Update 275
Hum sab hospital me dakhil ho chuke the, reception par ja kar Sukhdevji ne Chandrikadevi se milne ke liye kaha to unhone ek doctor ko phone kiya, Sukhdevji ka naam sun kar doctor thodi hi der me hamare samne the.
Doctor : Namaste Sukhdevji, aaj achanak?
Sukhdevji : Ji hume Chandrikabhabhi se milna hai, kya mil sakte hai?
Doctor : Ha ha, kyu nahi? Aayie. (Hum sab unke pichhe pichhe chalne lage)Aaj achanak kaise aana hua, kayi dino se Prakruti bhi nahi dikhi?
Sukhdevji : Wo diwali ka samay hai na, Kaisi halat hai bhabhi ki?
Doctor : Wahi jo pehle thi, hum har tarha ki treatment de kar dekh chuke hai, par shayad wo khud hi thik hona nahi chahti, hum har tarha se prayas kar k dekh chuke hai, par shayad unke maan ne jaise than liya hai ki ab kuchh nahi bacha hai. (Me unki bato ko gaur se sun raha tha, hum chalte hue ja rahe the, suru me kayi marij the jo idhar udhar ghum rahe the aur kuchh nurse aur kuchh log waha unka dhyan rakh rahe the, par un sab ka vyavhar aisa tha jaise wo marij apane dimag ke vash me nahi the, wo log ajeeb ajeeb harkat kar rahe the, un sab ko paar kar ke hum sab alag kamaro ki aur pahuche, waha ki vyavastha kuchh jyada hi achchhi thi, waha ek cabin me doctor hame le gaye, waha wo ek chair par beth gaye aur hame bhi bethne ko kaha, Sukhdevji unke samne lagi chair par beth gaye aur hum tino waha pass me sofe par beth gaye. Doctor ne ek aadmi ko bula kar koi register mangvaya aur ander kuchh likhne lage) Aapko to me janta hu par ye dono? (Hamari aur issara karte hue)Ye Kamanadevi hai aur ye Shivans, hamare ristedar hai. (Doctor ne register me likha fir register band kar diya, fir ek nurse ko aawaj di aur hume le ja kar Chandrikadevi se milane ke liye bola, nurse hame le kar jane lagi, mera dil joro se dhadak raha tha, mere maan me ajeeb si hulchul ho rahi thi, kamaro ki katar thi aur darwaje sab ke band the, nurse hume ek kamare me le gayi, kamare me dakhil hote hi meri najar ek bed par tek lagaye aadhi leti mahila par gayi, wo ankhe band kiye hue thi, chehra thoda murja gaya tha par fir bhi unke chere ki sundarta kisi ka bhi maan moh sakti thi, ander ek sofe par bethi nurse hum sab ko dekh kar khadi ho gayi)
Nurse 1 : (Dusari nurse se)Madam so rahi hai kya?
Nurse 2 : Nahi, abhi abhi mene unke baal banaye hai, par aap janti hi hai ki wo aise hi rehti hai, ankhe khuli ho ya band, koi reaction nahi hota unka. (Tab tak badi ma unke bed ke pass pahuch chuki thi)
Badi maa: Chandrikaaa (Unka hath pakadte hue wo bahot pyar se boli, par wo waise hi rahi, unka koi reaction nahi tha)Chandrikaaaa (Unka hath dabate hue wo boli, par fir bhi unhone koi reaction nahi diya)
Sukhdevji : Bhabhiiiiiii.
Aishwarya : Chandrikaaaaaa.(Wab unhe bola rahe the par wo koi bhi praticriya nahi de rahi thi, na unhone ankhe kholi na koi harkat ki)
Nurse 2 : Koi fayeda nahi hai, hum barso se dekh rahe hai, ye puri tarha se jagrut hai fir bhi aise rehti hai jaise sharir me jaan hi na ho. Prakruti bhi aati hai, bahot baate karti hai unke sath, par ye kabhi koi pratikriya nahi deti. (Fir bhi sab thodi der tak apane apane tarike se prayas kar rahe the, me thodi duri par khada unhe dekh raha tha, pata nahi kyu par meri halat kharab thi, wo muje itni jani pehchani lag rahi thi ki kya kahu, muje lag raha tha ki me aaj unhe pehli baar mil raha hu par maan keh raha tha ki ye pehli baar nahi hai, apani maa ka chehra mere maan se dhundhla ho chuka tha, muje kuchh bhi yaad nahi tha par unhe dekh kar lag raha tha jaise me unhe janta hu, unki ye halat mujse bardast nahi ho rahi thi, mera maan bhar aaya tha, bas aasu chhalak ne ke kagar par the, me bas unhe dekhe ja raha tha)
Badi maa : Shivuuuuuu.(Wo Shiv ki halat dekh rahi thi, unke pukarne par bhi wo nahi sun raha tha)Shivuuuuuu(Wo thoda jor se boli, mera dhyan bhang hua, mene dekha to sab muje dekh rahe the, mene badi maa ko dekha)Yaha aaa. (Me najdik gaya)Ye maa hai teri, waha kya khada hai, aa beth(Unhone jagah dete hue kaha, meri halat kharab thi, mera gala jaise bhar chuka tha, samaj me nahi aa raha tha ki aisa kyu ho raha hai, me bistar par betha aur unhe dekhne laga, mene unka hath apane hath me liya)
Shiv : (Roni aawaj me)Maaaaa.(Meri aawaj se aur mere chhune se jaise us sharir me jaan aayi aur unke sharir me harkat hui, par us baat se bekhabar mera maan bhar aaya tha)Maaaaaa(Waha kon tha, kya mahol tha, in sab se be khabar muje bas wo dikhayi de rahi thi, mera maan chikh chikh kar unhe maa pukar raha tha)Maaaaa.
Chandrika : (Unke hoth fadfadane lage)S s shi sshii ssshiii.
Shiv : Maaaaa (Me unke hath ko sehla raha tha, aur unhe dekhte hue pukar raha tha)Maaaa maaaaa.
Chandrika : S sshi shiiiuuu shhiiiuuuuu (Unke muh se jaise hava nikal rahi thi, aawaj kiisi ko sunayi nahi de rahi thi,unhone Shiv ke hath ko joro se pakad liya)Shhiiiiuuuu (Tabhi unhone ankhe kholi aur joro se chilllayi) Shiiiiiiiuuuuuuuuuu (Wo bistar me bethne ka prayas karne lagi ki turant hi wo wapas ludhak gayi, me gabhra gaya)
Waha sab gabhra gaye, nurse bhi gabra gayi, madam madam karte hue wo waha aa gayi.
Nurse 2 : Doctor ko bulavo, turant. (Usne dusari nurse se kaha, aur meri aur dekhte hue)Please aap hatiye. (Me khada ho gaya, waha sab ke chehre par dar dikh raha tha, tabhi doctor bhi waha aa gaye)
Doctor : Kya hua? (Nurse se)
Nurse 2 : Ye chillayi aur fir.... (doctor ne turan unka hath pakada aur nabs dekhne lage, fir apane stethoscope se dhadkane check karne lage)
Doctor : Ye sirf behosh ho gayi hai, please aap log dur rahiye. (Unhone hum sab ko kaha aur fir nurse ko kuchh hidayate dene lage, nurse turant bahr ki aur bhagi, thodi hi der me wo hatho me tray liye aayi aur uske pichhe pichhe kuchh log kuchh machines liye waha aaye aur waha setup karne lage, waha beep beep ki aawaj aani suru ho gayi aur doctor kuchh injection lagane lage, hum sub bas unhe dekh rahe the, thodi der tak unka ye sab chalta raha, fir doctor hamare pass aaye)Please aap log bahar chaliye, inka BP badh gaya hai, me dusare doctor ko phone kar deta hu abhi wo aa jayenge.
Sukhdev : Koi darne ki baat to nahi hai na?
Doctor : Abhi me kuchh nahi keh sakta, aap log chaliye, mere cabin me baat karte hai. (Hum sab waha se bahar aa gaye, me mud mud kar maa ko dekh raha tha, par me isme kuchh nahi kar sakta tha, jo karna tha doctor ko hi karna tha, hum sab doctor ke cabin me the)
Sukhdev : Kya hua hai doctor,?
Doctor : Ye me abhi to nahi keh sakta, meri bhi samaj me nahi aaya ki aise achanak unka BP kaise badh gaya aur dhadkane bhi tej chal rahi hai, kya hua tha?
Sukhdev : Aisa to kuchh nahi hua, ye (Shiv ki aur issara kar ke)Unka hath pakad kar unse baat kar raha tha.
Doctor : (Meri aur gaur se dekhne lage, meri bhi halat kharab thi, meri bhi ankhe bhari hui thi)Waise ye hai kon? (Sukhdevji jawab dene se hichkicha rahe the)
Badi maa : Ye Chandrika ka beta hai.
Doctor : Unka beta???? Wahi jiske karan inki ye halat hui thi??? (Wo muje ascharya se dekh rahe the) Par wo to.....(Unhone baat adhuri chhod di)
Badi maa : Wo jinda hai aur aapke samne hai. (Badi makkam ta se unhone kaha, tabhi bahar hulchul hui aur ek sakhs ander dakhil hua)
Doctor : Aiye doctor. (Unhone hath milaya)
Visitting doctor : Kya hua?
Doctor : Aaiye me sab batata hu. (Kehte hue dono bahr nikal gaye, hum sab unhe jata dekh rahe the, Sukhdevji bhi unke pichhe pichhe gaye, mera dil ghabra raha tha, badi maa ne mera hath pakad liya, mene unki aur dekha)
Badi maa : Sab thik ho jayega. (Hum sab kafi der tak waha bethe rahe, karib aadhe paune ghante baad fir sab wapas ander aaye)
Badi maa : Kya hua?
Doctor : Hum treatment kar rahe hai, kuchh report nikalne ko diye hue hai, uske adhar par aage dekhte hai kya karna hai. (Aur do ghante nikal gaye report bhi aa gaye the, hum sab prathna karne ke siva aur kuchh nahi kar sakte the, apas me baat bhi jyada nahi ho rahi thi, par sab tention me the, usake baad fir doctor aaye)
Doctor : Abhi unki halat stable hai, fil hal wo neend ki dawai ke assar me so rahi hai.
Shiv : Kya hum mil sakte hai?
Doctor : (Meri aur dekhte hue) Nend ka injection diya hua hai to milne ka koi matlab nahi hai. Aur meri salah hai ki abhi fil hal aap unse dur rahiye.
Badi maa : (Shiv ki aur issara karte hue)Isko dur rakhne se kya matlab hai aapka, wo beta hai uska.
V doctor : Inka matlab hai ki filhal dur rehna hai, waise ye achchhi bat hai ki unhone itne barso baad koi reaction diya hai, par achanak hua badlav bhi kabhi kabhi khatarnak ho sakta hai, etihatan taour par ham keh rahe hai ki fil hal maat miliye, jab wo puri tarha se stable ho jaye to me khud inhe bulaunga, me us waqt waha maujud rahunga taki kisi bhi situation se nipta ja sake, aur mere hisab se ye achchha sanket hai ki wo react kar rahi hai par hume jyada risk nahi lena chahiye.
Badi maa : Aap keh rahe hai ki wo achchii ho jayegi? (Unki awaj me utsah tha)
V doctor : Thik se to me bhi nahi keh sakta par asha to hai. (Dusare doctor ko dekh kar)Chaliye me ab chalta hu, agar koi jarurat ho to bula lijiyega. (Fir wo chale gaye, uske baad hum waha kuchh der ruke aur doctor se baat karte rahe, par unki salah se hum wapas milne nahi gaye. Hum sab waha se bahar nikale)
Aishwarya : Ab???
Sukhdevji : Fil hal khane ka samay ho gaya hai uske baad sochte hai ki kya karna hai. (Mera maan kahne ka nahi tha par muje bhi unki baat sahi lagi, badi maa aur sab bhukhe ho sakte hai aur khas baat ki sochne ka samay mil jayega, hum sab ek restaurant pahuche.
Aishwarya : (Shiv ki aur dekhte hue muskurayi aur puchha) Kya khaoge beta?
Shiv : (Fiki hasi ke sath)Bhukh nahi hai.
Aishwarya : Me janti hu tum dukhi ho par bhukhe rehne se kya ho jayega, aur doctor ne bhi kaha na ki usme aaya hua badlav achchha hai. Chinta maat karo, uparwala sab achchha hi karega, humne to sari asshaye chhod di thi par fir bhi aaj tum hamare sath ho, ye subh sanket hai ki ab sab thik ho jayega, (Apane pati ko dekhte hue)Sahi keh rahi hu na? (Sukhdev ne jyada react nahi kiya par ha me shir hilaya, Ashwarya ko jyada fark nahi pada, uska dil ye maan chuka tha ki yahi Shivans hai, wo bahot khus thi) khana khane ke baad humne tay kiya ki hum papa se milne jayenge, hum sab waha hospital me pahuche, yaha ka mahol alag tha, bahot bada hospital tha, hum special care unite me pahuche, me pehle bhi yaha aa chuka tha, muje wo din yaad aaya jab me yaha aaya tha tab unki tabiyat bigad gayi thi, waha maa ki halat waisi hui thi, ab meri samaj me aa raha tha ki shayad meri wajah se hi us din papa ki tabiyat kharab hui thi, me gabra raha tha)
Shiv : Badi maa, hume doctor se pehle hi baat kar leni chahiye ki waha kya hua, kahi yaha bhi aisa kuchh na ho jaye.
Sukhdevji : Thik hai, Me baat karta hu doctor se. (Hum sab waha doctor ki cabin me gaye,aupcharik bato ke baad Sukhdevji aur aunty papa se milne gaye, jab wo wapas aaye to meri aur badi maa ki bari thi, humne doctor se pehle hi baat kar li thi to doctor aane wali paristhiti se nipatne ke liye taiyar the, mera dil dhadak raha tha, hum gabhraye se room ke ander pahuche., pehle badi maa ne papa se baat ki, mera dhyan papa ke chehre par hi tha, fir badi maa ne muje issara kiya, me unke pass betha.
Shiv : Papaaa. (Mene unhe badi ummido se pukara, par unka koi reaction nahi aaya, mene badi maa ki aur dekha to unhone haa me issara karte hue meri himmat bandhayi, mene papa ka hath pakada aur fir pukara) Papaaaa. (Mera pura dhyan unke chehre par hi tha par koi reaction nahi ho raha tha, muje ascharya ho raha tha ki aisa kaise ho sakta hai, agar us din meri wajah se wo hua hota fir ye hona chahiye tha, par aisa kuchh bhi nahi ho raha tha, mera dil betha ja raha tha, mere maan me bhi ab shanka utpann ho rahi thi, muje laga ki muje unse koi baat chhupani nahi chahiye mene badi maa se kaha)Badi maa, me inse akele me baat kar shakta hu? (Kamnadevi bhi uski halat samaj rahi thi, wo uthi aur bahar chali gayi, mene badi ummido se papa ka hath sehlaya)muje nahi pata ki me kon hu, aap mere papa hai bhi ki nahi ye muje nahi malum, par pata nahi kyu mera dil ye keh raha hai ki aap ka aur mera rista hai (Kehte kehte meri ankho me aasu aa gaye) pata nahi aap mere paapa hai ki nahi, par jab se hosh sambhala hai tab se anatho ki jindagi jiya hu, anathalay me reh rahe har ek ke maan me ye malal hai ki hum aisa kaisabhagya le kar janme hai ki hamare maa baap ne hi hume chhod diya, par jab muje pata chala ki mere bhi maa baap hai to maan me ek ajeeb si rahat mehsus hui thi, bhale hi aap mere papa ho ki nahi ye muje nahi malum par jab log kehte hai ki me aapka beta hu to dil ko ek rahat mehsus hoti hai, par me aapko andhere me nahi rakh sakta, pata nahi aap muje sun bhi pa rahe hai ki nahi, par fir bhi me aapko kehna chahta hu ki muje khud ko abhi tak pata nahi hai ki me aapka beta hu ki nahi, par log jo keh rahe hai usi ke aadhar par muje lag raha hai ki me aapka wahi beta hu jiski wajah se aapki ye halat hui hai, (Meri ankho se aasu beh rahe the) agar me wahi hu jiski wajah se aap is halat me hai to please aap ab wapas laut aaiye, mera dil keh raha hai ki aap hi mere papa ho, please papa aap laut aaiye (Me rone laga tha, meri aawaj bhi rone ke karan beth rahi thi)Please papa. (Me rone laga tabhi mere kano me machine ki beep ki aawaje jor jor se sunayi dene lagi, me shir niche kiye ro raha tha to mera dhyan nahi gaya par papa ki saase jor jor se chal rahi thi me ghabra gaya aur me turant bahar bhaga)Doctoooor. (Me darwaja khol kar bahar bhi chillaya)Doctooooor. (Waha khade sab log uski aawaj sun kar ghabra gaye)
Badi maa : Kya hua Shivu?
Shiv : Badi maa, wo papaaaa. (Mere muh si kuchh nikal nahi raha tha, meri aawj sun kar doctor bhi waha daud aaye)
Doctor :Kya hua? (Unhone puchha par bina jawab sune hi room me chale gaye, hum sab bhi pichhe pichhe ander gaye, doctor ne nurse se kuchh kaha aur wo bahar bhagi, doctor unka check up karne lage tabhi nurse bhi aa gayi aur doctor injection taiyar karne lage, unhone turant hi injection unhe de diya, thodi der baad papa ki saase normal hone lagi, thodi der baad sab normal ho chuka tha)Aap log bahar chaliye, ye abhi thik hai. (Mera jane ka maan nahi tha par me bhi sab ke sath bahar nikala, hum sab doctor ki cabin me the, Sukhdev ko jo kuchh hua tha uska abhi bhi yakin nahi ho raha tha, par unhone waha Chandrika ki halat dekhi thi aur ab Yogendra ki bhi wahi halat hui thi, bhale hi abhi abhi jo hua tha us par usko viswas nahi ho raha tha par fir bhi jo kuchh ho raha tha wo dekh kar usko bhi lagne laga tha ki ye wo hi hai )
Sukhdevji : Kya baat hai doctor? Ye sab...
Doctor : Jab aapne muje inform kiya tha ki aisa kuchh ho sakta hai tab muje bhi yakin nahi ho raha tha, mene apane jivan me aisa kuchh nahi dekha hai, waise bhi ye sab filmo me dikhaya jata hai, par jo dekha usko bhi nahi juthla sakta, abhi bhi mera maan ye nahi maan raha par shayad is ladke ki wajah se unhone response diya hai.
Sukhdevji : Aap ye keh rahe hai ki wo coma se bahar aa gaye hai?
Doctor : Nahi, itna bhi chamatkar nahi hua hai, par ye dekh kar aasha to hai ki jald hi improvement dikhegi. Filhal to wo control me hai, par meri bhi yahi salah rahegi ki jyada jaldbaji achchhi nahi hai, agar wakayi is ladke ki wajah se ye hua hai to fil hal to usko is se dur rakhiye, kuchh din baad me khud inhe bulwa lunga. (Jaise waha doctor ne kaha tha waisa hi inhone bhi kaha, par mera dil nahi maan raha tha, ab to muje bhi yakin ho raha tha ki yahi mere maa papa hai, aur mera maan unse dur jane ko nahi maan raha tha.
Shiv : Doctor sahab, me unse milunga nahi, par me yaha bahar to reh sakta hu na?
Doctor : Me aapki bhavna samaj raha hu, par yaha bahar reh kar kya karoge? Meri salah maniye, me khud aapko do teen din baad bulwaunga, hum bhi chahte hai ki hamara patient achchha ho jaye, par jyada jaldbaji bhi thik nahi hai. (Sukhdevji ki aur dekhte hue)Aap samjaiye isko. (Sukhdevji meri aur dekhne lage fir unhone badi maa ko dekha)
Badi maa: Doctor thik keh rahe hai beta, jab itna achchha hua hai to aage bhi achchha hi hoga. Mera bhi maan nahi hai yaha se jane ka, maan kar raha hai jaise unhe bhi apane sath le kar hi jaye, par tu samajdar hai, hum wapas aa jayenge.
Aishwaryadevi : Ha, tab tak aap hamare ghar par ruk jayiye. (wo khus hote hue boli)
Badi maa : Us bare me baad me baat karte hai. Sach me mera bhi maan nahi hai abhi jane ka, par jyada lalach bhi thik nahi hai, kahi tabiyat aur na bigad jaye unki, hame doctor ki salah man ni chahiye. Abhi filhal yaha se chalte hai fir sochte hai kya karna hai.
Sukhdevji : Bhabhi sahi keh rahi hai, filhal yaha se ghar chalte hai, fir sochte hai ki kya karna hai. (Hum sab waha se bahar nikale)
Badi maa : Me soch rahi hu ki hum dono abhi wapas chale jate hai, baad me aa jayenge.
Aishwarya : Aisa kyu keh rahi hai bhabhi, kya hamara ghar aapka ghar nahi hai, aur is bahane Shivans ke sath bhi rehne ka mauka milega.
Badi maa : Aisi baat nahi hai Aishwarya, par ghar par sab mehman aaye hue hai, (Shiv ki aur isara karte hue) iski wajah se sab betiya bhaiduj manane aayi hui hai, ye jabse gaya tha tab se pehli baar wapas aaya hai, to sab iski wajah se hi ruki hui hai, agar Yogendra aur Chandrika se milne ka na hota to isko koi aane hi nahi deta, aur gaav me mela bhi honewala hai uska bhi kaam hai, ye kuchh CCTV lagane ko keh raha tha to wo bhi milna hai.
Sukhdevji : CCTV? Uski kya jarurat aa gayi?
Badi maa : Mele me har saal koi na koi bakheda hota hai, kayi baar, kisne kiya? kya kiya? pata hi nahi chlata, Shivu ne sujaya ki CCTV lagane se nigarani ho jayegi.
Sukhdevji : Police bandobast me kon hai waha?
Badi maa : Kyu?
Sukhdevji : Me unse hi baat kar leta hu, unse hi keh deta hu ki wahi setup kar denge, agar jarurat padi to me yaha se baat karva dunga. Is se do fayade ho jayenge, aap ko system chalane ki bhi jaurat nahi padegi aur officially wo log hi jimmedar honge.
BAdi maa : Thik hai,aap arrange karwa dijiye.
Aishwarya : Ab to samay nikal aaya na, chaliye ghar chaliye ab.
Badi maa : (Muskurate hue) Kyu jeed kar rahi ho, waise bhi kuchh din baad wapas bhi aana hi hai, tab rakh lena isko, bas.
Aishwarya : (Wo sharminda ho gayi kyu ki unhone uske maan ki baat samaj li thi)Mene aisa to nahi kaha, me aap dono ke liye keh rahi hu.
Badi maa : Me sab samajti hu, badi hu tumse pata hai na? (Wo muskurate hue boli, Aishwarya bhi muskurayi)Chalo ab jyada jeed maat karo, hum bhi samay rehte ghar pahuch jaye.
Fir hum wwaha se nikal gaye, Aiswarya aunty muje aise dekh rahi thi jaise wo muje janedena hi nahi chahti thi, wo baar baar muje hi dekh rahi thi, par badi maa ne samja buja kar unhe mana liya tha, jab hum ghar ke liye nikal gaye tab badi maa ne muje kaha.
Badi maa : Shivu, aaj jo kuchh bhi hua us bare me ghar par jyada maat batana.
Shiv : Kis bare me badi maa?
Badi maa : Tere aane ki wajah se Chandrika aur Yogendra me aaye us parivartan ke bare me bol rahi hu.
Shiv : Aisa kyu badi maa?
Badi maa : Tere is kyu ka jawab nahi hai mere pass, bas abhi jitna keh rahi hu wo kar.
Shiv : THik hai badi maa, jaisa aap kaho. Par hum aaye hai to sab puchhenge na?
Badi maa : Ha, tu bas utana hi bolna ki mile par unki sthiti aisi thi ki jaise mile hi nahi.
Shiv : Thik hai badi maa. (Pata nahi badi maa kyu ye sab chhupane ko bol rahi thi, par agar wo keh rahi thi to kuchh soch kar hi keh rahi hongi, waise bhi me kisko bata ta, jo bhi mere apane hai un par muje pura visvas hai to agar me unhe bata du to bhi koi paresani nahi thi, par kabhi unke muh se nikal jaye ya unhe chhupane me dikkat ho aisa me nahi chahta tha to fil hal to mene sab sochna chhod diya, thodi der hamari aise hi baate chali, fir hum dono hi ankhe band kar ke pichhali seat par aaram karne lage. Wahi Prakruti ki mummy uske upar bahot naraj thi. Pehle apani beti ke chale jane par usko itna nahi laga tha par Shiv ko dekhne ke baad usko laga ki uski beti galti kar rahi hai. Ghar aane par usne aur Sukhdev ne apas me is bare me achchhe se charcha ki thi aur Aishwarya ne apane pati ko is bare me keh diya tha ki wo Prakruti se baat kare aur samjaye. Par jab Prakruti ne ghar aane se pehle phone kiya taki jan sake ki wo sab ghar par hai ki nahi tab uski mummy bhadak utthi, wo Prakruti ka ghar par aane ka intejar karne lagi, Sukhdev apane kaam se chala gaya tha, jaise hi Prakruti ghar par aayi Aishwarya ne khud ko sambhala, wo chahti thi ki pehle wo apani beti ko samjaye is liye usne khud ko jitna ho sake shant rakhne ka prayas kiya. Prakruti bhi ghar me dakhil hone ke baad apane kamare ki aur jane lagi to usko rokete hue wo boli
Aishwarya : Prakrutiiii (Shanti se)
Prakruti : Ha mummy.
Aiswarya : Yaha aao, muje tumse baat karni hai. (Prakruti unke pass gayi) Betho. (Wo apani mummy ki ankho me dekhte hue beth gayi, usko bhi lag raha tha ki uski mummy kuchh jyada hi serious hai)
Prakruti : Kya baat hai mummy.
Aishwarya : Tu janti hai ki humne kabhi tujse kuchh nahi chhupaya, jab tu samajne layak ho gayi hamne tuje sab bata diya tha, hai ki nahi? (Prakruti janti thi ki uski mummy kis bare me baat kar rahi hai to usne haa me shir hilaya) tu janti hai ki teri khusi me hi hamari khusi hai. Humne hamesa tera bhala hi chaha hai. (Wo kuchh pal ruki) pichhale kuchh samay me jo bhi hua usme bhi mene tera sath diya tha, hai ki nahi. (Prakruti apani maa ko dekh rahi thi) beti jis baat ka koi bhavisya na ho us baat ke liye apana jivan kharab nahi karna chahiye, Shivans bahot achchha ladka hai. (Wo bol kar ruk gayi aur apani beti ko dekhne lagi, par Prakruti ne koi pratikriya nahi di) dekh me tum par koi jabardasti nahi kar rahi par jo hai wo hai, aur jo hua hai usko koi badal nahi sakta. (Prakruti ki ankho me aasu bhar aaye aur bahar chhalak aaye, Aishwarya ka dil bhi pighal gaya aur wo apani beti ke pass chali gayi aur usko aapani baho me bhar liya) Me janti hu beti ki tuj par kya bit rahi hai,par tune hi kaha tha na ki tumhare aur us ladke ke bich kuchh nahi hai. Meri salah maan to is baat ko yahi khatam kar. Dekh me teri maa hu, tere liye kya achchha hai wo tujse behtar samajti hu. Hum jo kuchh kar rahe hai teri bhalayi ke liye kar rahe hai. (Prakruti bas roye ja rahi thi,Aishwarya ka dil bhi tadap utha) Tu ro maat, hum tere dusman nahi hai. Hum jo bhi karenge teri bhalayi ke liye hi karenge. (Uska shir sehlate hue) Ja fresh ho ja, tere papa bhi aate honge, sathme khana khate hai.
Prakruti ane apane aasu pochhe aur apane kamare ki aur badh gayi, Aishwarya usko jata dekh rahi thi. Prakruti apane kamare me pahuch kar darwaja ban kar ke wahi khadi ho gayi, uski ankho se aasu behne lage,wahi wo beth gayi aur kafi der roti rahi, kafi der baad usne apane ansu pochhe jaise usne kuchh decide kar liya ho.
Ghar pahuchte pahuchte kafi raat ho gayi thi, par Krupali, Swarna aur Padma sab jaag rahe the, Juhi aur Vaiswi Beena madam ke ghar rukne gayi hui thi. Padma ne khana nahi khaya tha, un dono ne kha liya tha kyu ki unhe dawai bhi khani thi, baate karte karte khana khaya , raat sab aaram karne apane apane kamare me chale gaye, badi maa bhi apane kamare me so gayi thakan ki wajah se kab neend aa gayi pata hi nahi chala.)
Subah mere mobile par ghanti baji, mene dekha to Juhi ka phone tha, usne muje Beenamadam ke ghar bula liya aur fir hum wahi se apani practice par chale gaye, wapas aa kar wahi nasta kiya aur fir tum tino ghar laut aaye. Dopahar ko me bike se mele ki aur chala gaya, Mele ki lagbhag sari taiyariya ho chuki thi. CCTV bhi lag rahe the aur unhone ek jagah mandir ke pass tent bana kar computer bhi laga diye the taki monitoring kiya ja sake. Gaav ke kuchh aur logo se bhi pehchan hui, unhe pata tha me kon hu to sab mujse ijjat se vyavhar karte the, aise hi sham ho gayi muje pata chala ki raat ko waha gaavwale sab ikattha honge taki kal mele me aane wale logo ke liye mahaprasad taiyar kiya ja sake, badi matra me mithai banani thi aur sath me sabjiya bhi kat kar taiyar karni thi to gav ki aurte aur mard bhi raat ko ikattha honewale the, raat ko wapas aane ka kaha aur me ghar laut aaya.Mene badi maa ko keh diya ki me raat ko melewali jagah jaunga to unhone bhi kha ki wo bhi aayengi, Vaiswi aur Juhi ne bhi aane ko kaha akhir me Padmaji bhi taiyar ho gayi. Badi maa ne kaha ki wo jyada der nahi rukengi to me alag se bike se gaya aur sab ladise car se aayi. Mele ki jagah light me bahot sare log kaam kar rahe the, kayi log aag jala kar kuchh na kuchh paka rahe the. Hume dekhte hi gaav ke sarpanch ke sath kuchh log car tak aa gaye.
Sarpanch : Aiye thakurayin ji.
Kamnadevi : Kaisa chal raha hai Vidhyadhar?
Sarpanch : Sab achchhe se chal raha hai, mithai ke laddu ban rahe hai aur aurte sabjiya kaat rahi hai. Aiye. (Wo sab ko ek jagah le jane laga, waha kurshiyo par sab ko bethne ko kaha, mene Dharam aur Manohar ko dekha to me unki aur chala gaya)
Shiv : Kaisa chal raha hai sab?
Manohar : Sab set ho gaya hai.
Shiv : Chalo ek baar najar mar lete hai. (Hum tino waha se alag alag jagah ghum kar sab dekhne lage, kafi log waha apani chize le kar aa chuke the jinhe kal wo mele me bechna chahte the, wo sab wahi apani chizo ki rakhwali karte hue so rahe the, jhulewalo ne bhi apane jhule laga diye the, mene waha ke police incharge se bhi baat ki, unhone bhi muje monitor par dikhya ki kaise sab cover kiya ja raha hai. Hum sab wapas rasoi wale sthan par aaye)
Badi maa : Dekh aaye sab?
Shiv : Ji badi maa.
Badi maa : Lagta hai sab se achchhi pehchan ho gayi hai. (Wo muskurate hue boli)
Sarpanch : Aap pehchan ki baat kar rahi hai, yaha ka sab bandobast unke kahe anusar hi hua hai. (Wo chaplusi karte hue bola, hum waha baat kar rahe the aur mene dekha ki Padmaji, Juhi aur Vaiswi sab aurto ke sath sabji katne ke kaam me lagi hui thi, me unki tarf gaya)
Shiv : Aap sab bhi kaam me lag gayi?
Padmaji : Mata ke darbar ka kaam hai, seva karne se mata ka ashirwad milta hai. (wo muskurate hue boli)
Shiv : To fir muje bhi karna chahiye na? (Kehte hue me unke sath beth gaya aur sabjiya katne me madad karne laga)
Sarpanch ki bivi : Are chhote thakur, ye sab aurto ka kaam hai, aap rehne dijiye hum kar lenge.
Shiv : Isme aurto ka kaam aur mardo ka kaam kaha aa gaya, waha sab jo khana paka rahe hai wo sab bhi to mard hi hai na, fir bhi wo kaam kar rahe hai.
Sarpanch ki bivi : (Muskurate hue)Par kuchh kaam aurto ko hi sobha dete hai.
Shiv : Par wahi kaam ghar me bivi ke dar se mardo ko bhi karne padte hai, bhale hi chhup chhup ke karte ho. (Me haste hue bola, meri baat sun kar sab hasne lage)
Sarpanch ki bivi : Apke saher me hota hoga, yaha to sab apani muchhe tan ne me lage hue hote hai, aurto ke samne jhukne me unhe sharm aati hai, Kyu Dhaniya sahi kaha na mene?
Dhaniya : Bilkul sahi kaha aapne, yaha ke mardo ko daru pine me mardangi lagti hai, abhi bhi kayi log chhup chhup kar yahi kaam kar rahe honge.
Shiv : Jinhe jo achchha lagta hai kare, bhabhi ne kaha na ki ye sab karne se mata ka shirwad milta hai to fir me to karunga.
Dhaniya : Lagta hai apani bhojai ki baat bahot mante ho. (Kehe hue wo hasne lagi, waha yahi sab hasi majak me sab kaam kar rahe the, Wahi do ankhe thi jo lagatar chhup chhup ke Shiv ko dekh rahi thi, wo thi Manusi, par Shiv ko to jaise it baat ki khabar hi nahi thi, jab kaam khatam hone ko aaya to hum sab uthkar badi maa ke pass aaye, badi maa ne sab se jane ki ijajat mangi, wo sab chale gaye, thodi der me waha ruka aur jab sab kaam khatam hua to aurte bhi apane apane ghar laut gayi, kuchh log wahi ruk gaye aur me bhi ghar laut gaya)
Ghar me sab so gaye the, me bhi apane kamare me ja ke so gaya. Aaj subha me practice ke liye nahi gaya kyu ki subah jaldi hi mandir me puja ke liya jana tha.
superb
, Ab please jaldi update de Dena, ab intzar jyada mat karwana