- 3,273
- 16,668
- 159
Ko To Rok Lo {Update - 0252}
____________________________
____________________________
Priya boli “mai ye kuch nahi janti. Tumhe abhi tay karna padega ki, tum pahle mujhse baat karoge ya tripti se baat kaoge.”
Priya ki baat sunkar maine use samjhate huye kaha.
Mai bola “priya dekho, mera tripti se baat karne ka samay raat 11 baje se 1 baje ka hai. Aise me mai tumse roj kaise baat kar pauga.”
Meri baat sunkar priya ne bade nadani bhare andaz me kaha.
Priya boli “mai tumhe tripti se baat karne se rok rahi hu. Jaha mai abhi raat ko 12:30 baje is mobile ke par baat karna suru kar rahi hu. Wahi raat ko 1 baje bad baat kar lugi.”
Priya ki ye baat sunkar maine fir se use samjhate huye kaha.
Mai bola “priya, abhi tumhari tabiyat sahi nahi hai, isliye meri tumse itne samay baat ho ja rahi hai. Tumhara jyada der tak jaagna thik nahi hai. Fir tumhara aur mera subah ka school bhi hai. Aise me raat ko ek baje ke baad mai tumse kaise baat kar sakta hu.”
Meri baat sunkar priya ne mujhe samjhate huye kaha.
Priya boli “dekho, tum raat ko 9:30 baje se 10:30 baje tak barkha didi se baat karte ho aur fir raat ko11 baje se 1 baje tak baje tak tripti se baat karte ho. Aise me tumhare pas mujhse raat ko baat karne ka samay hi kaha bacha hai. Ab tum hi batao meri tumse raat ko 1 baje se pahle kaise baat ho sakti hai.”
Priya ki is baat ne mujhe pareshan kar ke rakh diya tha. Mujhe pareshan dekh kar keerti ne dhire se mere kaan me kaha.
Keerti boli “tumhari is pareshani ko to maine pahle hi hal kar diya tha. Fir tum is baat ko lekar kyo pareshan ho rahe ho. Hum dono milkar priya ko sambhal lege. Tum chinta mat karo.”
Keerti ki ye baat sunkar mujhe kuch rahat mehsus huyi. Kyoki keerti is baat ke liye pahle hi apni sahmati de chuki thi ki, priya raat ko chahe kitni bhi der mujhse baat kare, keerti ko us se koi pareshani nahi hogi. Keerti ki baat sunne ke bad maine priya se kaha.
Mai bola “chalo thik hai, mai tumhe is baare me kal soch kar batauga ki, mai tumse roj raat ko kitne samay baat kar pauga.”
Meri baat sunkar priya ne hanste huye kaha.
Priya boli “mujhe bahlane ki koshish mat karo, Mujhe kal nahi, aaj hi is baat ka jabab chahiye hai ki, mai tumse roj raat ko kitne samay se kitne samay tak baat kar sakti hu.”
Priya ki baat sunkar maine use uski baat ka jabab dete huye kaha.
Mai bola “mai barkha didi se raat ko 9:30 baje se 10:30 baje tak baat karta hu.
Uske bad mai Mumbai me hi baki logon se baat karta rahta hu. Mai tumse raat ko 11 baje ke bad baat karuga. Hum raat ko 11 baje se 12 baje tak baat kar sakege.”
Meri baat sunkar priya ne bade bholepan se kaha.
Priya boli “tum mujhe pagal samajhte ho kya.? Ye samay tumhara tripti se baat karne ka chal raha hai. Bhala is samay mai tumse kaise baat kar sakti hu. Ye samay tripti ka hai aur uska hi rahega. Tumhe mujhse kisi aur samay me baat karna hoga.”
Priya ki is baat ne mujhe pareshani me to daal diya tha. Magar uski ye baat sunkar mujhe acha bhi laga tha. Isliye maine priya ki is baat se pareshan hote huye kaha.
Mai bola “maine tumhe baat karne ka sahi samay to bataya hai. Ab yadi tumhe ye bhi samay sahi nahi lag raha hai to fir tum hi koi naya rasta nikalo.”
Meri baat sunkar priya ne hanste huye kaha.
Priya boli “mujhe koi naya rasta nikalne ki jarurat nahi hai. Tumne kaha ki tum tripti se raat ko 11 baje se 1 baje tak baat karte ho to, maine bhi tumhe bata diya ki mai raat ko 1 baje ke bad baat kar lugi.”
“Ab tumhe isme meri tabiyat ka khayal aa raha hai. Mere subah ke school aur tumhare subah ke school ka khayal aa raha hai to fir tumhe hi koi naya rasta dudna hoga. Mai isme kuch nahi kar sakti. Ye rasta tumhe hi dudna hai.”
Priya ki baat sunkar keerti bhi hansne lagi. Usne dhire se mere kaan me kaha.
Keerti boli “tum tripti se baat karne ka samay raat ko 11 baje se 12 baje ka kar do aur pareshani apni aur uski subah ki school wali rakh do. Taki raat ko 12 baje ke bad tum priya se baat kar sako”
Keerti ki baat sunkar maine priya se kaha.
Mai bola “ok, maine soch liya hai. Mai tripti se raat ko 11 baje se 12 baje tak baat kar liya karuga. Us se kah duga ki, uska aur mera school subah ka hai. Isliye humare liye jyada der raat tak baat karna sahi nahi hai. Wo meri baat maan jayegi.”
“Raat ko 12 baje ke bad mai roj ki tarah tumse baat kar liya karuga. Ab to thik hai na, ya ab isme bhi tumhe koi pareshani ho rahi hai.”
Meri baat sunkar priya ne hanste huye kaha.
Priya boli “mujhse isme koi pareshani nahi hai. Magar tripti bhi to is baat ke liye raji honi chahiye. Wo bhala kyo raat ko tumse baat karne ka samay kam karne lagi. Mujhe nahi lagta ki, wo is baat ke liye itni aasani se taiyar hogi.”
Priya ki baat sunkar maine hanste huye kaha.
Mai bola “tum uski chinta mat karo. Tum taiyar ho jao. Use mai is baat ke liye taiyar kar luga.”
Meri baat sunkar priya ne muskurate huye kaha.
Priya boli “ok, mai taiyar hu. Tripti ko tum sambhal lena.”
Mai bola “ok, mai tripti ko sambhal luga. Ab to tum khush ho na.”
Priya boli “haan, mai bahut khush hu.”
Mai bola “achi baat hai. Ab ye batao, ab to tumhari nayi car aa gayi. Ab jab mai Mumbai aauga to, tum mujhe us car me kaha-kaha ghumaogi.”
Priya boli “mai tumhe saari Mumbai ghuma dungi. Mumbai me abhi tum jyada jagah nahi ghume ho. Ab aaoge to mai tumhe Mumbai ki sabhi khas jagah ghuma dungi.”
Priya ki baat sunkar, maine muskurate huye kaha.
Mai bola “aisa nahi hai, ami nimi ko mumbai ghumate samay bhi, maine barkha didi ke sath Mumbai ki bahut si jagah dekhi hai.”
Meri baat sunkar priya ne kaha.
Priya boli “acha aisi baat hai. Acha to fir ye batao, tumhe barkha didi ke sath Mumbai ghumne ka jyada maja aaya tha ya fir mere sath Mumbai ghumne ka jyada maja aaya tha.”
Priya ki baat sunkar maine musjurate huye kaha.
Mai bola “barkha didi ke sath to, mai ami nimi ko Mumbai ghuma raha tha. Isliye us samay Mumbai ghumne ka asli maja ami nimi ko hi aa raha tha. Mai to bas ami nimi ko Mumbai ghuma raha tha. Magar tumhare sath mai Mumbai ghum raha tha, isliye mujhe Mumbai ghumne ka jyada maja tumahre sath hi aaya tha.”
Meri baat sunkar priya ne hanste huye kaha.
Priya boli “abki baar hum car me rahege to, door door bhi ghumne ja sakege. Lekin bike ka maja car me nahi aayega. Bike me hum dono akele the, isliye itna jyada maja aaya tha.”
Priya ki baat sunkar maine muskurate huye kaha.
Mai bola “to isme kaun si badi baat hai. Hum bike me hi Mumbai ghumne chalege. Car mai kahi aas pas hi ghum lege.”
Meri baat sunkar priya ne kaha.
Priya boli “tum sach kah rahe ho na. Tumhe bura to nahi laga hai na.”
Mai bola “tum kaisi baat kar rahi ho. Mai sach me kah raha hu. Mujhe kisi baat ka bura nahi laga hai. Car me mai tumhare sath kahi aur ghum luga. Aise me tumhari car me ghumna bhi ho jayega aur bike me mera tumhare sath Mumbai ghumna bhi ho jayega.”
Priya boli “achi baat hai, mai tumhare Mumbai aane ka intejar karugi. Magar aaj to yaha vaani didi aa rahi hai. Dekhte hai ki, wo mere sath meri car me ghumna pasand karti hai ya nahi karti hai.”
Priya ki ye baat sunkar maine priya ko samjhate huye kaha.
Mai bola “vaani didi waha apne jaruri kaam se aa rahi hai. Magar unhe jaise hi apne kaam se samay milega. Wo tumse milne jarur aayegi. Unhe tumhari car ke baare me bhi pata. Ho sakta hai ki, wo khud tumhe tumhari car me ghumane ke liye le jaye.”
Meri baat sunkar priya ne khush hote huye kaha.
Priya boli “yadi tumhari baat sach nikli to, unke sath ghumne me bahut maza aayega.”
Mai bola “dekho, aisa hi hoga.”
Priya boli “ok, yadi aisa hua to, mai tumhe call karke bataugi.”
Priya ki ye baat sunkar, mujhe yaad aaya ki aaj priya ne kisi kaam se vaani didi ko call kiya tha. Isliye use pahle se hi malum tha ki, aaj vaani didi waha aa rahi hai. Iske sath-sath vaani didi ne nisha bhabhi se mobile par baat karte samay bhi nisha bhabhi ko priya se baat karne ka ishara kiya tha. Ye baat yaad aate hi maine priya se puchha.
Mai bola “ok, acha kya mai tumse vaani didi ke baare ek baat puchh sakta hu.”
Priya boli “tum aisa kyo bol rahe ho. Tumhe job hi puchna hai tum puchh sakte ho.”
Priya ki baat sunkar maine us se kaha.
Mai bola “tumne aaj vaani didi ko kis kaam se call kiya tha.”
Meri baat sunkar priya ne hanste huye kaha.
Priya boli “wo aaj nikki ne nashte ke samay par shikha didi ko call lagaya tha. Us samay aman bhaiya nisha bhabhi ko bata rahe the ki, vaani didi ko Mumbai me ek bade se makan ki talash hai. Iske liye vaani didi ne aman bhaiya aur ajay bhaiya se koi acha sa makan talashne ko kaha hai.”
“Ye baat unki humne bhi sun li thi. Isliye maine vaani didi ko ye kahne ke liye call kiya tha ki, mere pados me ek makan bik raha hai. Vaani didi ko yadi wo kharidna ho to, kharid sakti hai.”
“Meri baat sunkar vaani didi ne kaha ki, abhi tum ye baat kisi ko mat batana. Abhi ye baat kisi se karne ki jarurat nahi hai. Mai aaj raat ko Mumbai aa rahi hu. Mai kal kisi samay tumse mil kar is baare me baat karti hu.”
Priya ki ye baat sunkar maine khush hote huye kaha.
Mai bola “kya sach me tumhari vaani didi se din me yahi baat huyi thi.”
Priya boli “haan, sach me aaj din me meri vaani didi se isi baare me baat huyi thi. Baki baat kal unse milne ke bad hogi. Lekin tum is baare me kisi se kuch mat batana. Vaani didi ne ye baat kisi se bhi karne se mana kiya hai.”
Mai bola “tum chinta mat, mai kisi se bhi is baare me kuch nahi kahuga. Lekin kya tum ek mujhe aur bataogi.?”
Meri baat sunkat priya ne chaukte huye puchha.
Priya boli “kya. ?”
Mai bola “aaj nisha bhabhi se tumhari kisi baare me baat huyi thi kya.?”
Priya boli “haan, raat ko nisha bhabhi meri nayi car dekhne mere pas aayi thi. Mai sham ko apni car me unke ghar gayi thi. Lekin us samay wo hospital me thi. Isliye meri unse mulakat nahi ho payi thi.”
“lekin raat ko achanak nisha bhabhi, aman bhaiya aura jay ke sath mere ghar aayi. Un ne bataya ki, wo meri nayi car aur mujhe dekhne ghar aayi hai. Tab maine unhe apni nayi car dikhayi, jise dekh kar wo bahut khush huyi aur un ne bhi mujhe nayi car ki badhai di.”
Priya ki baat sunkar mujhe samajh me nahi aa raha tha ki, vaani didi ne nisha bhabhi ko priya se milne ka ishara kyo kiya tha. Yahi janne ke liye maine priya se puchha.
Mai bola “kya nisha bhabhi se tumhari vaani didi ke baare me koi baat huyi thi.”
Meri baat sunkar priya ne thoda sanjida hote huye kaha.
Priya boli “haan, nisha bhabhi ne mujhe akele me le jakar mujhse kaha ki, unki vaani didi se abhi kuch der pahle baat huyi hai aur vaani ne kaha hai ki, us se baat karne ke bad mai ek baar priya se baat kar lu. Priya se baat karke mujhe khushi hogi. Kya vaani ne aaj tumse koi khas baat ki hai.”
“Nisha bhabhi ki baat mujhe samajh me to nahi aayi ki, vaani didi ne ye baat nisha bhabhi ko kyo kahi. Fir bhi mujhe laga ki nisha bhabhi ko aaj raat ko 2 baje vaani didi ke Mumbai aane ki baat bata dena chahiye.”
“Shayad vaani didi ne isi baat ke liye nisha bhabhi ko mujhse baat karne ko kaha ho. Ye soch kar maine vaani didi ke raat ko 2 baje Mumbai aane ki baat nisha bhabhi ko bata di.”
Meri ye baat sunte hi aman bhaiya ne chaukte huye mujhse puchha.
Aman bhaiya bole “kya, vaani aaj raat ko Mumbai aa rahi hai. Magar kyo.? Usne hume is baare me kyo nahi bataya.?
Aman ke is tarah ghabrane ka matlab priya nahi samjhi. Usne thoda sahmte huye kaha.
Priya boli “bhaiya, ye mujhe nahi malum ki, vaani didi kis kaam se Mumbai aa rahi hai. Mujhe bas itna pata hai ki, vaani didi apne kisi jaruri kaam se Mumbai aa rahi hai. Iske alawa unke aane ke baare me mujhe kuch pata nahi hai.”
Meri baat sunkar, nisha bhabhi ne aman bhaiya aur ajay bhaiya se kaha.
Nisha bhabhi boli “priya thik kah rahi hai. Vaani ke Mumbai aane ki vajah ko shayad koi bhi nahi janta hai. Magar ab hume apna kaam dekhna chahiye. Ab humare pas samay bahut kam hai.”
Nisha bhabhi ki ye baat meri bilkul bhi samajh me nahi aayi. Isliye maine unse puchha.
Mai boli “kaun sa kaam bhabhi.?”
Nisha bhabhi boli “wo mai is baare tumhe kal sab kuch bataugi. Magar abhi is samay humara jana jaruri hai. Tum is baare me apne ghar me kisi ko kuch mat batana. Hum tumse is baare me bad me saari baten karege.”
Mai boli “ok bhabhi, aap is baare me kisi se koi baat nahi karugi. Aap jara bhi chinta mat kijiye. Meri ye baat sunkar, nisha bhabhi, aman bhaiya aur ajay bhaiya badi jaldi me mere pas se chale gaye.”
“Magar mujhe samajh me nahi aaya ki, nisha bhabhi, aman bhaiya aur ajay bhaiya itne pareshan kyo the. Wo log vaani didi ke baare is tarah sawal kyo kar rahe the. Kya koi badi baat ho gayi hai.”
Priya ki baat sunkar, mujhe bhi Mumbai me vaani didi ki chinta satane lagi thi. Fir bhi maine priya ki baat ka jabab dete huye kaha.
Mai bola “tum un sab baton ki chinta mat karo. Kal tumhare vaani didi se milte hi tumhare saare sawalon ka jabab tumhe khud mil jayega aur tumse nisha bhabhi ne bhi to kaha ki, wok al tumhe sab bata degi.”
Meri baat sunkar priya ne kaha.
Priya boli “iska matlab hai ki, tum in sab baton ke baare me jante ho.”
Priya ki baat sunkar maine use samjhate huye kaha.
Mai bola “haan, mai is baare me thoda bahut janta hu. Magar is samay mai bhi tumse is baare me koi baat nahi kar sakta hu. Magar meri baat ka yakin karo, kal vaani didi se milte hi tumhe tumhare saare sawalon ka jabab mil jayega aur shayad nisha bhabhi kal tumhe tumhare saare sawalon ka jabab de de.”
Meri baat sunkar, priya ne muskurate huye kaha.
Priya boli “tum is baare me fikar mat karo. Mai kal vaani didi se hi sab kuch jaan lugi. Mujhe is sab ke baare me janne ki itni jyada jaldi bhi nahi hai.”
Mai bola “ok, ab tumhari baat puri ho gayi ho to, hum call rakhe. Raat ka 1:15 baj gaya hai.”
Meri baat sunkar priya ne bina na nukar karte huye kaha.
Priya boli “ok, meri baat puri ho gayi hai. Ab hum kal baat karege. Mai call rakhti hu. Good night.”
Mai bola “good night.”
Mera good night sunkar priya ne call rakh diya. Priya ke call rakhne ke bad keerti ne meri tarh apne kaan se hands free nikal kar rakh di. Mai priya ka naya number priya wale mobile aur apne mobile me save karne laga. Ye dekh kar keerti ne kaha.
Keerti boli “priya ka number to save kar le rahe ho. Magar teen teen mobile apne pas rakhoge kaise. Ye to soch lete.”
Mai bola “isme sochna kya hai. Tumhara wala mobile ghar me hi rakha rahega. Priya wala mobile me apne sath me rakhuga.”
Meri baat sunkar keerti ne gussa karte huye kaha.
Keerti boli “hey, kam se kam mujhse ek baar puchh to lete. Tumne to ek baar me hi mujhse bina puchhe mera wala mobile ek kinare daal kar rakh diya.”
Ye kah kar keerti khilkhilakar hasne lagi.
Uske is mazak ko mai samajh gaya. Isliye maine bhi hanste huye puchha.
Mai bola “acha to ab tu hi bata de ki, mai in teen teen mobile ko kis tarah se lekar chalu. Mere liye to teeno hi mobile bahut jaruri hai.”
Meri baat sunkar keerti ne khilkhilate huye kaha.
Keerti boli “mai to mazak kar rahi thi. Tumne jo bhi socha hai. Bilkul sahi socha hai. Mai tumhare is faisle se puri tarah se sahmat hu.”
Keerti ki baat sunkar mai muskurane laga. Maine priya ka number apne mobile aur priya wale mobile me save kiya. Fir dono mobile rakhne laga to keerti ne mujhe tokte huye kaha.
Keerti boli “priya ka ye number to tum mere wale mobile me bhi save kar sakte ho. Kabhi jarurat padne par kaam aayega. Priya ne wo mobile dekha hai. Use ye baat jara bhi buri nahi lagegi.”
Mai bola “thik hai.”
Ye kahte huye mai keerti wale mobile me bhi priya ka naya number save karne laga. Keerti bade gaur se chup chap mujhe aisa karte huye dekh rahi thi. Mujhe uska chup rahna kuch ajib laga aur maine us se puchha.
Mai bola “kya hua. Tu achanak aise chup kyo ho gayi.”
Meri baat sunkar keerti ne thandi sans lete huye kaha.
Keerti boli “kuch nahi, bas aise hi soch rahi thi ki, yadi tum mujhse naraj ho jaoge to, mai tumhe kaise manaugi.”
Mai gaur se keerti ki baat sunte huye uske wale mobile me priya ka number save kar raha tha. Keerti ki baat puri hote hi mera uske mobile me priya ka number save karna bhi ho chuka tha. Maine keerti wala mobile bhi apne mobile ke sath rakha aur fir hanste huye keerti se kaha.
Mai bola “mai bhala bina vajah tujhse naraj kyo hone laga.”
Meri baat sunkar keerti ne thoda sanjida hote huye kaha.
Keerti boli “nahi, koi baat nahi bas aise hi puchh rahi thi. Chalo ab so jate hai. Subah tumhe apne school bhi jana hai.”
Ye kahte huye keerti ne meri god me sar rakh liya aur apni aankhen band kar li. Uski ye harkat dekh kar mere chehre par muskurahat aa gayi. Mai us se uski us baat ka matlab puchhna chahta tha.
Magar ab use apni god me sukun se sar rakh kar, aankhen band karke lete dekh kar mujhse kuch bhi kahte na bana aur mai muskurate huye uske sar par hath ferte huye uska masoom sa chehra dekhne laga.
Is samay wo hamesha ki tarah hi bahut pyari lag rahi thi. Aaj wo bahut dino bad is tarah se sukun se meri god me so rahi thi. Isliye me chah kar bhi uske siwa kuch nahi soch pa raha tha.
Meri najar me to wo duniya ki sabse sundar ladki thi aur jise mai apni jaan se bhi jyada pyar karta tha. Mai aankh band karke keerti ke sar par hath ferte huye, uske hi khayalon me kho gaya.
______________________________
