- 179
- 594
- 94
update 15
Maa mere chehre ko bade ghor se dekh rahi thi. Mere liye yeh koi pehli baar nahi tha. Pahle bhi kai baar main apne shareer se aatma ko alag kar chuka tha. Lekin pehli baar main khule mein apni aatma ko shareer se alag kar gaya tha. Jab maa ko apne hi shareer ke saath lete ghor se dekhte paya, to meri shararat ki rag phadak uthi. Main maa ke karib aaya aur zor zor se chillane laga.
"Hey! Hey! Hey! Shalu, main yahan hoon! Maa! Maa! Mujhe dekhiye, main idhar hoon! Aap mere chehre ko kya dekh rahi hain, idhar dekhiye, apne right side dekhiye!"
Par maa ko meri awaaz sunai nahi de rahi thi. Ye baat main aur maa dono jante the. Tabhi maa boli, "Sanju! Kya tumhari aatma shareer se alag ho gayi hai?"
Maine koi jawab nahi diya. Maa ne mere seene par kaan laga kar meri dhadkan sunne ki koshish kari, par nahi sun paayi. Aatma hoti to dil dhadakta na? Dil to gahri neend mein soya tha. Maa ne firse mere chehre ko ghor se dekha to main muskura pada.
"Idhar hoon, aapke paas," maine kaha. Maa ko chhune ki koshish ki, par mera haath unke shareer ke aar-paar ho gaya. Maa mujhe apne karib jaan nahi paa rahi thi. Unhone sir utha kar upar dekhna shuru kiya. Main unki aankhon ke saamne aaya aur ulte-seedhe face expressions bana kar unhe chidane laga. Khub lutf utha raha tha main, par maa anjaan thi meri harkaton se. Sab bematlab tha. Par apne andar bharti masti ka main kya karta, so khud ko rok nahi paaya.
Phir upar fly karne ka socha tha to agle hi shan meri aatma kai sau feet upar ek jagah thahar gayi. Maine aur upar jaane ka prayas kiya, lekin meri aatmashakti itni hi thi. Main aur upar nahi ja saka. Upar se maa ko dekha to hairan ho gaya, bohot khush bhi hua. Maine maa ko dekha to khud se hi zoom bana aur main jaise maa ko, apne bejaan pade shareer ko karib se dekh raha tha, waise hi itni height se karib se dekhne laga. Samne samundar tha, ek side mountain range thi, aur do sides death valley thi. Woh gufa, us gufa ka aur aas-paas ke ilaake ka saara vision mere dimag mein feed ho gaya.
Jaise hi maine death valley ki orr nazar ki, to woh area jahan gufa thi, jahan main maa ke saath barson raha tha, zoom hone laga. Main khud se hi, bina us gufa ki khoj kiye wahi ja pohncha. Matlab maine socha aur meri aatma mujhe palak jhapakte wahi le gayi. Shayad mere mann ki yahi ichha thi. Main gufa ke saamne ja pohncha to badi hi mast kar dene wali vibes aane lagi. Gufa ka moh mujhe apni orr akarshit karne laga. Main gufa mein pravesh karta andar ghoomne laga. Zyada samay nahi laga aur maine puri gufa ghoom li. Aatmashakti to kamaal ki shakti thi. Main gufa se bahar aaya aur ab maa ke paas jaane ki soch raha tha. Meri aatma mujhe maa tak le jaati, mere shareer mein pravesh karti, tab meri aatma ne ek anokha manzar dekha.
Ek aur aatma mujhe aakash ki orr flash speed se fly karti dikhai di. Par main bhi ek aatma tha, aatmashakti ka owner tha, isliye dekh paaya. Woh aatma ek ladki ki thi. Death Valley mein jidhar se ladki ki aatma upar ko udi thi, main udhar jaane laga. Bas sochne ki deri thi, meri aatma upar tak unchi hui aur neeche jhuk kar dekhne par mujhe gufa se 1 kilometer ki doori par ek luxury gaadi dikhai di. Main hairan hua, Death Valley mein is jagah gaadi? Ghor karne par pata chala, dhalan par ek aur gaadi ludhki padi thi. Kuch death bodies ret mein dhansi nazar aane lagi. Total 16 death bodies maine count kari. Maine maa, Gurudev ke siva kisi ko itne kareeb se nahi dekha tha, woh bhi paani mein aks davara. Aaj pehli baar naye chehre dekh raha tha.
Paanch vyakti jinme do ladkiyan, do jawan ladke aur ek boodha aadmi tha, jo mere aur maa, Gurudev se bilkul alag dikhte the. Maa se jaan chuka tha, videsh mein rehne walon ki shaklen kaisi hoti hain. Main samajh gaya, yeh sab koi foreigner tourist team hogi, saath Indian guides honge aur kuch guards honge, kyunki wahin weapons bhi bikhre pade the. Koi bhi jeevit nahi tha. Main sab ko dekhne ke baad maa ko batane ke liye utsuk ho gaya. Turant apne shareer mein pohnch ek lambi saans leta hua aankhen khol gaya.
Maa pyaar se mere gaal par haath ferte hue mere labon ko chum boli, "Badi jaldi aa gaye tum apne shareer mein wapas."
Main uth baitha aur maa ko sara maajra keh sunaya. Maa jhatke se uthi aur boli, "Chal, turant wahi chal. Ab yahan kyu rukna? Wahi chal kar aaram karte hain. Ab to hum kai din kai raaten bina khaye-piye rah sakte hain." Maine maa ki baat maan li aur janghia pehnne laga.
Maa has padi, "Kapdon ka intezaam to ho gaya."
Main maa ki baat sunkar smile karne laga. Main daud pada aise hi nagn aur maa mera bharpur saath de rahi thi. Ab maa koi bachhi to rahi nahi thi, ek avtaar ki, ek yoddha ki maa thi. Khud mein bhi bohot kuch ban chuki thi.
Hum dono ek dusre ko dekhte, smile karte daudte rahe bina kahin bhi ruke. Pehle jo fasle 3 dino mein tay hua tha, is baar pone do dino mein tay ho gaya tha.
The current update is brief, but the forthcoming one will be a comprehensive and major expansion. Review this now and stay tuned for the exciting developments ahead
