Update-62
“abey ye toh Riya Rose ka baap hai…”Ved dheere se fusfusaya…
“tujhe kaise pata…”
“iske vardi me iska naam dekh… J.B. ROSE KUJUR… Rose... Riya Rose. Aur tune bataya bhi tha ki Riya ka baap inspector hai... Ye bhosdika pakka usi dogli Riya Ka dogla paap hai... I mean baap hai... Bole toh tera muh bola sasur... "
Aur us inspector ka naam dekhte hee Ved aur Ranjan meri taraf dekhne lage….
“mujhe kya dekh rahe ho be… main kuch bolunga toh jitna pelna rahega usse jyada pelega… kya pata Riya ne ghar jakar wo sab bata diya ho apne bapu ko, Jo maine aaj us-se school me kaha... Jaise wo aaj bhadak rahi thi, us-se toh yahi lagta hai ki bata di hogi”
“tera sasur hai, tujhe kaise pelega… bol isko ki hum teeno ko jaane de yaha se…”
J.B. Kujur ne ek-ek karke waha mauzood sabhi ladko ke gand me sabke saamne ek-ek danda maara. Humara number last me tha aur humara number aate -aate tak J B Rose Kujur haanfne laga tha.
“meri beti bhi tum teeno ki tarah Sanskar Valley me padhti hai... Sanskar Valley ka naam kharab kar rahe tum teeno….”dande par apna grip set karte hue wo bola
“sir, main.. Riya ka classmate…”Riya ke baap ne mujhe maarne ke liye danda uthaya hee tha ki… main jaldi se bol pada aur mere muh se Riya ka naam sunte hee uske hath ruk gaye….
“tum me se kisi ko koyi complaint karni hai kya…”dande par apna grip banate hue hue Government school ke ladko se J.B. Kujur ne puchha aur sabne naa me sar hilaya ….
“aur tum logo ko….”yahi sawal J.B. Kujur ne Jafar ke dosto se bhi puchha… jiske baad unhone bhi naa me sar hilaya….
“toh bhago behanchodo yaha se…. warna ek-ek gand me danda daal ke ghuma dunga..…”
Inspector ke aisa bolte hee sabhi ladke waha se jidhar unhe raasta mila udhar bhage…. Jiske baad danda ghumate hue Riya ka baap meri taraf muda… kyunki next number mera hee tha.
“toh tu Riya ka classmate hai…”
“actually Riya ka classmate ye nahi hai… wo main hu…”Ranjan bola “ye dono toh batchmate hai… math ke hai ye dono…”
“tere se baat kar raha hu kya main…”danda Ranjan ki chhati ke beecho-beech rakhkar Ranjan ko jor se peechhe dhakelte hue Riya ka baap fir mujhse bola “tera naam kya hai…”
“ ATHARVA… ”
“Atharva Singh Bhattacharya…. ?”aankhe chhoti chhoti karke mujhe upar se neeche dekh Riya ke baap ne mujhse puchha
“yessss sir….”(bc ise kaise pata mera name... Kahi sach me toh Riya ne aaj wali baat ise nahi bata di... Kya khatam ladki hai be..)
“tu hee Riya ki maa se milne hospital aaya tha aur quiz competition me Sanskar Valley ko represent kar raha hai…?”Riya ke papa ne apna agla sawal kiya
“actually … hum teeno kar rahe hai sir…. Ye dono physics, chemistry se aur main bio se...”Ranjan fir se beech me bola.. iske baad J.B. Kujur ne Ranjan ko ghoora….
“sorry sir…”apna sar jhukate hue Ranjan bola…
“ye ladayi kyun hui thi… aur sach batana…”
“wo sir… meri aur Jafar ki thodi behas hui thi school me… toh wo mujhe dhamkane yaha aaya tha apne dosto ke sath , lekin Joshi jo ki Government school wala hai, uski Jafar se pahle se ladayi thi… tab aap yaha nahi the… jab Jafar mujhe dhamka raha tha toh Joshi ne dekh liya aur Government school ke ladko ko aawaz dekar kood pada aur hum teeno beech me fas gaye… warna baat normal thi sir… jaise school me ladayi hoti hai…”
“abki baar chhod de raha hu… bhaago yaha se…”
“waise sir aapko kaise pata ki main quiz team me hu…? Aur mere Atharva kahte hee mera pura naam aapne bata diya...? "Waha se ulte pair bhagte hue main wapas ulte pair J B Kujur ke paas aaya aur udta hua teer lene ki koshish ki....
“Annual function ka invitation card aaya aaj ghar me. Usi ke sath quiz competition me shareek hone ka bhi invitation card … jaha Sanskar Valley kk reprrsent karne waale ladko ka naam mention kiya hua tha. i”peechhe mudkar usne apne ek constable ko aawaz di “Kaanta…”
“yes sir….”daudte hue waha ek constable aaya…
“ise mera number de de… aur Atharva, aaj ke baad koyi problem ho koyi dhamkaye toh seedhe mujhe call karna, aainda yadi aise ladayi me dekha toh tujhe chhodunga nahi… thik hai… ab jaa yaha se….”
.
“bach gaya Jafar….”waha se jab hum teeno nikle toh Ranjan khunnas me bola “kal fir se usko bus stand aane ki dhamki de , Bhatti…. Jafar ko…”
“aye bhai, chutiya hai kya… Mera sasur i mean.. J.B. Kujur baar-baar nahi bakshne wala hume…”
“fattu hai lawda tu…”Ved bola….
“wo dekh Joshi…. Big-Bang tea stall me chay pee raha hai…”Joshi ko Big-Bang me dekh Ranjan khushi se chillaya “Joshiiiii…. Idhar dekh…”
“hat lawda…”Joshi Big-Bang ke andar se chillaya
“arey aa na…”
“ruk thodi der…”
Big-Bang ki Government school ke laundo ke liye wahi ahmiyat thi jo couples ke liye Starbeans tha… aksar Government school ke jo ladke bus stand ke peechhe ki jhadiyo me cigarette peete hue nahi milte, wo yaha mil jaate the aur ladayi ke baad , Riya ke baap se apne gand me danda khane ke baad Joshi bindass Bing-Bang Tea Stall me baithkar chay ke sath cigarette fook raha tha….
“tu aayega ki nahi be….”Ranjan fir se chillaya
“pahle kaam bol….”
“sale, tune toh aaj pelwa diya tha… kaha gand mara raha tha… bola tha ki 4 baje bus stand me milna…”
“laad, main aaya tha par tum teen chutiyo ke siwa waha koyi nahi dikha toh apun gaanja maarne jhadi me ghus gaya tha…”
“tum dono jao… main Joshi se mil ke kal school me milta hu…”bolkar Ranjan bhi Big-bang ke andar ghus gaya aur Main, Ved har roj ki tarah paidal hee ghar ke liye nikal gaye… ye discuss karte hue ki Ved ke paas chutologist, boobologist aur periodologist ke aalawa aur kaun se logy ka talent hai.Sath hee ye bhi ki yadi Mira abhi achanak hum dono ko apne sath sex karne ka prastav de toh hum log kya bolkar use reject karenge
.
“bach gaye be Ved aaj… nahi toh Jafar ke hatho pelayi pakki thi apni… wo achchha hua Joshi sahi time pe aa gaya…”
“aata kaise nahi… isiliye toh tune Ranjan se dosti ki thi ki.. ek din tere lafde me wo kud jaye aur uske sath Joshi… aur joshi ka tere sath hone ka matlab tha... indirectly Government school ke pure ladke…. Sach bata… isi liye tune Ranjan se dosti ki thi na…?”
“maza aaya na tujhe … bas yahi matter karta hai… baaki sab jaane de ”aankh maarte hue main Ved se bola…..
.
Waise ladayi toh bahut bhayankar hui thi aur iski charcha bhi bahut hui thi… lekin jo mukhya sutradhar the, is ladayi ki unka naam kahi nahi aaya…. Naa toh mera naam aaya aur naa hee Jafar ka… school me Saxsena ko sirf yahi maloom chala tha ki kal ground me Sanskar Valley, Government school aur college ke kuch ladko ke beech ladayi hui thi… naam kisi ka saamne nahi aaya tha lekin school ke kayi launde-laundiyo ko pata tha ki ladayi kiske beech hui thi… lekin kisi ne Saxsena ko nahi bataya aur naa hee Saxsena ne kisi se puchha… waise bhi Annual day ki taiyari chal rahi thi isliye Saxsena ne prayer ke baad ek normal si warning sabhi students ko de di ki aaj ke baad bus stand me faltu koyi nahi baithega… siway unki jinki bus late hai…
Prayer ke baad main , Ved aur Ranjan ghumte hue R.O. ke paas pahuche… waise bhi first period ab khali jaata tha… is time R.O. ke paas koyi nahi tha.. lekin wahi paas ke ground me thodi door me Volleyball wale practice kar rahe the, unme se kuch ladkiya bhi thi.. jinhe dekhte hue hum teeno wahi R.O. ke paaas rakhi bench par baith gaye…. ki tabhi mujhe Riya upar seedhiyo se aati hui dikhayi di… pahle toh mujhe sab normal laga ki wo normally chalte hue har din ki tarah normally paani peene aa rahi hogi… aur paani peekar normally yaha se chali jayegi… lekin jab wo kuch aur najdeek aayi toh maine gaur kiya ki wo bhunbhunate hue, apne pair patakte hue aa rahi thi….
“kya hua be ise… ro rahi hai kya… kahi Jafar ne fir se toh kuch nahi bola ise…”Riya ko aata dekh Ved bola…
“tu bhosdike kabhi achchhi baat mat karna… ho sakta hai Riya ko apni galti ka ahsaas ho gaya ho aur wo mujhse sorry bolne aa rahi ho… tum dono jao yaha se…”
..
