Fantasy Lokantara
- Thread starter Leo VIKRAM
- Start date
- 1,626
Chapter 3
The Awakening
The Awakening
Aarav ki maa jab use khaane ke liye bulane aayi, toh unki nazar bargad ke ped ke paas khade Aarav par padi.
Use wahan dekhte hi unke chehre ka rang badal gaya. Woh bina kuch kahe daud kar uske paas gayi aur uska haath pakad kar use uss ped se door le jaane lagi.
Aarav apni maa ke chehre par padi shikan mehsoos kar paa raha tha. Usne hairaani se poochha—
“Maa, kya hua? Aap itni chintit kyun ho?”
“Dekh Aarav,” Meera ne lagbhag hukm dete hue kaha, “iss ped ke paas shaam ke baad mat jaana.”
“Magar kyun maa? Kya hua hai?” Aarav ne zidd se poochha.
Meera ne ek gehri saans li. “Yeh ped shraapit hai. Yahan rehne wale logon ne humein pehle hi bata diya tha—shaam ke baad iske aas-paas jaana surakshit nahi.”
“Shraapit…? Par kyun?” Aarav ne aur jaanne ki koshish ki.
“Bas, ab chhod yeh sab,” Meera ne baat kaat di. “Chal ghar ke andar.”
Yeh kehte hue woh use ghar ki taraf le jaane lagi. Aarav ne ek baar apni maa ko dekha—phir uss bargad ke ped ki taraf. Uske mann mein ek hi khayal ghoom raha tha.
(Woh roshni mera bhram nahi thi… itna toh pakka hai. Mujhe in sab ke baare mein sach jaan’na hi padega.)
Khaana khaane ke baad Aarav sone ja hi raha tha ki uski nazar apni kalayi par bane nishaan par padi. Ab woh pehle ki tarah chamak nahi raha tha.
(Is nishaan ka bhi koi na koi rishta zaroor hai us ped aur uski roshni se.)
In sab soch ko jhatak kar woh so gaya. Raat dheere-dheere gehri hoti chali gayi. Kuch der baad, bargad ke ped ke neeche phir se halki roshni chamak uthi—aur usi pal Aarav ke haath ka nishaan bhi dheere-dheere chamakne laga.
In sab se bekhabar, Aarav gehri neend mein tha.
Subah ka waqt—
Aarav ko achanak wahi drishya dikhne lage—anjaane raaste, roshni se bane darwaaze. Ek jhatke ke saath uski neend toot gayi.
“Yeh sab… achanak mere saath kya ho raha hai?” usne khud se kaha.
“Yeh sapna sapna nahi lag raha… jaise main sach mein un anjaan raaston par khada tha.”
Abhi woh yeh sab soch hi raha tha ki bahar se uski chhoti behan Diya ki hansne ki awaaz sunai di.
Bahar aakar usne dekha—ghar ka mahaul bilkul normal tha. Diya apni masti mein lagi hui thi. Maa ghar ke kaamon mein vyast thi. Papa side mein baith kar chai peete hue Diya ki shararaton ka maza le rahe the. Badi behan Ananya hamesha ki tarah ek kitaab mein doobi hui thi, aur Ishani apni painting ko aakhri touch-up de rahi thi.
Tabhi Aarav dubara Ishani ki painting dekhta hai.
Woh painting ussi bargad ke ped ki thi.
Par chaukane wali baat yeh thi—ped ke saath-saath usmein wahi roshni ka pattern bhi bana hua tha.
Aarav turant Ishani ke paas gaya. “Yeh roshni… aapne yeh kyun banayi?”
Ishani ne painting ko dekha, phir ped ki taraf ishara kiya.
“Pata nahi Aarav. Ped toh maine usko dekh kar banaya tha… par yeh roshni kyun bana di, mujhe khud samajh nahi aa raha.”
Uska jawab sun kar Aarav aur zyada uneasy ho gaya.
Kuch der baad sab aise hi baith kar baatein kar rahe the aur mausam ka maza le rahe the.
Tabhi Diya ne bilkul masoom awaaz mein kaha,
“Bhaiya… kal woh ped chamak raha tha na?”
Uski baat sunkar sab hans pade—
“Ped bhi chamakta hai kya?”
Par Aarav jaise jam sa gaya. Ek pal ke liye uske aas-paas ki duniya ruk si gayi.
“Waise,” Meera ne baat badalte hue kaha, “tumhare dada ji bhi bahut jaate the uss ped ke paas.”
“Sach, maa?” Ananya ne utsukta se poochha. “Aisa kya hai us ped mein?”
Rajveer ne baat ko casually taal diya aur topic badal diya. Uski aankhon mein phir wahi ajeeb si chamak thi.
Meera ne Aarav ke chehre par chinta dekh li.
“Kya hua beta? Sab theek hai na? Tabiyat theek lag nahi rahi.”
“Haan maa,” Aarav ne sambhalte hue kaha, “bas thoda mann heavy lag raha hai. Aap baatein karo, main thodi der nadi ke paas ho kar aata hoon.”
Dupahar ke khaane ke waqt Diya ki nazar phir Aarav ke haath par padi.
“Bhaiya, yeh tattoo aapne kab banwaya?”
“Tattoo?” Meera ne hairaani se poochha.
“Haan maa, dekho na,” Diya ne Aarav ka haath aage badhate hue kaha.
Meera ne sawal bhari nazron se Aarav ko dekha.
Aarav ne shaant reh kar jawab diya, “Doston ke saath banwaya tha maa. Socha aapko pasand nahi aayega, isliye bataya nahi.”
Raat shant thi…
par woh laut chuki thi.
Note : pics edited
.Kabhi-kabhi ghar ka sabse shant kona hi sabse zyada bolta hai.
Agar tum hote—kya sach dhoondhne jaate… ya door rehna chunte?
Last edited:
Chapter 4 Anya Lok
Raat ho chuki thi, sab sone ki tayari mein the. Aarav sone ke liye apne room ki taraf chala jaata hai.
Room mein aane ke baad Aarav sone ke liye letne hi vala tha ki tabhi usko apne hath par ek jalan se mehsus hoti hai jis wajah se uska dhyan uske hath ke nishaan par jata hai.
Veh vapas chamak rha tha.
Tabhi uska dhyan khidki ki taraf jaata hai jaha se vo ped dikhayi pad rha tha. Uske niche se vahi peeli roshni nikal rahi thi.
"Aaj toh pata karna hi hoga!! Bohot ho gya ab"
Jab veh ped ke paas pahucha aur uss roshni ko chua toh usse vahi raste najar aaye, lekin iss baar ek chiz aur thi. Vaha Aarav ko ek saya sa nazar aaya. Jiska pura sharer ek halke white colour ke kapde se dhaka hua tha.
Aarav ne uska chehre ki taraf dekhne ki koshish Kari par usska chehra maano ho hi naa balki vaha par kala dhua jaisa kuch mehsus hua Aarav ko.
" Aisa koi insaan kese ho sakta hai. Kon hai yeh?? "
Itna keh ker veh vapas apna dhyan uss roshni pe lagata hai aur usse Aisa mehsus hota hai ki jaise uske samne kuch portal jaisa hai jiski madat se veh uss paar jaa sakta hai.
Veh jigyasa vash uss portal mein ghusne ki koshish karta hai. Jaise hi veh uss portal ke andar pravesh karta hai. Usse lagta hai ki veh kisi dusri duniya mein aa gya hai.
Ye duniya uss duniya se alag thi jisse veh bahar se mehsus kar rha tha.
"Aisa kaise ho sakta hai. Bahar se tohhhh.... "
Itne Kehte hue veh piche ki taraf dekhta hai aur dekhte hi veh shock ho jaata hai. Kyoki piche vapas uske ghar jaane ke liye koi portal maujud nahi tha.
Aarav : (ghabrahte hue) Vo... voo!! Por.. Portal?! Kaha gya??
Aarav ab bohot jyada dar gya tha kyoki uske yaha se bahar jaane ke rasta band ho chuka tha. Veh kisi tarah khud ko sambhalne ki koshish karta hai. Kyoki veh pehle hi jaan chuka tha ki kuch chize asadharan toh hai aur ye chiz usse jud chuki hai. Isliye veh apne aapko thoda shant karta hai aur aage ke liye kuch sochne ka prayatan karta hai.
Veh vapas mud ker samne dekhta hai. Aas-paas bilkul normal chize hi thi. Jaise ki- ek kaccha rasta aur aaspas haryali ka mahaul tha. Uss kacche raste par ped ki kuch pattiya bhi padi huyi hui thi.
Aarav : (observe karte hue) ye jagah ajeeb toh nahi lagti. Kya muje aage jaa ker dekhna chaiye!!
Aarav ne abhi ek baat par dhyan nahi diya tha. Jab voh uss portal ki madat se yaha aaya tab raat ho chuki thi. Parantu yaha ka mahaul aisa tha jaise abhi Surya (Sun) nikalne vala ho. Aur uske pehle ho thandak hoti hai vahi mehsus kari jaa sakti thi.
Aarav inn sab baaton pe bina dhyan diye aage ki aur badhta hai. Veh dhire-dhire aage badh raha tha aas paas dekhte hue ki kahi koyi khatra naa ho.
Usse chalte hue lag bhag aadha ghanta ho gya tha. Veh thoda mayuh ho utha tha, kyonki usse laga tha ki kuch aage chalne par hi usse kuch na kuch mil jayega jo iss sab chiz se parda utha sake. Parantu chize uski soch ke viprit huyi.
Abhi veh thak ker rukne hi vala tha ki tabhi uss paas se kisi se khil-khilane ki aavaj sunai di aur uske sath hi paani ki awaaj. Jaisa koi paas ki talab mein naha rha ho.
Veh jaldi se aage ki taraf gya udhar ek left side rasta jaa rha tha. Veh jaldi se uss aur jaata hai toh usse ek bada sa talab dikhta hai, jiske kinare pe ek ladki pari jaise kapde pahne huyi thi. Jo ki apne pair uss talab mein daale bethi hui thi aur paani se khelte hue has rahi thi.
Aarav : Ye ladki ? Yaha par! Kaise?? Kya ye bhi meri tarah kisi portal se aayi hai
Abhi veh yeh sab soch hi rha hota hai ki tabhi veh ladki achanak uski taraf bina dekhe kehti hai.
" Toh aakhir kaar tum aa hi gaye"
Aarav : (in shock) Tu..Tum muje janti ho?? Kon ho tum?? Aur yaha kaise??
Vo ladki dheere se uski taraf mudti hai.
Pehle uski aankhen dikhayi deti hain — bilkul waise hi badi aur masoom…
Phir uske honton par wahi bachkani si muskaan ubhar aati hai.
Aarav ka dil ek pal ke liye ruk sa gaya.
“Diya…?”
Woh ladki halki si gardan jhuka kar muskuraayi.
Last edited:
Note --- Late update isliye aaya hai kyonki ek toh main apne kaam mein busy ho gaya tha aur dusra tabiyat thodi khrab thi.. toh agla update kab milega pata nahin par milega jarur. Aur baki main koshish karunga ki jaise hi time mile update post kardun 