Update-3
....ki tabhi uski nazar mujhpar padi aur hazar tonnes ka jhatka mujhe laga... wo toh mera force & equilibrium ka concept clear hai, warna main seedhe dhadam se ulta girta... Nivedita mujhe dekh muskurayi aur paanch ungaliya hawa me lahra kar ishara kiya ki... kya mera paanch minute abhi tak pura nahi hua...? jiske jawab me maine bhi apni paancho ungaliya hawa me lahrakar use 5 aur minute rukne ke liye kaha... matlab maine use fir nakaar diya. Koyi aur aisa karke dekhe toh...? karna toh door ki baat, koyi aisa karne ki soch bhi nahi sakta... warna, kulhadi.. uske tango ke beech-o-beech padegi aur banda lahu-luhan hokar pada rahega... Mere dwara paanch minute aur.. ka ishaara paate hee Niv ek baar fir apna sar hilate hue muskura kar rah gayi aur kuch der muskurate hue mujhe dekhti rahi.... maine aankho se ishara karke bina kuch kahe puchha bhi ki wo aise kyun ghoor rahi hai... jiske jawab me wo apne saamne rakhi files ko taakne lagi.
Us raat ... yani colleague ki wedding reception waali raat... main Niv ki akelepan ko bhaanp gaya tha kyunki uske huaband se related kayi chije maine uske bedroom me dekha tha... ab lover toh tha nahi Niv ka koyi... toh usi ke husband ki wo sab chize hongi , maine aisa andaza lagaya. Uske akelepan ke sath-sath main uske mann ko bhi bhaanp chukka tha… jitni meri samajh hai , jitna main soch sakta hoon, uske according use ek launde ki shakt jaroorat hai, is samay. Niv, is samay akeli thi... matlab uski love life zero thi aur kisi ke sath friends with benefits wala bhi rishta nahi tha… bole toh 100 % shuddh single, meri tarah… isliye main uske sath mingle hona chahta tha.
Isliye maine last 2 working days me jitni sites clear hui thi , unki reports.. files aur pendrive dono me lekar Nivedita Rani ke cabin me ghusa… pahle toh mann kiya ki goggle-voggle laga ke, collar upar karke , beedi peete hue role me andar ghusu par fir socha ki......... anyway, Niv is samay khidki se neeche dekh kuch soch rahi thi…
“pranipaatra ”dono hath jodkar Niv ka aadar satkar karte hue main dheemi aawaz me bola
wo apne khayalo me itni khoyi hui thi ki meri ye dheemi aawaz ne bhi Nivedita ko jhakjhor kar rakh diya… wo wahi baithe-baithe kaanp uthi.... mujhe bhi use dekh kar kaanp jaana chahiye tha ya waha se seedhe neeche kood jaana chahiye tha. par kisi bhi haal me waha nahi rukna chahiye tha. par main ruka aur waha baitha bhi.
“Atharva, tum ho… baithiye mahashay… toh abhi pura hua aapka 5 minute…”
“ye arrange kar raha tha…”pahle file maine ekdum role me uske table par feki aur fir uske upar pendrive rakhte hue garv se bola “ye do din se pending tha aur aapko report bhi bhejna tha upar… taki upar wale aapke promotion me koyi upari rukawat na daale… promotion toh ab hoke rahega”
“I got it… Atharva..”
“yeah, you got it right… we have to work hard… we will nail the…”
“I got the promotion, Atharva”mujhe beech me chup karakar Niv boli
“proooo..motion.. you … you got the promotion? Promotion wala promotion na…”
“aur mujhe Indore branch ki site manager ke liye kinhi do senior colleague ka naam suggest karne ke liye bola gaya hai… aaj sham tak. Dusare naam ka toh abhi pata nahi par pahla naam tumhara hoga…”
“thankkk....”
“par sirf ek shart par.... tumhare left eyebrow ke upar sar par jo nishan hai, wo kaise laga… katayi zehar lagte ho…”main thank you kahta uske pahle hee bol padi
“thank you, mam…” jis nishan ka jikra Niv ne kiya tha, uspar ungaliya firate hue main bola “ kahani bahut lambi hai aur samay bahut kam… fir kabhi…?”
“waise, ab taiyar ho jao… bahut mehnat karni hai, aane wale dino me… khaskar ke tab, jab mere yaha se jaane ke baad yadi Ericsson walo ne tumhe site manager banaya toh… tumhe apne colleagues se kaam nikalwana aana chahiye… fir chahe method koyi bhi ho…”
“tumhare... matlab aapke jaane ke baad….? Iska kya matlab ? ”
“matlab promotion ke sath-sath… transfer bhi hua hai. Ericsson ke Nagpur branch me”
Mann toh udas hua ye sunkar ki Nivedita ka transfer ho raha hai, par kar bhi kya sakte hai... wo kaun se mere kahne ya mere udas hone par apna promotion chhod kar yahi Indore me sadegi.
“Nagpur me kaha…? humara ek senior waha ke pagalkhane me tha...”haste hue maine kaha…
“exact address nahi maloom…”kahte hue Niv wo file , jo maine abhi-abhi uske saamne rakhi thi usko uthakar uske panne paltane lagi…
Idhar… Niv file ke panne palta rahi toh udhar mera dil palat raha tha… uski baaton se. kyunki Nivedita ab yaha se jaane wali thi, isliye main ab confusion me tha ki isse wo kahu bhi ya nahi… jo main aaj kahne wala tha. Pahla raasta ye tha ki main Niv. Se wo kah du… jo main kahne ke liye aaj ghar se nikla tha, par problem ye thi ki Yadi ab kahta hu toh wo pakka naa karegi kyunki ab toh wo yaha se jaa rahi hai aur mujhe lekar use koyi feeling hogi bhi toh wo daba degi… mujhe bhi aisa karna chahiye… main bhi apni feelings ko daba deta hu , fir chahe zindagi bhar yahi malal rahe ki …. Kash us din kah deta.
Dusara raasta jo tha wo chup-chap jis tarah muskurate hue main yaha aaya tha waise hee muskurate hue yaha se nikal jaun… taki Niv site manager ke promotion ke liye mera name suggest kare aur uske jaane ke baad ye puri branch mere under me… yaha ka pura maal mera… ye bada sa alishan cabin bhi mera… jaha main ek mast screen lagwaunga aur mast sofe me pasar kar bf dekhunga… cricket dekhunga, satta bhi khelunga. fir meri life set hai.
.
.
“Par nahi yar….”kuch der tak khud se vad-vivad karne ke baad main is niskarsh par pahucha ki try toh marna hee chahiye…
Par kaise….? Seedhe… I Love you from deep of my heart…. Bol du kya… nahi, ye sahi nahi rahega… pahle date ke liye puchhata hu.
“good work…”file ke panne palat-te hue Niv boli
“thank You mam… aap dat…day… date…”
“date…? aaj ki date….? 18”
“thank you…”khud par gussa hote hue maine bade pyar se kaha
“excellent…”file band karke wahi neeche rakhte hue Niv. Boli “ye pd last time ki tarah data corrupted toh show nahi karne wali na…?”
“arey wo…. Wo… wo toh Veeeeeeeed…. Ki galtiiiiii............. nahi thi, wo actually meri galti thi. isliye main check karke laya hu… wo Ved ki galti nahi thi… infact, jo site kal clear nahi hui hai, uske liye maine aaj Ved ko sabke saamne harasse bhi kiya hai, jaisa ki aapne mujhe sikhaya tha.”
“drop the act, Atharva… I know, you both are good friends since childhood... bas mujhe janna hai ki kya tum dono ek dusare ka naam dekhkar dost bane the kya...? Atharva-Ved.. this is cool, in a sense”
Aur jaise hee Niv ne ye kaha, main kuch pal ke liye coma me chala gaya… matlab kaise… kab… kisne ise bataya. Ved toh ise batane se raha, maine bataya nahi aur office me kisi se ye bina kaam ke koyi baat karti nahi... fir Niv ko kaise pata chala…? Matlab refrence toh Ved ke resume me mera hee tha, par Nivedita ne childhood word ka istemaal kiya… matlab ise maloom kaise chala ki main aur Ved bachpan se ek hee thali ke chattu battu hai….
“you can go now…”mere khayalat me ghuste hue Niv boli….
“wo mam….mmmm…..”
“haan bolo…”
“wo… dayyyt… date..”main dusari baar apni is harqat par khud par gussaya
“bataya toh 18th…”
“actually… wo… date nahi”
“clearly bolo na…kya bolna chahte ho”
.
“kya bolu main…”jab mere muh se lakh koshisho ke bawjood bhi kuch nahi nikla toh hathiyaar dalte hue maine bhari mann se kaha… aur mayusi bhari nazro se Niv ki taraf dekha, par use toh koyi fark hee nahi pad raha tha.
“you okay, Atharva… ? you look exhausted…. Aaj jaldi ghar jao.. par uske pahle ye file….”ek file mujhe pakdate hue wo boli… “in sites ki data abhi tak mere paas nahi aaye, toh jinki jimmedari thi, unko bolo… ok... aur aisa bolna ki ye kaam is samay unhe unki zindagi ka sabse important kaam lage..”
“ok and I LOVE YOU….”maine jaise hee file Nivedita ke hath se li mere muh se apne aap hee ye nikal gaya… kamal hai, jab tak khud se bolna chahta tha, tab tak I LOVE YOU, ka I tak nahi nikla aur ab… achanak se…. madarchod... gaya kaam se…
Nivedita Rani mujhe dekhti rahi, ghoorti rahi... uske chehre ke expression mujhe I Love You Too , bolne waale nahi lag rahe the... use dekhkar yahi lag raha tha ki wo andar hee mere maa-behan ko yaad kar rahi hai. par dignity maintain karni thi... use bhi aur mujhe bhi... main toh nahi bolne wala tha, wo toh apne aap kahi se nikal gaya aur wo apna chashma set karte hue thodi der baad mujhse boli...
“I don’t think that was a nice thing to say… everything was good until you said that… why did you do that…”apna sar pakad kar mayoos hote hue Nivedita Rani boli…
.....ye to apna Ved hai
jiska sabkuch bada hai.....
....fir bhagna pada....caps me TU RUKK kehte hi sanjana ka chida hua chehra samne aa rha tha
....
is bhukamp ne dharti aur lift ke sath-sath mujhe bhi hila diya tha. jab Lift me disturbance kam hui toh Nivedita ne apna eyeglass thik kiya, apne id card ko seene ke dararo me achchhe se set kiya aur fir baal sanwarte hue meri taraf palti...
..lagta hai usne pehle hi kuch jugaad kar liya aur atharva ko nahi bataya 
..
.
For New Most Awaiting dhaga ,Maafi chahunga itni der se aane ke liye 
