Update:- 75
Halanki mayusi aur rona to shuru me kafi tha.. lekin dhire-dhire jaise samay ne samjhauta karna sikha diya ho.. Haan lekin jab bhi akele huye to dil ka haal waisa hi ho jata jaise 2 sal purv tha…
Nandni apne khyalon me hi khoyi thi tabhi jor-jor se awaj aani shuru ho gayi… Nandni, Ansh par puri tarah se khafa hoti kafi gusse me kitchen se nikli.
Thodi hi der me wo Ansh ke pass thi. Iss se pahle ki wo kuch bolt, pathrayi si uski najar bed par gayi aur besudh hokar wo jamin par baith'kar rone lagi… yah chamtkar tha ya kuch logon ka pyar, 2 sal se lagbhag mrit sa para hua Nischal uthkar baith chuka tha.
Dhime dhime shwans lete wo kuch der charon ore dekhta raha… "Main kitne dino se yahan para hua hun"..
Ansh:- 2 varshon se pare huye ho Nischal…
Nischal, jaise hi bed se utra wo ladkhada kar niche girne laga. Ansh usse sambhalte huye…. "Aaram se, abhi tum bahut kamjor ho"
Nischal:- Haan thodi kamjori to mehsus kar raha hun, lekin pahle hi bahut der ho chuki hai…
Nischal pahle to Nandni ke pass pahuncha aur usse shant karwate huye aaram se baithne ke liye kaha. Kuch commands diye, sise me band kayi sari liquid me se kuch liquid ka chunaw karke, apne liye dawa taiyar kiya. Nandni ko kuch der bahar intzar karne ke liye kahkar Ansh ko kuch samjhte huye apne sare kapde utarkar hospital me lage bed par let gaya.
Dekhte hi dekhte kayi lakhon ki tadat me needle uske pure sarir me ghus gaya, yahan tak ki uske aakhon me bhi. Ansh to ye sab dekhkar hi ghabra chuka tha, lekin wo ek professional doctor tha aur gabrane se jyada uske liye ilaz jaroori tha…
Ansh liquid box open karke, ek ke baad ek Nischal ke bataye liquid ko usme dalta chala gaya. Ansh, Nischal ke badan me dawa ke karan hone wale reaction ko pahli bar dekh raha tha…. Ansh, Nischal ko dekhte huye ander se usne salute kiya… "Kamal ki medical engineering hai dost"…
Nischal, lagbhag behosh tha. Pura liquid needle ke through Nischal ke badan me dhire-dhire utar raha tha. Liquid samapt hone ke baad Ansh ne Nischal ke sharir se needle hataya. Lagbhag 3 ghante lag gaye puri prakriya me.
Nischal ki jab aakhen khuli pahle se kafi behtar lag raha tha. Ansh wahin baith'kar tv dekh raha tha. Nischal piche se uska kanda pakadte.… "Tumhara thanks doctor, tum na hote to shayad main kabhi uth nahi pata"..
Ansh:- Are yaar aise nange kaise ghum rahe jakar pahle kuch pahan lo, fir aaram se baat karte hai…
Nischal:- Ansh Nandni ke pass jao main jald hi taiyar hokar aata hun…
Ansh chala gaya, Nischal ache se naha dho kar, 2 sal me ug aaye sare awanchhit balon ko nikalkar .. mast cream powder lali laga'kar chakachak taiyar hokar, wo Ansh aur Nandni ke pass pahuncha...
Nandni usse bilkul swastya dekh'kar uske pass bhag'kar pahunchi aur usse chhu kar dekhte huye… "Aisa dashing aur handsome to tu pahle kabhi najar bhi nahi aaya, tu aise mujhe dikh jata to main doctor se kab ka breakup kar leti"..
Ansh:- Koi nahi, is viman me mera extra marital affair to sambhaw nahi, tum hi kar lo Nandu, main bilkul bura nahi manuga…
Ansh ki baat sun'kar Nandni ki hansi nikal gayi. Fir aakhon me aashu bhi aa gaye. Thoda gamgin sa mahol hua, aakhon me kayi sare sawal aur dher sari ummiden. 2 sal ke dil ka bojh halka karte-karte kafi waqt nikal gaya.
Teeno baith'kar Rahat ki shwans le rahe the, aisa lag raha tha ab sab samanya ho chuka hai…. "Nischal, Jivisha kis haal me hogi abhi"…. Nandni ek baar fir mayus hoti hui puchhne lagi.
Nischal apna energy drink pite huye kahne laga…. "Chalo, chalkar pahle kuch shopping kiya jaye"…
Nandni, Nischal ko ghurti hui.… "Tumne thik se sune nahi kya.. main kya puchh rahi hun"..
Nischal:- Maine sun liya hai.. dhairya se sare kaam honge.. filhaal chalo kuch ghantey ki shopping me…
Ansh:- Haan kyon nahi… waise bhi 2 sal se hum yahan pack hai…
Nischal:- Thik hai fir jaldi se chalte hain…
Nischal ne wahin se apna viman liya aur teeno sidha mumbai pahunch gaye. Mumbai pahunch'kar sabse pahle kapde ki shop me ghuse aur wahan se reshmi kapde ki pura bundle hi kharid liya, wo bhi har rang ke aur kayi tarah ke quality me. Uske alawa kayi tarah ke paridhan, cosmetics item aur paglon ki tarah ek pure shopping mall ka saman hi lagbhag khali karke truk me load karwa chuka tha.
Wahan se nikal'kar Nischal ek medical shop me ghusa wahan se kayi tarah ki dawayon ki usne chori karke, uske print anusar paise counter me dal diye. Fir gazzett aur computer wale ke pass pahuncha wahan se bhi dehr sari kharidari.
Kul milakar jahan bhi kharidari kiya pura truk bhar-bhar ke kharidari kiya… lagbhag 30 truk mal load hokar, mumbai-pune highway ke ek virane me khade tha, idhar Nandni aur Ansh, Nischal ke iss paglaye vaywhar par kya pratikriya de unhe kuch samjh me nahi aa raha tha…
Filhaal to dono shanti banaye huye the aur Nischal ko uske man ki karne de rahe the. Tabhi Nischal ne Nandni ko jewelry shop me shopping ke liye jane ko kaha aur nayab kism ke har tarah ke jewar kharidne ko kah diya.
Nandni:- Are tumhare pitaji yahan ke raja nahi hain jo ye sab main pack karwa lungi..
Nischal:- Fikr mat karo, Jatin jiske roop me tha, uske pass ye puri dukan kharidne ke paise hain… maine counter par 50 caror jama karwa diye hai… dher sari shopping karna lekin pahle 500 sone ke sikke kharid lena…
Nandni kuch puchh pati ya kah pati, uss se pahle hi Nischal wahan se gayab ho chuka tha... Nandni, Ansh ka chehra dekhti… "Jab se jaga hai ajib harkat kar raha hai, ye humara Nischal hi hai na"..
Ansh:- Haan wo Nischal hi hai, mujhe lagta hai Jivisha ke liye kuch surprise arrange kar raha hoga..
Nandni:- Isse surprise arrange karna nahi kahte hai, surprise ke ander daba ke maar dena kahte hai..
Baatchit ke dauran Nandni aur Ansh ne milkar sari shopping bhi khatm kar li. Nischal bhi apna kaam karke aa chuka tha.... Jaise hi Nischal dono ke samne aaya, bari- bari se dono ko gale lagate huye… "Main bata nahi sakta kitna khush hun. Acha dono kuch kha lo, jabtak main in 30 truck ka saman viman me jaldi se load kar'ke tumhe inform karta hun.."
Ansh:- Haan thik hai na, acha Nischal suno, tumhare liye kuch pack karwa lun kya…
Nischal:- Haan mere liye chhole bhature, aur missal Pau, Pau bhaji, aur paneer ke har item. Aur haan, please rayta aur dahi lena mat bhulna…
Nandni:- Ji sir, aur kuch hoga to main pack karwa kar le lungi.. ab tum jaldi se sara saman load karke aao..
Nischal dono ko hath hilakar alvida kaha aur sabhi saman ache se 2 ghante ke ander 5-6 viman me load karke, sabhi viman ko auto pilot mod me dal'kar, ek shreni me lekar udte huye…. "Maaf karna Nandu, tumne pahle hi mere liye bahut kiya hai.... Aage jo hone wala hai usme tum na raho to hi acha hai"…
Nischal teji se apne base par udd chala… abhi chhote viman ko apne mukhya viman par load kar diya aur sara saman ko auto evacuation mode par dal'kar, jaise hi ander ghusa.. light flash hone lagi aur control area ke hall se alarm bajna shuru ho gaya..
Nischal jaise hi wahan pahunch… "Aa jao Nischal, tunhare chhole bhature abhi-abhi thali me lagyi hun".. Nandni, ghurti hui apni baat kahi..
Nischal:- Nandu wo main..
Ansh:- Koi baat nahi hai Nischal, ye to ghar-ghar ki kahani hai, khane ke baad bhi suna sakte ho..
Nischal:- Nahi wo baat nahi hai… bus thode he der me udan bharenge… aur main tum dono ko sath nahi le ja sakta..
Nandni:- Koi baat nahi beta, aaram se khana kha.. ek viman jo mere pass tha, wo main gift samjh kar rakh lungi.. aur yahan se hum dono chale jaynge… tu khana to kha le..
Nischal:- Nandu sorry .. ab jo hone wala hai usme main tumhe nahi ghasit sakta… tu please gussa mat hona.. ..
Nandni:- Haan samjh gayi.. ab kya khana bhi nahi kha sakti, ya khana chhod'kar chali jaun..
Nischal:- nana tu aaram se khana kha le, bus naraj mat hona..
Nandni:- Khana finish kar jaldi.. mera ho gaya..
Nischal teji ke sath apna khama khtam karte… "lo mera bhi ho gaya"..
Nandni apni jagah par khadi hoti… "Haar man'ne tak, ya zindgi ke anth tak ki ye chunauti main tumhe deti hu sahjade..." … Nandni apni baat khatm karke, table par sikke ko rakh di..
Nischal badi si aakhen kiye…. "Anhhhh ! Manmani hai ye… thik hai main haar manta hun.." aur itna kah kar Nischal ne wo sikka apne hathon me uthaya.. thoda kharocha aur wapas Nandni ko de diya…
"Kaan pakad kar uthak baithak karo aur hum dono se sorry kaho. Ye mat samjhna gussa shant ho gaya hai"… Nandni apni baat kahkar sidha kamre me chali gayi…
Nischal sara kaam khatm kar chuka tha, kewal Himalya se usse kuch jari-butiyan aur durlabh pedon ke chhal lene the, so wo bahar gaya aur apna kaam khatm karke aate hi sidha control room me chala gaya… jab wo control room me total command ko de raha tha, tab kisi ki dur-darshita par wo ander hi ander hanse ja raha tha…
Turant hi viman upar ke barf ke chadar ko chirte huye surface ke upar aayi, ek tej jod ka jhatka aur Nischal ka mukhya viman hawa mein tha… Sukoon ka shwans lete usne apni aankhen mundi…
Raat ke samay hi udan bhare the, isliye sab apni-apni jagah par so gaye... Subah teeno fir hall area me jama huye, Nandni ab bhi iss baat se kafa thi ki Nischal usse chhod kar jane wala tha… gussa uske chehre se saaf jhalak raha tha..
Tabhi Nischal aur Ansh ki khusar fusar shuru ho gayi.... "Raat tum sath me hi the kya Ansh"..
Ansh:- Tumhare ghatiya harkat ki wajah se kal mujhe bhi alag sona para tha, jabki raat ka romantic session, sham ko hi tay ho gaya tha..
Nischal:- Yaar main kya karta, aage jo hoga usse soch'kar tum dono ko chhod'kar ja raha tha.. wapas laut'kar aata to sab samjha deta..
Ansh:- Issi baat ka to gussa hai usse… 2 saal se to ek hi baat ratta lagaye thi.. "Jab Nischal jagega tab action time hoga… aur main un logon ko jhulsa kar aise marungi ki uski aatma tak jal jayegi"..
Nischal:- Ek baat batao tum dono ko kaise pata chala ki main tumhe chhod'kar akele nikalne wala hun..
Ansh:- Hahahaha… Tumhare dimag wali super computer ka kamal hai ye sab.. uss ladki ne kewal itna hi kaha tha ki ek viman usne Nischal ke total command se hata diya hai, jis din wo jaag kar ajib harkat kare, chup chap uss viman ko auto hide mode me dal'kar sath liye jana… aur jab Nischal tum logo ko chhod kar jayega tab tumhe feel hoga ki ye to jab alvida kahte hain, tab aise milte hain.. thik ussi waqt bina koi der kiye tum mukhya viman par laut aana…
Bahut der tak dono ki khusar fusar sunkar Nandni jhallati hui kahne lagi… "Tum dono ne agar ab thik se baat karna shuru nahi kiya to main dono ko iss viman se bahar fenk dungi"
Nischal:- Tum dono ki shadi hui ki nahi..
Tabhi aisa laga jaise Nischal ne koi sawal na puchh'kar kisi tarah ka bawal kar diya ho… khich ke ek udta glass Nischal ke sar par …. "Kamina kahin ka… Tujhe bachati ya apni shadi dekhti. Duniya ka pahla aisa joda hoga jo apne shadi se kuch din pahle bhage honge aur kabhi laut'kar gaye hi nahi apne ghar"
Nischal:- Hmmm ! Maaf kar do, sab kuch jaisa socha tha waisa hi ho raha tha, lekin kewal ek chhoti si bhul ho gayi..
Nandni:- Kaisi bhul..
Nischal:- Mujhe laga bhai hai jaan se marne ki baat kewal gusse me karta hoga, jaan kaise le sakta hai… bus issi soch ne sab kaam kharab kar diya…
Nandni, Nischal ke pass baith'kar uska hath thamti… "Wahan kya hua tha Nischal, aur tum apne hi grah ke bhagode kaise ban gaye… Ye Viggo kya hai aur aisi kaun si majboori thi jiske karan tumhe aur tumhari maa ko apni pahchan chhipa'kar rahna parta tha"..
Nischal, gahri shwans lete … "Tumse wada kiya tha sab batane ka, isliye puri baat bataunga.. lekin tum pahle yah batao ki tum yahan tak pahunch'kar mujhe bachaya kaise"..
aur ye infected lovers kahan se ho gaye 
.. jaldi jaldi me ki gayi samiksha 
aur inki sath degi nova.. Kuch zyada hi garmi hai in aliens mein
