- 16,455
- 110,817
- 259
Last edited:
Incest Baadshah ~ The Tales of Debauchery
- Thread starter Werewolf
- Start date
- 16,997,527
L...
New Member
- 15
- 8
- 4
Excellent update Werewolf bahiUpdate - 203 ~ A Past under a Past
Ab tak...
Mandli shaant ho gayi. Baba ji ne dheere se apna sarr ghumaaya. Woh muskuraate hue thahaake lagaaye. Fir, ahista se bole.
Baba ji : Naam? Hahahaha! Mere bacche...! Iss shareer ko log yaha mohanlal keh ke pukaarte hai. *smiles*
Logon ne santushti me sarr hilaaya. Parantu, jis tarah se baba ji ne uttar diya tha. Iss shareer ko...
Use sunn log aur bhi prabhavit ho gaye. Naam milte hi uss yuvak ko aisa laga jaise koi apnapann mil gaya ho. Usne unhe pranaam kiya aur peechhe baith gaya.
Baba ji muskuraate hue logo ko dekhte rahe. Kintu, ye sirf wahi jaante the ki-
Unka asli naam Mohanlal nahi tha.
Unka asli naam tha —
Raman.
Ab aage...
Baat shuru hoti hai tab se jab Veer Harikiran aur uske bete ki sacchaayi ke baare me jaanta bhi nahi tha. Tab jab Veer ko apni maa ke badle ke baare me kuchh bhi nahi pata tha. Tab jab Veer ko system ki praapti bhi nahi hui thi.
Tab, ‘Harikiran Singh’ woh naam tha jo poore gaanv me bhay ka prateek tha. Uski badi si haveli logo me apna darr baitha ke rakhti thi. Poora gaanv jaanta tha ki angrezo ke zamaane se do hi badi haveliya thi jo ab tak itni kathnaiyo ka saamna karne ke bawajood mazboot khadi hui thi.
Ek thi Bijaipur ke Dharam Singh ki haveli, jo Bhavna ke pita ji ki thi. Jinke poorvajo ne angrezo ko humesha apne gaanv me mann-maani karne se rok ke rakha raha.
Aur, ek thi Bijaipur se hi kuchh doori par lage Mayra gaanv ke Harikiran Singh ki haveli, jinke poorvajo ne angrezo se milkar ghoos khaane me koi bhi chaaploosi ka mauka nahi chhora tha.
Kintu, yahi do parivar ant me aapas me bhide aur Bijaipur ke Dharam Singh ki haveli raato raat aag me chhal se bhasm ho gayi. Parivar khatam ho gaya. Siwaaye, unki putri — Bhavna ke, jo ab Bijaipur se jaa chuki thi.
Aur, isliye- ab Bijaipur ki ek haveli ke jaane se, Harikiran ki haveli ka rutba aur bhi badh chuka tha. Satta, taaqat, zameenein, jaydaad, sab kuchh ab tezi se aage badh raha tha. Unnati ho rahi thi. Harikiran ke naam se hi aadmi thar-thar kaanp jaaya karta tha. Harikiran ab kasaayi-khaane jaise gandey vyapaar me bhi apna haath aazmaane laga tha.
Jitna adhik paisa, utna adhik rutba. Jitna adhik rutba, utna adhik logo me darr. Aur, jitna adhik darr, utna hi adhik uska varchasv jo poore gaanv me felte hue ab aas-paas ke gaanvo tak pahuchne laga tha.
Magar, iss darr ke saath-saath andar hi andar Mayra ke log Harikiran ki prataadna se pareshan bhi the. Kintu, majaal thi kisi ki jo unke saamne koi apna muh khol de? Bhale hi gaanv ke log unse darrte the, lekin unke apne hi ghar me ek sadasya aisa bhi tha jo kisi se bhi nahi darrta tha.
Harikiran ka pota, Bhanu pratap aur Vandna ka ekmaatra putra — Dhananjay.
Bachpan se hi use har cheez apne haath me mili thi. Ekmaatra ladka tha toh gharwaalo ne use ladhiya ke bhi rakha hua tha. Na hi woh kisi ko kuchh samajhta tha aur na hi kisi ki baat maanta tha. Padhayi gaanv se hi lage hue ek jile se usne kar li thi.
Ab baap dada ke paas itna paisa tha toh bhala aur padhne ki kya hi zaroorat thi? Yahi sochke usne apna nirnay bana liya tha.
“Oo maayi! Dekh! Ab mein yaha ek pal bhi na ruk saku hu. Manne baahar jaana hai. Sheher me. Baahar ki duniya dekhni hai manne!”
Woh kheejte hue bola. Yaha tak ki usne apne jhola, bag sab taiyaar bhi kar rakha tha.
“Beta nahi! Kya keh rahe ho? Tu phir wahi ratt leke baith gaya?”
Vandna rasoi se baahar aate hue boli. Toh, wahi Harikiran Singh ek khaat par baitha apne pote ko ghoor raha tha. Vandna ke haatho se chai lete hue woh bas abhi apne pote ki baat sunn raha tha.
“Kyu jaana hai tanne sheher?” Iss baar Harikiran ne chai ki chuski lete hue uss se poochha.
“Kyu jaana hai? Dada ji manne baahar ki duniya dekhni hai. Mein yaha gaaye, bakriya, bhains charaane me apni jawani nahi gawana chaahta.”
“Arey toh tanne kaun keh raha hai gaaye, bhains charaane? O sab kaam toh naukar karte hai. Aur, jawani chadh rahi hai toh batao byaah karwa de? Kaun ladki pasand aayi hai?”
“K-Koi nahi! Mujhe abhi byaah nahi karna. Mujhe baahar sheher dekhna hai.”
“Toh aisa hai, saahab-zaade… ki bhaiya ye farmaish toh aise hi poori nahi ho sakti tumhari. Hum tumko sheher jaane de sakte hai par humari bhi ek shart hai.”
Dhananjay ne jab ye baat suni toh uski khushi ka koi thikaana nahi tha. Yahi toh woh chaahta tha.
“S-Sach dada ji? Aap humko sheher jaane doge?”
Vandna asmanjas me Harikiran ko dekhi. “P-Pita ji ye aap-!? Isko baahar jaane nahi de sakte, pita ji!”
Parantu, Harkiran ne Vandna ki orr dekha hi nahi aur na hi use koi jawab diya. Jaise maano woh uske uttar dene ke laayak samaan hi nahi thi. Ulta Dhananjay apni maa ke virodh ko sunn bhadak utha.
“Maayi chup kar! Jab dekho tab tu taang adaati rehti hai meri zindagi me. Manne jaise jeena hai jeene de. Apni farmaish mat thopa kar mere upar. Samajh gayi? Chulha chauka karna tera kaam hai. Yahi teri zindagi hai. Tu ghar par reh ke bartan maanj, jhaadu pochha kar. Mujhe saath me mat lapet. Mein mard hu. Aur, baahar ki serr karna chaahta hu.”
Harikiran apne pote ki mardana harqat se khush tha. Kam se kam uska pota maayi ke pallu me ghus kar uski baat maanane waala pota nahi tha. Haan thoda alhadpann tha usme aur ziddi bhi tha, lekin ghar ka ekmaatra chiraag hone ke naate ye sab baatein nazar-andaaz kar di jaati thi.
“Haan toh bhai, shart yeh hai ki- tum usi sheher aur usi raajya me jaoge jaha hum kahenge. Tum apni mann-marzi ke sheher nahi jaa sakte.”
Dhananjay kuchh derr ek soch me pad gaya. Use sheher jaane mil raha tha. Iss se behtar aur kya ho sakta tha? Bhale hi sheher uske dada ji ki pasand ka hone waala tha, par akhir ek sheher toh sheher hi hota tha!? Chaahe Mumbai jao ya Delhi. Sheher gaanv se toh hatke hi hone waala tha.
Yahi soch woh jhatse raazi ho gaya. Kahi aisa na ho ki uske dada ji apne faisle se muqar jaaye aur uska sapna ek sapna hi bann ke reh jaaye.
“Th-Theek hai, dada ji! Mujhe manzoor hai! K-Kaun sa sheher rahega?”
Aur, yahi se shuruat hui Dhananjay ki ek sheher ko ghoomne ki jo ki tha— Patna. Bihar me sthit ek mukhya sheher.
Harikiran ne Bihar raajya ko isliye chuna tha kyunki, Bihar ek aisa raajya tha jaha gaanv aur sheher dono ka mishran tha. Na hi Dhananjay waha jaa ke ekdum hi paraaya mehsoos karta aur na hi ye kehta ki woh gaanv me hi aa gaya hai. Kyunki, Patna ek bada sheher tha.
Saath hi Bihar dhaarmik roop se aastha se juda hua tha. Waha ke log shehri hone ke saath-saath pooja-paath aur apni sanskriti ko bhi apne dainik jeevan me achhe se dhaale hue the. Toh, Dhananjay ke sheher me bigadne ke asaar aur bhi kam ho chuke the.
Jab Bhanu Pratap Singh ko yeh baat pata chali ki uske pita ji ne uske bete ko Patna bhejne ka faisla kar liya hai toh woh bhi virodh me kooda utha. Lekin, woh jaanta tha ki uske pita ji aevayi kuchh bhi nahi karte the.
Chaahe Manorath Singh ke ghar par phoot daalna ho ya vyavsaay aage badhaana, har jagah hi unke dimag ka istemal hota tha. Aur, parivar tezi se unnati bhi kar raha tha. Isliye, woh bhi ant me maan gaya.
Zaahir hai, Dhananjay ko akela nahi bheja gaya tha. Uske saath ek aadmi bhi gaya tha jo ki Harikiran ka apna aadmi tha aur woh hi Dhananjay ki roz-marra ki zindagi ke baare me use khabar dete rehta tha.
Par, yahi pe aaya woh badlaav jisne poori tarah se sab kuchh badal ke rakh diya.
Raman.
Sheher ko kaafi ghoom lene ke baad, jab Dhananjay bore ho chuka tha tab achanak woh ek din Raman ke sthaan pahucha. Usne dekha ki tamaam janta ek aadmi ka intezar kar rahi thi. Jigyasa-vash woh bhi wahi theher gaya aur jab usne dekha ki koi baba ji baahar aake khaat par baithe hai toh ek pal ke liye woh muh bana ke waha se jaane laga.
Magar, kuchh soch ke woh wahi theher gaya. Aur, logo ki baatein sunane laga. Jaise-jaise woh sunta jaa raha tha. Uske hosh udte jaa rahe the. Dhero log apni samasyaein leke Raman baba ke paas aate aur unse upaay leke, prasad leke waha se chale jaate.
Dhananjay ko laga yeh bhi koi dhongi hi tha jo logo ko moorkh bana raha tha aur isliye usne iss baba ki pol kholne ke baare me thaan liya. Woh aage gaya-
“Baba ji meri bhi ek samasya hai. Upaay bataoge?” Usne haath jodte hue kaha.
“Poochho baccha! Kya samasya hai!?”
“Mein Rajasthan ke Mayra gaanv se hu. Bahut badi haveli hai humari udhar. Sab kuchh hai. Paisa, zameen, jaydaad. Par, mera mann nahi lag raha tha udhar. Mujhe sheher ghoomna tha, isliye yaha aa gaya. Par, yaha aake dekha toh paaya ki yaha bhi kuchh khaas nahi hai. Logo ke paas time hi nahi hai. Gaanv bhi dekh liya. Sheher bhi. Kaha jau? Ab aur kya bacha hai? Kuchh samajh nahi aa raha.”
Usne apna sawaal bina kisi darr ke ekdum spasht baba ji ke saamne rakha. Woh dekhna chaahta tha ki kya waqai me baba ji ke paas koi gyaan tha ya nahi? Ya bas ye bhi koi dhongi tha? Agar, baba ji ne uski iss samasya ka samadhan nikaal diya, toh woh waqai me unhe maan jaayega.
Raman ke kaan idhar Dhananjay ke muh se paisa, haveli, jaydaad, zameenein sunte hi khade ho gaye. Woh jaan chuka tha ki chaara khud chalke ghode ke paas aaya tha.
“Kya naam hai baccha tumhara?”
“J-Ji Dhananjay.”
“Tumhara naam hi Dhananjay hai. Tumhe pata hai iss naam ka matlab?”
Dhananjay ne naa me sarr hilaaya.
“Baccha iss naam ka matlab hota hai dhan ko jeetne waala. Dhan ka vijeta. Aur, vidambana dekho. Tum dhan hi chhor ke yaha aa gaye?”
Raman ne muskuraate hue kaha. Aas-paas ke sabhi log Dhananjay ki samasya me dilchaspi lene lage. Sab ke kaan ab baba Raman ke upaay aur unke updesh ko sunane ke liye bekaraar the.
“P-Par baba ji. Log kehte hai ki naam me kya rakha hai. Toh, phir Dhananjay naam se meri ichha, mera bhavishya thodi pata lag sakta hai, hai na?”
“Beta naam me bahut kuchh rakha hai.”
“Woh kaise baba ji? Zara samjhaiye!”
Dhananjay ne Raman ko aur parakhne ka socha. Aur, usne apna naatak jaari rakha. Uske baad-
“Mein tumhe tumhari gaatha dohraata hu. Tum Mayra me badi haveli me pale badhe, tumhare maa-baap ne woh sab kuchh laa kar tumhare haatho me diya hoga jiski tumne zid kari hogi, tum waha se uub kar sheher ki orr nikle. Lekin, tum ghoom kiske dhan par rahe ho? Apne pita ji ke! Tumne dekha ki sheher toh aur bhi vyast hai. Aur, ab tumhe samajh nahi aa raha ki agar gaanv tumhare laayak nahi tha, sheher tumhe lubha nahi paaya toh akhir kaha jaaya jaaye? Hai na? Isliye tum pareshan ho.”
Dhananjay thoda chaunkte hue baba Raman ko dekha.
“J-Ji!” Usne sarr hilaaya. Magar, abhi bhi Raman ki baato se poornta woh sehmat nahi hua tha.
“Beta iska upaay hai…! Bhakti aur tyaag.”
“Huh?”
“Tumne aaj tak kabhi apne bal boote par kya kiya hai? Kabhi khud se paisa kamaaya hai?”
“Y-Yahi toh nahi chaahta mein baba ji. Mujhe isi moh-maaya se door rehna hai. Aur-”
Jaise hi Raman ne yeh suna toh usne fauran hi apni tarqeeb badal di.
“Toh kisne kaha ki paisa kamaana hi jeevan ka uddeshya hai?”
“Huh?”
“Kya kabhi tumne apne aap se apna bhojan banaya hai? Kabhi khud ke ghar me reh ke kaam kiya hai? Chalo woh sab chhoro! 24 ghanto me kya tumne kabhi bhi 24 second ke liye bhagwan ka naman kiya?”
“N-Nahi!”
Raman muskuraya. “Bas isliye tum moh-maaya me phasey hue ho.”
“K-Kya bhagwan hote hai, baba ji? M-Mein nahi maanta. Maine kabhi nahi maana. Agar, bhagwan hote- toh itni buri-buri cheezein kyu ghatit ho rahi hoti? Kehte hai ki kann-kann me bhagwan hote hai. Kya ye sahi hai? Bataiye!”
“Haan! Bilkul! Kann-kann me bhagwan hai. Ye srishti unki hi toh rachna hai. Har ek kann unki rachna hai.”
Jab Raman ke muh se itna nikla toh Dhananjay mann hi mann muskuraya.
‘Ab phasa tu mere jaal me, baba! Abhi teri pol kholta hu ruk!’
Aur, phir usne ek aisa sawaal kar diya jise sunn waha ke log hairaan reh gaye.
“Toh agar bhagwan kann-kann me hai. Toh kya naali, sharaab, maans, madira, inme bhi bhagwan hai baba?”
Log bhauchakke reh gaye. Kuchh muskura rahe the ye dekh ke ki ab shayad baba ji se unhe muft me koi bahut bada gyaan milne waala hai. Toh kuchh asmanjas me the ki kya baba ji iska uttar de bhi paayenge ya nahi?
“Tumne bahut seedha aur teekha prashna poochha hai, baccha. Hahaha!” Raman hasa.
Lekin, Dhananjay ke iss teekhe prashn se ab janta aur bhi dilchaspi dikhaane lagi thi. Ve sab bhi yeh jaanana chaahte the. Dekhna chaahte the ki ab baba ji kis tarah se itne kathin sawaal ke uttar denge. Aas-paas se guzar rahe log bhi ab apni-apni jagah bana kar khade hone lage. Kintu, Raman jaise pehle se hi taiyaar tha. Aur, uske baad usne bolna shuru kiya-
“Iska uttar do starro par hai, baccha! Pehla advait darshan ke anusaar — haan! Sidhaant roop me waha bhi ishwar hai. Par, dhyaan do baccha. Utpatti aur vartman me hona, dono alag baatein hai.”
“??”
“Jaise bijli har machine ko chalaati hai. TV, pankha, fridge… Lekin, wahi bijli unn machino ko bhi chalaati hai jo kasaayi khaane me lagi rehti hai. Janvaro ko maarna. Pedo ko kaatna. Parmanu banaane ke yantro me bhi bijli ka istemal hota hai. Toh kya tum bijli ko dosh doge? Nahi! Kyunki, bijli sirf urja hai. Galat upyog karne waala zimmedar hai. Waise hi har kann-kann se sab kuchh bana hai. Lekin, ye naali, jaanvar ka maans, sharaab, ye sab kiski utpatti hai? Insaani dimaag ki.”
Jab logo ne uttar suna toh ve sab sann reh gaye. Yaha tak ki Dhananjay ke badan par bhi roye khade ho gaye. Usne aaj tak itna gyaani purush apne saamne nahi dekha tha.
“A-Aur, dusra starr kya hai, baba ji?”
“Dusra starr, bhakti aur naitik drishtikonn se — Nahi! Waha bhagwan ki upasthiti nahi maani jaati.”
“K-Kya? Par, abhi toh aapne kaha ki-”
“Uttar poora suno baccha. Naali, daaru, paap, apraadh — Ye sab taamsik pravattiyaan hai, jo agyaan, moh aur maaya se bhari hui hai. Bhagwan waha tab tak nahi prakat hote, jab tak satv yaani ki shuddhata, shraddha, prem aur vivek na ho.”
“Huh?”
“Jaise ganga maiya ki dhaara kahi koode me beh jaaye, toh kya wo ab bhi poojya hai? Tatvat : Haan! Lekin, vyavhaarat : Nahi! — Kyunki, woh ab apavitra ho chuki hai.”
Dhananjay ka badan kaanp utha. Waha maujood log apne phone me recording on karte hue baba ke gyaan ko qaid karne ki koshish karne lage. Badi bhaari bheed jama ho chuki thi.
“Dhoop soorya se aati hai, par agar tumne apne kamre ki khidki band kar li, toh kya soorya doshi hai ki tumhare kamre me andhera hai? Nahi! Wahi ishwar, wahi prakash — tumhare bheetar bhi hai, par darwaza band hai. Saral shabdo me — Ishwar har jagah hai baccha, par har jagah prakat nahi hai.”
“Ahhh!” Dhananjay ko aaj apne sabse bade sawaal ka uttar mil chuka tha.
“Burayi, naali, paap, daaru jaisi cheezon me ishwar ka beej toh ho sakta hai, par waha maaya aur agyaan ne use dhak diya hai. Ishwar ka anubhav wahi hota hai jaha prem, gyaan, satkarm aur nishtha ho. Kuchh samjhe baccha?”
“Babaaaa jiiii!!”
Dhananjay pehli baar kisi ki baat se itna aakarshit hua tha. Woh haath jod utha aur Baba Raman ke perro par gir pada.
“Mujhe maaf kar dijiye, baba ji! Mein- Mein moorkh aapki pareeksha lena chaah raha tha. Par, mujhe nahi pata tha ki mere saamne swayam sakshaat siddh baba baithe hai. Mujhe apna shishya bana lijiye-! Mujhe apna shishya bana lijiye baba ji!”
Uske itne bade sawaal ka uttar baba ji ne chutkiyo me de diya tha. Toh kya ve uski aur samasyao ka hal nahi nikaal sakte the? Use poora yakeen tha ki baba ji ke zariye hi ab uske jeevan ka uddhaar ho sakta tha.
Lekin, woh nahi jaanta tha ki Raman ne ye sab prashn ke jawab pehle se hi ratt rakhe the. Itne varsho me usne kayi siddh guruo se bhaint ki thi. Usne ye gyaan wahi se churaaya tha. Farq, bas itna tha ki agar siddh guru log bina kisi maang ke logo ka maarg-darshan kar rahe the, toh usi ki aadh me Raman jaise log logo ki aastha se khel ke unke saath dhong kar rahe the.
Aur, isi jhaanse me phaste hue-
Dhananjay Raman ke paas theher ke unki seva me lag gaya. Usne unke bol ke anusaar apna maqsad tay kar liya tha — Bhakti aur Tyaag!
Aur, theek usi raat, jab sab so chuke the, Raman ke chhote se kamre me derr raat ko kisi ne dastak di.
“Pranam guru ji!”
“Aa gaye Ranjeet?”
“Ji guru ji!”
“Kya hua bhai? Uss Kanpur waale ka?”
“13 lakh nikalwa liya hu. Abhi ghar ki aur sampatti baaki hai. Sasuri uu bhi jaldi aa hi jaayegi.”
“Hahahaha! Sabbaas! Aur, tumhare liye naya bakra khud chal ke aa chuka hai.”
“Konu bakra?”
“Hai ek! *smiles* Aaj hi aaya tha sthaan par. Humara shishya banana chaahta hai. Mayra gaanv me bahut badi haveli hai, paisa hai, dher saari zameenein aur jaydaad hai. Lagta hai kisi dhanvan vyakti ki aulad hai. Iski saari khabar iske gaanv se leke rakho, Ranjeet. Agla shikaar yahi hai.”
“Ji guru ji! W-Waise-! Thoda rokda mil jaata toh-”
“Kitna chahiye?”
“Kareeban dui lakh toh laagi sasuri Kanpur waale me! Uu kaa hai na, hua ka sampatti haasil karne me thoda ghoos lagega hi lagega. Sasuri khopadiya pe baar-baar ghoda taan ke kaam nahi ho sakat. UP ka chhetra me police sakht hai thoda. Kabhi-kabhi dimag se chalna padat hai!”
Raman haami bhar utha. Apne kamre ke andar gaya. Ekdum jhopad patti waala kaccha makaan tha. Yaha tak ki zameen bhi kacchi thi. Usne zameen ke neeche ek gaddhe me se ek kapda nikaala jisme dher saare noto ki gaddiya rakhi hui thi aur usme se teen gaddi laa kar Ranjeet ko saunp di. Wapas se gaddhe me kapde ki potli ko daal usne uski upar ret aur mitti daal ke uske upar ek paani ka ghadha rakh diya.
“Ye lo! 3 lakh hai. Kaam daba ke karna.”
“Aaj tak konu kaam bigaada hai kya guru ji? Fiqar naahi karo. Sab ho jaayega.”
Kehte hue woh waha se nikal gaya. Beetein dino me usne Mayra gaanv se Dhananjay ki saari jankaari nikalwa li thi. Toh wahi, din-ba-din Dhananjay bhakti aur tyaag ke maarg par agrasar badhta jaa raha tha. Use apne naye jeevan ka uddeshya mil chuka tha. Uski dosti wahi ke aur bhi shishyo se ho chuki thi.
Jab yeh baat uske ghar me Harikiran aur Bhanu Pratap Singh ko pata chali toh Bhanu Pratap swayam hi Raman ke sthaan aa par pahucha.
“Guru ji agar aise hi aap mere bete ko patti padhaate rahe toh ye toh ghar-baar tyaag dega. Fir, humara kya hoga?”
Aaya toh Bhanu Pratap Singh krodh me tha, magar Dhananjay ki hi tarah Raman ne use bhi apne shabdo se mantra-mugdh kar diya.
“Ghabrao nahi baccha! Hum jaante hai ki tum pareshan ho. Aur, hum ise yaha humesha nahi rakhenge. 2-4 saal ise yaha rehne do. Waise bhi iske baad tum iss se kheti-baadi hi karwaoge. Aisa samajh lo ki inn kuchh saalo ke liye tumne apne bacche ko gurukul me padhne bheja hai. Fir, mein maarg-darshan jab punah karunga iska… Toh, yeh swayam tumhare paas laut aayega. Aur, iski chinta karne ki zaroorat nahi. Ye meri nigrani me hai.”
Apni chikni chupdi baato se Raman Bhanu Pratap ko raazi karne me qamyab ho chuka tha. Dhananjay toh jaise apne ghar ke baare me sab kuchh bhool chuka tha. Uski nayi zindagi shuru ho chuki thi.
Dekhte hi dekhte 2 saal guzar gaye. Dhananjay Raman ka poora bhakt bann chuka tha. Aur, tabhi ek aisi ghatna hui jiske baare me Ranjeet se leke Raman aur Mayra gaanv ke log, sabhi ko yeh pata chali, siwaaye Dhananjay ke.
Aur, woh thi-
Veer dwara Harikiran Singh aur Bhanu Pratap Singh ka khaatma. Jaha usne unki hi haveli ke baahar kue me dono ko zinda jala diya tha. Ranjeet ka ek aadmi wahi Mayra me hi sthit tha. Ranjeet ne jab yeh baat Raman ko bataayi toh uss raat woh unke kamre me hi tha-
“Guru ji-! Pata nahi kaisan ba- magar… Sasuri uu aapke Dhananjay naam ke chele ka baap-dada ka hatya ho gaya!”
“K-Kaise?”
“Pata nahi! Koi naujavan aaya. Aur, dono ko maut ke muh me utaar gaya. Kehat ba ki- badla liya hu apni maayi ka!”
“Toh tumhe pata hi hona chahiye ki kya karna hai ab *smiles* Hai na?”
“Hahaha! Ab sab hum pe chhor do guru ji! Na sirf ab hum uu ka haveli jhaptega, uu ki saari zameenein, jaydaad, paisa sab hadpunga! Tabhi ee Ranjeet ko chenn milega. Sasuri bahut intejar kiya hai ee mayra waale ka-!”
Usne itna kaha hi tha ki tabhi-
*Thud*
Achanak baahar ek laathi ke girne ki awaaz aayi. Dhananjay, jo guru ji ko kuchh dikhaane aaya tha usne baahar reh ke sab sunn liya tha. Apne baap-dada ki maut ke baare me… Sab kuchh. Use apne kaano par vishvas nahi ho raha tha. Woh bhaaga.
*huff* *huff*
Uska dil zoro se dhadak raha tha.
“Pakad! Abey pakad use! Madarchod sab sunn liya usne! Bhaag jaldi Ranjeet! Pakad saale ko!”
“Iski maayi ke-!!”
Ranjeet bhi ghabraate hue utha. Waise hi derr raat ka samay tha. Aur, upar se Raman ka sthaan hi chehel-pehel se door tha. Dhananjay bhaybheet hue bhaaga. Uski saansein tez thi.
“Pakad saale ko! Pakad! Pakad bey Satbeer-!!!”
Raaste me bhaagte hue Ranjeet chillaaya. Uske aur aadmi jo jaage hue the wo sab bhi Dhananjay ke peechhe bhaagne lage. Ranjeet jaanta tha ki agar ye ladka bhaag nikla, toh unka bhaanda poora ka poora phoot jaayega. Sab ke sab pakde jaayenge.
*huff* *huff*
“M-Maayi-! *sniff* Pita ji-! *sniff* Dada ji-!”
*huff* *huff*
“Pakad! Pakad saale ko!!! Daboch usko! Satbeer ulti side se-!”
Dhananjay bhaagte-bhaagte achanak hi apne sthaan ke paas pahuch raha tha. Agar, bas kuchh samay aur use mil jaaye toh woh waha pahuch ke halla kar ke apne baaki sadasyo ko utha sakta tha.
“B-Bachaaaaoooo!”
Woh chillaaya. Taaki, uski awaaz door tak pahuch sake. Magar, shayad yahi uski sabse badi galti thi kyunki-
“B-Bachaaaaaoooo!”
*Bang*
*Bang*
*Bang*
Achanak goliyaan chalne ki teen baar awaaz aayi aur Dhananjay neeche zameen par gir pada. Teen me se do goliyaan uski peeth ko cheer ke andar dhans chuki thi. Lahu-luhaan hote hue woh sadak par dala raha.
Ranjeet aur baaki daudate hue Dhananjay ke paas aa kar ruke. Dhananjay ukhdi-ukhdi saansein lete hue reng raha tha. Aur, tabhi-
*Bang*
*Bang*
“A-Aapne ise maar kyu diya?” Satbeer ne ghabraate hue poochha.
“Madarchodo! Saale ki laash ko thikaane lagao jaldi! Isko toh marrna hi tha. Sasuri raaz jo jaan gaya tha. Chalo! Jaldi! Jaldi! Jaldi!”
Ranjeet jaanta tha ki Dhananjay ke baap-dada pehle hi swarg sidhaar chuke the. Toh, aise me ab use rokne waala koi na tha.
Dhananjay ka ant ho chuka tha. Dukhad. Par, yahi uska ant tha. Ek hi din me, parivar ke teeno mard maar diye gaye the. Vandna udhar gaanv me jo yeh maan ke chal rahi thi ki ab uska beta hi uska akhiri sahaara tha. Woh uski talaash me Patna Raman ke sthaan tak aa pahuchi thi.
Magar, ab ise uski badqismati kahe ya fir kuchh aur-
Uska saamna Raman ke sthaan par seedhe Ranjeet se ho gaya. Woh apna dukhda use sunaati rahi aur Ranjeet use behla ke Dhananjay se milaane ke bahaane se le gaya aur use bandhi bana liya.
*Chataaaaak*
“Ahhhh!”
Ek chaata aa kar Vandna ko uske chehre par pada.
“Chal! Ab tu hi hua Mayra ka saari jameen dilwayegi. Saara paisa tu hi nikalwayegi. Chal!”
“M-Mera beta-! Mera beta!!!”
“Hahahaha! Tuhaar bitua humaare qabze me hai, samajh gayi. Hehehe! Meri pyaari maayi. Chal! Chal chal ke ab apne ee lalla ko saari sampatti dikha. Chal!”
Ranjeet use bandhi bana ke gaanv wapas laaya. Apne bete ki jaan ko khatre me daalne ke darr se Vandna apna muh band kiye sab kuchh bataati chali gayi. Magar, woh bechari ye jaanti tak nahi thi ki uska laadla toh usi din marr gaya tha jis din uska pati aur sasur marey the.
Kayi maheene guzar gaye, lekin inn mahino me Ranjeet poori shiddat se wasooli aur jankari ikhatti karne me laga hua tha. Usne kayi zameenein hadap li thi. Usne kayi saari jaydaad apne naam karwa li thi. Usne kaafi dhan, sona, jawaharat apne qabze me kar liye the.
Gaanv ke logo me apne aadmi bhej ke usne sab pata lagwa liya tha ki uss raat yaha kya hua tha. Harikiran akhir mara kaise tha. Aur, kaafi hadd tak use ye pata lag chuka tha ki koi naujavan tha.
Magar, gaanv ke log Veer ka naam bataane se peechhe hat chuke the. Veer ne unke upar upkaar kiya tha. Gaanv waalo ki ekta iss paksh me bahut mazboot thi. Ranjeet bhi shaatir tha. Woh jaanta tha ki aise zabardasti jankaari ko nahi nikalwaya jaa sakta tha.
‘Sasuri konu aur dimaag lagana padega ee game me!’
Par, jab woh soch hi raha tha ki kaise Veer ke baare me jankari ikhatti ki jaaye tabhi achanak-
*Ring* *Ring*
Uska phone baj utha. Usne dekha ki call Mumbai, Maharashtra se aa raha tha. Koi unknown number. Usne call uthaaya.
“Hello?”
“Ranjeet! Kyu hai na? Yahi naam hai na?”
“Haan! Tu kaun bol raha hai?”
“Woh jaanane ki zaroorat nahi hai tumhe. Bas itna jaan lo ki Harkiran Singh aur Bhanu Pratap Singh ko Veer ne maara tha.”
“H-Huh? K-Kaun hai bey tu?”
“Maine kaha na! Tumhe ye jaanane ki zaroorat nahi. Veer Mumbai se hai. Ek businessman. Ek naujavan jiski talash me tum ho. Yaha tak ki uski ek badi si hotel bhi hai. Bahut raees hai woh. *smiles* Bahut paisa hai uske paas.”
“Maayi ke chode wrong number hai saale. Hatt teri behan ki-”
Ranjeet ne dimag se qadam uthaaya. Usne apne laundo ko aas-paas ka jayza lene bheja. Kahi aisa toh nahi ki ye call police dwara karwaya jaa raha tha taaki woh haami bhar unko saboot dede ki wahi inn sab ke peechhe tha?
“Funny ho tum. Lekin, mujhe jo batana tha maine bata diya. Have fun!”
Aur, call cut ho gaya.
“H-Hello!? Hello?”
Magar, koi jawab nahi aaya.
“Iski maayi ki choot.”
Use pata chala ki sab kuchh clear tha. Aas-paas koi bhi police nahi thi. 'Veer' naam aur uska raees hone ke baare me sunte hi uske mann me laalach jaag chuka tha. Akhir, tha toh Veer ek naujavan hi.
Kya hoga agar, woh iss Dhananjay ko lootne ke saath-saath uss Veer ko bhi loot le? Uske dimag ki ghanti baji. Uska dimag bahut tezi se dauda.
“Hahahahahahaha!”
Woh zor-zor se hassne laga. Usne Vandna ko dekha.
“Kyu re maayi? Tujhe badla lena tha na? Uu Veer se? Haan? Wahi Veer hi hai jisne tere pati aur sasur ko maara tha. Hahahaha!”
Vandna ki aankhein phati ki phati reh gayi. Beshaq, woh Veer ko nahi jaanti thi. Lekin, gaanv waalo ki baato se, aur idhar-udhar ki suni sunaayi baato se use iska andaza lag chuka tha ki uske pati aur sasur ko maarne waala Manorath Singh ke parivar ke kul ka ek vaaris tha — Veer Singh.
Woh kabhi Manorath ke ghar nahi gayi thi. Jitni baatein woh uss ghar ke baare me sunti thi, woh Harikiran ya Bhanu Pratap ke muh se hi suna karti thi. Zaahir hai, ve dono humesha teekhein shabd hi bolte the uss ghar ke liye.
Aur, isliye Vandna ke mann me Manorath ke parivar ko leke koi aadar nahi tha.
Parantu, woh yeh nahi jaanti thi ki uske pati aur sasur ko maara kyu gaya tha. Woh abhi bhi uss dard se tadap rahi thi. Upar se uska apna beta jo ki bandhi bana hua tha. Aur, ab ye naya ladka… Ranjeet, jo keh raha tha ki woh badla lega?
Kaise?
Uski kuchh samajh nahi aa raha tha aur isliye-
Jab ek din Ranjeet aur uske aadmi uski haveli me so rahe the. Aur, Mumbai jaa kar badi machhli phasaane ki tarqeeb bana rahe the tab woh waha se bhaag nikli. Bijaipur ki orr…!
Use sach jaanana tha. Bijaipur me hi use koi mil sakta tha. Jo use sach bata sakta tha. Woh apna muh chhipaate hue dar-dar bhatakti rahi ki kahi se koi use aisa mil jaaye jo Manorath ke parivar ke baare me sab kuchh use bata sake.
Woh dukaano me jaa ke logo se poochhti, khet me kaam kar rahe kisaano se poochhti, kue se paani bhar rahi mahilao se poochhti.
“S-Suniye! Aap Bijaipur ki haveli ke parivar ko jaante hai kya? Y-Ya Manorath ji ke parivar ko?”
Lekin, use sandigdh samajhte hue log use kuchh bhi bataane se mana kar dete. Jab ek baar-
“H-Huh? K-Kya kaha aapne didi? Bijaipur ki haveli ke log? M-Manorath ji ka parivar? A-Aap Veer sarkar ke parivar ki baat kar rahi ho kya? Bhavna didi?”
Sunte hi Vandna ka badan kaanp utha. Woh bas ahista se haami bhari. Uska chehra abhi bhi poora dhaka hua tha.
“Are toh pehle batana tha na! Chaliye mere saath. Kaaki se zyada koi nahi jaanta iss baare me. Balki, Veer sarkar ka kya… Jiske parivar ke baare me poochhna ho kaaki ko sab kuchh gyaat hai. Yaha tak ki Mayra ki haveli ke parivar ke baare me bhi bata dengi woh hahahaha!”
Vandna ka badan sihar utha. Mayra ki haveli ka parivar? Ye toh uska apna parivar tha. K-Kaise? Woh apne muh par bandha kapda adjust karte hue ek kacche makaan ki taraf pahuchi. Ye ladki use yahi laayi thi.
“Jaiye andar. Kaaki andar hi hongi! Jaiye! Arey jaiye! Sharmaiye mat. Kaaki bura nahi maanengi.”
Sarr hilaate hue Vandna andar daakhil hui. Saamne mitti ke chulhe par ek budhi aurat rotiyaan sek rahi thi jab use kisi ke aane ki aahat hui. Woh palti toh usne dekha ki koi anjaan mahila apna muh chhipaaye dehleez par khadi hui thi.
“K-Kaun?”
Bina kuchh kahe, Vandna ne apne chehre se kapda hata diya. Uski saansein tez thi. Ranjeet ke aadmiyo dwara pakde jaana ka darr bhi use sata raha tha. Woh bhaag kar jo aayi thi.
“Vandna? K-Kya yeh tum ho?”
Jab uss budhi aurat ne uska naam liya toh Vandna ki rooh kaanp gayi. Woh iss aurat se apne jeevan me pehle kabhi nahi mili thi. Fir, akhir yeh mahila use kaise jaanti thi?
“A-Aap mujhe kaise jaanti hai? K-Kaun hai aap kaaki!?”
Budhi aurat muskurayi aur usne apne haatho me liya chameeta wahi neeche zameen par rakha. Aur, khade hote hue boli.
“Mein… Abhilasha.”
“Huh??”
Abhilasha. Wahi Abhilasha jo Bhavna ki sevika thi. Veer ke parivar ki sevika. Jiske iss kacche makaan me uss raat Veer, Bhavna, Shweta, Kavya, aur baakiyo ke sang thehra tha. Jaha Bhavna ne apne ateet ki gaatha sunaayi thi.
Vandna bhauchakki si use ghoor rahi thi. Abhilasha? Kaun Abhilasha? Woh kisi Abhilasha ko nahi jaanti thi. Fir, yeh aurat use kaise jaanti thi? Kya isliye ki woh Mayra ki haveli ki sethani thi isliye log use jaante the? Haan, yahi kaaran raha hoga. Lekin, Abhilasha ke agle bol ne uski saari soch ko mitti me mila ke rakh diya.
“Mujhe pata tha ki tum yaha ek na ek din aaogi hi aaogi. Kaho! Kya jaanane aayi ho?”
Vandna ka shareer jhatka kha ke reh gaya.
“K-Kya matlab? M-Mein-”
“Bas apne sawaal rakho bitiya!”
Vandna ne khud ke mann ko shaant kar ek gehri saans li, woh nidar hoke, thoda krodh me Abhilasha ki orr dekhi aur poochhi.
“Agar, aap mujhe jaanti hai, toh yeh bhi jaanti hongi ki mein Mayra ki haveli ki sethani hu.”
“Hu ya thi?”
Abhilasha ke sawaal par Vandna ka badan ek baar phir thitak utha. Woh kaanpi. Beshaq, ab woh kahi ki bhi sethani nahi thi. Balki, uski khud ki aur uske bete ki jaan khatre me thi. Usne gusse me apne daant meese.
“Agar aapko yeh pata hi hai, toh yeh bhi pata hoga ki Veer naam ke ladke ne mujhse mera parivar chheen liya! Mere pati ko, mere sasur ji ko- Unhe… Unhe zinda kue me jala diya gaya! Aur, log tamasha dekhte rahe. *sniff* Bhale hi mujhe uss parivar se bahut sneh nahi mila. Lekin, mera parivar tha woh! Kyuuu? Kaun hai Veer? Kaha hai iss Manorath ka parivar? Badla lena chaahti hu mein!!!”
Abhilasha mand-mand muskurayi. Jaise woh jaanti thi ki yeh hona hi tha.
“Kya tumhe nahi pata ki tumhare pati aur sasur ki hatya kyu kari gayi?”
Vandna ki uss prashn par aankhein chaudi ho gayi.
“Toh suno! Mein sab bataati hu tumhe-!”
Uske baad Abhilasha ne woh sab bataaya jo use Suman se pata chala tha. Kaise Harikiran aur Bhanu Pratap Singh ne Karunesh ke saath saazish rach ke Bhavna ke saath ghinauna khel khela tha. Kaise use ghar se baahar nikalwaya gaya tha aur kaise woh uski santaan ko maarne ke chakkar me the, kaise itne beetein varsho me unhone Manorath ke parivar ko deemak ki tarah kha ke use andar se khokhla karna shuru kiya.
Sab kuchh Abhilasha bataati chali gayi. Aur, jaise-jaise Vandna ye sunti gayi, uske badan ke harr ek roye khade hote chale gaye. Aankhon se aasu behna shuru ho gaye.
“Y-Yeh jhooth hai!”
“Yahi satya hai bitiya! Lekin, tumhare parivar ke patan ka kaaran sirf yahi nahi hai. Ek kaaran aur bhi hai. Aur, woh… mukhya kaaran hai.”
Mukhya kaaran? Iss se bada kaaran aur kya ho sakta tha? Woh aankhein phaadi Abhilasha ko ghoorti rahi.
“KYUNKI TUM-”
Achanak hi Abhilasha ki awaaz bhayanak roop se oonchi ho gayi. Vandna ke badan me ek sihran daud gayi. Aur, agle hi kshan Abhilasha ne ek sabse bada raaz uske saamne ujaagar kiya.
“KYUNKI TUM- PARIJAAT KI AURAT HO!!!”
*Boom*
Maano ek adrishya visfot hua Vandna ke mann me. Uska badan kaanp utha. Parijaat ke baare me kaun nahi jaanta tha? Parijaat ka itihaas wo tha jo dono gaanvo me fela hua tha. Uski apni ek kahani thi. Uski apni ek gaatha thi. Woh kahani hi aisi thi jise koi bhula nahi sakta tha. Bhale hi Parijaat ki aurton ka astitva keval aur keval Bijaipur ki haveli tak hi seemit tha. Magar, iski katha dur-dur tak prachilit thi.
Aur, Mayra ka gaanv bhi koi apvaad nahi tha. Vandna ne Parijaat ke kisse sune the. Woh iss shabd se parichit thi. Lekin, uska Parijaat ki aurat hona? Sunte hi woh apne ghutno par gir padi. Aur, tabhi Abhilasha ki awaaz narm pad gayi.
“Yahi satya hai bitiya.”
Vandna ne apne aansu se bhare chehre ko upar kar Abhilasha ko dekha. Pata nahi kyu, par iss aurat se use apne liye atyadhik prem mehsoos ho raha tha.
“K-Kya mein aapki beti hu? N-Nahi! Mere mata-pita toh guzar chuke hai. M-Mere pita ji toh- woh toh bahut bade zameendar the. Unhone hi meri shadi Singh parivar me karwayi thi. Phir, aapko dekh ke aisa kyu lagta hai ki-”
“Nahi! Tum meri beti nahi!”
Vandna ne ek raahat ki saans li. Woh itne saare jhatko ke liye taiyaar nahi thi. Lekin, yeh uski galat-fehmi thi agar woh yeh soch rahi thi ki jhatke yahi samaapt hone waale the.
“Lekin, tumhare guzar chuke mata-pita bhi tumhara asli parivar nahi.”
“Ahhh!??”
Vandna ki aankhon se aasu bahe. Woh apna muh khole bhaybheet hoke Abhilasha ko ghoori. Ab uske ghutne bhi kaanpne lage the.
“Y-Yeh jhooth hai! Sab jhooth bol rahi ho aap! Mujhe achhe se yaad hai! Maine apna bachpan guzaara hai. Wahi mere maa-baap-”
“Unhone tumhe goad liya tha.”
“Huh!!!”
Vandna ko jhatke par jhatke lagne ab shuru ho chuke the.
“N-Nahi! Aap jhooth bol rahi hai! Aapko bhala ye sab kaise pata ho sakta hai?”
Woh gusse se ab haanf rahi thi.
“Kyunki, tum- tum meri behan ki bacchi ho, Vandna!”
Ek aur visfot Vandna ke mann me hua.
“Tum meri badi behan ki bitiya ho.”
“Jhooth! Jhooth bol rahi hai aap! Mere pita ji zameendar the. Maine apna bachpan unke saath guzara hai!”
“Tumne sahi kaha. Magar, tum kaafi chhoti thi jab unhone tumhe goad liya tha.”
“Jhoooothh! Kyuuu? *sniff* E-Ek zameendar bhala… bhala Parijaat ki aurat ki beti ko goad kyu lenge? Ye jaante hue ki Parijaat ki aurtein Bijaipur ki haveli ke waariso ki rakhelein thi???”
Woh zor se garji. Isme koi shaq nahi tha ki Parijaat ki aurtein Bijaipur ki badi haveli me Singh parivar ki daasiya thi. Toh, phir ek jaana-maana zameendar aisi bacchi ko goad kyu lega?
“Kyunki, unhe apna rinn chukaana tha.”
“Huh?”
“Poorv me Parijaat ki aurton ne tumhare goad lene waale mata-pita ki behad madad ki thi. Isliye, zameendar ji ne vachan diya tha ki ve Parijaat ki aurton me se kisi ek ki santaan ko khud paalenge, aur uska kanya-daan karenge. Ye Parijaat ke liye bhi saubhagya ki baat thi. Aur, isliye… Unhone phir tumhe goad liya tha.”
Vandna ke aansu jhar-jhar kar uski aankhon se behte chale gaye.
“T-Toh kaun? Kaun hai mere asli mata-pita? *sniff* Bataiye!”
“Meri badi behan hi tumhari maa thi bitiya. Aur, tumhare pita ek kisaan the. Renuka, meri jijji. Badi behan. Aur, tumhare pita — Santosh.”
“K-Kaha hai? Kaha hai ab wo? *sniff* Boliye!”
Par, Vandna ke sawaal par Abhilasha bas maayus ho kar muskurayi. Aur, Vandna samajh gayi. Uske aansu aur zor-zor se behne lage.
“Kyuuuuu? Kyu ye sab hone diya aapne? *sniff* K-Kyu??”
“Kyunki, yahi tumhara uddeshya tha bitiya.”
“K-Kya matlab?”
“Tumhara bhavishya usi kshan nirdharit ho gaya tha jis samay tumhara naam Parijaat se juda tha. Jis waqt tumne janm liya, usi kshan tum Bhavna maalkin ke Singh parivar ki daasi bann chuki thi. Ab mein tumhe Parijaat ka woh sach sunaane jaa rahi hu jiske baare me har koi itna vistaar se nahi jaanta. Toh suno, bitiya. Dhyaan se suno!”
Abhilasha ne phir ek gehri saans lete hue bolna shuru kiya.
---
Varsho puraani baat hai. Woh samay jab Bijaipur ki haveli ki neev rakhe bas kuchh hi varsh beete the. Iss samay Mayra ki haveli astitva me hi nahi thi. Jab Bhavna ke pita ji, Dharam Singh ke poorvaj Bijaipur ki haveli ke maalik the. Gaanv ki ekmaatra badi haveli hone ke naate sabhi uss ghar ke logo ki izzat kiya karte the.
Haveli ke aangan me lagbhag har roz ek baithak lagti thi. Gaanv ke kuchh bade log aapas me baith ke tamaam vishayo par charcha kiya karte the. Chaahe gaanv ke vikaas ko lekar koi baat ho ya angrezo ki badhti ghus-paith ki charcha. Sab wahi aangan ki baithak me hi hota tha.
Panchayat se zyada musibato ke hal haveli ki baithak me nikalte the. Par, isi ke saath baithak me aur bhi anya mehmano ka aagman hota tha. Koi dusre sheher se aaya prasiddh naatak-kar unhe apna naatak dikha ke unka manoranjan karta tha, toh koi nritya-kar aake apne nritya se unka mann mohta tha.
Baithak ek Raja ke darbar ki baithak ke samaan lagne lagi thi. Roz shaam ko poore gaanv me iss baat ko lekar utsaah fel jaata tha ki badi haveli me baithak lagne waali hai. Poore gaanv waale bas isi aasha me rehte the ki aaj kaun se mehmano ka aagman hoga? Aaj kya charcha hogi? Uss waqt TV nahi hua karta tha. Toh, baithak hi woh zariya thi jis se aam aadmi apna samay kaat ke manoranjan karta tha.
Aaye din log haveli ke ghar ke logo ko prasann karne ki koshish me lage rehte the. Aaye din unki seva karte. Aur, seva ki jab baat aati thi toh unme aurtein bhi shaamil hoti thi.
Kintu, tab seva sirf aur sirf ghar ke kaamo ke liye ki jaati thi. Shareerik taur par koi bhi stree haveli ke mardo se sambandh nahi banaati thi. Itni maryaada sab me thi.
Aur, inhi sevikao ka ek bahut hi prakhyaat samooh tha. Sabhi aurtein behad hi khubsurat thi. Ve sab dur ek gaanv se Bijaipur me rehne aayi thi. Sabhi ki sabhi anaath thi aur ek aashram me pali-badhi thi.
“Maine suna hai aapki iss haveli ne angrezo ki pratadna se har baar gaanv waalo ko bachaya hai. Kya yeh sach hai, Sarkar?”
Unke samooh ki woh sabse anubhavi thi aur unke sangathan ke saare nirnay wahi leti thi. Haveli ke maalik muskuraye aur poochhe.
“Kya naam hai aapka?”
“Mein Parineeti, Sarkar!”
“Aur, mein Baldev Singh. Ji haan! Aapne theek suna hai. Mein iss baat ki zamanat toh nahi le sakta ki mera gaanv angrezo se mukt hai. Lekin, unke dushkarmo ke prabhav ko kam karne me zaroor Bijaipur humesha se hi agrasar raha hai aur aage bhi rahega. Hum ladaayi se nahi, dimag se unhe santulan me rakhte hai.”
Parineeti muskurayi. Use bas yahi sunana tha. Woh yaha aayi hi isliye thi taaki uske gaanv me angrezo ke badhte atyachar se wo aur uska sangathan bach sake.
“Toh aaj se yeh Parineeti aur uska yeh chhota sa samooh aapke kul ki seva me apne aap ko samarpit karna chaahta hai, Sarkar.”
“Huh?” Baldev Singh achraj me use dekhe.
Zahir hai, Parineeti ka ‘seva’ se matlab tha ghar-baar ki seva. Na ki koi shareerik roop se yaun sambandh.
“Iski koi zaroorat nahi hai. Aap sabhi ke rehne ka intezam ho jaayega. Aap fiqr mat kariye.”
Lekin, Parineeti apne faisle par adig thi. Kyunki, use aur bhi maang rakhni thi.
“Meri ek aur farmaish hai Sarkar aapse. Seva toh hum sab karenge hi… Lekin, mera samooh kaafi bada hai. Agar, gaanv me inn sabhi ko inke hisaab ka koi kaarya mil sake, toh bahut bada upkaar hoga.”
“Hmm!” Baldev Singh ne haami bhari. “Ho jaayega. Kya ye sab nipud hai?”
“Beshaq, Sarkar! Meri adhiktar saheliyaan har tarah ke kaamo me nipud hai. Kisaani se leke rasoi se leke sangeet tak. Sabhi ki apni-apni visheshtaaye hai. Maine inn sabhi par bahut dhyaan diya hai.”
“Aap befiqr rahiye! Inn sabhi ko kaarya dilwaane ki zimmedari meri hai.”
“Toh fir aaj se Parineeti ka yeh samooh aapki seva me haazir rahega, Sarkar. Lekin, uss se pehle… Mein chaahti hu ki aap mere samooh ka naamkaran kare.”
“Naam karan?” Baldev Singh soch me pad gaye. Unke agal-bagal kaafi vidyavan log bhi baithe hue the. Jab Baldev Singh ne naam ke liye unse raay maangi, toh unme se ek ne kaha-
“Aam taur par aurtein aise muh khol ke nahi ghoomti, Sarkar. Humari pratha rahi hai. Lekin, ye sab anaath hai. Aur, bahut hi pratibhashali hai sab ki sab. Sabhi ek se badh kar ek sundri bhi hai. Ekdum Pariyo ki jaat samaan…! Toh, kyu na inke samooh ka naam — Parijaat rakh de?”
Naam sunn Baldev Singh ne ek haami bhari. Parijaat naam ‘Parineeti’ ke ‘Pari’ se liya gaya tha. Aur, choonki ve sab pariyo ki jaat ke samaan sundariya thi, isliye unke samooh ka naam pada — Parijaat.
Parineeti ko iss naam se koi pareshani nahi thi. Balki, ye naam sunn woh khush thi. Aur, uss din Bijaipur ki haveli me Baldev Singh ji ne pehli baar-
Parijaat ki neev rakhi.
Aise hi kuchh hafto baad, aane waale mehmano me shaamil the ek behad hi siddh purush — Paramhans Mahadevanand Ji.
Jo Pushkar sheher se aaye the aur behad hi prasiddh the apni siddhi ke liye. Unke darshan maatra se hi aadmi apne aap ko dhanya maan leta tha. Unki aayu kya thi koi nahi jaanta tha. Kaha jaata tha ki unhe kayi siddhiyaan praapt thi, magar jo ek do prakhyaat thi woh thi — Prakriti Darshan Siddhi aur Bhava Pravesh Siddhi.
Ve jaane jaate the apne ek mahaan kaam — Saat Patthar Jagran ke liye.
Ek baar Mandoli naam ke gaanv me sookha pad chuka tha. Toh, unhone saat patthar saat alag-alag jagaho se ikhatte kiye the. Registan, nadi ka taal, shamshan, yuddh-kshetra, mandir ka khandahar, parvat ka shikhar, aadivaasi jangal.
Inn saat jagaho se saat patthar ikhatta kar unhone apni urja aur mantro ke ucchaaran se gaanv ke beecho-beech baith kar raat bhar jap kiya tha jis se-
Saat dino ke andar hi andar poora sookha gaanv se gaayab ho chuka tha. Varsha hone lagi thi. Faslein ugne lagi thi. Aur, woh sthaan ek teerth-gaman ka sthaan bann gaya — Saptavivek Sthaan.
Britishers ne ise adhyatmik visangati ka naam de kar iske baare me aneko lekho me likhna shuru kar diya tha.
Devnagari me likha unke dwara ek lekh jise jaana jaata tha — Raamchaitanya ke naam se, jisme 108 sookshm shareer avlokano ka vivran tha. Aaj ise hi ‘Akasha Kaagaz’ ke roop me jaana jaata tha.
Aaj wahi siddh Mahadevananand ji swayam Bijaipur ki haveli me Baldev Singh ke ghar padhaare the. Haveli ka vishal aangan upar se khula hua tha. Vidyavan, zameendar, pehredar, aur pujari, sabhi waha maujood the.
Pardo ke peechhe ghar ki streeyaan aur Parijaat aurtein khil-khilaati aur sharmaate hue baithak ko dekh rahi thi.
Mahadevanand ji dheere-dheere, nange paanv, apni lambi rudraksh ki maala ko dheere-dheere hilaate hue andar aaye. Veh aangan me daakhil hue.
“Kya mere jaise ek gareeb pathik ke liye iss ghar me koi aashray hai kya, Raajan?”
Baldev Singh turant haath jod kar khade ho gaye, unki aankhein vismay se zyada samajh se sikudi hui thi.
“Mein koi Raja nahi, guru ji! Rajan keh kar mujhe pukaarne ki zaroorat nahi hai. Aap yaha aaye, wahi bahut hai mere liye. Mein nahi jaanta ki aap kaun hai, lekin itna zaroor jaanta hu ki aap jaise siddh purush sharan nahi lete. Aap meri pareeksha le rahe hai.”
Mahadevanand ji mand-mand muskuraye, akhirkar unki aankhein khuli.
“Kya aapke poorvaj Raja Maharaja nahi the?”
Unke prashn par Baldev ji ka shareer jhatka kha gaya.
“J-Ji guru ji! Ve sab Raja the. Lekin, mein nahi.”
“Aap saaf-saaf dekhna jaante ho, Rajan! Toh, dekhte hai ki aapki drishti kaha tak pahuchti hai. Mere paas ek kaarya hai… jo betuka hai. Shayad murkhtapoorn bhi. Kya aap karenge?”
“Aadesh dijiye, mahatma.” Ve jhukte hue bole.
“Toh suno! Apne dakshini kheto ke theek baahar banjar zameen me ek gehra kua khodo. Lekin… Use paani se nahi bharna. Iski bajaaye, usme 60 mitti ke kalash rakho, jinhe ghee, gudd, sarso, haldi aur apni Parijaat ki har stree ke kuchh baalo se band kar do aur neem ke patto se dhak do. Yeh gyaarah dino ke bheetar poora ho jaana chahiye. Koi sawal nahi.”
Mahadevanand ji ne gambheerta se kaha. Aur, waha sannaata chha gaya.
Pehli baat toh yeh thi ki guru ji ko Parijaat ke baare me kaise bodh tha? Aur, dusri ye ki yeh kis tarah ka kaarya tha?
Pardo ke peechhe se tabhi ek dheemi si khilli udi, aur phir ek awaaz — jo itni tez thi ki use lagbhag har kisi ne sunn liya tha.
“Hmph! Dekho toh buddhe ko! Kya hum ye maan le ki iss pagalpann se hum angrezo se mukt ho jaayenge? Sookhe se bach jaayenge? Ye saadhu bas bhagwan banane ke liye kahaniya bana raha hai.”
Awaaz thi Padmini ki, jo Parijaat ki sabse sundar stree aur sabse prashansit mahilao me se ek thi. Buddhiman, chalaak, aur behad khubsurat. Samay ke saath use lagne laga tha ki woh apne padd se upar thi. Use sirf ‘ghar ki sevika’ kehlaane se chidh hoti thi. Halanki, kaam sammaan-janak tha aur woh araam se rehti thi. Lekin, apni sundarta aur buddhimatta par garv use na sirf gaanv waalo se, balki Baldev Singh se bhi shreshta mehsoos karaata tha.
Lekin, uss garv ke neeche ek gehri asuraksha chhipi thi. Haveli ki deewaro ke baahar uske paas koi virasat nahi thi. Koi swatantrata nahi. Koi taaqat nahi.
Toh, jab yeh saadhu aaya aur Parijaat ki mahilao se anushthan ke liye apne baalo ka ek katra daan karne ko kaha, toh Padmini ne ise vyaktigat roop se le liya.
‘Hum rajao ya inn aadmiyo ki daasi nahi hai. Kisi bhatakte baba ki bakwas ke liye hum apne reshmi baalo ka ek katra bhi kyu de?’
Woh iss anushthan ko aadhyatmik nahi, balki purush-pradhan andh-vishvas maanti thi, jiska uddeshya daiveeya kaarya ki aadh me mahilao ko niyantrit karna tha.
Toh, jab uske bol waha goonje-
Bechaini se ek badbadahat uthi. Lekin, Mahadevanand ji ne bas jharoke ki taraf dekha aur kuchh na kaha. Ve Baldev ki orr mude. Woh achraj me khada hua tha. Baldev ne sakhti se Parijaat ki aurton ko dekha aur uske dekhne par ve sab shaant ho gayi.
“Toh, bolo Rajan! Aap karoge?”
“Ji guru ji!” Baldev Singh ne jawab diya.
9 dino baad…
Kaarya samapti ke qareeb pahuch raha tha. Mazdoor aur naukar din-raat kaam kar rahe the. Kalasho ko taiyaar kiya gaya, zameen khodi gayi, anushthan samapt hua, lekin gyaarvhi raat ke pehle hi nauvi raat ko kuchh hua.
Kalasho ke saath chedh-chadh. 60 me se 4 kalash toote hue mile. Unki saamagri apavitra ho chuki thi.
Apradhi?
Padmini. Wahi mahila jisne iss kaarya ka mazak udaaya tha. Woh, 28 anya Parijaat mahilao ke saath, gupt roop se iska peechha kar rahi thi. Unhe yeh poora anushthan ek dikhawa lag raha tha. Kuchh ki dharnaaye toh ab ye bhi bann chuki thi ki Mahadevanand ji keval ek dhongi tha jo satta haasil karne ki koshish kar raha tha.
Kehte hai na ki ek gandi machhli poore talaab ko ganda kar deti hai. Padmini ke andar ka guroor bhi baaki mahilao ko prabhavit kar chuka tha.
Iss se bhi buri baat yeh thi ki Padmini ne Mahadevanand ji dwara uss sthal ke paas rakha gaya kaala rudraksh bhi chura liya tha, jiske baare me kaha jaata tha ki woh unki shakti ki muhar thi.
Agli hi subah, apavitrata ki khabar fel gayi. Gaanv waalo ki saansein atak gayi. Hawa bhaari ho gayi, maano kisi bhayankar toofan se pehle ki ho.
Poora gaanv haveli ke baahar ikhatta ho gaya. Mahadevanand ji beech me chup-chap khade the. Bheed me logo ke chehre sharm se lajjit the.
Baldev Singh jaan gaye the ki yeh galti Padmini ki thi. Kuchh wafadar Parijaat ki aurton ne ye raaz khol diya tha. Yeh jaante hue ki Parijaat unki zimmedari hai, ve aage badhe aur ghutno ke bal baith gaye.
“Hey gyaani, mujhe kshama kijiye! Paap mera hai. Jis par aapne bharosa kiya, usne iss bharose ko tod diya. Iska bhaagidaar mein hu, guru ji!”
Mahadevanand ji ne uski orr dekha — aankhein teekhi, phir bhi shaant.
“Ab samajh aaya ki maine aapko Rajan keh ke kyu pukaara tha?”
“Huh?”
“Aaj aapne ye siddh kar diya ki aap apne purvajo ki tarah hi zimmedari ka taaj pehente ho. Aaj aapne saabit kar diya ki aapke kul ka khoon samay ke saath patla nahi hua. Kisi aur ki galti ka dosh apne sarr lena asaan baat nahi, Rajan.”
Unhone Baldev ke kandho par haath rakha aur unhe dheere se uthaaya. Phir, veh bheed ki orr mude aur garajte hue bole.
“Lekin, jisne paap kiya hai, veh abhi bhi chhipa hai. Parijaat ki Padmini — Saamne aao!!!”
Parde ke peechhe se ek cheenkh sunayi di. Padmini kaanpte hue ghutno ke bal gir padi. Use nahi laga tha ki woh pakdi jaayegi.
“Ek kuleen vyakti ne tumhe aashray diya… Uske haatho ne tumhe bhojan diya… Uske ghar me tumhe suraksha di… Aur, phir bhi tumne uske saath-saath dharm se chori ki.”
Hawa tez ho gayi. Unhone gangajal se bhara ek peetal ka paatr khola aur use agnikund me chhidka. Unhone kaale kapde ki ek patti nikaali, pracheen atharva mantro ka jaap kiya aur pavitra agni ki teen baar parikrama ki.
Laptein aprakartik roop se uthne lagi.
“MEIN YEH SHRAAP DETA HU KI — PEEDHIYO TAK YEH GYAAT HO KI ABHIMAN KA PAAP DAND SE NAHI BAKSHA JAYEGA! AAJ SE, PARIJAAT KI STREEYAAN — JINKA SAUNDARYA UNKA AHANKAR THA, JINKA SATEETVA UNKA HATHIYAR THA — USI VANSH KI SEVA KARENGI JISE UNHONE APAVITRA KIYA!”
Ve aankhein band kar ke ruke aur phir garje.
“MAANSIK ROOP SE! BHAVNATMAK ROOP SE! AARTHIK ROOP SE! AUR… SHAREERIK ROOP SE! UNKA ABHIMAN TOOTEGA! UNKA AHANKAR BEDIYO ME BAANDH DIYA JAYEGA! AUR, SANSAR KE SAMAPT HONE TAK UNHE BALDEV SINGH KE PARIVAR AUR UNKE VANSHAJO SE BAANDH DIYA JAYEGA!”
“AUR, AGAR ISS SE BACH KAR BHAAGNE KI KOSHISH KI- YA PARIVAR AUR KUL KO KISI BHI TARAH SE HAANI PAHUCHANE KI KOSHISH KI, TOH UNKA AUR UNKE PARIVAR KE PATAN KA KAARAN BANEGA YAHI SHRAAP.”
Bheed avaak reh gayi. Padmini chakkar kha ke behosh ho gayi. Parijaat ki Parineeti daud kar aage badhi aur guru ji ke charno me gir padi, aur bekabu hokar rone lagi.
“Maharaj! Mahatma! Hum moorkh the. Aapko chahiye toh mujhe shraap de dijiye — lekin, baakiyo ko chhor dijiye. Hume humari sateetva ki haani se bacha lijiye.”
Baldev Singh bhi ghutno ke bal gir kar vinti karne lage.
“Mahaan! Ve sab meri dekh-rekh me hai. Jo bhi dand dena hi — mujhe dijiye. Lekin, unka saar kalankit mat kijiye. Kripya, guru ji-”
Mahadevanand ji chup ho gaye. Jwalaaye mand pad gayi. Hawa thandi ho gayi. Unhone dheere se apni aankhein upar uthayi.
“Ek baar diya gaya shraap wapas nahi liya jaa sakta, Rajan! Lekin, use… seemit zaroor kiya jaa sakta hai. Keval aur keval aapki wajah se-”
Unhone uss agni se raakh uthayi aur use apni hatheliyo me ragda.
“PARIJAAT KI AURTEIN SABHI WAARISO KI NAHI, BALKI KEVAL EK KI SEVA KARENGI! VEH JO BALDEV SINGH KE VANSH ME SARVASHRESHTA HOGA! JISKA DHARMA SABSE BADHKAR HOGA! JISKA MANN USKI TALVAR SE BHI TEZ HOGA! JISKI AATMA NISHKALANK HOGI! VE SAB USKI SEVA KARENGI — AUR KEVAL USKI! HAR TARAH SE SHRAAP YAHI MAANG KARTA HAI!”
Ek sannata chha gaya.
“Aur, ise ek sabak maan lo! Uss kripa ki bhi apni seemaaye hoti hai. Dharm unki raksha karta hai jo uski raksha karte hai. Aur, unka naash karta hai jo uska uphaas karte hai!”
Veh mude. Aur, jaane lage. Aur, yahi se shuruat hui — asli Parijaat ki.
Baad me wahi anushthan wapas se poori savdhani se kiya gaya aur safal bhi hua. Anushthan ka uddeshya tha-
Gaanv ke neeche ek adhyatmik garbh banaana. Angrezo dwara laayi gayi sookshm videshi urjao ko nishkreeya karne ke liye. Gaanv ke adhyatmik mool, sanskritik smriti aur paitrik urja ko nasht hone se bachaane ke liye.
Parijaat mahilao ki stree urja (shakti) ko dharti ke saath sanrekhit karne ke liye, unki jeevan shakti ko mitti se baandhne ke liye, taaki koi bhi baahri shakti gaanv ko ukhaad na sake. Ya adhyatmik roop se uska ullanghan na kar sake.
Aprakartik mauto aur akaalo ko rokne ke liye, aur bhoomi va parivaro me urvarta badhane ke liye. Gaanv ko dusht shaktiyo se chhipaane ke liye aur sukh, samridhhi felaane ke liye.
Inhi Parijaat ki aurton me shaamil thi — Suman ki purvaj, Sudha, Mukta, Varsha, Vandna, aadi… Inn sab ki purvaj jinhone aage chal ke baakiyo ko janm diya.
---
Jab Abhilasha ne ateet ki gaatha ko samapt kiya, toh Vandna ki aankhein sadme me phaili hui thi.
“Aur, isi tarah hum bhi unhi ke vanshaj hai bitiya. Sab ke sab. Tum bhi! Yahi kaaran hai ki tumhare parivar ka patan kyu hua!”
“Haah!!” Vandna ki saans zor se choothi. Use saans lene me taqleef ho rahi thi.
“Kyunki, tum… Ek Parijaat ki aurat hoke, tumhara parivar maalik ke parivar ke khilaaf gaya. Isliye, yeh toh hona hi tha.”
“N-Nahi!”
“Mayra ki haveli ka parivar aaye din Singh parivar ke liye mushqile paida karta rehta tha. Aur, isliye maine-”
Iss baar Abhilasha ki aankhon se aasu dhaar bann kar behne lage.
“Mujhe maaf kar dena bitiya! Kyunki, woh mein hi thi! Jisne tumhari shaadi uss ghar me karwayi!”
*Boom*
Ek aur visfot Vandna ke mann me hua. Kya matlab?
Matlab yeh ki aaye din Mayra ka parivar jo Singh parivar ke liye hanikarak saabit ho raha tha, uss se nipatne ke liye hi Abhilasha ne Vandna ki shadi uss ghar me karwayi thi. Taaki, agar bhavishya me ve sab parivar ke liye aanch bane toh unka khaatma shraap ke zariye ek na ek din ho hi jaaye.
Yahi tha Parijaat ki aurat hone ka astitva. Uski zimmedari.
“A-Aap-!!”
Vandna avaak reh gayi. Woh aadhe ghante tak bas apne aasu bahaati rahi. Aur, Abhilash uske paas aa kar neeche baith uske galey se lag gayi.
“Maaf kar dena! Mujhe maaf kar dena bitiya! *sniff* Mein tumhari doshi hu!”
“M-Mera beta! Maasi mera beta! *sniff* Mera beta!”
Vandna ne phir sab kuchh sweekar kar liya. Usne apni vyatha batayi ki kaise woh yaha par bhaag kar aayi thi.
“Maalik bitiya! Veer maalik! Wahi tumhe bacha sakte hai! Yaad rakhna-! Yaad rakhna humesha ki tum Parijaat ki aurat ho! Aur, tumhara sabse pehla maqsad hai Veer maalik ki seva. Unhe kisi bhi prakar ki haani mat pahuchana. Tumhare pati aur sasur ne yahi galti kari thi.”
“V-Veer maalik-!?”
“H-Haan! Jao bitiya! Jao maalik ki sharan me jao. Mujhe poora vishvas hai ki ve hi tumhare bete ko dhundh sakte hai.”
Vandna waha se nikli, lekin Ranjeet ke aadmi akhirkar use pakad hi liye.
Vandna ne wahi chaal chali jo Abhilasha ne use samjhayi thi. Bhola banana aur Ranjeet ke jhaanse me rehne ka use vishvas dilaana. Yahi kaaran hai ki kyu uss raat slaughter house me jab Ranjeet ne use call kiya tha toh Vandna ne ye kyu kaha tha-
“Hahaha! Aai ja maayi Aai ja! Tohre liye badhiya tohfa taiyaar kar ke rakhunga. Tu aa!”
“Y-Ye sab! Ye sab jokhim bhara hai!”
“Iski behan ki choot! Muh band rakh! Bahut baat sunn leni tohre se. Ab aur naa! Jitna bola gaya hai utna karne ka! Samjhi na?”
Vandna ne jaan-boojh ke Ranjeet ko 'jokhim' keh kar uksaaya tha. Shraap ki lapat me Ranjeet laalach ki wajah se aa phasa aur khud apni jaan bhi gawa baitha. Itna taqatvar tha yeh shraap.
***
Vandna Veer ke saamne baith ke ro rahi thi. Kaanp rahi thi. Ghadi me subah ke 5 baj rahe the. Mukta, Varsha, aur Sudha bhi wahi baithi hui thi.
Veer (sighs) : Toh, ye thi sacchayi.
Vandna : H-Haan! *sniff* M-Mein Parijaat ki aurat hu! *sniff* T-Toh, kya tum... Kya tum...
Mukta (frowns) : Tum nahi! Aap! Aap bolo! Parijaat ki aurat ho toh!
Veer : Bolne do use, Mukta. Mujhe 'aap' 'tum' se farq nahi padta.
Vandna : T-Toh, kya tum mere bete ko ab dhundh sakte ho? U-Use bacha sakte ho?
Veer (nods) : Choonki, ab jab tum meri zimmedari ho. Dhananjay ko dhundhna bhi meri zimmedari hai.
Zaahir hai ki Vandna apne bete ki maut ke baare me abhi kuchh bhi nahi jaanti thi. Use jitna pata tha utna usne Veer ko bata diya tha.
Veer ka mann bhi ashaant tha. Woh waha Dhananjay ka khaatma karne gaya tha par kisne socha tha ki aenn waqt par waha police aa jaayegi? Aur, upar se uska saamna uss Trisha se ho jaayega? Aur, toh aur woh Dhananjay nahi, Ranjeet niklega!?
Ek baar woh Trisha ki nazron me aa chuka tha, ab dobaara nahi aana chaahta tha. Aur, isliye-
Usne iss qadar Ranjeet ko maut ke muh me utaara ki woh kisi ki nazar me aaya hi nahi. Poore samay Trisha aur uski team, Ranjeet aur uske log yahi sochte reh gaye ki kis anjaan ne inn sab ko anjaam diya.
Upar se woh aisi maut mara ki use pata tak nahi chala ki use kisne maara. Na sirf Veer ne andhere me reh ke saari musibato ki jado ko ek-ek karke saaf kiya, balki Ranjeet jaise gang leader ko maar ke uska dosh ulta inspector Trisha par thop diya.
Yahi thi uski master strategy. Magar, agar jaha iss strategy ka fayda tha toh wahi iska ek nuksan bhi tha. Aur, woh yeh tha ki — usne Ranjeet ko unn hooks par uske muh se latkaya toh tha, magar maara nahi tha.
Ranjeet uss waqt zinda tha. Dard se tadap raha tha. Chhatpata raha tha. Beshaq, woh kuchh der me hi mar jaata lekin, killing blow Trisha ne deliver kiya tha. Na ki Veer ne. Ranjeet ki saansein Trisha ki goli seene me lagne ke baad thami thi.
Dusre, shabdo me… Ranjeet ko Trisha ne maara tha.
Aur, agar Ranjeet ko Trisha ne maara tha. Toh, system ne Veer ko Ranjeet ka Past Illustration diya hi nahi. Kyunki, system ke hisaab se Ranjeet ki dhadkane thaamne waala Veer nahi tha. Trisha thi.
Aur, isi wajah se-
Veer Ranjeet ka kisi bhi prakar ka ateet nahi jaan saka. Usne uske ek-do pantaro ka past dekha, magar use kuchh bhi haath nahi laga.
Veer : Sudha! Mukta! Varsha! Vandna ko yahi rakho. Sheher ke taur tareeko se use rubaru karwao! Iss beech mein... Dhananjay ko dhundhne ke baare me kuchh sochta hu.
Sudha : J-Ji maalik!
Aur, itna bol woh waha se nikal gaya.
***
[Master…]
‘Pari! Show me my full status.’
[Sure!]
Aur, tabhi uske mann me ek window khuli.
*Ding*
Usne dekha ki sabhi ki favorabilities tab me badlaav aa chuka tha. Par, uska main focus tha apne stats ki orr. Kaafi samay se usne inn par rok laga ke rakhi hui thi. Ab samay aa chuka tha ki woh waapas se unn par dhyaan de. Disembowler se bhidne ke baad use samajh aa chuka tha ki woh abhi kitna peechhe tha.
Usne dekha ki uske paas 40,000 points jama rakhe the. Jisme se 20,000 use haal hi me Disembowler ki ladaayi se praapt hue the. Aur, 10,000 Ranjeet ko maarne par.
'Pari! 30 points strength aur intelligence me add kar do. Agility me 20 add kar do. Aur, endurance me bhi 30 points add kar do.'
[Yes, Master.]
*Ding*
Uske saamne stats ki screen khuli.
'Hmm!'
*Ding*
[11,000 points have been used. You are now left with 29,000 points.]
'Good! Abhi ke liye ye change kaafi hai.'
[Aapko ek nap lena hoga changes ke liye, Master.]
'Jaanta hu!'
Usne mann hi mann ek haami bhari. Ek santushti bhari haami.
‘Pari! Skill shop kholna.’
[Ah!!]
‘Kya hua?’
[Aap kabhi skill shop itna explore nahi karte the. Aur, achanak se aaj aapne shop explore karne ko kaha isliye-]
‘Yeah! Please, open karo.’
[Yes, master.]
Shop open hote hi ab use ek naya interface dekhne ko mila. Pehle jaha shop me skills aise hi line se lagi rehti thi. Ab wo alag-alag sections me vibhajit thi. Usne unn sections par nazar maari toh uski aankhein aashcharya me chaudi ho gayi.
‘Interesting…! Ye pehle se kaafi better hai.’
Uske mann me skill shop ka interface khula hua tha.
[Skill Shop :
1) Combat Skills : Offensive and close range engagement skills.
2) Defensive & Evasion Skills : Protective skills that require dodging, shielding, or enduring attacks.
3) Stealth & Infiltration Skills : Skills for espionage, escape, and unnoticed operation.
4) Perception & Awareness Skills : Enhances senses, intuition, pattern recognition & spatial intelligence.
5) Physical Mastery Skills : Boost body coordination, agility, and performance.
6) Social & Manipulation Skills : Verbal, psychological & charisma-based control skills.
7) Leadership & Strategy Skills : Helps in planning, commanding, and managing groups in pressure.
8) Technical & Analytical Skills : Boosts logic, pattern recognition, and device interaction.
9) Survival & Environment Skills : Survival instincts, adaptation to hostile environments.
10) Medical & Rescue Skills : Healing, diagnostics, and life-saving techniques.
11) Legendary Skills (Cross-Category) : Very rare, mission-bound, extremely powerful skills. Can fall under any above category.]
Veer ne jab itni saari categories dekhi toh uska dimag chakra gaya. Magar, uski nazar sabse pehle 11th category par padi. Uski aankhon me ek chamak thi.
Legendary skills? Shop me? Aisa pehle kabhi nahi hua tha. Yeh sab kya tha? Kya woh legendary skills ko khareed sakta tha? Usne bina samay gavaaye ‘Legendary Skills’ ko select kiya aur-
*Ding*
[The host cannot access the ‘Legendary Skills’ section if the missions are due.]
[Complete the due missions if the host wants to access the ‘Legendary Skills’ section.]
‘I see…!’
Veer ki bauhe upar uthi. Uske missions pending me the. Do naye missions use mile the aur unhe complete kiye bagerr woh iss section ko nahi dekh sakta tha.
‘Pari? Kya mujhe Legendary skills iss section se mil sakti hai?’
[Mein sure nahi hu, master. Kyunki, aapki hi tarah mein bhi ise access nahi kar sakti. I’m- I’m sorry Master.]
‘Huh?’
[M-Mujhe ye pehle hi kar lena chahiye tha. Jab aapko mission nahi mila tha.]
Veer ki bauhe sikudi. Pari itni dheeli-dhaali kab se ho gayi bhala? Woh agar baahri duniya me itna vyast tha toh kya Pari samay rehte itna sa kaam nahi kar sakti thi?
‘Tum kabse itni careless hone lagi, Pari? Maine tumse ye bilkul expect nahi kiya tha. Aur, tum ye bata rahi thi ki tumhari special skill tumhara intelligence hai? Kaha gaya woh intelligence?’
Veer ke shabd teekhe the. Uska ravaiyya bhi alag tha. Pari maun reh gayi. Woh sehmi hui thi. Iske pehle kabhi uske master uss se iss tarah se pesh nahi aaye the.
‘Ava ke system Lily ki special ability uska luck factor hai. Kam se kam woh sahi se uska istemal toh karti hai. Tum kya kar rahi thi? Agar, mein itne disturbance me bhi itna active reh sakta hu, raato ki neend sacrifice kar ke itne matters se deal kar sakta hu, toh tumhe toh mere andar maujood hoke aur bhi active rehna chahiye. Par, fir bhi tum-’
Woh use suna hi raha tha jab achanak Pari ki awaaz zorr se uske andar goonj gayi.
[KYUNKI, MUJHE AAPKI FIQR THI, YOU STUPID MASTER!!!]
Uski awaaz ruwasi thi. Lag raha tha jaise woh abhi ro degi.
‘Huh!?’
Veer thoda chaunk gaya.
[M-Mujhe aapki fiqr ho rahi thi. M-Mein… A-Aap pareshan the. Disembowler, prestige attack, aur na jaane kya-kya. M-Mein har samay aapke baare me soch rahi thi. Aapki nerves ko calm karne ki koshish kar rahi thi. Soch rahi thi ki iss sab ke peechhe kaun ho sakta hai aur uska kya aim ho sakta hai.]
‘!??’
[Aapke behaviour me change aa raha hai… Mein ghabra rahi thi. This isn’t how you used to do things, master.*sniff* Mein aapse baat karna chaah rahi thi. Y-You are getting changed. M-Mein jaanti hu aapke dada ji ki death ka impact aap par pada hai. B-But- this… this isn’t the right way.]
‘...’
[Aapne mission ke pehle hi Ranjeet ko maar diya. System ne use abhi complete threat ghoshit bhi nahi kiya tha par aapne- *sniff* Y-You killed him brutally.]
System ne Ranjeet ko abhi complete threat nahi maana tha. Yaani ki agar, Veer slaughterhouse nahi bhi jaata toh koi farq nahi padta kyunki, Trisha already waha pahuch hi jaati aur fir Ranjeet ko woh pakad leti. Jis se Ranjeet Veer ke liye kisi bhi prakar ki pareshani bann kar saamne nahi aata. Kam se kam tab tak jab tak woh Police ki giraft me rehta.
Parantu, Veer ne uske pehle hi Ranjeet naam ki iss samasya ko jad se mita diya tha. Aur, Pari ki nazro me ye galat tha. Yeh aisa tha jaise koi jaan-boojh ke kisi ki jaan le raha ho. Ranjeet ko bandhi bhi banaya jaa sakta tha. Lekin, iss qadar use hook par latka ke tadpa kar maarna? Uske master ye sab kab se karne lage bhala?
Isliye, inn beetein dino se Pari pareshan thi. Apne liye nahi, apne Master ke liye. Woh sabhi pariyon me se sabse sanvedansheel thi. Yahi kaaran tha ki kyu woh system par focus na kar ke apne master pas zyada focused thi.
Pari ke bol sunn Veer ki nazrein neeche jhuk gayi. Lekin, usne Pari ki baat ka samarthan nahi kiya.
‘Maine use nahi maara!’
[YOU KILLED HIM!]
‘Agar, maine use maara hota… Toh, Past illustration aata. But-’
[Woh already marr jaata agar waha woh Trisha nahi pahuchti toh-! M-Master! *sniff* Don’t get impulsive please. I… I like the way you were before. P-Please, don’t change. I-I beg you *sniff* Don’t be like this.]
Uski guhaar bhari awaaz Veer ko sunaayi di. Veer ne ek gehri saans li aur uske mann me bas itna hi nikla-
‘This is the right way, Pari.’
[Y-YOU-!!! HOW CAN YOU??? *sniff*]
‘Ranjeet ko raaste se hataate hi cheezein kitni asaan ho gayi hai ab. Dekho tum! Ek na ek din use marrna hi tha. Also, maine nahi maara use. The hook killed him. Trisha killed him. Not me!’
[I HATE THIS… *sniff*]
‘Melodrama ki zaroorat nahi hai. Yahi efficient aur sabse sahi tareeka hai. And, this is how I’ll proceed. Mujhe calculated plans ko execute karna hoga. That’s it! Aur, tabhi-’
Par, iske pehle ki woh apni baat poori rakhta-
*Ding*
[The active system has gone into sleep mode.]
[The host won’t be able to interact with the active system for 6 hours. The host can still access the passive system on his own.]
‘Pari, tum-!’
Veer ne apne daant meese. Woh uski baat bina sune hi 6 ghante ke liye sleep mode me jaa chuki thi. Uski awaaz me kampan tha. Shayad ro rahi thi. Magar, Veer ne apne aap ko inn emotions ke chalte apne resolve ko badalne nahi diya. Usne mann me apni wahi baat dohraayi.
‘This is the right way, Pari!’
.
.
.
.
.
.
.
.
.
.
Aaj ke liye itna hi guys.
The Update consists of 12k words.
Dhanyavad.
N
Nyc updateUpdate - 203 ~ A Past under a Past
Ab tak...
Mandli shaant ho gayi. Baba ji ne dheere se apna sarr ghumaaya. Woh muskuraate hue thahaake lagaaye. Fir, ahista se bole.
Baba ji : Naam? Hahahaha! Mere bacche...! Iss shareer ko log yaha mohanlal keh ke pukaarte hai. *smiles*
Logon ne santushti me sarr hilaaya. Parantu, jis tarah se baba ji ne uttar diya tha. Iss shareer ko...
Use sunn log aur bhi prabhavit ho gaye. Naam milte hi uss yuvak ko aisa laga jaise koi apnapann mil gaya ho. Usne unhe pranaam kiya aur peechhe baith gaya.
Baba ji muskuraate hue logo ko dekhte rahe. Kintu, ye sirf wahi jaante the ki-
Unka asli naam Mohanlal nahi tha.
Unka asli naam tha —
Raman.
Ab aage...
Baat shuru hoti hai tab se jab Veer Harikiran aur uske bete ki sacchaayi ke baare me jaanta bhi nahi tha. Tab jab Veer ko apni maa ke badle ke baare me kuchh bhi nahi pata tha. Tab jab Veer ko system ki praapti bhi nahi hui thi.
Tab, ‘Harikiran Singh’ woh naam tha jo poore gaanv me bhay ka prateek tha. Uski badi si haveli logo me apna darr baitha ke rakhti thi. Poora gaanv jaanta tha ki angrezo ke zamaane se do hi badi haveliya thi jo ab tak itni kathnaiyo ka saamna karne ke bawajood mazboot khadi hui thi.
Ek thi Bijaipur ke Dharam Singh ki haveli, jo Bhavna ke pita ji ki thi. Jinke poorvajo ne angrezo ko humesha apne gaanv me mann-maani karne se rok ke rakha raha.
Aur, ek thi Bijaipur se hi kuchh doori par lage Mayra gaanv ke Harikiran Singh ki haveli, jinke poorvajo ne angrezo se milkar ghoos khaane me koi bhi chaaploosi ka mauka nahi chhora tha.
Kintu, yahi do parivar ant me aapas me bhide aur Bijaipur ke Dharam Singh ki haveli raato raat aag me chhal se bhasm ho gayi. Parivar khatam ho gaya. Siwaaye, unki putri — Bhavna ke, jo ab Bijaipur se jaa chuki thi.
Aur, isliye- ab Bijaipur ki ek haveli ke jaane se, Harikiran ki haveli ka rutba aur bhi badh chuka tha. Satta, taaqat, zameenein, jaydaad, sab kuchh ab tezi se aage badh raha tha. Unnati ho rahi thi. Harikiran ke naam se hi aadmi thar-thar kaanp jaaya karta tha. Harikiran ab kasaayi-khaane jaise gandey vyapaar me bhi apna haath aazmaane laga tha.
Jitna adhik paisa, utna adhik rutba. Jitna adhik rutba, utna adhik logo me darr. Aur, jitna adhik darr, utna hi adhik uska varchasv jo poore gaanv me felte hue ab aas-paas ke gaanvo tak pahuchne laga tha.
Magar, iss darr ke saath-saath andar hi andar Mayra ke log Harikiran ki prataadna se pareshan bhi the. Kintu, majaal thi kisi ki jo unke saamne koi apna muh khol de? Bhale hi gaanv ke log unse darrte the, lekin unke apne hi ghar me ek sadasya aisa bhi tha jo kisi se bhi nahi darrta tha.
Harikiran ka pota, Bhanu pratap aur Vandna ka ekmaatra putra — Dhananjay.
Bachpan se hi use har cheez apne haath me mili thi. Ekmaatra ladka tha toh gharwaalo ne use ladhiya ke bhi rakha hua tha. Na hi woh kisi ko kuchh samajhta tha aur na hi kisi ki baat maanta tha. Padhayi gaanv se hi lage hue ek jile se usne kar li thi.
Ab baap dada ke paas itna paisa tha toh bhala aur padhne ki kya hi zaroorat thi? Yahi sochke usne apna nirnay bana liya tha.
“Oo maayi! Dekh! Ab mein yaha ek pal bhi na ruk saku hu. Manne baahar jaana hai. Sheher me. Baahar ki duniya dekhni hai manne!”
Woh kheejte hue bola. Yaha tak ki usne apne jhola, bag sab taiyaar bhi kar rakha tha.
“Beta nahi! Kya keh rahe ho? Tu phir wahi ratt leke baith gaya?”
Vandna rasoi se baahar aate hue boli. Toh, wahi Harikiran Singh ek khaat par baitha apne pote ko ghoor raha tha. Vandna ke haatho se chai lete hue woh bas abhi apne pote ki baat sunn raha tha.
“Kyu jaana hai tanne sheher?” Iss baar Harikiran ne chai ki chuski lete hue uss se poochha.
“Kyu jaana hai? Dada ji manne baahar ki duniya dekhni hai. Mein yaha gaaye, bakriya, bhains charaane me apni jawani nahi gawana chaahta.”
“Arey toh tanne kaun keh raha hai gaaye, bhains charaane? O sab kaam toh naukar karte hai. Aur, jawani chadh rahi hai toh batao byaah karwa de? Kaun ladki pasand aayi hai?”
“K-Koi nahi! Mujhe abhi byaah nahi karna. Mujhe baahar sheher dekhna hai.”
“Toh aisa hai, saahab-zaade… ki bhaiya ye farmaish toh aise hi poori nahi ho sakti tumhari. Hum tumko sheher jaane de sakte hai par humari bhi ek shart hai.”
Dhananjay ne jab ye baat suni toh uski khushi ka koi thikaana nahi tha. Yahi toh woh chaahta tha.
“S-Sach dada ji? Aap humko sheher jaane doge?”
Vandna asmanjas me Harikiran ko dekhi. “P-Pita ji ye aap-!? Isko baahar jaane nahi de sakte, pita ji!”
Parantu, Harkiran ne Vandna ki orr dekha hi nahi aur na hi use koi jawab diya. Jaise maano woh uske uttar dene ke laayak samaan hi nahi thi. Ulta Dhananjay apni maa ke virodh ko sunn bhadak utha.
“Maayi chup kar! Jab dekho tab tu taang adaati rehti hai meri zindagi me. Manne jaise jeena hai jeene de. Apni farmaish mat thopa kar mere upar. Samajh gayi? Chulha chauka karna tera kaam hai. Yahi teri zindagi hai. Tu ghar par reh ke bartan maanj, jhaadu pochha kar. Mujhe saath me mat lapet. Mein mard hu. Aur, baahar ki serr karna chaahta hu.”
Harikiran apne pote ki mardana harqat se khush tha. Kam se kam uska pota maayi ke pallu me ghus kar uski baat maanane waala pota nahi tha. Haan thoda alhadpann tha usme aur ziddi bhi tha, lekin ghar ka ekmaatra chiraag hone ke naate ye sab baatein nazar-andaaz kar di jaati thi.
“Haan toh bhai, shart yeh hai ki- tum usi sheher aur usi raajya me jaoge jaha hum kahenge. Tum apni mann-marzi ke sheher nahi jaa sakte.”
Dhananjay kuchh derr ek soch me pad gaya. Use sheher jaane mil raha tha. Iss se behtar aur kya ho sakta tha? Bhale hi sheher uske dada ji ki pasand ka hone waala tha, par akhir ek sheher toh sheher hi hota tha!? Chaahe Mumbai jao ya Delhi. Sheher gaanv se toh hatke hi hone waala tha.
Yahi soch woh jhatse raazi ho gaya. Kahi aisa na ho ki uske dada ji apne faisle se muqar jaaye aur uska sapna ek sapna hi bann ke reh jaaye.
“Th-Theek hai, dada ji! Mujhe manzoor hai! K-Kaun sa sheher rahega?”
Aur, yahi se shuruat hui Dhananjay ki ek sheher ko ghoomne ki jo ki tha— Patna. Bihar me sthit ek mukhya sheher.
Harikiran ne Bihar raajya ko isliye chuna tha kyunki, Bihar ek aisa raajya tha jaha gaanv aur sheher dono ka mishran tha. Na hi Dhananjay waha jaa ke ekdum hi paraaya mehsoos karta aur na hi ye kehta ki woh gaanv me hi aa gaya hai. Kyunki, Patna ek bada sheher tha.
Saath hi Bihar dhaarmik roop se aastha se juda hua tha. Waha ke log shehri hone ke saath-saath pooja-paath aur apni sanskriti ko bhi apne dainik jeevan me achhe se dhaale hue the. Toh, Dhananjay ke sheher me bigadne ke asaar aur bhi kam ho chuke the.
Jab Bhanu Pratap Singh ko yeh baat pata chali ki uske pita ji ne uske bete ko Patna bhejne ka faisla kar liya hai toh woh bhi virodh me kooda utha. Lekin, woh jaanta tha ki uske pita ji aevayi kuchh bhi nahi karte the.
Chaahe Manorath Singh ke ghar par phoot daalna ho ya vyavsaay aage badhaana, har jagah hi unke dimag ka istemal hota tha. Aur, parivar tezi se unnati bhi kar raha tha. Isliye, woh bhi ant me maan gaya.
Zaahir hai, Dhananjay ko akela nahi bheja gaya tha. Uske saath ek aadmi bhi gaya tha jo ki Harikiran ka apna aadmi tha aur woh hi Dhananjay ki roz-marra ki zindagi ke baare me use khabar dete rehta tha.
Par, yahi pe aaya woh badlaav jisne poori tarah se sab kuchh badal ke rakh diya.
Raman.
Sheher ko kaafi ghoom lene ke baad, jab Dhananjay bore ho chuka tha tab achanak woh ek din Raman ke sthaan pahucha. Usne dekha ki tamaam janta ek aadmi ka intezar kar rahi thi. Jigyasa-vash woh bhi wahi theher gaya aur jab usne dekha ki koi baba ji baahar aake khaat par baithe hai toh ek pal ke liye woh muh bana ke waha se jaane laga.
Magar, kuchh soch ke woh wahi theher gaya. Aur, logo ki baatein sunane laga. Jaise-jaise woh sunta jaa raha tha. Uske hosh udte jaa rahe the. Dhero log apni samasyaein leke Raman baba ke paas aate aur unse upaay leke, prasad leke waha se chale jaate.
Dhananjay ko laga yeh bhi koi dhongi hi tha jo logo ko moorkh bana raha tha aur isliye usne iss baba ki pol kholne ke baare me thaan liya. Woh aage gaya-
“Baba ji meri bhi ek samasya hai. Upaay bataoge?” Usne haath jodte hue kaha.
“Poochho baccha! Kya samasya hai!?”
“Mein Rajasthan ke Mayra gaanv se hu. Bahut badi haveli hai humari udhar. Sab kuchh hai. Paisa, zameen, jaydaad. Par, mera mann nahi lag raha tha udhar. Mujhe sheher ghoomna tha, isliye yaha aa gaya. Par, yaha aake dekha toh paaya ki yaha bhi kuchh khaas nahi hai. Logo ke paas time hi nahi hai. Gaanv bhi dekh liya. Sheher bhi. Kaha jau? Ab aur kya bacha hai? Kuchh samajh nahi aa raha.”
Usne apna sawaal bina kisi darr ke ekdum spasht baba ji ke saamne rakha. Woh dekhna chaahta tha ki kya waqai me baba ji ke paas koi gyaan tha ya nahi? Ya bas ye bhi koi dhongi tha? Agar, baba ji ne uski iss samasya ka samadhan nikaal diya, toh woh waqai me unhe maan jaayega.
Raman ke kaan idhar Dhananjay ke muh se paisa, haveli, jaydaad, zameenein sunte hi khade ho gaye. Woh jaan chuka tha ki chaara khud chalke ghode ke paas aaya tha.
“Kya naam hai baccha tumhara?”
“J-Ji Dhananjay.”
“Tumhara naam hi Dhananjay hai. Tumhe pata hai iss naam ka matlab?”
Dhananjay ne naa me sarr hilaaya.
“Baccha iss naam ka matlab hota hai dhan ko jeetne waala. Dhan ka vijeta. Aur, vidambana dekho. Tum dhan hi chhor ke yaha aa gaye?”
Raman ne muskuraate hue kaha. Aas-paas ke sabhi log Dhananjay ki samasya me dilchaspi lene lage. Sab ke kaan ab baba Raman ke upaay aur unke updesh ko sunane ke liye bekaraar the.
“P-Par baba ji. Log kehte hai ki naam me kya rakha hai. Toh, phir Dhananjay naam se meri ichha, mera bhavishya thodi pata lag sakta hai, hai na?”
“Beta naam me bahut kuchh rakha hai.”
“Woh kaise baba ji? Zara samjhaiye!”
Dhananjay ne Raman ko aur parakhne ka socha. Aur, usne apna naatak jaari rakha. Uske baad-
“Mein tumhe tumhari gaatha dohraata hu. Tum Mayra me badi haveli me pale badhe, tumhare maa-baap ne woh sab kuchh laa kar tumhare haatho me diya hoga jiski tumne zid kari hogi, tum waha se uub kar sheher ki orr nikle. Lekin, tum ghoom kiske dhan par rahe ho? Apne pita ji ke! Tumne dekha ki sheher toh aur bhi vyast hai. Aur, ab tumhe samajh nahi aa raha ki agar gaanv tumhare laayak nahi tha, sheher tumhe lubha nahi paaya toh akhir kaha jaaya jaaye? Hai na? Isliye tum pareshan ho.”
Dhananjay thoda chaunkte hue baba Raman ko dekha.
“J-Ji!” Usne sarr hilaaya. Magar, abhi bhi Raman ki baato se poornta woh sehmat nahi hua tha.
“Beta iska upaay hai…! Bhakti aur tyaag.”
“Huh?”
“Tumne aaj tak kabhi apne bal boote par kya kiya hai? Kabhi khud se paisa kamaaya hai?”
“Y-Yahi toh nahi chaahta mein baba ji. Mujhe isi moh-maaya se door rehna hai. Aur-”
Jaise hi Raman ne yeh suna toh usne fauran hi apni tarqeeb badal di.
“Toh kisne kaha ki paisa kamaana hi jeevan ka uddeshya hai?”
“Huh?”
“Kya kabhi tumne apne aap se apna bhojan banaya hai? Kabhi khud ke ghar me reh ke kaam kiya hai? Chalo woh sab chhoro! 24 ghanto me kya tumne kabhi bhi 24 second ke liye bhagwan ka naman kiya?”
“N-Nahi!”
Raman muskuraya. “Bas isliye tum moh-maaya me phasey hue ho.”
“K-Kya bhagwan hote hai, baba ji? M-Mein nahi maanta. Maine kabhi nahi maana. Agar, bhagwan hote- toh itni buri-buri cheezein kyu ghatit ho rahi hoti? Kehte hai ki kann-kann me bhagwan hote hai. Kya ye sahi hai? Bataiye!”
“Haan! Bilkul! Kann-kann me bhagwan hai. Ye srishti unki hi toh rachna hai. Har ek kann unki rachna hai.”
Jab Raman ke muh se itna nikla toh Dhananjay mann hi mann muskuraya.
‘Ab phasa tu mere jaal me, baba! Abhi teri pol kholta hu ruk!’
Aur, phir usne ek aisa sawaal kar diya jise sunn waha ke log hairaan reh gaye.
“Toh agar bhagwan kann-kann me hai. Toh kya naali, sharaab, maans, madira, inme bhi bhagwan hai baba?”
Log bhauchakke reh gaye. Kuchh muskura rahe the ye dekh ke ki ab shayad baba ji se unhe muft me koi bahut bada gyaan milne waala hai. Toh kuchh asmanjas me the ki kya baba ji iska uttar de bhi paayenge ya nahi?
“Tumne bahut seedha aur teekha prashna poochha hai, baccha. Hahaha!” Raman hasa.
Lekin, Dhananjay ke iss teekhe prashn se ab janta aur bhi dilchaspi dikhaane lagi thi. Ve sab bhi yeh jaanana chaahte the. Dekhna chaahte the ki ab baba ji kis tarah se itne kathin sawaal ke uttar denge. Aas-paas se guzar rahe log bhi ab apni-apni jagah bana kar khade hone lage. Kintu, Raman jaise pehle se hi taiyaar tha. Aur, uske baad usne bolna shuru kiya-
“Iska uttar do starro par hai, baccha! Pehla advait darshan ke anusaar — haan! Sidhaant roop me waha bhi ishwar hai. Par, dhyaan do baccha. Utpatti aur vartman me hona, dono alag baatein hai.”
“??”
“Jaise bijli har machine ko chalaati hai. TV, pankha, fridge… Lekin, wahi bijli unn machino ko bhi chalaati hai jo kasaayi khaane me lagi rehti hai. Janvaro ko maarna. Pedo ko kaatna. Parmanu banaane ke yantro me bhi bijli ka istemal hota hai. Toh kya tum bijli ko dosh doge? Nahi! Kyunki, bijli sirf urja hai. Galat upyog karne waala zimmedar hai. Waise hi har kann-kann se sab kuchh bana hai. Lekin, ye naali, jaanvar ka maans, sharaab, ye sab kiski utpatti hai? Insaani dimaag ki.”
Jab logo ne uttar suna toh ve sab sann reh gaye. Yaha tak ki Dhananjay ke badan par bhi roye khade ho gaye. Usne aaj tak itna gyaani purush apne saamne nahi dekha tha.
“A-Aur, dusra starr kya hai, baba ji?”
“Dusra starr, bhakti aur naitik drishtikonn se — Nahi! Waha bhagwan ki upasthiti nahi maani jaati.”
“K-Kya? Par, abhi toh aapne kaha ki-”
“Uttar poora suno baccha. Naali, daaru, paap, apraadh — Ye sab taamsik pravattiyaan hai, jo agyaan, moh aur maaya se bhari hui hai. Bhagwan waha tab tak nahi prakat hote, jab tak satv yaani ki shuddhata, shraddha, prem aur vivek na ho.”
“Huh?”
“Jaise ganga maiya ki dhaara kahi koode me beh jaaye, toh kya wo ab bhi poojya hai? Tatvat : Haan! Lekin, vyavhaarat : Nahi! — Kyunki, woh ab apavitra ho chuki hai.”
Dhananjay ka badan kaanp utha. Waha maujood log apne phone me recording on karte hue baba ke gyaan ko qaid karne ki koshish karne lage. Badi bhaari bheed jama ho chuki thi.
“Dhoop soorya se aati hai, par agar tumne apne kamre ki khidki band kar li, toh kya soorya doshi hai ki tumhare kamre me andhera hai? Nahi! Wahi ishwar, wahi prakash — tumhare bheetar bhi hai, par darwaza band hai. Saral shabdo me — Ishwar har jagah hai baccha, par har jagah prakat nahi hai.”
“Ahhh!” Dhananjay ko aaj apne sabse bade sawaal ka uttar mil chuka tha.
“Burayi, naali, paap, daaru jaisi cheezon me ishwar ka beej toh ho sakta hai, par waha maaya aur agyaan ne use dhak diya hai. Ishwar ka anubhav wahi hota hai jaha prem, gyaan, satkarm aur nishtha ho. Kuchh samjhe baccha?”
“Babaaaa jiiii!!”
Dhananjay pehli baar kisi ki baat se itna aakarshit hua tha. Woh haath jod utha aur Baba Raman ke perro par gir pada.
“Mujhe maaf kar dijiye, baba ji! Mein- Mein moorkh aapki pareeksha lena chaah raha tha. Par, mujhe nahi pata tha ki mere saamne swayam sakshaat siddh baba baithe hai. Mujhe apna shishya bana lijiye-! Mujhe apna shishya bana lijiye baba ji!”
Uske itne bade sawaal ka uttar baba ji ne chutkiyo me de diya tha. Toh kya ve uski aur samasyao ka hal nahi nikaal sakte the? Use poora yakeen tha ki baba ji ke zariye hi ab uske jeevan ka uddhaar ho sakta tha.
Lekin, woh nahi jaanta tha ki Raman ne ye sab prashn ke jawab pehle se hi ratt rakhe the. Itne varsho me usne kayi siddh guruo se bhaint ki thi. Usne ye gyaan wahi se churaaya tha. Farq, bas itna tha ki agar siddh guru log bina kisi maang ke logo ka maarg-darshan kar rahe the, toh usi ki aadh me Raman jaise log logo ki aastha se khel ke unke saath dhong kar rahe the.
Aur, isi jhaanse me phaste hue-
Dhananjay Raman ke paas theher ke unki seva me lag gaya. Usne unke bol ke anusaar apna maqsad tay kar liya tha — Bhakti aur Tyaag!
Aur, theek usi raat, jab sab so chuke the, Raman ke chhote se kamre me derr raat ko kisi ne dastak di.
“Pranam guru ji!”
“Aa gaye Ranjeet?”
“Ji guru ji!”
“Kya hua bhai? Uss Kanpur waale ka?”
“13 lakh nikalwa liya hu. Abhi ghar ki aur sampatti baaki hai. Sasuri uu bhi jaldi aa hi jaayegi.”
“Hahahaha! Sabbaas! Aur, tumhare liye naya bakra khud chal ke aa chuka hai.”
“Konu bakra?”
“Hai ek! *smiles* Aaj hi aaya tha sthaan par. Humara shishya banana chaahta hai. Mayra gaanv me bahut badi haveli hai, paisa hai, dher saari zameenein aur jaydaad hai. Lagta hai kisi dhanvan vyakti ki aulad hai. Iski saari khabar iske gaanv se leke rakho, Ranjeet. Agla shikaar yahi hai.”
“Ji guru ji! W-Waise-! Thoda rokda mil jaata toh-”
“Kitna chahiye?”
“Kareeban dui lakh toh laagi sasuri Kanpur waale me! Uu kaa hai na, hua ka sampatti haasil karne me thoda ghoos lagega hi lagega. Sasuri khopadiya pe baar-baar ghoda taan ke kaam nahi ho sakat. UP ka chhetra me police sakht hai thoda. Kabhi-kabhi dimag se chalna padat hai!”
Raman haami bhar utha. Apne kamre ke andar gaya. Ekdum jhopad patti waala kaccha makaan tha. Yaha tak ki zameen bhi kacchi thi. Usne zameen ke neeche ek gaddhe me se ek kapda nikaala jisme dher saare noto ki gaddiya rakhi hui thi aur usme se teen gaddi laa kar Ranjeet ko saunp di. Wapas se gaddhe me kapde ki potli ko daal usne uski upar ret aur mitti daal ke uske upar ek paani ka ghadha rakh diya.
“Ye lo! 3 lakh hai. Kaam daba ke karna.”
“Aaj tak konu kaam bigaada hai kya guru ji? Fiqar naahi karo. Sab ho jaayega.”
Kehte hue woh waha se nikal gaya. Beetein dino me usne Mayra gaanv se Dhananjay ki saari jankaari nikalwa li thi. Toh wahi, din-ba-din Dhananjay bhakti aur tyaag ke maarg par agrasar badhta jaa raha tha. Use apne naye jeevan ka uddeshya mil chuka tha. Uski dosti wahi ke aur bhi shishyo se ho chuki thi.
Jab yeh baat uske ghar me Harikiran aur Bhanu Pratap Singh ko pata chali toh Bhanu Pratap swayam hi Raman ke sthaan aa par pahucha.
“Guru ji agar aise hi aap mere bete ko patti padhaate rahe toh ye toh ghar-baar tyaag dega. Fir, humara kya hoga?”
Aaya toh Bhanu Pratap Singh krodh me tha, magar Dhananjay ki hi tarah Raman ne use bhi apne shabdo se mantra-mugdh kar diya.
“Ghabrao nahi baccha! Hum jaante hai ki tum pareshan ho. Aur, hum ise yaha humesha nahi rakhenge. 2-4 saal ise yaha rehne do. Waise bhi iske baad tum iss se kheti-baadi hi karwaoge. Aisa samajh lo ki inn kuchh saalo ke liye tumne apne bacche ko gurukul me padhne bheja hai. Fir, mein maarg-darshan jab punah karunga iska… Toh, yeh swayam tumhare paas laut aayega. Aur, iski chinta karne ki zaroorat nahi. Ye meri nigrani me hai.”
Apni chikni chupdi baato se Raman Bhanu Pratap ko raazi karne me qamyab ho chuka tha. Dhananjay toh jaise apne ghar ke baare me sab kuchh bhool chuka tha. Uski nayi zindagi shuru ho chuki thi.
Dekhte hi dekhte 2 saal guzar gaye. Dhananjay Raman ka poora bhakt bann chuka tha. Aur, tabhi ek aisi ghatna hui jiske baare me Ranjeet se leke Raman aur Mayra gaanv ke log, sabhi ko yeh pata chali, siwaaye Dhananjay ke.
Aur, woh thi-
Veer dwara Harikiran Singh aur Bhanu Pratap Singh ka khaatma. Jaha usne unki hi haveli ke baahar kue me dono ko zinda jala diya tha. Ranjeet ka ek aadmi wahi Mayra me hi sthit tha. Ranjeet ne jab yeh baat Raman ko bataayi toh uss raat woh unke kamre me hi tha-
“Guru ji-! Pata nahi kaisan ba- magar… Sasuri uu aapke Dhananjay naam ke chele ka baap-dada ka hatya ho gaya!”
“K-Kaise?”
“Pata nahi! Koi naujavan aaya. Aur, dono ko maut ke muh me utaar gaya. Kehat ba ki- badla liya hu apni maayi ka!”
“Toh tumhe pata hi hona chahiye ki kya karna hai ab *smiles* Hai na?”
“Hahaha! Ab sab hum pe chhor do guru ji! Na sirf ab hum uu ka haveli jhaptega, uu ki saari zameenein, jaydaad, paisa sab hadpunga! Tabhi ee Ranjeet ko chenn milega. Sasuri bahut intejar kiya hai ee mayra waale ka-!”
Usne itna kaha hi tha ki tabhi-
*Thud*
Achanak baahar ek laathi ke girne ki awaaz aayi. Dhananjay, jo guru ji ko kuchh dikhaane aaya tha usne baahar reh ke sab sunn liya tha. Apne baap-dada ki maut ke baare me… Sab kuchh. Use apne kaano par vishvas nahi ho raha tha. Woh bhaaga.
*huff* *huff*
Uska dil zoro se dhadak raha tha.
“Pakad! Abey pakad use! Madarchod sab sunn liya usne! Bhaag jaldi Ranjeet! Pakad saale ko!”
“Iski maayi ke-!!”
Ranjeet bhi ghabraate hue utha. Waise hi derr raat ka samay tha. Aur, upar se Raman ka sthaan hi chehel-pehel se door tha. Dhananjay bhaybheet hue bhaaga. Uski saansein tez thi.
“Pakad saale ko! Pakad! Pakad bey Satbeer-!!!”
Raaste me bhaagte hue Ranjeet chillaaya. Uske aur aadmi jo jaage hue the wo sab bhi Dhananjay ke peechhe bhaagne lage. Ranjeet jaanta tha ki agar ye ladka bhaag nikla, toh unka bhaanda poora ka poora phoot jaayega. Sab ke sab pakde jaayenge.
*huff* *huff*
“M-Maayi-! *sniff* Pita ji-! *sniff* Dada ji-!”
*huff* *huff*
“Pakad! Pakad saale ko!!! Daboch usko! Satbeer ulti side se-!”
Dhananjay bhaagte-bhaagte achanak hi apne sthaan ke paas pahuch raha tha. Agar, bas kuchh samay aur use mil jaaye toh woh waha pahuch ke halla kar ke apne baaki sadasyo ko utha sakta tha.
“B-Bachaaaaoooo!”
Woh chillaaya. Taaki, uski awaaz door tak pahuch sake. Magar, shayad yahi uski sabse badi galti thi kyunki-
“B-Bachaaaaaoooo!”
*Bang*
*Bang*
*Bang*
Achanak goliyaan chalne ki teen baar awaaz aayi aur Dhananjay neeche zameen par gir pada. Teen me se do goliyaan uski peeth ko cheer ke andar dhans chuki thi. Lahu-luhaan hote hue woh sadak par dala raha.
Ranjeet aur baaki daudate hue Dhananjay ke paas aa kar ruke. Dhananjay ukhdi-ukhdi saansein lete hue reng raha tha. Aur, tabhi-
*Bang*
*Bang*
“A-Aapne ise maar kyu diya?” Satbeer ne ghabraate hue poochha.
“Madarchodo! Saale ki laash ko thikaane lagao jaldi! Isko toh marrna hi tha. Sasuri raaz jo jaan gaya tha. Chalo! Jaldi! Jaldi! Jaldi!”
Ranjeet jaanta tha ki Dhananjay ke baap-dada pehle hi swarg sidhaar chuke the. Toh, aise me ab use rokne waala koi na tha.
Dhananjay ka ant ho chuka tha. Dukhad. Par, yahi uska ant tha. Ek hi din me, parivar ke teeno mard maar diye gaye the. Vandna udhar gaanv me jo yeh maan ke chal rahi thi ki ab uska beta hi uska akhiri sahaara tha. Woh uski talaash me Patna Raman ke sthaan tak aa pahuchi thi.
Magar, ab ise uski badqismati kahe ya fir kuchh aur-
Uska saamna Raman ke sthaan par seedhe Ranjeet se ho gaya. Woh apna dukhda use sunaati rahi aur Ranjeet use behla ke Dhananjay se milaane ke bahaane se le gaya aur use bandhi bana liya.
*Chataaaaak*
“Ahhhh!”
Ek chaata aa kar Vandna ko uske chehre par pada.
“Chal! Ab tu hi hua Mayra ka saari jameen dilwayegi. Saara paisa tu hi nikalwayegi. Chal!”
“M-Mera beta-! Mera beta!!!”
“Hahahaha! Tuhaar bitua humaare qabze me hai, samajh gayi. Hehehe! Meri pyaari maayi. Chal! Chal chal ke ab apne ee lalla ko saari sampatti dikha. Chal!”
Ranjeet use bandhi bana ke gaanv wapas laaya. Apne bete ki jaan ko khatre me daalne ke darr se Vandna apna muh band kiye sab kuchh bataati chali gayi. Magar, woh bechari ye jaanti tak nahi thi ki uska laadla toh usi din marr gaya tha jis din uska pati aur sasur marey the.
Kayi maheene guzar gaye, lekin inn mahino me Ranjeet poori shiddat se wasooli aur jankari ikhatti karne me laga hua tha. Usne kayi zameenein hadap li thi. Usne kayi saari jaydaad apne naam karwa li thi. Usne kaafi dhan, sona, jawaharat apne qabze me kar liye the.
Gaanv ke logo me apne aadmi bhej ke usne sab pata lagwa liya tha ki uss raat yaha kya hua tha. Harikiran akhir mara kaise tha. Aur, kaafi hadd tak use ye pata lag chuka tha ki koi naujavan tha.
Magar, gaanv ke log Veer ka naam bataane se peechhe hat chuke the. Veer ne unke upar upkaar kiya tha. Gaanv waalo ki ekta iss paksh me bahut mazboot thi. Ranjeet bhi shaatir tha. Woh jaanta tha ki aise zabardasti jankaari ko nahi nikalwaya jaa sakta tha.
‘Sasuri konu aur dimaag lagana padega ee game me!’
Par, jab woh soch hi raha tha ki kaise Veer ke baare me jankari ikhatti ki jaaye tabhi achanak-
*Ring* *Ring*
Uska phone baj utha. Usne dekha ki call Mumbai, Maharashtra se aa raha tha. Koi unknown number. Usne call uthaaya.
“Hello?”
“Ranjeet! Kyu hai na? Yahi naam hai na?”
“Haan! Tu kaun bol raha hai?”
“Woh jaanane ki zaroorat nahi hai tumhe. Bas itna jaan lo ki Harkiran Singh aur Bhanu Pratap Singh ko Veer ne maara tha.”
“H-Huh? K-Kaun hai bey tu?”
“Maine kaha na! Tumhe ye jaanane ki zaroorat nahi. Veer Mumbai se hai. Ek businessman. Ek naujavan jiski talash me tum ho. Yaha tak ki uski ek badi si hotel bhi hai. Bahut raees hai woh. *smiles* Bahut paisa hai uske paas.”
“Maayi ke chode wrong number hai saale. Hatt teri behan ki-”
Ranjeet ne dimag se qadam uthaaya. Usne apne laundo ko aas-paas ka jayza lene bheja. Kahi aisa toh nahi ki ye call police dwara karwaya jaa raha tha taaki woh haami bhar unko saboot dede ki wahi inn sab ke peechhe tha?
“Funny ho tum. Lekin, mujhe jo batana tha maine bata diya. Have fun!”
Aur, call cut ho gaya.
“H-Hello!? Hello?”
Magar, koi jawab nahi aaya.
“Iski maayi ki choot.”
Use pata chala ki sab kuchh clear tha. Aas-paas koi bhi police nahi thi. 'Veer' naam aur uska raees hone ke baare me sunte hi uske mann me laalach jaag chuka tha. Akhir, tha toh Veer ek naujavan hi.
Kya hoga agar, woh iss Dhananjay ko lootne ke saath-saath uss Veer ko bhi loot le? Uske dimag ki ghanti baji. Uska dimag bahut tezi se dauda.
“Hahahahahahaha!”
Woh zor-zor se hassne laga. Usne Vandna ko dekha.
“Kyu re maayi? Tujhe badla lena tha na? Uu Veer se? Haan? Wahi Veer hi hai jisne tere pati aur sasur ko maara tha. Hahahaha!”
Vandna ki aankhein phati ki phati reh gayi. Beshaq, woh Veer ko nahi jaanti thi. Lekin, gaanv waalo ki baato se, aur idhar-udhar ki suni sunaayi baato se use iska andaza lag chuka tha ki uske pati aur sasur ko maarne waala Manorath Singh ke parivar ke kul ka ek vaaris tha — Veer Singh.
Woh kabhi Manorath ke ghar nahi gayi thi. Jitni baatein woh uss ghar ke baare me sunti thi, woh Harikiran ya Bhanu Pratap ke muh se hi suna karti thi. Zaahir hai, ve dono humesha teekhein shabd hi bolte the uss ghar ke liye.
Aur, isliye Vandna ke mann me Manorath ke parivar ko leke koi aadar nahi tha.
Parantu, woh yeh nahi jaanti thi ki uske pati aur sasur ko maara kyu gaya tha. Woh abhi bhi uss dard se tadap rahi thi. Upar se uska apna beta jo ki bandhi bana hua tha. Aur, ab ye naya ladka… Ranjeet, jo keh raha tha ki woh badla lega?
Kaise?
Uski kuchh samajh nahi aa raha tha aur isliye-
Jab ek din Ranjeet aur uske aadmi uski haveli me so rahe the. Aur, Mumbai jaa kar badi machhli phasaane ki tarqeeb bana rahe the tab woh waha se bhaag nikli. Bijaipur ki orr…!
Use sach jaanana tha. Bijaipur me hi use koi mil sakta tha. Jo use sach bata sakta tha. Woh apna muh chhipaate hue dar-dar bhatakti rahi ki kahi se koi use aisa mil jaaye jo Manorath ke parivar ke baare me sab kuchh use bata sake.
Woh dukaano me jaa ke logo se poochhti, khet me kaam kar rahe kisaano se poochhti, kue se paani bhar rahi mahilao se poochhti.
“S-Suniye! Aap Bijaipur ki haveli ke parivar ko jaante hai kya? Y-Ya Manorath ji ke parivar ko?”
Lekin, use sandigdh samajhte hue log use kuchh bhi bataane se mana kar dete. Jab ek baar-
“H-Huh? K-Kya kaha aapne didi? Bijaipur ki haveli ke log? M-Manorath ji ka parivar? A-Aap Veer sarkar ke parivar ki baat kar rahi ho kya? Bhavna didi?”
Sunte hi Vandna ka badan kaanp utha. Woh bas ahista se haami bhari. Uska chehra abhi bhi poora dhaka hua tha.
“Are toh pehle batana tha na! Chaliye mere saath. Kaaki se zyada koi nahi jaanta iss baare me. Balki, Veer sarkar ka kya… Jiske parivar ke baare me poochhna ho kaaki ko sab kuchh gyaat hai. Yaha tak ki Mayra ki haveli ke parivar ke baare me bhi bata dengi woh hahahaha!”
Vandna ka badan sihar utha. Mayra ki haveli ka parivar? Ye toh uska apna parivar tha. K-Kaise? Woh apne muh par bandha kapda adjust karte hue ek kacche makaan ki taraf pahuchi. Ye ladki use yahi laayi thi.
“Jaiye andar. Kaaki andar hi hongi! Jaiye! Arey jaiye! Sharmaiye mat. Kaaki bura nahi maanengi.”
Sarr hilaate hue Vandna andar daakhil hui. Saamne mitti ke chulhe par ek budhi aurat rotiyaan sek rahi thi jab use kisi ke aane ki aahat hui. Woh palti toh usne dekha ki koi anjaan mahila apna muh chhipaaye dehleez par khadi hui thi.
“K-Kaun?”
Bina kuchh kahe, Vandna ne apne chehre se kapda hata diya. Uski saansein tez thi. Ranjeet ke aadmiyo dwara pakde jaana ka darr bhi use sata raha tha. Woh bhaag kar jo aayi thi.
“Vandna? K-Kya yeh tum ho?”
Jab uss budhi aurat ne uska naam liya toh Vandna ki rooh kaanp gayi. Woh iss aurat se apne jeevan me pehle kabhi nahi mili thi. Fir, akhir yeh mahila use kaise jaanti thi?
“A-Aap mujhe kaise jaanti hai? K-Kaun hai aap kaaki!?”
Budhi aurat muskurayi aur usne apne haatho me liya chameeta wahi neeche zameen par rakha. Aur, khade hote hue boli.
“Mein… Abhilasha.”
“Huh??”
Abhilasha. Wahi Abhilasha jo Bhavna ki sevika thi. Veer ke parivar ki sevika. Jiske iss kacche makaan me uss raat Veer, Bhavna, Shweta, Kavya, aur baakiyo ke sang thehra tha. Jaha Bhavna ne apne ateet ki gaatha sunaayi thi.
Vandna bhauchakki si use ghoor rahi thi. Abhilasha? Kaun Abhilasha? Woh kisi Abhilasha ko nahi jaanti thi. Fir, yeh aurat use kaise jaanti thi? Kya isliye ki woh Mayra ki haveli ki sethani thi isliye log use jaante the? Haan, yahi kaaran raha hoga. Lekin, Abhilasha ke agle bol ne uski saari soch ko mitti me mila ke rakh diya.
“Mujhe pata tha ki tum yaha ek na ek din aaogi hi aaogi. Kaho! Kya jaanane aayi ho?”
Vandna ka shareer jhatka kha ke reh gaya.
“K-Kya matlab? M-Mein-”
“Bas apne sawaal rakho bitiya!”
Vandna ne khud ke mann ko shaant kar ek gehri saans li, woh nidar hoke, thoda krodh me Abhilasha ki orr dekhi aur poochhi.
“Agar, aap mujhe jaanti hai, toh yeh bhi jaanti hongi ki mein Mayra ki haveli ki sethani hu.”
“Hu ya thi?”
Abhilasha ke sawaal par Vandna ka badan ek baar phir thitak utha. Woh kaanpi. Beshaq, ab woh kahi ki bhi sethani nahi thi. Balki, uski khud ki aur uske bete ki jaan khatre me thi. Usne gusse me apne daant meese.
“Agar aapko yeh pata hi hai, toh yeh bhi pata hoga ki Veer naam ke ladke ne mujhse mera parivar chheen liya! Mere pati ko, mere sasur ji ko- Unhe… Unhe zinda kue me jala diya gaya! Aur, log tamasha dekhte rahe. *sniff* Bhale hi mujhe uss parivar se bahut sneh nahi mila. Lekin, mera parivar tha woh! Kyuuu? Kaun hai Veer? Kaha hai iss Manorath ka parivar? Badla lena chaahti hu mein!!!”
Abhilasha mand-mand muskurayi. Jaise woh jaanti thi ki yeh hona hi tha.
“Kya tumhe nahi pata ki tumhare pati aur sasur ki hatya kyu kari gayi?”
Vandna ki uss prashn par aankhein chaudi ho gayi.
“Toh suno! Mein sab bataati hu tumhe-!”
Uske baad Abhilasha ne woh sab bataaya jo use Suman se pata chala tha. Kaise Harikiran aur Bhanu Pratap Singh ne Karunesh ke saath saazish rach ke Bhavna ke saath ghinauna khel khela tha. Kaise use ghar se baahar nikalwaya gaya tha aur kaise woh uski santaan ko maarne ke chakkar me the, kaise itne beetein varsho me unhone Manorath ke parivar ko deemak ki tarah kha ke use andar se khokhla karna shuru kiya.
Sab kuchh Abhilasha bataati chali gayi. Aur, jaise-jaise Vandna ye sunti gayi, uske badan ke harr ek roye khade hote chale gaye. Aankhon se aasu behna shuru ho gaye.
“Y-Yeh jhooth hai!”
“Yahi satya hai bitiya! Lekin, tumhare parivar ke patan ka kaaran sirf yahi nahi hai. Ek kaaran aur bhi hai. Aur, woh… mukhya kaaran hai.”
Mukhya kaaran? Iss se bada kaaran aur kya ho sakta tha? Woh aankhein phaadi Abhilasha ko ghoorti rahi.
“KYUNKI TUM-”
Achanak hi Abhilasha ki awaaz bhayanak roop se oonchi ho gayi. Vandna ke badan me ek sihran daud gayi. Aur, agle hi kshan Abhilasha ne ek sabse bada raaz uske saamne ujaagar kiya.
“KYUNKI TUM- PARIJAAT KI AURAT HO!!!”
*Boom*
Maano ek adrishya visfot hua Vandna ke mann me. Uska badan kaanp utha. Parijaat ke baare me kaun nahi jaanta tha? Parijaat ka itihaas wo tha jo dono gaanvo me fela hua tha. Uski apni ek kahani thi. Uski apni ek gaatha thi. Woh kahani hi aisi thi jise koi bhula nahi sakta tha. Bhale hi Parijaat ki aurton ka astitva keval aur keval Bijaipur ki haveli tak hi seemit tha. Magar, iski katha dur-dur tak prachilit thi.
Aur, Mayra ka gaanv bhi koi apvaad nahi tha. Vandna ne Parijaat ke kisse sune the. Woh iss shabd se parichit thi. Lekin, uska Parijaat ki aurat hona? Sunte hi woh apne ghutno par gir padi. Aur, tabhi Abhilasha ki awaaz narm pad gayi.
“Yahi satya hai bitiya.”
Vandna ne apne aansu se bhare chehre ko upar kar Abhilasha ko dekha. Pata nahi kyu, par iss aurat se use apne liye atyadhik prem mehsoos ho raha tha.
“K-Kya mein aapki beti hu? N-Nahi! Mere mata-pita toh guzar chuke hai. M-Mere pita ji toh- woh toh bahut bade zameendar the. Unhone hi meri shadi Singh parivar me karwayi thi. Phir, aapko dekh ke aisa kyu lagta hai ki-”
“Nahi! Tum meri beti nahi!”
Vandna ne ek raahat ki saans li. Woh itne saare jhatko ke liye taiyaar nahi thi. Lekin, yeh uski galat-fehmi thi agar woh yeh soch rahi thi ki jhatke yahi samaapt hone waale the.
“Lekin, tumhare guzar chuke mata-pita bhi tumhara asli parivar nahi.”
“Ahhh!??”
Vandna ki aankhon se aasu bahe. Woh apna muh khole bhaybheet hoke Abhilasha ko ghoori. Ab uske ghutne bhi kaanpne lage the.
“Y-Yeh jhooth hai! Sab jhooth bol rahi ho aap! Mujhe achhe se yaad hai! Maine apna bachpan guzaara hai. Wahi mere maa-baap-”
“Unhone tumhe goad liya tha.”
“Huh!!!”
Vandna ko jhatke par jhatke lagne ab shuru ho chuke the.
“N-Nahi! Aap jhooth bol rahi hai! Aapko bhala ye sab kaise pata ho sakta hai?”
Woh gusse se ab haanf rahi thi.
“Kyunki, tum- tum meri behan ki bacchi ho, Vandna!”
Ek aur visfot Vandna ke mann me hua.
“Tum meri badi behan ki bitiya ho.”
“Jhooth! Jhooth bol rahi hai aap! Mere pita ji zameendar the. Maine apna bachpan unke saath guzara hai!”
“Tumne sahi kaha. Magar, tum kaafi chhoti thi jab unhone tumhe goad liya tha.”
“Jhoooothh! Kyuuu? *sniff* E-Ek zameendar bhala… bhala Parijaat ki aurat ki beti ko goad kyu lenge? Ye jaante hue ki Parijaat ki aurtein Bijaipur ki haveli ke waariso ki rakhelein thi???”
Woh zor se garji. Isme koi shaq nahi tha ki Parijaat ki aurtein Bijaipur ki badi haveli me Singh parivar ki daasiya thi. Toh, phir ek jaana-maana zameendar aisi bacchi ko goad kyu lega?
“Kyunki, unhe apna rinn chukaana tha.”
“Huh?”
“Poorv me Parijaat ki aurton ne tumhare goad lene waale mata-pita ki behad madad ki thi. Isliye, zameendar ji ne vachan diya tha ki ve Parijaat ki aurton me se kisi ek ki santaan ko khud paalenge, aur uska kanya-daan karenge. Ye Parijaat ke liye bhi saubhagya ki baat thi. Aur, isliye… Unhone phir tumhe goad liya tha.”
Vandna ke aansu jhar-jhar kar uski aankhon se behte chale gaye.
“T-Toh kaun? Kaun hai mere asli mata-pita? *sniff* Bataiye!”
“Meri badi behan hi tumhari maa thi bitiya. Aur, tumhare pita ek kisaan the. Renuka, meri jijji. Badi behan. Aur, tumhare pita — Santosh.”
“K-Kaha hai? Kaha hai ab wo? *sniff* Boliye!”
Par, Vandna ke sawaal par Abhilasha bas maayus ho kar muskurayi. Aur, Vandna samajh gayi. Uske aansu aur zor-zor se behne lage.
“Kyuuuuu? Kyu ye sab hone diya aapne? *sniff* K-Kyu??”
“Kyunki, yahi tumhara uddeshya tha bitiya.”
“K-Kya matlab?”
“Tumhara bhavishya usi kshan nirdharit ho gaya tha jis samay tumhara naam Parijaat se juda tha. Jis waqt tumne janm liya, usi kshan tum Bhavna maalkin ke Singh parivar ki daasi bann chuki thi. Ab mein tumhe Parijaat ka woh sach sunaane jaa rahi hu jiske baare me har koi itna vistaar se nahi jaanta. Toh suno, bitiya. Dhyaan se suno!”
Abhilasha ne phir ek gehri saans lete hue bolna shuru kiya.
---
Varsho puraani baat hai. Woh samay jab Bijaipur ki haveli ki neev rakhe bas kuchh hi varsh beete the. Iss samay Mayra ki haveli astitva me hi nahi thi. Jab Bhavna ke pita ji, Dharam Singh ke poorvaj Bijaipur ki haveli ke maalik the. Gaanv ki ekmaatra badi haveli hone ke naate sabhi uss ghar ke logo ki izzat kiya karte the.
Haveli ke aangan me lagbhag har roz ek baithak lagti thi. Gaanv ke kuchh bade log aapas me baith ke tamaam vishayo par charcha kiya karte the. Chaahe gaanv ke vikaas ko lekar koi baat ho ya angrezo ki badhti ghus-paith ki charcha. Sab wahi aangan ki baithak me hi hota tha.
Panchayat se zyada musibato ke hal haveli ki baithak me nikalte the. Par, isi ke saath baithak me aur bhi anya mehmano ka aagman hota tha. Koi dusre sheher se aaya prasiddh naatak-kar unhe apna naatak dikha ke unka manoranjan karta tha, toh koi nritya-kar aake apne nritya se unka mann mohta tha.
Baithak ek Raja ke darbar ki baithak ke samaan lagne lagi thi. Roz shaam ko poore gaanv me iss baat ko lekar utsaah fel jaata tha ki badi haveli me baithak lagne waali hai. Poore gaanv waale bas isi aasha me rehte the ki aaj kaun se mehmano ka aagman hoga? Aaj kya charcha hogi? Uss waqt TV nahi hua karta tha. Toh, baithak hi woh zariya thi jis se aam aadmi apna samay kaat ke manoranjan karta tha.
Aaye din log haveli ke ghar ke logo ko prasann karne ki koshish me lage rehte the. Aaye din unki seva karte. Aur, seva ki jab baat aati thi toh unme aurtein bhi shaamil hoti thi.
Kintu, tab seva sirf aur sirf ghar ke kaamo ke liye ki jaati thi. Shareerik taur par koi bhi stree haveli ke mardo se sambandh nahi banaati thi. Itni maryaada sab me thi.
Aur, inhi sevikao ka ek bahut hi prakhyaat samooh tha. Sabhi aurtein behad hi khubsurat thi. Ve sab dur ek gaanv se Bijaipur me rehne aayi thi. Sabhi ki sabhi anaath thi aur ek aashram me pali-badhi thi.
“Maine suna hai aapki iss haveli ne angrezo ki pratadna se har baar gaanv waalo ko bachaya hai. Kya yeh sach hai, Sarkar?”
Unke samooh ki woh sabse anubhavi thi aur unke sangathan ke saare nirnay wahi leti thi. Haveli ke maalik muskuraye aur poochhe.
“Kya naam hai aapka?”
“Mein Parineeti, Sarkar!”
“Aur, mein Baldev Singh. Ji haan! Aapne theek suna hai. Mein iss baat ki zamanat toh nahi le sakta ki mera gaanv angrezo se mukt hai. Lekin, unke dushkarmo ke prabhav ko kam karne me zaroor Bijaipur humesha se hi agrasar raha hai aur aage bhi rahega. Hum ladaayi se nahi, dimag se unhe santulan me rakhte hai.”
Parineeti muskurayi. Use bas yahi sunana tha. Woh yaha aayi hi isliye thi taaki uske gaanv me angrezo ke badhte atyachar se wo aur uska sangathan bach sake.
“Toh aaj se yeh Parineeti aur uska yeh chhota sa samooh aapke kul ki seva me apne aap ko samarpit karna chaahta hai, Sarkar.”
“Huh?” Baldev Singh achraj me use dekhe.
Zahir hai, Parineeti ka ‘seva’ se matlab tha ghar-baar ki seva. Na ki koi shareerik roop se yaun sambandh.
“Iski koi zaroorat nahi hai. Aap sabhi ke rehne ka intezam ho jaayega. Aap fiqr mat kariye.”
Lekin, Parineeti apne faisle par adig thi. Kyunki, use aur bhi maang rakhni thi.
“Meri ek aur farmaish hai Sarkar aapse. Seva toh hum sab karenge hi… Lekin, mera samooh kaafi bada hai. Agar, gaanv me inn sabhi ko inke hisaab ka koi kaarya mil sake, toh bahut bada upkaar hoga.”
“Hmm!” Baldev Singh ne haami bhari. “Ho jaayega. Kya ye sab nipud hai?”
“Beshaq, Sarkar! Meri adhiktar saheliyaan har tarah ke kaamo me nipud hai. Kisaani se leke rasoi se leke sangeet tak. Sabhi ki apni-apni visheshtaaye hai. Maine inn sabhi par bahut dhyaan diya hai.”
“Aap befiqr rahiye! Inn sabhi ko kaarya dilwaane ki zimmedari meri hai.”
“Toh fir aaj se Parineeti ka yeh samooh aapki seva me haazir rahega, Sarkar. Lekin, uss se pehle… Mein chaahti hu ki aap mere samooh ka naamkaran kare.”
“Naam karan?” Baldev Singh soch me pad gaye. Unke agal-bagal kaafi vidyavan log bhi baithe hue the. Jab Baldev Singh ne naam ke liye unse raay maangi, toh unme se ek ne kaha-
“Aam taur par aurtein aise muh khol ke nahi ghoomti, Sarkar. Humari pratha rahi hai. Lekin, ye sab anaath hai. Aur, bahut hi pratibhashali hai sab ki sab. Sabhi ek se badh kar ek sundri bhi hai. Ekdum Pariyo ki jaat samaan…! Toh, kyu na inke samooh ka naam — Parijaat rakh de?”
Naam sunn Baldev Singh ne ek haami bhari. Parijaat naam ‘Parineeti’ ke ‘Pari’ se liya gaya tha. Aur, choonki ve sab pariyo ki jaat ke samaan sundariya thi, isliye unke samooh ka naam pada — Parijaat.
Parineeti ko iss naam se koi pareshani nahi thi. Balki, ye naam sunn woh khush thi. Aur, uss din Bijaipur ki haveli me Baldev Singh ji ne pehli baar-
Parijaat ki neev rakhi.
Aise hi kuchh hafto baad, aane waale mehmano me shaamil the ek behad hi siddh purush — Paramhans Mahadevanand Ji.
Jo Pushkar sheher se aaye the aur behad hi prasiddh the apni siddhi ke liye. Unke darshan maatra se hi aadmi apne aap ko dhanya maan leta tha. Unki aayu kya thi koi nahi jaanta tha. Kaha jaata tha ki unhe kayi siddhiyaan praapt thi, magar jo ek do prakhyaat thi woh thi — Prakriti Darshan Siddhi aur Bhava Pravesh Siddhi.
Ve jaane jaate the apne ek mahaan kaam — Saat Patthar Jagran ke liye.
Ek baar Mandoli naam ke gaanv me sookha pad chuka tha. Toh, unhone saat patthar saat alag-alag jagaho se ikhatte kiye the. Registan, nadi ka taal, shamshan, yuddh-kshetra, mandir ka khandahar, parvat ka shikhar, aadivaasi jangal.
Inn saat jagaho se saat patthar ikhatta kar unhone apni urja aur mantro ke ucchaaran se gaanv ke beecho-beech baith kar raat bhar jap kiya tha jis se-
Saat dino ke andar hi andar poora sookha gaanv se gaayab ho chuka tha. Varsha hone lagi thi. Faslein ugne lagi thi. Aur, woh sthaan ek teerth-gaman ka sthaan bann gaya — Saptavivek Sthaan.
Britishers ne ise adhyatmik visangati ka naam de kar iske baare me aneko lekho me likhna shuru kar diya tha.
Devnagari me likha unke dwara ek lekh jise jaana jaata tha — Raamchaitanya ke naam se, jisme 108 sookshm shareer avlokano ka vivran tha. Aaj ise hi ‘Akasha Kaagaz’ ke roop me jaana jaata tha.
Aaj wahi siddh Mahadevananand ji swayam Bijaipur ki haveli me Baldev Singh ke ghar padhaare the. Haveli ka vishal aangan upar se khula hua tha. Vidyavan, zameendar, pehredar, aur pujari, sabhi waha maujood the.
Pardo ke peechhe ghar ki streeyaan aur Parijaat aurtein khil-khilaati aur sharmaate hue baithak ko dekh rahi thi.
Mahadevanand ji dheere-dheere, nange paanv, apni lambi rudraksh ki maala ko dheere-dheere hilaate hue andar aaye. Veh aangan me daakhil hue.
“Kya mere jaise ek gareeb pathik ke liye iss ghar me koi aashray hai kya, Raajan?”
Baldev Singh turant haath jod kar khade ho gaye, unki aankhein vismay se zyada samajh se sikudi hui thi.
“Mein koi Raja nahi, guru ji! Rajan keh kar mujhe pukaarne ki zaroorat nahi hai. Aap yaha aaye, wahi bahut hai mere liye. Mein nahi jaanta ki aap kaun hai, lekin itna zaroor jaanta hu ki aap jaise siddh purush sharan nahi lete. Aap meri pareeksha le rahe hai.”
Mahadevanand ji mand-mand muskuraye, akhirkar unki aankhein khuli.
“Kya aapke poorvaj Raja Maharaja nahi the?”
Unke prashn par Baldev ji ka shareer jhatka kha gaya.
“J-Ji guru ji! Ve sab Raja the. Lekin, mein nahi.”
“Aap saaf-saaf dekhna jaante ho, Rajan! Toh, dekhte hai ki aapki drishti kaha tak pahuchti hai. Mere paas ek kaarya hai… jo betuka hai. Shayad murkhtapoorn bhi. Kya aap karenge?”
“Aadesh dijiye, mahatma.” Ve jhukte hue bole.
“Toh suno! Apne dakshini kheto ke theek baahar banjar zameen me ek gehra kua khodo. Lekin… Use paani se nahi bharna. Iski bajaaye, usme 60 mitti ke kalash rakho, jinhe ghee, gudd, sarso, haldi aur apni Parijaat ki har stree ke kuchh baalo se band kar do aur neem ke patto se dhak do. Yeh gyaarah dino ke bheetar poora ho jaana chahiye. Koi sawal nahi.”
Mahadevanand ji ne gambheerta se kaha. Aur, waha sannaata chha gaya.
Pehli baat toh yeh thi ki guru ji ko Parijaat ke baare me kaise bodh tha? Aur, dusri ye ki yeh kis tarah ka kaarya tha?
Pardo ke peechhe se tabhi ek dheemi si khilli udi, aur phir ek awaaz — jo itni tez thi ki use lagbhag har kisi ne sunn liya tha.
“Hmph! Dekho toh buddhe ko! Kya hum ye maan le ki iss pagalpann se hum angrezo se mukt ho jaayenge? Sookhe se bach jaayenge? Ye saadhu bas bhagwan banane ke liye kahaniya bana raha hai.”
Awaaz thi Padmini ki, jo Parijaat ki sabse sundar stree aur sabse prashansit mahilao me se ek thi. Buddhiman, chalaak, aur behad khubsurat. Samay ke saath use lagne laga tha ki woh apne padd se upar thi. Use sirf ‘ghar ki sevika’ kehlaane se chidh hoti thi. Halanki, kaam sammaan-janak tha aur woh araam se rehti thi. Lekin, apni sundarta aur buddhimatta par garv use na sirf gaanv waalo se, balki Baldev Singh se bhi shreshta mehsoos karaata tha.
Lekin, uss garv ke neeche ek gehri asuraksha chhipi thi. Haveli ki deewaro ke baahar uske paas koi virasat nahi thi. Koi swatantrata nahi. Koi taaqat nahi.
Toh, jab yeh saadhu aaya aur Parijaat ki mahilao se anushthan ke liye apne baalo ka ek katra daan karne ko kaha, toh Padmini ne ise vyaktigat roop se le liya.
‘Hum rajao ya inn aadmiyo ki daasi nahi hai. Kisi bhatakte baba ki bakwas ke liye hum apne reshmi baalo ka ek katra bhi kyu de?’
Woh iss anushthan ko aadhyatmik nahi, balki purush-pradhan andh-vishvas maanti thi, jiska uddeshya daiveeya kaarya ki aadh me mahilao ko niyantrit karna tha.
Toh, jab uske bol waha goonje-
Bechaini se ek badbadahat uthi. Lekin, Mahadevanand ji ne bas jharoke ki taraf dekha aur kuchh na kaha. Ve Baldev ki orr mude. Woh achraj me khada hua tha. Baldev ne sakhti se Parijaat ki aurton ko dekha aur uske dekhne par ve sab shaant ho gayi.
“Toh, bolo Rajan! Aap karoge?”
“Ji guru ji!” Baldev Singh ne jawab diya.
9 dino baad…
Kaarya samapti ke qareeb pahuch raha tha. Mazdoor aur naukar din-raat kaam kar rahe the. Kalasho ko taiyaar kiya gaya, zameen khodi gayi, anushthan samapt hua, lekin gyaarvhi raat ke pehle hi nauvi raat ko kuchh hua.
Kalasho ke saath chedh-chadh. 60 me se 4 kalash toote hue mile. Unki saamagri apavitra ho chuki thi.
Apradhi?
Padmini. Wahi mahila jisne iss kaarya ka mazak udaaya tha. Woh, 28 anya Parijaat mahilao ke saath, gupt roop se iska peechha kar rahi thi. Unhe yeh poora anushthan ek dikhawa lag raha tha. Kuchh ki dharnaaye toh ab ye bhi bann chuki thi ki Mahadevanand ji keval ek dhongi tha jo satta haasil karne ki koshish kar raha tha.
Kehte hai na ki ek gandi machhli poore talaab ko ganda kar deti hai. Padmini ke andar ka guroor bhi baaki mahilao ko prabhavit kar chuka tha.
Iss se bhi buri baat yeh thi ki Padmini ne Mahadevanand ji dwara uss sthal ke paas rakha gaya kaala rudraksh bhi chura liya tha, jiske baare me kaha jaata tha ki woh unki shakti ki muhar thi.
Agli hi subah, apavitrata ki khabar fel gayi. Gaanv waalo ki saansein atak gayi. Hawa bhaari ho gayi, maano kisi bhayankar toofan se pehle ki ho.
Poora gaanv haveli ke baahar ikhatta ho gaya. Mahadevanand ji beech me chup-chap khade the. Bheed me logo ke chehre sharm se lajjit the.
Baldev Singh jaan gaye the ki yeh galti Padmini ki thi. Kuchh wafadar Parijaat ki aurton ne ye raaz khol diya tha. Yeh jaante hue ki Parijaat unki zimmedari hai, ve aage badhe aur ghutno ke bal baith gaye.
“Hey gyaani, mujhe kshama kijiye! Paap mera hai. Jis par aapne bharosa kiya, usne iss bharose ko tod diya. Iska bhaagidaar mein hu, guru ji!”
Mahadevanand ji ne uski orr dekha — aankhein teekhi, phir bhi shaant.
“Ab samajh aaya ki maine aapko Rajan keh ke kyu pukaara tha?”
“Huh?”
“Aaj aapne ye siddh kar diya ki aap apne purvajo ki tarah hi zimmedari ka taaj pehente ho. Aaj aapne saabit kar diya ki aapke kul ka khoon samay ke saath patla nahi hua. Kisi aur ki galti ka dosh apne sarr lena asaan baat nahi, Rajan.”
Unhone Baldev ke kandho par haath rakha aur unhe dheere se uthaaya. Phir, veh bheed ki orr mude aur garajte hue bole.
“Lekin, jisne paap kiya hai, veh abhi bhi chhipa hai. Parijaat ki Padmini — Saamne aao!!!”
Parde ke peechhe se ek cheenkh sunayi di. Padmini kaanpte hue ghutno ke bal gir padi. Use nahi laga tha ki woh pakdi jaayegi.
“Ek kuleen vyakti ne tumhe aashray diya… Uske haatho ne tumhe bhojan diya… Uske ghar me tumhe suraksha di… Aur, phir bhi tumne uske saath-saath dharm se chori ki.”
Hawa tez ho gayi. Unhone gangajal se bhara ek peetal ka paatr khola aur use agnikund me chhidka. Unhone kaale kapde ki ek patti nikaali, pracheen atharva mantro ka jaap kiya aur pavitra agni ki teen baar parikrama ki.
Laptein aprakartik roop se uthne lagi.
“MEIN YEH SHRAAP DETA HU KI — PEEDHIYO TAK YEH GYAAT HO KI ABHIMAN KA PAAP DAND SE NAHI BAKSHA JAYEGA! AAJ SE, PARIJAAT KI STREEYAAN — JINKA SAUNDARYA UNKA AHANKAR THA, JINKA SATEETVA UNKA HATHIYAR THA — USI VANSH KI SEVA KARENGI JISE UNHONE APAVITRA KIYA!”
Ve aankhein band kar ke ruke aur phir garje.
“MAANSIK ROOP SE! BHAVNATMAK ROOP SE! AARTHIK ROOP SE! AUR… SHAREERIK ROOP SE! UNKA ABHIMAN TOOTEGA! UNKA AHANKAR BEDIYO ME BAANDH DIYA JAYEGA! AUR, SANSAR KE SAMAPT HONE TAK UNHE BALDEV SINGH KE PARIVAR AUR UNKE VANSHAJO SE BAANDH DIYA JAYEGA!”
“AUR, AGAR ISS SE BACH KAR BHAAGNE KI KOSHISH KI- YA PARIVAR AUR KUL KO KISI BHI TARAH SE HAANI PAHUCHANE KI KOSHISH KI, TOH UNKA AUR UNKE PARIVAR KE PATAN KA KAARAN BANEGA YAHI SHRAAP.”
Bheed avaak reh gayi. Padmini chakkar kha ke behosh ho gayi. Parijaat ki Parineeti daud kar aage badhi aur guru ji ke charno me gir padi, aur bekabu hokar rone lagi.
“Maharaj! Mahatma! Hum moorkh the. Aapko chahiye toh mujhe shraap de dijiye — lekin, baakiyo ko chhor dijiye. Hume humari sateetva ki haani se bacha lijiye.”
Baldev Singh bhi ghutno ke bal gir kar vinti karne lage.
“Mahaan! Ve sab meri dekh-rekh me hai. Jo bhi dand dena hi — mujhe dijiye. Lekin, unka saar kalankit mat kijiye. Kripya, guru ji-”
Mahadevanand ji chup ho gaye. Jwalaaye mand pad gayi. Hawa thandi ho gayi. Unhone dheere se apni aankhein upar uthayi.
“Ek baar diya gaya shraap wapas nahi liya jaa sakta, Rajan! Lekin, use… seemit zaroor kiya jaa sakta hai. Keval aur keval aapki wajah se-”
Unhone uss agni se raakh uthayi aur use apni hatheliyo me ragda.
“PARIJAAT KI AURTEIN SABHI WAARISO KI NAHI, BALKI KEVAL EK KI SEVA KARENGI! VEH JO BALDEV SINGH KE VANSH ME SARVASHRESHTA HOGA! JISKA DHARMA SABSE BADHKAR HOGA! JISKA MANN USKI TALVAR SE BHI TEZ HOGA! JISKI AATMA NISHKALANK HOGI! VE SAB USKI SEVA KARENGI — AUR KEVAL USKI! HAR TARAH SE SHRAAP YAHI MAANG KARTA HAI!”
Ek sannata chha gaya.
“Aur, ise ek sabak maan lo! Uss kripa ki bhi apni seemaaye hoti hai. Dharm unki raksha karta hai jo uski raksha karte hai. Aur, unka naash karta hai jo uska uphaas karte hai!”
Veh mude. Aur, jaane lage. Aur, yahi se shuruat hui — asli Parijaat ki.
Baad me wahi anushthan wapas se poori savdhani se kiya gaya aur safal bhi hua. Anushthan ka uddeshya tha-
Gaanv ke neeche ek adhyatmik garbh banaana. Angrezo dwara laayi gayi sookshm videshi urjao ko nishkreeya karne ke liye. Gaanv ke adhyatmik mool, sanskritik smriti aur paitrik urja ko nasht hone se bachaane ke liye.
Parijaat mahilao ki stree urja (shakti) ko dharti ke saath sanrekhit karne ke liye, unki jeevan shakti ko mitti se baandhne ke liye, taaki koi bhi baahri shakti gaanv ko ukhaad na sake. Ya adhyatmik roop se uska ullanghan na kar sake.
Aprakartik mauto aur akaalo ko rokne ke liye, aur bhoomi va parivaro me urvarta badhane ke liye. Gaanv ko dusht shaktiyo se chhipaane ke liye aur sukh, samridhhi felaane ke liye.
Inhi Parijaat ki aurton me shaamil thi — Suman ki purvaj, Sudha, Mukta, Varsha, Vandna, aadi… Inn sab ki purvaj jinhone aage chal ke baakiyo ko janm diya.
---
Jab Abhilasha ne ateet ki gaatha ko samapt kiya, toh Vandna ki aankhein sadme me phaili hui thi.
“Aur, isi tarah hum bhi unhi ke vanshaj hai bitiya. Sab ke sab. Tum bhi! Yahi kaaran hai ki tumhare parivar ka patan kyu hua!”
“Haah!!” Vandna ki saans zor se choothi. Use saans lene me taqleef ho rahi thi.
“Kyunki, tum… Ek Parijaat ki aurat hoke, tumhara parivar maalik ke parivar ke khilaaf gaya. Isliye, yeh toh hona hi tha.”
“N-Nahi!”
“Mayra ki haveli ka parivar aaye din Singh parivar ke liye mushqile paida karta rehta tha. Aur, isliye maine-”
Iss baar Abhilasha ki aankhon se aasu dhaar bann kar behne lage.
“Mujhe maaf kar dena bitiya! Kyunki, woh mein hi thi! Jisne tumhari shaadi uss ghar me karwayi!”
*Boom*
Ek aur visfot Vandna ke mann me hua. Kya matlab?
Matlab yeh ki aaye din Mayra ka parivar jo Singh parivar ke liye hanikarak saabit ho raha tha, uss se nipatne ke liye hi Abhilasha ne Vandna ki shadi uss ghar me karwayi thi. Taaki, agar bhavishya me ve sab parivar ke liye aanch bane toh unka khaatma shraap ke zariye ek na ek din ho hi jaaye.
Yahi tha Parijaat ki aurat hone ka astitva. Uski zimmedari.
“A-Aap-!!”
Vandna avaak reh gayi. Woh aadhe ghante tak bas apne aasu bahaati rahi. Aur, Abhilash uske paas aa kar neeche baith uske galey se lag gayi.
“Maaf kar dena! Mujhe maaf kar dena bitiya! *sniff* Mein tumhari doshi hu!”
“M-Mera beta! Maasi mera beta! *sniff* Mera beta!”
Vandna ne phir sab kuchh sweekar kar liya. Usne apni vyatha batayi ki kaise woh yaha par bhaag kar aayi thi.
“Maalik bitiya! Veer maalik! Wahi tumhe bacha sakte hai! Yaad rakhna-! Yaad rakhna humesha ki tum Parijaat ki aurat ho! Aur, tumhara sabse pehla maqsad hai Veer maalik ki seva. Unhe kisi bhi prakar ki haani mat pahuchana. Tumhare pati aur sasur ne yahi galti kari thi.”
“V-Veer maalik-!?”
“H-Haan! Jao bitiya! Jao maalik ki sharan me jao. Mujhe poora vishvas hai ki ve hi tumhare bete ko dhundh sakte hai.”
Vandna waha se nikli, lekin Ranjeet ke aadmi akhirkar use pakad hi liye.
Vandna ne wahi chaal chali jo Abhilasha ne use samjhayi thi. Bhola banana aur Ranjeet ke jhaanse me rehne ka use vishvas dilaana. Yahi kaaran hai ki kyu uss raat slaughter house me jab Ranjeet ne use call kiya tha toh Vandna ne ye kyu kaha tha-
“Hahaha! Aai ja maayi Aai ja! Tohre liye badhiya tohfa taiyaar kar ke rakhunga. Tu aa!”
“Y-Ye sab! Ye sab jokhim bhara hai!”
“Iski behan ki choot! Muh band rakh! Bahut baat sunn leni tohre se. Ab aur naa! Jitna bola gaya hai utna karne ka! Samjhi na?”
Vandna ne jaan-boojh ke Ranjeet ko 'jokhim' keh kar uksaaya tha. Shraap ki lapat me Ranjeet laalach ki wajah se aa phasa aur khud apni jaan bhi gawa baitha. Itna taqatvar tha yeh shraap.
***
Vandna Veer ke saamne baith ke ro rahi thi. Kaanp rahi thi. Ghadi me subah ke 5 baj rahe the. Mukta, Varsha, aur Sudha bhi wahi baithi hui thi.
Veer (sighs) : Toh, ye thi sacchayi.
Vandna : H-Haan! *sniff* M-Mein Parijaat ki aurat hu! *sniff* T-Toh, kya tum... Kya tum...
Mukta (frowns) : Tum nahi! Aap! Aap bolo! Parijaat ki aurat ho toh!
Veer : Bolne do use, Mukta. Mujhe 'aap' 'tum' se farq nahi padta.
Vandna : T-Toh, kya tum mere bete ko ab dhundh sakte ho? U-Use bacha sakte ho?
Veer (nods) : Choonki, ab jab tum meri zimmedari ho. Dhananjay ko dhundhna bhi meri zimmedari hai.
Zaahir hai ki Vandna apne bete ki maut ke baare me abhi kuchh bhi nahi jaanti thi. Use jitna pata tha utna usne Veer ko bata diya tha.
Veer ka mann bhi ashaant tha. Woh waha Dhananjay ka khaatma karne gaya tha par kisne socha tha ki aenn waqt par waha police aa jaayegi? Aur, upar se uska saamna uss Trisha se ho jaayega? Aur, toh aur woh Dhananjay nahi, Ranjeet niklega!?
Ek baar woh Trisha ki nazron me aa chuka tha, ab dobaara nahi aana chaahta tha. Aur, isliye-
Usne iss qadar Ranjeet ko maut ke muh me utaara ki woh kisi ki nazar me aaya hi nahi. Poore samay Trisha aur uski team, Ranjeet aur uske log yahi sochte reh gaye ki kis anjaan ne inn sab ko anjaam diya.
Upar se woh aisi maut mara ki use pata tak nahi chala ki use kisne maara. Na sirf Veer ne andhere me reh ke saari musibato ki jado ko ek-ek karke saaf kiya, balki Ranjeet jaise gang leader ko maar ke uska dosh ulta inspector Trisha par thop diya.
Yahi thi uski master strategy. Magar, agar jaha iss strategy ka fayda tha toh wahi iska ek nuksan bhi tha. Aur, woh yeh tha ki — usne Ranjeet ko unn hooks par uske muh se latkaya toh tha, magar maara nahi tha.
Ranjeet uss waqt zinda tha. Dard se tadap raha tha. Chhatpata raha tha. Beshaq, woh kuchh der me hi mar jaata lekin, killing blow Trisha ne deliver kiya tha. Na ki Veer ne. Ranjeet ki saansein Trisha ki goli seene me lagne ke baad thami thi.
Dusre, shabdo me… Ranjeet ko Trisha ne maara tha.
Aur, agar Ranjeet ko Trisha ne maara tha. Toh, system ne Veer ko Ranjeet ka Past Illustration diya hi nahi. Kyunki, system ke hisaab se Ranjeet ki dhadkane thaamne waala Veer nahi tha. Trisha thi.
Aur, isi wajah se-
Veer Ranjeet ka kisi bhi prakar ka ateet nahi jaan saka. Usne uske ek-do pantaro ka past dekha, magar use kuchh bhi haath nahi laga.
Veer : Sudha! Mukta! Varsha! Vandna ko yahi rakho. Sheher ke taur tareeko se use rubaru karwao! Iss beech mein... Dhananjay ko dhundhne ke baare me kuchh sochta hu.
Sudha : J-Ji maalik!
Aur, itna bol woh waha se nikal gaya.
***
[Master…]
‘Pari! Show me my full status.’
[Sure!]
Aur, tabhi uske mann me ek window khuli.
*Ding*
Usne dekha ki sabhi ki favorabilities tab me badlaav aa chuka tha. Par, uska main focus tha apne stats ki orr. Kaafi samay se usne inn par rok laga ke rakhi hui thi. Ab samay aa chuka tha ki woh waapas se unn par dhyaan de. Disembowler se bhidne ke baad use samajh aa chuka tha ki woh abhi kitna peechhe tha.
Usne dekha ki uske paas 40,000 points jama rakhe the. Jisme se 20,000 use haal hi me Disembowler ki ladaayi se praapt hue the. Aur, 10,000 Ranjeet ko maarne par.
'Pari! 30 points strength aur intelligence me add kar do. Agility me 20 add kar do. Aur, endurance me bhi 30 points add kar do.'
[Yes, Master.]
*Ding*
Uske saamne stats ki screen khuli.
'Hmm!'
*Ding*
[11,000 points have been used. You are now left with 29,000 points.]
'Good! Abhi ke liye ye change kaafi hai.'
[Aapko ek nap lena hoga changes ke liye, Master.]
'Jaanta hu!'
Usne mann hi mann ek haami bhari. Ek santushti bhari haami.
‘Pari! Skill shop kholna.’
[Ah!!]
‘Kya hua?’
[Aap kabhi skill shop itna explore nahi karte the. Aur, achanak se aaj aapne shop explore karne ko kaha isliye-]
‘Yeah! Please, open karo.’
[Yes, master.]
Shop open hote hi ab use ek naya interface dekhne ko mila. Pehle jaha shop me skills aise hi line se lagi rehti thi. Ab wo alag-alag sections me vibhajit thi. Usne unn sections par nazar maari toh uski aankhein aashcharya me chaudi ho gayi.
‘Interesting…! Ye pehle se kaafi better hai.’
Uske mann me skill shop ka interface khula hua tha.
[Skill Shop :
1) Combat Skills : Offensive and close range engagement skills.
2) Defensive & Evasion Skills : Protective skills that require dodging, shielding, or enduring attacks.
3) Stealth & Infiltration Skills : Skills for espionage, escape, and unnoticed operation.
4) Perception & Awareness Skills : Enhances senses, intuition, pattern recognition & spatial intelligence.
5) Physical Mastery Skills : Boost body coordination, agility, and performance.
6) Social & Manipulation Skills : Verbal, psychological & charisma-based control skills.
7) Leadership & Strategy Skills : Helps in planning, commanding, and managing groups in pressure.
8) Technical & Analytical Skills : Boosts logic, pattern recognition, and device interaction.
9) Survival & Environment Skills : Survival instincts, adaptation to hostile environments.
10) Medical & Rescue Skills : Healing, diagnostics, and life-saving techniques.
11) Legendary Skills (Cross-Category) : Very rare, mission-bound, extremely powerful skills. Can fall under any above category.]
Veer ne jab itni saari categories dekhi toh uska dimag chakra gaya. Magar, uski nazar sabse pehle 11th category par padi. Uski aankhon me ek chamak thi.
Legendary skills? Shop me? Aisa pehle kabhi nahi hua tha. Yeh sab kya tha? Kya woh legendary skills ko khareed sakta tha? Usne bina samay gavaaye ‘Legendary Skills’ ko select kiya aur-
*Ding*
[The host cannot access the ‘Legendary Skills’ section if the missions are due.]
[Complete the due missions if the host wants to access the ‘Legendary Skills’ section.]
‘I see…!’
Veer ki bauhe upar uthi. Uske missions pending me the. Do naye missions use mile the aur unhe complete kiye bagerr woh iss section ko nahi dekh sakta tha.
‘Pari? Kya mujhe Legendary skills iss section se mil sakti hai?’
[Mein sure nahi hu, master. Kyunki, aapki hi tarah mein bhi ise access nahi kar sakti. I’m- I’m sorry Master.]
‘Huh?’
[M-Mujhe ye pehle hi kar lena chahiye tha. Jab aapko mission nahi mila tha.]
Veer ki bauhe sikudi. Pari itni dheeli-dhaali kab se ho gayi bhala? Woh agar baahri duniya me itna vyast tha toh kya Pari samay rehte itna sa kaam nahi kar sakti thi?
‘Tum kabse itni careless hone lagi, Pari? Maine tumse ye bilkul expect nahi kiya tha. Aur, tum ye bata rahi thi ki tumhari special skill tumhara intelligence hai? Kaha gaya woh intelligence?’
Veer ke shabd teekhe the. Uska ravaiyya bhi alag tha. Pari maun reh gayi. Woh sehmi hui thi. Iske pehle kabhi uske master uss se iss tarah se pesh nahi aaye the.
‘Ava ke system Lily ki special ability uska luck factor hai. Kam se kam woh sahi se uska istemal toh karti hai. Tum kya kar rahi thi? Agar, mein itne disturbance me bhi itna active reh sakta hu, raato ki neend sacrifice kar ke itne matters se deal kar sakta hu, toh tumhe toh mere andar maujood hoke aur bhi active rehna chahiye. Par, fir bhi tum-’
Woh use suna hi raha tha jab achanak Pari ki awaaz zorr se uske andar goonj gayi.
[KYUNKI, MUJHE AAPKI FIQR THI, YOU STUPID MASTER!!!]
Uski awaaz ruwasi thi. Lag raha tha jaise woh abhi ro degi.
‘Huh!?’
Veer thoda chaunk gaya.
[M-Mujhe aapki fiqr ho rahi thi. M-Mein… A-Aap pareshan the. Disembowler, prestige attack, aur na jaane kya-kya. M-Mein har samay aapke baare me soch rahi thi. Aapki nerves ko calm karne ki koshish kar rahi thi. Soch rahi thi ki iss sab ke peechhe kaun ho sakta hai aur uska kya aim ho sakta hai.]
‘!??’
[Aapke behaviour me change aa raha hai… Mein ghabra rahi thi. This isn’t how you used to do things, master.*sniff* Mein aapse baat karna chaah rahi thi. Y-You are getting changed. M-Mein jaanti hu aapke dada ji ki death ka impact aap par pada hai. B-But- this… this isn’t the right way.]
‘...’
[Aapne mission ke pehle hi Ranjeet ko maar diya. System ne use abhi complete threat ghoshit bhi nahi kiya tha par aapne- *sniff* Y-You killed him brutally.]
System ne Ranjeet ko abhi complete threat nahi maana tha. Yaani ki agar, Veer slaughterhouse nahi bhi jaata toh koi farq nahi padta kyunki, Trisha already waha pahuch hi jaati aur fir Ranjeet ko woh pakad leti. Jis se Ranjeet Veer ke liye kisi bhi prakar ki pareshani bann kar saamne nahi aata. Kam se kam tab tak jab tak woh Police ki giraft me rehta.
Parantu, Veer ne uske pehle hi Ranjeet naam ki iss samasya ko jad se mita diya tha. Aur, Pari ki nazro me ye galat tha. Yeh aisa tha jaise koi jaan-boojh ke kisi ki jaan le raha ho. Ranjeet ko bandhi bhi banaya jaa sakta tha. Lekin, iss qadar use hook par latka ke tadpa kar maarna? Uske master ye sab kab se karne lage bhala?
Isliye, inn beetein dino se Pari pareshan thi. Apne liye nahi, apne Master ke liye. Woh sabhi pariyon me se sabse sanvedansheel thi. Yahi kaaran tha ki kyu woh system par focus na kar ke apne master pas zyada focused thi.
Pari ke bol sunn Veer ki nazrein neeche jhuk gayi. Lekin, usne Pari ki baat ka samarthan nahi kiya.
‘Maine use nahi maara!’
[YOU KILLED HIM!]
‘Agar, maine use maara hota… Toh, Past illustration aata. But-’
[Woh already marr jaata agar waha woh Trisha nahi pahuchti toh-! M-Master! *sniff* Don’t get impulsive please. I… I like the way you were before. P-Please, don’t change. I-I beg you *sniff* Don’t be like this.]
Uski guhaar bhari awaaz Veer ko sunaayi di. Veer ne ek gehri saans li aur uske mann me bas itna hi nikla-
‘This is the right way, Pari.’
[Y-YOU-!!! HOW CAN YOU??? *sniff*]
‘Ranjeet ko raaste se hataate hi cheezein kitni asaan ho gayi hai ab. Dekho tum! Ek na ek din use marrna hi tha. Also, maine nahi maara use. The hook killed him. Trisha killed him. Not me!’
[I HATE THIS… *sniff*]
‘Melodrama ki zaroorat nahi hai. Yahi efficient aur sabse sahi tareeka hai. And, this is how I’ll proceed. Mujhe calculated plans ko execute karna hoga. That’s it! Aur, tabhi-’
Par, iske pehle ki woh apni baat poori rakhta-
*Ding*
[The active system has gone into sleep mode.]
[The host won’t be able to interact with the active system for 6 hours. The host can still access the passive system on his own.]
‘Pari, tum-!’
Veer ne apne daant meese. Woh uski baat bina sune hi 6 ghante ke liye sleep mode me jaa chuki thi. Uski awaaz me kampan tha. Shayad ro rahi thi. Magar, Veer ne apne aap ko inn emotions ke chalte apne resolve ko badalne nahi diya. Usne mann me apni wahi baat dohraayi.
‘This is the right way, Pari!’
.
.
.
.
.
.
.
.
.
.
Aaj ke liye itna hi guys.
The Update consists of 12k words.
Dhanyavad.
Calm_777
No baby on board. I pull out.
- 280
- 1,935
- 124
Werewolf
Superb update.
Past ke baare me janne ke baad ab baki ka aur zada detailed aur clear lag rha hai. It's very good to see that even parijaat naam ke piche bhi reason hai , aur jo log bolenge ki past boring to aisa nahi hai kyuki ab past padh ke chize aur zada sense bana rahi hai . I just want to say this to all , plz dhayan se padhiye iss update ko to aapko pata chalega ki writer ne kitna detailed likha hai so that everything will make sense . appreciate krna sikho yaar writer kitni mehnat se ye sab likhta hai, bolna easy hai but it's very hard to connect every pre-written points properly and accurately.
Dhananjay ka padh kr dukh bhi hota kyuki I think he was different than other males of his family. Anyways I think Veer have become harsher towards pari in particular.
Vandana ko thoda unexpected tha , I mean dhananjay ke jagah lene wale ko hate krna samajha ja sakta tha but vandana ka parijaat ke sath wala itna deep connection puri tarah se unexpected tha. Well ju ne update dene ke pehele hi bata diya tha that update is full of twists. Shraap ka concept mujhe sahi laga, I mean ki ye parijaat ki loyalty ab zada sense bana rahi hai kyuki bina koi thos reason ke why would someone would be willing to be someone's slave . Guess soon veer will be clashing with Raman. Mujhe nahi lagta Raman will be big deal for Veer , cause veer waise hi bohot bade bade diggajo se bhid chuka hai. Chalo dekhte hai ab aage kya hota hai.
Thank you very much for the entertaining update.
BTW I'm still waiting for Ava and veer's family meetup.
Superb update.
Past ke baare me janne ke baad ab baki ka aur zada detailed aur clear lag rha hai. It's very good to see that even parijaat naam ke piche bhi reason hai , aur jo log bolenge ki past boring to aisa nahi hai kyuki ab past padh ke chize aur zada sense bana rahi hai . I just want to say this to all , plz dhayan se padhiye iss update ko to aapko pata chalega ki writer ne kitna detailed likha hai so that everything will make sense . appreciate krna sikho yaar writer kitni mehnat se ye sab likhta hai, bolna easy hai but it's very hard to connect every pre-written points properly and accurately.
Dhananjay ka padh kr dukh bhi hota kyuki I think he was different than other males of his family. Anyways I think Veer have become harsher towards pari in particular.
Vandana ko thoda unexpected tha , I mean dhananjay ke jagah lene wale ko hate krna samajha ja sakta tha but vandana ka parijaat ke sath wala itna deep connection puri tarah se unexpected tha. Well ju ne update dene ke pehele hi bata diya tha that update is full of twists. Shraap ka concept mujhe sahi laga, I mean ki ye parijaat ki loyalty ab zada sense bana rahi hai kyuki bina koi thos reason ke why would someone would be willing to be someone's slave . Guess soon veer will be clashing with Raman. Mujhe nahi lagta Raman will be big deal for Veer , cause veer waise hi bohot bade bade diggajo se bhid chuka hai. Chalo dekhte hai ab aage kya hota hai.
Thank you very much for the entertaining update.
BTW I'm still waiting for Ava and veer's family meetup.
- 16,455
- 110,817
- 259
Thanks a lot. Keep supporting!As always a very amazing update, the secret of Parijaat was out, in the same way Parijaat's secret was also hiding many secrets within itself. The story is getting very interesting. Veer's changing personality is worrying pari a lot.
let's see what happens next.....
Bro
Dhanyavad!
Fix kar diya hai bhai sab ab. Recheck karne ka.!
Lore bahut deep hai bhai. Abhi finale arc jaha aayega toh bologe ki bhai kya hi likh diya. Kahanni me ekdum starting ke updates par jayenge hum! Bas dekhte jao!amazing update
surprise pe surprise
Vandana bhi slave nikalegi ....
unexpected !!!!!!
ab itna detail hai to in future these will give deep impact on story in future
Waqt hi batayega.
Use likha maine iss tareeke se hai ki bore na lage. But phir bhi kuchh logo ko lagta hai, unhe past padhna pasand nahi rehta aur woh bas main plot par focus karna chaahte hai. Par, main plot ko interesting banaane ke liye aur use aur depth dene ke liye hi flashbacks exist karte hai. Thanks btw and keep supporting!aapne kaha ki update boring hoga n all etc.....
but mujhe ye acha laga ....
kyuki kahani ke saath judne ke saath saath writer ki soch je saath judna bhi zaroori hai
tabhi to samajh aayega ki writer imagination
story ka maaza bhi tabhi aayega
wonderful update Werewolf
keep it up
Arc ke end tak kaafi kuchh romance me hume progress dekhne ko milegi. Bas, next update se hi iski jhalak milne lagegi.
Dhanyavad!
Mr moon knight x
Member
- 205
- 431
- 64
Yehi to Parijaat ki aurton ka hakikat hain isse kaise bachega Vandana. Aur durrrr ki chachi hone se kiya ho jata hai? Idhar usne apni mousi ka sponge daba Dala aur kidhar ju woh durrrrr ki chachi ki baat kar rahe ho. Aur waise bhi veer wise hai usne koye bhi Parijaat ki aurton ko slave jaisa treat nahi kiya abhi tak. He respect them all.
Stroy padh rahe ho ya aankhe sekh ke nikal ja rahe ho bhai! Kucch sensible Baat To Karo.
- 16,455
- 110,817
- 259
Bahut bahut dhanyavad!
Thanks a lot bhai! Parijaat ki story deep thi bhai. Aise hi mann se hi thodi naam rakh diya tha maine Parijaat. Ab zara socho ki kab maine parijaat ko introduce kiya tha. Aur, kab jaa ke uski backstory humne dekhi. Saalo pehle se prepare kar rakha tha. Abb ujagar kiya hai. Veer aur pari ki aur bhi convos aage aayengi. So, be updated with the thread updates.
Thanks!
Another fabulous update.
The way you wrote the past in past is very impressive. The way you connected Vandana and parijaat is quite commendable.
1. So now will Trisha will be culprit in eyes of police
2. How will Veer get know about how Dhananjay died
3. Will Veer listen to Pari or not,is he going to be like this
4. Who was the one who told Ranjeet Veer's identity
Anyways don't take too much stress and keep writing
1. Time will tell.
2. You'll see in the next upcoming updates.
3. Currently, Veer is operating on his own calculated plan. He's not listening to Pari on how to deal with things. So, no... for now, Veer is dead set on finding the real culprit who instigated all of this. And, he won't stop.
4. Isn't it obvious? Who else could it be? It was - Damian. The system holder, who operates for Rebecca. The one whom Renshu fought in the chinatown arc. He was the one who did all of this. He gave the detonating bomb to Rajat. Otherwise, how could Rajat have gotten that bomb? He was the one who informed dexter about veer and gave the details regarding Veer's family to Dexter. That's why Dexter was only targeting Veer's family members during his sniping. He was the one who called Ranjeet & told him about Veer. It was all him.
Bahut bahut dhanyavad!
Trisha ka scene next update me... Don't worry! Kyunki uske saath aur bhi logo ko dikhana hai, not just trisha alone. Isliye yaha par nahi diya. Update already bahut bada ho chuka tha. Anyways, thanks!Jaise ki update ka naam tha Past under the past
Tho usme Parijaat ka Raman ka Dhananjay ka Vandana ka or Ranjeet ki puri history bata di jisse ab aage kisi ko koi confusion nhi rahega Raman or Ranjeet Veer k piche kyu hai yeh bhi pata lag gaya Dhananjay ko kisne or kyu mara yeh bhi pata lag gaya
Wahi pe Pari or Veer k bich 1 alag tarah ki conversation hoyi jo shayad pehle kabhi nhi hoyi thi Pari k emotions samne aaye
Waise main 2-4 line mein Trisha ka reaction dekhna chahta tha iss update mein Dhananjay urf Ranjeet ko marne k baad uski kya condition thi shayad aage dekhne ko mile
Keep writing like this
Veer ki info Ranjeet ko dene waala Damian tha. Clear nahi hua ye?
Mujhe laga ab tak toh itna sabhi ne araam se guess kar liya hoga.
Ye toh bahut easy tha.
Anyways, thanks and keep supporting.
- 16,455
- 110,817
- 259
Thanks but I don't know anything regarding Imran series. Heard for the first time and no... I'm not interested in writing others' work.
Patience doesn't exist here bhai.
But yeah... I'll work according to my own schedule and priorities.Phir, Ranjeet ka bhi toh khaatma ho gaya.Dhananjay khoud ko sigma samajh raha tha ki woh Raman ki pol kholega, par ulta Raman ne usse apna smegma bana dala
Thanks and keep supporting!Bhi update zabrdst ta infact parijaat ka doubt b clear ho gya ha k ya pri jaat ksy or kha sy bni bki swal ya ha k kia veer ab asa he rhy ga ya phly jasa cool ho jy ga wasy is veer ma koi burai to nhi ha pr phr b pri ki Jo fiqar ha wo b jaiz ha brother bki thanks update k leya
Yes! Focus wahi hai. Don't worry! Thanks!
Bahut bahut dhanyavad. Par, sabhi nahi kehte... Like toh 250 log karte hai. Comments bas gine chune log hi karte hai.Hum bilkul be boor nahi hue bro aap ne 12k ka update dia aur bhut he shandar update dia hume pta ne nahi tha Parijat ka Past kasa tha aap bhut ache writer ho jitne be update maine read kare sab main aap ne bhut he gahrye se uska ulakh kiya hai auro ka malom nahi but aap ne aaj ka update be bhut he sunder dia app ka bahut danybad ase he likhte rahna hamra pyaar hamesha bana rahe ga aap ke next update ka intzar rahega
Yahi sawaal ka jawaab agle update me milega. Toh dhyaan se padhna woh waala
Bahut bahut dhanyavad. Saath bane rehne ka aise hi!BHAI KYA LIKHTE HO , KAHANI PADHTE PADHTE JAISE JAISE WO HAMARE SAMNE PURI FILM CHAL RAHA HO... PARIJAAT KI HISTROY SACH MEIN HEART TOUCHING RAHA, EK KI GALTI PURE KUL KO LE DUBA. ISS BAR DO SIKH MILA, EK BALDEV JI KA SAMARPAN AUR PADMINI KA AHANKAR .
Agle update me toh nahi, par jald hi pata lag jayega neel mani ka raaz bhi.
- 16,455
- 110,817
- 259
Bahut bahut dhanyavad.An excellent and amazing update as always Werewolf ,Update ka title ju hamesha perfect rakhte ho aur aaj bhi aisa hi kiya,Hum dhananjay ke baare mai jaante jaante ,parijaat tak pahuch gaye
Update ka title most of the times last me hi decide hota hai kyunki, mein itne din sochta hi rehta hu ki perfect title kya hoga. Yes, that's how both the households were. And, came a long way only to be perished alongside.
Mujhe bhi Rajasthani nahi aati bhai. But, I do know some of their words. Aur, unhi ka istemal kar ke maine bas general way me use likha hai. Rahi baat Raman ki toh, usne ye apne saath rahe guru ji se hi seekha hai... And, now he has perfected his craft. Craft of being a conman and fooling others. Yes. Ranjeet Raman ke liye hi kaam karta tha. Raman agar fake white side tha iss dhandhe ki toh wahi Ranjeet black side tha jo dhandhe ko poora karne ke liye zaroori hoti thi.
Indeed. That was Damian.
Kaera bhi nazar aayegi bhai. But unnecessarily mein use kheench ke nahi ghusedna chaahta. Jaha uska scene rahega waha zaroor dikhayi degi. Next update me chances hai waise uske dikhne ke thode but let's see... kyunki update likhte time bahut se moderations hote hai.
Last update ko hi lelo for example : Woh update Veer ke scene se shuru hua tha originally. Jaha Vandna behosh rehti hai. He calls Varsha. Varsha chakit hoke Sudha, Mukta ko bulaati hai par saili ko sone deti hai kyunki abhi asli baat ka pata nahi tha ki kya hai. Aise me pehle bado ka rehna zaroori hai. Sudha Veer ke haath aur kapdo par lage khoon ke dhabbo ko garam paani se tauliye se saaf karti hai aur fir Vandna hosh me aati hai. Veer then asks her what happened jaha unke beech bhi kuchh tutu maimai hoti hai aur phir Veer gusse me aake Vandna ki chin pakad ke uss se sach ki demand karta hai tab jaa ke Vandna apna muh kholti hai.
Originally, yaha se scene start hona tha aur phir hum flashback me jaate. But see? I deleted that scene. Moderation ho gaya. Kyunki, update bahut lamba ho raha tha. So, i decided to shed some light on parijaat ladies in the later updates.
Aise hi hota hai scenes ke saath. Agar luckily Kaera ko scene me aana raha toh woh next update me kaho dikh jaaye. Otherwise aage aane waale updates me hi milegi.
Dhanyavad! Maine ek hi update me dono cheezein dikha di. Ek prakar se ab mein parijaat ke origin se fursat ho gaya, ab mujhe use baad me dikhaane ki zaroorat nahi. Flashbacks bahut important part hote hai. Flashbacks se khelte aana chahiye. Uske zariye bahut kuchh emotions invoke kare jaa sakte hai. Ek writer ke taur par bol raha hu. Ab ise tip ke roop me bhi le sakte hai baaki writers agar chaahe toh
Agar woh ise samajh paaye toh...Game change kar deta hai ek achha likha gaya flashback. Anyways, keep supporting man!
Last edited:
Bahut fabulous updateUpdate - 203 ~ A Past under a Past
Ab tak...
Mandli shaant ho gayi. Baba ji ne dheere se apna sarr ghumaaya. Woh muskuraate hue thahaake lagaaye. Fir, ahista se bole.
Baba ji : Naam? Hahahaha! Mere bacche...! Iss shareer ko log yaha mohanlal keh ke pukaarte hai. *smiles*
Logon ne santushti me sarr hilaaya. Parantu, jis tarah se baba ji ne uttar diya tha. Iss shareer ko...
Use sunn log aur bhi prabhavit ho gaye. Naam milte hi uss yuvak ko aisa laga jaise koi apnapann mil gaya ho. Usne unhe pranaam kiya aur peechhe baith gaya.
Baba ji muskuraate hue logo ko dekhte rahe. Kintu, ye sirf wahi jaante the ki-
Unka asli naam Mohanlal nahi tha.
Unka asli naam tha —
Raman.
Ab aage...
Baat shuru hoti hai tab se jab Veer Harikiran aur uske bete ki sacchaayi ke baare me jaanta bhi nahi tha. Tab jab Veer ko apni maa ke badle ke baare me kuchh bhi nahi pata tha. Tab jab Veer ko system ki praapti bhi nahi hui thi.
Tab, ‘Harikiran Singh’ woh naam tha jo poore gaanv me bhay ka prateek tha. Uski badi si haveli logo me apna darr baitha ke rakhti thi. Poora gaanv jaanta tha ki angrezo ke zamaane se do hi badi haveliya thi jo ab tak itni kathnaiyo ka saamna karne ke bawajood mazboot khadi hui thi.
Ek thi Bijaipur ke Dharam Singh ki haveli, jo Bhavna ke pita ji ki thi. Jinke poorvajo ne angrezo ko humesha apne gaanv me mann-maani karne se rok ke rakha raha.
Aur, ek thi Bijaipur se hi kuchh doori par lage Mayra gaanv ke Harikiran Singh ki haveli, jinke poorvajo ne angrezo se milkar ghoos khaane me koi bhi chaaploosi ka mauka nahi chhora tha.
Kintu, yahi do parivar ant me aapas me bhide aur Bijaipur ke Dharam Singh ki haveli raato raat aag me chhal se bhasm ho gayi. Parivar khatam ho gaya. Siwaaye, unki putri — Bhavna ke, jo ab Bijaipur se jaa chuki thi.
Aur, isliye- ab Bijaipur ki ek haveli ke jaane se, Harikiran ki haveli ka rutba aur bhi badh chuka tha. Satta, taaqat, zameenein, jaydaad, sab kuchh ab tezi se aage badh raha tha. Unnati ho rahi thi. Harikiran ke naam se hi aadmi thar-thar kaanp jaaya karta tha. Harikiran ab kasaayi-khaane jaise gandey vyapaar me bhi apna haath aazmaane laga tha.
Jitna adhik paisa, utna adhik rutba. Jitna adhik rutba, utna adhik logo me darr. Aur, jitna adhik darr, utna hi adhik uska varchasv jo poore gaanv me felte hue ab aas-paas ke gaanvo tak pahuchne laga tha.
Magar, iss darr ke saath-saath andar hi andar Mayra ke log Harikiran ki prataadna se pareshan bhi the. Kintu, majaal thi kisi ki jo unke saamne koi apna muh khol de? Bhale hi gaanv ke log unse darrte the, lekin unke apne hi ghar me ek sadasya aisa bhi tha jo kisi se bhi nahi darrta tha.
Harikiran ka pota, Bhanu pratap aur Vandna ka ekmaatra putra — Dhananjay.
Bachpan se hi use har cheez apne haath me mili thi. Ekmaatra ladka tha toh gharwaalo ne use ladhiya ke bhi rakha hua tha. Na hi woh kisi ko kuchh samajhta tha aur na hi kisi ki baat maanta tha. Padhayi gaanv se hi lage hue ek jile se usne kar li thi.
Ab baap dada ke paas itna paisa tha toh bhala aur padhne ki kya hi zaroorat thi? Yahi sochke usne apna nirnay bana liya tha.
“Oo maayi! Dekh! Ab mein yaha ek pal bhi na ruk saku hu. Manne baahar jaana hai. Sheher me. Baahar ki duniya dekhni hai manne!”
Woh kheejte hue bola. Yaha tak ki usne apne jhola, bag sab taiyaar bhi kar rakha tha.
“Beta nahi! Kya keh rahe ho? Tu phir wahi ratt leke baith gaya?”
Vandna rasoi se baahar aate hue boli. Toh, wahi Harikiran Singh ek khaat par baitha apne pote ko ghoor raha tha. Vandna ke haatho se chai lete hue woh bas abhi apne pote ki baat sunn raha tha.
“Kyu jaana hai tanne sheher?” Iss baar Harikiran ne chai ki chuski lete hue uss se poochha.
“Kyu jaana hai? Dada ji manne baahar ki duniya dekhni hai. Mein yaha gaaye, bakriya, bhains charaane me apni jawani nahi gawana chaahta.”
“Arey toh tanne kaun keh raha hai gaaye, bhains charaane? O sab kaam toh naukar karte hai. Aur, jawani chadh rahi hai toh batao byaah karwa de? Kaun ladki pasand aayi hai?”
“K-Koi nahi! Mujhe abhi byaah nahi karna. Mujhe baahar sheher dekhna hai.”
“Toh aisa hai, saahab-zaade… ki bhaiya ye farmaish toh aise hi poori nahi ho sakti tumhari. Hum tumko sheher jaane de sakte hai par humari bhi ek shart hai.”
Dhananjay ne jab ye baat suni toh uski khushi ka koi thikaana nahi tha. Yahi toh woh chaahta tha.
“S-Sach dada ji? Aap humko sheher jaane doge?”
Vandna asmanjas me Harikiran ko dekhi. “P-Pita ji ye aap-!? Isko baahar jaane nahi de sakte, pita ji!”
Parantu, Harkiran ne Vandna ki orr dekha hi nahi aur na hi use koi jawab diya. Jaise maano woh uske uttar dene ke laayak samaan hi nahi thi. Ulta Dhananjay apni maa ke virodh ko sunn bhadak utha.
“Maayi chup kar! Jab dekho tab tu taang adaati rehti hai meri zindagi me. Manne jaise jeena hai jeene de. Apni farmaish mat thopa kar mere upar. Samajh gayi? Chulha chauka karna tera kaam hai. Yahi teri zindagi hai. Tu ghar par reh ke bartan maanj, jhaadu pochha kar. Mujhe saath me mat lapet. Mein mard hu. Aur, baahar ki serr karna chaahta hu.”
Harikiran apne pote ki mardana harqat se khush tha. Kam se kam uska pota maayi ke pallu me ghus kar uski baat maanane waala pota nahi tha. Haan thoda alhadpann tha usme aur ziddi bhi tha, lekin ghar ka ekmaatra chiraag hone ke naate ye sab baatein nazar-andaaz kar di jaati thi.
“Haan toh bhai, shart yeh hai ki- tum usi sheher aur usi raajya me jaoge jaha hum kahenge. Tum apni mann-marzi ke sheher nahi jaa sakte.”
Dhananjay kuchh derr ek soch me pad gaya. Use sheher jaane mil raha tha. Iss se behtar aur kya ho sakta tha? Bhale hi sheher uske dada ji ki pasand ka hone waala tha, par akhir ek sheher toh sheher hi hota tha!? Chaahe Mumbai jao ya Delhi. Sheher gaanv se toh hatke hi hone waala tha.
Yahi soch woh jhatse raazi ho gaya. Kahi aisa na ho ki uske dada ji apne faisle se muqar jaaye aur uska sapna ek sapna hi bann ke reh jaaye.
“Th-Theek hai, dada ji! Mujhe manzoor hai! K-Kaun sa sheher rahega?”
Aur, yahi se shuruat hui Dhananjay ki ek sheher ko ghoomne ki jo ki tha— Patna. Bihar me sthit ek mukhya sheher.
Harikiran ne Bihar raajya ko isliye chuna tha kyunki, Bihar ek aisa raajya tha jaha gaanv aur sheher dono ka mishran tha. Na hi Dhananjay waha jaa ke ekdum hi paraaya mehsoos karta aur na hi ye kehta ki woh gaanv me hi aa gaya hai. Kyunki, Patna ek bada sheher tha.
Saath hi Bihar dhaarmik roop se aastha se juda hua tha. Waha ke log shehri hone ke saath-saath pooja-paath aur apni sanskriti ko bhi apne dainik jeevan me achhe se dhaale hue the. Toh, Dhananjay ke sheher me bigadne ke asaar aur bhi kam ho chuke the.
Jab Bhanu Pratap Singh ko yeh baat pata chali ki uske pita ji ne uske bete ko Patna bhejne ka faisla kar liya hai toh woh bhi virodh me kooda utha. Lekin, woh jaanta tha ki uske pita ji aevayi kuchh bhi nahi karte the.
Chaahe Manorath Singh ke ghar par phoot daalna ho ya vyavsaay aage badhaana, har jagah hi unke dimag ka istemal hota tha. Aur, parivar tezi se unnati bhi kar raha tha. Isliye, woh bhi ant me maan gaya.
Zaahir hai, Dhananjay ko akela nahi bheja gaya tha. Uske saath ek aadmi bhi gaya tha jo ki Harikiran ka apna aadmi tha aur woh hi Dhananjay ki roz-marra ki zindagi ke baare me use khabar dete rehta tha.
Par, yahi pe aaya woh badlaav jisne poori tarah se sab kuchh badal ke rakh diya.
Raman.
Sheher ko kaafi ghoom lene ke baad, jab Dhananjay bore ho chuka tha tab achanak woh ek din Raman ke sthaan pahucha. Usne dekha ki tamaam janta ek aadmi ka intezar kar rahi thi. Jigyasa-vash woh bhi wahi theher gaya aur jab usne dekha ki koi baba ji baahar aake khaat par baithe hai toh ek pal ke liye woh muh bana ke waha se jaane laga.
Magar, kuchh soch ke woh wahi theher gaya. Aur, logo ki baatein sunane laga. Jaise-jaise woh sunta jaa raha tha. Uske hosh udte jaa rahe the. Dhero log apni samasyaein leke Raman baba ke paas aate aur unse upaay leke, prasad leke waha se chale jaate.
Dhananjay ko laga yeh bhi koi dhongi hi tha jo logo ko moorkh bana raha tha aur isliye usne iss baba ki pol kholne ke baare me thaan liya. Woh aage gaya-
“Baba ji meri bhi ek samasya hai. Upaay bataoge?” Usne haath jodte hue kaha.
“Poochho baccha! Kya samasya hai!?”
“Mein Rajasthan ke Mayra gaanv se hu. Bahut badi haveli hai humari udhar. Sab kuchh hai. Paisa, zameen, jaydaad. Par, mera mann nahi lag raha tha udhar. Mujhe sheher ghoomna tha, isliye yaha aa gaya. Par, yaha aake dekha toh paaya ki yaha bhi kuchh khaas nahi hai. Logo ke paas time hi nahi hai. Gaanv bhi dekh liya. Sheher bhi. Kaha jau? Ab aur kya bacha hai? Kuchh samajh nahi aa raha.”
Usne apna sawaal bina kisi darr ke ekdum spasht baba ji ke saamne rakha. Woh dekhna chaahta tha ki kya waqai me baba ji ke paas koi gyaan tha ya nahi? Ya bas ye bhi koi dhongi tha? Agar, baba ji ne uski iss samasya ka samadhan nikaal diya, toh woh waqai me unhe maan jaayega.
Raman ke kaan idhar Dhananjay ke muh se paisa, haveli, jaydaad, zameenein sunte hi khade ho gaye. Woh jaan chuka tha ki chaara khud chalke ghode ke paas aaya tha.
“Kya naam hai baccha tumhara?”
“J-Ji Dhananjay.”
“Tumhara naam hi Dhananjay hai. Tumhe pata hai iss naam ka matlab?”
Dhananjay ne naa me sarr hilaaya.
“Baccha iss naam ka matlab hota hai dhan ko jeetne waala. Dhan ka vijeta. Aur, vidambana dekho. Tum dhan hi chhor ke yaha aa gaye?”
Raman ne muskuraate hue kaha. Aas-paas ke sabhi log Dhananjay ki samasya me dilchaspi lene lage. Sab ke kaan ab baba Raman ke upaay aur unke updesh ko sunane ke liye bekaraar the.
“P-Par baba ji. Log kehte hai ki naam me kya rakha hai. Toh, phir Dhananjay naam se meri ichha, mera bhavishya thodi pata lag sakta hai, hai na?”
“Beta naam me bahut kuchh rakha hai.”
“Woh kaise baba ji? Zara samjhaiye!”
Dhananjay ne Raman ko aur parakhne ka socha. Aur, usne apna naatak jaari rakha. Uske baad-
“Mein tumhe tumhari gaatha dohraata hu. Tum Mayra me badi haveli me pale badhe, tumhare maa-baap ne woh sab kuchh laa kar tumhare haatho me diya hoga jiski tumne zid kari hogi, tum waha se uub kar sheher ki orr nikle. Lekin, tum ghoom kiske dhan par rahe ho? Apne pita ji ke! Tumne dekha ki sheher toh aur bhi vyast hai. Aur, ab tumhe samajh nahi aa raha ki agar gaanv tumhare laayak nahi tha, sheher tumhe lubha nahi paaya toh akhir kaha jaaya jaaye? Hai na? Isliye tum pareshan ho.”
Dhananjay thoda chaunkte hue baba Raman ko dekha.
“J-Ji!” Usne sarr hilaaya. Magar, abhi bhi Raman ki baato se poornta woh sehmat nahi hua tha.
“Beta iska upaay hai…! Bhakti aur tyaag.”
“Huh?”
“Tumne aaj tak kabhi apne bal boote par kya kiya hai? Kabhi khud se paisa kamaaya hai?”
“Y-Yahi toh nahi chaahta mein baba ji. Mujhe isi moh-maaya se door rehna hai. Aur-”
Jaise hi Raman ne yeh suna toh usne fauran hi apni tarqeeb badal di.
“Toh kisne kaha ki paisa kamaana hi jeevan ka uddeshya hai?”
“Huh?”
“Kya kabhi tumne apne aap se apna bhojan banaya hai? Kabhi khud ke ghar me reh ke kaam kiya hai? Chalo woh sab chhoro! 24 ghanto me kya tumne kabhi bhi 24 second ke liye bhagwan ka naman kiya?”
“N-Nahi!”
Raman muskuraya. “Bas isliye tum moh-maaya me phasey hue ho.”
“K-Kya bhagwan hote hai, baba ji? M-Mein nahi maanta. Maine kabhi nahi maana. Agar, bhagwan hote- toh itni buri-buri cheezein kyu ghatit ho rahi hoti? Kehte hai ki kann-kann me bhagwan hote hai. Kya ye sahi hai? Bataiye!”
“Haan! Bilkul! Kann-kann me bhagwan hai. Ye srishti unki hi toh rachna hai. Har ek kann unki rachna hai.”
Jab Raman ke muh se itna nikla toh Dhananjay mann hi mann muskuraya.
‘Ab phasa tu mere jaal me, baba! Abhi teri pol kholta hu ruk!’
Aur, phir usne ek aisa sawaal kar diya jise sunn waha ke log hairaan reh gaye.
“Toh agar bhagwan kann-kann me hai. Toh kya naali, sharaab, maans, madira, inme bhi bhagwan hai baba?”
Log bhauchakke reh gaye. Kuchh muskura rahe the ye dekh ke ki ab shayad baba ji se unhe muft me koi bahut bada gyaan milne waala hai. Toh kuchh asmanjas me the ki kya baba ji iska uttar de bhi paayenge ya nahi?
“Tumne bahut seedha aur teekha prashna poochha hai, baccha. Hahaha!” Raman hasa.
Lekin, Dhananjay ke iss teekhe prashn se ab janta aur bhi dilchaspi dikhaane lagi thi. Ve sab bhi yeh jaanana chaahte the. Dekhna chaahte the ki ab baba ji kis tarah se itne kathin sawaal ke uttar denge. Aas-paas se guzar rahe log bhi ab apni-apni jagah bana kar khade hone lage. Kintu, Raman jaise pehle se hi taiyaar tha. Aur, uske baad usne bolna shuru kiya-
“Iska uttar do starro par hai, baccha! Pehla advait darshan ke anusaar — haan! Sidhaant roop me waha bhi ishwar hai. Par, dhyaan do baccha. Utpatti aur vartman me hona, dono alag baatein hai.”
“??”
“Jaise bijli har machine ko chalaati hai. TV, pankha, fridge… Lekin, wahi bijli unn machino ko bhi chalaati hai jo kasaayi khaane me lagi rehti hai. Janvaro ko maarna. Pedo ko kaatna. Parmanu banaane ke yantro me bhi bijli ka istemal hota hai. Toh kya tum bijli ko dosh doge? Nahi! Kyunki, bijli sirf urja hai. Galat upyog karne waala zimmedar hai. Waise hi har kann-kann se sab kuchh bana hai. Lekin, ye naali, jaanvar ka maans, sharaab, ye sab kiski utpatti hai? Insaani dimaag ki.”
Jab logo ne uttar suna toh ve sab sann reh gaye. Yaha tak ki Dhananjay ke badan par bhi roye khade ho gaye. Usne aaj tak itna gyaani purush apne saamne nahi dekha tha.
“A-Aur, dusra starr kya hai, baba ji?”
“Dusra starr, bhakti aur naitik drishtikonn se — Nahi! Waha bhagwan ki upasthiti nahi maani jaati.”
“K-Kya? Par, abhi toh aapne kaha ki-”
“Uttar poora suno baccha. Naali, daaru, paap, apraadh — Ye sab taamsik pravattiyaan hai, jo agyaan, moh aur maaya se bhari hui hai. Bhagwan waha tab tak nahi prakat hote, jab tak satv yaani ki shuddhata, shraddha, prem aur vivek na ho.”
“Huh?”
“Jaise ganga maiya ki dhaara kahi koode me beh jaaye, toh kya wo ab bhi poojya hai? Tatvat : Haan! Lekin, vyavhaarat : Nahi! — Kyunki, woh ab apavitra ho chuki hai.”
Dhananjay ka badan kaanp utha. Waha maujood log apne phone me recording on karte hue baba ke gyaan ko qaid karne ki koshish karne lage. Badi bhaari bheed jama ho chuki thi.
“Dhoop soorya se aati hai, par agar tumne apne kamre ki khidki band kar li, toh kya soorya doshi hai ki tumhare kamre me andhera hai? Nahi! Wahi ishwar, wahi prakash — tumhare bheetar bhi hai, par darwaza band hai. Saral shabdo me — Ishwar har jagah hai baccha, par har jagah prakat nahi hai.”
“Ahhh!” Dhananjay ko aaj apne sabse bade sawaal ka uttar mil chuka tha.
“Burayi, naali, paap, daaru jaisi cheezon me ishwar ka beej toh ho sakta hai, par waha maaya aur agyaan ne use dhak diya hai. Ishwar ka anubhav wahi hota hai jaha prem, gyaan, satkarm aur nishtha ho. Kuchh samjhe baccha?”
“Babaaaa jiiii!!”
Dhananjay pehli baar kisi ki baat se itna aakarshit hua tha. Woh haath jod utha aur Baba Raman ke perro par gir pada.
“Mujhe maaf kar dijiye, baba ji! Mein- Mein moorkh aapki pareeksha lena chaah raha tha. Par, mujhe nahi pata tha ki mere saamne swayam sakshaat siddh baba baithe hai. Mujhe apna shishya bana lijiye-! Mujhe apna shishya bana lijiye baba ji!”
Uske itne bade sawaal ka uttar baba ji ne chutkiyo me de diya tha. Toh kya ve uski aur samasyao ka hal nahi nikaal sakte the? Use poora yakeen tha ki baba ji ke zariye hi ab uske jeevan ka uddhaar ho sakta tha.
Lekin, woh nahi jaanta tha ki Raman ne ye sab prashn ke jawab pehle se hi ratt rakhe the. Itne varsho me usne kayi siddh guruo se bhaint ki thi. Usne ye gyaan wahi se churaaya tha. Farq, bas itna tha ki agar siddh guru log bina kisi maang ke logo ka maarg-darshan kar rahe the, toh usi ki aadh me Raman jaise log logo ki aastha se khel ke unke saath dhong kar rahe the.
Aur, isi jhaanse me phaste hue-
Dhananjay Raman ke paas theher ke unki seva me lag gaya. Usne unke bol ke anusaar apna maqsad tay kar liya tha — Bhakti aur Tyaag!
Aur, theek usi raat, jab sab so chuke the, Raman ke chhote se kamre me derr raat ko kisi ne dastak di.
“Pranam guru ji!”
“Aa gaye Ranjeet?”
“Ji guru ji!”
“Kya hua bhai? Uss Kanpur waale ka?”
“13 lakh nikalwa liya hu. Abhi ghar ki aur sampatti baaki hai. Sasuri uu bhi jaldi aa hi jaayegi.”
“Hahahaha! Sabbaas! Aur, tumhare liye naya bakra khud chal ke aa chuka hai.”
“Konu bakra?”
“Hai ek! *smiles* Aaj hi aaya tha sthaan par. Humara shishya banana chaahta hai. Mayra gaanv me bahut badi haveli hai, paisa hai, dher saari zameenein aur jaydaad hai. Lagta hai kisi dhanvan vyakti ki aulad hai. Iski saari khabar iske gaanv se leke rakho, Ranjeet. Agla shikaar yahi hai.”
“Ji guru ji! W-Waise-! Thoda rokda mil jaata toh-”
“Kitna chahiye?”
“Kareeban dui lakh toh laagi sasuri Kanpur waale me! Uu kaa hai na, hua ka sampatti haasil karne me thoda ghoos lagega hi lagega. Sasuri khopadiya pe baar-baar ghoda taan ke kaam nahi ho sakat. UP ka chhetra me police sakht hai thoda. Kabhi-kabhi dimag se chalna padat hai!”
Raman haami bhar utha. Apne kamre ke andar gaya. Ekdum jhopad patti waala kaccha makaan tha. Yaha tak ki zameen bhi kacchi thi. Usne zameen ke neeche ek gaddhe me se ek kapda nikaala jisme dher saare noto ki gaddiya rakhi hui thi aur usme se teen gaddi laa kar Ranjeet ko saunp di. Wapas se gaddhe me kapde ki potli ko daal usne uski upar ret aur mitti daal ke uske upar ek paani ka ghadha rakh diya.
“Ye lo! 3 lakh hai. Kaam daba ke karna.”
“Aaj tak konu kaam bigaada hai kya guru ji? Fiqar naahi karo. Sab ho jaayega.”
Kehte hue woh waha se nikal gaya. Beetein dino me usne Mayra gaanv se Dhananjay ki saari jankaari nikalwa li thi. Toh wahi, din-ba-din Dhananjay bhakti aur tyaag ke maarg par agrasar badhta jaa raha tha. Use apne naye jeevan ka uddeshya mil chuka tha. Uski dosti wahi ke aur bhi shishyo se ho chuki thi.
Jab yeh baat uske ghar me Harikiran aur Bhanu Pratap Singh ko pata chali toh Bhanu Pratap swayam hi Raman ke sthaan aa par pahucha.
“Guru ji agar aise hi aap mere bete ko patti padhaate rahe toh ye toh ghar-baar tyaag dega. Fir, humara kya hoga?”
Aaya toh Bhanu Pratap Singh krodh me tha, magar Dhananjay ki hi tarah Raman ne use bhi apne shabdo se mantra-mugdh kar diya.
“Ghabrao nahi baccha! Hum jaante hai ki tum pareshan ho. Aur, hum ise yaha humesha nahi rakhenge. 2-4 saal ise yaha rehne do. Waise bhi iske baad tum iss se kheti-baadi hi karwaoge. Aisa samajh lo ki inn kuchh saalo ke liye tumne apne bacche ko gurukul me padhne bheja hai. Fir, mein maarg-darshan jab punah karunga iska… Toh, yeh swayam tumhare paas laut aayega. Aur, iski chinta karne ki zaroorat nahi. Ye meri nigrani me hai.”
Apni chikni chupdi baato se Raman Bhanu Pratap ko raazi karne me qamyab ho chuka tha. Dhananjay toh jaise apne ghar ke baare me sab kuchh bhool chuka tha. Uski nayi zindagi shuru ho chuki thi.
Dekhte hi dekhte 2 saal guzar gaye. Dhananjay Raman ka poora bhakt bann chuka tha. Aur, tabhi ek aisi ghatna hui jiske baare me Ranjeet se leke Raman aur Mayra gaanv ke log, sabhi ko yeh pata chali, siwaaye Dhananjay ke.
Aur, woh thi-
Veer dwara Harikiran Singh aur Bhanu Pratap Singh ka khaatma. Jaha usne unki hi haveli ke baahar kue me dono ko zinda jala diya tha. Ranjeet ka ek aadmi wahi Mayra me hi sthit tha. Ranjeet ne jab yeh baat Raman ko bataayi toh uss raat woh unke kamre me hi tha-
“Guru ji-! Pata nahi kaisan ba- magar… Sasuri uu aapke Dhananjay naam ke chele ka baap-dada ka hatya ho gaya!”
“K-Kaise?”
“Pata nahi! Koi naujavan aaya. Aur, dono ko maut ke muh me utaar gaya. Kehat ba ki- badla liya hu apni maayi ka!”
“Toh tumhe pata hi hona chahiye ki kya karna hai ab *smiles* Hai na?”
“Hahaha! Ab sab hum pe chhor do guru ji! Na sirf ab hum uu ka haveli jhaptega, uu ki saari zameenein, jaydaad, paisa sab hadpunga! Tabhi ee Ranjeet ko chenn milega. Sasuri bahut intejar kiya hai ee mayra waale ka-!”
Usne itna kaha hi tha ki tabhi-
*Thud*
Achanak baahar ek laathi ke girne ki awaaz aayi. Dhananjay, jo guru ji ko kuchh dikhaane aaya tha usne baahar reh ke sab sunn liya tha. Apne baap-dada ki maut ke baare me… Sab kuchh. Use apne kaano par vishvas nahi ho raha tha. Woh bhaaga.
*huff* *huff*
Uska dil zoro se dhadak raha tha.
“Pakad! Abey pakad use! Madarchod sab sunn liya usne! Bhaag jaldi Ranjeet! Pakad saale ko!”
“Iski maayi ke-!!”
Ranjeet bhi ghabraate hue utha. Waise hi derr raat ka samay tha. Aur, upar se Raman ka sthaan hi chehel-pehel se door tha. Dhananjay bhaybheet hue bhaaga. Uski saansein tez thi.
“Pakad saale ko! Pakad! Pakad bey Satbeer-!!!”
Raaste me bhaagte hue Ranjeet chillaaya. Uske aur aadmi jo jaage hue the wo sab bhi Dhananjay ke peechhe bhaagne lage. Ranjeet jaanta tha ki agar ye ladka bhaag nikla, toh unka bhaanda poora ka poora phoot jaayega. Sab ke sab pakde jaayenge.
*huff* *huff*
“M-Maayi-! *sniff* Pita ji-! *sniff* Dada ji-!”
*huff* *huff*
“Pakad! Pakad saale ko!!! Daboch usko! Satbeer ulti side se-!”
Dhananjay bhaagte-bhaagte achanak hi apne sthaan ke paas pahuch raha tha. Agar, bas kuchh samay aur use mil jaaye toh woh waha pahuch ke halla kar ke apne baaki sadasyo ko utha sakta tha.
“B-Bachaaaaoooo!”
Woh chillaaya. Taaki, uski awaaz door tak pahuch sake. Magar, shayad yahi uski sabse badi galti thi kyunki-
“B-Bachaaaaaoooo!”
*Bang*
*Bang*
*Bang*
Achanak goliyaan chalne ki teen baar awaaz aayi aur Dhananjay neeche zameen par gir pada. Teen me se do goliyaan uski peeth ko cheer ke andar dhans chuki thi. Lahu-luhaan hote hue woh sadak par dala raha.
Ranjeet aur baaki daudate hue Dhananjay ke paas aa kar ruke. Dhananjay ukhdi-ukhdi saansein lete hue reng raha tha. Aur, tabhi-
*Bang*
*Bang*
“A-Aapne ise maar kyu diya?” Satbeer ne ghabraate hue poochha.
“Madarchodo! Saale ki laash ko thikaane lagao jaldi! Isko toh marrna hi tha. Sasuri raaz jo jaan gaya tha. Chalo! Jaldi! Jaldi! Jaldi!”
Ranjeet jaanta tha ki Dhananjay ke baap-dada pehle hi swarg sidhaar chuke the. Toh, aise me ab use rokne waala koi na tha.
Dhananjay ka ant ho chuka tha. Dukhad. Par, yahi uska ant tha. Ek hi din me, parivar ke teeno mard maar diye gaye the. Vandna udhar gaanv me jo yeh maan ke chal rahi thi ki ab uska beta hi uska akhiri sahaara tha. Woh uski talaash me Patna Raman ke sthaan tak aa pahuchi thi.
Magar, ab ise uski badqismati kahe ya fir kuchh aur-
Uska saamna Raman ke sthaan par seedhe Ranjeet se ho gaya. Woh apna dukhda use sunaati rahi aur Ranjeet use behla ke Dhananjay se milaane ke bahaane se le gaya aur use bandhi bana liya.
*Chataaaaak*
“Ahhhh!”
Ek chaata aa kar Vandna ko uske chehre par pada.
“Chal! Ab tu hi hua Mayra ka saari jameen dilwayegi. Saara paisa tu hi nikalwayegi. Chal!”
“M-Mera beta-! Mera beta!!!”
“Hahahaha! Tuhaar bitua humaare qabze me hai, samajh gayi. Hehehe! Meri pyaari maayi. Chal! Chal chal ke ab apne ee lalla ko saari sampatti dikha. Chal!”
Ranjeet use bandhi bana ke gaanv wapas laaya. Apne bete ki jaan ko khatre me daalne ke darr se Vandna apna muh band kiye sab kuchh bataati chali gayi. Magar, woh bechari ye jaanti tak nahi thi ki uska laadla toh usi din marr gaya tha jis din uska pati aur sasur marey the.
Kayi maheene guzar gaye, lekin inn mahino me Ranjeet poori shiddat se wasooli aur jankari ikhatti karne me laga hua tha. Usne kayi zameenein hadap li thi. Usne kayi saari jaydaad apne naam karwa li thi. Usne kaafi dhan, sona, jawaharat apne qabze me kar liye the.
Gaanv ke logo me apne aadmi bhej ke usne sab pata lagwa liya tha ki uss raat yaha kya hua tha. Harikiran akhir mara kaise tha. Aur, kaafi hadd tak use ye pata lag chuka tha ki koi naujavan tha.
Magar, gaanv ke log Veer ka naam bataane se peechhe hat chuke the. Veer ne unke upar upkaar kiya tha. Gaanv waalo ki ekta iss paksh me bahut mazboot thi. Ranjeet bhi shaatir tha. Woh jaanta tha ki aise zabardasti jankaari ko nahi nikalwaya jaa sakta tha.
‘Sasuri konu aur dimaag lagana padega ee game me!’
Par, jab woh soch hi raha tha ki kaise Veer ke baare me jankari ikhatti ki jaaye tabhi achanak-
*Ring* *Ring*
Uska phone baj utha. Usne dekha ki call Mumbai, Maharashtra se aa raha tha. Koi unknown number. Usne call uthaaya.
“Hello?”
“Ranjeet! Kyu hai na? Yahi naam hai na?”
“Haan! Tu kaun bol raha hai?”
“Woh jaanane ki zaroorat nahi hai tumhe. Bas itna jaan lo ki Harkiran Singh aur Bhanu Pratap Singh ko Veer ne maara tha.”
“H-Huh? K-Kaun hai bey tu?”
“Maine kaha na! Tumhe ye jaanane ki zaroorat nahi. Veer Mumbai se hai. Ek businessman. Ek naujavan jiski talash me tum ho. Yaha tak ki uski ek badi si hotel bhi hai. Bahut raees hai woh. *smiles* Bahut paisa hai uske paas.”
“Maayi ke chode wrong number hai saale. Hatt teri behan ki-”
Ranjeet ne dimag se qadam uthaaya. Usne apne laundo ko aas-paas ka jayza lene bheja. Kahi aisa toh nahi ki ye call police dwara karwaya jaa raha tha taaki woh haami bhar unko saboot dede ki wahi inn sab ke peechhe tha?
“Funny ho tum. Lekin, mujhe jo batana tha maine bata diya. Have fun!”
Aur, call cut ho gaya.
“H-Hello!? Hello?”
Magar, koi jawab nahi aaya.
“Iski maayi ki choot.”
Use pata chala ki sab kuchh clear tha. Aas-paas koi bhi police nahi thi. 'Veer' naam aur uska raees hone ke baare me sunte hi uske mann me laalach jaag chuka tha. Akhir, tha toh Veer ek naujavan hi.
Kya hoga agar, woh iss Dhananjay ko lootne ke saath-saath uss Veer ko bhi loot le? Uske dimag ki ghanti baji. Uska dimag bahut tezi se dauda.
“Hahahahahahaha!”
Woh zor-zor se hassne laga. Usne Vandna ko dekha.
“Kyu re maayi? Tujhe badla lena tha na? Uu Veer se? Haan? Wahi Veer hi hai jisne tere pati aur sasur ko maara tha. Hahahaha!”
Vandna ki aankhein phati ki phati reh gayi. Beshaq, woh Veer ko nahi jaanti thi. Lekin, gaanv waalo ki baato se, aur idhar-udhar ki suni sunaayi baato se use iska andaza lag chuka tha ki uske pati aur sasur ko maarne waala Manorath Singh ke parivar ke kul ka ek vaaris tha — Veer Singh.
Woh kabhi Manorath ke ghar nahi gayi thi. Jitni baatein woh uss ghar ke baare me sunti thi, woh Harikiran ya Bhanu Pratap ke muh se hi suna karti thi. Zaahir hai, ve dono humesha teekhein shabd hi bolte the uss ghar ke liye.
Aur, isliye Vandna ke mann me Manorath ke parivar ko leke koi aadar nahi tha.
Parantu, woh yeh nahi jaanti thi ki uske pati aur sasur ko maara kyu gaya tha. Woh abhi bhi uss dard se tadap rahi thi. Upar se uska apna beta jo ki bandhi bana hua tha. Aur, ab ye naya ladka… Ranjeet, jo keh raha tha ki woh badla lega?
Kaise?
Uski kuchh samajh nahi aa raha tha aur isliye-
Jab ek din Ranjeet aur uske aadmi uski haveli me so rahe the. Aur, Mumbai jaa kar badi machhli phasaane ki tarqeeb bana rahe the tab woh waha se bhaag nikli. Bijaipur ki orr…!
Use sach jaanana tha. Bijaipur me hi use koi mil sakta tha. Jo use sach bata sakta tha. Woh apna muh chhipaate hue dar-dar bhatakti rahi ki kahi se koi use aisa mil jaaye jo Manorath ke parivar ke baare me sab kuchh use bata sake.
Woh dukaano me jaa ke logo se poochhti, khet me kaam kar rahe kisaano se poochhti, kue se paani bhar rahi mahilao se poochhti.
“S-Suniye! Aap Bijaipur ki haveli ke parivar ko jaante hai kya? Y-Ya Manorath ji ke parivar ko?”
Lekin, use sandigdh samajhte hue log use kuchh bhi bataane se mana kar dete. Jab ek baar-
“H-Huh? K-Kya kaha aapne didi? Bijaipur ki haveli ke log? M-Manorath ji ka parivar? A-Aap Veer sarkar ke parivar ki baat kar rahi ho kya? Bhavna didi?”
Sunte hi Vandna ka badan kaanp utha. Woh bas ahista se haami bhari. Uska chehra abhi bhi poora dhaka hua tha.
“Are toh pehle batana tha na! Chaliye mere saath. Kaaki se zyada koi nahi jaanta iss baare me. Balki, Veer sarkar ka kya… Jiske parivar ke baare me poochhna ho kaaki ko sab kuchh gyaat hai. Yaha tak ki Mayra ki haveli ke parivar ke baare me bhi bata dengi woh hahahaha!”
Vandna ka badan sihar utha. Mayra ki haveli ka parivar? Ye toh uska apna parivar tha. K-Kaise? Woh apne muh par bandha kapda adjust karte hue ek kacche makaan ki taraf pahuchi. Ye ladki use yahi laayi thi.
“Jaiye andar. Kaaki andar hi hongi! Jaiye! Arey jaiye! Sharmaiye mat. Kaaki bura nahi maanengi.”
Sarr hilaate hue Vandna andar daakhil hui. Saamne mitti ke chulhe par ek budhi aurat rotiyaan sek rahi thi jab use kisi ke aane ki aahat hui. Woh palti toh usne dekha ki koi anjaan mahila apna muh chhipaaye dehleez par khadi hui thi.
“K-Kaun?”
Bina kuchh kahe, Vandna ne apne chehre se kapda hata diya. Uski saansein tez thi. Ranjeet ke aadmiyo dwara pakde jaana ka darr bhi use sata raha tha. Woh bhaag kar jo aayi thi.
“Vandna? K-Kya yeh tum ho?”
Jab uss budhi aurat ne uska naam liya toh Vandna ki rooh kaanp gayi. Woh iss aurat se apne jeevan me pehle kabhi nahi mili thi. Fir, akhir yeh mahila use kaise jaanti thi?
“A-Aap mujhe kaise jaanti hai? K-Kaun hai aap kaaki!?”
Budhi aurat muskurayi aur usne apne haatho me liya chameeta wahi neeche zameen par rakha. Aur, khade hote hue boli.
“Mein… Abhilasha.”
“Huh??”
Abhilasha. Wahi Abhilasha jo Bhavna ki sevika thi. Veer ke parivar ki sevika. Jiske iss kacche makaan me uss raat Veer, Bhavna, Shweta, Kavya, aur baakiyo ke sang thehra tha. Jaha Bhavna ne apne ateet ki gaatha sunaayi thi.
Vandna bhauchakki si use ghoor rahi thi. Abhilasha? Kaun Abhilasha? Woh kisi Abhilasha ko nahi jaanti thi. Fir, yeh aurat use kaise jaanti thi? Kya isliye ki woh Mayra ki haveli ki sethani thi isliye log use jaante the? Haan, yahi kaaran raha hoga. Lekin, Abhilasha ke agle bol ne uski saari soch ko mitti me mila ke rakh diya.
“Mujhe pata tha ki tum yaha ek na ek din aaogi hi aaogi. Kaho! Kya jaanane aayi ho?”
Vandna ka shareer jhatka kha ke reh gaya.
“K-Kya matlab? M-Mein-”
“Bas apne sawaal rakho bitiya!”
Vandna ne khud ke mann ko shaant kar ek gehri saans li, woh nidar hoke, thoda krodh me Abhilasha ki orr dekhi aur poochhi.
“Agar, aap mujhe jaanti hai, toh yeh bhi jaanti hongi ki mein Mayra ki haveli ki sethani hu.”
“Hu ya thi?”
Abhilasha ke sawaal par Vandna ka badan ek baar phir thitak utha. Woh kaanpi. Beshaq, ab woh kahi ki bhi sethani nahi thi. Balki, uski khud ki aur uske bete ki jaan khatre me thi. Usne gusse me apne daant meese.
“Agar aapko yeh pata hi hai, toh yeh bhi pata hoga ki Veer naam ke ladke ne mujhse mera parivar chheen liya! Mere pati ko, mere sasur ji ko- Unhe… Unhe zinda kue me jala diya gaya! Aur, log tamasha dekhte rahe. *sniff* Bhale hi mujhe uss parivar se bahut sneh nahi mila. Lekin, mera parivar tha woh! Kyuuu? Kaun hai Veer? Kaha hai iss Manorath ka parivar? Badla lena chaahti hu mein!!!”
Abhilasha mand-mand muskurayi. Jaise woh jaanti thi ki yeh hona hi tha.
“Kya tumhe nahi pata ki tumhare pati aur sasur ki hatya kyu kari gayi?”
Vandna ki uss prashn par aankhein chaudi ho gayi.
“Toh suno! Mein sab bataati hu tumhe-!”
Uske baad Abhilasha ne woh sab bataaya jo use Suman se pata chala tha. Kaise Harikiran aur Bhanu Pratap Singh ne Karunesh ke saath saazish rach ke Bhavna ke saath ghinauna khel khela tha. Kaise use ghar se baahar nikalwaya gaya tha aur kaise woh uski santaan ko maarne ke chakkar me the, kaise itne beetein varsho me unhone Manorath ke parivar ko deemak ki tarah kha ke use andar se khokhla karna shuru kiya.
Sab kuchh Abhilasha bataati chali gayi. Aur, jaise-jaise Vandna ye sunti gayi, uske badan ke harr ek roye khade hote chale gaye. Aankhon se aasu behna shuru ho gaye.
“Y-Yeh jhooth hai!”
“Yahi satya hai bitiya! Lekin, tumhare parivar ke patan ka kaaran sirf yahi nahi hai. Ek kaaran aur bhi hai. Aur, woh… mukhya kaaran hai.”
Mukhya kaaran? Iss se bada kaaran aur kya ho sakta tha? Woh aankhein phaadi Abhilasha ko ghoorti rahi.
“KYUNKI TUM-”
Achanak hi Abhilasha ki awaaz bhayanak roop se oonchi ho gayi. Vandna ke badan me ek sihran daud gayi. Aur, agle hi kshan Abhilasha ne ek sabse bada raaz uske saamne ujaagar kiya.
“KYUNKI TUM- PARIJAAT KI AURAT HO!!!”
*Boom*
Maano ek adrishya visfot hua Vandna ke mann me. Uska badan kaanp utha. Parijaat ke baare me kaun nahi jaanta tha? Parijaat ka itihaas wo tha jo dono gaanvo me fela hua tha. Uski apni ek kahani thi. Uski apni ek gaatha thi. Woh kahani hi aisi thi jise koi bhula nahi sakta tha. Bhale hi Parijaat ki aurton ka astitva keval aur keval Bijaipur ki haveli tak hi seemit tha. Magar, iski katha dur-dur tak prachilit thi.
Aur, Mayra ka gaanv bhi koi apvaad nahi tha. Vandna ne Parijaat ke kisse sune the. Woh iss shabd se parichit thi. Lekin, uska Parijaat ki aurat hona? Sunte hi woh apne ghutno par gir padi. Aur, tabhi Abhilasha ki awaaz narm pad gayi.
“Yahi satya hai bitiya.”
Vandna ne apne aansu se bhare chehre ko upar kar Abhilasha ko dekha. Pata nahi kyu, par iss aurat se use apne liye atyadhik prem mehsoos ho raha tha.
“K-Kya mein aapki beti hu? N-Nahi! Mere mata-pita toh guzar chuke hai. M-Mere pita ji toh- woh toh bahut bade zameendar the. Unhone hi meri shadi Singh parivar me karwayi thi. Phir, aapko dekh ke aisa kyu lagta hai ki-”
“Nahi! Tum meri beti nahi!”
Vandna ne ek raahat ki saans li. Woh itne saare jhatko ke liye taiyaar nahi thi. Lekin, yeh uski galat-fehmi thi agar woh yeh soch rahi thi ki jhatke yahi samaapt hone waale the.
“Lekin, tumhare guzar chuke mata-pita bhi tumhara asli parivar nahi.”
“Ahhh!??”
Vandna ki aankhon se aasu bahe. Woh apna muh khole bhaybheet hoke Abhilasha ko ghoori. Ab uske ghutne bhi kaanpne lage the.
“Y-Yeh jhooth hai! Sab jhooth bol rahi ho aap! Mujhe achhe se yaad hai! Maine apna bachpan guzaara hai. Wahi mere maa-baap-”
“Unhone tumhe goad liya tha.”
“Huh!!!”
Vandna ko jhatke par jhatke lagne ab shuru ho chuke the.
“N-Nahi! Aap jhooth bol rahi hai! Aapko bhala ye sab kaise pata ho sakta hai?”
Woh gusse se ab haanf rahi thi.
“Kyunki, tum- tum meri behan ki bacchi ho, Vandna!”
Ek aur visfot Vandna ke mann me hua.
“Tum meri badi behan ki bitiya ho.”
“Jhooth! Jhooth bol rahi hai aap! Mere pita ji zameendar the. Maine apna bachpan unke saath guzara hai!”
“Tumne sahi kaha. Magar, tum kaafi chhoti thi jab unhone tumhe goad liya tha.”
“Jhoooothh! Kyuuu? *sniff* E-Ek zameendar bhala… bhala Parijaat ki aurat ki beti ko goad kyu lenge? Ye jaante hue ki Parijaat ki aurtein Bijaipur ki haveli ke waariso ki rakhelein thi???”
Woh zor se garji. Isme koi shaq nahi tha ki Parijaat ki aurtein Bijaipur ki badi haveli me Singh parivar ki daasiya thi. Toh, phir ek jaana-maana zameendar aisi bacchi ko goad kyu lega?
“Kyunki, unhe apna rinn chukaana tha.”
“Huh?”
“Poorv me Parijaat ki aurton ne tumhare goad lene waale mata-pita ki behad madad ki thi. Isliye, zameendar ji ne vachan diya tha ki ve Parijaat ki aurton me se kisi ek ki santaan ko khud paalenge, aur uska kanya-daan karenge. Ye Parijaat ke liye bhi saubhagya ki baat thi. Aur, isliye… Unhone phir tumhe goad liya tha.”
Vandna ke aansu jhar-jhar kar uski aankhon se behte chale gaye.
“T-Toh kaun? Kaun hai mere asli mata-pita? *sniff* Bataiye!”
“Meri badi behan hi tumhari maa thi bitiya. Aur, tumhare pita ek kisaan the. Renuka, meri jijji. Badi behan. Aur, tumhare pita — Santosh.”
“K-Kaha hai? Kaha hai ab wo? *sniff* Boliye!”
Par, Vandna ke sawaal par Abhilasha bas maayus ho kar muskurayi. Aur, Vandna samajh gayi. Uske aansu aur zor-zor se behne lage.
“Kyuuuuu? Kyu ye sab hone diya aapne? *sniff* K-Kyu??”
“Kyunki, yahi tumhara uddeshya tha bitiya.”
“K-Kya matlab?”
“Tumhara bhavishya usi kshan nirdharit ho gaya tha jis samay tumhara naam Parijaat se juda tha. Jis waqt tumne janm liya, usi kshan tum Bhavna maalkin ke Singh parivar ki daasi bann chuki thi. Ab mein tumhe Parijaat ka woh sach sunaane jaa rahi hu jiske baare me har koi itna vistaar se nahi jaanta. Toh suno, bitiya. Dhyaan se suno!”
Abhilasha ne phir ek gehri saans lete hue bolna shuru kiya.
---
Varsho puraani baat hai. Woh samay jab Bijaipur ki haveli ki neev rakhe bas kuchh hi varsh beete the. Iss samay Mayra ki haveli astitva me hi nahi thi. Jab Bhavna ke pita ji, Dharam Singh ke poorvaj Bijaipur ki haveli ke maalik the. Gaanv ki ekmaatra badi haveli hone ke naate sabhi uss ghar ke logo ki izzat kiya karte the.
Haveli ke aangan me lagbhag har roz ek baithak lagti thi. Gaanv ke kuchh bade log aapas me baith ke tamaam vishayo par charcha kiya karte the. Chaahe gaanv ke vikaas ko lekar koi baat ho ya angrezo ki badhti ghus-paith ki charcha. Sab wahi aangan ki baithak me hi hota tha.
Panchayat se zyada musibato ke hal haveli ki baithak me nikalte the. Par, isi ke saath baithak me aur bhi anya mehmano ka aagman hota tha. Koi dusre sheher se aaya prasiddh naatak-kar unhe apna naatak dikha ke unka manoranjan karta tha, toh koi nritya-kar aake apne nritya se unka mann mohta tha.
Baithak ek Raja ke darbar ki baithak ke samaan lagne lagi thi. Roz shaam ko poore gaanv me iss baat ko lekar utsaah fel jaata tha ki badi haveli me baithak lagne waali hai. Poore gaanv waale bas isi aasha me rehte the ki aaj kaun se mehmano ka aagman hoga? Aaj kya charcha hogi? Uss waqt TV nahi hua karta tha. Toh, baithak hi woh zariya thi jis se aam aadmi apna samay kaat ke manoranjan karta tha.
Aaye din log haveli ke ghar ke logo ko prasann karne ki koshish me lage rehte the. Aaye din unki seva karte. Aur, seva ki jab baat aati thi toh unme aurtein bhi shaamil hoti thi.
Kintu, tab seva sirf aur sirf ghar ke kaamo ke liye ki jaati thi. Shareerik taur par koi bhi stree haveli ke mardo se sambandh nahi banaati thi. Itni maryaada sab me thi.
Aur, inhi sevikao ka ek bahut hi prakhyaat samooh tha. Sabhi aurtein behad hi khubsurat thi. Ve sab dur ek gaanv se Bijaipur me rehne aayi thi. Sabhi ki sabhi anaath thi aur ek aashram me pali-badhi thi.
“Maine suna hai aapki iss haveli ne angrezo ki pratadna se har baar gaanv waalo ko bachaya hai. Kya yeh sach hai, Sarkar?”
Unke samooh ki woh sabse anubhavi thi aur unke sangathan ke saare nirnay wahi leti thi. Haveli ke maalik muskuraye aur poochhe.
“Kya naam hai aapka?”
“Mein Parineeti, Sarkar!”
“Aur, mein Baldev Singh. Ji haan! Aapne theek suna hai. Mein iss baat ki zamanat toh nahi le sakta ki mera gaanv angrezo se mukt hai. Lekin, unke dushkarmo ke prabhav ko kam karne me zaroor Bijaipur humesha se hi agrasar raha hai aur aage bhi rahega. Hum ladaayi se nahi, dimag se unhe santulan me rakhte hai.”
Parineeti muskurayi. Use bas yahi sunana tha. Woh yaha aayi hi isliye thi taaki uske gaanv me angrezo ke badhte atyachar se wo aur uska sangathan bach sake.
“Toh aaj se yeh Parineeti aur uska yeh chhota sa samooh aapke kul ki seva me apne aap ko samarpit karna chaahta hai, Sarkar.”
“Huh?” Baldev Singh achraj me use dekhe.
Zahir hai, Parineeti ka ‘seva’ se matlab tha ghar-baar ki seva. Na ki koi shareerik roop se yaun sambandh.
“Iski koi zaroorat nahi hai. Aap sabhi ke rehne ka intezam ho jaayega. Aap fiqr mat kariye.”
Lekin, Parineeti apne faisle par adig thi. Kyunki, use aur bhi maang rakhni thi.
“Meri ek aur farmaish hai Sarkar aapse. Seva toh hum sab karenge hi… Lekin, mera samooh kaafi bada hai. Agar, gaanv me inn sabhi ko inke hisaab ka koi kaarya mil sake, toh bahut bada upkaar hoga.”
“Hmm!” Baldev Singh ne haami bhari. “Ho jaayega. Kya ye sab nipud hai?”
“Beshaq, Sarkar! Meri adhiktar saheliyaan har tarah ke kaamo me nipud hai. Kisaani se leke rasoi se leke sangeet tak. Sabhi ki apni-apni visheshtaaye hai. Maine inn sabhi par bahut dhyaan diya hai.”
“Aap befiqr rahiye! Inn sabhi ko kaarya dilwaane ki zimmedari meri hai.”
“Toh fir aaj se Parineeti ka yeh samooh aapki seva me haazir rahega, Sarkar. Lekin, uss se pehle… Mein chaahti hu ki aap mere samooh ka naamkaran kare.”
“Naam karan?” Baldev Singh soch me pad gaye. Unke agal-bagal kaafi vidyavan log bhi baithe hue the. Jab Baldev Singh ne naam ke liye unse raay maangi, toh unme se ek ne kaha-
“Aam taur par aurtein aise muh khol ke nahi ghoomti, Sarkar. Humari pratha rahi hai. Lekin, ye sab anaath hai. Aur, bahut hi pratibhashali hai sab ki sab. Sabhi ek se badh kar ek sundri bhi hai. Ekdum Pariyo ki jaat samaan…! Toh, kyu na inke samooh ka naam — Parijaat rakh de?”
Naam sunn Baldev Singh ne ek haami bhari. Parijaat naam ‘Parineeti’ ke ‘Pari’ se liya gaya tha. Aur, choonki ve sab pariyo ki jaat ke samaan sundariya thi, isliye unke samooh ka naam pada — Parijaat.
Parineeti ko iss naam se koi pareshani nahi thi. Balki, ye naam sunn woh khush thi. Aur, uss din Bijaipur ki haveli me Baldev Singh ji ne pehli baar-
Parijaat ki neev rakhi.
Aise hi kuchh hafto baad, aane waale mehmano me shaamil the ek behad hi siddh purush — Paramhans Mahadevanand Ji.
Jo Pushkar sheher se aaye the aur behad hi prasiddh the apni siddhi ke liye. Unke darshan maatra se hi aadmi apne aap ko dhanya maan leta tha. Unki aayu kya thi koi nahi jaanta tha. Kaha jaata tha ki unhe kayi siddhiyaan praapt thi, magar jo ek do prakhyaat thi woh thi — Prakriti Darshan Siddhi aur Bhava Pravesh Siddhi.
Ve jaane jaate the apne ek mahaan kaam — Saat Patthar Jagran ke liye.
Ek baar Mandoli naam ke gaanv me sookha pad chuka tha. Toh, unhone saat patthar saat alag-alag jagaho se ikhatte kiye the. Registan, nadi ka taal, shamshan, yuddh-kshetra, mandir ka khandahar, parvat ka shikhar, aadivaasi jangal.
Inn saat jagaho se saat patthar ikhatta kar unhone apni urja aur mantro ke ucchaaran se gaanv ke beecho-beech baith kar raat bhar jap kiya tha jis se-
Saat dino ke andar hi andar poora sookha gaanv se gaayab ho chuka tha. Varsha hone lagi thi. Faslein ugne lagi thi. Aur, woh sthaan ek teerth-gaman ka sthaan bann gaya — Saptavivek Sthaan.
Britishers ne ise adhyatmik visangati ka naam de kar iske baare me aneko lekho me likhna shuru kar diya tha.
Devnagari me likha unke dwara ek lekh jise jaana jaata tha — Raamchaitanya ke naam se, jisme 108 sookshm shareer avlokano ka vivran tha. Aaj ise hi ‘Akasha Kaagaz’ ke roop me jaana jaata tha.
Aaj wahi siddh Mahadevananand ji swayam Bijaipur ki haveli me Baldev Singh ke ghar padhaare the. Haveli ka vishal aangan upar se khula hua tha. Vidyavan, zameendar, pehredar, aur pujari, sabhi waha maujood the.
Pardo ke peechhe ghar ki streeyaan aur Parijaat aurtein khil-khilaati aur sharmaate hue baithak ko dekh rahi thi.
Mahadevanand ji dheere-dheere, nange paanv, apni lambi rudraksh ki maala ko dheere-dheere hilaate hue andar aaye. Veh aangan me daakhil hue.
“Kya mere jaise ek gareeb pathik ke liye iss ghar me koi aashray hai kya, Raajan?”
Baldev Singh turant haath jod kar khade ho gaye, unki aankhein vismay se zyada samajh se sikudi hui thi.
“Mein koi Raja nahi, guru ji! Rajan keh kar mujhe pukaarne ki zaroorat nahi hai. Aap yaha aaye, wahi bahut hai mere liye. Mein nahi jaanta ki aap kaun hai, lekin itna zaroor jaanta hu ki aap jaise siddh purush sharan nahi lete. Aap meri pareeksha le rahe hai.”
Mahadevanand ji mand-mand muskuraye, akhirkar unki aankhein khuli.
“Kya aapke poorvaj Raja Maharaja nahi the?”
Unke prashn par Baldev ji ka shareer jhatka kha gaya.
“J-Ji guru ji! Ve sab Raja the. Lekin, mein nahi.”
“Aap saaf-saaf dekhna jaante ho, Rajan! Toh, dekhte hai ki aapki drishti kaha tak pahuchti hai. Mere paas ek kaarya hai… jo betuka hai. Shayad murkhtapoorn bhi. Kya aap karenge?”
“Aadesh dijiye, mahatma.” Ve jhukte hue bole.
“Toh suno! Apne dakshini kheto ke theek baahar banjar zameen me ek gehra kua khodo. Lekin… Use paani se nahi bharna. Iski bajaaye, usme 60 mitti ke kalash rakho, jinhe ghee, gudd, sarso, haldi aur apni Parijaat ki har stree ke kuchh baalo se band kar do aur neem ke patto se dhak do. Yeh gyaarah dino ke bheetar poora ho jaana chahiye. Koi sawal nahi.”
Mahadevanand ji ne gambheerta se kaha. Aur, waha sannaata chha gaya.
Pehli baat toh yeh thi ki guru ji ko Parijaat ke baare me kaise bodh tha? Aur, dusri ye ki yeh kis tarah ka kaarya tha?
Pardo ke peechhe se tabhi ek dheemi si khilli udi, aur phir ek awaaz — jo itni tez thi ki use lagbhag har kisi ne sunn liya tha.
“Hmph! Dekho toh buddhe ko! Kya hum ye maan le ki iss pagalpann se hum angrezo se mukt ho jaayenge? Sookhe se bach jaayenge? Ye saadhu bas bhagwan banane ke liye kahaniya bana raha hai.”
Awaaz thi Padmini ki, jo Parijaat ki sabse sundar stree aur sabse prashansit mahilao me se ek thi. Buddhiman, chalaak, aur behad khubsurat. Samay ke saath use lagne laga tha ki woh apne padd se upar thi. Use sirf ‘ghar ki sevika’ kehlaane se chidh hoti thi. Halanki, kaam sammaan-janak tha aur woh araam se rehti thi. Lekin, apni sundarta aur buddhimatta par garv use na sirf gaanv waalo se, balki Baldev Singh se bhi shreshta mehsoos karaata tha.
Lekin, uss garv ke neeche ek gehri asuraksha chhipi thi. Haveli ki deewaro ke baahar uske paas koi virasat nahi thi. Koi swatantrata nahi. Koi taaqat nahi.
Toh, jab yeh saadhu aaya aur Parijaat ki mahilao se anushthan ke liye apne baalo ka ek katra daan karne ko kaha, toh Padmini ne ise vyaktigat roop se le liya.
‘Hum rajao ya inn aadmiyo ki daasi nahi hai. Kisi bhatakte baba ki bakwas ke liye hum apne reshmi baalo ka ek katra bhi kyu de?’
Woh iss anushthan ko aadhyatmik nahi, balki purush-pradhan andh-vishvas maanti thi, jiska uddeshya daiveeya kaarya ki aadh me mahilao ko niyantrit karna tha.
Toh, jab uske bol waha goonje-
Bechaini se ek badbadahat uthi. Lekin, Mahadevanand ji ne bas jharoke ki taraf dekha aur kuchh na kaha. Ve Baldev ki orr mude. Woh achraj me khada hua tha. Baldev ne sakhti se Parijaat ki aurton ko dekha aur uske dekhne par ve sab shaant ho gayi.
“Toh, bolo Rajan! Aap karoge?”
“Ji guru ji!” Baldev Singh ne jawab diya.
9 dino baad…
Kaarya samapti ke qareeb pahuch raha tha. Mazdoor aur naukar din-raat kaam kar rahe the. Kalasho ko taiyaar kiya gaya, zameen khodi gayi, anushthan samapt hua, lekin gyaarvhi raat ke pehle hi nauvi raat ko kuchh hua.
Kalasho ke saath chedh-chadh. 60 me se 4 kalash toote hue mile. Unki saamagri apavitra ho chuki thi.
Apradhi?
Padmini. Wahi mahila jisne iss kaarya ka mazak udaaya tha. Woh, 28 anya Parijaat mahilao ke saath, gupt roop se iska peechha kar rahi thi. Unhe yeh poora anushthan ek dikhawa lag raha tha. Kuchh ki dharnaaye toh ab ye bhi bann chuki thi ki Mahadevanand ji keval ek dhongi tha jo satta haasil karne ki koshish kar raha tha.
Kehte hai na ki ek gandi machhli poore talaab ko ganda kar deti hai. Padmini ke andar ka guroor bhi baaki mahilao ko prabhavit kar chuka tha.
Iss se bhi buri baat yeh thi ki Padmini ne Mahadevanand ji dwara uss sthal ke paas rakha gaya kaala rudraksh bhi chura liya tha, jiske baare me kaha jaata tha ki woh unki shakti ki muhar thi.
Agli hi subah, apavitrata ki khabar fel gayi. Gaanv waalo ki saansein atak gayi. Hawa bhaari ho gayi, maano kisi bhayankar toofan se pehle ki ho.
Poora gaanv haveli ke baahar ikhatta ho gaya. Mahadevanand ji beech me chup-chap khade the. Bheed me logo ke chehre sharm se lajjit the.
Baldev Singh jaan gaye the ki yeh galti Padmini ki thi. Kuchh wafadar Parijaat ki aurton ne ye raaz khol diya tha. Yeh jaante hue ki Parijaat unki zimmedari hai, ve aage badhe aur ghutno ke bal baith gaye.
“Hey gyaani, mujhe kshama kijiye! Paap mera hai. Jis par aapne bharosa kiya, usne iss bharose ko tod diya. Iska bhaagidaar mein hu, guru ji!”
Mahadevanand ji ne uski orr dekha — aankhein teekhi, phir bhi shaant.
“Ab samajh aaya ki maine aapko Rajan keh ke kyu pukaara tha?”
“Huh?”
“Aaj aapne ye siddh kar diya ki aap apne purvajo ki tarah hi zimmedari ka taaj pehente ho. Aaj aapne saabit kar diya ki aapke kul ka khoon samay ke saath patla nahi hua. Kisi aur ki galti ka dosh apne sarr lena asaan baat nahi, Rajan.”
Unhone Baldev ke kandho par haath rakha aur unhe dheere se uthaaya. Phir, veh bheed ki orr mude aur garajte hue bole.
“Lekin, jisne paap kiya hai, veh abhi bhi chhipa hai. Parijaat ki Padmini — Saamne aao!!!”
Parde ke peechhe se ek cheenkh sunayi di. Padmini kaanpte hue ghutno ke bal gir padi. Use nahi laga tha ki woh pakdi jaayegi.
“Ek kuleen vyakti ne tumhe aashray diya… Uske haatho ne tumhe bhojan diya… Uske ghar me tumhe suraksha di… Aur, phir bhi tumne uske saath-saath dharm se chori ki.”
Hawa tez ho gayi. Unhone gangajal se bhara ek peetal ka paatr khola aur use agnikund me chhidka. Unhone kaale kapde ki ek patti nikaali, pracheen atharva mantro ka jaap kiya aur pavitra agni ki teen baar parikrama ki.
Laptein aprakartik roop se uthne lagi.
“MEIN YEH SHRAAP DETA HU KI — PEEDHIYO TAK YEH GYAAT HO KI ABHIMAN KA PAAP DAND SE NAHI BAKSHA JAYEGA! AAJ SE, PARIJAAT KI STREEYAAN — JINKA SAUNDARYA UNKA AHANKAR THA, JINKA SATEETVA UNKA HATHIYAR THA — USI VANSH KI SEVA KARENGI JISE UNHONE APAVITRA KIYA!”
Ve aankhein band kar ke ruke aur phir garje.
“MAANSIK ROOP SE! BHAVNATMAK ROOP SE! AARTHIK ROOP SE! AUR… SHAREERIK ROOP SE! UNKA ABHIMAN TOOTEGA! UNKA AHANKAR BEDIYO ME BAANDH DIYA JAYEGA! AUR, SANSAR KE SAMAPT HONE TAK UNHE BALDEV SINGH KE PARIVAR AUR UNKE VANSHAJO SE BAANDH DIYA JAYEGA!”
“AUR, AGAR ISS SE BACH KAR BHAAGNE KI KOSHISH KI- YA PARIVAR AUR KUL KO KISI BHI TARAH SE HAANI PAHUCHANE KI KOSHISH KI, TOH UNKA AUR UNKE PARIVAR KE PATAN KA KAARAN BANEGA YAHI SHRAAP.”
Bheed avaak reh gayi. Padmini chakkar kha ke behosh ho gayi. Parijaat ki Parineeti daud kar aage badhi aur guru ji ke charno me gir padi, aur bekabu hokar rone lagi.
“Maharaj! Mahatma! Hum moorkh the. Aapko chahiye toh mujhe shraap de dijiye — lekin, baakiyo ko chhor dijiye. Hume humari sateetva ki haani se bacha lijiye.”
Baldev Singh bhi ghutno ke bal gir kar vinti karne lage.
“Mahaan! Ve sab meri dekh-rekh me hai. Jo bhi dand dena hi — mujhe dijiye. Lekin, unka saar kalankit mat kijiye. Kripya, guru ji-”
Mahadevanand ji chup ho gaye. Jwalaaye mand pad gayi. Hawa thandi ho gayi. Unhone dheere se apni aankhein upar uthayi.
“Ek baar diya gaya shraap wapas nahi liya jaa sakta, Rajan! Lekin, use… seemit zaroor kiya jaa sakta hai. Keval aur keval aapki wajah se-”
Unhone uss agni se raakh uthayi aur use apni hatheliyo me ragda.
“PARIJAAT KI AURTEIN SABHI WAARISO KI NAHI, BALKI KEVAL EK KI SEVA KARENGI! VEH JO BALDEV SINGH KE VANSH ME SARVASHRESHTA HOGA! JISKA DHARMA SABSE BADHKAR HOGA! JISKA MANN USKI TALVAR SE BHI TEZ HOGA! JISKI AATMA NISHKALANK HOGI! VE SAB USKI SEVA KARENGI — AUR KEVAL USKI! HAR TARAH SE SHRAAP YAHI MAANG KARTA HAI!”
Ek sannata chha gaya.
“Aur, ise ek sabak maan lo! Uss kripa ki bhi apni seemaaye hoti hai. Dharm unki raksha karta hai jo uski raksha karte hai. Aur, unka naash karta hai jo uska uphaas karte hai!”
Veh mude. Aur, jaane lage. Aur, yahi se shuruat hui — asli Parijaat ki.
Baad me wahi anushthan wapas se poori savdhani se kiya gaya aur safal bhi hua. Anushthan ka uddeshya tha-
Gaanv ke neeche ek adhyatmik garbh banaana. Angrezo dwara laayi gayi sookshm videshi urjao ko nishkreeya karne ke liye. Gaanv ke adhyatmik mool, sanskritik smriti aur paitrik urja ko nasht hone se bachaane ke liye.
Parijaat mahilao ki stree urja (shakti) ko dharti ke saath sanrekhit karne ke liye, unki jeevan shakti ko mitti se baandhne ke liye, taaki koi bhi baahri shakti gaanv ko ukhaad na sake. Ya adhyatmik roop se uska ullanghan na kar sake.
Aprakartik mauto aur akaalo ko rokne ke liye, aur bhoomi va parivaro me urvarta badhane ke liye. Gaanv ko dusht shaktiyo se chhipaane ke liye aur sukh, samridhhi felaane ke liye.
Inhi Parijaat ki aurton me shaamil thi — Suman ki purvaj, Sudha, Mukta, Varsha, Vandna, aadi… Inn sab ki purvaj jinhone aage chal ke baakiyo ko janm diya.
---
Jab Abhilasha ne ateet ki gaatha ko samapt kiya, toh Vandna ki aankhein sadme me phaili hui thi.
“Aur, isi tarah hum bhi unhi ke vanshaj hai bitiya. Sab ke sab. Tum bhi! Yahi kaaran hai ki tumhare parivar ka patan kyu hua!”
“Haah!!” Vandna ki saans zor se choothi. Use saans lene me taqleef ho rahi thi.
“Kyunki, tum… Ek Parijaat ki aurat hoke, tumhara parivar maalik ke parivar ke khilaaf gaya. Isliye, yeh toh hona hi tha.”
“N-Nahi!”
“Mayra ki haveli ka parivar aaye din Singh parivar ke liye mushqile paida karta rehta tha. Aur, isliye maine-”
Iss baar Abhilasha ki aankhon se aasu dhaar bann kar behne lage.
“Mujhe maaf kar dena bitiya! Kyunki, woh mein hi thi! Jisne tumhari shaadi uss ghar me karwayi!”
*Boom*
Ek aur visfot Vandna ke mann me hua. Kya matlab?
Matlab yeh ki aaye din Mayra ka parivar jo Singh parivar ke liye hanikarak saabit ho raha tha, uss se nipatne ke liye hi Abhilasha ne Vandna ki shadi uss ghar me karwayi thi. Taaki, agar bhavishya me ve sab parivar ke liye aanch bane toh unka khaatma shraap ke zariye ek na ek din ho hi jaaye.
Yahi tha Parijaat ki aurat hone ka astitva. Uski zimmedari.
“A-Aap-!!”
Vandna avaak reh gayi. Woh aadhe ghante tak bas apne aasu bahaati rahi. Aur, Abhilash uske paas aa kar neeche baith uske galey se lag gayi.
“Maaf kar dena! Mujhe maaf kar dena bitiya! *sniff* Mein tumhari doshi hu!”
“M-Mera beta! Maasi mera beta! *sniff* Mera beta!”
Vandna ne phir sab kuchh sweekar kar liya. Usne apni vyatha batayi ki kaise woh yaha par bhaag kar aayi thi.
“Maalik bitiya! Veer maalik! Wahi tumhe bacha sakte hai! Yaad rakhna-! Yaad rakhna humesha ki tum Parijaat ki aurat ho! Aur, tumhara sabse pehla maqsad hai Veer maalik ki seva. Unhe kisi bhi prakar ki haani mat pahuchana. Tumhare pati aur sasur ne yahi galti kari thi.”
“V-Veer maalik-!?”
“H-Haan! Jao bitiya! Jao maalik ki sharan me jao. Mujhe poora vishvas hai ki ve hi tumhare bete ko dhundh sakte hai.”
Vandna waha se nikli, lekin Ranjeet ke aadmi akhirkar use pakad hi liye.
Vandna ne wahi chaal chali jo Abhilasha ne use samjhayi thi. Bhola banana aur Ranjeet ke jhaanse me rehne ka use vishvas dilaana. Yahi kaaran hai ki kyu uss raat slaughter house me jab Ranjeet ne use call kiya tha toh Vandna ne ye kyu kaha tha-
“Hahaha! Aai ja maayi Aai ja! Tohre liye badhiya tohfa taiyaar kar ke rakhunga. Tu aa!”
“Y-Ye sab! Ye sab jokhim bhara hai!”
“Iski behan ki choot! Muh band rakh! Bahut baat sunn leni tohre se. Ab aur naa! Jitna bola gaya hai utna karne ka! Samjhi na?”
Vandna ne jaan-boojh ke Ranjeet ko 'jokhim' keh kar uksaaya tha. Shraap ki lapat me Ranjeet laalach ki wajah se aa phasa aur khud apni jaan bhi gawa baitha. Itna taqatvar tha yeh shraap.
***
Vandna Veer ke saamne baith ke ro rahi thi. Kaanp rahi thi. Ghadi me subah ke 5 baj rahe the. Mukta, Varsha, aur Sudha bhi wahi baithi hui thi.
Veer (sighs) : Toh, ye thi sacchayi.
Vandna : H-Haan! *sniff* M-Mein Parijaat ki aurat hu! *sniff* T-Toh, kya tum... Kya tum...
Mukta (frowns) : Tum nahi! Aap! Aap bolo! Parijaat ki aurat ho toh!
Veer : Bolne do use, Mukta. Mujhe 'aap' 'tum' se farq nahi padta.
Vandna : T-Toh, kya tum mere bete ko ab dhundh sakte ho? U-Use bacha sakte ho?
Veer (nods) : Choonki, ab jab tum meri zimmedari ho. Dhananjay ko dhundhna bhi meri zimmedari hai.
Zaahir hai ki Vandna apne bete ki maut ke baare me abhi kuchh bhi nahi jaanti thi. Use jitna pata tha utna usne Veer ko bata diya tha.
Veer ka mann bhi ashaant tha. Woh waha Dhananjay ka khaatma karne gaya tha par kisne socha tha ki aenn waqt par waha police aa jaayegi? Aur, upar se uska saamna uss Trisha se ho jaayega? Aur, toh aur woh Dhananjay nahi, Ranjeet niklega!?
Ek baar woh Trisha ki nazron me aa chuka tha, ab dobaara nahi aana chaahta tha. Aur, isliye-
Usne iss qadar Ranjeet ko maut ke muh me utaara ki woh kisi ki nazar me aaya hi nahi. Poore samay Trisha aur uski team, Ranjeet aur uske log yahi sochte reh gaye ki kis anjaan ne inn sab ko anjaam diya.
Upar se woh aisi maut mara ki use pata tak nahi chala ki use kisne maara. Na sirf Veer ne andhere me reh ke saari musibato ki jado ko ek-ek karke saaf kiya, balki Ranjeet jaise gang leader ko maar ke uska dosh ulta inspector Trisha par thop diya.
Yahi thi uski master strategy. Magar, agar jaha iss strategy ka fayda tha toh wahi iska ek nuksan bhi tha. Aur, woh yeh tha ki — usne Ranjeet ko unn hooks par uske muh se latkaya toh tha, magar maara nahi tha.
Ranjeet uss waqt zinda tha. Dard se tadap raha tha. Chhatpata raha tha. Beshaq, woh kuchh der me hi mar jaata lekin, killing blow Trisha ne deliver kiya tha. Na ki Veer ne. Ranjeet ki saansein Trisha ki goli seene me lagne ke baad thami thi.
Dusre, shabdo me… Ranjeet ko Trisha ne maara tha.
Aur, agar Ranjeet ko Trisha ne maara tha. Toh, system ne Veer ko Ranjeet ka Past Illustration diya hi nahi. Kyunki, system ke hisaab se Ranjeet ki dhadkane thaamne waala Veer nahi tha. Trisha thi.
Aur, isi wajah se-
Veer Ranjeet ka kisi bhi prakar ka ateet nahi jaan saka. Usne uske ek-do pantaro ka past dekha, magar use kuchh bhi haath nahi laga.
Veer : Sudha! Mukta! Varsha! Vandna ko yahi rakho. Sheher ke taur tareeko se use rubaru karwao! Iss beech mein... Dhananjay ko dhundhne ke baare me kuchh sochta hu.
Sudha : J-Ji maalik!
Aur, itna bol woh waha se nikal gaya.
***
[Master…]
‘Pari! Show me my full status.’
[Sure!]
Aur, tabhi uske mann me ek window khuli.
*Ding*
Usne dekha ki sabhi ki favorabilities tab me badlaav aa chuka tha. Par, uska main focus tha apne stats ki orr. Kaafi samay se usne inn par rok laga ke rakhi hui thi. Ab samay aa chuka tha ki woh waapas se unn par dhyaan de. Disembowler se bhidne ke baad use samajh aa chuka tha ki woh abhi kitna peechhe tha.
Usne dekha ki uske paas 40,000 points jama rakhe the. Jisme se 20,000 use haal hi me Disembowler ki ladaayi se praapt hue the. Aur, 10,000 Ranjeet ko maarne par.
'Pari! 30 points strength aur intelligence me add kar do. Agility me 20 add kar do. Aur, endurance me bhi 30 points add kar do.'
[Yes, Master.]
*Ding*
Uske saamne stats ki screen khuli.
'Hmm!'
*Ding*
[11,000 points have been used. You are now left with 29,000 points.]
'Good! Abhi ke liye ye change kaafi hai.'
[Aapko ek nap lena hoga changes ke liye, Master.]
'Jaanta hu!'
Usne mann hi mann ek haami bhari. Ek santushti bhari haami.
‘Pari! Skill shop kholna.’
[Ah!!]
‘Kya hua?’
[Aap kabhi skill shop itna explore nahi karte the. Aur, achanak se aaj aapne shop explore karne ko kaha isliye-]
‘Yeah! Please, open karo.’
[Yes, master.]
Shop open hote hi ab use ek naya interface dekhne ko mila. Pehle jaha shop me skills aise hi line se lagi rehti thi. Ab wo alag-alag sections me vibhajit thi. Usne unn sections par nazar maari toh uski aankhein aashcharya me chaudi ho gayi.
‘Interesting…! Ye pehle se kaafi better hai.’
Uske mann me skill shop ka interface khula hua tha.
[Skill Shop :
1) Combat Skills : Offensive and close range engagement skills.
2) Defensive & Evasion Skills : Protective skills that require dodging, shielding, or enduring attacks.
3) Stealth & Infiltration Skills : Skills for espionage, escape, and unnoticed operation.
4) Perception & Awareness Skills : Enhances senses, intuition, pattern recognition & spatial intelligence.
5) Physical Mastery Skills : Boost body coordination, agility, and performance.
6) Social & Manipulation Skills : Verbal, psychological & charisma-based control skills.
7) Leadership & Strategy Skills : Helps in planning, commanding, and managing groups in pressure.
8) Technical & Analytical Skills : Boosts logic, pattern recognition, and device interaction.
9) Survival & Environment Skills : Survival instincts, adaptation to hostile environments.
10) Medical & Rescue Skills : Healing, diagnostics, and life-saving techniques.
11) Legendary Skills (Cross-Category) : Very rare, mission-bound, extremely powerful skills. Can fall under any above category.]
Veer ne jab itni saari categories dekhi toh uska dimag chakra gaya. Magar, uski nazar sabse pehle 11th category par padi. Uski aankhon me ek chamak thi.
Legendary skills? Shop me? Aisa pehle kabhi nahi hua tha. Yeh sab kya tha? Kya woh legendary skills ko khareed sakta tha? Usne bina samay gavaaye ‘Legendary Skills’ ko select kiya aur-
*Ding*
[The host cannot access the ‘Legendary Skills’ section if the missions are due.]
[Complete the due missions if the host wants to access the ‘Legendary Skills’ section.]
‘I see…!’
Veer ki bauhe upar uthi. Uske missions pending me the. Do naye missions use mile the aur unhe complete kiye bagerr woh iss section ko nahi dekh sakta tha.
‘Pari? Kya mujhe Legendary skills iss section se mil sakti hai?’
[Mein sure nahi hu, master. Kyunki, aapki hi tarah mein bhi ise access nahi kar sakti. I’m- I’m sorry Master.]
‘Huh?’
[M-Mujhe ye pehle hi kar lena chahiye tha. Jab aapko mission nahi mila tha.]
Veer ki bauhe sikudi. Pari itni dheeli-dhaali kab se ho gayi bhala? Woh agar baahri duniya me itna vyast tha toh kya Pari samay rehte itna sa kaam nahi kar sakti thi?
‘Tum kabse itni careless hone lagi, Pari? Maine tumse ye bilkul expect nahi kiya tha. Aur, tum ye bata rahi thi ki tumhari special skill tumhara intelligence hai? Kaha gaya woh intelligence?’
Veer ke shabd teekhe the. Uska ravaiyya bhi alag tha. Pari maun reh gayi. Woh sehmi hui thi. Iske pehle kabhi uske master uss se iss tarah se pesh nahi aaye the.
‘Ava ke system Lily ki special ability uska luck factor hai. Kam se kam woh sahi se uska istemal toh karti hai. Tum kya kar rahi thi? Agar, mein itne disturbance me bhi itna active reh sakta hu, raato ki neend sacrifice kar ke itne matters se deal kar sakta hu, toh tumhe toh mere andar maujood hoke aur bhi active rehna chahiye. Par, fir bhi tum-’
Woh use suna hi raha tha jab achanak Pari ki awaaz zorr se uske andar goonj gayi.
[KYUNKI, MUJHE AAPKI FIQR THI, YOU STUPID MASTER!!!]
Uski awaaz ruwasi thi. Lag raha tha jaise woh abhi ro degi.
‘Huh!?’
Veer thoda chaunk gaya.
[M-Mujhe aapki fiqr ho rahi thi. M-Mein… A-Aap pareshan the. Disembowler, prestige attack, aur na jaane kya-kya. M-Mein har samay aapke baare me soch rahi thi. Aapki nerves ko calm karne ki koshish kar rahi thi. Soch rahi thi ki iss sab ke peechhe kaun ho sakta hai aur uska kya aim ho sakta hai.]
‘!??’
[Aapke behaviour me change aa raha hai… Mein ghabra rahi thi. This isn’t how you used to do things, master.*sniff* Mein aapse baat karna chaah rahi thi. Y-You are getting changed. M-Mein jaanti hu aapke dada ji ki death ka impact aap par pada hai. B-But- this… this isn’t the right way.]
‘...’
[Aapne mission ke pehle hi Ranjeet ko maar diya. System ne use abhi complete threat ghoshit bhi nahi kiya tha par aapne- *sniff* Y-You killed him brutally.]
System ne Ranjeet ko abhi complete threat nahi maana tha. Yaani ki agar, Veer slaughterhouse nahi bhi jaata toh koi farq nahi padta kyunki, Trisha already waha pahuch hi jaati aur fir Ranjeet ko woh pakad leti. Jis se Ranjeet Veer ke liye kisi bhi prakar ki pareshani bann kar saamne nahi aata. Kam se kam tab tak jab tak woh Police ki giraft me rehta.
Parantu, Veer ne uske pehle hi Ranjeet naam ki iss samasya ko jad se mita diya tha. Aur, Pari ki nazro me ye galat tha. Yeh aisa tha jaise koi jaan-boojh ke kisi ki jaan le raha ho. Ranjeet ko bandhi bhi banaya jaa sakta tha. Lekin, iss qadar use hook par latka ke tadpa kar maarna? Uske master ye sab kab se karne lage bhala?
Isliye, inn beetein dino se Pari pareshan thi. Apne liye nahi, apne Master ke liye. Woh sabhi pariyon me se sabse sanvedansheel thi. Yahi kaaran tha ki kyu woh system par focus na kar ke apne master pas zyada focused thi.
Pari ke bol sunn Veer ki nazrein neeche jhuk gayi. Lekin, usne Pari ki baat ka samarthan nahi kiya.
‘Maine use nahi maara!’
[YOU KILLED HIM!]
‘Agar, maine use maara hota… Toh, Past illustration aata. But-’
[Woh already marr jaata agar waha woh Trisha nahi pahuchti toh-! M-Master! *sniff* Don’t get impulsive please. I… I like the way you were before. P-Please, don’t change. I-I beg you *sniff* Don’t be like this.]
Uski guhaar bhari awaaz Veer ko sunaayi di. Veer ne ek gehri saans li aur uske mann me bas itna hi nikla-
‘This is the right way, Pari.’
[Y-YOU-!!! HOW CAN YOU??? *sniff*]
‘Ranjeet ko raaste se hataate hi cheezein kitni asaan ho gayi hai ab. Dekho tum! Ek na ek din use marrna hi tha. Also, maine nahi maara use. The hook killed him. Trisha killed him. Not me!’
[I HATE THIS… *sniff*]
‘Melodrama ki zaroorat nahi hai. Yahi efficient aur sabse sahi tareeka hai. And, this is how I’ll proceed. Mujhe calculated plans ko execute karna hoga. That’s it! Aur, tabhi-’
Par, iske pehle ki woh apni baat poori rakhta-
*Ding*
[The active system has gone into sleep mode.]
[The host won’t be able to interact with the active system for 6 hours. The host can still access the passive system on his own.]
‘Pari, tum-!’
Veer ne apne daant meese. Woh uski baat bina sune hi 6 ghante ke liye sleep mode me jaa chuki thi. Uski awaaz me kampan tha. Shayad ro rahi thi. Magar, Veer ne apne aap ko inn emotions ke chalte apne resolve ko badalne nahi diya. Usne mann me apni wahi baat dohraayi.
‘This is the right way, Pari!’
.
.
.
.
.
.
.
.
.
.
Aaj ke liye itna hi guys.
The Update consists of 12k words.
Dhanyavad.