Update 1
Haveli ka vishaal darwaza zor se khulta hain Ashish apni shadi ke kapdon mein, jo ab thode gile aur dhool se bhare hain, tezi se bahar nikalta hai. Uske peechhe ek kaali gaadi aakar rukti hai. Usmein se asha nikal aati hai, jo khud bhi ek khoobsurat, par ab thoda ghabraya hua chehra liye khadi hai. Rudra uski taraf dekhta hai, ek pal ke liye saans rok leta hai.
Ashish (Halke se) : Chalo, jaldi!
Asha bina kuch soche-samjhe Ashish ke saath uski car mein baith jaati hai. Gaadi ek jhatke ke saath aage badhti hai. Haveli ke andar se goonjti awaaz sunai deti hai... "Pakdo un dono ko!"
INT. CAR - RAAT KA SAMAAY
Gaadi ek sunsaan, kachche raaste par tezi se daud rahi hai. Asha peeche mudkar dekhti hai. Uski aankhon mein darr saaf dikh raha hai.
Asha : Ashish... tumne yeh sab kyun kiya? Tumhaare papa...
Ashish (Steering ko kas kar pakadte hue) :
Unhein lagta hai woh mujhe ek aise rishtey mein baandh denge jise main nahi chahta. Lekin woh bhool gaye, main unka beta hoon... aur zidd mujh mein bhi hai. Tum haveli mein kab aa gayi?
Asha : Main bas tumse aakhri baar milne aayi thi... sochti thi shayad tumhari shadi rokh paoon. Par... tumne... tumne sab kuch badal diya. Ab kya hoga?
Asha : Abhi ke liye sirf ek cheez... Suraksha. Jab tak hum shehar se bahar nahi nikal jaate.
Gaadi ek highway par pahunchti hai, jahan road ke beech mein ek bada Truck unka rasta rok deta hai. Us truck ke paas do muscle-man-jaise log khade hain, jo Thakur ke aadmi lagte hain.
Asha (Bina dare) :
Lagta hai Papa ne apni fauj taiyaar kar rakhi hai.
Ashish gaadi ko tezi se highway ke kinare kachche raaste par daal deta hai. Truck ke log unka peecha karte hain, par gaadi ki speed unke liye zyada hai.
INT. CAR - HIGHWAY PAR
Asha saans rok kar khidki ke bahar dekh rahi hai. Uske saamne ek aur obstacle hai—ek purani bridge, jispar police ki ek gaadi khadi hai.
Asha : Police! Ashish... hum phas gaye.
Ashish : Nahin, abhi nahi.
Ashish gaadi ko ek baar phir se off-road kar deta hai, is baar ek jungle jaise ilake mein. Gaadi jhoomti hui, jhaadiyon se takrate hue aage badhti hai. Peeche se police ki gaadi bhi unka peecha karti hai. Ashish achanak car rokta hai aur asha ko pull karta hai.
Ashish : Jaldi!
Dono car se utar kar andhere aur ghane jungle mein bhaagte hain. Unke kadam patton aur tehniyon par padte hain, jinse halki si awaaz aati hai. Police aur Thakur ke aadmi unke peeche aate hue, unki flashlight se unhein dhoondte hain.
Asha : Hum kahan jaa rahe hain?
Ashish : (Aage badhte hue)
Ek aisi jagah jahan na Thakur ke aadmi pahunch paayenge aur na hi unki police.
Ashish aur asha tezi se bhaagte hain, unke dil ki dhadkan har ek kadam par tez ho rahi hai. Police ki awaaz peechhe se aati hai, "Hathiyar daal do! Humne tumhe gher liya hai!"
Ashish, asha ka haath pakad kar use aur tezi se pull karta hai, uski aankhon mein ek ajeeb si aag hai, ek zidd hai. Yeh sirph ek escape nahi, ek nayi zindagi ki shuruat hai, jiska rasta khatron se bhara hai
Ashish, asha ka haath pakad kar tezi se bhaagta hai. Unke peeche police aur Thakur ke aadmiyon ki awazein aur flashlights kareeb aati jaa rahi hain. Unke saamne ek purana, toota hua lamba lohe ka pul hai.
Asha : Ashish... aage pul hai. Yeh toota hua lagta hai.
Ashish (Rukte hue) :
Wapas mudne ka time nahi hai! Hum abhi yahin se jump karte hain.
Ashish bina soche-samjhe asha ka haath pakad kar pul ke kinare se neeche chhalang laga deta hai. Dono andhere paani mein gir jaate hain. Ek tez "dhadak" ki aawaz aati hai, aur asha ka sir paani ke andar ek patthar se takrata hai.
Asha (Dheere se) :
Aaah...
Asha behosh ho kar paani mein neeche jaane lagti hai. Ashish turant use pakad leta hai. Uske haathon mein Asha ka naram, shant shareer. Paani ke andar, Ashish koshish karta hai ki wo use upar le aaye. Uske lungs mein hawa ki kami ho rahi hai, par uski himmat kam nahi hoti.
Woh asha ko upar laata hai aur tairte hue nadi ke ek kinare par pahunch jaate hain. Wahan ek chhota sa, retila hissa hai.
EXT. NADI KA KINARA - RAAT KA SAMAAY
Ashish thak kar asha ko ret par leta deta hai. Uske kapde aur baal poore gile hain. Woh asha ko dekhta hai. Uska chehra gora hai, aur uski aankhein band hain. Ashish ghabra jaata hai aur uske sir par haath rakh kar dekhta hai. Ek chhota sa zakhm hai, jis se khoon beh raha hai. Ashish apni shirt ka ek tukda phaadta hai aur zakhm par baandh deta hai.
Kuch der baad, asha ki aankhein dheere-dheere khulti hain. Ashish use paani deta hai.
Asha (Dheere se) : Ashish... tum?
Ashish (Usko saans lete hue dekhte hue) :
Haan... main yahin hoon. Tum thik ho?
Asha (Thoda muskura kar) :
Tumhe kya lagta hai? Sir patthar se takraya hai, poora shareer dard kar raha hai... lekin tum saath ho, isliye... thik hoon.
Asha uth kar baith jaati hai. Thand lag rahi hai, aur woh kaanp rahi hai. Ashish use dekhta hai aur apni gili jacket uske upar daal deta hai.
Ashish : Aisi haalat mein bhi tum mazak kar rahi ho.
Asha : Mazak nahi, sach hai. Tumne hi toh kaha tha, "Agar saath mein mar bhi gaye to koi gham nahi."
Ashish : thoda sharminda ho jaata hai.
Ashish : Woh main... bas tumhari himmat badha raha tha. Socha agar tumhara sir nahi foota hota toh shayad tum aur bhi buri baatein karti.
Asha
(Ashish ko gusse se dekhte hue) : Meri to tumse shaadi hone wali thi... tumne ye kya kar diya? Sab kuch ek dum se...
Ashish :
(Uska haath pakadta hai) : Tumhe kya laga? Main wahan chupchaap baitha rehta? Meri dulhan ko koi aur le jaata, aur main bas dekhta rehta? Tumhari shaadi mujse hone wali thi... Us se Nahin aur main kuch nahi karta?
Asha : Ashish, hamare ghar waalon ke beech ki nafrat... hum dono ke beech ki mohabbat... tumne us nafrat ko jeetne nahi diya. Shayad isiliye main tumse itna pyaar karti hoon.
Ashish (Asha ke haathon ko apne haathon mein leta hai) : Main bhi tumse pyaar karta hoon, asha. Agar tum nahi mili toh main jee nahi paunga.
Asha Ashish ko dekhti hai. Uski aankhon mein pyaar, darr aur ek nayi ummeed hai.
Asha
Ab aage kya? Hum kahan jayenge? Hamare peeche police hai... aur... tumhare papa ke aadmi.
Ashish
Hum dono wahan jayenge, jahan hamara aashiyana hai.
Asha : Hamara aashiyana?
Ashish (Muskura kar) :
Haan, hamara aashiyana. Main tumhari aankhon mein dekh sakta hoon, wahan koi darr nahi hai, sirf ek ummeed hai. Aur jab tak woh ummeed hai, tab tak hum haar nahi sakte.
Ashish asha ko gale laga leta hai. Dono ek doosre ki aankhon mein dekhte hain, aur aage badhne ka faisla karte hain. Raat ka sannata hai, aur unke kadam aage badh rahe hain, ek anjaan manzil ki taraf
~~~~~To be continue ~~~~~~
Agar koi galti hui Hain toh maaf karna thanks you
