyari kar rakhi h”
Narpat singh “ Toh phit tikh h un kutto ko bhi yanha se jinda nahi jane denge is baar salo ki kabra yanhi bana dunga”
Bheema “ main babuji ko batata hu kitna waqt lagega”
Narpat “ 3 hour lagenge”
Bheema ne call cut kiya aur haveli ki taraf wapas chal diya
Andar guruji aur Thakur jagmaal singh baate kar rahe the…
Bheema “ pranam guruji …”
Guruji “jeete raho iswar tum par apni kirpa sadev banaye rakhe”
Thakur jagmaal singh “ kya baat h bheema”
Bheema “ babuji poonam beti dopahar tak pahuch jayegi”
Jagmaal singh “ kya poonam beti arahi h bahut achi baat h” ye kahkar unhone guruji ki taraf dekha
Guruji “ Sab tikh h sab bhagya ka likha ho raha h baaki jo upar wala chahe tum apna karam karo tumhari bahu ghar arahi h uske swagat ki taiyari karo”
Thakur jagmaal singh ne manisha aur choti chachi supyaar ko bula kar bata diya ki poonam arahi h
Guruji “ Bheema taiyar kaisi h”
Bheema “ udaipur ke andar 30 km tak hamare shadow warriors aur fighters faile huve h unse chipkar haveli tak pahuchna namunkin hoga”
Ye sunkar guruji bus muskura diye unki hansi ka matlb bheema nahi samaj paye par jagmaal singh jarur chintit ho gaye
Jagmaal singh “ kya baat h gurudev”
Guruji “ sab bhagya ka likha huva h ….jagmaal ab hum havan karne ja rahe h …chahe kuch bhi ho jaye humare havan mai vigan na pahuchaya jaye”
Jagmaal singh “ jo agya guru ji"itna kah unhone bheema ko guruji ko havan ke sthan tak pahuchane ka adesh diya janha unhone pahle he havan ki taiyari kari huvi thi
Guruji chalte huve “vidhi ka likha koun taal sakta h ye toh parikhsha ka pahla padaav h abhi toh tumhe wanha jana h janha se tumhari kahni suru huvi thi”
Bheema ko kuch samaj nahi araha tha ki guruji kya kah rahe rhe..
Guruji khud mai budbudate huve “ tumhari jeet he meri mukti hogi …meri varsho ki tapsya tabi sakar hogi jab tum ye yudh jitoge..meri mukti tumhare yudh se tay hogi” ye kahte kahte kahte wo ek baar palte aur bole apne pita ke sath samay bitao putra kya pata tumhe dubara ye pal na mile” ye kah wo havan karne baithe gaye aur piche bheema ka dil mano baith sa gaya usai pata tha ki guruji ki har baat mai rahsya hota h aur unhone jo kaha uska matlb babuji ko kuch hone wala h….nahi nahi main kuch nahi hone dunga babuji ko ye kahte huve wo jagmaal singh ke kamre mai chale gaye …aur sidha jagmaal singh ke gale lag gaye …
Jagmaal “ aj tumhe kya huva bheema”
Bheema gale lage huve “ kuch bhi nahi bus gale lage rahne dijiye”
Jagmaal singh uske sir par hath firate huve “ mujhe kuch nahi hoga main toh tumhari bhi shadi karake he marunga samjha”
Bheema “ mare apke dushman ap jo kahenge main wo karunga bus ap marne ki baat mat kijiye”
Idhar andar
“ Kya poonam arahi h”
Kavita shweta “ bhabhi arahi h”
Richa “ poonam arahi h”
Manisha “ are meri baat toh suno puri pahle …wo arahi h hume taiyari karni h uski dress select karni h aur kapde bhi ..sab kaam baant lo”
Kavita shweta aur anu “ hum dress pasand karti h”
Mamta rifat “ hum accessories pasand karti h matlb kharid kar lati h”
Preeti neha aur baki hum make up ka dekh lengi..
Richa “ perfect”
Yanha sab kaam bant rahi thi wanhi scorpian tribe aur rao industries ke 100 cr ke inam ke baad chaaro gang ke leader alag alag jagah khade huve the apne gang ke samne
Gang 1 leader - 100 carod milenge tum apne apne group mai bhi bantoge toh bhi adha carod ayega ek ek ke hissai mai..
Gang member “ hum he dhundhenge un dono bacho aur us chokri ko unhone ek manga h hum teeno denge unhe”
Dusra gang member “ kya pata hume teeno ka aur paisa mil jaye”
Gang leader “ isai jayda bhi milega murkho par jo milega wo h kaam hume phir south se bhi kaam milega matlb hamari gang hariyana delhi se nikalkar Mumbai tak pahuch jayegi”
Idhar dusri gang jo teen states mai active thi unka gang leader bhi apni gang ke samne khada huva tha aur sabko dekhte huve bola “ hume he dhundhna h sabse pahle dono bacho ko ab tum sabis map mai dekho ye haveli ki taraf jane wala rasta h ..
Buukaa tera kaam signal zammer lagana h taki koyi madad na pahuch paye aur phir un police walo ko behose kar dena behosi wale smoke bomb se..jo unki security mai lage huve h
Buukka “ samjho ho gaya leader buukka ka wada h apse ”
Leader “ baki tu lukhaa 100 admiyo ke sath sidha hamla karega aur main baki gang ke sath un dono bacho ko haveli mai dhundhunga taki unhe dusri gang wale na le sake”
Ek gang member “ koyi dusri gang ka bich mai aya toh”
Leader tirchi muskaan ke sath“ kaat dalna salo ko par tabhi jab bache unke pass ho warna jab tak wo tumse na uljhe koyi jagda nahi karna h hume bus bacho par dhyan dena h samaj gaye sab”
Sab “ haa”
Aise he teesara aur choutha gang bhi planning kar rahe the
Teesara “ gang leader hume sidhe takrav se bachna h hum pahle baki teen gang ko suruwat karne denge taki agar haveli ke aaspass jo bhi security hogi unki taraf jayegi aur phir hum haveli ki right side se sidha andar ghus jayenge aur apne ko bus wo ladki ya bache dono mai se jo mil jaye le lena h”
Choutha gang “ shamko tikh 5 baje hamla hoga…teen gang aur ayi h toh ye bhi saaf h ki samne khatra bhi bada hoga h par hum bhi devil gang h jo kisi se nahi darte h …jo bhi rokne aye sabko mar do ye 100 cr sirf hamare h …apni gun ko load karlo aur…hathiyaar ki dhar tez karlo kyoki aj ki raat sirf hamari h….”
Uske itna kahte he sab aahuuu aaahuuu aahuuu ki awaj karne lage …
In sabse se alag …sp office se kuch dur ek shakhs muskurata huva office ki taraf badh raha tha ….uski mukurahat mai he itne gahre raj dabe the ki jo samaj leta wo saakshat agai hone wale maut ke tandav ki jhalak dekh leta … wo shakhs dheere dheere agai badhta raha aur office ke agai rook kar ..
“Sp sahab ke liye madam ne bhejha h” itna kah wo agai badha toh constables ne rok liya aur bola “ rook ja bhai tujhe pahle toh nahi dekha h”
Shakhs “madam ne bhejha h dekh lena bhai kanhi SP sahab ka kahar tum par na tut pade”
Itna sunkar dono constable soch mai padh gaye ki kya kare phir ek bola “ la main de deta hu “
Shakhs “ Ye bhi acha h” itna kah wo muda aur phir bola “ sir ko bolna ki special gift h shamko he khole madam ne bola h….
Shakhs itna kah chala gaya par uske chehre ki muskurahat sab bhanya kar rahi thi ki agai kya hone wala h ….usne apne mobile mai next location dekhi jo ek school ki thi par location dekh usne mobile mai dusri location ko set kiya aur chal diya aur location thi ek high traffic wala chouhraya …janha usne chota sa hath mai pakda packet ek side mai khadi band car mai niche ki taraf fit kar diya aur bola “ itna bahut h police ko divert karne ke liye par media jarur pareshan karegi kyo na media ke office ko he uda du” itna kahte huve uske chehre par gahri muskaan agayi…aur phir wo location set kar chal diya us taraf”
Idhar sab taiyari kar rahi thi…toh narpat truck ko lekar hotel ke agai pahucha aur utarkar maneger ke pass gaya..
Maneger “ yes sir how can i help you”
Narpat singh “narpat singh”
Maneger jaldi se “ sorry sir ayiye main apka he wait kar raha tha”
Narpat “truck ko tikhane lagana h aur”
Maneger “sir mujhe instructions mile huve h maine sab arrange kar diya h ap fresh ho lijiye jab tak main food arrange kar deta hu”
Narpat “ ok” aur phir rajeev aur poonam doctor aur muskan ko lekar andar agaye janha mukan aur poonam ko ek room mila aur dr rajeev aur narpat ek room mai rahe aur kuch dair baad niche agaye janha table par unke liye khana taiyar tha…
Kuch dair baad
Muskaan “ matlb ap kah rahe h ki poonam itne powerfull back ground se h”
Narpat Singh “ Bilkul ravindra bhai bahut powerful the …balki wo toh sahdev bhai se bhi jayda takatwar lagte the… ab meri baat suno abhi wanha bahut khatra hoga wo poonam ke piche h toh tum dono ko maneger sahi se tumhare ghar pahucha dega baad mai tum akar poonam se mil kena…tum dono ne jo help ki h uske liye hum hamesha tumhare aabhari rahege aur wada h jab bhi tumhe lage madad ki jarurat h yaad kar lena ….”
Muskaan “ nahi bus poonam jaisi dost mil gayi yahi bahut h …main sab tikh hone par milne aungi”
Rajeev “ hume nikalna chahiye narpat bhai dair ho rahi h aur tum dono bahut ache insaan ho ye mera number h jo kuch dair baad active ho jayega toh jab jarurat ho yaad kar lena…Bus itna kahunga Thank you Thank you so much jo bhi tum dono ne kiya uske liye jitna Thanky you kahu kam h”
Muskaan ne poonam ko gale lagaya aur phir bheegti ansuo ke sath alvida kaha…
Rajeev “ poonam beti ab bahut jald tum tikh ho jaogi …mujhe ishwar par pura viswas h…”
Narpat singh “hogi kyo nahi akhir wo araha h”
Poonam jo car se bahar dekh rahi thi usne narpat ki baat suni toh unki taraf ek baar dekha aur phir dubara se bahar dekhne lagi …”
Par kanhi na kanhi narpat ne jo kaha wo sach ho bhi sakta h kyoki jis pyar ke liye wo aj is halat mai pahuch chuki thi wo bhi araha tha…
Idhar raj “ mech mike hum kishangargh par lend karenge permission lo wanha se jaldi udaipur pahuchenge mujhe kuch sahi nahi lag raha h tum ajju se contact karne ki kosis lagatar karte raho”
Mech “ kosis kar raha hu par lagta h jaise frequency mai kuch problem arahi h sayad ajju ke yanha kuch problem ho”
Raj “ Nahi usai pata h ki uspar kitni jimaidari h”
Mech “ ok bhai main kosis karta rahta hu”
Raj palatkar wapas agaya aur bola “ sherdil”
Shwrdil “ kya huva bol na”
Raj “ kuch bura hone wala h mera dimag cheek cheek kar kah raha h”
Sherdil “ bhai kuch dair ki baat h hum pahuch he jayenge”
Raj ka dil nahi maan raha tha isliye usne ek baar ravindar singh ki taraf dekha aur unki taraf jakar bola “jo mouka apko pahle nahi mila tha wo ab milega apno ko bachane ka”
Ravindar singh daru pite huve “mere apne sab mar chuke h …aur mujhe bhi jine ki icha nahi h” itna kah wo wapas pine lage
Raj ne kuch nahi kaha bus wanha se moodkar seat par akar baith gaya…
Time 2 .30 pm….udaipur
Heveli ke bahar dhol baj rahe the aur jab poonam ki car enter huvi toh uspar phoolo ki barish hone lagi haveli ke bahar sabse agai khade jagmaal singh ke chehre par muskaan thi unke bagal mai choti chachi sherdil ki maa divya aur bahu ke roop mai manisha khadi thi jiske hath mai badi si arti ki thaal thi aur uske piche kavita shweta mamta anu rifat preeti neha jasmin shalini richa aur kriti khadi thi… aur baaki guest khade jo alag alag businessmen family aur ragharno se the…
Car ke rookte he narpat aur rajeev utare aur dono me he thakur jagmaal singh ke charan chuve..
Jagmaal singh “ gale lago tum dono ka sthan mere hirdhay mai” ye kah dono ko gale laga liya kyoki wo jante the ki dono maut ko maat dekar poonam ko yanha lekar pahuche the…
Phir unki nazar piche khadi poonam par gayi jo thodi dari huvi si…
Jagmaal singh ne manisha ki taraf dekh kar “ Bahuuu”jao poonam ki arti utaro …
Manisha agai badhi chehre par muskan par ankho se girte ansuu uske dil ka haal saaf banya kar rahe the ki uske dil ki halat kya h is waqt par ek aur bhi tha jiske dil mai sabse jayda dard tha ….wo ek tak poonam ko dekhe ja raha tha…aur wo aur koyi nahi sunil tha jo bahut kam samay mai poonam se jud gaya tha …aur jude kyo nahi poonam ne deepika ke baad se mobil se toh milkar sunil ko samjha tha …aur usi ka ye asar tha ki sunil poonam ko bahut yaad karta tha aur uski halat ke liye khudko jimaidar manta tha…
Manisha ki ankho mai ansuu dekhkar poonam uske gale lag gayi …aur ye pahli baar tha jab poonam royi thi ….ek manisha he thi jo janti thi ki raj kya tha uske liye aur usne poonam ko yakin dilaya tha ki raj uska hoga …
“ Poonam ro mat”khud se alag karte huve manisha ne uske ansuu pounch aur agai boli “ meri poonam toh apni roshni se puri duniya ko umid deti h ki andhkar mai bhi main hu tumhare sath ….aur aj wo khud he umid ka daman choude baithi h …” phir side hatkar piche dikhati huvi boli “ dekh sab tere ane se kitne khus h” poonam ki nazar sab par gayi aur usai har ankh mai apne liye apna pan aur sahanbhuti dikhayi di jisai dekh poonam ka dil aur bhar aya …
Manisha “ Tu ab apne ghar agayi h aur ab kanhi nahi jana h hamare sath rahegi….apne ghar hamesha”
Sab poonam ke pass agaye aur usai sabne gale lagate huve khub sara pyar diya ….
Aur usi waqt ranveer singh ki car bhi pahuch gayiii
Jagmaal singh “poonam beti tumhare chacha chachi bhi agaye h”
Poonam ki nazar piche ki taraf se arahi car ki taraf gayi aur ranveer singh bhi jaldi se car se utare aur tez kadmo ke sath poonam ki taraf chalkar ane lage ….
Poonam unhe dekhte he foot footkar fafak padi aur unke gale lag gayi …aur poonam ko is tarah rota dekh kar wo bhi apne ansuu rok nahi paye aur khud bhi sath ro pade….ek chacha bhatiji ka bhavook milan aur sneha dekh sab aur emotional ho gaye
Jagmaal singh “ ranveer ab bhi bacho ki tarah rote ho …chalo andar chalo wanha baat karte h..sab poonam ke sath andar agaye par jagmaal singh aur rajeev,narpat singh,bheema ek room mai agaye
Narpat singh “ kya situation h bheema bhai”
Bheema" “ aj raat ko he hamla hoga mehmano ko abhi kuch dair baad bhej denge business meeting bhi bahar he rakhi h”
Narpat “ kitne arahe h”
Bheema “ koyi andaza nahi h par puri taiyari ke sath arahe h pure sahar mai khamoshi h”
Jagmaal singh “ Ek baat tay h wo log bacho aur poonam ke liye arahe h toh wo shore nahi machayenge”
Rajeev “ kya matlb thakur saab”
Jagmaal singh “ Rajeev wo log jo chahte h wo mil jaye toh wo chup chap chale jayenge ..par baat yahi h ki wo hum de nahi sakte h isliye wo raat ke andhere mai hamla karenge puri takat ke sath aur jaisa hume pata laga h unhone mandawa mai sabko maar diya h toh hum unmai se kisi ko jinda toh nahi jane denge warna jo hamare liye lade aur mare h unki atma ko shanti nahi milegi …”
Narpat “ toh babuji unlogi ki kabra narpat singh apne inhi hatho se aj ki raat khodega”
Bheema “ bacho ki jagah unhe unki kabra milegi”
Time 4 baje…udaipur
Sunil “ mityudoot apko haveli se 100 meter ke andar ane wale har khatre se nipatna h aur apke sath shodow warriors rahenge aur ap rajeev uncle snipers ko lead karenge haveli ke top se”
Narpat uncle “ apko sirf un scorpian tribe walo ka dhayan rakhna h wo andar nahi ghusne chahiye”
Narpat “ faad dunga salo ko tu fukar mat kar mere hathiyar is baar meresath honge”
“Aur hulk tumhe pata he h ki kya karna h”
Abhay ne apni dono muthiya apas mai takra kar bata diya ki wo kya karne wala h
“ Aur main unke leader ko rokunga chahe kuch bhi ho jaye koyi bhi mare hume unko raj ke ane tak bacho aur poonam tak nahi pahuchne dena h”
Tabhi ajju ka earpiece mai message aya “ sunil udaipur mai ek dhamka traffic signal par aur ek dhamka police commissioner office mai huva h matlb wo ane wale h …wait ek aur dhamka media officemsi huvah” itna kahte kahte kahte signal disconnect ho gaya aur sunil bola “wo log arahe h taiyar ho jao”
Aur sunil ki baat sunkar sabke chehre ke bhav puri tarah badal gaye…
Aj ke liye itna he Masti mai padhne ka bindass likes aur revoes pelne ka..
