Incest Kaala Dil Wala

[Amresh Puri]

Index Ke Liye CLICK karen

Update 33 post kar dia gaya ha dosto...​

 

[LOV mis]

Waiting bro

 

[park]

Update:-07





jab hamara giroh bindu ki talash me nikalne wala tha. main apne guru jogi ji maharaj ke paas gaya. jhuk kar unke paun chhuwe, unka ashirwad liya.

jogi ji maharaj jinke honto par sadaiv ek meethi bazurgana muskan raha karti thi. is samay maut ki si bhayankar ghambirta chhai hui thi unke chahre par. mashalon ki roshni me unki ankhen khun barsa rahi thi. koi aur dekhta to dekh kar saans lena hi bhul jata. aise hi krodh bhare, darindgi bhare bhav the unke chahre par. bhav to mere chahre par bhi kuch alag nahi the. khun mere ragon me bhi hazaron mile/h ki raftar se daud raha tha. bazaun ki phhooli hui machhliyan phadphada rahi thi. ang ang se aag ke sharare se nikal rahe the. khun.. khun karne ko machal rahe the mere baazu. mai bhi ek junglee tha. aur dushman kabile ki izzat ko utha kar le gaye the. matlab kabile ki izzat, matlab meri izzat ko utha kar le gaye the. aur main thakur parivar ka khun tha. kaise sahn kar pata. bindu meri bhi achhi dost thi, mere dost ki premika thi. dushmano ko cheer phaad daalne ke liye main bhi utna hi betab tha, jitna ki sab.

jogi ji maharaj ne mujhe ashirwad diya. fir garajti hui awaz me bole.

baba :- karan singh kabile ki izzat tumhari bhi izzat ha. barson se tum kabile ka namak khate aa rahe ho. aaj us namak ki keemat chukane ka samay aa gaya ha. karan singh hum swarthi nahi han. namak ki keemat nahi wasul kiya karte. par baat jab izzat ki aa jati ha to fir ghar wale hon ya mahman, izzat dono ki ek samman ho jaya karti ha. is hisab se tumhara bhi kartavya banta ha. kabile ki izzat ko sahi salamat wapis lekar aao. bhagwan ne ye ghatna ghatni likhi thi. shayad isi liye tum wapis apne ghar lautne me der karte rahe. karan singh maine tujhpar jitni mahnat ki ha. kabile ke kisi aur vyakti par itni nahi ki. purkho se hamare kabile me ajnabi aate jate rahte han. par humne kabhi kisi ko apne parivar ka sadasy nahi banaya. tumhe banaya ha. tum kabile ke kai yuvako se bartar ho karan singh. jaao aur kabile ki izzat ko wapis le kar aao. jis haal me usay yahan se lejaya gaya ha, usi halat me usay wapis bhi lekar aao.

jogi ji maharaj mujhe hamesha se chhote thakur kahte aaye the. mujhe achha nahi lagta tha. wo mere guru the aur main unka shishy. kaise wo mujhe sammaniya bula sakte the. samman layak to wo the. mere hi kahne par unho ne mujhe mere naam se bulana shuru kar dia tha. ab wo sach me ek guru ke jaise mujhse vyavhar kar rahe the. mujhe adesh de rahe the.. main unhe baba kah kar bulata tha.

karan:- baba! kabile ki izzat meri izzat ha. jaan chali jaye koi gham nahi, izzat salamat rahni chahiye. un kutton ne kabile ki izzat ko utha kar hamara qahar ko lalkara ha. bindu meri dost bhi ha aur bahan bhi.. baba! bindu bhi wapis aayegi, aur un kutton ke kate hue sar bhi. kasam ha mujhe apne khun ki, aapki di hui shiksha ki, in pahadon ki, in junglon ki. aisa qahar bankar tootunga unpar. sadiyon koi bhul nahi payega. aisa hashar karunga un haramzado ka, dharti kaanp uthegi. inta khun bahaunga, fir kabhi koi aur hamare kabile ki izzat ki orr gandi nazar uthane ki himmat nahi kar payega.

meri awaz me pahadon jaisi sakhti thi, badlon jaise ghan garaj thi, darindo jaisi dahaad thi. jungle me rahte mai bhi adha junglee ban gaya tha.


aisa hi kabile ke badon ne bhi sabhi jayalon se kaha tha. kabile ki aurton ke zahreele shabdo ne jalti par tel ka kaam kiya. seeno me jal rahi aag kai guna aur bhadak uthi. sab mar mitne par pahle se hi tayyar the. kabile ke mahilaon ki aag lagate shabd sunkar hamare andar ke asli darinde dushmano ke cheer phaad daalne ke liye bechain hone lage.


jab hum ghodon par kabile se nikle to chahre khun me range hue the. hum 25 junglee darinde ghodon par sawar andhi toofan ki tarah bindu ki raah par the. raat ka akhri pahr chal raha tha, jab hum kabile se nikle the. upar purnima ka chaand chamakta hua apni kirnen dharti par bakher raha tha. jungle ke unche unche pedo ke kaaran kahin kahin chand ki kirnen zameen par pad rahi thi. hum bina kisi khauf o darr ke ghodon ko sarpat daudaye bindu ke piche the.

har koi ek dusre se aage nikal jaane ko betab tha. har kisi ki koshish thi, kabile ki izzat ko bachane ke maamle me number le jaaye. jahan baat bindu ki thi. wahin dushmano ke liye bepanah gusse aur nafrat ki bhi thi. khun baha kar apni piyas bujhane ki bhi thi.. jo bhi sabse pahle dushman tak pohnchta, sab se pahle dushmano ko cheer phaad daalta. sabse zayada dushmano ki jaan leta. uski value kabile walun ki nazron me sabse badhkar hoti. aur amar jo apni premika ke uthaye jaane par adhik guse aur junun me tha. wo bhi aisi hi stithi me tha. wo bhi pure josh se lagaam thame ghode ko daudaye sabse aage nikal jaane ko betab tha.

hum sab ek dusre se badhkar the. koi bhi kisi se kam nahi tha. sabki ragon me khun ki jaga para daud raha tha, bijli daud rahi thi.. kabhi koi aage hota to kabhi koi. zayada tar mai amar aur mera ek aur dost bhuwan sabse aage nikal jaya karte the. junglee raste me pedon ke kaaran, unche niche raston ke kaaran, pahadiyon ke kaaran ghodon ki speed dhire karni pad jati thi. isliye kisi ek ka har samay aage rahna mumkin nahi rah pata.

dusri hi raat humne dushmano ko pa liya tha. par bina kisi plan ke hum kuch nahi kar sakte the. humen koi munasab jaga ki talash thi. aise me hum unse ladte to marte kam aur aur maarte zayada. humen koi darr nahi tha. bass chinta thi to bindu ki. achanak hamle me bindu bhi khatre me aa jati. aur hum bindu ko har haal me surakshit lekar jana chahte the. bindu ko kuch hua to amar ki dunya lut jati, sath hi hum sab ki naak bhi kat jaati. bindu ko bachana tha aur apni nak bhi bachani thi. mard hokar nakami ka moh dekhna humen gawara nahi tha.. nakami ki surat kabile me rahne layak nahi rahte hum.

mere siva baki sab pakke junglee the.. bindu ki chinta hote hue bhi sab ekdum se dushmano par toot padna chahte the. badi mushkil se sab khud ko sambhale hue the.

teesre din ki shaam dhalne me 2 ghante baki the. hum sab ghodo par sawar baten karte hue ek pahadi ke upar se guzar rahe the. mai aur amar aur bhuvan sabse aage the.

choti par pohnche to meri tez nigah door tak gayi.. mujhe bohut door dushman kabile walun ki ek jhalak dikhai de gai thi. maine hath utha kar sabko turant ruk jane ka ishara kar dia.

amar:- kya hua karan

karan:- pahle piche hato.

mere kahne par sab turant piche hat gaye.

main kabile ke ek aur jayale khurpa singh se mukhatib hua

karan:- khurpa singh tum upar ja kar saamne nazar banaye rakho.

khurpa singh bhi ek wahshi tha. usay apne paas hamesha bhari aur chaudi talvar rakhne ki adat thi. khud bhi genda tha. woh turant ghode se utra aur choti par pohnch kar saamne dushmano par nazar rakhne laga.

amar joshile andaz se:- wo saamne hi han na.

karan:- haan amar! wo saamne hi hann.. aage ka rasta kuch kathin dikhta ha. woh dhire dhire chal rahe han ya ruk gaye han, malum nahi. abhi pata chal jayega.

amar khada khada pahlu badalne laga

amar:- karan teesra din ha, bindu ko unki kaid me. mujhse aur sahn nahi hota. kutto ne jaane kya haal kiya hoga meri bindu ka.

maine amar ke kandhe par hath rakh diya. fir bhuvan ko dekh bola.

karan:- bhuvan

maine bhuvan ko bhi upar jane ka ishara kar dia. ab tak hum sab pahadi se niche utar chuke the.. bhuvan samet ab tak hum sab ghodo se niche utar chuke the.

amar ek hath me talvar thame dusre hath ki muthi banaye, bhench raha tha.

karan:- dekh amar tu janta ha, bindu mere liye kitni khaas ha. usay kharash bhi aayi hogi to un haramzado ko itne tukde honge, ginti karna mushkil ho jayega. kya tum jaldbazi karke bindu ke liye koi khatra mol lena chahte ho.

amar ghurrate hue:- bindu ke sath jitna kar guzre han wo kutte. uske liye unko khun ke ansu rona padega.

karan:- amar, hum khud ke liye to khatra mol le sakte han, aur lenge bhi, par bindu ke liye nahi. koi plan bana kar jald hi hum unpar toot padenge. aaj ki raat hone se pahle pahle bindu hamare paas hogi. bharosa rakho mujhpar.

amar dheela padta hua:- tera hi to bharosa ha yaar.

bhuvan wapis laut aaya

karan:- haan bhuvan kya raha

bhuvan josh se:- aage tashari ke jungle han, raat me tashari ka safar kathin ha. wahan khatarnak daldalen bhi han. raat me tashari jungle me safar karna asambhav ha.

karan:- bohut badhiya.. aisa karo, ghodo ko kuch aur piche le jaao. rasya aur kundan se kahna wahin rahen...mai sabko dekhta hua bola..


mai amar ke sath upar jaane laga. 700 meter door ek nadi kinare wo ruke hue the. daayen orr ghane pedo ka jungle tha. baahen disha me nadi thi. piche hum the, aur saaamne unki manzil. jo bhayankar jungle aur pahadon ke beech me se guzarta tha. raat me un pahadon aur junglon me safar nahi kiya ja sakta tha.

amar:- karan koi plan sojha ha tujhe ya aise hi hamla karna hoga humen.

mai saamne dekhta hua bola:- amar, wo bhi jante honge, hum unke piche han. kitne piche han, ye nahi jante. unki sankhya bhi humse dugni ha. humen plan se hi hamla karna hoga..

amar:- to koi plan ha kya tere paas

karan:- haan ha na plan mere paas.

amar josh se mere kandhe par hath ka dabao badhata hua:- kya ha plan, bata mujhe. ek ek lamha mere liye azab se kam nahi ha mere dost.

karan:- bhuvan tum aur khurpa singh dono yahi raho. kuch atpata dikhe to turant khabar dena

bhuvan:- theek ha karan. par jaldi kar. meri talvar un kutton ke cheethde udane ke liye bechain ha.

khurpa singh bhi khamosh nahi raha:- aaj to mai un kutton ko apne in danton se bhanbhodonga.. kacha khaa jaunga.

main aur amar khurpa singh ka kandha thapthapa kar niche utar aaye. sabke beech pohnche to amar ne fir puchh liya

amar:- ab bata kya ha tera plan

mai sab ko dekhne laga.. hum 25 the to 16 ke paas guns the. kisi ke paas purani rifle thi, kisi ke paas donali, kisi ki paas pistol aur ek ke paas AK47. aise hathyar junglon me adventure ke liye aaye huon se prapt ho jaya karte the. talveren, kulhade aur khanjar bhi sabhi ke paas the.

sab meri ankhon me dekh mere plan ko jaanna chahte the. sab neeche beth gaye.

karan:- tum sab ne dhayan se sunna ha. koi baat atpati lage, kisi ko lage plan me badlav kiya jana chahiye to turant mujhe bata dena. humen aisa plan banana ha. jisme galati ki koi gunjayesh na ho. bindu ko bhi bachana ha aur apni apni jaan ki raksha bhi karni ha.

ek bola:- karan plan bata, jaan ki parwa na kabhi humne ki ha, na hi karenge.

karan:- na na mere dost. jaan ki parwa zayada karni ha

ek aur bola:- wo kyu

karan:- wo aise ki, bindu abhi hamare kabze me nahi ha. ek baar bindu hath lag gai to fir jaan jaane ki koi chinta nahi. agar hum hi na rahe to bindu ko kon bachayega..

meri baat sabki samjh me aa gayi..

ek aur bola:- chal bata, plan kya ha.

karan:- wo sankhya me humse dugne han. hum char alag alag dishaon me jayenge. amar tum apne sath 10 hathyarban dosto ko le seedha hath wale jungli me ghusoge.. paanch jungle me chhup jayenge.. tum apne sath baki ke 5 ko lekar aage nikal jana. aur unke raste me ghaat lagana. hamle ki surat me aisa ho sakta ha. unka sardar bindu ko lekar nikal bhage. aise me tum saamne hoge to unhe aage ka rasta band milega.. agar aisa hota ha to tum saavdhani se hamla karna.. wahshi banne ka mann bane to ban jana. bindu ki suraksha pahle karni ha. jo 5 dost jungle me honge, wo hamle nahi karenge. dekhenge, samjhenge, agar koi unki raah me aaya to talvaron, khanjron aur kulhadon se unpar hamla kiya jaaye.

mera plan sunte hi sab josh me aa gaye. sab jungle the, darinde the. khun ki piyas dikhai dene lagi, sabhi ki ankhon me.

amar:- aage bata

ek aur bola:- agar wo piche is disha me palat pade toh?

karan:- ye hamare liye zayada achha rahega. hum is raste ko khula rakh kar chare ke taur par istemal karenge. hamare baki ke sathi in chatano me chhup kar rahenge. jaisi hi wo sab range me aaye, pahle goliyon ki barish ki jayegi. fir baki ke bache huon par talvaron aur kulhadiyon se toot padenge.

amar mujhe ghoorta hua:- aur tum.. tum kis disha me rahoge.

karan:- mai akale nadi me utarta hua unke paas jaunga.

meri is baat par sab aise uchhal pade. jaise sab ab tak wo naukeele kanton par bethe hue the.

amar:- tu pagal ha kya, jo akela udhar jaane ki soche hue ha. aise to tum zayada khatre me aa jaoge. nahi mai tujhe akele nahi jane dunga.

rasya:- sahi kaha tune amar, karan akala nahi jaye. hum 3 iske sath jayenge.

karan:- pahle meri baat to dhayan se suno

sab bahas karne lage. mere liye khatra zayada tha, isliye sab inkar karne lage. fir koi kuch aur bolta, khurpa singh aur bhuvan tezi se pahadi se utarte hue dikhai diye. sab dono ko aata dekh khamosh ho gaye.. ant me dono daudte hue niche aaye

bhuvan:- kuch ghod sawar idhar aa rahe han.

amar talvar ko mazbuti se thaam gaya:- tukde tukde kar dunga un haramzado ke

karan:- shant amar! sab baad me sochna, sab turant piche ke jungle me ghuso. jaldi karo. plan me badlav karna hoga.

koi kuch nahi bola. samay kam tha. sab kuch minto me 250 meter door ke jungle me ja pohnche the.

amar:- ab kya plan ha tera karan

main in kuch minto me isi par hi soch vichar kar raha tha.

karan:- plan wahi rahega, par kuch badlav ke sath.

amar:- kaisa badlav

karan:- wo bhi moorkh nahi han, is baat ka mujhe andaza tha. raat rukte hue wo apni suraksha ka pura pura dhayan rakhenge. wahi hua, jaisa maine socha tha. par ye guman nahi tha, woh is pahadi par rahte hue piche nazar banaye rakhenge.

bhuvan suraj ko dekhta hua bola:- karan andhera jald hi hone wala ha.

karan:- ahsas ha mujhe.. suno bhuvan, suno khurpa singh, tum dono ke andar bhi utni hi aage ha, jitni ki sabke seeno me.

bhuvan aur khurpa singh apne seene par zor se hath maarte hue:- haan aur ye aag humen bohut maza de rahi ha karan singh. ab bass is aag ko aur badhana ha, un kutton ka khun bahana ha.

karan:- tum dono apne sath paanch ko lekar piche jaaoge, fir ghodon par is orr speed se aaoge, sath me tum sab cheekhte hue, is paahdi par maujud dushmano kabile walun ka dhayan apni orr akarshit karte hue aayoge. bass yahi se hogi hamare plan ki asli shuruaat. tumhare shor ke chalte woh sab ghabra jayenge. kuch yahi khade rah kar tumhara raste rokne ki koshish karenge, aur kuch wapis laut kar sardar ko batayenge, fir kuch aur sathiyon ko sath lekar tumhara rasta rokne ki koshish karenge. aise me aage sardar ke sath bohut kam dushman rah jayenge, fir hamare jo sathi jungle me honge, amar jo kuch sathiyon ke sath aage hoga, wo tezi se bindu ki orr badhega, aur andhere ka fayda uthate hue unke karib pohnchne ki koshish karenga. aise me sabse pahle hamari koshish yahi hogi. bina shor machaye un kuch bache huon ko maar dia jaaye.. mere hisab se ye kam asan hoga, kyunki sab ka dhayan bhuvan ki orr hoga. saamne se hamla bhi ho sakta ha, jungle se bhi hamla ho sakta ha, wo soch bhi nahi payenge.

is baar mere plan par kisi ne nukta cheeni nahi ki. sabhi ko mera plan pasand aaya. mera wahi irada tha, jo mai pahle soch chuka tha. mai akela hi nadi me jaane wala tha. kuch der ki bahas ke baad bhuvan aur khurpa singh rasya aur kuch dosto ko lekar ghodon par piche jane laga. amar baki doston ko lekar ghum kar door ke raste se daayen side wale jungle me ghusta hua aage badhne laga. mera ghoda wo apne sath le gaye the. main paidal hi jane wala tha.

humne chand ke hisab time fix kiya tha. ab se 2 ghante bhuvan aur khurpa singh pahadi ke karib pohnch kar dushmano ko apne aane ka ishara denge. fir jald hi wo fire karke hamle ka sanket denge. itni der me mai nadi wali side ja ke, nadi me ghus ke un tak pohnch jata.

mere hisse me sabse khatarnak marhala aaya tha. mai akela tha aur mera mukabla kai jungliyon se tha. mai bhi junglee tha. par akela tha. nadi me jane ki waja se mai apne sath koi gun nahi le ke ja sakta tha. ek talvar aur do khanjar mere paas the. main speed se daudta hua se door ki ek pahadi parse guzarta hua nadi ki orr badhne laga.. jaise hi nadi kinare pohncha, to andhera puri tarah se phel chuka tha. door mujhe aag si jalti hui dikhaai de rahi thi. main jaan gaya, wo meri manzil ha. nadi me utra aur tairta hua dushmano ki orr badhne laga..


mai akela is liye aaya tha, ek ka chhupe rahte hue aage badhna easy hota ha. ek se zayada hon to dekhe jane ki sambhavana zayada hoti ha. aur main koi khatra mol nahi lena chahta tha. aise bindu ke liye khatra badh sakta tha.

dushmano ka ganda khun bahane se zayada zaruri tha mere liye bindu ko surakshit karna. ek baar bindu surakshit ho jati, to fir thakur karan singh ko wahshi junglee darinda bante der nahi lagti..

Nice and superb update.....

 

[Smith_15]

Update

 

[Amresh Puri]

Update:-08






nadi me utra to pata chala. paani ka bahav bohut tez ha. jis disha me bindu thi, pani ka bahav bhi usi or tha. mujhe wahan tak pohnchne me der nahi lagi. pani ka tez bahav mujhe 2 minto me hi wahan pohncha gaya. chand ki roshni to bohut thi, par mera dekh liya jana lagbhag namumkin tha.


nadi me hi ek pathar ki aadh me hokar main saamne dekhne laga. bindu ke hath piche bandhe hue the aur sardar uske paas betha usse kuch baat kar raha tha. bindu mujhe khaufzada nahi dikhi. sardar ki baat par bindu usay ghoor kar dekh rahi thi. sardar besharmi se hasta hua bindu se kuch baat kar raha tha.

fir bindu ne ekdum se sardar ki kisi baat kar side me thuk dia. bindu bhi guse se kuch boli sardar se. sardar ko gusa aaya to wo bindu ki chutya pakad kar bindu ka sar upar utha kar bindu ki ankhon me ghoorta hua kuch bolne laga. is baar sardar unche swar me bola tha. hawa ke dosh par mujhe sardar ki awaz sunaai di.

sardar:- tujhse prem karna laga hon main. aisa vyachar mat kar mere sath, mera prem krodh me badal gaya to rond dalunga mai tujhe.

bindu bhi cheekhti hui boli:- mera apaharan karke tune bohut badi galati kardi kutte. mere kabile ke jayale pohnchte hi honge. fir dekhna kaise tere aur tere kutton ke tukde hawaon me bikharte han.

sardar bindu ki chutya chhod wahshi andaz me hasne laga:- hahaha.. tere kabile ke jayale.. hahaha.. hamare tukde udayenge. humen cheer phaad kar rakh denge. itni himmat kahan kisi me, bheem singh se takkar le sake. dekha nahi tha, kya haal kiya ha maine tere kabile ke jayalon ka.

bindu:- kayar ha tu kutte. narmardo ki tarah raat ke andhere me chhal se war karta ha. himmat thi to mere kabile ke jalalon ko lalkarta, ankhon me ankhen daal kar ladta. par kutte kabhi sher nahi bana karte, tu bhi keval kutta ha. tere sathi bhi kutte han.

sardar ko firse gusa aa gaya. bindu ko gira kar uske upar chadh gaya

sardar:- main mard hon ki namard, chahu to sabke saamne apni mardangi sabat kar sakta hon. par main karunga nahi. tujhe maan ha na apne kabile ke jayalon par. wo tujhe chhudane aate hi honge. dekh mere sathiyon ko dekh, dekh kaise wahshi han ye bhi. ek ek ke kai kai tukde karke rakh denge. wo to tere liye mujhe jaldi karni padi. nahi to kabile me kisi ko zinda nahi chhodne wala tha main. mera apmaan kiya tha tere kabile walun ne. shadi ka prastav hi to rakha tha maine. koi paap nahi kiya tha maine. bohut galt kiya tere kabile walun ne mera apmaan karke.. ek baar tujhe apni bana lun, fir unko bhi dekh lunga. bheem singh.. bheem singh naam ha mera..

bindu ab bhi usay ghoor hi rahi thi. aur mujhe bindu ki himmat kar garv ka ahsas hone laga tha. dushmano ke shikanje me bhi na to wo khaufzada hui thi, na hi uski himmat tooti thi. haan bebass thi, lachar thi, khud ke liye kuch kar nahi sakti thi. hath bhi bandhe the uske, warna wo kisi ek ke kabu me nahi aane wali thi. hamari tarah wo bhi junglee thi, apni raksha karna janti thi.

mai sardar ke vyavhar par khun ke ghoont peene par majbur tha. jaise wo bindu par chadh kar betha tha, mann to ho raha tha. abhi us haramzade ko lalkarta hua saamne ja pohnchu aur kaat kar rakh dun.. par bindu ki suraksha ke liye jahan itna sabar kiya tha. kuch intezar aur sahi. bindu ka ampaan ho raha tha. badla liye bina mujhe chain to milne wala tha nahi. apni ankhon se dekh kar kaise mai sahn kar pata. nadi ki tez thandi lahren mere andar ki aag ko thanda karne me nakam hone lagi. aur mai samay kaatne laga.

sardar uth khada hua aur kuch doori par bethe apne sathiyon ke paas ja pohncha. sab sardar ko dekh kar sammaniya khade ho gaye.. 30 se upar the wo.. baki mere hisab se 15 ke karib pahadi ki orr gaye hue the.

bass ek fire hona tha, fir aur main nadi ke pani se bahar hota. ek baar bindu surakshit ho jati to fir katle aam shuru ho jana tha. qahar ban kar toot padne ke liye bechain the hum sab.. aisi hi aag mere aur sabke dilon me dahak rahi thi.


samay beeta aur fir wo lamha aa gaya, jab bhuvan aur dusre kuch pahadi disha me pohche aur fire kar dia. fir to is orr se gaye hue jungliyon ne bhi pahadi ke upar se firing karni shuru kar di..

aisa karte hi sardar aur ke sathiyon me hulchal mach uthi.. mujhe isi pal ka intezar tha. bindu nadi ke karib thi, aur ye ek plus point tha. sab ka dhayan puri tarah se saamne pahadi ki orr ho gaya.. main nadi me kuch aur aaage badha. bindu se kuch 10 ft aage nadi kinare tak gaya.. aur fir bina koi aahat kiye hathu pairon par reengta hua bindu ke karib jaane laga..

sardar ke kahne par 10 junglee ghodo par bethe aur pahadi ki orr daud pade.. main bina deri ke bindu ke paas pohncha. bindu ne chand ki roshni me mujhe dekh lia tha. pahle to mujhe uski ankhon me herani dikhi. fir bepanah josh.. wo shayad kuch bolne wali thi. mai turant uske paas ja pohncha aur uske moh par hath rakh dia..

bindu nadi se 20 ft door thi.. bindu bhi moh par hath jaane se samjh gai. maine sardar aur uske sathiyon ki orr dekha aur fir bina kuch aur kiye ya soche bindu ko utha kar nadi ki aur bhaag khada hua..

mere bhagne ki awaz par sardar ne mud kar dekha aur cheekh pada

sardar:- pakdoooo.. jaaaaaaaaane naaaaa paaaaaaaaaaaaaye

zarur sardar ke kutto ne mujhe dekh liya tha. koi kuch kar pata, 20-25 ft ka fasla maine pal bhar me hi paat liya, aur nadi kinare pohnch kar bindu ko bahun me uthaye nadi me kood gaya.

apne peeche mujhe sardar ke cheekhne aur galiyan dene ki awazen sunaai di..

sardar:- nadi me koodo, mujhe wo dono kisi bhi haal me chahiye..

nadi ke tez bahav me main kuch hi shano me kahan se kahan ja pohcha. bindu ke hath badhe the. mai chahta to wahin khanjar se bindu ke hath kaat sakta tha. bindu ke liye aur mere liye asani ban sakti thi. par samay nahi tha, warna mai aisa zarur karta. ab nadi me kooda to bindu ko to koi pareshani nahi bani. han mujhe zarur hone lagi. mai keval pani ke bahav ke sath bah rah raha tha. khud ke hath nahi chala sakta tha. warna meri sabse door hone ki speed badh jati.

bindu:- karan mere hath kisi tarah khol do. main pani me tair sakti hon.

karan:- bass kuch door orr. aage amar maujud ha

amar ke naam par mujhe bindu ke dil dhadkan to nadi ke paani me badhi hui mahsus nahi hui. par uski saanse ke bigde ridham se maine jaan liya tha. amar ke naam par uske andar hulchal mach uthi thi.

bindu tadap kar:- kahan ha amar

maine piche mud kar dekha.. mere piche aane wale 30 ft peethe the. bindu unhe zinda salamat chahiye thi. nahi to piche se hi mujhse teer ya fir chaku, khanjar phenk kar war kar sakte the, mujhe ghayal kar sakte the.

kuch doori par mujhe amar dikhai dia.. wo tezi se hamari orr bhag raha tha. uske piche hi do sathi aur the. jo sardar ke sathiyon ki orr firing kar rahe the.. sardar ki or se aur jungle me chupe hamare sathiyon ki orr se firing hone lagi.

bindu amar ko dekh zor se cheekhi:- amarrr

amar:- aa gaya tumhara chahre wala meri jaaaaaaaaann

amar bhi pani me kood gaya.. mere piche aane wale sardar ke kutton ko amar ke sath ke dusre sathiyon ne goliyon se chhalni kar dia..

ab har side se hamare sathiyon ne sardar aur uske kutton ko goliyon par rakh lia tha. kuch nadi me mere piche the to kuch nadi ke bahar bhagte hue aa rahe the.

goliyan chali aur wo sab maare gaye..nadi wale to bahte hue jaane kahan nikal gaye. par bahar bhag rahe wahin gir pade..

amar mere paas pohncha aur binud ko pakad kar gale se laga liya

amar tadap kar bola:- bindu.. meri bindu.. tu mujhe wapis mil gayi.

bindu amar ko chumti hui:- mujhe vishwas tha amar, tum aur karan mujhe kuch nahi hone doge..

fir hum nadi se bahar nikak pade.. door sardar ki cheekhti hui awazen sunai de rahi thi..

karan:- amar tu bindu ki raksha kar. mai chala unke tukde karne.

amar:- nahi karan, mujhe us kutte ko apne hathu se kaatna ha. tukde tukde karne han mujhe haramzade ke.. meri bindu ka apaharan kiya ha usne. meri bindu ka.

amar ko ab main bhi nahi rok sakta tha. amar bindu ke surakshit ho jane ke bad ab kisi bhi hadh tak jane ko tayar tha.. bindu ke hath khole ja chuke the

bindu:- ek talvar mujhe bhi de amar.. mai haar singhar karke ghar me bethne wali ladki nahi hon. aur fir ab tum sab ho mere sath. darr pahle bhi nahi tha, ab to main tum sab sheron ki sathi ek sherni hon.

main aur amar has pade... fir bindu bhi hasne lagi.. bindu ko talvar de kar amar ne ek hath me kulhada pakad liya dusre hath me khanjar..

dushmano kaible walun ke paas bhi kuch guns thee.. aur dono orr se abhi tak guns se hi ladai chal rahi thi..

kuch der tak dono or se guns se ladai jaari rahi.. fir dono ke paas bullets khatam hone lagi.. bohut der tak jungle goliyon ke bhayankar shor se goonjta raha tha. door kahin khaufzada darindo aur pedo par chain ki nind sone wale panchhiyon ka shor bhi goonj raha tha.


hum sab talvaron aur kuladiyon se ek dusre ke aamne saamne aa gaye..

hum nahi jante the, sardar ke kitne sathi maare ja chuke han, kitne ghayal ho chuke han. hamare kitne sathi ghayal hue aur kitne jaan se gaye. hum bhi nahi jante the. haan itna jante the, jis disha me hum the, wahan hamara koi bhi sathi ghayal nahi hua tha. koi bhi mara nahi tha..

sardar ke paas jitne sathi the, unme ab 10 se bhi kam dikhai de rahe the. baki ke hum maar chuke the.. jo pahadi ki orr gaye the, unka kuch pata nahi tha.

idhar se goliyan chalni band hui to main, amar, bindu aur hamare sathi wahshiyana junglee naaare lagate hue sardar ki orr daud pade the. sardar buzdil tha ki nahi, par apni aisi shakist par wo pagal zarur ho gaya tha. apne kai sathiyon ke marne
par apna aapa kho betha tha, bindu ka hath se nikal jana uske pagalpan ko badha gaya. wo bhi ek hath me talvar aur dusre hath me dhaal liye hamari or cheekhta hua daud pada..

sath hi sardar ke kuch sathi bhi hamari orr badhe. is samay mukabla barabri ka tha. jitne sathi hamare the, utne hi sardar wali side the.

fir shuru hui asli junglee ladai. wahshat ki seema laangti ladai.. goliyon se jaanen gai thi. par aag nahi bujhi thi. ab khud ke hathu se ek dusre ko ghav dene lage to aag bujhi ki nahi, par piyas zarur bujhne lagi..

har waar kar har ghav par cheekhen goonj rahi thi.. sardar ke kahne par pahadi ki aur gaye wahshi bhi wapis aane lage..aur jungle ki orr se hamare sathi bhi cheekhte hue naare lagate hue daud pade.


bindu aur amar ek sath sardar ki orr lapak pade. main apne saamne aane wale ki or bhaaga, aur us tak pohnchne se pahle hi apna khanjar nikal kar uske chahre ka nishana lekar phenk dia.. mera khanjar seedha uske baahen gaal me ghus gayaa. wo cheekhta hua gir pada.. aur tadapne laga.. maine dusra khanjar nikala aur ek dusre wahshi ka nishana le phenk dia. wo apne sathi ka haal dekh chuka tha. wo jhat se niche betha aur mera khanjar uske upar se guzarta chala gaya.

fir bhi wo khud ko na bacha saka. khanjar se bachne ke liye niche jhuka to main us tak pohnch gaya. fir meri talvar uspar baras padi.. usne bade hi mahirana andaz me apni talvar aage kar dia. chingari si phoot padi dono talvaron ke ek dusre se takra jane se.. wo furtila tha, mai adha junglee to wo pura junglee tha. jaldi hi ek zordar war mujhpar karta hua uth khada hua. maine bhi uska war apni talvar par roka.. fir hum dono ek dusre par war karne lage.. lohe se loha takra raha tha. awaz ki goonj dusri kai talvaron ke sath mix hokar dhun me badal rahi thi.

fir mere ek war ki taab na laa paya wo.. meri talvar uski talvar se uchatti hui uske kandhe ko ghayal kar gayi. wo pal bhar ke liye dheela pada. usi pal ka maine fayda uthaya aur ek akhri zordar war uski gardan par kar dia.. war sahi se uski gardan par pada aur uski gardan uske dhad se alag ho kar door ja giri.

maine aas paas dekha to sardar amar aur bindu dono se ek sath lad raha tha. saala chiritr me ghatiya tha. warna dekhne me asli junglee soorma dikhai de raha tha. bindu aur amar dono se barabar lad raha tha. fir maine dusron ko dekha, to mere sathi yahan ke sabhi ko maar chuke the. pahadi ki orr se wapis aane wale 200 meter door mere jungle wale dosto se bhide hue the..

karan:- tum sab udhar jaaao..

maine jungle wale sathion ki aur ishara kar dia. sab daud pade. main amar aur bindu ki orr badha. paas gaya to amar cheekh pada

amar:- nahi karan tum beech me nahi aaoge

sardar wahshat se cheekh pada:- aa jaao tum bhi aa jaao, kutte ke pille.. jo bhi aaayega uska aaj main keema bana dunga.

maine dhayan se dekha tha. sardar ke kai ghav aa chuke the. bindu ke baahen bazo se khun bah raha tha. amar ki peeth se khun bah raha tha..

mere honto par muskan aa gai.. main janta tha, jungliyon ka khun bahe to dard ho na ho, unka wahshipan ubhar aata ha. bindu bhi ab nazuk si ladki dikhai nahi de rahi thi. amar ka bharpur sath dete hue sardar se lad rahi thi..

amar:- dekha kutte tune. meri bindu ek sherni ha. tu ne chhal se ise uthaya tha. warna dekh tere mukable ki ha. aaj yahi teri jaan le gi. tere tukde tukde karegi.

sardar junglee andaz me hasa:- sherni ha, tabhi to mujhe pasand aai thi.

bindu:- fir to teri aarti utarni padegi

talvar bhi chal rahi thi shabdo ki aag bhi baras rahi thi.

amar:- hahaha.. iski aarti utaregi bindu

bindu maze leti hui:- maine to kuch aur bhi soch rakha ha amar

amar:- kyaaaaa..

bindu:- iska sar kaat kar roz iske mathe par tilak lagaya karungi
'
mai bhi zor se has pada:- hahaha

sardar is baar guse me aaya aur ek zor ka war bindu par kar dia.. lekin taang par.. bindu turant piche ho gai... sardar ke mann me ab bhi kahin na kahin ye tha, wo bindu ko paa sakega. isliye bindu ki jaan lene wale war nahi kar raha tha. bindu ab uski zidd bhi ban chuki thi.. sardar marta mar jata, par apni zid se baaz nahi aane wala tha..

kuch der aur teeno apas me ladte rahe. is beech main door bhi nazar dauda liya karta tha. fir mujhe bhuvan aur dusre sathi pahadi ki orr se aate hue dikhaai diye..
dekh kar main khush ho gaya..

karan:- amar ab keval ye sardar hi bacha ha. baki sab maare ja chuke han..

meri is baat par sardar achambit hua.. uske itne sathi kaise mar sakte han.wo abhi tak kisi par dhayan diye bina hi amar aur bindu se lad raha tha. uchhal kar khud ko bacha bhi raha tha zor se hath chala kar talvar ke war bhi kar raha tha. kabhi dhaal aage karke khud ko bacha raha tha.. ab jo suna uska koi bhi sathi zinda nahi ha to pal bhar ko wo achambit hua. ladai me galati ki gunjayesh hi kahan hoti ha. ek lamhe ki chook aur gardan dhad se alag..

sardar ke sath bhi aisa hi hua.. bindu ki talvar seedhi sardar ke kamar me utar gai.. amar ke war ne sardar ki gardan kaat daali..

khuni ladai tham chuki thi. jungle ke wahshiyon ne dusre junglee wahshiyon ko cheer phaad dala tha..


bindu talvar zameen par tek kar talvar ki muth wali side sar tika kar lambi lambi saanse le rahi thi.. amar bhi uske sath betha lambi lambi saanse le raha tha..

karan:- kyu thak gaye tum dono

mai hasta hua bola

amar:- saala badi hi kutti cheez tha.. thaka maara isne to.. mai akela hota to shayad ise na hara sakta.

bindu:- ab bhi hum do kahan han amar. hum dono milke ek hue naa..

bindu ne talvar gira di.. amar ne bhi aisa hi kiya. ab dono premiyon ko khul kar milne ka moka mila to dono tadap kar ek dusre se lipat gaye. amar bindu ko khud me bhench raha tha. bindu ab sisakne lagi thi.

bindu:- amar mujhe ek baar to laga tha, mai tumse hamesha ke liye door ho gayi.

amar;- mujhe bhi aisa hi laga tha, jaise meri saanse mujhse door ja rahe hon.

bindu:- amar mere preetam

amar;- bindu meri jaan

mai dono ko niharne laga.. fir apne dusre sathiyon ki or dekha to wahan jung khatam ho chuki thi. sab idhar hi aa rahe the.. sab thak chuke the. kisi ne do din se dhang se khana bhi nahi khaya tha. aise me aisi ladai ladte hue sab thak chuke the..

sab paas aaye to maine dekha, kaiyon ke kai kai ghav the. khun hi khun tha sabke shariron par..

karan:- tum sab ghayal ho gaye

khurpa singh hasta hua:- are ye ghav nahi han karan.. are ye to singhar ha hamara.. kyu dosto..

sab haste hue khurpa singh ke jaise wahshi andaz me hasne lage.

bhuvan apne ek bazu se khun dusre hath se saaf karta hua bola:- khun apna bahe ya dushman ka, anand milta ha. in junglon, in pahadon, in vadiyon ne humen bhi pathar bana dia ha karan. aise ghav to hamare liye kuch bhi nahi. ye bhi humne haste haste apne shariron par sahn kiye han..

fir amar aur bindu ko dekhta hua bola:- badhai ho amar, bindu tum dono ko. bhagwan ne tum dono ki jodi salamat rakhi.

dono alag hue, dono khade hue:- tum sab ko bhi badhai ho. bindu meri hone wali lugai ha, meri izzat ha to tum sabki bhi izzat ha. aise me badhai ke hakdar tum sab bhi ho. sunao udhar sabse zayada khun kisne bahaya.

sab khurpa singh ko dekhne laga.. aur khurpa singh zor zor se hasne laga

khurpa singh:- is baar ki fateh mere hisse me aayi ha. mere na chahte hue bhi

sab jeet ke nashe se choor the. sab zor zor se hasne lage..

mai bhi hasta hua sabko dekhne laga.. fir bola:- sathiyon humen sabke sar kaat kar sath le jane han. maine baba se waada kiya ha. bindu ke sath sath in sab ke sar bhi kaat kar laaonga..

ek bola:- ye bhi koi kahne ki baat ha. wahan ke to sab sar humne kaat daale. bas idhar ke rahte han..

dusra bola:- pahle kuch der aram kar len. raat to ab idhar hi guzarni padegi. subah hi nikal sakenge wapis kabile ki orr..

sabne ittefaq kiya aur wahi dera daal gaye..

amar aur bindu kuch door nadi kinare beth kar ek dusre ke zakham dhone lage. sath me baten aur hasi mazak bhi karne lage. main sab ko dekhta hua nadi kinare tahalne laga. sabke jaisa mai bhi khush tha.. meri zindagi ka pahla maarka tha. jisme sabke sath sath mujhe bhi safalta mili thi. khun to zayada mai nah baha saka tha. par mai sabse badhkar khush tha. maine bindu ko bacha liya tha. aur mere hisab se jaan lene se kisi apne ki jaan bacha lena badi baat hoti ha.

aise hi main nadi kinare tahalta hua is hui ghatna baare vichar karne laga.. fir mere khayalat ka rukh khud se hi ghar ki orr mud gaya. mujhe ghar walun se door hue 6 saal se upar ho gaye the. ab mai is layak ho gaya tha. mai ghar laut sakun. mujhe lautna bhi chahiye tha. mere chahne wale mere liye kitne chintit honge.

sabki chinta aur pyar baare socha to dil me dard sa uthne laga. mann hone laga, abhi ke abhi ghar ke liye nikal padon. ek ek ki bohut yaad aane lagi thi. dada, dadi, divya didi, bua aur fufa, sab ki bohut yaad satane lagi. fir mujhe dada par hue hamle ka yaad aaya. dushmani ke chalte dada ji ka mujhse milna bhi band ho gaya tha.
pahle pyar ke kaaran dil me dard utha, ab dushmani ka yaad aaya to firse dil me aag dahakne lagi..

mai khayalon me bahta kuch zayada hi door nikal aaya tha. mai wahan ja pohncha, jahan sardar ke sathi nadi kinare amar aur uske sathiyon ki goliyon ka nishana bane the.. unki lashen wahi padi thi..

fir mere kaano me door se awaz sunaai padi.. jaise koi cheekh raha ho. main khayalon se bahar aaya aur mud kar dekhne laga.. mere kai sathi cheekhte hue, kuch bolte hue meri or bhaag rahe the. main unhe aise cheekhte, bhagte dekh heran hua. mai samjh nahi paya, wo kya kah rahe han. fir mujhe apne piche sarsarahat si sunai di.. maine mud kar dekha.. to.. oooohhh mujhe der ho chuki thi.

sardar ke sathiyon me se koi mara nahi tha. wo mushkil se hi sahi, par uth kar dhire dhire chalta hua meri orr badh raha tha. pahle mai jaan hi nahi saka tha. ab dhayan dia to mujhe der ho chuki thi. wo mere paas pohnch chuka tha. main nadi kinare tha, wo ekdum se mere paas pohnch kar mere gird apne dono bazo lapete puri takak se kass gaya.. sath hi wo nadi me bhi mujhe leta hua kood gaya..

chhappakk ki awaz ke sath main aur wo nadi ke tez bahav wale paani me jaa gire. uski shayad antim saanse chal rahi thi. badi dheet mitti ka bana hua tha wo saala. itni shiddat se usne apne bazo mere gird lapete the, mai pani me niche bahta hua puri takat laga kar uske bazuon ki kasawat door karne laga. par mujhe badi mushkil hone lagi. wo shayad sach me mar chuka tha. ya behosh ho chuka tha. hum dono pani ke niche the, aur pani bohut hi speed ke sath humen sabse door liye ja raha tha. mere liye khuli fiza me saans lena zaruri ho gaya. par ye mere liye mushkil kaam sabat hone laga. main deewanawar apne dono hathu se uske bazo kholne laga.

par shayad aaj meri zindagi ka ant tha. isi liye mai is disha me aaya tha. shayad isi liye sardar ka ye sathi marne se bach gaya tha. shayad isi liye bhi main yahan pohnch kar gayab dimag ho gaya tha. ghar baare sochte hue sab dhayan rakhna bhul gaya tha. maut jab aati ha to aise hi insan apni sudh budh kho deta ha. mai bhi kho betha tha. apni orr dhire dhire badh rahi maut se anjaan tha.. apni wahi maut mujhe nadi me le aai thi. meri saanse nadi ke gande pani me khatam karne ja rahi thi.

dhire dhire mera zor tootne laga. uski pakad aisi thi, mere liye mushkil hone lagi. mujhe meri maut ka yakin hone laga. ab tak maut ka kai baar saamna kar chuka tha main. par aisi maut ka saamna mai pahli baar kar raha tha. pahle kabhi bhi mai bebas nahi hua tha. yahan mai puri tarah se bebas hota ja raha tha. saaans lena mere liye do bhar hota ja raha tha. aisa hi rahta to kuch hi seconds me nadi ka ganda mela mitti wala mere moh aur nak ke raste mere lungs me hota. aur thakur karan singh jo kabile me zindagi paane ke liye aaya tha, apne parivar ka pyar paane ke layak banne aaya tha, uski zindagi ka khatma ho jata.

dhire dhire mujhpar maut ki dahshat sawar hone lagi. main bohut zayada ghabrane laga.. ji jaan se wahshi jungle ke bazuon ko apne gird se hatane laga.. ek baar paani ki ek tez lehar me hum dono ko pure zor se upar uchhala. ek pal ke liye, sirf ek pal ke liye main pani se bahar aaya. par meri badkismati main khuli hawa me saans fir bhi nahi le paya. mujhe meri zindagi khatam hoti hui dikhaai dene lagi. ab tak ankhon me bhi ganda pani utar chuka tha.

aahhh aisi maut bhi mera mukadar banegi maine socha nahi tha. bheem singh ke wahshi dardino se bila khaufo khatar ladne wala thakur karan singh kya aisi hi bebasi ki maut maara jayega..

nahi.. nahi.. main aise to nahi mar sakta.. aur fir main marunga hi kyu.. abhi to meri zindagi ka laksh bhi shuru nahi hua tha. abhi to mujhe bohut se kaam karne the. apne parivar ka pyar pana tha. unhe batana tha, jise wo khota sikka samjh rahe han. asal me wahi to unka sab keemati sikka ha. anmol heera ha, jiski keemat dunya bhar me koi nahi laga sakta.. aur fir divya didi.. aahhh divya didi, unka to mere siva koi bhai bhi nahi tha.. mere bina wo kaise ji payenge..

fir divya didi, dada ji, dadi ji, bua aur fufa ke sath bitaye pyar bhare lamhe kisi film ki tarah ek hi pal me meri ankhon me saamne lahrane lage. mujhe dada ji ke sath kiya hua waada yaad aaya. mujhe ek soorma bankar lautna tha, aisa waada kiya tha maine dada ji se... ye waada aya to jaise meri tooti himmat ko nayi takat milne lagi.

kahte han, jab insan ki sari takat khatam ho jati ha to uske andar hi chhupi hui takat jagne lagti ha. sabke pyar bhare lamhon ki yaadon ne mere andar ki chhupi hui takat ko jaga dia.. aur maine us marda wahshi ke dono hathu ko kass ke pakda aur puri takat laga kar ek jhatke maar dia.. shukar ha uske dono hath mere badan se alag ho gaye.

mai turant paani ke upar aya aur khuli hawa me lambi lambi saanse lene laga.. wahshi sach me hi mar chuka tha. meri tarah wo bhi paani ke andar bohut der tak raha tha. ab tak meri jharne par ki gai practice ne mujhe bachaye rakha tha. warna mai aam karan singh hota to kabka mar chuka hota.

nadi ke tez lahron par tairta hua mai lambi lambi saanse lene laga. nahi janta tha, ab tak mai apne sathiyon se kitni door ja chuka hon. mera irada tha, saanse bahal karne ke baad main nadi kinare pohch kar nadi se bahar nikal jaaonga.

par afsos, niyati mere sath jaane kaisa khel khelne wali thi. ek tez lahar ne mujhe firse uchhal dia. mai jo apni saanso ke bigde talatum ko control karne me laga hua tan. khud ko sambhal nahi saka aur us lahar ke sath firse tezi se niche paani me ghote khane laga.. is baar meri adhi takat bahaal ho chuki thi. mere hath bhi tairaki ke liye machal rahe the.

mai apne hathu ko istemal kar pata. usse pahle hi nadi ke niche pade ek patthar se mera sar badi zor se takraya.. pani ke andar hi meri ankhon ke saamne taare se nachne lage..

mere liye khud ko sambhal pana mushkil hone laga..fir bhi mai khud ko sambhalne ki koshish me lag gaya. ab mere dimag me koi baat thi to yahi ki mujhe jald se jald nadi se bahar nikalna ha. maine jaan liya tha aaage ka nadi ka rasta chatani rasta ha. aise hi ek aur pathar se mai takra gaya to mera sar paash paash ho jana tha.

parr.... haaaaaaaaayeeeee afsos jo socha nahi tha, wo ho gaya. saans puri tarah bahal nahi ho saki thi. ek baar firse mera sar kisi pathar se takra gaya. is baar ki takkar pahle wali takkar se badhkar thi.

pahle ankhon ke aage taare nachne lage the. is baar ankhon ke aage andhera chhane laga. nadi kinare pohch pane ki meri aarzu, hasrat bankar rah gayi.. fir mai hosh me nahi rah saka.. nadi ki shor machati ek dusre se bartari le jati lahren mujhe apne daman me chhupaye mujhe mere sathiyon se mbohut door lejane lagi.

jaane mera ye safar isi dunya me khatam hone tha ya fir meri ankh kisi aur hi dunya me khulne wali thi.. ye sochne ke liye mera dimag kisi kaam ka nahi raha tha... nadi ki tez lahren bindu aur mere sathiyon ki ankhon me aaye ansuon ki parwa kiye bina mere behosh sharir ko liye badi speed se aage kisi anjani manzil ki or badh rahi thi..

 

[Amresh Puri]

Update

shukriya

 

[Amresh Puri]

Nice and superb update.....

shukriya

 

[Amresh Puri]

Waiting bro

LOV mis bro update post kar dia ha

 

[Amresh Puri]

Mast update h bhai...

dhanyavad

 

[Amresh Puri]

Nice update....

dhanyavad

 

[Amresh Puri]

Super update waiting for next..

dhanyavad