Schedule |
|---|
UPDATE# | DATE |
|---|---|
Update 117  | November 28th 11:30 PM |
Update 118 | December 6th 11:30 PM |
Update 119  | December 12th 11:30 PM |
Update 120  | December 16th 11:30 PM |
Update 121 | December 20th 11:30 PM |
Nice update
FAVBULOUS MIND BLOW...... ING
.. AB INTEJAR KARNA AUR BHI MUSKIL HAIIIIIIII
Super se bhi upar
Team ka Re-union
Aisa Laga abhi start Abhi khatm
Superb.....
of u
Ab arav kese bache ga
Excellent update bhai
Z
Zabardast
Hero aur ap dono ki kismt khrab thi
Shadow nice
Bhai kal 1 update dedo khusi mein
लाजवाब......
Nice story
Mast story hai
Waiting
Update please Bhai
Bhai update ka shidat sa intezar ha do din oper ho gai he raha nahi jaraha
Ok
Update please Bhai
Yar kab ayega update morning ka bola tha night ho gayi
Awesome update broUPDATE 49 ~
(A NEW FUTURE)
****
Spectrum Art School
Mumbai ~ 11:24 AM
Spectrum Art School me kuch students baahir ground me baithe painting ker rahe the, Un ke peeche soft music chal raha tha un sab ko relax karne ke liye.
*Mmm-mmm-mmm*
Ek stool per Tanu baithi huwi gungunate huwe haath me brush pakre painting bana rahi thi, Free Day me wo painting class join kiya karti thi.
Tanu ne peeche hote huwe apni banayi painting ko daikhna shuru ker diya, Uss ne ek Countryside ko paint kiya tha, Green hills ke saath wahan khare ek ladka aur ladki, Tanu ne Veer ko aur khud ko paint kiya tha.
“Ye abhi bhi sirf apne bhayia ko he paint karti hai? Teacher bhi kuch nahi kehte?”
Tanu ke peeche he kuch ladkiye apni painting banane ke baad rest karte huwe usse daikh ker baat karne lagi, Unhe bhi pata tha ke Tanu ko un ki awaaz saaf sunayi de rahi hai.
Larki(1): Uss ke papa ne donation he Itna diya hai! Teacher ko job se thori nikalna hai ke wo nakcharhi ko kuch kahe, Kab daikho apne bhayia ko yaad karti rehti hai.
Tanu ko baki ladkiyon se baat karna pasand nahi tha, Uss ki sirf kuch he saheliyan thi aur un se bhi Tanu utni nahi milti thi.
Larki(2): Yaad hai, Ek baat batati hu tum logo ko! Tum logo ko to pata he hai, Mere Dada Ji bhi Tanu ki family business me ek shareholder hai, Sachin Malhotra?
Sabhi ladkiyan haan me sar hilane lagi, Ye ladki Malhotra ki poti thi Priya Malhotra!!
Priya: Dads Ji ne mujhe kuch surprising bataya hai!! Ye Tanu ka ek aur bara bhai bhi hai.
Priya ki baat sunte he sabhi ladkiyan heraan ho gayi, Unhe sirf Veer ka pata tha, Lekin wanhi ye sun ker Tanu ko gussa ane laga, Uss ne apne brush ko zor se pakar liya.
Ladki(1): Lekin uss ka to sirf ek bhai tha?
Priya: Haan, Lekin ye sach hai! Kuch din pehle he company ko join ker chuka hai, Dada Ji ko to wo koi fraud lagta hai, Unhe lagta hai ke ye ladka sirf paiso ki lalach me aya hai.
Ladki(3): Lekin kaise? Tanu ke Dada Ji to bohat bare insaan hai na? Unhe kaise koi pagal bana raha hai?
Priya: Mujhe nahi pata, Lekin Dada Ji keh rahe the ke wo uss ka raaz sab ke saamne khole gye!! Unhe sirf kuch samay lagay ga, Lekin ye Tanu ka reaction daikhne wala ho ga, Jab uss ka dusra bhai ek fraud ban ker sab ke saamne aye ga.
Sabhi ladkiyan hansne lagi, Lekin Tanu ka gussa shaant hone laga tha, Uss ke dimagh me kuch khurafat chal rahi thi, Ek aur umeed ke wo apne bhai ka sab kuch bacha sakti hai.
Tanu(Mumble): Sachin Malhotra?
****
Singh Enterprises
Mumbai ~ 2:53 PM
“Ye kya keh rahe ho?”
Vikram ne heraani se Aarav se kaha, Sabhi Aarav ke liye set kiye gye office cabin me the, Pratap aur Vikram chair per baithe the, Wanhi Aarav khare huwe apni tie laga raha tha.
Aarav: Kuch aise shabd to nahi kahe ke ap ko samajh na aye! Lekin ap ke liye dobara bata deta hu, Main ap ke Business ko join nahi karne wala hu.
Vikram ko pehli baar sab sunayi diya tha, Lekin usse samajh nahi aa rahi thi ke Aarav aisa kyu ker raha hai? Usse bana banaya business mil raha tha lekin wo usse lene se mana ker raha tha.
Vikram: Aisa he tha to tum ne ye sab kyu kiya? Kyu uss meeting me sab logo se khud ke liye vote karwaya?
Pratap: Vikram!! Usse samay do, Aarav tum sab kuch seedhe seedhe bata sakte ho, Uss ke baad hum apni raye de gye.
Pratap ne Vikram ko shaant karwate huwe kaha, Usse pata tha ke uss ka beta heraan se zada udas hai, Kuch he dino me wo Aarav ko apna samajhne laga tha, Lekin ab usse dar lagne laga tha ke Aarav bhi usse chorne wala hai.
Aarav tie lagate huwe seedha ho gaya aur wanhi desk per rakhe laptop me kuch khol ker un ke saamne ker diya, Usse daikhte huwe dono baap beta soch me per gye.
Aarav: Singh Enterprise se alag main ek naya project shuru karne wala hu! Shuru se mera Aim ye he tha, Lekin uss ke liye mujhe Sponsors chahiye, Singh Family ka naam mere saath lage hone se mere liye bare logo se contact karna easy ho gaya hai.
Aarav ko wo naam zaroor chahiye tha, Lekin usse Veer ki banayi power nahi chahiye thi, Sab kuch wo khud bana sakta tha, Lekin bina kisi naam ke uss ke liye wo mushkil hone wala tha.
Pratap(Nods): Mujhe koi dikkat nahi hai! Lekin tumhe baahir sponsor dhudhne ki kiya zaroorat thi? Tum hamare paise bhi to Use ker sakte the na?
Pratap ne sab kuch samajhte huwe kaha, Vikram bhi kuch kehna chahta tha, Lekin ab usse ye pata lag gaya tha ke Aarav kanhi bhi jane wala nahi hai to usse kuch sakoon mil raha tha.
Aarav: Company se door rehne se ap ko andar ki kuch khabar nahi hai!! Company ke 32% Shared Malhotra ke paas hai, Agar baat kare paise ki to ap ke bare bete ne Company ka itna paisa dooba diya hai ke ap soch bhi nahi sakte, Aise me ap ko lagta hai ke Singh Enterprise ye project handle ker sakti hai?
Kuch dino se Aarav sabhi records he check ker raha tha, Singh Enterprise utni buri halat me to nahi thi, Lekin un ke liye koi bhi naya project afford karna possible nahi tha.
Pratap ghar per tha lekin sab khabar usse bhi thi ke uss ka bara beta kya kuch ker raha hai, Vikram bhi uss per kuch keh nahi sakta tha.
Lekin ye Pratap ne itni mehnat se banaya tha, Uss ke liye kuch naya shuru karna bohat mushkil tha, Uss ke Veer aur uss ne pyaar se ye business yahan tak laya tha.
Pratap ko aise daikh ker Aarav uss ke paas chala gaya aur uss ke saamne baith gaya.
Aarav: The process of ascension requires shedding the old and embracing the new, like a phoenix rising from the ashes.
Unchaiyon ko chhune ke liye purani yadon ko peeche chorte huwe nayi yaadon ko accept karna bohat zaroori tha, Jaise ek phoniex jalti huwi raakh se ubhar ker baahir ata tha.
Aarav: Hum kuch bhi chhodne nahi wale! Lekin hum wanhi ruke rahe to kabhi aage nahi badh sakte, Hume kadam aage badhane he ho gye.
Pratap ki Aankhe chamakne lagi, Usse samajh aa rahi thi ke uss din Vikram ko Aarav me kya dikhayi diya tha, Uss ke paas hone se he sab kuch asan lag raha tha, Uss ke kahe har shabd per khud vishwas hone lagta tha.
*Knock-Knock*
Darwaze per dastak huwi to Aarav aur dono seedhe ho gye, Aarav ne andar ane ke liye kaha to baahir se Aarav ki Secretary andar aa gayi.
Secretary: Sir, Sabhi guest aa chuke hai! Unhe meeting room me baitha diya gaya hai, Ap ne jo list mujhe di thi uss me se sabhi staff members ko bhi main ne ready karwa diya hai aur unhe sab kuch samjha diya hai, Ap aage sab kuch sambhal sakte ho.
Aarav: Good, Aur main ne kisi special ko bulaya tha! Uss ka kya?
Secretary: Mr. Tarun sharma subha se yanhi hai!! Unhen ap se milne ke liye kaha, Lekin unhone refuse karte huwe keh diya ke unhe abhi aj ke liye taiyar hona hai.
Aarav: Usse ab ane ke liye keh do! Main bhi ane wala hu.
Secretary wapis baahir chale gayi, Aarav ne apne peeche baithe Pratap aur Vikram ki taraf daikha, Unhe thori ghabrahat ho rahi thi, Lekin dono Aarav per bharosa ker rahe the.
Pratap: Tum meeting me ja sakte ho! Lekin yaad rakhna tum sirf khud ko represent nahi karne wale tum mujhe bhi represent karne wale ho, Un me se kisi ko khud per haavi mat hone dena, Sher ban ker ja.
Pratap ki baat sun ker Vikram bhi muskura diya, Vikram ne khare hote huwe Aarav ka Blazer utha liya aur aage badhte huwe usse Blazer pehna diya.
Aarav ne bhi Blazer pehan liya aur taiyar ho ker cabin se baahir aa gaya, Uss ke baahir ate he sabhi logo ka dhayan khud he uss ki taraf hone laga.
Lekin uss ka reason sirf ye nahi tha ke Aarav un ka boss tha, Aarav ki skill charismatic Presence har samay active thi, Uss ki chaal aur har andaz me ek Charm jhalakta tha uss skill se aur ye he wajha thi ke koi Aarav ko chah ker bhi ignore nahi ker sakta tha.
“Boss!!!”
Aarav ko raaste me he Tarun mil gaya, Uss ki nervousness Aarav wanhi se daikh sakta tha, Tarun bhi pura taiyar ho ker aya tha.
Aarav: Taiyar ho na?
Tarun(Nervous): Boss, Mujhe nahi lagta ke ye mujh se ho ga! Ap kisi aur ko ye karne ke liye kaho na, Main kuch gadbadi ker du ga.
Tarun lagatar hil raha tha aur uss ki saanse bhi barabar nahi thi, Aarav ne aage badhte huwe uss ke kandhe per haath rakh diya.
Aarav: Tarun! Tum ye ker sakte ho aur tum he ye karne wale ho, Yahan koi tumhe judge nahi kare ga, Lekin tumhe aage hona he ho ga, Ab ek lamba saans bharo aur mere saath kaho, Hum ye ker sakte hai!!!
“Hum ye ker sakte hai!!!”
“Hum ye ker sakte hai!!!”
Tarun ne ek lamba saans bhara aur dono ne ek saath keh diya, Nervousness khatam to nahi huwi lekin kisi ko khud per aisa vishwas karte daikh ker tarun me kuch confidence aa gaya.
Aarav: Let's do it!
Dono dobara aage badh gye, Ek baar dobara Aarav uss meeting room me chala gaya, Lekin ab ki baar andar ke log sabhi alag the.
Wahan baithe logo me se kuch Mall Owner's the to kuch aise he hotel business me the, Bohat se log to foreigner the, Ye sabhi yahan aye the to sirf Singh parivar ka naam sun ker.
Aarav stage ki taraf chal diya, Tarun apne saamne itne bare logo ko daikhte huwe dheeme dheeme Aarav ke saath stage per chala gaya, Baithe sabi log Aarav ke kuch kehne ka intezar karne lage.
Aarav: Good Afternoon Everyone! Mera naam Aarav Singh hai, Sab se pehle ap sab ka apne keemti samay se samay nikal ker yahan ane ke liye dhanyavad!
Sabhi log baithe sunte rahe, Un me se kisi ko bhi ye sab sunane me intrest nahi tha aur na he Aarav ko kehne me intrest tha, Lekin ek formality nibhane bhi zaroori thi.
Aarav: Aj main ne ap sab ko Singh Enterprises ke ek naye Project ke liye yahan bulaya hai! Blue Moon, Ek naya Project jo duniya ke liye aur ap sabhi ke liye ek bara badlav bane ga, Mr. Tarun Sharma ap sabhi ko explain kare gye ke Project Blue moon kya hai.
Saamne baithe sabhi logo me ek utsukta jagrit honi shuru ho gayi, Aisa kya tha jo aisa badlav ker sakta tha? Ye shabd kisi sadharan vyakti ke nahi Singh Enterprises ke new owner ke the.
*Gulp*
Thook nigalte huwe Tarun khara ho gaya, Uss ke saamne Aarav usse ane ki jagha de raha tha, Tarun dheeme kadmon ke saath wahan chala gaya aur mic ke saamne khara ho gaya.
Lekin ab kuch kehne ka samay aa gaya tha to Tarun ke muh se Awaaz bhi baahir nahi aa rahi thi, Apne haatho ki muthi banaye wo saamne khare logo ko daikhta raha.
Stage Fright, Tarun ko ko stage fear tha, Ye ek aisa dar tha jo bohat se logo ke saamne kuch perform karte samay ya kuch kehte samay insaan ke beech ata tha.
Tarun ne Aarav ko jab ye bataya to Aarav ne usse he pura Project explain karne ke liye keh diya, Uss ne mana karna chaha lekin Aarav ne usse keh diya ke uss paas koi plan hai, Lekin abhi tak wo kuch bhi nahi bataya tha ke Plan kya hai?
[Master-Servant Bond Activated]
[Alpha Presence Activated]
Tarun ki body me se Shivering ekdum se ruk gayi, Tarun ye daikh ker heraan ho gaya, Uss ne apni nazre uthate huwe saamne daikh to jaise uss ka pura dar utar chuka tha, Wanhi stage per uss ki presence badal chuki thi.
Uss ne peeche Aarav ko daikha to Aarav ne usse daikhte huwe Smile pass ker di, Tarun ko ab samajh aa rahi thi ke uss ne sahi nirnay liya tha.
****
Rank Green Portal
Monster ~ Lizards
“Ap keh rahe ho ke main ap ke servant ban jau?”
Tarun ne heraani bhari awaaz ke saath pucha, Aarav abhi usse Analyze ker raha tha aur ab Achanak se wo usse us ka naukar banana chahta tha.
Aarav: Yes, Lekin ye servant aisa nahi hai ke tumhe meri service karni pare! Ye ek tarha ka contract ho ga, Lekin tumhe wo sab karna ho ga jo bhi main karne ke liye bolu.
Tarun: Daikhe mere dil me ap ke liye respect hai! Lekin aise he kaise ap ka servant ban sakta hu?
Aarav ne usse kuch bhi nahi kaha aur uss ki bottle utha li, Uss bottle me uss lizard ka mana daal diya tha Tarun ne, Aarav uss bottle ko kholte huwe Tarun ke saamne le gaya.
Aarav: Ab tak tum sirf ek bottle ka Mana Manipulate ker rahe the! Ab ye 2 bottle ka ek saath ker ke dikhao.
Aaran ne javab dene ki jagha Tarun ko kuch karne ke liye de diya tha, Lekin Tarun ne kuch complain nahi ki aur pehle ek bottle se Mana ko manipulate karte huwe baahir nikaal lia.
Tarun ne dusri bottle se bhi Mana nikalna chaha, Lekin kuch baahir ate he Tarun ke haath kanpane shuru ho gye, Uss ke haath se Mana chhut bhi nahi raha tha aur na he wo usse manipulate ker pa raha tha.
Aarav ne aage hote huwe bottle ko wapis Mana ke upar ker diya, Mana khud he uss me gir gaya, Tarun ki saanse tez ho gayi aur uss ka chehra pasine se bheeg gaya.
Tarun(Gasping): Ye kya tha? Aisa laga jaise meri jaan nikal rahi ho!!!
Aarav: Ye tha bina training ke kuch karne ka result! Ab maan lo ke tum ne galti se apna haath bohat zada Mana per daal liya hai, Tumhe lagta hai ke tum utne zada Mana ko handle ker sako gye?
Ek pal me Tarun ne jo experience kiya tha wo he uss ke liye dardnak aur mushkil tha, Bare scale per to Tarun soch bhi nahi sakta tha.
Aarav: Lekin tumhari Ability har samay active rehne wali hai! Uss ki kuch bhi limit nahi hai, Abhi tak tum ne kisi ka Mana accidentally nikala nahi ye miracle se kam nahi hai, Lekin agar aage tumhari Ability per control na hone se kisi ka pura mana tum ne baahir nikal diya aur uss ki maut ho gayi, Tab khud ko maaf ker sako gye kya?
Abhi situation manipulate karne wala Tarun nahi Aarav tha, Uss ke Saamne wo aisi situation rakh raha tha ke usse kuch sochne ka samay he na mile, kyu ke waise Tarun ko apna servant bana asaan nahi tha.
Aarav: Lekin agar tum mere servant ho gye to main wo hone se rok sakta hu! Lekin duniya me kuch bhi free nahi hai, Servant bano gye to tumhe mere saath har kadam se kadam mila ker chalna ho ga, Batao ker sako gye kya?
****
[Master-Servant Bond Activated]
[Alpha Presence Activated]
Aarav ki madad se Tarun ka stage fear ek pal me khatam ho gaya, Ab usse apne liye nirnay per khushi ho rahi thi, Tarun bhi apni puri mehnat dikhane ke liye taiyar tha.
Tarun: Hello, Ladies and Gentlemen! Mera naam Tarun Sharma hai aur aaj main Mr.Aarav Singh ko Assist karne ke liye yahan hoon, aapko Blue Moon Project ke naye project ki presentation karne ke liye. Is project ka naam hai Blue Moon Project.
Tarun ki awaaz sunte he wahan sab baithe log khud se seedhe ho gye, Kuch lamhe pehle he unhe Tarun nausikhiya lag raha tha, Lekin ab uss ki awaaz me ek power thi.
Tarun: Blue Moon Project duniya ko badalne waala hai! hum cheezein banane waale hain jo sab kuch badal sakti hain, Blue Moon Project ka pehla innovation hai Electricity Generator.
Tarun ke kehte he uss ke peeche projector chalu ho gaya, Screen per Eternapower generator ki tasveer aa gayi.
*Applause*
Tarun: Main jaanta hoon ki aap mein se bahut log soch rahe honge ki ek Electricity Generator mein kya khaas hai. Lekin mujh par vishwaas rakhiye, yeh generator kuch alag hai. Chaliye aapko pesh karte hain Blue Moon Project ke adbhut Eternapower Generator ko, jo ke kisi bhi bade Plaza ko bina kisi rukawat ke das saal tak bijli pradaan kar sakta hai!
Saamne baithe sabhi logo me utsukta aur bhi badhne lagi, Tarun bhi har shabd ke saath aur bhi smooth ho raha tha.
Tarun: Ab ap mere saath imagine kariye! ek bada mall jo 24*7 khula hota hai ya phir ek badi residential building jismein kayi log rehte hai hai, ya phir ek badi market. Ab sochiye Eternapower Generator ke saath, jo in sundar complexes ko bina kisi rukawat ke puri tarah se bijli pradaan kar raha hai pure das saal tak.
Tarun ke kehte he screen per logo se bhare mall, Residential Building aur market place ki tasveer ane lagi, Sabhi logo me me baate shuru ho gayi.
Tarun: Eternapower Generator aapko guarantee deta hai! aapko hamesha bijli milti rahegi, din aur raat. Iska matlab hai ki ab koi bhi power cut nahi hoga, koi rukawat nahi hogi, aur aapki productivity ya customer experience par koi prabhav nahi padega.
Tarun ne rukte huwe sab ki taraf daikha to usse situation me badlav dikhne lage, Logo ke mann me doubts ane shuru ho chuke the, Lekin Tarun abhi bhi pure confidence ho ker sab kuch explain karne me laga huwa tha.
Tarun: Sochiye Central Plaza ya kisi aur bade vyaparik hub ki roshni ko! Eternapower Generator hai saare energy needs ka jawab, Iski anokhi capacity aur vishwasniyata ise bada infrastructure ko power karne ke liye perfect choice banati hai. Iska matlab hai ki business aage badh sakte hain, log bina kisi rukawat ke kaam kar sakte hain, aur shehar bijli ki kami ki chinta kiye bina tarraki kar sakta hai.
Tarun ki kahi baato ke anusar Eternapower generator kisi bhi badi building ko 10 saal tak bina ruke Bijli de sakta tha aur wo bhi bina kisi rukawat ke, Kisi ke liye bhi ye baat hazam karni thodi mushkil thi.
Tarun: Ladies and gentlemen, the future of energy is here, and it's powered by the Eternapower Generator! It opens up endless possibilities, transforming the way we live and work like never before.
Tarun ne sab kuch keh diya, Uss ne Aarav ki taraf daikha to Aarav ne ishare se usse Good keh diya, Ye daikh ker Tarun bhi khush ho gaya.
Tarun: Thank you for your attention! Aarav Singh will now dive deeper into the technical aspects of the Eternapower Generator, Get ready to witness the dawn of a new era in energy!
*Applause*
Tarun ke Peeche hote he sabhi taliyan bajane lage, Aarav khara huwa aur mic ke saamne khara ho gaya.
Aarav: Thank You Tarun! Ab ap log apne saval puch sakte hai.
Aarav sab ke javab dene ke liye taiyar ho gaya, Lekin uss ki presence ka effect abhi bhi sab ke upar tha, Aarav usse band karne he wala tha ke ek haath uth gaya.
“Mujhe kuch puchna hai!!!”
Haath ek ladki ka tha, Kaali dress pehne wo ek khubsurat ladki thi, Uss ke paas baithe kayi log Project ke jagha uss ki khubsurati ko he niharne me lage huwe the.
Aarav: Miss Sonia Right? Mujhe laga nahi tha ke ap bhi yahan aoo gi, Ap ke baare me bohat suna hai aur ap ke khole gye naye Mall ke charche to sabhi taraf hai, Puchiye kya puchna chahti hai ap?
Sonia ka introduction sun ker he wanha bohat se logo ki hava tight ho gayi, Kam umar me he Sonia ne bohat kuch kama liya tha, Agar kaha jaye to wo Veer aur Akash se bhi zada Successful thi.
Sonia khadi ho gayi, Uss ke paas se kuch log uthte huwe kuch seats aage ho ker baith gye, Un me se koi bhi Sonia ki bad list me nahi ana chahta tha.
Sonia: Kya main puch sakti ho ke aj yahan bulaye gye sabhi kis tarha bulaye gye hai? Mujhe nahi lagta ke yahan baithe kayi log same field se bhi hai kya, Lekin mujhe heraan ye baat ker rahi hai ke tum Singh Family se hone ke baad bhi apne level ke logo se deal kyu nahi ker rahe ho? Lekin ussi samay tum hamari jaisi badi company ko bhi invite kiye ho, Mujhe reason bata sakte ho kya?
Uss ke paas baithe logo ki ek pal me sulaghne lagi, Sonia un ke muh per unhe un ki aukat dikha rahi thi, Lekin lag nahi raha tha ke wanha baithe kisi bhi vyakti ko apna dushman banane ka Sonia ko koi dar ho.
Aarav(Smile): Sach kahu to ap ka saval sun ker main bohat impress huwa hu! Mujhe nahi laga tha ke koi ye sab kuch notice kare ga, Lekin ap sahi keh rahi ho, Yahan baithe log sirf un ke Business ki wajha se yahan nahi bulaye gye hai.
Sonia: Phir kaise?
Aarav ne ek baar sab ki taraf daikha to wo sab sunana chahate the ke unhe wahan kyu bulaya gaya hai.
Aarav: Huh, Hamari duniya bohat badal chuki hai! Yahan bohat kuch ajeeb huwa hai, Lekin sab ko uss ka kuch nahi pata, Lekin yahan baithe sabhi log kisi na kisi tarha se Player Association se connect hai.
Sab ki aankhe khul gayi, Aarav ne abhi ek top secret sab ke saamne bol diya tha, Unhe vishwas nahi ho raha tha, Lekin Sonia abhi bhi normal ho ker khari huwi thi.
[Tinkerbell: Ye ladki kuch ajeeb hai! Tum ne Alpha Presence ko weak zaroor kiya tha, Lekin itna nahi ke koi usse feel na ker sake, Lekin mujhe nahi lagta ke iss ladki ko kuch bhi effect huwa ho]
[Aarav: Yes, tabhi to ye ladki genius hai! Puri information lene ke baad yahan ayi hai. Shayad usse pehle he pata tha ke yahan ye log kyu bulaye gye hai, Ab game interesting honi shuru ho gayi hai]
Aarav: Pareshan hone ki koi baat bhi nahi hai! Yahan ye secret permission ke saath reveal kiya gaya hai.
Sonia(Nods): Okay! Lekin agar tum uss duniya se connected logo ko yahan laye ho to tumhare project me kuch part to uss duniya ka bhi ho ga?
Sonia ka analysis bohat tez tha, Uss ke liye situation pick karna kuch mushkil nahi tha, Wanhi uss ki awaaz me aatmavishwas bhara huwa tha.
Aarav: Right, Ap sab ko pata ho ga ke Mana Stone kya hota hai? Ap me se bohat logo ne usse Use bhi karna chaha, Lekin kabhi ap logo ko Permission nahi mili, Ab ye badalne wala hai, Project Blue Moon se hum uss Mana Stone ko kaam me laane wale hai.
Sonia: *Nods*
Aarav: Ap sabhi ko Mr. Tarun ki presentation sun ker vishwas nahi huwa ho ga! Lekin wo sab kuchh sach tha, Hum ne sach me aisa Generator banaya hai aur uss ki electricity ka source hai Mana Stone, Mana Stone ki Energy ko Electricity me convert ker ke hum usse istemal me la sakte hai.
Man: Lekin ye kaise possible hai? Mana Stone ki Energy ko humans bardasht nahi ker sakte, Logo ko maarna chahte ho kya tum?
Ye Aadmi ek chota Business owner tha, Sonia ki kuch samay pehle kahi gayi karvi baato se gussa huwa ab tak shaant Aadmi ab kuch bol he diya tha, Lekin Aarav ke liye ye koi dikkat nahi thi.
Aarav: Hum ne uss Negative Energy ko hatane ka raasta dhoond liya hai! Player Association ke head Michael se hume ye sab karne ki permission mil chuki hai.
Aarav ki baat sunte he wahan baithe sabhi logo ki bolti band ho gayi, Aarav ne Negative Energy hatane ke baad kuch Stone Michael ko bhej diye the, Uss se wo front per to aa gaya lekin uss ke liye wo bhi kisi promotion se kam nahi tha.
Aarav: Ap sabhi ki Seats ke saath ek chota bag rakha gaya hai! Uss me ek Negative Energy ko hata ker purify kiya gaya Mana Stone hai, Ye meri taraf se ek gift hai ap sabhi ke liye, Kisi ko bhi dikha ker ap stone check karwa sakte ho.
Sonia: Kya ye presentation sirf product ki promotion ke liye thi? Ya kuch aur bhi reason hai?
Sonia ke har saval ke baad Aarav uss ki taraf akarshak huwe ja raha tha, Bina kuch bhi bekar baat kiye wo seedhe point to point baat ker rahi thi.
Aarav: Ye ek promotion he thi! Lekin ye project bohat bara hone wala hai, One by One sab ko presentation dene ka hamare paas samay nahi tha, Project se related baki sab kuch ap ko meri secretary bata de gi, Ap sabhi ko lunch per invite karta hu, Please enjoy kariye ga!
Aarav ne seedhe seedhe apni weakness saamne nahi layi thi, Machliyo ko uss ne dana daal diya tha ab kaante me wo khud phansne wali thi.
Sonia ki nazre bhi baahir jaate huwe Aarav ke upar tiki huwi thi, Usse bhi apni takar ka koi pehli baar mila tha, Usse bhi ab iss khel me maza aa raha tha.
****
Veer's House
Mumbai ~ 12:29 AM
*Thud*
Ishika ne apna takiya utha ker deewar per de mara, Apna kaano per haath rakhe wo khud ko bed ke kinare per kiye huwe thi.
Ishika(Mumbling): Please Stop! please band ho jao, Ab bardasht karna mushkil ho raha hai, Please mujhe sakoon ke kuch pal to de do.
Ishika khud se he bol rahi thi, Uss ki aankho me ansoo ane shuru ho gye the, Uss ka sar zor se dard hona shuru ho gaya tha, Aankhe neend se laal ho chuki thi.
Ishika ne bardasht karne ki koshish ki lekin ab uss se aur saha nahi ja raha tha, Bed se utarte huwe wo apne dressing table ke paas chale gayi aur uss me se neend ki goliye nikal ker le ayi.
Ishika(Sigh): Huh, Kab tak sleeping pills se kaam chalana ho ga! Kab mera peecha chore gi ye awaaz?
Ishika thak chuki thi lekin uss ke paas aur koi raasta bhi nahi tha, Bebasi ko mehsoos karte huwe Ishika ne Pill nikali aur usse khane he lagi thi ke-
*Knock-Knock*
Uss ke darwaze per dastak huwi, Raat ke iss samay uss ke paas kon aa sakta tha? Ishika ye sochne lagi, Pills ko wanhi rakhte huwe uss ne ja ker darwaza khol diya.
*Shhhh*
Darwaza khulte he Ishika ke muh per haath rakhte huwe Tanu andar aa gayi, Usse daikh ker Ishika bhi chaunk gayi kyu ke Tanu itni late tak kabhi nahi jaghti thi.
Tanu(Whisper): Di, Please uncha mat boliye ga! Kisi ne agar daikh lia to scene ho jaye ga.
Ishika(Whisper): Tanu tum itni raat ko yahan kya ker rahi ho? Kuch huwa hai kya?
Tanu: Di, Mujhe ek bohat sahi idea mila hai! Aj meri ek friend ne mujhe kuch bataya hai.
Ishika: Tumhari koi friend bhi hai kya?
Ishika ke muh se khud he shabd nikal ayi Unconsciously, Tanu ka muh ban gaya-
Tanu: Di!!! Please baat suno meri.
Ishika: Sorry, Tum batao!
Tanu(Sigh): Huh, Haan to mujhe uss ne kuch important baat batayi! Hamari Company ke Malhotra uncle hai na? Unhe bhi shak hai ke ye Aarav koi fraud hai.
Tanu ki baat sun ker Ishika apna sar pakad ker khari ho gayi-
Ishika: Tanu, Tumhe Badi Maa ne kuch bhi karne se mana kiya hai na! Kyu sab ke liye pareshani khari ker rahi ho? Dada ji bhi khush nahi ho gye ye sun ker ke tum ye sab ker rahi ho.
Ishika ne uktate huwe kaha, Tanu sirf uss ka chehra daikhti reh gayi, Tanu ki aankho me ansoo ane lage, Ye daikh ker Ishika bhi thori dar gayi.
Tanu(Sobbing): Ap sabhi ko main he galat kyu lag rahi hu? Samajhte kyu nahi ho ke wo ek fraud insaan hai? Main kabhi uss insaan ko apna bhai nahi maan sakti hu, Lekin ap sabhi ko wo he sahi lagta hai, Pata nahi sab per konsa kala jadu ker diya hai uss ne.
Tanu ki aankho se mote mote ansoo nikalne lage, Uss ke andar abhi bachpana bhara huwa tha, Uss bechari ki bhi kya he galti thi? Ek din kisi ko bhi uss ke saamne khara ker diya gaya ke wo uss ka bhai hai.
Ishika bhi usse aisi halat me nahi daikh sakti thi, Uss ne aage badh ker Tanu ko pakadte huwe gale se laga liya.
Ishika: Sorry baba, Ab aise rona band karo aur mujhe aage ki baat batao! Kya plan bana ker ayi ho?
Tanu seedhi ho ker khari ho gayi aur apna chehara haath se saaf karne lagi.
Tanu: Hum Uncle ke saath mil ker kaam karte hai! Un ke saath hume jaldi se koi raasta mil jaye ga, Priya se mujhe pata laga hai ke uss ke Dada Ji abhi kahan hai.
Ishika: Huh? Hum abhi jaane wale hai kya? Aadhi raat hone wali hai!
Tanu: Ye he to perfect time hai! Uss fraud ne hamare peeche log bhi to chore ho sakte hai na? Hum raat me un se meeting ker le gye, Mujhe Car chalani nahi ati warna ab tak main chali gayi hoti, Please Di.
Ishika(Sigh): Acha huwa tujhe Car chalni nahi sikhayi! Ab bhul jana ke agle 10 saal seekhne ko mile gi bhi, Ab mujhe kam se kam change karne do.
Tanu: Yes!
****
Red Ranked Portal
Monsters ~ Sandworms
*Scrunch*
Portal ke andar pura registan tha, Ab tak ke sab se bade portals me se ye ek tha, Uss registan ke beech me Khare kuch Player's haath me shovel pakde khudai karne me lage huwe the.
4-5 Player thodi thodi khudai karte huwe aage badhate ja rahe the, Ek jagha per wo zada samay khudai nahi ker rahe the.
Un me se kuch Experienced hunters the, Un me se ek tha Ryota aur uss ke saath ek Rookie chal raha tha, Kazuki!
Ryota(Walking): Hey, Rookie! Apni senses ko sharp rakhna, Sandworms kabhi bhi ret se baahir aa ker strike ker sakte hai.
Kazuki: Thank You, Ryota-San! Meri puri koshish hai, Lekin ye garmi sab kuch mushkil ker rahi hai, Itne bade registan me hume Sandworm kaise mile gye? Hume 2 din ho chuke hai yahan aye huwe, Lekin hamare group ko ek bhi sandworm nahi mila hai.
Kazuki ne apna pasina ponchte huwe kaha, Uss ke saath aye baki Player's ki halat bhi garmi se buri ho rahi thi, Ryota un sab se badi umar ka tha lekin uss me abhi josh umang raha tha, Apni shovel ko uthate huwe uss ne apne kandhe per rakh liya.
Ryota: Yanhi to ye hamari Shovel kaam aye gi! Hum thodi khudai karni ho gi aur uss se ek vibration create ho gi, Usse sun ker paas wala sandworm baahir aye ga aur tab hum usse maar giraye gye. *Laughs*
Un logo ne wanhi khudai shuru ker di, Ryota ye karte huwe bohat khush tha, khodte huwe he Kazuki Ryota ki taraf ghooma.
Kazuki: Ryota-San, Sach me sandworms ki skin itni valuable hai? Ye portal ate he Player association khush ho gayi thi, Lekin kyu?
Ryota: Kiddo, Ye sandworms hamare liye sona hai! Sandworms ki skin se bane Armor strongest Armor hote hai, Lekin sirf ye he nahi un me se ek melange bhi milta hai, Uss se healing potion banaye jaate hai.
Kazuki: Tabhi iss Raid per hume itne paise mil rahe hai! Last time aisa portal aya tha to 15 maheene lage the Raid puri karne me, Lekin uss raid ke hunters aj bhi ghar baithe Paise ura rahe hai, Ye Raid puri hone ke baad main bhi ek lambi vacation per jau ga.
Kazuki abhi ek jawan larka tha, Abhi uss ki umar thi ye sab karne ki, Uss ko aise josh me daikh ker Ryota bhi khush ho gaya.
Ryota: Hum aur bhi Paise kama sakte the! Agar sirf hamara team leader hamare saath hota, Last moment per Steven hume akele chor gaya, Ab hamare saath aye baki leaders he hume lead ker sak-
*Crack*
Ek Player ki shovel kisi cheez se takrayi aur sabhi wanhi ruk gye, Sab taraf sannata ho gaya, Ret tezi se hilne lagi lekin ye sirf ek side per nahi ho raha tha.
Ryota: Run!
Kazuki: Huh?
Ryota(Shout): Sabhi log bhaago! Hum neeche se aa rahe sandworms se nahi lar sakte, We've awoken a nest!
Sabhi Player's Ryota ki awaaz sun ker dusri taraf bhaagne lage, Un ke wahan se nikalte he ret me se Sandworms nikalne lage.
Vishal sandworms ka number daikhte he un Player's ki halat kharab hone lagi, Kazuki ne bhaagte huwe Peeche daikha to dar se uss ki halat bhi kharab ho gayi.
Kazuki(Running): I-I didn't sign up for this!
Ryota: No one said it would be easy, Kid! Keep running!
Sabhi tezi se bhaagte rahe, Lekin un ke liye Sandworms ko outrun karna impossible tha, Sandworms un ke kareeb ate rahe aur ret zor se kanpane lagi.
*Screams*
Ryota ke saath bhaag rahe Player's me se kuch ret ke hilne se uss me he phans ker gir gye, Sandworms un ke kareeb ane ko ho gye the.
*Turn*
Ryota bhaagte huwe ruk gaya aur peeche ghoom gaya, Uss ke saamne uss ke comrade giray huwe the, Kisi bhi pal wo sandworms ke liye khana ban sakte the.
*Breath*
Ryota ne ek gehra saans bhara aur ek posture le ker khara ho gaya, Sandworms uss ke paas ane ko the aur jaise he wo un ke kareeb aye.
Ryota: Wind Palm!!!
*Ka-Boooom*
Ryota ne apni hatheli aage ki to wahan ki hava ek pal me solid ho gayi, Sandworms jaise aa ker kisi diwar se takra ker peeche ko ho gye, Sandworms ek pal ke liye ruk to gye, Lekin utne Sandworms ke liye ye Wind Palm kaafi nahi tha.
Ryota(Sigh): Huh, Meri chinta mat karna! Kazuki tum abhi javan ho, Tumhe jeena ho ga tum bha-
*Turns*
Ryota abhi kehte huwe ghooma he tha ke usse apne saamne Kazuki kanhi dikhayi nahi diya, Uss ne aage daikha to Kazuki pure Sprint mode me bhaag raha tha.
Ryota: Haramkhor! Ek pal ke liye speech to dene deta. Huh, Aj kal ke bache kaise ho gye hai, Marte huwe insaan ke Akhri shabd bhi nahi sun sakte.
Ryota wapis se seedha khada ho gaya, Sandworms bhi wapis se uthne lage, Baki player's abhi bhi phanse huwe the.
Ryota(Mumble): Sabhi ko ek saath hara saku ga kya?......Hara du ga! Zinda bach ker nikalna asli dikkat hone wali hai.
[Qi Ability (Qi Blade) Activated]
Ryota ke haath per Qi Blade ane lagi, Ryota larne ke liye taiyar ho gaya.
*Wooosh*
*Pop* *Bang*
Ryota ko peeche se awaaz ayi, Uss ne peeche daikha to hava me ek flare chal rahi thi, Unchayi per haath me flare gun pakde Kazuki usse daikh raha tha.
*Wooosh*
Agle he pal uss flare ke paas se kuch tez raftar se guzarte huwe aage aya, Uss ki raftar itni tez thi ke koi bhi usse daikh nahi saka.
“Infinte Wind Slash”
*Slash*
Ek tez awaaz ke saath Ryota ke saamne ret ka tufan ban gaya, Uss ke beech bhi Ryota un sandworms ke chilane ki awaaz sun sakta tha, Awaze dheemi hone lagi sabhi Player's sirf wo awaaze sun ker he dar chuke the.
“Elder 1, Ap ki umar ho gayi hai! Ab ap ko ghar baithna chahiye”
Ret ke beech me se ek awaaz ayi, Usse sunte he Ryota ke chehre per muskurahat aa gayi.
Ryota: Meri umar nahi huwi! Ap mujh se bohat zada shaktishali ho chuke ho, Clan Leader Daisuke Takahashi.
Ret ke andar se Daisuke baahir aa gaya, Uss ke chehre per Sandworms ka khoon laga huwa tha, Uss ko daikhte he sabhi logo ke chehre per khushi se muskurahat aa gayi.
Daisuke(Smile): Lekin kehna ho ga! Budhape me bhi Ap ache ache ko sabak seekha sakte ho!!
*Wooosh*
Daisuke ke peeche se ek Sandworm baahir nikalte huwe Kazuki ki taraf badhne laga, Sandworm ek smart monster tha uss ne apna target ek pal me Daisuke se badalte huwe Kazuki ko bana liya tha.
Ryota: Ye kya? Ye kaise bach gaya?
Daisuke: Usse jaane do! Kuch lazy logo ko hosh me lana hai.
Daisuke khada ho ker maze se daikhne laga, wanhi Kazuki ki sandworm ko apni taraf ate daikh gaand phat rahi thi.
Kazuki: Mr.Daisuke, Yahan! Mujhe bhi bachao!!!
Kazuki ne chilate huwe kaha, Lekin Daisuke apni jagha se hila bhi nahi ye daikh ker Kazuki ko uss ke akhri pal uss ke saamne nazar ane lage.
[Demonwolf Transformation]
*Growwwrrrr*
*Ka-boooooom*
Sandworm Kazuki ke paas pohanchne he wala tha ke wo beech me he ruk ker neeche gir gaya, Kazuki khud ko zinda daikh ker he bohat khush ho raha tha.
*Pchhh*
Sandworm ka sharir ek jagha se phat gaya, Uss ke andar se Armor pehne koi baahir aa gaya, Uss ki body se pata lag raha tha ke wo koi ladki hai.
Ladki: Yuck, Daisuke!! Kitni baar mujhe batana ho ga? Mujhe larne ke liye mat laya karo, Ye mera kaam nahi hai.
Daisuke: *Laugh*
Daisuke uss ki halat daikh ker hasne laga, Sandworm ke blood se uss ka pura Armor bhara huwa tha, Daisuke ko gusse se daikhte huwe uss ne apna Armor utaar diya.
Uss ka mask utarte he uss ki khubsurati daikh ker wahan khare sabhi ladke uss me doobne lage, Kazuki jo kuch samay pehle marne se bachne ki koshish ker raha tha wo bhi uss me khone laga.
Ladki: Heal!!!
Ladki ke kehte he sabhi ghayal Player's heal hone lage, Ladki sandworm se neeche utar ker ayi to sab logo ko wo saaf dikhne lagi, Uss ke haatho ki ungliyo me claws bane huwe the aur daant Fangs ki tarha ke the.
Kazuki: Claws, Fangs aur Healing Ability! Lady Isabelle.
Kazuki ke kehte he Bella ruk gayi, Ye daikhte he usse confirm ho gaya ke uss ke saamne legendary trio ke 2 yodha khade huwe the, Daisuke Takahashi aur Isabelle Adjani.
Ryota: Leader ki taraf se main Maafi chahta hu Lady Isabelle! Un ka ap ko khatre me daalne ka koi bhi irada nahi tha.
Bella(Sigh): Elder ap ko maafi mangne ki Zaroorat nahi hai! Mujhe pata hai ke ye kaisa hai aur kaisa nahi hai, Lekin yaad rakhna so-called Clan Leader, Ek din sab ka ek saath badla lu gi.
Uss ki baat sun ker Daisuke aur bhi zor se hansne laga, Unhe aise daikh ker baki sabhi logo hansne lage, Un ke saath ab S Rank player the un ka dar khud he khatam hone laga tha.
Kazuki(Hesitating): Umm, Miss Yoo-Jung ap ke saath nahi hai kya?
Kazuki ka saval sun ker dono khamosh ho gye, Ye daikh ker Kazuki thoda dar gaya lekin Ryota ne usse shaant rehne ka ishara karte huwe usse side per le gaya.
Bella: Hmm, Abhi bhi wo camp me training ker rahi hai! Aisa kab tak chale ga? Kitna samay beet chuka hai, Lekin wo abhi bhi khud ko apni behan ke liye blame ker rahi hai, Aur kitni powerful hona hai usse?
Bella ko thoda gussa ane laga tha, Usse aise daikh ker Daisuke ne usse shaant karwana shuru ker diya.
Daisuke: Hum kuch bhi nahi ker sakte! Usse ye ker ke sakoon milta hai to theek hai, Lekin jab tak wo hamare saath hai hume kam se kam uss ki safety ki to khabar rahe gi.
Bella: Huh, Lekin usse hum per trust karna chahiye na? Hume bataye to kis se khatra hai usse? Lekin har baar wo sirf chup rehti hai.
Daisuke(Smile): Shayad uss ka wo Ex-Boyfriend yahan hota to uss per trust karti! Kya naam tha uss ka?
Bella: Shayad, Aarav Arya tha!
[Aj ke liye itna he, Ye update 7.5K words ka tha, Aj late kyu huwa, Uss ka kuch bhi nahi keh sakta, Target hamara wohi hai 80 Likes, Umeed karta hu ap ko update pasand aye ga, Milte hai agle update per tab tak ke liye, Sayonara!!!]
