If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
FantasyKaisa Ye Ishq Hai ~ Ajab Sa Risk Hai ~ Reload (Completed)
Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle
"Arymani:- The Pure Alfa Between Two World's."
Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...
Filhaal Abhi vyast hun ek pure romantic journey par....
Sab gati aur santulan Khel tha jo in copy karne walon ke bus ki baat nahi tha aur naa hi hawa me rah'kar itna achook war karte huye land karne ki kashmta Brahmand ke kisi bhi sainya tukdi me thi.
Ek baar Serin to ek baar Nischal hawa me hota. Adbhut gati ke sath, ek dusre ko save kar'ke maarne ki policy ka koi tod nahi tha inke pass. Aur aisa nahi tha ki wo sirf ek code ko follow kar rahe the… Kabhi Serin, Nischal ke pass wale sainik ko maarti to kabhi unhe chaunkate huye, humle me tabdili kar'ke, apne apne pass wale sainikon ko maar rahe the…
Aisa lag raha tha jamin se maar karna ab achha nahi lag raha… Bus jaim ko chhu maatr le, utne hi waqt ke liye niche aate aur fir dono bari-bari hawa me. Nischal aur Serin dono hi hawa me hote. Ek ke pichhe thik dusre uchhal rahe the aur natije wahi ho rahe the... Humla karne ki itni rendom taknik, kisi ko kuchh samjh me nahi aa raha tha aur inke log humla karne se pahle hi mare ja rahe the… wo bhi kafi teji me...
Tabhi bich se ek awaj hui aur sabhi sainikon ne dhal chhod'kar, naye formation me aa gaye... Wo log bhi ek dusre ko apni talvar se protect karte humla karte. Vijayi muskan ke sath Nischal aur Serin jamin par khade huye. Sabhi sainik dono ke gher chuke the. Sab ek sath teji se humla karne ko taiyar khade... Nischal aur Serin bhi taiyar. Hathon me hathiyar aur sath khade the, lekin ulti disha me... Dono ke pith ek sath aur face opposite...
Dono ke bayen hath ki khanjar sine tak uncha, wahin dayen hath ki talwar niche ke jamin ko face kar rahi thi... Charo ore se utne hi tej sainik unko ghere.. kaun pahle humla kare... Dono ko ek dusre ki kashmta ka pata tha aur dono hi ore se utna hi sachet...
Ek chhan ko sab ruke the... "Come on boys chalo ab ruke kyon ho... Koi nahi I am on"…
Kahte huye Nischal teji se sainkon ke circle ke itna karib tha, ki dayen ya bayen se teesra ya uske baad ka hi sainik talwar se humla kar sakta tha... Nischal ne apne samne wale ke gale me khanjar utarne ke sath hi.… dayen hath ki talvar se, dayen ore ka humla rokne ke baad talvar se uss hamle ka javab diya.
Dayen ore ke action ke sath me hi, apne bayen kinare wale sanik ke khanjar ke humle ko, vayumandaliya aavran ke chhote se dhanche rok'kar, uske gale me khanjar utara diya. Aage ke teen sainik jate hi, wahan ke sainikon ne bhi dono ko chunautiyan dena shuru kar chuke the...
Takraye jab apne hi barabar kshmtaon wale dushman se... Fir to dono bhai bahan ki talvaren lahra rahi thi... Dono bhai bahan utne hi anushashit aur poorn dhyan ke sath utre the... Inki lagatar practice ka natija yahan ke sainik dekh rahe the.…
Ye fauj bhi utne hi anusasan me the... Kataar koi tod nahi rahe the... Humla bhi ussi raftar se kar rahe the, kewal prashikshan ki kami rah gayi, jo Nischal aur Serin ke mukable kuchh bhi nahi tha...
Na to inme humla karne ka sahi aaklan tha aur naa hi ye logon me in dono jaisi ekagrta, prashikshan aur na hi ek hi waqt me 360⁰ me hathiyar chalane ka anubhav tha... Astak ki sena ke alawa koi dusri sena hoti to apne dushman ko dekh'kar ek baar "Wahhhh !!!" jaroor kar deti...
Dono ek dusre ke viparit khade... Dayen hath ki talvar lahrati, tannn ki awaj aati jo ek he waqt me apne 4-5 dushmano ke talvar ko humle ko jhel gaye... Thik ussi waqt jab talvar lahrati, dono ke chain me lage khanjar 360⁰ ghum jati… Dono kaam ek sath poori safai se sath me karte, lahrate talvar ke sath hi khanjar ko hawa me gol ghuma dena...
Tej raftaar ki ladai me, bus jo najar aati wo... Tannnn... Tannnn... Tannnn… aur issi awaj ke bich me Nischal apne sar ko bayen ore poora jhuka leta... Jiss se usse dayen ore ke sainik dikhe aur Serin dayen ore apna gardan poora jhukati, aur tannn ke awaj ke bich jab inki gardan poora jhookti, aur khud ke gardan ko jhukane ke sath hi inke khanjar ek baar lahra chuke hote, jo circle ke 2 kataar ko kaat chuke hote...
Nischal sur Serin ko ek hi waqt me apne sabhi angon ke prayog karne ke liye prashikshit kiya gaya tha. Wahin dushman inke chain ke char guna gati ko, ghumne se rok to sakte the. Lekin chain thik ussi waqt chalti, jab Astak vansaj humla kar rahe hote... Aur ye log humle par dhyan dete waqt, unke chain par repulsive force daal hi nahi pa rahe the. Dono bhai bahan ke berahm khel poore josh se shuru ho chuka tha…
Lahrate talvar ke sath unka lachila badan lagatar lahrate huye ghatak humla kar rahe the. Dushman bhi utne hi sangathit aur tej. Unke humle se dono bhai bahan kabhi bachte to kabhi kharoch bhi lagti, to kabhi unki talvar scratch bhi dete huye nikal jate... Khas'kar Nischal aur Serin ke sharir ke bayen hisse ko hamla jhelne par raha tha.... Kyonknki uss hath me chain thi, jiske upar ya niche se badan ko hathiyar chhu hi jati…
Kitna bhi Lahuluhan sharir kyon na hua, lekin na to dhyan bhatka aur na hi inke maarne ki gati me koi kami aayi... "Tannnn-tannnn-tannnnn" talwar se bhale aur talvar ke takrane ki awaj aa rahi thi aur agle hi pal, lash girne ki awaj...
Serin aur Nischal poora anushasan dikhate... Humla kiye chhanik ruke, aas pass se hote huye humle ko baanp'kar unhe roke aur rokne ke sath hi jawabi humla ho jata... Bachna aur humla karne ki yah taknik, itni adbhut thi ki pata hi nahi chalta ki ye dono ruke bhi the...
Dushman bhi apni kshmta dikha rahe the... Bayan hissa kamjor tha, yah jaan'kar ab tukdiyan charo ore se gherne ke badle 8 kataar me khadi ho gayi thi... 4 kataar dayen aur 4 kataar bayen ore se humla karne.… lagataar badalte formation se bhi Nischal aur Serin ko koi fark nahi para tha, kyonki inka dimag pahle se sangathit humla karne ki yojna bana chuka hota...
Naye formation se dono ko raahat hui thi.. Kyonki ab sidha maarne me pareshani nahi hogi... Chain se khanjar ko lahrana nahi parega... Lekin issi ke sath pareshani bhi badhegi, kyonki circle me dushman ke humle utne asardar na hote, jo samne se hone wale the...
In logon ne bhi socha dono sath ladenge isliye 4-4 ki 2 kataar bana lee, lekin ab dono hi samne se apne-apne kataar ko face karne wale the... Khanjar ab dono ke haath me aa gayi aur talvaar khun ke pyase...
Ab to bus khel shuru karna tha. Nischal aur Serin dono apne khanjar ko kamar me daal chuke the… Bayen hath chhote-chhote vayumandaliya aavran bana kar bayen ore ke humle ko rokne ko taiyar... Aur fir lahrana shuru hua dono ke talvar... Raftaar se bus kalai hi to palat rahe the, wo bhi bilkul lachile pakad ke sath...
Kalai ke ishare the aur apne sharir ko dono bus thoda left aur right ke ore ghuma rahe the... Talvar bijli se tej aage ke ore lahra rahi thi... Wah itni tej lahra'kar bayen se dayen aati, mano talvar khud pukaar kar kah rahi ho... "Dum hai to iss tej se lahrate talvar ke bich se apne hathiyar ghusa'kar dikhao. Yadi mujhe paar kar liye to mere malik ka badan tumhara"
Lahrata talvar jaise cutting machine bana tha aur ab dono bhai bahan poore raftaar ke sath inki tukdi ko naapna shuru kar chuke the... Lachila badan, kalai ki poori raftaar... Utne hi tej badhte unke kadam aur lahrate talvar ke bich me sainik ke humle bekar se huye ja rahe the. Jab nichal ki talvar kalaeyon ke sahare lahrati, 4 kate gale aur 4 laash ko paar kar'ke, aur 4 lash girane badh jaate...
"Na raham karenge"… Nischal ki talvar lahrayi aur gala se lalkaar.… "Na rukenge".. Serin ka bhi talvar chala... aur dono ek dusre ka josh badhaate aage badhte rahe...
Dayen ore se dono majboot the, lekin bayen ore ka vayumandaliya aavran kuch kamjor sa tha. Dono ke badan ke bayen hisse me talvar aur bhalon ke nok ki scrach se, badam lahuluhan se tha. Lekin rukne ka waqt kahan tha... Ek rukte to dushman ko pichhe se humla karne ka poora mauka mil jata...
"Main hata to wo mar jayegi"… Bus yahi chal raha tha dono ke dimag aur aur dono ka sharir kuchh pal ka aaram maang raha tha... Sharir ke ek hisse se khun nikal raha tha... Fir bhi dono apne dum par apne barabar ki kashmta ke dushmano ko, kaat'te huye aage badh rahe the... raftaar to kabhi ruki hi nahi.. haan par ek sangathit army ko katne ki raftaar bahut hi dhimi thi... Warna jis hisab se dono ki talvar chal rahi thi... 2000 carore vansaj ko to ab tak kaat chuke hote...
Ek sangathit army, jaisa ki Nischal aur Serin ko sahuru se pata tha... Iss baar formation nahi badla kyonki unhe bhi mehsus ho raha tha ab ye bhi ghayal hain... Bus ab dono ko aur ghyal karna tha. Dono ko aur bhi jyada dard dena tha... Aur issi mansa ke sath shuru hua dushmano ke bomb ka kahar... Jo mar gaye saink unke laashon par tange the bomb...
Jo khade the unke badan par tange the bomb aur oprate kahin aur se hona shuru hua... Bomb footna shuru huye aur uske ander se 1/2 inch ke kayi hazar shakt kaaten utne hi teji se hawa me bikhar gaye.. Kisi ped se laye gaye natural kaanten. Aam kaaten to honge nahi, upar se 1 bomb me 1000 kaanten... Aisa lag raha tha maarne se pahle poore tadpane ki taiyari chal rahi ho...
Bomb footne ke sath hi hawa me kaanten bikhre the… Ek sath hazar ki sankhya me bomb foot rahe the. Dushmano ke surksha taknik. Bomb ke humla hone ki shoorat me automatically bachne ke sare intzam ho gaye. Poora body cover aur aankhon me chasma laga. Haan ye poshak un kaaton se bachne ke liye hi the.. lekin ye kaaten to kuchh jyada hi jalim nikle, apne sainikon ke poshak ko bhi bhed gaye... Haan unpar asar kam tha lekin kaaten ghusne ka dard se wo sab bhi bilbila gaye...
Wahin in dono ke poore badan me to wo chhote-chhote kaanten ghuse hi. Khuli aankh se dono humla kar rahe the, aur dono shayad palak jhapkana bhi bhul chuke ho. Dono ke palke bhi jhapki aur kuch kaanten aankhon me bhi ghuse...
Ho rahe humle se dhyan hata nahi sakte the aur dono ke sar se le'kar paun tak kaanten hi kanten ghusna shuru... Ek sath kayi hazar kaaten ghusti dard deti aur wo kaanten sharir ke ander hi gayab ho jati. Sharir me sama'kar wo kaaten itna pira de rahe the ki ander ka khun tak jal raha tha... Lekin aaj fikr kahan kisi bhi baat ki.. sar par kafan bandhe nikle deewane 2... Nikle the manjil tak pahunchane kisi ko...
Na hi ruke aur naa hi khud par bhi raham kiya. Na dhyan toota na ekagrata. Aankhon me ghuste kaanton ki bhi parwaah na kiye. Khanjar berahmi se gale me ghuste rahe... Dayen ore se talvar humle ko ro'kar lahrate rahe aur sath hi sath bayen ore se dushman ke talvar, bhale aur khanjar ki tip lagatar ghus jati, usse bhi sahte rahe... Aage badhte rahe aur lashen girate rahe...
Kataar tha ki khatm hone ka naam na le... Lashon ke dher bante ja rahe the aur dono hi thik ek dusre ke piche kadam se kadam badhate huye lashen gira rahe the... Bomb girte, vishaile kaanten chubhte unke iss humle ko bhi jhelte rahe... Halakh se Nischal aur Serin ki chinghar nikalti.… Khuffjada tha wahan ka najar. Dono ki awaj jaise dahsat thi. Aankhen poore khun me doobi laag... Jitne jyada unhe kaanten chubhte kaatne ki raftaar bhi utni hi badh rahi thi...
Mahakaal ka sawaroop the aaj dono... Bahte khun ki garmi dur tak mehsus ki ja skati thi. Inke badhte kadam khauff ke parichayak the... Na khud par raham kiye na dhusmano par...
Mahakaal ka sawaroop the aaj dono... Bahte khun ki garmi dur tak mehsus ki ja skati thi. Inke badhte kadam khauff ke parichayak the... Na khud par raham kiye na dhusmano par...
Nandni jo viman me baithi bahar ka najara dekh rahi thi. Kafi lamba samay ho gaya tha usse bhi baithe-baithe… Bardast ke bahar... Upar se poori kataar kewal pichhe se aage badhte huye najar aa rahi thi, jabki Nandni ko to dekhna tha poori kataar ke Kate badan ek sath hawa me, jo ki pichhle kayi ghante se nahi ho raha tha… Chinta aur pareshani to sabko thi, lekin Nandni ki seema paar kar gayi thi… rah-rah kar ek hi khyal aata.…
"Sangathit log jab Nischal aur Serin ki raftaar rok sakte hain to thoda-thoda kar'ke usse ghayal bhi kar sakte hain... Aur ye itni vishal fauj hai ki gujarte waqt ke sath unka thoda bhi, Nischal aur Serin kr liye bahut jyada sabit hoga"… Fikr itni thi ki wah gahri shwans leti apne aankhon se gire aanshu ko ponchhti kuchh sochi aur sabko bahar aane boli...
Niche aa'kar pahla sawal Aerobok se hi kee... "Dono akele lad rahe hai aur iss baar koi line kat nahi rahi?? Dono ke raftaar ko rok'kar jaise ladai kar rahe hai dushman... Aerobok tum humla kyon nahi kar rahe"…
Aerobok:- Aise sangathit humle ke liye hume prasikshan nahi mila hai, isliye hume dur rahne ke liye kaha gaya hai… ladne gaye to bhi marenge, aur aage jab jaroorat hogi tab hum nahi honge, isliye Sahjade ne hume hold par daala hai..
Nandni... "Mujhe batao fir tumhe prashikshan kis baat ki mili hai"… ..
Aerobok:- Hum unhe bhumigat kar nahi sakte... Bhid me ladne gaye to bich me fansa'kar wo maar denge... Jab ladai me in dono ke kaam hi nahi aaye, fir faltu ka marne kayon jana aisa Sahjade ka kahna hai...
Nandni:- Tumhare ek ke jahar ka asar nahi hoga shayad, wahin yadi ek sath kayi log jahar ko hawa me chhodo to...
Aerobok:- Hmmmm !!!! Zahar ander ghus'kar jala dega...
Nandni:- To ruke kyon ho jaoooo abhi... Bhid ka dhyan khincho... Zahar hawa me itna gholo ki shwans na le paye…
HuYu:- Ruko... Nischal ka samjh me aaya lekin Serin jab zahar ko shwans ke jariye legi...
Nandni:- Mask banao jhatpat fir, bina der kiye...
HuYu:- Aise mask to har space ship me hote hain... Lekin wahan tak pahunchaye kaun...
Nandni:- Aerobok sabko taiyar rakho aur mere ishare ka intzar karna... HuYu sabhi complete suit wale ko lekar bahar aao.... Ab agar giants football khelne aayenge to hum unhe acche se football khilayenge...
HuYu:- Wo kaise... Jaise abhi wo Canon aur Saras apne viman me baith'kar, apne aircrafts ko command de rahe hain aur niche se anti blastic missile se dushman ke missiles ko rok bhi rahe... Waise hi ab teesra kaam bhi karenge.. hawa me giants ke sar ko missile se nishana banayenge... Jaise unke missile hawa me kaam kar rahe waise humare bhi karenge…
Darasal pichhe kayi ghanton se ye log bhi apne ore se naakaam kosis kar chuke the.. Sangathit army ke charo ore arbon giants khade the, jo kisi ko madad ke liye ander pahunchne hi nahi de rahe the... Utne bade sharir ke sath, Nischal ki tarah tej daurna sabke liye sar dard bana tha aur koi chah'kar bhi unki madad ke liye ab tak nahi pahuncha paya tha...
Duhman jaise poori taiyari kar'ke aaye ho ki pahle kisi tarah dono bhai-bahan ko maar girao, uske baad to aaram se shikar hoga… aur shayad apne iss maksad wo log safal hote bhi najar aa rahe the...
Nandni HuYu ko lagbhag order deti hui kahne lagi... Jakar cordinate karo aur dragon babies ko missile command dene kaho... In logon ki commanding kamal ki hai, sab Nischal ke sath the... Aur ander jakar mask lao aur mask ke sath Sonu ko bhi bhejna... Jarra main mask un tak pahuncha dun... Chalo aalsiyon jarra kaam kar lo... Kewal wahi dono heros nahi hai... Hum sab me ek hero basta hai...
Humle ki nayi niti tayar thi. Ek baar fir 30 complete mettelic suit hawa me udde... Unke uddne ke sath hi aaram kar rahe giants bhi uth khade huye... Issi bich Nandni, aur Sonu… dono complete matellic suit ke sath ander yudhh ke maidan ke ore badhe…
Dragon baby Sonu yun to aaram se Saras aur Canon ke sath hi baitha tha, lekin tab se baith'kar wo chhote aircaft ko hi dekh raha tha. Kaise wo size me chhota sa aircrafts, bhid me ghus'kar humla karte aur apne se vishal dhusmano ke bich se nikalte...
Nandni ke baithne ke sath hi... "Maasi seat belt bandh lo kyonki hawa me Gulati bhi khana par sakta hai... Isliye taiyar rahna"…
Nandni:- Chal jhampa aaj in champa ko masakali banana hai...
"Lo hum udd chale fir dhushmano ke bich"…. Bade-bade giants ke bich se ghusa Sonu.… "Maasi hum jab baba aur bua ke pass honge tab unke dayen-bayen lagataar humla kar'ke dhuwan-dhuwan kar denge. Taki unhe mask lagane ka mauka mile, fir hum wapas honge... Taiyar...
Nandni:- Haan bilkul taiyar...
Hawa me poori unchai liya Sonu. Iss bich Nandni metallic suit ke weapons on ki... Fire on command... Suit ke fire ke sath hi bijli ke kamal ke 1 megawatt ka single jhatka taiyar tha...
Sonu, unchai par gaya aur teji se dive lagaate huye kahne laga... "Massi ye giants kafi tej hai dikhenge nahi... Aap bus in giants ko chaunka do, taki hume ander jane ka mauka mile...
Nandni ne haami bhadi aur dive ke kuchh der baad hi Nandni ne fir se aag ka dariya banaya aur solon ke dariya ke bich tej current ka ek poora jaal faila dee.
"Uffffff wo giants"… bahut der se shant iss mahol me Nandni ne khuff ka manjar ek baar fir dikhaya... Aag to badan ko matr jala rahi thi, jo unki chamri ke karan thodi beasar si thi jabki ek megawatt ki bijli unke dil ki dhadkan rok chuki hoti…
Nandni to bus hawa me charo ore aag aur bijli chala rahi thi… wahin Sonu hawa me achanak hi kayi sari kalabajiyan karta, bilkul chhote se aircraft ki tarah... Dono ko kuchh dikh nahi raha hota, lekin thoda niche aate tab pata chalta hawa me aag lagi thi aur tej bijli ke jhatke se hawa me uchhla giant jamin par gir raha hota...
Giants me gati thi aur wo giants bhi Nischal ki tarah daur sakte the, jo dikhta nahi tha... Aur unke issi strong point ke karan HuYu ke dimag ki batti bhi jali. HuYu apni team ko naag dansh ki seema ke aas-pass hi rakhe tha... Giants chal rahi ladai me ghus nahi sakte the isliye kinare se hi lambi kataar ki deewar banaye khade the... Sabhi 30 logon ne high laser ka humla kiya... Hona to iss se kuchh nahi tha lekin giants par huye achanak iss humle ne unhe bhi chauka diya...
Pichhe khade giants ke sathi bhannaye, jaise aage walon se kah rahe ho, "in tuchh logon ki itni himmat". Idhar HuYu ke aadesh the, humla karo aur bina ruke naag-dansh ki seema me ghuso… Ek chhoti si kosis uksane ki aur unhe dikhane ki, kee wo naag-dansh ki seema se bahar aa'kar humla kar rahe hain... Giants me gati thi aur unhe pata tha ki palak jhapakte hi wo sabko daboch lenge..
Ek chhota sa dav aur fans gaye caroro giants iss chakkar me... HuYu & team humla karne ke sath hi seema me ghuse… Unhe to pata bhi nahi tha ki koi daura bhi hai... Lekin idhar ye, aadhe inch ke fasle ko tay kar'ke seema me pahunche aur udhar najron ke samne charo ore rakh hi rakh uddna shuru ho raha tha…
Saikron hi mare the abhi arbon baki the aur iss giants sena ke ander command nahi hi tha. Bhid bari thi lekin shurwat ho gayi thi… Kisi ko apne sathi ke marne ka afsos ho ki na ho lekin samne se unhe raakh bankar hawa me bikharte dekh, in maha daanav ke ego ko thes to pahuncha hi tha...
Naag-dansh ki seema se bahar dekh'kar jahan pahla khep saikda tha, wahin dusra khep hazar ka hua aur teesra lakhon ka... Naag-dansh ki seema me ghuste hi sidha raakh hi bante... Aise raakh bankar udd rahe the, jaise aag me raakh bana kagaj, hawa ke jhonkon par uddata hai... Aur inki gati hi ab inka kaal thi, kyonki lakhon ki bhid ka ek khep matr 1 second me khatm ho raha tha... Aur ego aisa hurt hua tha ki 10 second se HuYu & team ko maarne ki kosis jari thi aur humle rukne ka naam nahi le raha tha.
Idhar Sonu ke pass to jaise divya dristi thi... Haalanki divya dristi nahi thi, balki iss baar wo apne instinct par kaam kar raha tha... Hawa ki dwani prakahne ki kashmta jo har panchhi ke ander hoti hai.. aur issi andaje se, samne se aa rahe giants se bachte huye uspar humla kar raha tha aur karwa bhi raha tha...
Nandni bhannayi... "Ye sale laton ke bhoot... Beta tu aage badh Nischal aur Serin ke ore, ye harami jo boreder khinche hain, unhe main maza chakha dun"…
Nandni ne Apne hath ghuma'kar, yun kafi dur se lahrati hui, gol-gol jalebi path banane lagi.… Shayad ungli 1 ya 2 kilometer ke kshetr tak ka ishara kar gayi ho. Utni dur se ugli ke ishare se gol-gol jalebi ka path banate hui.. Aakhir aate aate Sonu ke charo ore hi ek electrical path bana diya Nandni ne. Uss path se lagatar 5 megawatt ki supply jari thi... "Aa jaa harami daurte huye… naa dikh mujhe..... Sonu maar sale ko samne se aise wave ki sine ke aad paar ho jaye..."…
Idhar Nandni ka kahna tha, udhar Sonu ne diya ek jhannatedar wave jo hawa me... Misisle firne jaisa sound karta, 1 sidhi line me khade 8-10 giants ka sina faadta hua nikal gaya... "Shabaas beta... Ab ek kaam kar apni jahag ruk aur hawa me dayen-bayen se aise hi sina faad wave chhodta rah"...
Bhanna se gaye sabhi giants. Paglon ki tarah ab inke ore bhi daur laga diye aur dur se hi jab pahle giant ko jhatka laga to uske pichhe aa rahe dusra fir teesare…. Wahan lakho giants the, jo kisi na kisi vidhi ek dusre se chipke the... "Sale harami, 5 mega watt bijli kha'kar bhi khade hain"..
Sonu, hanste huye... "Bhag le maasi hum, mujhe ander ghusne ka rasta dikh raha hai... Warna bijli ke jhatke se abhi to apna sir pit rahe hain, kuch der baad hume football bana'kar pitenge"…
Nandni:- Haan haan... Nikal-nikal..
Idhar Nischal aur Serin… dono rakt me sarobar, apne badan me caroron kanton ka dard aur vish chubhoye... Bina ruke aur bina raham kiye, lagatar lad rahe the... Kabhi dono dayen se bayen badhte to kabhi bayen se dayen.… "Nischal, bhai main aur nahi sambhal sakti... Meri himmat toot rahi hai... Gala sukh raha hai"..
Nischal:- Kaam kar le aalsi... Aaj pahli baar to dhang se ladne aayi hai....
Serin:- Ye harami kanten chubho rahe hain... Janta bhi hai kahan-kahan chubhen hain... Tu to khula badan hai.. dekh apne suje badan ko... Main ye tight kapdon me hun aur ander se poora sooja hua hai...
Nischal ek jhalak apne badan ko dekhte.… Jo ajib hi tarike se sooja hua tha... "Aahhh"… Nischal samne wale ko ek laat maar'kar dur kiya aur apni talvar lahrate... "Harami baat kar raha tha... Sence nahi hai kya... Bhonk diya..."
Serin:- Mar to nahi raha bata de to main bhagne ka intzam karungi...
Nischal:- Nahi upar body talvar se cover tha to haamiyon ne paun me khanjar ghop diya...
Serin:- Ek kaam kar baith ja araam se. In salon ke paun kaat'te hain... Pichhe wale jab'tak khabar denge.. hum 1-2 lakh lash to paun kaat-kaat'kar gira denge..
Nischal:- Haan ye sahi hai...
Dono teji se baithe aur utni hi teji se dono ki dard bhadi aaahh nikal rahi thi... Taareef me itne kaatne ghuse the ki teji se jhukte hi aankhon me iss dard ke aanshu to jaroor aa gaye the. Khair dono dard me to chinkhe, lekin sath hi sath, talvar lahra'kar, paun bhi ek hi baar me kaat diye... Aage walon ke girte hi picche wale utne hi teji se aage aaye.
Niche baithne se itna sukoon tha ki ab khud ko bachame ke liye dimag nahi lagana tha, kyonki jo bhi teji se aata, upar dekhte huye hi aata. Ab to bus kaatna tha aur dono dhanadhan paun kaate ja rahe the...
"Kamine jodi ke gulaam, yudhh ke maidan me tera dimag kaam karna band kar diya hai. Tu sanyasi ho jata wahi achha tha… Itni der se thaka raha tha... Aise baith'kar pahle humla nahi kar sakta tha... Dekh to inko, khali jagah bharne ki itni jaldi hai ki, aage aaye ja rahe aur niche se 1 fit chhota ho'kar girte ja rahe"…
Lagbhag 4 round sabke paun kaatne ke baad yudhh jaise viram sa ho gaya tha aur dono samne ka najara dekh, apne muh par haath rakhe... "Aur aaram se humla kar le... Ye sabhi kamine to dur hi aaram se baith gaye, hume gherkar... Ab agar ye log humla karne ke liye 2 circle banaye na, fir batata hun... Ye na ki 2 round paun kaat'kar khade ho jao... Ab karenge ye hum dono ko niche se 6 in chhota… dekh to aage badh bhi nahi rahe hain.. aaram se fail'kar baithe hain"..
Nischal aur Serin ek baar khade ho'kar dekhe... Poore maidan ke sainik baith gaye the... Serin mathe par hath rakhti... "Yaar sach me, yadi double circle me, ek khade aur ek baithe circle ke sath humla hua tab to hum gaye"…
"Aaram se patlthi laga'kar baith... Kaanton se vayumandaliya aavran bacha lega... Thodi der shwans le le"…
"Nischal blood circulation dhima hua to hume nind aa jayegi... Poore badan me chhed kar diya hai haramiyo ne"..
"Ab kya kar sakte hain… bina external help ke hum bure fase hain"…
"Ye sale pahle to aise na the... Ye jitne bhi tough wale dushman hote hain, sab humare nasib me kyon hote hain... Bhej dete bhabhi ke pass... Uske pass thi to in sab se nipatne ki shakti hai"…
"Tapak jati wo bhi... Sale bahut harami fauj lagte hain aur utne hi dhit bhi"…
Tabhi Serin ko Sonu aur Nandni dikhi... "Aahhh bhagwan aaya prithvi ka... Hath jod le re... Kya timing hai"…
Jagah itni khali thi ki Sonu aaram se land kiya... Nandni ke niche utarte hi Nischal bina ruke... "Bilkul muh par dono tape laga lo... Nandu tere pass 10 minute ka waqt hai.. nahi to humara marna tay hai"…
Nandni:- Ye mask laga lo Serin, hum Zahar ko yahan ki hawa me gholne wale hain…
Nischal:- Achha hai yaar... Jhatpat jao... Doc sahab ko raste se hi bata dena ki humare jadi buti wali drink ka bag nikal'kar rakhe... Bag collect kar aur laut'te waqt, 20, 30 zaharbaaj Nilbhutiyon ko load kar'ke le aana... Jaldi bhaag ab...
Nandni:- Tera dimag kaam na kar raha... Wo bhumigat ho'kar bhi aa sakte the...
Nischal:- Tabhi tu Sonu ke sath gulatiyan khati aayi hai... Unhe nahi bhej sakti thi...
Nandni, gusse me Nischal ko ghurti... "Teri ye gende si sooji shakal aisi hi permanent ho jaye to achha hai... Bilkul baingan shape me suji hui... Gadhe, kinare par bhi najar dal jo ye giant fauj poore maidan ko kinare se gher kar deewar banaye hai. Nilbhut bhumigat ho'kar unke pass se gujarte to wo giants jamin ke ander se unhe khinch lete"…
Serin:- 10 minute ke 2 minute to yahin tum dono ke bahas me khatm ho gaye...
"Iss gadhe ko samjhao, main chali"… Nandni turant wahan se nikli, uske jaate hi, Serin ek kataa sar utha'kar thodi dur par baithe sainik ke ore fenkte... "Oye harami, iss fauj ki koi reserve tukdi bhi rakhe ho ya jitne dikh rahe hain utne hi ho"…
Ek sainik:- Haramiyon tum aate kyon nahi humla karne... Raham na karne wali baat to samjh gaya... Lekin "Na rukenge" wala dialogue kya apne maa ke yaar ko suna rahi thi, jo unke marte hi ruk gaye...
Serin:- Bahut charbi chadhi hai tere upar… teri to charbi utarni hogi re...
Nischal:- Haramiyon ki juban hi gandi hai... Humari maa ke bare me bolta hai badbola...
Serin:- Gala to uska katega hi chahe tu kaat ya main… ghanto se lad rahe hain... Aise ladte rahe to inhe maarne me mahino lag jayeng.. Aur haan aise haalat me hum inke samne aur 1 ghanta nahi tik payenge… mahino ladne ki to dur ki baat hai...
Nischal:- Hmmm !! Tu ye soch rahi hai... Lekin ab gati badhane ko taiyar ho ja... Kyonki kuchh to ran'niti nandni bana chuki hai... Tabhi yahan pahunchi... Aur wo jo bhi ran'niti banayegi, hum sab ke liye naya hoga... Ye sainik jaise hi surprise honge aur bus toot parna hai. Lekin meri chinta wo nahi hai...
Serin:- To fir kya hai??
Nischal:- Iske baad in logon ne kaun sa surprise rakha hai... Inke hisab se 6000 carore ki inki fauj hai... Aur abhi tak humne 800 se 900 carore mare honge... Baki ke reserve to jamin se hi niklenge...
Serin:- Ek kaam kar inka commandar ko maar kyonki mujhe lagta hai poora operation ek team kar raha hai... Jo Hella aur Messa ke karibi honge... Wo mar gaye fir inko naye formation ki jankari nahi milegi… tab hum bakiyon ko unki manjil par aaj hi pahuncha denge...
Nischal:- Kahin ye total command Astak to na de raha... Jab se usse maine laat maari hai, wo tab se gayab hai maidan se... Vardali ne kaha tha ki uska commander jaise hi marega Astak khud command sambhalne aayega... Aur Surpmarich to kabka maara gaya aur dusre planet se inka sampark nahi...
Serin:- Ho sakta hai... Matlab isne koi yahan network develope kiya hoga aur uss waqt jo hume uksa raha tha wo mukhauta tha. Usne mukhaute ko humare samne rakha taki hum usse commander samjhe...
Nischal:- Nandni ko aane de... HuYu tak sandesh pahunchana hoga ki unke networking ko tod de taki jamin se upar hawa me jo aartllary humla ho raha hai, wo kam se kam ruk jaye taki apne millitary commader niche ki ladai ke liye active ho.. Ek baar unka Central command gaya fir hum bhi aage badhte rahenge…
Aisa nahi tha ki dono kewal baten hi kar rahe the... Balki dono apne charo ore bakayda vayumandaliya aavran banaye huye the... Nischal aur Serin samne baithe fauj ko hi dekh rahe the... Wo fauj ab jaan chuki thi ki jitna faila'kar rahenge, unhe dono par humla karne me aasan hoga aur jit bhi jayenge... Isliye aaram se baithe bus Nischal aur Serin ke humle ka intzar kar rahe the…
Idhar Nandni correct 10 minute baad pahunchi, aur upar se hi bag unke ore uchhalti... "Mask lagane ke baad Aerobok ko bula lena, wo ye jagah surakhit kar dega... Tum dono ke badan kafi suje huye hain… bina rest ke ladai nahi kar paoge"..
Nischal:- Aree bachoo...
Nandni jabtak baat kar rahi thi tabtak hazaro bomb Nandni aur Sonu ke ore pahunche… Sonu jhat se dive lagaya wahin dono ke complete mettalic suit total protection mode par aa gaye the. Bachne ke soorat me Complete mettalic suit ke bich 2 layer me hard spring active tha jhatka jhalne ke liye aur poora face bhi cover tha dono ke. Wahin aankhon ke upar hard sisa aur sise par chhota viper chal raha tha... Muh jahan par tha uske pichhe Mike aur aage speaker laga tha…
"Chinta mat karo mujhe kuchh nahi hoga. Dono rest kar lo. Jamini humla Nilbhut surakhsit kar denge... Baki ladai ke maidan me aur bhi hero hain, wo kab herogiri dikhayenge. Humare pass 1 crore 70 lakh ke karib zahar se marne wale sainik kab kaam aayenge"…
Nandni apni baat kahti hui wahan se turant nikli aur sidha pahunchi Saras aur Canon ke pass.… "Aap dono kuchh nahi kar sakte kya, humare pass matr ek team hai aur unke pass army ka amabaar"…
Canon aur Saras dono ek dusre ka muh dekhte... "Tumhare pass jo tecnology expert hai usse bhej do, aur 10 minute do, kuchh jugad lagata hun... Hello boys, we need some support on groung need a complete battalion… 30 log chahiye turant"..
Nandni, wahan se gayi bache huye dragon babies ke pass inhe command samjhati hui kahne lagi.. "hawa se ek bhi ye kale bomb Nischal ke area ke aas pass nahi blast hona chahiye"
Idhar jab'tak HuYu bhi pahunch chuka tha… uski technical team Canon aur Saras se baat kar rahi thi... Issi bich Canon aur Saras dono ne Nandni ko bulaya... "Maim, kya yahan ke air strike ka command yahin ke log de rahe hain"…
Nandni:- Haan kya hua so...
Saras:- Agar air strike ka command band ho jaye to niche ka maidan hum jit lenge… main kab se ek baat par kafi gaur kar raha hun, lekin uske liye humare aircrafts free hone chahiye…
Nandni:- Abhi main HuYu se unhi command ke upar baat karne aayi thi... Kaise bhi kar'ke unka Central command khatm karna hai… Haan lekin yudh ke maidan me, Nischal aur Serin buri tarah fanse hain... Unki haalat thik nahi...
Saras:- Main unhe mark kar lunga, aur total support milega bus missile humle band karwa dijiye... Aap command cut karwaeye yadi mera ganit sahi hua to agle 2 gahnte me hum unse jung jit jayenge... Fir ye purane daur ke talvar takra'kar ek-ek kar'ke maarna nahi hoga... Hum wo karenge jisme hum mahir hai... Ek missile aur 50km ka area saaf...
Nandni ummid bahdi najron se dekhti, HuYu se kaam karwane lagi aur idhar dono earth ke air strike commander aur uske sahayak nayi ran'niti tay karne lage… takriban aadhe ghante lage, lekin HuYu unke system me tha... "Nandni done"… idhar se Nandni ne un dono (Saras aur Canon) ko done kiya...
Saras aur Canon ne area mark kiya jahan Nischal aur Serin the. 2 carore aircrats me se kitne aircrafts bache the, uski ginti na karte, Saras ne 1 carore aircraft ko apne pichhe, ladai se nikal'kar niche bulaya aur unme se 20 lakh air crafts ko order dete...
"Boys tumhare jet ko kuchh nahi hoga... Humare pass kewal 1 mauka hai… isliye pahle 20 lakh plane poore maidan ko gerenge... Reserve area effect kiye bina sare aretellary ko burust fire do.….. plane jahan giregi wahan kewal jamin ke niche aakar khade ho jana... Tumhe safely rescue kar liya jayega"...
Idhar Serin ne jaise hi apna mask lagaya waise hi Nischal ne sabko bahar bula liya... Nischal ne to 30 ko hi bulaya tha lekin wahan takriban 1 lakh sarp upar aaye jo pura hi Nischal aur Serin ko dhak diye aur dekhte hi dekhte wahan aas-pass baithe sainikon me bhagdar hone lagi...
Central command se un sainikon ka Sampark toot gaya tha, isliye aise zahar ke situatiom me kaise humla karna hai uska koi jawab nahi aa raha tha... Jabki un gadhon ko apne poshak ki technology tak pata nahi thi, jo unhe complete mask kar sakte the…
Jaise-jaise wahan me sainik zahar ki chapet me aa rahe the, wo jagah logon ke maut ya bhagdar ke sath khali ho rahi thi. Saanp failte huye jamin par aage badh rahe the aur dono (Nischal aur Serin) ke upar se hathane lage...
Dono ki haalat itni kharab thi ki jaldi se body cell recovery drink, energy drink aur na jane kaun-kaun sa drink piya dono ne... Aur drink pite hi jaise behosi sa chhane laga tha... Idhar 30 air force soldires ki team complete metllic suit pahne uss complete suit ko hi viman banaye huye the...
Jab wo 30 log mark area me pahunche, tab paya ki Nischal aur Serin bilkul behosh pare hain... Un 30 logon ne dono ko utha kar le jane ki kosis ki, lekin jahan soye the uske 100 meter ka dayra bhi cross nahi kar paye aur tab unhe pata chala vayumandaliya aavran ke bare me...
Wo kya karne wale hain iss baat ki suchna de'kar Nilbhut se puchhne lage ki ye cover kitna safe hai... Tab ek Nilbhut sainik kahne laga... Kitne bhi atom bomb gira lo kuchh nahi hoga, lekin humare dushman iss cover ko tod denge...
Uss team ne turant poori suchna apne commander tak pahunchayi… Nilbhut sainikon ko sari baat samjha'kar wahan se 5 minute baad bhumigat hone ke oreder mil gaye... In 5 minute me in logon ne itna zahar chhod diya ki agle 10 minute tak ek kilometer tak koi pass na aa paye...
Ab tak to khauff tukdon me mil raha tha lekin tooti-footi planning hote-hote, anth me 2 sena-naykon ne yahan ke natur me loop dhundh liya tha... 20 lakh viman uss lakhon varg kilometer me phaile ladai ke maidan ke har hisse me thi... Single order aur sabhi misile jamin se hi chipka'kar chhod di gayi...
Brust fire ke sath koi missile 10 komorer tak gaya aur 50 Km ke kshetr ka blast range diya to koi missile 1 km par 10km ka blast range... 1 baar me 1 jet se, jamin se jamin par chhote bade 1000 missile chhode gaye, jo poore yudhh ke maidan ko tabah kar chuke the. Sath me unka khud ka plane kahan aur kitni dur ja gira, unhe khud pata nahi... Yadi ye Hyber metal ka viman na hota to samadhi ban'ni tay thi...
Ek sath ek hi waqt me sabhi 20 lakh viman ki sari missiles chhodi gayi... Ek hi baar me lagbhag 1500 carore ki fauj saaf ho chuki thi. Jamin se maar karne wala atterllary system sab barbaad... Air strike ka command khatm tha sath me dushman ke humle bhi band. Fir to upar ke aircrafts ab pooro azadi se un 1000 carore me se bache-khuche vimano ke bede ko samapt karne me lage huye the...
Niche dil dahla dene wale visphot ke sath, poora ladai ka maidan dhuwan-dhuwan tha.. Maidan saaf ho chuka tha, fir bhi Canon aur Saras ne kisi ko jshn nahi manane diya aur complete metallic suit ke jawano ko Nischal aur Serin ko dekhne bheje…. Dono aaram se sukoon ki nind n le rahe the…. Idhar sabhi Nilbhut samuday ke log kayi group me bantkar, aircraft aur uske pilot ko bhumigat karke, mukhya viman ke pichhe la rahe the...
Sainikon ko to rok liye lekin ye bacche.… jit ki hooting ke sath hi, dragon babies ne viman ke shape ko thoda change karke, apne viman ke missiles ko jamin ke satah se chipka chuke the...
Poore maidan me dhuwan hi dhuwan tha aur dhuwan jab dhire-dhire chhantne laga tab wapas se poora maidan bhada tha… Saras aur Canon unhe dekhte.… "As aspected... Welcome dear"… 20 lakh pilot aur taiyar the… 500 se 800 carore sainikon ki capacity wapas se uss maidan me thi, aur lakho varg kilometer me kewal aur kewal khachakhach log bhade the... Ab to ladai technology vs vayumandaliya energy aur talvar-bhale ki rah gayi thi... Mahaj 15 minute me postion, 10 minute ki firing aur poora ilaka saaf...
"Uthoooo... Uthoooo... Uthhh jaoooo"… Nsichal aur Serin ko jaise ek hi sapna aa raha tha... Dono behosi se bahar to aa rahe the lekin ek ke dimag ke ander HuYu to dusre ke dimag ke ander Jivisha thi. Aur dono ko chum'kar uthaya ja raha tha... Dono ek sath hi aankeh khole aur mithi si angdai lekar… "Hum kahan hai... Yudhh samapt ho gayi kya"…
Bahar se Nandni uss vayumandaliya aavran par laat maarti... "Haramkhor bahar aao dono abhi... Kamino yudhh ke maindan me so gaye"…
Nischal:- Serin ye pagal ho gayi... Ghera khol...
Nischal apne energy dring ka ek ghunt pite huye khada hokar mast angdai liya... Pichhe se Nandni kya kah rahi kaun sunta hai… jamhai.. angdai aur kamar ko lachcka'kar aahhh karte jaise thoda pichhe muda... "Woooo ye kya bala hai"..
Nandni bijli ka ek karara jhatka deti, apne fauj ne ne 3000 se 3500 carore fauj ko kaise khathm kiye usse batane ke baad kahne lagi... "Lagbhag 2 ghante tak koi nahi bahar aaya aur jab bahar aaya to pahle ye namuna aaya aur baad me ye maidan sainikon se bhadi thi. lekin wo sainik kisi aur ka shikar ho rahe hain, khud dekh le...
Samne Astak giant bana tha... Kilometer lamba giant, shayad 2 km lambai ho... Uska sar 100 km dur se bhi dekhne par bada aur bhayanak dikh raha tha. Uske ek ungli par to poora ek aircraft land kar jata... Khair giant hona to kharnaak nahi hi tha, lekin jo wo kar raha tha, khatarnaak...
Halka jhuka bada sa muh khola aur uska wo 300-400 fit wala chauda muh jab khulta, saaf najar aa raha tha ek line si bani thi khinchne ki... Uske khud ke vansajon ki to upar se lekar niche tak rail bani hui thi jo muh ke ander gapagap nigalta chala ja raha tha. Bechare wahan ke anya shukshm aur kide-makode. Uske sath jamin ke kide makode, wahan ki ghas, lavan, dhatu sab wo chaba raha tha... Shayad kankad ki bhanti Hyber metel ka koi aircraft muh me aaya tha... Jab hatheli upar kar'ke uss viman ko muh se nikal'kar fenk raha tha, Nischal aur Serin ki aankhen badi ho gayi...
Serin:- Saala kismat hi jhand hai... Puchh apni jodi se udhar kaun sa mantr foonk rahi hai, jo ek ke baad ek musibat humari badhti ja rahi hai... Kuchh musibat bol khud bhi wahan le le...
Nischal:- 20 lakh ladies, kuchh bacche aur Shwetna ke sath to gayi hai... Sabse kamjor team to wahi le'kar gayi hai...
Serin:- Haan lekin wo jadugarni akele hum jaison ke 100 ke barabar hai. Nilbhut samuday ka to compare mat kar apni biwi se... 1 lakh striyon ke barabar to uska naag phans sammohan hai... Sab ko akele nanga nacha degi wo...
Nischal:- Ab kya usse yahan bula lun, aur bol dun ladne ke liye...
Nandni:- Areee jahilon... Wo humari ore badh raha hai...
Nischal aur Serin dono ek sath... "To kaam ki baat pahle batani thi na... Sab try kar chuke hoge tum sab"…
Nandni:- Haan...
Serin aur Nischal dono ek dusre ko dekhte... Aapas me najron se hi kuchh salaah mashwara kar rahe ho... "Ek try ya sidha attack"
Nischal:- Tu kya kahti hai...
Serin:- Hathoda aur sidha aatack par uss se pahle wo Roffa se laya gift pahan le...
Nischal:- Kahan hai gift…
Serin, HuYu ko sandesh bheji aur wo le'kar pahunchs Roffa space station ka gift... Serin, dane jaise motiyon ki ek patli chain Nischal ke hath par bandhti…. "Kabhi-kabhi badi ladai me aise chhoti-chhoti chijen kaam aati hai"… Serin bhi wo chain apne kalai me dali...
Nischal:- Aur ye chhoti chij hai kya...
Serin:- Prime Universe ke kisi planet ka hai... Exact pata nahi kaun se planet ka hai… chhote-chhote dane jitne nayab patthar, jo kisi bhi khichav ke force ko zero kar dete hai..
Nischal, ek baar Astak ko dekhte... "Abhi ke waqt ke liye to yahi Jivan hai... Jis hisab ka giant hai mujhe doubt hai ki iss par kisi bhi chij ka asar hoga...
Dono wahan se, kadam se kadam milate daur chale the. Siway chain aur khanjar ke kuchh bhi nahi tha unke pass... Astak apna ek-ek kadam aage badha raha tha aur sath hi sath apne hi fauj ko nigalte huye aage badh raha tha…
Nischal aur Serin bhi ek sath aage badh rahe the... Nischal kuchh dur aage ja'kar chain ko jamin se ptaka aur hawa me chhalang laga diya... Agle hi pal wo 4 guna speed ke sath hawa me kafi uncha gaya…
Uss giant ne badi dur se Nischal ko hawa me dekh liya aur najron se laser ki deewar hi chhod diya... Nischal ke mukh se anayas hi nakala... "Gaya kaam se"… issi bich Serin chain ko hawa me lahrayi aur Nichal kafi teji se sath niche aa gaya... .
Nischal niche tha aur Serin hawa me... Serin par bhi laser se humle huye. Lekin dono bhai bahan hawa aur jamin khelte-khelte sidha Astak ke kadmon me the... Astan mano 2 km upar se bhi chinti jaise dikh rahe Nischal aur Serin ko dekh sakta tha...
Usne apna bada sa paun kafi teji se dono bhai bahan ke upar rakh kar paun tale kuchalna chaha... Nischal aur Serin ne to kalpna bhi nahi ki thi ki wo itna tej bhi ho sakta hai. Dono bachte-bachte bhi paun ke niche aa hi gaye...
Dono ne turant apne hath upar kiye... Kar karane ki awaj aayi.… "Serin tu thik hai"…
Serin:- Ye harami itna vishal hone ke sath itna tej. Aaj kya hume sab tease kar rahe hain yahan…
Nischal aur Serin apni poori kshmta se paun ko upar roke the... Astak ko aisa laga jaise jamin me gade chhote se 2 kankad ke upar uska paun hai.. aur wo kankar ko masal kar powder banane ke liye, apne paun ke upar dusra paun maarne laga...
Force itna tha ki dono ki haddiyan fir se kar'karayi, aur hath ke sath vajan kandhe par tha. Dono globe ko kandhe par uthane wale position me baith'kar, poora bhar sambhale the...
Serin:- Nischal jaise humare talvon me pin chubhne par hum bilbila jate hain, kya iske bade se sarir ke sath bhi kuchh hoga...
Nischal:- Ab poora din to isse kandhe par uthaye nahi rah sakte na... Try maarte hai
Dono ke najron ke ishare huye aur ek sath hath chala kar poora khanjar ghop diya... Iss khanjar ka asar Astak par kaanten chubne jaisa bhi nahi tha, lekin surprise ho'kar usne apna paun khincha aur agle hi pal apne paun se football khel liya...
Nav sikhiya footballer tha Astak... Paun ko poore mitti par hi de mara aur 200 km se bhi jyada dur khade nischal ke viman ki deewar par tej si awaj aayi.… Dhammmm, dhammmm... Nischal aur Serin dono apne hath paun failaye jakar viman ki deevar se pahle chipke aur dharam se niche jamin par...
Dono dhul jhaarte huye uthe... Kuchh haddiyan iddhar ki sidhi ki, kuchh haddiyan udhar ki sidhi ki... Itne me laga ki wo giant Astak daurne wala hai... Dono ne apne chain ko hawa me lahra'kar, pichhe hathode se connect kiya aur kisi missile ki tarah usse flat astak ke ore uchhal diya...
100 tan ke 2 hathode poori rafratr se to badhe lekin mano Astak kartab dikhane ke mood se tha. Apne chehre ke aage apne hatheli ko sidha kiya jahan wo Hathode ko kisi ball ki tarah catch kiya aur dono baahn poora faila'kar teji se gol ghumte huye ek ke baad ek dono hathode ko fenk diya...
Serin aur Nischal speed parakhne wale na hote, to gayab ho'kar pahunchne wali speed se 100 tan ke hathode ki chapet unke hone ka saboot na bachta.… Dono ne utni hi furti dikhate, hathode ko chain se connect kar liya. Nischal ne to hathoda jamin par giraya lekin Serin ka mood hua tha kharab. Astak se mili gati ko, Serin aur bhi jyada bhunati, uss lohe ke poore khand ko chain ke sahare apne sar par helicopter ke panke ki tarah ghumati hui samne uchhal di... Jaise hi Serin ne wah hathoda feka, Nischal ne apna chain hathode ke pichhe fasaya aur Serin ka hath tham liya...
Vishalkay hthoda, uss se visal panjo me dhar dabocha gaya. Jaise hi hathoda catch hua, Nischal apne ek hath ke niche latki Serin ko ghuma'kar, Astak ke sar ke upar fenka. Jaise hi Nischal ne Serin ko upar uchhala, Serin hawa me Nischal ke sar ko paar karte hi apna ek hath aage badhayi. Nischal ne uske hath ko thama...
Dono bhai bahan aaj jaise kalabaji hi khel rahe the... Dono ke sath me ladne ka tarika hi kuchh nirala tha. Dushman ke kisi bhi prakar ki sena par ye dono kam se kam kshmtaon ke sath bhi dono unhe tahas, Nahas karne ki kshmta rakhte the...
Nichal ne Serin ko uchhala. Serin rolling position me thi. Uska sar niche sath me hath bhi niche badha di. Hath jaise hi badha Nischal ne uschhal kar thik uss waqt pakda tha jab Serin roll karti aur sar upar ke ore ja raha tha. Jaise hi Nischal ne hath thama, Serin ke sath wah bhi roll hua, bus Serin ne Nischal ki rolling ko push karte usme gati daal dee..
Dono hawa me roll karte ek dusre ke upar niche the. Dono Astak ke lambi-chaudi meter si faili aankh ke samne se tinke ki tarah gujre. Astak ki aankhen fail gayi. Mutthi me kaid hathode ko jab'tak wo nichod kar powder banata, dono ek sath pichhe ja'kar uske pith par land kiye... aur khud ko girne se rokne ke liye apna khanjar uski virtibral columns ki line me ghop diye. Khanjar kuch inche niche tak khiskte huye aayi... aur dono latak rahe the..
Lamba chauda pith bilkul lohe ki deewar si thi, jispar Nischal aur Serin apne khamjar se... "Dharrr dharr dharr dharrr" godna shuru kar chuke the... Bhale wo khanjar Astak me liye kisi sui ki tarah thi, lekin sui se godne ki chhatpatahat to Astak par bhi pari. Wah tilmila'kar apne hath pichhe le gaya aur dono ko pakadne ki kosis karne laga.…
Ab pith ke uss hisse me hath to nahi pahunchi lekin gode-god'kar dono bund-bund khun jaroor nikal diye... Dono kafi masgul the godne me. Tabhi dono ko samjh me nahi aaya ki kya hua... Wo to virtibral line ko godne me lage the aur "thap-thap"… itna bada panja dobo ke upar pada ki dono chaatpata gaye... Aisa laga jaise Astak ki madad karne aur 2 machhar ko marne ke liye kisi ne pichhe se hath chala diye, lekin dono niche girte waqt jo dekhe.… "Issi ki kami rah gayi thi"…
Poore pith par chhote-chhote hath nikal aaye the, jiska poora panja thap se Nischal aur Serin ke upar pada tha... Dono niche girkar sambhal pate, uss se pahle hi paun ke kinare se bhi panje nikal aaye aur har panje par 2 bade-bade aankh tukur-tukur jamin par unhe dhundhne lage...
Nischal aur Serin girne ke baad uth'kar kuch soch paye, uss se pahle hi dono paun me lage hath ki changul me the... Dono bhai-bahan ko mutthi me daboch'kar, ek hath se dusre hath tak pass karte huye, pahuncha chuke the Astak ke mukhya hathon me, jiski chutki ke bich, halke dawab par rakha tha Astak ne...
Astak apne dono chutki ko apne najron ke samne late.… "Mera na aadi hai aur na anth... Main nirantar khada rahunga iss Brahmand me… bhagwan hun main"…
"Oye swyam ghoshit bhagwan, tumhe dard to nahi hoga na, jab ye khanjar ghused dungi"… kahte huye Serin ne apna khanjar anuthe ke niche ghused di…. Serin ko dekh'kar Nischal ne bhi uske anguthe me khanjar ghusedi... Shayad Astak dard jhelne ko taiyar tha...
Maine to dard jhel liya, ab tujhe maslunga, bacha'kar dikhao kidon"… kahte huye Astak apni chutki ka davab badhaya... Aisa lag raha tha lohe ke 2 mote aur bade shteet ke bich chhote chhote samano ko piskar usse chatni banane ki prakriya chal rahi hai... .
Upar aur niche dono ore se poora davab tha... Nischal aur Serin ke aankhon tak ki nashen ubhar aayi thi... Poora badan ki nashen aise bahar ubhar kar patli ho gayi thi ki nashon se bahte khun najar aa rahe the...
Dono ne ek sath apni shawans khinchi aur apne khanjar se uske anguthe ki chamdi ko udherne lage... Gati ki koi kami to thi nahi, lekin khanjar asar karne wale gahrai tak ghuse tab na asar ho... Astak to man bana hi chuka tha, pin chubhne ka dard jhelna hi parega… tabhi samne hawa se ek hathoda udta hua aaya...
Ye hathoda wahin viman ke pass gira tha jise missile launcher me daal'kar HuYu ne Astak ke sar ko nishana banaya... Astak to aur chalak nikla... Apna bada sa muh faada aur dono ko sidha muh me gutkhe ki supadi ki tarah gap se ander aur muh band kar'ke jibh se tatol'kar dono ko chabane ke liye jabde ke pichhle hisse me le jane laga...
Muh ke band mahol aur ghup sa andhera... Nischal aur Serin dono apne hath thame the... Aur dono ko ek halki raushni dikh rahi thi. Saatvik Aashram ke diye uss raksha moti se aa rahi thi, jo dono ke gale me tha...
Jibh jaise hi dono ko dayen kinare karne lagi... Nischal ne Serin ko napa-tula upar uchhala. Aisa uchhala ki Serin muh ke upari hisse se ja'kar na takraye..Nischal ne Serin ko uchhala aur agle hi pal Serin upar jate hi apna hath badha dee. Nischal ne jaise hi hath thama, Serin usse khinch li aur dono uchhal'kar jibh ke bayen hisse me pahunch.
Jibh dayen ore muda tha jis vajah se bayen ore ka khali hisse se dono jakar jibh ke niche baith gaye... Dono muh kr aise hisse me ja bsithr the jahan se unhe jibh ke sahare nikalna muskil hota... Astak ki kosis to wsise bi jari thi...
"Khanjar beasar hai… wo skin ki deewar ke niche nahi ja raha aur pin ke surprise ko jhelne ka wo man bana chuka hai" … Serin thodi hatash hoti hui kahne lagi
Jibh ka pressure pura Nischal aur Serin ke sar par tha... Lekin dono usse ignore hi kar rahe the.…. Nischal, Serin ka hath thamte... "Tabtak maro jab'tak ye mar na jaye.… Ye size me bhale humse hazaron ya laakhon guna bara hoga, lekin hum apne-aone smuday ke 2 unclassified Alfa kya kar sakte hain, chalo wo dikha de"…
Serin bhi Nischal ka hath tham kar, khanjar ko kamar me khons lee aur shuru ho gayi.... "Dhammm, dhammmm, dhammmm, dhammmm"... Aage ke dabton ke niche apne na dikh pane wali gati se, lagatar Serin mukka chalati hui... "Main Venyata aur Martha ki beti hun... Koi sasti jaan nahi jo maar sako"..
"Dahm-dham dham-dham"... Jibh ke nok dono ko apne jagah se hilane ki kosis karte rahe, lekin dono tas se mas na huye... Lagatar itne tej uske daton ke niche punch chale ki dard se usne apni uthhi itni tej band ki, kee kewal Hayber metal bacha raha. Hyber metal ka jor fat gaya aur niche se lohe ka powder gir raha tha... .
Jibh jab jyada pareshan karne laga tab dono apne dayen hath ka punch jari rakhte huye... Jibh par khanjar ghusedkar ek line Serin to dusri line Nischal ne khinch de... Vishal takat aur apar shakti ka malik tilmila gaya... Usne dono ko jtake se thuka...
Nischal aur Serin dono hawa me... Nischal hawa se hi apne chain me Serin ko fasaya aur jhatak diya. Serin Astak ke ore jaise hi jane lagi usne bhi hawa me chain fenki aur Nischal ko khinch'kar apne sath lee. Hawa me dono ek dure ka hath thame the aur dusre hath me khanjar pahle se nikla tha...
Do bade se hatheli uthe, mano kisi machhar ko thap se marne aaye ho... Nischal aur Serin ne apne hath faila diya... Jaise hi tali pari, dono hi hatheli me dono kinare se khanjar ghusa aur gati aisi thi ki khanjar poora hatheli me ghus'ka sidhi line khinchte, sidha uske sine par...
Dono jaise hi sine par kud'kar khanjar ke sahare latke, uske sarir par anginat hath ug aaye. Nischal aur Serin turant hi khanjar bahar nikal'kar, ek-ek hath par kud gaye... Dono apne khanjar ko kamar me khoste, nikle huye hath par gati ke sath jordar punch maarna shuru kar diya..
Ek second me 1000 jordar punch jama diye... Punch itna tej par raha tha, wahan se awaj ke sath-sath jordar raushni bhi shuru ho chuki thi...
Nischal jordar punch karte huye HuYu se telepathy kiya aur chhote aircrat ki 200 tukdi ko iske badan ke charo ore mandrane ke liye bol diya...
Punch chal rahe, baat ho rahi... Astak ke sharir par kayi haath nikal chuke the. Nischal aur Serin ko gidane ke liye hathon ke thap padne shuru ho gaye, lekin ye dono to aur bhi jyada dhit thehre. Matr 1 second ka punch chalta aur dono ek hath se kud'kar dusre hath par… Tabhi achanak hi sabhi hath gayab ho gaye... Dono niche girne lage aur girne ke kram me dono ne turant hi khajar bahar nikala... Girte huye ghusa diya Astak ke jaangh me aur scratch line banate huye bhumi par land kiye...
Nischal aur Serin, Astak ke ek-ek paun ke samne khade. Najron ke samne uske paun ki badi-badi ungliyan. Dono bina kisi duare khyal ke paun ki ungliyon par hi marne lage... Jaise hi unhe paun kuchalne ko hote, bayen hath me chain aur gayab hokar paun ki parchhayi ke bahar... Paun jaise hi jamin par aata, fir se har second 1000 punch jad dete...
Sharir ka jo ang mil raha tha bina ruke uspar punch barsana shuru kar dete... Dayen hath se punch aur bayan hath khali... Pata nahi dono ne kya soch'kar punch marna shuru kiya tha, lekin vishal sa paun ka tlava jab hawa me hota, to viman me baithe screen dekh rahe logon ki shwans atak jate..
Lekin kya timing aur speed thi dono kee... Aur uss speed ko aur char guna badha deti unki chain... Jaise hi paun ke parchhayi ke bich Serin dikhti, Nischal paun ke jamin par aane se pahle Serin ko khinch chuka hota aur wahi Serin bhi kar rahi thi...
Itne me trained pilot ka ek dal wahan pahunch chuka tha... "Serin paun ke bich me aa aur hath ke support se mujhe upar fenk"… Nischal ne kaha Serin se khud ko hawa me fenkne kaha. Aircrafts ke aane ki wajah se Astak ka dhyan bhatka tha aur Nischal iska poora fayda uthana chahta tha...
Nischal ki ek awaj par Serin turant dono paun ke bich aakar baith gayi, aur dono hath ko samne rakh'kar Nischal ko hawa me fekne ki position me aa chuki thi... Nischal ne chain bhumi par mara. Agle hi pal uchhal'kar Serin ke hath par... Serin bhi usse hawa me uchhali aur Nischal teji se hawa me aate hi Serin ko khinch liya...
Bada vishal sharir, 2 kilomter lamba body… aadha kilometer chauda sarir... Uske bich line se 2 dhul kan ke barabar prani, Nidar ho'kar upar hawa me ja rahe the. Dono kafi tej gati ke sath ek bar fir Astak ke badi-badi aankhon ke karib se, 90⁰ ke angel par upar ja rahe the...
Astak gardan uncha kar'ke dono ko hawa me jate dekha. Serin jyada gati me thi wo kafi uncha gayi. Astak hath upar kar'ke jabtak Serin ko pakadta, utni der me Nischal uske kan par land kar chuka tha. Nischal taiyar treatment dene ke liye. 1 second, asimit speed, 1000 puch, dhamm dhamm, dhammm, dhammm ki awaj aur lagatar visphot jaisi raushni nikalti rahi. 1 second ka punch chala.
Punch to hath se maara ja raha tha, aur Nischal poora chaukanna, charo ore najren ghuma'kar dekh raha… Jaise hi wo parchhayi ke niche dhaka, apne aas-pass mandate aircraft se chain connect kiya...
Aircraft me chain phansa'kar, half circle gardan ke pichhe se, round maar'kar ek kaan se dusre kaan tak pahunch gaya... Bina samay gawaye, visohot ki raushni nikalte "dhammm dhammm dhammm dhammmm" ki awaz aur laga'tar punch ki bauchhar kar diya...
Ek baar fir Astak ke poore sarir par hazaron hath nikal aaye. Ek baar fir Nischal par thap dene badhe ye extra hath. Nischal ke sharir ko jaise hi parchhayi ne ghera, Nischal kud'kar, Astak ke badan se nikle hazaron hath me se ek par kuda.
Kuda me toofan samete. Hathon me khanjar tha aur nikle har hath par 2 aankhen tukur-tukur charo ore dekh rahi thi. Hawa se ek khanjar kisi ek aankh me ghusa aur fir visphot ki raushni ke sath "dhammmm, dhammmm, dhammmm, dhammmm", ki awaz shuru thi.
Kahar ab double dose me shuru hua. Serin jo ek minute ke liye uljhi thi, wo bhi hawa se chhalang lagati kud chuki thi kisi ek hath par... Khanjar ghus chuke the uss nikle hath ke aankhon me aur raushni ke sath visphotak punch lagne shuru ho chuke the.
Yahan fir dono ne 1 second ka bhi waqt na liya maarne ka. Astak ke badan se nikle extra hath par dhapa'dhap fraction second me 100 punch chalate aur hawa me chhalang laga'kar, khanjar ghused'te dusre hath par. Dhapa'dhap visphot ki raushni ke sath 100 punch aur fir hawa me chhalang.
Mahaj 10 second me dono pith par nikle kayi hath ki thukai kar chuke the. Serin ne bus ek chhota sa ishara kiya aur dono kud'kar jab hath badal rahe the, Nischal ne ek baar fir Serin ko hawa me upar uchhal diya aur khud dure hath par land kar chuka tha...
Pith par se Nischal ko bhagane me Astak ka extra haath jab kaam na aaye, tab sale ne apna body ke shape ko ghuma diya … Turant hi sab hath gayab aur pith ke ore ulta hath sidha ho gaya... Issi bich Serin uske kaan par land ki... Dhapa'dhap visphitak raushni wali 1000 punch jadti wo viman ka me chain fasayi aur ghum'kar circle leti pith par...
Thik virtible column ke bich me pahunch gayi aur khanjar se virtibral line ke bich atki... 1 sec ke hazar punch.. jabtak hath ki parchhayi pahunchi Serin drop aur niche khanjar ghuskara 1000 punch... Viman charo ore gulati kha'kar aur kartab dikha'kar mandra rahe the...
Bindu jaise 2 insan baar-baar Astak ke najron ke samne se gujar raha tha... Chhote-chhote aircrafts makkhi ki bhinbhina rahe the… Kalpna se bhi pare ye sahas thi, kyonki Astak ki najar jaise hi uth'ti laser ki rauhni aircraft ko bhedne nikal jati aur thik ussi waqt Nischal aur Serin un aircrafts ko chain me fansa'kar raushni ke niche khinch lete...
Kalpana se pade tha wo drishya... 2km ki lamabai wala ek maha daanav jiski shaktiyan anant thi, uske aas-pass makkhi ki tarah aircrafts aur usse bhi kayi guna chhote 2 insan hawa me mandra rahe the... Astak kabhi gardan dayen karta, kabhi bayen karta aur dono bhai bahan ko pakadne ki nakamyab kosis karta. To kabhi banna kar Aircrafts par humla karta... Kabhi safal hota kabhi asafal. Lekin focus dono bhai-bahan par tha aur wo hath hi nahi aa rahe the…
Ek baar me 30-40 viman ko astak jaise muh me khinchne ko hota... Kabhi Serin, to kabhi Nischal hawa se uddte, uske kano tak pahunchte aur kaan par 2 second tak visohotak punch barsa'kar gayab...
Astak na to apne hath se apne badan par koi wave chhod sakta tha aur na hi koi jadu apne body par kar sakta tha tha … Uski badi-badi aankhon se samne se Nischal aur Serin hawa me hote... Ek ko pakadne jate to dusra baja'kar nikal jate...
Hawa me udde, vishal se badan ke kisi bhi hisse me chipke aur punch barsana shuru... Adbhut najara... Har sec dono aage pichhe hawa me... Ek second dono uske badan par... Visohotak raushni ke sath "Dhamm dammm dhammm dhammmm" ki awaj aati rahi… na koi tarkib thi bachne ki aur naa hi, khud ko bhagwan kahne wala kuchh kar pa raha tha, siway apni badi aakhon ke samne se gujarte huye dekhne ke...
Bus najar uth gayi to sarir se laser takra'kar leela samapt... Lekin uski uthti najar ki gati utni nahi thi, jitni gati se Nischal aur Serin, ek dusre ko chain se khinche ke sath save karte huye, punch chala kar bhag rahe the...
Ye to one by one humla ki position varnan karne par lagta hai ki kitni der se humla ho raha hai.. lekin dono "fraction of second" me speed ka aisa istamal kar rahe the ki... Tej visphotak raushni, Dhammm dhammm dhammm dhammmm ki awaj... Aur bina ruke sharir ke kisi bhi hisse par lagataar punch se humla ho raha tha.
Charo ore Gulati khate viman, kabhi football ban jate, to kabhi Astak ke dono hath ke dayen-bayen uthne se, dhakka lag'kar idhar udhar gir Jate... Har viman me baithe pilot ko kabhi ye na laga ki uspar humla ho raha... Balki Nischal aur Serin par huye nakamyab humle ke bhul-chuk ka asar unpar ho raha tha.
Har pilot me kan me visohotak tej awaj aati... Aankhon ke same aisa lagta jaise kisi ek jagah par Visphot ki tej rausni hui aur ek rauhni band nahi hui thi, uss se pahle hi sharir ke kahin dusre hisse se bhi wahi visphotak raushni shuru thi.
Aisa lag raha tha jaise Astak ke badan se lagatar jagah-jagah se chingariyan phoot rahi ho... 2 log jo apne ladne ke kshmta me hi poori taknik develope kar chuke the… Jitni gati thi, uss se bhi jyada uss gati ke sath humla karne se le'kar, ek dusre ko shhrakshit karne ki kshmta…
Dono lagatar apne bahubal ka parichay de rahe the… unke ye visohotak punch kya asar karta ya nahi, uska aakalan to wahi dono karte. Lekin kahin dur baitha koi aur bhi ye najara apni khuli aankh se dekh rahe the aur dushman ke liye bhi uske muh se waah hi nikal raha tha...
2 dridh sankalp insan, gati aur hawa ko apna hayhiyar bana'kar, ek aise dushman se lad rahe the, jo apne aap me arbon ki sankhya wale fauj se kahin badi thi... Lekin sankhya ki parwaah hi kab kiye the dono... ..
Lagatar 1 ghante tak prahaar hota raha. Nischal aur Serin ke hath jaise machine bane huye the. Ek baar jab shuru huye rukne ka naam hi nahi liye. Khud ke vishwas aur atmbal ki kahani thi ye. Haath hi aaj hathiyar the aur sine me bhada josh bina parinaam ki parwaah kiye, visphotak raushni wale... "Dharaam dhurumm dhishumm dhishummm" punch lagaatar chalate rah gaye.
Fir wo hairatangej najara bhi sabke samne tha, jis ummid me shayad dono lagatar, 1 ghatne se Astak ke vishalkay badan par, bindu ke barabar punch se humla to kar rahe the, lekin uske vishphot ki raushni bayaan kar rahi thi ki Astak ke sharir ka kitna hissa prabhavit hua hai... Ek tana aur akda hua parvat dum tod chuka tha...
Astak ka vishalkay sharir poora toot chuka tha. Dono kandhe jhuk gaye, hath jhul raha tha... Gardan ki haddiyan jaise jawab de gayi ho aur sar jhuka hua tha. Virtibral columns ki pira itni ashaniya thi ki pahle uske dard bhari chikh charo ore gunji, baad me dard bardast to hua lekin dard ki siskiyan band na hui... Ek tana hua ahankari jiski shaktiyan kisi ne adbhut kar di thi... Jis par kisi bhi humle ka asar nahi hota, wo bindu jaise insano ke mukke se maar khaye huye tha...
Nischal aur Serin vijayi muskaan ke sath aakhri humle ke liye nikle. Toofan sa utha tha dono ke sine me aur dono ke dimag me ek jaisi ran'niti panap gayi... Fir se tej hawaon par sawar ho gaye... Kayi milon duri par tha uska apna viman aur poore raste kayi sare aircrafts... Chain fansa'kar dono khinch chale apne viman ke ore... Dono kayi mil dur aa chuke the aur Astak ka jhulta sharir dono ke najron ke samne tha...
Ek pal ka vishram dono ne liya... Dono ne dur khade, sar jhukaye uss bade aur vishalkay sharir ko dekha, jiska dum Nischal aur Serin apne punch se nikal chuke the...
Ek dusre se najar mili... Chhota sa ishara hua aur dono ne apne khanjar ke "energy releasing Stone" ko active kar diya. Ab tak jitni energy "Energy Absorbing Stone" ne khinchi thi, sab chain me bahne laga.. Dikh to nahi raha tha, lekin uss energy ko dono ke chain ke ander daudte mehsus kiya ja sakta tha... Kaplna se pare uss chain me energy daur rahi thi... Jiska calculation karne me calculator fail ho jaye...
Poori chain me "sarrrrrrrr sarrrrrrrr" ki ek ajib si sarsarahat bhikher rahi thi. Chain se tej raushni nikal rahi thi. Dono apne hath me thame the maut ka prachand hathiyar... Serin aur Nichal ne aapas me duri banayi... Dono sine me shwans bharte daud lagane ko taiyar huye... Daudne se pahle gardan ghuma'kar ek dusre ko dekhe aur fir samne….
Dono ne daudna shuru kiya. Tej si wo raftaar thi. Piche dhul aur kayi sare kano ki aandhi si uthi thi. Jahan se dono gujre... Shaynnnn-Shaynnnn karte gujre... toofan sa uth raha tha... Tej daudte huye dono ne fir mud'kar ek dusre ko dekha... Aur agle hi pal energy ki wo chain aircraft se chipki.…
Autopilot mode par hawa me khadi aircraft ko jaise hi chain ne touch kiya... Poore metallic body par tej rauhni hui. Hyber metal mask kiya aircraft dhuyen ki tarah hawa me bikhar gaya. Aag ke sole jamin se lekar aakash ko chhu rahe the…
Chain chipki bada sa visphot hua, aag ke bawandar uthe aur uss bawandar ke bich se, super speed se nikle Nischal aur Serin. Aniyantrit si gati thi dono me... Unki apni gati ko chain 4 guna jyada badha'kar khinch chuka tha… Ek pal me aag ki lapton ke paar the... Dono ke poore badan se aag aise lipti thi mano wo lapten bhi iss antim drishya ka najara lena chahti ho...
Aag ke paar huye, aur dono (Nischal aur Serin) ek dusre se najre milaya. Aankho ki sehmati ke sath hi dono ke chain ke sire jud gaye the aur chain me bahne wali energy bhi inki gati ki tarah aniyantrit thi, kyonki dono ne "Releasing Stone" ki poori energy ko khula chhod diya...
Samne 2 km uncha shikar. Nischal aur Serin ke badan se aag ki lapte uthti hui. Do kinaro se chain ko poore majbooti ke sath khinche, tej gati se badhte huye... Astak 100 kilometer dur se chain me bah rahi uss energy ko mehsus karne laga. 100 km dur uss energy ko dekhne ki kosis me sar uthana shuru kiya aur itne me Nischal aur Serin, ek sath, uske dayen aur bayen se gujar chuke the...
Kayi kilometer dur Astak ko energy mehsus hui thi, gardan jabtak upar poora uth'ta, shayannnn se dono uske kandhe ko cross kar chuke the.
Kisi makhhan par jaise garam blade ko bullet ki raftaar se aar-paar karwa diya ho. Aniyantrit tej raftaar, 2 sire se khinch'kar rakha gaya ek chain me aniyantrit urja… 100 kilometer dur jo energy mehsus hui, usse dekhne ke liye sar upar karne ki kosis. Sar utha'kar samne dekhne se pahle hi poori tarah se khincha hua chain, gale ke iss paar se le'kar uss paar tak cross kar chuka tha...
Astak ka bada sa gala dhar se alag ho'kar jamin par gir chuka tha... Chain ki energy itni prabhavshali thi ki, inch dar inch jab wo gardan se gujar rahi thi... Gardan ke upar aur niche Astak ke sharir me bhada poora khun, kisi chumbak ki tarah khinch gaya... Sari si jalne ki uski bu thi... Gala katne ke baad na to gale se khun nikla na dhar se... Bus pran nikalne tak aankh idhar udhar tukur-tukur dekhti rahi aur dhar kampan karta raha.…
Astak ka bada sa sharir niche gir chuka tha. Gala kat'kar jamin par alag gira hua tha. Nischal aur Serin dono kuchh kilometer aage land kiye. Apne chain ko alag kar'ke khanjar kamar me khose. Kisi dost ki tarah dono kandhe par hath rakhte...
Serin:- Ye navsikhiye hume formation sikha rahe the... Humari copy kar rahe the...
Nischal:- Aaram se baat karte hain… Abhi to ek hi chij ki tiwr ikchha hai...
Serin:- Haan apni biwi se milne ki hi ikchha hoga...
Dono kandhe par hath dale the... Serin ne jaise hi apna dialogue complete kiya... Nischal mud'kar usse dekha... Serin bhi usse dekh'kar hansti... "Chidh gaya haan... Soch le... Kandhe se hath hata to main ye maanugi ki tu mujhe ek laat dene wala hai... Isliye kandhe se hath hatane ki sochna bhi mat, warna main laat de chuki houngi"…
Nischal:- Haan bus yahi soch'kar kandhe se haath nahi hataya... Waise wo hathoda kamal ka tha... Next project wo hathoda... Iss baar aakar chhota denge.. vajan 500 tan aur hathoda poora Hyber metal ka banayenge...
Serin:- Duffer wo pighalta nahi hai...
Nischal:- Kandhe se hath hata kar baat karen kya... Ek laat de hi dun ja'kar kahin dur giregi, aircraft ka haal na dekhiiii.…. Aaoooo pagal... Naak tod di...
Serin:- Bakwas karega to yahi hoga... Thik hai hathoda hum dono ka next project…
Dono aaram se baat karte badh rahe the. Astak ko gire karib 2 minute ho chuke the. Yudhh viram tha. Astak vansaj atm-samarpan kar rahe the, jise Nandni ne apni badi si Nilbhut aur earth pilots ki sena se ghere khade the...
Njschal aur Serin kuchh dur kadam badhaye hi the, tabhi Jivisha ki aawaj aayi... "Shayad koi shakti hume dur se roki hui thi love... Mahal abhi-abhi poora nasht ho gaya hai"...
Idhar Jivisha ka sandesh aaya aur udhar ek sath poore maidan se sari hui badboo aani shuru ho gayi... Bina prakriti ke niyam ke ji rahe logon ka sharir galne laga... Jisme prithvi par ek vansaj Vardali ka sharir bhi tha... Jinka jivan kaal bacha tha kewal wahi jivat rahe, bakiyon ka sharir sara hua badbu kar raha tha. Sharir jamin par gal kar girta aur sari hui sharir se upje chhote pillu aur kide sharir se bahar aa rahe the... .
Nischal aur Serin dono thik se jamin par paun bhi nahi jamaye the aur agle hi pal sari si badboo aani shuru ho chuki thi... Dono bina ruke bhage... Nischal raste se naag-dansh uthaya aur sidha pahuncha viman me... Serin apne kamre me pahunchne ke raste se hi sare kapde utarne shuru kar chuki thi... Nischal ke badan par to matr chhal thi jo, shayad germ aur badboo rahit tha...
Nischal bathroom me ghuste hi nahate huye hi packup aur udan ka order de diya... Sabhi log kuchh der me wapasi huye... Udhar se Jivisha bhi nikal chuki thi... HuYu ke cease fire ka command Luna ko mil chuka tha, aur unke vimano ko safe passage dene ka order bhi... Haan lekin yahan ke bare me na hi HuYu ne koi adhikarik suchna di aur na hi Luna ko iss vishay me kisi se baat karne kaha... Kewal Luna ko itna pata tha ki sab laut rahe hain…
Luna khush thi aur khush hoti hui usne bhi order jari kar diya... "OMU ki army chief sabko order de rahi hai, boost engine par nikle... Apne war heros ko lene, hum Viggo viman ke sath yahan se nikal rahe hain. Bich ke calculated point par milenge agle kuchh der me"….
Poori shristhi hi niyam se bandhi hai... Kahin ek jagah hone wali ghtna kisi dusri jagah ki ghtna ko janm deta hai… isliye niyam jab bhi toote hain, uske achhe aur bure dono parinamo ne janm liya...
Ek jhalak yadi jivan uttpatti aur vikas ki dekhe to... Rachiyta ne sab ko saman adhikar dekar jine ke liye swatantr roop se iss bramand me, anekon tarah ke jiv ka nirman kiya... Vikas ke kram me maanav ne khud ka vikas samast jivon se upar rakha aur shreth hone ki bhavna kuchh yun ander aate gayi, fir pahle apne alawa dusre jivon ko jaanvar aur kide makode ke shreni me rakh diye, jinme pran to hote hain kintu wo manav jaise jiv ke saman nahi...
Wahin fir jaise-jaise kahani aage badhti gayi to maanav ne apne shreth hone ki bhavna ko antrik roop se viksit kar liya, jinme kamjor maanv ko bhi unhi janvaron ya kide makodon ki shreni me la khada kiya jinke pran ki koi ahmiyat nahi... Aur yahin se shuru hui thi shakti pane ki hor.
Vikash aur khud ko shreth dikhane ke iss hor me fir manav apne jigyasa me dhundh chuke the… ek alag duniya.. Ek chhipi hui duniya, Jise Opposite World ya Viprit Duniya kahte the...
Parkriti ke kayi rashyon me se yah Viprit Duniya sabse bada rahashya tha jise rachayita ne santulan banane ke liye viksit kiya tha. Iss chhipi hui duniya ki energy sadaiv santulan banaye rakhne ke kaam me aati thi. Isse kuchh is prakar se samjha ja sakta hai ki.…
Jaise atmosphere me oxyzen jivan dene wala gas hota hai, lekin yadi kewal oxyzen hi ho to bhi jivan sambhav nahi... Sabhi jiv-jantu kuchh dino se jyada survive nahi kar payenge. Isliye santulan banane ke liye ek viprit gas jo jivan ko hani pahunchati hai, CO2 uska hona bhi anivarya hai…
Thik waise hi Rachiyta ke banayi hui yah adbhut sanrachna, yani ki poore brahmand me santulan banaye rakhne ke liye ek viprit duniya bani thi. Rachayita ke parellel world ki duniya jahan ek ore mul duniya thi, jisme brahmand ko banaye rakhne ki sakaratmak shaktiyan thi. Jivan basta tha.
Wahin viprit duniyan me brahamand ko banaye rakhne ki nakaraymak shaktiyan thi. Wahan par ek maatr jivan basta tha, wo bhi kewal andheron me rahta aur kabhi bahar nahi aaya...
Nakaraymak shaktiyan ka yah arth nahi tha ki wah jagah ya viprit duniya galat thi. Isse aise bhi samjha ja sakta tha ki 2 viprit shaktiyan thi… Yadi uss duniya ki shakti ko sakaratmak urja ka kendr mante to mul diniya ki shaktiyan thik uske viprit kahi jati.… Viprit kahna achha ya bura ka sandarv nahi tha, balki 2 viprit urja ke kendr ko darshane ke liye kaha gaya tha...
2 viprit duniya me ek dusre ki viprit shaktiyan basti thi, thik waise hi dono jagah ke base jivan ke liye, uske prakriti me bhi santulan banaye rakhne ke liye sakaratmak aur nakartam, antrik shaktiyan basti thi. Ye 2 duniya ke ander ka santulan tha jo wahan ki prakriti rachti thi.
Yahi prakriti hai... Prakriti apne har energy source me balance banaye rakhne ke liye, dono tarah ke energy ka srijan karti hai... Thik waise hi parellel world me 2 duniya thi, jiske viprit duniya ko koi nahi janta tha. Jahan mul diniya me sabhi prakar ke jiv baste the, viprit duniya ek chhupi hui duniya thi, ya yun kah le ki yah nature ka ek Ristrcted area tha, jahan 2 duniya ke bich deevar thi... aur jigashu manushya shakti ki talaash me dhundh chuke the iss viprit duniya ka rasta...
Unhone na sirf rasta dhundha varan wahan apne jivan ko bhi basaya… Wahan ke negative shaktiyon ke bich paida hua aam baccha bhi, mul duniya se kayi guna jyada majboot aur kshmtavan hota tha, jo ki apne vaicharik aur tarkik guno ke aadhar par, wahan bhi achhe aur bure log dono ho sakte the...
Haan par wahan ki prakriti me ulte niyam chalte the, isliye uss jagah par jivan basane ke liye bahut jyada masakkat karni padi thi, lekin jo bhi shakti ki talash me uss Viprit Duniya me pahunche, fir wapas nahi aa paye, kyonki unhe ander jana to pata tha, kintu wahan se bahar nahi nikal paye...
Khud ko sharv'shresth sabit karne ke chakkar me ek aisi duniya me ja base insan, jahan basna hi aprakritik tha. Kabhi apne kshmtaon ke sath ye bahar to nahi nikal paye, lekin Viprit Duniya me rahne wale aprakritik manav, khud ko kuchh jyada hi takatvar banate chale gaye.
Viprit Duniya me koi mul duniya ka insan to nahi aa sakta tha, lekin Viprit Duniya me basne wale insan ki uttpatti pahle mul duniya me hi hui thi... Apne jivan ke shurwaat se hi kuchh log mul duniya ko poora samjhte. Yahin ki duniya se wo poori shakti arjit karte gaye aur fir jab mul duniya ki samast shaktyon ka gyan ho gaya fir wo apni shakti badhane ke liye Viprit Duniya me pahunche the... Isliye Viprit Duniya me rahne walon ke pass, dono takten samahit thi… Mul duniya aur viprit duniya ki takten...
Viprit duniya ki takat, mul duniya ki takton se upar kaise ho gayi, aur ye mul duniya jiska nirman rachayita ne jivan basane ke liye kiya tha, unhe takat ki kya aawasykta thi... Iska jawab to shayad Manav vikas ke kahani me chhipi hai, lekin yahan kis prakar ke vises takat ki baat ho rahi thi aur aisa kya kar gaye the Viparit Duniya ke log, jinki takat mul duniya, jahan wo kabhi paida huye the, uss duniya se bhi atyadhik ho gayi???...
To iska jawab bhi khud prakriti hi hai. Prakriti ne sabhi jivion ko samanya roop se ek jivan chakr me bheja, jo Prakrit ke niyam se bandhe hote the. Har jiv me bhavna dee aur jivan jine ki poori swatantrta... Aur unme jivan banaye rakhne ke liye prakriti ankool mahol bhi sath me deta tha. Ye ankool mahol hi shaktiyan thi... Yahi anookl mahol dene ke liye jo "natural source of energy" hai uski takten asimit hoti hai...
2 alag-alag vatavaran me jine wale logon ki kashmtayen bhi alag-alag hoti hai.. thik ussi prakar un 2 mahol me jivan banaye rakhne ke liye bhi alag-alag tarah ki energy sources hoti hai... Iske alawa kuch shakti jo manav khud ki siddhi se arjit kar sakta hai…
Jaise ki prakriti mul rahasyon ko samajh kar kritim sansadhan ka vikas karna.. jise vigyan kahte hain... Ya fir prakriti me base jivan ko sanjone ke liye ek vatavaran se nikal'kar dusre vatavaran tak jana aur apne mul anuvansik gun me tabdili le aana...
Khair shaktiyon ki uttpatti aur vikas itna bada vishay hai jisme kabhi-kabhi rachayita bhi ulajh kar rah jate hai. Ek hi waqt me kayi source of energy nirantar kaam karte rahti hai... Na sirf brahmand ke alag-alag grah par jivan banaye rakhne ke liye balki un grahon ko apne aksh par ghumne se lekar, barabar aur viprit force ka ek aisa jaal sa buna hota hai ki, har ek grah apne nischit position par hota hai. Wah grah apne dhuri par chakkar kaat'te huye din aur Raat laata hai aur yah bhi jivan banaye rakhne ke sath-sath har grahon ke ander uske jivan banaye rahne me bhi madadgar sabit hoti hai...
Aur issi source of energy par jab kayi grah ghumte huye ek nischit point par aate hain, tab kayi tarah ke energy aapas me aa'kar jud jati hai... Aur ussi energy ke prabhav kayi sare grahon par padta hai... Issi kram me kabhi-kabhi uss energy ki chapet me janm lene wale insan, ya anya jiv ke anuvansik gun me aisa badlav aa jata hai ki wo khud me source of energy kahe jane lagte hain...
Ab aisa nahi hai ki grahon ke nischit point par aane se, urja ke prabhav me jamn lene wale sabhi jiv me yah badlav aata hai. Yah badlav pahle to stahn vises hota hai. Alokik energy ka prabhav jis jagah par parega uss jagah par, uss waqt me janm lene wale jiv. Usme bhi sabhi ke janm lene walon ke upar wo energy apna prabhav nahi chhodti balki manav ya any jiv, iss sansar me khud ko itne majboot bana chuke hote hain ki wo iss pure energy ko apne garv tak me sama sakte the, kewal uss nischit jahah me unhi janm lene walon par prabhavit hoga.…
Isliye kisi nakshtr me kisi shakti ka janm lena, kisi ke high blood hone ki mohtaj nahi hoti, balki garv dharan ki gayi maa ki mehnat aur unke jivan sanjone ki takat par yah nakshtr ya yun kahe source of energy meharbaan hoti hai... Jivan sanjona isliye kyonki jab tak kisi ke jivna ka mol nahi pata ho, yah skatiyan fir unke pass se bhatak jati hai... Kyonki in shaktiyon ka nirman hi jivan ko sanjone ke liye hua hai...
Haalanki yah bhi source of energy ki poorn jaankari nahi hai, aur kewal aise nakshtron me paida liye huye jiv ke pass hi shaktiyan nahi hoti... Balki mansik dhyan ke bal se bhi kayi sari energy ko apni ore aakrashit kiya ja sakta tha… Har jiv brahmand ki bani rachna hai, isliye brahmand ki har energy ko wo apni ore aakarshit kar sakte the aur apni shararik aur mansik urja ki mehnat se un energy ko apne ander samahit kar sakte hain…
Kuchh nakshtriya shaktiyan anuvansik hui to kuchh shaktiyan kewal ek pidhi tak simti rah gayi... Viggo iska ek pratyaksh udharahan hai jiski shaktiyan anuvansik hui aur dobara jab kabhi punah nakshtr ka prabhav para to viggo Sigma ka uday ho gaya... Yahan pahle se anuvansik shaktiyon ke upar kabhi-kabhi dobara nakshtr ka prabhav para tha...
Khair yah kewal anuvansik gun Viggo ke pass hi nahi aaye the... Kayi aise samuday hai jimne nakshtriya shaktiyon ke anuvansik gun paye jate hain… iska ek natija prithvi ka sabse balsali insan Drihsya bhi tha… jiske mata paksh yani ki Drishya ki maa ke puravajon ke pass kuchh shaktiyan rahi thi, jiske anuvansik gun transfer hote rahe... Aur jab uss ki maa ke garv me hi Drish par vaigyanik experiment kiya gaya, tab uske DNA na sirf expreiment ke badlav ko jhel'kar survive kiya balki kritim roop se uski shaktiyan badha di gayi, jabki usse apna itihas ka poorn gyan tak nahi…
Inhi shaktiyon ke uday ka ek prabhav Zoren grah par bhi para tha... Yahan par jo energy ka prabhav para wo apne aap me ek rahasya tha... Kyonki yah prabhav wahan ke atmosphere me hi balav kar gaya tha... Aur iss atmospheric badlav ke sath-sath yahan rahne wale jivon par bhi uska anookool prabhav para tha...
Zoren grah par basne wale 2 samuday shape shifters ho gaye, jinme apni kosikaon ko kisi anya jiv jaisa dhalne ki shakti aayi... Issi ke sath wahan ke Dirdh aayu ke poore prajati ko hi aisi siddhiyan mili thi ki wo roop ke sath sath gun aur bhasha bhi chura sakte the, jise dekh'kar accha se accha sidhh purush na samjh paye ki kaun asli kaun nakli... Siway unke samuday ke aur kuchh aise prabhavshali log jo unke bahrupiye ko pakad sakte the...
Haan isliye shayad Zoren ko shakti ka kendr maana gaya tha, kyonki grahon ka prabhav kisi par kam athva kisi par jyada lekin sab jivon par asar kiya tha. Shayad isliye Zoren ke surakhsa ki jimmedari pidhi dar pidhi Vish-Kritima ne uthayi thi, kyonki yahan se nikli buri shaktiyon ko kabu karna bhi utna hi muskil tha… shyad isliye Surpmarich ke ansh ka base shuru se Zoren grah raha tha…
Waise nakshtr ki shaktiyan arthat kayi grahon ke apni Dhuri par ghumne aur thoda-thoda khisak'kar ek nischit point tak aane se kayi sari postive energy milti hai. Thik ussi prakar, ek lambe awadhi ke baad grah khisakte huye ek dusre ke ulti disha me pahunch jate hain, jahan inhe control karne ke liye ek viprit shkati ka prayog hota hai...
Yahan bhi sabhi grah aapas me hi ek point par mile hote hain aur sabhi energy aapas me mil rahe hote hain. Bus inhi ke bich ek viprit energy in sab par prabhavi hoti hai taki ulti disha me ghum'kar ye sabhi grah apne wapas dhuri tak pahunch jaye..
Nakshtr ke is viprit samagam me bhi shakti ko garv me nihit karne ka niyam wahi hote hai, lekin ye viprit shakti jis grav me samati hai, paida hone walon ki mansikta vikrut hone ke aasar jyada hote hain. Inki skahtiyan bhi samanya nakshtron ke milan wali shaktiyon ki apeksha kayi guna jyada hoti hai...
In viprit shaktiyon ke prabhav se aisa nahi tha ki vikrut jiv paida hota tha, lekin aisi shkatiyon ke sath paida hua insan ya jiv, jab bhatakta tha tab viprit shaktiyon ke gun uske ander apne aap hi samate chale jate hain... Isse kaale shaktiyon ke varis ya upasak kah le to galat nahi hoga, jo apni shakti badhane ke hor me sari haden paar kar dete the...
Shaktiyan badhane ke hor me shuru se hi vikrut insano ko, prakriti ke Viprit shaktiyon ke ore khinchav raha tha, aur ye viprit shakti unhe asim takten aur siddhiyan pradan karti thi... Jo shuru se positive shaktiyon se aage rahi hai...
Iska samnya sa karan yah bhi tha ki Prakrit me oxygen aur carbon dioxide shuru se the. Ek ko postive energy maane aur dusre ko negative energy ka example maan lete hain…
Ye dono hi energy buri nahi thi, kyonki prakriti ne isse jivan ko balance karne ke liye banaya. Ab koi upasak carbon dioxide ko apni ore aakarshit kar le, to uske ander jaan lene ki kshmta apne aap aa jayegi. Wah kisi bhi jiv ke ass-pass carbon dioxide ki matra itni badha dega, ki uski mirtyu turant ho jayegi... Wahin wo oxygen ki matra kitna bhi badha deta lekin carbon dioxide jaisa result nahi milta. Aur bus issi karan se sabhi vikrut mansa wale log, Prakrit ke negative energy ke ore aakarshit hote the...
Prakrit ke nirman me koi chuk nahi thi bus hathiyar to usse shakti pane walon ne khud hi bana liya...
Viprit shaktiyan jo mul roop se prakriti ne santulan ke liye banayi thi. Usse kayi tarah ke hatyaon, kayi tarah ke shakti patthron ke galat prayog aur har wo aprakritik anuvansik prayog karte, jinse viprit shaktiyan unki ore aakarshit ho jati thi. Ye viprit shaktiyan unki mul shaktiyon ko kayi guna badha deti aur fir inki pidhi dar pidhi pahunchte rahti thi kaali shaktiyan.... aur inhi kaali shaktiyon ko koi viprit nakshtr wala arjit kare, to uske liye viprit energy ke source ko jagrit karna kafi aasan sa hota hai..
Fir kya ho jab ek viprit nakshtr me paida hua insan, mul duniya ke poorn kali takton ko arjit kar'ke, viprit duniya ka wo darvaja khol'kar uss duniya me chala jaye... Abhi tak to wo apne prakriti se viprit energy hasil kar raha tha. Kya hoga jab usse prakriti ki wah jagah jane ka mauka mile, jahan ki viprit shakti kisi grah ke ander jivan ke santulan ko banaye rakhne ke liye nahi thi, balki uss poore grah ko hi santulan banaye rakhne ke liye Rachiyta ne banaya tha...
Jahan jane ke baad wo sabhi viprit energy ko apne ander samahit kar'ke mul duniya me laute... Itihaas ke panno ki ek bahut purani bhooli kahani, jo maujooda vartman samay me bhi aise hone ki gawaahi de jayega......
Yah baat sadiyon poorani hai... Brahmand me kayi grah par jivan aur sabhyta ka poorn vikas ho chuka tha... Prithvi ki tarah kayi grah apne shaktishali manav viskas ko sabit kar rahe the. Yun to Universe ke kayi hisse, shaktiyan pane ke hor me samil the, lekin middle Universe ke 3 grah, Aaynek (multah Viggo samuday ka grah), Massori (multah Dakshat samuday ka grah) aur Prithvi, ye teeno poore Brahmand me shakti ke khoj aur unke prayog me sabse aage the…
Ek ore jahan Massori aur Aaynek niwasi apni khoj ko takniki roop dene me lage huye the, wahin prithvi par iss baat ki charcha ho rahi thi ki ek samanatar duniya aur bhi hai jiski shaktiyan asim hai..
Uss waqt prithvi par himalaya se laga hissa, multah Bharat, Nepal, Tibbath, Bhutan, China, Pakistan, aur Bangladesh ka samuchit hissa, poore sabhyta ka kendr maana jata tha. Usme bhi kanchanjangha ki gode me base gaanv ko kendr bindu...
Wahan ki poori surksha aur uss jagah par gyan lene pahunchne se pahle, khud ko sabit karna parta tha... Yah kendr bindu gaanv kisi vansh'vaad ko nahi maanta apitu gyan aur jivan srijan ki shaktiyon ko jo viskasit kar sakte the, unke liye ye poori jagah thi aur iska marg bhi thik ussi prakar banaya gaya tha…
Uss samkalin kewal ek aashram tha Saatvik Aashram, jo poore hisse me faile hote the aur sabhyta basane ke liye gyan prapt gyani dur daraj jakar Saatvik Aashram ki asthpna karte aur wahan manav sabhyta ko viksit karte…
Unhi dino kendr bindu gaanv se ek gyani nikle, jinka naam Maruti tha... Maruti Himalaya se kayi kilometer dur Nalanda ke ek chhote se sudoor jungle me aashram khole. Apni patni aur kuchh shishyon ke sath wah wahan apna jivan yapan kar rahe the...
Unhi dino ki ek ghatna thi. Maruti ki patni chandrkala garv'vati thi aur Maruti ne grahon ka yog dekha... Grahon ke yog ko dekh'kar wo kafi khush ho gaye kyonki ek viprit samagam hone wala tha aur Maruti chahte the ki unka baccha ussi yog me paida ho.
Iske liye unhone sabse prabhavit kshetr bhi chuna aur apni 4 maah ki garv'vati patni ke sath lambe bhraman ko nikle, yah kah'kar ki wo gyan ki talash me kuchh dino tak bhatkenge.…
Apni yatra ke dauran wo Madhya Bharat ke kayi rajya hote huye Dakshin me kaveri nadi ke tat par pahunche, jiski ek seema bangal ki khadi ko lagti thi... Issi jagah ke aas-pass thi, Hindu dharm ke sabse sanatan aur bhavya mandir, jo aaj bhi sthapit hai, jise Natrajan temple ya Chidambaram temple ke naam se bhi jana jata hai...
Kaveri ke tat se takriban 2 kilometer dur unhone apna saray banaya jahan koi nahi tha... Chandrkala tab apne panchwe mahine me rahi hogi, jivan srijan usne pahle bhi kiya tha aur ek mahol se dusre mahol tak bhraman bhi kar'ke aayi thi… lekin mausam aur jagah ke badlav ko Chandrkala ka sharir mausam ke anukool dhal nahi paya, aur din pratidin uska swasthay girne laga.
Maruti ke liye yah kafi chita ka vishay tha, kyonki sharir swasthya nahi hua to bacche ke swasthay par uska sidha asar padega aur grav me wo shaktiyan nihit nahi bhi nahi ho payegi. Kafi chintan aur manan ke baad maruti ne apne siddhiyon ka sahara liya aur apni aadhi urja apni patni ko dene lage..
Aisa karne se chandrkala ke sawasthya par koi khas asar to nahi hua, lekin apne pati ki urja ke karan 2 hi dino me uski haalat pahle se kafi behtar hone lagi… Mahaj ek 15 din huye honge jab ek parivar wahan pahuncha tha, aur Maruti ko dekh'kar kafi chakit huye the…
Uss kshetr ke eklaute vaidh ka wo parivar tha. Badh ke dino me ye log pahadon par chale jate the… jabtak badh samapt nahi ho jati, tabtak wahin rahte the aur badh samapt hote hi apne mul jagah wapis aa jate the…
Jis dauran ye vaidh aur unka poora parivar pahadon me rahta, ye log pahadon aur junglon se sal bhar ki jaributiyan aur kayi tarah ki ausdhi ke durlabh paudhe, jise sukha'kar istamal ki ja sakti thi... Uska bada sa jakhira jama kar lete the...
Badh jaise hi samapt hoti inhe lene saahi gadi pahunch jati aur sath me sari jadi- butiyon ko kaveri nadi ke tat tak pahunchane se le'kar unke naya makan bandhne tak me wahan ke Raja madad kiya karte the...
Vaidh aur uska parivar jaise hi wahan pahuncha, ek ajnabee ko dekh'kar chaunk gaye. Suraksha ke lihaj se, sainik pahle Maruti ke pass gaye aur poori jankari le'kar aaye. Maruti ne yahan jhoot bolte huye yah kaha ki wo sudur kshetr bhraman ko nikle the aur bhatkate huye yahan pahunche. Aakhri mahina chal raha tha iss vajah se kahin aur na ja'kar yahin prasav karane ki soche...
Vaidh ke sath sainikon ko bhi thodi si khatki yah baat, lekin aakhri mahina aur ek gyani ki baat, dono hi mahol aise the ki vaidh ne muskura'kar unka swagat kiya... Jhopdiyan jab taiyar hui aur vaidh raaj sawari se apni bahu, beti tatha ghar ke anya aurton ko bahar aane kahe, tab Maruti ki najar uski garv'vati bahu par gayi.
Vaidhya apni bahu ko maruti se aashirwad lene bol'kar kahne lage…. "Iska bhi aakhri mahina chal raha hai"… Maruti ek jhalak uss stri ko dekhe aur dekh'kar hi samjh gaye ki iske garv me pal rahi bacchi koi alokik bacchi hai, jo aane wale yog me paida legi..
Maruti ko chinta satane lagi, kyonki shakti ke swaroop hote hain aur wo ek hi waqt me 2 paida liye bacchon me vaidh ki bahu par jyada prabhavi hogi...
Khair man ki duvidha ko apne mann me dabate huye muskura'kar itna hi kahne lage…. "Garv me pal raha baccha kafi sawastya hai aur kisi devi ka roop hai"…
Maruti ki baat par sabhi gharwale kafi khush ho gaye... Yah samachar jab wahan ke majaraj tak pahunchi, tabhi unhone ghosna karwa di ki Vaidya ji ki putri ka vivaah uske Anuj putr ke sath hogi...
Dono hi parivar apne apne dincharya me lage huye the. Maruti kafi prabhavi vyakti the aur mahaj chand dino me unke kirtimaan ke charche poore rajya me tha. Idhar Maruti har sambhav kosis kar rahe the, jo apne hone wale bacche ko fayda de sake... Lekin unki aadhi sharirk urja Chandrkala ko nirog karne me ja rahi thi. Bina kisi bimari ke Maruti ka swasthya gir raha tha uski sharirik haalat rogiyon se bhi badtar hui ja rahi thi...
Vaidh ko shak sa hone laga aur usne najar rakhna shuru kar diya, bina yah jane ki jispar vaidh najar rakh raha hai wo mann ke ander tak jhaank sakta hai. Kintu un dino Maruti ek alag hi siddhi ko sadhne me laga hua tha, isliye vaidh ki sanka ko najarandaj kar gaya. Aur iss dauran vaidh ko bhi pata chal gaya ki Maruti ki sharirk urja ja kahan rahi hai... Niyam ke virudhh yah kiya gaya kaam tha jiski suchna raaj bhavan tak pahunchani chahi. lekin vaid ke uss parivar ne ek akasmaat mirtyu ko dekh liya…
Poore parivar me sok ki lahar thi. Kisi ko kuchh bhi samjh me nahi aa raha tha... Ek ore kisi ke jane ka sok aur dusri ore uss parivar ki ek garv'vati. Poora parivar sok me aisa dooba ki, kisi ko hone wale bacche ka khyal hi nahi raha, siway uske maa ke… lekin vaidh ki bahu kuchh dino se apne garv me kafi kuchh mehsus kar rahi thi... Use aisa lag raha tha, uske garv me 2 baccha pal raha tha aur uske bacche ka poora khurak koi dusra baccha kha raha…
Akalpniya ghatna thi lekin vaidh ki bahu ne bina iss baat par jyada soche, wo dono bacchon ko apne garv me sinchti rahi... Din bit'te rahe aur dhire-dhire wah yog aur bacche ke janm lene ka samay, nikat aane laga. Iss bich Maruti ke sharir ki urja bhi kam khapat hone se uska sharir thik ho raha tha...
Jagmag raushan si wo raat thi. Wah kshetr jaise raushni me kuchh alag hi jagmaga raha tha. Uss dauran vaidh ki bahu ko pira shuru hui. Prasav ke purv ki wo asahniya pira thi… Raj bhavan ki kuchh dasiyan wahan pahle se seva de rahi thi, sabhi pahunchi.
Kuchh der ki mehnat hui, surakshit prasav karwaya gaya. Jaccha aur baccha dono swasthay aur surakhit the. Vaidh ki bahu ke garv se beti ne janm liya tha. Prasav ke baad vaidh ki bahu ko hosh nahi tha fir bhi wo sabse kahne lagi, "mera dusra bacche ko garv me kyon chhod diye... Mujhe wo mehsus ho raha hai"..
Jo aurten raaj mahal se prasav ke liye aayi wo lagbhag behosh pari vaidh ki bahu ko sun'kar, usse saatvana dene lagi ki nahi koi dusra baccha nahi garv me, matr bharm hai. Vaidh ki bahu me itni himmat nahi thi ki chinkh sake lekin apni baat dohrati rahi aur anth me achet ho gayi...
Uske behosh hone ke thik aadhe ghante baad, behosi ke haalat me jab vaidh ki bahu ne chhatpata shuru kiya, tab sabhi aurten usse hairani se dekhne lagi, aur kuchh hi der baad vaidh ki bahu ka nabj girne laga... Uske pran sarir chhodne laga aur vaidh ki bahu ke pran chhodne ke thik pahle, sabhi ke kano me ek bacche ke rone ki kilkari sunai dene lagi…
Idhar bacche ki kilkari gunji udhar vaidh ke bahu ki bhi mirtyu ho gayi… Vaidh ki bahu ke garv me kritim kalpnik sthanantran (artificially virtual transfer) se Maruti ko apna wo baccha mil gaya tha, jo viprit nakshtr me paida liya… aur idhar prasav karwane aayi sabhi aurten samjh gayi thi ki iss musfir ne jaroor koi jadu kiya tha tabhi iski patni ko parasv purv dard jo usse hona chahiye tha, wo vaidh ki bahu ko hui, aur uska sharir kuchh hi waqt ke antral wale 2 prasav ko jhel nahi paya, jis vajah se uski mirtyu ho gayi...
Sabhi ko shak to hua lekin itne sidhhi wale jadugar se uljhe kaun, jo garv ke ander aisa kar sakta tha... Aur isliye sabhi aurten chup ho gayi... Jab wo ja rahi thi tabhi Maruti uss se kahne laga…. "Main tumhe kahin se bhi sun sakta hun, jo mehsus kiya usse kabhi jahir mat hone dena"…
Lekin maruti bhul chuka tha ki har kali ghatna apne pichhe saboot chhod jati hai... Aur unhi saboot ko dhundhte huye Saatvik Aashram wale wahan pahunch chuke the… Saatvik Aashram walon ko aas-pass mehsus hota dekh, maruti wahan se apne bacche aur Biwi ko lekar bhaga... Jab jhopdi se bahar aaya tab usse saboot bhi dikhe, alokik raushni kisi gahre kaale badal ke pichhe chhipi thi. Raat itni gahri aur kaali ho gayi thi ki aage kuchh dikhai na de aur daudte huye wo poora parivar bangal ki khadi me ja gira...
Saatvik aasram walon ne aakar vaidh ke parivar ko poorn sacchai batayi ki uske parivar ke sath kya ho gaya aur kaise ek gyani, alokik putr moh me amanviya kaam kar gaya... Jo bacchi paida hui uska kya karna hai uska faisla to pahle ho chuka tha. Itna samjhane ke baad bhi kisi ne unki ek na suni, upar se jab pata chala tha ki ye log ussi aashram se hain jahan se Maruti tha, fir to sainikon ne unhe bhi dhar dabocha...
Bacchi ke upar aakrosh ko dekh'kar, Saatvik Aashram walon ne usse apne sanrakshan me liya aur ek suchna tatkal guru ko bhej diya. Sunvai chali, Aashram walon ne saaf kah diya, yadi darbar unhe doshi maanti hai to wo saja ko khushi-khushi manjoor karenge…
Raaj darbar me kayi buddhiman vyakti the, jinhone Raja ko unhe doshi na maan'ne ki salaah dee... Haan lekin ek chuk darbar se hui, jab unhone kah diya tha bacchi ko uske adhikarik parivar ke pass chhodna hoga, aur wo uska jo kare…
Khair fir to Sattvik Aasharam ke guru ka kalpnik sharir darbar me tha aur saaf shabdon me kah gaye, poori sena taiyar kar le Raja, lekin kisi masoom ko yadi kisi ne apne parivar ke vinash ka karan samjh'kar usse maarne ki kosis kiye, fir hum pichhe nahi hatenge...
Ek guru se uljahne ki anumati to kanoon vyavastha bhi nahi de sakti thi, upar se ek guru ne saaf ladai ki chunauti hi de daali thi. Saatvik Aashram wale uss bacchi ko apne sath le aaye... Ye Vishes samuday ki pahli stri bani thi aur issi ke pidhi me Vish-Kritima ka janm hua tha, jo ki 7 grahon ke milne ka nakshtr tha...
Ek viprit nakshtr ki anuvansik shakti jo Vish-Kritima me thi aur dusri 7 grahon ki sidhi shakti, jisme Vish-Kritima ka janm hua... Yah ek alokik bacchi thi, jasme "lom-volom" dono shaktiyan thi. Tatkalik guru, Guru Vashisth Kritima ke janm par bhav vibhor ho'kar aanshu bahane lage the...
Unhone dekh'kar hi uska naam Kritima rakha tha... Jiska arth tha karm, aur kala ka anokha sangam... Aur tha bhi kuchh aisa hi... Kritima wakai me prakriti ki koi kala hi thi, jiski shkatiyan adbhut thi aur usse jivan nirvahan ke karya me lagana tha...
Idhar Bengal ki khadi me girne wala parivar jab aankh khola to ek alag hi duniya me tha... Siway Maruti ke koi nahi janta tha ki wo kaun si jagah par hai... Jabki maruti apni jigyasa me wah siddhi haisl kar chuka tha jisne viprit duniya ke raste khol diye...
Maruti ko pata tha ki uske aur uske parivar ki jaan to bach gayi, lekin ab usse iss duniya me jine ke liye sangrash karna hoga... Usse yah bhi pata tha ki yahan ke sidhh purush ka mukabla maruti nahi kar sakta, isliye ek sudur ilaka jahan iss viprit duniya me kisi ke hone ke aasar nahi the, wahan chhip'kar apne parivar ke sath rahne laga...
Jabtak uska beta bada nahi ho jata, tab'tak wo viprit urja ko khud me sametne laga. Saal dar saal bit'te gaye aur jab wo viprit nakshtr ka ladka, pahle mul duniyan ki sabhi siddhiyan hasil karne ke baad, wahan ki kaali shaktiyan batorne laga, tab jaise brahmand ki sabhi viprip shaktiyan usme nihit ho gayi ho... Uske baba ne uska naam Surpmarich rakha tha...
Yuvakaal ke padav ko paar karte-karte Surpmarich, Prakrit ke kayi sare gudh rahasyon ko samjh chuka tha aur chal para wo apne mata-pita ke ek lambe kaal se ekantvash ko khatm karne…
Viprit Duniya me kayi sare universe par gaya, wahan kayi sare yuddh kiye apne naam ke jhande charo ore gaad diye... Shaktiyan aisi koi bachi hi nahi jo usse rok sake. Usne itni shaktiyan arjit ki, kee wo Viprit Duniya duniya ka bhagwan ghoshit ho chuka tha aur khud ko prakriti maan'ne laga tha...
Viprit Duniya me maujood wo har kisi insan ko sun sakta tha aur uske pran harkar uske dukh dur kar sakta tha. Uske samne khade hone ki himmat kisi ki nahi thi. Surpmarich ke pass apni ek vishal fauj thi lekin uski jitni badi fauj thi, un sab ko kitna guna bhi kar do, uske barabar, akela Surpmarich tha...
Surpmarich ki 2 raniyan thi... Kaardha aur Apra... Ye dono bhi kali shaktiyon ki malikin aur utni hi siddhi prapt thi... Pidhi dar pidhi ye dono bhi apne purwajon ki siddhi sikhti aayi thi aur kaali-safed dono shaktiyon ki malkin thi... Dono hi apne vigyan me kushal aur sansadhno ke chhote se bhandar se bada sa bada fayda utha sakti thi.… Kushal khagolshastri aur vigyaan ki gyata...
In dono se Surpmarich ko 6 putr huye aur ek putri... Sabhi ko poora gyan aur Surpmarich ki siddhiyan mili. Poorn gyan prapt karne ke baad Viprit Duniya me saaton ko wahan ke sabse khatarnak mahol yani ki viprit duniya ke kaal jiv wale ilake ke mayajaal me chhod diya jahan Surpmarich ka mashtisk mahal tha...
Surpmarich afsos karte huye kahne laga…. "Mere baba ne mujhe unki virasat dee aur mujhe chhod diya sabit karne. Meri dono patniyon ke baba ne unhe apni siddhiyan di aur chhod diya sabit karne... Humne khud ko sabit kiya... Lekin lagta hai humari virasat ko humare putr aur putri sambhal nahi paye"…
Surpmarich:- Haan apne hi khun hai isliye main unhe sab kuchh de sakta hun, siway apni satta ke, kyonki ek ayogya poore samrajya ko dooba dega..
Kaardha, aur Apra ki vinti par fir Surpmarich ne sabhi ko 7 mauke diye, lekin kewal uski beti aakhri mauke me kisi tarah se uss mashtishk mahal se bahar nikal payi...
Surpmarich aur uski dono payniya khush thk, kyonki samrajya sambhalne wala na sahi par ek yudhh niti banane wale to parivar se the.. Surpmarich apne sabhi beton ke upar 6 alag rajya ka bhar saunp kar apni putri Soroha ke sath apne bade se samrajya ko aur failane me lag gaya...
4 parivar ke logon ke alawa Surpmarich ke pass 3 yogya senapati the, Gagan, vayu sena ka mukhiya, Kshitij, thal sena ka mukhiya aur Nir, jal sena ka mukhiya tha. Teeno mil'kar yudhh karne ki ran'nitiyan banate the....
Jabse Surpmarich ki beti ne apni kabliyat sabit ki thi, tab se Surpmarich samrajya vistar ki poori jimmedari Soroha ke upar daal'kar apne purane khawab ko poora karne chal diya...
Apne mata pita ko uske hi jagah se bhagaye jane ka badla lena. Uss Saatvik Aashram ko purntah barbaad kar dena aur Mul duniya me vapsi ki yojna. Mul duniya aur viprit duniya ke bich aisa rasta kholna tha jahan se wo mul duniya ki aham takat ko bhi le sake jiske bina Surpmarich ke bete aur beti me wo prakritik kashmta nahi rahi..
Haan wahi nakshtr ke yog se jo prakritik shaktiyon ka srijan hota hai, khas'kar viprit nakshtr yog se. Viprit Duniya me unka ek bhi prabhav dekhne nahi milta, jis vajah se uss ke pass sabhi siddhiyan hone ke baad bhi, wo apne pidhi ko nakshtr yog ki shaktiyan nahi de saka... Aur yahi wo vajah thi ki wo parellel worl ke viprit duniya se mul duniya me jana chahta tha...
Bakiyon ki tarah maruti ko parellel duniya me ghusna to aata tha kintu wo apne bete Surpmarich ko samjha nahi paya ki kaise Viprit Duniya me ghusne ki siddhi ko sadhte hain.
Na jane wo kitni baar apne pita ke dimag me ghusa tha, lekin fir bhi usse parellel duniya ke bich ke raste ka raaj pata nahi chala.... Aur Viprit Duniya se Mul Duniya me jane ka rasta to usse waise bhi nahi pata tha…
Viprit Duniya me ek Mashtisk mahal ka nirman prithvi par ho chuka tha. Bus ye pahla mashtishk mahal hi tha jise banane me kayi 100 varsh bit gaye the… ab to bus kewal poore brahmand ko bandhna tha...
Ek aisi aprakritik bandhan jo poore parellel world ko hi kamjor karne lage. Aisa shakti khand jo Viprit Duniya ka na ho'kar Mul duniya ka ho. Jiske parinaam swaroop ye viprit duniya uss shakti ko mul duniya ki shakti maan le aur usse ukat'kar mul duniya me wapas bhej de...
Apni 2 jenius vaigyanik patniyon ke sath apne kamal ke viman me wah nikla... Yah viman na ho'kar lagbhag aadha planet hi tha... Jisme matr 3 log sawar the... Poora universe ka ek chakkar lagane ke baad prthvi ke alawa usne Viprit Duniya me 17 aur points dhundhe. Agle 200 varshon tak wah sabhi 18 mashtisk mahal me jaan funk chuka tha...
Sabse bada mashtishk mahal far Universe ke ek planet par bana tha... Yah ek planet na ho'kar mano 50 planet ke ko mila diya gaya tha... Jahan ka mashtisk mahal lagbhag ek planet ke barabar tha...
Surpmarich apni poori fauj, unke parivar aur apne sabhi logon ke sath nikla. Sabhi logon ko le'kar Viprit Duniya ke mashtishk mahal me ghus gaya... Ghusne ke sath hi usne sabhi 18 mahtishk mahal ko jaise hi aapas me joda, poori Viprit Duniya hi bandh gayi, aur thik kuch pal baad uski poori fauj aur logon ke sath, Surpmarich, Mul Duniya ke Far Universe ke ussi planet par tha.
Jab wah far Universe pahuncha tab Surpmarich ko laga ki yahan usse yuddh karna hoga, kintu aisa kuchh bhi nahi tha… Far universe ke hisse me maujood kisi planets par jivan hi nahi tha… aur naa hi jivan ko anukool banane ke koi sadhan..
Surpmarich apne 18 mashtisk mahal se poore universe ko sun sakta tha... Takriban 10 varsh lag gaye ek aprakritik ko uss grah par jivan ke anookool Prakriti ko banane me... Iss dauran usne apne mashtisk mahal se kayi baar dark Universe jane ki kosis to kiya, lekin jis nirman ke jariye wah yahan tak pahuncha tha thik uske viprit mahal ke nirman karne ke baad hi wah wapas dark universe tak ja sakta tha aur fir ek poorn rasta banta… Haan lekin iss mashtisk mahal se Surpmarich ko universe ke 18 hisson me usse 18 gulaam bhi mile the. Jinme se ek Astak bhi tha...
Har mashtisk mahal ki alag-alag shaktiyan thi aur wahan ke gulaam ban'ne ke liye bhi kayi sari siddhiyon aur utna hi shaktisali hone ki aawsykta thi... Der sawer lekin har mashtisk mahal ko gulaam mil hi gaya... Un sabhi gulaamon ko mili mashtisk mahal ki shakti, aur mashtisk mahal ko mila un gulamon ki nayi nayi siddhiyan...
18 gulamon ko takriban 200 sal ke liye chhoda gaya, taki wo khud ko aur majboot bana le aur mul duniyan me mashtisk mahal ke nirman ke liye arbob prani ki aahuti de sake, taki uss mashtisk me jivan daala ja sake...
Idhar mahstisk jis urja par tika rahta hai, uske liye 18 alag-alag urja ke patthar chahiye the, jiske liye Surpmarich ne apne sena ke 7 tukdi kiye aur parellel world ke viprit duniya se, jahan-jahan se wo patthar hasil kiye the, thik ussi postion par pahuncha'kar wahan se Mul Duniya ke patthar ko dhundh laye... Mashtishk mahal banane me sabhi jaroori chijon ka kaam lagbhag samapt ho chuka tha… ab waqt tha mul duniya me, mashtisk mahal ke nirman karne ka..
Surpmarich, Vayu sena ke sena nayak Gagan, apni patni Apra aur 80% fauj ko lekar bada sa vimano ka beda taiyar karwaya. Nikalne se pahle apni beti sahora ka vivaah senapati Nir aur kshitij se sampann karwa'kar, Surpmarich kaardha ke upar jimmedari shaunpkar nikla... 2 sal baad lagne wale viprit nakshtr me ek santan uttapati ka...
Apni varshon purani, Sattvik Aashram ko barbaad karne ki mansa jahir kar Surpmarich apne bade se viman ke bede ko lekar chal para. Universe ke jis hisse me gaya wahan aatank machaya. Mashtishk mahal ke liye arbon lashen usne girayi... Jis Universe ke hisse se gujra wahan ke jivan ko tabah karte gujra.
Sabse aakhri me wo Middle Universe pahuncha tha. Kyonki usse apne dono kaam ek sath sadhne the, aakhri me prithvi par mashtisk mahal ka nirman karna, lekin uss se pahle Saatvik Aashram ko tabah kar dena...
Sabse jyada nuksan usne middle Universe ka hi kiya tha, kyonki middle universe ke 2 planet par mashtisk mahal tha, ek to Prithvi aur doosra Zoren... Prithvi ki aabadi seemit aur wahan ke sabhyta ke vikas ko dekhte huye, Zoren ke gulaam ko aadesh mile the ki anya grahon se insano ke intzam kiye jaye..
Usne bhi waisa hi kiya, jiska ek natija desert planet tha, jahan par kabhi jivan basta tha, usne virodh kiya aur poore grah se rahne layak anookool mahol hi samapt kar diya gaya. Desert planet se bhag rahe logon ko pakad'kar prithvi ke antartica tak pahunchaya gaya, jahan ke Mashtisk mahal me unke bali ka kaam shuru ho chuka tha…
Zoren par mashtisk mahal ka kaam samapt karne ke baad Surpmarich sidha prithvi pahuncha tha... Antartica me aatmaon ko bandh diya gaya tha... Uski patni Apra ko wahan nirman karne ke liye chhod'kar, Surpmarich pahuncha Himalaya ke uss hisse me jahan basa hua tha Saatvik Aashram.
Shakti ke mad me chur, akela hi pahuncha tha. Uski shakti apaar thi, aur Surpmarich ko rokna kisi ke bus ki baat nahi thi... Saatvik Aashram ne abhi kuchh waqt pahle hi ek utsav sa manaya tha jab Kritima ka janm hua tha…
Kisi ko kuchh pata nahi ki Himalaya ke uss kshetr me kaun aaya tha, bus koi kaal sa lag raha tha, jo logon ki aankhon me dekh'kar uske pran khinch leta... Guru Vashisth 200 sanyasiyon ke sath mahapoojan ki taiyari kar rahe the, jab unhe kisi ne suchna aa'kar di, "koi vikrut prani, bahari sansaar ka yahan aa'kar sidhe pran khinch raha hai"…
Guru Vashisth apne 101 sanyasiyon ke sath kanchanjangha ke uss kendr gaanv se nikle... Kuchh hi dur wo chale honge jab samne se Surpmarich chala aa raha tha... Guru Vashisth dur se hi dekh'kar samjh gaye ki ye dusri duniya see aaya hua prani hai...
Shaktiyan apar thi Surpmarich ke pass kitu Himalayas ke iss kshetr me aana uske liye bhool sabit ho gaya, kyonki Himalaya ke kshetr me bhi 2 duniya basti thi... Ek Devon ki aur dusri insano ki, aur dono duniya ko ek khas tarh ke pushp se baatan gaya tha…
Ek khas tarh ka pushp jo Himalaya ke 2 seemaon ke bich tha... Jiski maujoodgi me koi uss paar nahi ja sakta tha. Agyani Surpmarich ke pass, bal, buddhi aur kshmta to apar thi, lekin kshetriya gyan ki kami thi. Uska gyan yudhh ke bare marak ko janta tha lekin mul duniya ke chhote-chhote rashahyon ko nahi...
Guru Vashisth ne usse wahin na sirf roka balki ghera bana'kar baandh sa diya... Poore 121 din ka hawan chala tha, iss bich guru Vashist ke sanyasi poore prithvi bhraman par nikle the... Kewal Surpmarich hi tha jiske pass viprit nakshtr ki shaktiyan thi, baki uske kisi bhi sainik ya prithvi par maujood uski patni ke pass yah shakti nahi thi...
Unhe sanyasiyon ne antartika me ghera tha aur fir wahin un sabko, ussi pushp ke ghere me bandhkar na to kahin bhagne diye aur na hi unki kaali siddhiyon ko hawi hone diye... Antim natija mirtyu thi... Apra aur uski beti Sohoro ko pal pal yah ehsas ho raha tha ki uske log mar rahe hain, Surpmarich fansa hua hai..
121 din tak ki poorn yagya karwaya gaya… viprit shaktiyon par mul shaktiyon ko aakarshit karwaya gaya... Surpmarich kosis to kar raha tha lekin uski shaktiyan ghere ke ander simat kar rah gayi thi aur khud ki shaktiyon ko ek-ek kar'ke wah hawa me uddte dekh raha tha...
Surpmarich apni galti samajh chuka tha... Usse akele aane ka khamiyaja bhugatna para tha... Dushman ko bina jaane humla karne ka natija apni khuli aankhon se dekh raha tha aur thik 121 din baad Guru Vashisth ne Surpmarich ke pran ko uske sharir se alag kar diya...
Poorn yagya ki shampti ke baad Guru Vashist ne apni divya dristi se brahmand ka wo narsanhar bhi dekh liya... Thoda afsos jahir karte huye khud se hi kahne lage.… "Dusri duniya ke logon ka aatank kafi bhayawaah hai"…. Ussi kshan guru Vasisth pritvi bhraman par nikle apni khoj me...
Kayi varsh bhatakne ke baad unhone sansaar ke vibhinn kono se subh nakshtr ke kuchh aise Bahadur aur buddhi wale insan ko dhundh nikale, jo 2 duniya ke bich prahari ka kaam kare… vikrut ko insano se dur rakhe... Aur apne issi uddhesya ko sadhte huye un sabhi prahri ko poorn prashikshan ke liye taiyar kiye. Uss waqt Guru Vashist ne pahli pustak ka nirman kiya, jis pustak ki jimmedari prahari ke mukhiya Vaidhayan ko shaunpi gayi…
Behad hi Divya suraksha wali iss pustak me pahle to Guru Vasisth ne tarah-tarah ki shaktiyon ka ullekh kiya... Fir prithvi par paye jane wale kayi sare jiv, jisme aquatic medium ke jivon ka poora jikr tha. Fir 2 duniya jikr...
Pustak ke pahle adhyay me shaktiyan aur Prithvi par paye jane wale jiv ke ullekh ke baad dusra adhyaya Surpmarich ka hi likha gaya, jiske bare me Guru Visisth ne likha "Ek kaal jiv jo dusri duniya ka tha"..
2 adhyay likhne ke baad guruji ne prahri mukhiya ko ek vises jimmedari di.…. "Prahri apne kaam ke dauran 2 duniya ke bich shanti sthapit karne ke liye har jaroori kadam uthayenge. Na sirf ye parellel duniya ke bich khade honge, balki mul duniya me bhi base 2 duniya ke jivon ke bich khade honge aur shanti sthapit karenge"
"Apni sewa ke Duran unhe mile har naye jiv ya purane jiv me aayi nayi vikruti ka poorn ullekh karenge.. Uss jiv ke sath kya hua, uski ek poori ghatna to hogi hi... Sath me prabhavit elakon se lekar uske uttpatti sthan tak pahunch'kar, har uss baat ki jaankari lena, jo uss jiv ke hone ke prabhav ka anubhav karwaye, taki hum bhavishay me un aabhashon se aaklan kar sake, ki koi nayi vikruti aayi hai ya kisi ne poorani siddhiyan hasil ki hai"
"Sath hi sath uss vikrut jiv ke jane ke waqt se la'kar, kuchh varshon tak uske marne ke sthan par najar banaye rakhna, taki uske marne baad kya hua aur kisi bhi prakar ke sanyog se koi dusra to vikrut nahi hua. Har ghatna ka bariki se ullekh hona chahiye, taki aane wali pidhi ko har tarah ke vikrut ki jaankari rahe."
Guru Vashisth ne jaise hi kitab ke likhne ka vivran kiya, prahri mukhiya jigyashavash puchhne laga, …… "Kya ho jab koi prahri mukhiya vikrut ho jaye"…
Guru Vashisth muskura'kar kahne lage…. "Ye pustak najar pahchanti hai.. Ek baar koi prahri mukhiya vikrut hua, fir ye pustak jiski amanat hai usse dundh legi... Aur wo apne Guru ko dhundh lega... Haan lekin itna sochne ki jaroorat nahi, kyonki har prahri mukhiya par Sattvik Aasharam ke Guru ki najar bani rahegi"…
Prahari, guru ko naman karte wahan se nikal gaye, apne ek prahri sathi ko chhod'kar, jise purv ke mahol ka gyan lena tha aur iss bahri jiv ke marne ke baad ka..
Ek bahri jiv ki leela shampti ke baad sab apne dincharya me lag chuke the, lekin jaise Surpmarich ko yahan ke mahol ke bare me nahi pata tha, thik waise hi Surpmarich ke bare me bhi kisi ko gyan nahi tha… Dark Universe aur Zoern ke mashtishk mahal ki shaktiyon se Surpmarich apni poori aatma aur bachi hui shaktiyon ko ek jivit kosika me kaid kar chuka tha… lagbhag 4 varsh baad wo ghera vilupt hua tha aur uske hatne ke agle kshn, Surpmarich apni kosiska ko ek garv me pahuncha chuka tha...
Kuchh dino baad Surpmarich uss bacche ke sath janm liya lekin khud ko wo uss bacche ke dimag me niskriya sa rakha tha... Uss bacche me khud ko nishkriya to rakha tha, lekin uske maa ke dimag me ghus'kar usne ussi naam ki chahat jatayi, jo wo viprit duniya se le'kar aaya tha... "Surpmarich"…
Santon ke bich pala wo baccha, Kritima ke sath hi prasikhit hota raha.. Kritima ke kayi bhaiyon me se Surpmarich bhi chhote bhai jaisa tha, jise ek jivan srijan karne wali Kritima ka poora sneh mila... Guru Vashisth ke gaanv ki chulbuli aur natkhat, jiske hone se kabhi kisi ki hansi nahi gayi...
Poorn siksha samapt jab hui thi, tab Guru Vashisth ne Surpmarich aur Kritima ko brahmand me sabhyta ka nirman karne bheja... Surpmarich, apne naye sharir me ab bhi nishkriya ho'kar wah mul duniya ki kayi alokik siddhiyan hasil kar chuka tha, jo uske baba Maruti apne jivan kaal me usse kabhi nahi de paye...
Surpmarich ne Far Universe chuna tha to wahin Kritima ne thik viprit ka sudoor antriksh chuna... Kayi salon baad wah apni Dharti par pahunch chuka tha... Mul duniya ke viprit mahol aur Surpmarich ki siddhiyan na hone ke karan, uski lagbhag fauj mar chuki thi bus kuchh gine chune 1000 log jivit bache the jisme kewal uski raani bachi thi aur uski beti ke garv se janme ek putr aur putri... Jo ab issi duniya ke the aur dono subh nakshtr me paida liye judwaa the..
Prasav ke baad hi Sohora ki maut ho gayi kyonki nakshtr teen din baad aapas me milti aur Sohora ka labour pain 3 din pahle shuru ho gaya. 3 din jabardasti bacche ko roke rahne ka natija Sohora ki mirtyu hui thi, lekin marne se pahle wo uss santan ko deti chali jo Surpmarich ko chahiye...
Beti aur apne logon ki mirtyu ne jaise usse tod diya ho... Siddhiyan uski bhi ja chuki thi... Bus jo bacha tha wo mashtisk mahal ke gulaam aur yahan bache chand log..
Surpmarich ne wapas viprit duniya jakar siddhiyan hasil karne ki sochi aur tab wapas aa'kar kahar barsane ki... Kyonki pichhli baar uske pass mul duniya ki wah siddhiyan nahi thi, lekin aaj uske pass sab tha...
Kintu uske liye sabse pahle prithvi ka aakhri mashtisk mahal ka nirman jaroori tha… Surpmarich apni biwi, dono judwaa aur bache logon ke sath Zoren ke shakti khand me pahuncha, kyonki Kritima wahin basne wali thi aur usse apne bacche ko Kritima ke sanrakhan me palna tha...
Core plant par Astak alag hi muhim par tha tab... Wo kewal aur kewal vansh badhane me laga tha, jisme Kritima ko tab koi burai nahi dikhi, kyonki wahan ki sabhyta fal ful rahi thi. Dark universe jin grahon par jahan jyada nuksan hua tha, wahan ke jivan sabhyta asthapit karne ke baad Kritima ne middle Universe me sabhyta ko sanjoi aur Zoren aakar basi thi...
Zoren bhi isliye basi thi kyonki nakshtr ka prabhav iss kshetr me aisa tha ki yahan ki 2 samuday shape shifetrs ban gaye the... Haan lekin dono hi samuday me Nilbhut kafi yogya hone ke baad bhi kafi shanti aur prakriti ke gode me rahte the...
Jaal bichha, jaal buna gaya... Surpmarich ka vivaah ek aisi aurat, Kaardha se hui jo 2 bacche ki maa thi, lekin gode ujar di gayi... Kritima jise vishes ka darja poore universe ne diya tha apne chhote bhai ka tyag dekh'kar bhav vibhor ho gayi...
Vish-Kritima ke poorn jivan kal tak Surpmarich ek sudhh aatma ki tarah uske pass raha… apne nati, aur natin ke alawa uske 6 putr aur huye jisme kewal ek grahon ke prabhav ko apne ander poorn samet saka, aur uska vivaah Vish-Kritima ne ek kushal Nilbhut ladki ke sath karwayi, jabki uske 7 putron me ek sabse durbal kintu hansmukh sa beta tha, uska vivaah apni ek putri se karwayi...
Surpmarich poorn jaal bun chuka tha… Ek lambe yug ke samapan ke baad, Vish-Kritima apna jivan tyag chuki thi, aur usske marnoprant, Surpmarich dhire-dhire Nilbhut samuday se duriyan banata chala gaya. Apne kaan ke logon ko le'kar ek baar aur wapas se Far universe ke ore rukh kar chuka tha, isme uske sath uski patni Kaardha, judwa navasa aur navasi, uske bacche aur apne bete ke sath uske ek prabhavi bacche ko le'kar bhraman ko aaya tha, aur fir unke maut ki ek khabar Zoren pahunchi...
Ye mixed generation aur uske sath sabhi alag kiye huye sudhh aur viprit yog me paida huye bacche... Sab kamal ke the... Surpmarich ab bhi apne lakshya ko nahi bhula... Lekin uske liye kewal itni shakti kafi nahi thi... Usse dark Universe lautna tha...
Surpmarich Far Universe ke mashtishk mahal se sidha pahuncha Zoren ke mahal, jahan Vish-Kritima ke marne ke baad uske 2 sewakon ko bandi bana liya gaya tha… Sab sok me lin the isliye kisi ka dhyan nahi gaya aur baad me unhe lapata ghosit kar diya gaya tha… Unke pass siddhiyan to pahle se thi lekin poora gyan nahi tha, wahin Surpmarich ke liye khud prithvi jakar uss mashtishk mahal ka nirman karna sambhav nahi tha kyonki prahari usse pahchan jate…
Surpmarich ne dono ke ander apni aatka ke 2 chhote tukde nihit kiya, dekhte hi dekhte uska chhota sa ansh ne dono ki aatmaon par kabja kar liya, aur taiyar tha Surpmarich ka clone... Kayi saal ke prasikshan ke baad Surpmarich ne apni aatma ko khud se tor'kar, swatantr kar diya aur chhod diya apne 2 pagal ko prithvi par apna muhim poora karne…
Kayi sadiyan biti, itne waqt me Surpmarich far Universe me apna parivar ke sath prithvi par payi siddhiyon ke sath sab ko prasikhit karta gaya.... Surpmarich ke clone ke pass siddhiyan aur lakshya to tha, lekin ek poore mashtisk mahal ki rachna in dono ke liye utna hi bada kaam tha, jo kafi dhire-dhire poora ho raha tha wo bhi prahri ke najar me aaye bina...
Mul duniya ke niwasi, jivan aur mirtyu ke chakr se jude rakhte hai isliye Surpmarich, uski patni Kreedha aur bache kuch 1000 logon ne apni kayi pidhiyon ko apne aankhon ke samne marte dekhte... Aur kayi santan ko bade hote... Kuch samanya roop se paida hote unhe vayask hone ke baad jivan samajhne ke liye any grah par basa diya jata aur kewal khas yog me paida liye bachhon ko vikrut karne se lekar prashikshit karne ki jimmedari Surpmarich ki hoti...
Ussi dauran Vish-Nilayani satta me aayi jab uski ek mulakat Surpmarich ke clone se ho gayi.... Uske purvanuman ne kuchh aasanka jatayi thi aur tabhi usne pahchan liya tha ki ye koi purv ki aatma hai jo khud ko sanjoye hain… kyonki bahut se siddhiyon ka prasikhsn to kayi guruon ne band kar diya tha aur Vigyaan ke ore rukh karne ka faisla kiya, taki shakti samanya roop se sabke pass ho aur uska labh samast prajati le sake...
Fir to ek ore Surpmarich ke clone apni ladai ladte aur dusri ore mashtisk mahal ka nirman karte rahe... Ussi dauran Surpmarich ke swatantr clone ne kar 2 kaarname anjaam diye... Ek to mashtishk mahak ka nirman poora kar diya aur dusra Ek atyant vises yog, jisme kayi sari shaktiyan samahit thi, uss yog me Vish-Nilayani ke garv se ek vikrut aatma ki uttpatti hui thi...
Surpmarich ke mastisk mahal uske paida hone ke pahle din hi shakti ko bhanp chuka tha… Jab wah ladka Adharv thoda bada hua aur Vish-Nilayani apne pran tyag rahi tab Guru Vashudhar ko apne putr Adharv ko maarne ka kaam shaunpi... Lekin Guru Vashudhar ko wah ladka nahi mila tha kyonki Surpmarich usse apne sath lekar pahle far Universe pahuncha…
Mashtisk mahal se ab dono ore ka rasta khul to chuka tha, lekin Surpmarich, Adharv ko mul duniya me hi prasikhsn dene ke baad le'kar jaana chahta tha... Adharv ke sath Surpmarich ki beti bhi prashikshit ho rahi thi aur dono ussi yog me janm liye the... Fark sirf itna tha ki jivan srijan karne wali Vish-Nilayani ke garv se ek viprit bacche ne janm liya tha... Viprit arthat Vish-Nilayani ki aatma toot rahi thi thi aur ussi waqt ek vikrut bacche ne janm liya, jo jivan samapt karne ki pravirti rakhta tha aur usne kiya bhi aisa hi... Vish-Nilayani ke sabhi betoyon ko maar'kar…
10 varshon ke poorn prashikshan ke baad Surpmarich apne logon ke sath ja chuka tha wapas viprit duniya... Iss baar Surpmarich ko apni siddhiyan hasil karne me kafi lamba waqt laga tha, kintu 2 mahashakti ka uday bhi bhi hua aur dono ke bich panapta prem. Vish-Nilayani ka beta Adhrav aur Surpmarich ki beti Savdha, ne viprit duniya me Surpmarich ke itihaas ko na sirf dohraya, balki uske aage kahin lambi rekha khinch dee...
Surpmarich pichhli galti ko iss baar dohrana nahi chahta tha, isliye apne samast logon ko dono hi duniya ka banaye rakhne ke liye 1 varsh mul duniya to 1 varsh viprit duniya me rakhta...
18 Mashtisk mahal ke gulaam apna paun aise faila chuke the, ki unse ab jitne wala koi dusra mul duniya me khada nahi ho pa raha tha, siway 2 mashtisk mahal ko chhod'kar jahan prithvi ke siddhiyon ka prabhav shuru se bana rakha, wo tha Zoren aur Prithvi... Bhavishya ko dekhte huye Atharv aur uski pyari patni Savdha ne mashtisk mahal ki shaktiyon ko wah unchai dee, ki ek baar bina unki marji ke isme aaye fir wo kabhi bahar hi nahi nikal paye...
Mashtisk mahal ko shakti dene ke kram me haalanki Adharv aur Savdha se badi si chuk ho gayi thi aur uss mahal ko ab chinhit kiya ja sakta tha, jo ki pahle sambhav nahi tha, sanyog matr to sadaiv hote rahte hain. Iss baat ke ore to dhyan dono ka nahi gaya kintu uss mashtishk mahal kee khud ki takat itni thi ki yadi koi gulam apne malik ko khush kar de, to malik ke barabar to nahi, lekin ek asim takat wah mashtisk mahal se samet sakta tha...
Viprit duniya ki 2 mahashakti jo viprit duniya me baith'kar apne 18 mashtisk mahal ko poorn sanchalan kar sakte the, jabki ek Mashtisk mahal poore brahmand ke barabar tha.… Surpmarich lakshya ab bhi nahi bhula... Aur bus apni ek aakhri taiyari me laga hua tha.…
Halaanki Adhrav aur Savdha, apne sabse pyare abhibhavak yani Surpmarich se kahte rahe ki hum dono duniya ke barabar hain aur iss baar hume koi nahi rok sakta, lekin Surpmarich dono ko apni aankhen dikhate huye itna hi kahta.… "Yahi galti mujhse hui thi ab tum wo galti mat karo"…
Takat to Surpmarich ne bhi asimit bator lee bus wo viprit nakshtr jaisi baat nahi thi.…
Ek lambe daur ka chhipa hua hua khiladi, jiske pass khud ki asimit takat, aur uske beti damad ke pass to behisab takat jiski kalpna bhi kabhi Surpmarich ne nahi ki thi... Wah Far Universe se apni fauj humla ke liye nahi nikal raha tha... Adharv aur Savdha ko iss intzar ki kahani nahi samjh me aa rahi thi, lekin Surpmarich kuchh to raaj apne ander sameta tha….
Prithvi par Nischal aur Jivisha, apne khoyi yaad wapas aane ke baad, jab dono ke liye chijen samanya hone lagi. Guru Vashudhar ke uss vikrut ansh par charcha shuru hui, jisne uttpat macha rakha tha....
Uss waqt ek hi baat nikal'kar aayi thi ki Guru Vashudhar ka sharir ab bhi jivit hai, jis vajah se uski aatma yah sansar nahi chhod pa rahi … aur ho na ho Vish-Nilayani aur Surpmarich ke pratham sharir ko bhi sanrakhit rakha gaya hai.
Surpmarich ke jivit sanrakshit sharir ke vajah se hi, jab Surpmarich ka jivit sharir hi mirtyu lok me nahi gaya, to fir aatma kahan se mirtyu lok me jayegi. Yahi karan hai ki Surpmarich apna roop badal kar wapas aa jata hai.…
Ek majboot aur pramanit theory, jisne Surpmarich ke amar jivan ke raaj khol diye the. Vish-Nilayani jab khoj ke liye nikli thi tab Far Universe ka jikr aaya tha... Far Universe ke uss brutal humle ka jikr tha... Ye baar-baar far Universe kano tak aa raha tha, isliye aasanka yahi jatayi ja rahi thi ki Surpmarich ka sharir far Universe ke kisi grah par ho sakta hai...
Jivisha prithvi par Surpmarich se anubandh ke sath nikli thi, ki na wo Surpmarich ke raste me aayegi aur na hi Surpmarich uss ke raste me... Aur issi aunbandh ka natija tha jo Surpmarich ke 2 ansh Zoren se rato raat nikle the.…
Sattvik Aasharam me jab yojna bani thi, tab Astak uss kahani me dur-dur tak nahi tha, aur naa hi kisi ko pata tha ki, jis dhurt ne kayi hazaron salon se uttpaat macha rakha hai, wah to mahaj ek swatantr mukhauta hai, jiska malik mashtisk mahal ke jariye apne kaam ko usse karwata hai.
Naa hi unko yah pata tha ki Surpmarich jo bhi takat chori karta tha, wah sabhi shaktiyan mashtisk mahal ke jariye unke malikon tak pahunch jati thi... Koi jadu nahi tha jo wo log siddhiyan sidhe grahan kar len. Sadhna ki jaroorat unhe bhi padti thi, lekin jab rasta hi pata nahi to sadhna kis chij ke liye karenge... Na sirf mulhota Surpmarich balki unke sabhi gulaam bhi apne malik ko update karte the...
Mukhote Surpmarich se pahle nipatna tha aur iske liye tay hua ki uss Mukhote ke jaankari me aaye bina, sab Far Universe niklenge. Yahi vajah thi ki Mukhote Surpmarich ko maarne ke liye 3 se 4 mahine ka waqt liya gaya tha. Pahle far Universe se uske sharir ko nasht karna tha. Ek baar sharir nasht ho gaya, fir uske charo ansh ko ek sath maarne ki yojna banegi... Iss baat se bekhabar ki Mukhote Surpmarich ko naya jivan kahin aur se milta hai aur uske sharir ka malik to kahin aur hai, apni poori yojna bana chuke the.
Zoren pahunch'kar yah tay hua ki Viggo viman down the line Deep universe ke ore jayegi, jiske thik 90⁰ ke upar ka hissa far Universe ka tha... HuYu ki madad se shurwat me Deep Universe jate dikhaya jayega aur jab Jivisha sunischit hogi ki ab Surpmarich unhe jate nahi dekh raha, tab sidha far Universe badh jayenge...
Yojna to jane ki thi far Universe, lekin Surpmarich jab Zoren se bhaga tha tab wah mashtisk mahal ko hi istamal kar raha tha… aur istamal hui mastisk mahal tarange khinch rahi thi, kyonki wah niskriya nahi hui thi aur issi vajah se pahli baar sabke samne mashtishk mahal aa chuka tha…
Gahre raaj aur kewal gutthi thi... Chunki Nischal ek Universe traveller raha hai, isliye kabhi bhi kisi nayi chij ke seema me tab tak nahi ghusta, jab tak parakhn na le... Aur issi parakhne ke kram me usse ek poora mashtisk ka jaal mila...
Nischal ne apne information center, HuYu ko iske bare me kaam par lagaya aur udhar poora Saatvik Aashram sakte me tha. Yah kaisa mayajaal hai... Iss mayajaal ki gutthi to nahi suljhi, lekin HuYu ki dee hui suchna ne sab ko ek mat kar diya...
Jaise hi far Universe ke humle aur ussi humle ke waqt kuchh bhu-bhag par viksit huye divya mahal ki charcha, jo uss Decca planet ke darshnik ne kiya tha... Halanki mashtishk mahal ki asthapna to Surpmarich ke, middle Universe ke humle se saikdon varsh purv hi ho chuka tha, lekin shayad uss darshnik ko bhi khincha ho uss mahal ne aur usne Far Universe ke humle se usse jod diya...
Uss mashtishk mahal ko fence karne ke baad Decca se uss darshnik ke vansaj ko sodh ke liye bulaya gaya aur sath me wahan pahuncha tha Apasyu. 1 mahine ke sodh ke baad yojna me poora badlav aaya...
Iss yojna ke badlav ka sutradhar bani thi Vardali... Vardali ne jab raaj khole ki Dark Universe me bhi ek aisa hi mahal hai, lekin Surpmarich aur Astak ek dusre ko nahi jante... Aisa Vardali ka maan'na tha…
Kafi vichitr si ghatna thi... 2 ek jaise mayajaal, 2 alag-alag jagahon par. Dono jagah ke alag-alag sewak aur dono sewak ko ek dusre ke bare me pata nahi. Ye saaf sanket the ki iss mashtishk mahal ki rachna kisi teesre ne kiya hai aur ye dono iss mayajaal ke gulaam hai, jinhe iss mahal ke malik ke bare me koi gyan nahi. Lekin wo hai kaun jo ek nahi balki 2 mrit mashtisk ka nirman hazaron varsh purv kar gaya aur kisi ko bhanak tak nahi, ye ek bada sawal tha???
Fir sawalon ki ek poori shrinkhla samne thi..… Kya aise mahal aur bhi hain universe me, jahan ka sanchalak ek dusre se anjaan hai... Aur aakhir 2 anjaan mahal ke samnchalak ek mahal me mile, to kya ho sakta hai... Aur kya Surpmarich ke amar gatha ke pichhe mashtisk mahal ka koi haath hai...
Kayi aise sawal the jiska jawab kewal ek hi aadmi de sakta tha, jisne iss mayajaal ka nirman kiya. Ab sawal ye tha iss mayajaal ke nirmata ko bulaye kaise, taki iss nirman ke pichhe ke raaj khule...
Vardali ke khulase ke baad kayi tarah ke sawal samne the... Lekin Apasyu ek natija bhaanp chuka tha…. "Jaise hi wo mahal tootega, uska malik humare samne hoga aur jo itne shaktishali mahal ko bana sakta hai... Uski shakti ko hum hara nahi payenge"…
Ab kahani me na to Astak rah gaya tha aur naa hi Mukhota Surpmarich. Ab to poori taiyari kewal mashtishk mahal ko todne ko le'kar shuru hui. Jahan Zoren ke prabhavi location ko dekhte huye, yah faisla liya gaya ki ek mrit mashtisk me ghusna hi poorn mayajaal me ghusna hai, upar se Zoren ka mahal poorn shakti kendr par bana hai, isliye iss mahal ko, baad ke anubhavon ke aadhar par dekhna tha, pahla number Astak ke mahal ka hoga...
Iske liye bhi 3 se 4 mahine ka waqt liya gaya kyonki raste me khade the 2 shaktisali dushman aur ek poora mayajaal, jiske bare me poori jaankari hasil karni thi aur yahi vajah bhi rahi thi ki Apasyu poora mahina Zoren grah par, Decca ke darshnik ke vansajon ke sath kewal uss mahal par sodh karta raha.
Apasyu apne hisse ka kaam le chuka tha. Ek poorn aaklan aur uske sare samikhaon ke baad, Nischal ne Hurriyent planet ka rasta liya... Hurriyent Nischal ko kis vajah se jana tha, iska koi mukhya uddhesya nahi tha. Kewal dil ki pahli awaj thi wo... Dimag me na to Hyber metal tha aur na hi Roffa ke bare me kabhi usne suna...
Bus ek to baar-baar Decca ke ek mahan engineer aur artitecture, HuYu ke muh se Hurriyent ka naam sunte, ek universe traveller ke dil me jigyasa si jaag jati, ek baar ja'kar dekhunga... Wahin jab 2 poorn shakti (Astak aur Surpmarich) ko harane ke upar vichar hua to Nischal ne jane ki majboot vajah bhi bana lee, Hyber metal le aao... Kahin mahal tootne ke baad far universe ki asankhya viman iss kshetr me ghus gaya to apne logon ki rakhsa kaise karoge… Haan Hyber metal ko Far Universe ke humle ko bhi dhyan me rakh'kar laane ka faisla hua tha…
Nischal ke dil ki pahli aawaj aur wo lagbhag 2.5 se 3 mahine ke safar par tha. Itna hi waqt Jivisha ko apni nayi siddhi sadhne ke liye chahiye thi aur itna hi waqt Serin aur Luna ne bhi sena taiyar karne ke le'kar, Astak aur Surpmarich ko harane ke liye har tarah ki niti taiyar karne ke liye liya tha.… Orja ke information aur Mahal ka raaj khulne ke baad na to Astak ab koi samsya rah gaya tha aur naa hi uski vansaj fauj...
Haa lekin inki taiyari mahal ke sath-sath Surpmarich ke dono ansh Partam aur Joy ko le'kar poori focus thi, kyonki wah apni siddhi sabit kar chuka tha kayi ladaeyon me, aur uske pass mahal ki di hui shakti se jyada uski apni siddhiyan thi... Iss baat ka aaklan Nischal aur Serin ne hi kiya tha, jab Orja ki information ke hisab se Astak vansajon ki shaktiyon ka aaklan kar rahe the, usme ek baat hamesa nikal'kar aati, Surpmarich ki shaktiyan in sab se kahin aage hai, iska matlab ye kewal mahal ki shaktiyon par nirbhar nahi...
hai udhar. Kahani par pahunchne ke liye story title par ulgi karne ka...
