Daredevil420
Member
- 257
- 632
- 109
Naya ranajan mil gaya..Update-68
Year ~ 2001
Aaj Ved school nahi aaya tha, isliye chhutti ke baad main akele hee school se nikla... Aur us ghar ke saamne ruka jaha aksar school se ghar laut-te waqt main un dino ruka karta tha... Maine zameen se patthar uthaya aur nishana lagakar patthar uchhal diya...
"Ved toh ek baar me maar leta hai... Mujhe teen-chaar baar patthar fekna padta hai.. Jabki 100 meter ki race me do -do baar use haraya hoon... Lagta hai Ved ka nishana mujhse jyada sahi hai."jab pahla patthar nishane par nahi laga toh zameen se dusara patthar uthate hue maine socha...
"Kya kar raha hai... Tu yaha..."
Jaise hee ye aawaz mere kaano me padi main jhuke jhuke hee kaanp utha ki kahi meri chori pakdi toh nahi gayi... Yadi isne pakad liya toh pakad ke bahut maarega... Isliye, Aawaz sunte hee meri nas -nas me dar is kadar baitha ki pant me hee mera moot nikal gaya.. Halka sa.... Halka sa matlab.. Do-teen boond.. Jyada nahi. Jyada bhi nikal jaata yadi school se nikalte waqt main bathroom me urine donation nahi kiya hota toh..., warna aaj toh pura pant gila hona pakka tha... Par ab kya karu....?? Isne toh pakad liya...
.
"Ek kaam karta hoon... Yahi patthar sidhe iski aankh me de maarunga aur fir bhag jaunga..."sohte hue dheere -dheere dar ke aagosh me doobte hue main upar uthne laga aur jab pura khada hokar aawaz maarne waale ko dekha toh.....
"Tu... Kya kar raha hai... Yaha..."usne fir se kaha
Saamne mere jitna hee bada ek ladka khada tha, uski dress bhi mere dress ki tarah thi... Yaani ye hoo naa ho mere school ka hee ladka hai... Par isko kabhi dekha nahi...??? Shayad section alag hoga aur alag area me rahta hoga....
"Atharva... Naam hai tera..?."mujhe ghupp shant khada dekh us ladke ne mujhse fir se sawal kiya
"Tu mujhe kaise jaanta hai...?? Kahi tune hee toh kal mera naya wala pen aur copy nahi churaya..?? Waise mera pahla shaq abhi bhi Ved par hai.."
Mere itna bolte hee wo hasne laga aur apna hath aur aage meri taraf badhate hue kaha...
"Tu topper hai class kaa.. Tujhe kaise nahi jaanunga.. Aur humari class bhi same hai, bas section alag hai... Par tu yaha kar kya raha hai..??"
"Abhi batata hoon.. Mera Matlab..... dikhata hoon.." Kahte hue maine zameen se ek aur patthar uthaya aur jor se sadak ke us paar bane cement sheet ki chhat wale ghar ki oor feka...
Abki baar patthar bada bhi tha aur mera nishana bhi sateek tha. Patthar sidhe jaakar cement ki sheet se takraya aur jordar aawaz hui... Aawaz hote hee pahle main bhaga aur fir mere peechhe -peechhe wo ladka....
"Hum bhag kyun rahe hai.."bhagte hue hee usne mujhse pucha...
"Ye bhi puchhne ki baat hai... Kya teri Mommy ne tujhe nahi bataga ye sab ki... Ki dusro ke ghar ki doorbell baja ke yaa patthar fek ke bhagna buri baat hai..?"
"Nahi.. Meri maa bahut pahle gujar chuki hai.. Jab main chhota tha. Toh kya mummy log ye sab bhi sikhati hai...??"
"Mommy Sab kuch sikhati hai... Sone se pahle pisab karne se lekar padhayi tak.. Sab kuch... Teri Mommy nahi hai naa.. Isliye tujhe nahi pata... "
"Waise mera naam Chitranjan hai... "Bhagte hue hee usne ek baar fir se apna hath meri taraf badhaya..
"Main Atharva Singh Bhattacharya" finally usse hath milate hue maine kaha " aur Chitranjan bada odd sa lagta hai.. Ranjan rakh le apna naam... Ekdum satak se muh se nikalta hai..
Okii.. "
"Okiii..."
Ye pahla mauka tha jab main Ranjan se mila tha aur baat karu last time ki toh....????
“chup.. gali-wali mat dena… mammi-papa yahi hai…”khidki kholte hee Maine dheere se Ved ko bola…
“Ranjan kaaaaa.... kisi ne.... gala..... kaat diya Kal raat….”
Aksar kayi baar hamare saamne aisi situation aati hai jab humara dimag ekdum achanak se shunya ho jaata hai, kuch pal ke liye kuch bhi sochne aur samajhne ki shakti maano khatm si ho jaati hai... Is samay mere sath bhi yahi ho raha tha... Matlab behanchod ek pal ko main samjha hee nahi ki maine kya suna... Ye Ranjan kaun hai, ye gale ka katna kya hota hai, saamne khada ladka kaun hai... Main khud kaun hoon...? Mere kaano me toh sirf chand shabd pade jinhe sunkar mujhe aisa prateet hua maano kisi ne bijli ke taar mere dono kaan me ghusa kar jordar jhatka diya ho.. Main andar hee andar upar se lekar neeche tak hil gaya.. Lekin baahar se ekdum shant aise khada tha..maano koyi murti ho.
Wo shabd sunte hee main Ved ko ektak niharne laga... bina kuch bole, bina kuch mahsoos kiye. bahut der tak main bina palak jhapkaye sirf Ved ko dekhta raha… dekh toh main Ved ko raha tha par mera dimag mujhe Ved nahi dikha raha tha aur na hee uske peechhe ka mere ghar ki boundary… meri chetna is samay shayad antheen chetnao me lupt ho gayi thi … mujhe kuch bhi dikhayi nahi de raha tha… jaise hee wo shabd mere kaano me pade, mere dimag ne jaise baahri duniya se pura naata hee tod diya, kuch pal ke liye… na toh mujhe baahri duniya ka kuch dikhayi de raha tha aur na hee kuch sunayi de raha tha…. jabki kitchen me cooker ki seeti baj rahi thi, jiska abhas mujhe baad me hua….
Mujhe is samay sirf do chize mahsoor ho rahi thi… ek toh jab main saans leta aur jab saans chhodta…. Saans lene ke baad sharir ke andar kaun-kaun se ang kya-kya kaam karte hai, mujhe wo sab mahsoos ho raha tha…. mujhe sabki halki-halki aawaz sunayi de rahi thi…. Ya fir mera dimag ye imagine kar raha tha...? Main bahut der tak aise hee raha aur jab Ved ne mujhe bike me sath chalne ke liye kaha toh main boot banker uski aagya ka palan karte hue apne ghar se nikla… chalne par mere sharir ke har ek nash ke movement tak ka abhash mujhe is waqt ho raha tha…. main aise hee chalte gaya aur aise hee bina kuch bole , Ved ke peechhe uski bike par baith gaya…. Kuch door chalne ke baad meri indriya jab wapas apne-apne vazood me aane lagi tab mujhe samajh aaane laga ki Ved ne kya kaha hai aur iska kya matlab hai… aur kyun mere mobile me subah itne missed call the aur kyun Ved ke horn maarte hee mere mammi-papa achanak mere kamre me aa gaye the…. Lekin ab bhi main puri tarah se samanya avastha me nahi aa paaya tha… isliye mere dimag ke kuch taar ab bhi hile hue the…
Main shant Ved ke peechhe uski bike me dono hath baandhkar baitha hua tha kyunki mujhe samajh nahi aa raha tha ki is situation me shaant baithne ke aalawa main kya karu…? Kya sochu…? Kya mahsoos karu…? Main bas jaldi se jaldi waha pahuchna chahta tha … kyunki aisa ho hee nahi sakta hai… aise achanak kaise kuch ho sakta hai…? Pakka daru peekar koyi normal accident ya maar-peet hui hogi thabe me aur ye chutiye duniyawale bol rahe hai ki Ranjan mar gaya. Mujhe us samay apni us baat par pakka yakin tha aur beet-te samay ke sath mera yakin aur pakka hota jata… Ved kuch bol bhi nahi raha tha, jis-se mujhe ahsaas hua ki shayad der raat tak jaagne ki vazah se ya kam sone ki vazah se mera dimag mera sath chhod diya hai aur maine galti se galat sun liya hai… mujhe ispar ab aur bhi jyada yakin ho gaya tha ki maine hee galat suna hai, isliye main roya tak nahi, aansu ki ek boond tak meri aankho se nahi giri. Ek shabd main aksar suna karta tha , Deniel … jiska perfect matlab mujhe us din samajh aaya... Kyunki main us waqt khud deniel ki condition me tha aur aaj bhi hoon... Mujhe yahi lagta hai ki aaj jab bike main Ranjan ke dhabe ke baahar khadi karunga toh khushi -khushi Ranjan apne dhabe se nikal kar humara swagat karega... Fir hum teeno milke AVR Group ke school days ko daru peete hue yaad karenge... Par sach ye nahi tha... Aur naa hee us din ki meri soch,jab main Ved ke peechhe hath baandhe bike me baitha hua tha... Jiska andaza mujhe tab hua,jab main Ranjan ke dhabe ke paas pahucha…
Waha bahut bheed thi. Is waqt waha itne log the ki un sabko control karne ke liye police ki do van khadi hui thi. Jis kaaran humne bike Ranjan ke dhabe se bahut door khadi kar di... Taaki nikalte samay koyi dikkat naa ho aur fir bike se utarkar bina ek-dusare se kuch bole… jidhar bheed jyada hote ja rahi thi us taraf chal pade… yani Ranjan ke dhabe ki taraf… kuch dhakka-mukki bhi hui, lekin mujhe kuch mahsoos nahi hua , mujhe us samay aise laga jaise doctor log chira-fadi karne se pahle dard naa ho iske liye jo dawai humari chamdi par thopte hai… bas wahi mere pure sharir me pot di gayi ho… waha itni dhakka mukki ho rahi thi lekin fir bhi mujhe kuch feel hee nahi ho raha tha.. main bas dhakke me kabhi idhar feka jata toh kabhi udhar aur fir thodi der baad dhabe ki oor badhne lagta….
Aur fir wo waqt bhi aaya... Jab finally main waha pahucha , jaha thabe ke saamne thoda dahini oor jaha sab log khana khane ke bad hath -muh dhote the… waha do log audhe pade hue the… gardan un dono ki kati hui thi bas fark itna tha ki ek ki gardan peechhe wali chamdi se halki judi hui thi aur dusare ka sirf waha dhad tha… us dhad ka sar waha se thodi door tha, jise police wale usi waqt ek safed colour ki badi si polythene me bhar rahe the… wo dono dead body khoon me sani hui thi aur sath me us zameen ke kuch hisse bhi jaha dono dead bodies padi hui thi. Chehra pahchan-ne ke liye maine apne dimag par jor dala tab meri nazar zameen me kuch spots pe jame hue khoon par padi aur waha ab goo khane wali, madarchod makkhiya bhinbhina rahi hai. Mera vash chalta toh Ranjan ka khoon chusne wali ek -ek makkhi ka gala ghot kar maar deta.
Dhabe ki chhat par aur aasman me badsurat kauuo ka jhund bhi mauzood tha jo bhosdiwale is firak me the ki kab hum log waha se jaye aur unhe unka bhojan-paani mil sake… mera vash chalta toh madarchodo ko dono hath se pakad kar pankh faad deta.... Par main waha stabdh khada yahi soch raha tha ki in dono me se Ranjan ki body kaun si hai… aur ye dusara vyakti kaun hai… jiski height wagerah sab Ranjan ki tarah hai…
“y..ye…dusara ka..kau..kaun…”main haklaya
“ek thabe ka malik hai aur dusra usi ka launda… ”waha mauzood logo me se kisi ek ne mere sawal ka jawab diya
Ye sunte hee main apne hatho se apna sir dabane laga, jor -jor se apna matha malne laga aur khud ko insane hone se bachane ke liye insanely beech-beech me apne sar ke baal ko bhi noch raha tha taki mera dimag fir se shunn na pade… use aabhas hote rahe uske wazood ka… mere wazood ka. Pahle toh un do bodies ko dekhkar main nahi jan paaya ki unme se Ranjan ki body kaun si hai aur Ranjan ke baap ki body kaun si hai, par jab maine thoda gaur se un dono bodies ko aur dekha tab pata chala ki Ranjan ki body wo thi jiska sar uske dhad se ekdum alag thodi door pada hua tha aur police walo ne abhi-abhi polythene me bhara tha aur Ranjan ke papa ka sar, gardan ki halki si chamdi ke dhad se jude rahne ke kaaran ab bhi wahi tha… par unka sar pura 360° ghuma hua tha… baki puri tarah sar kaatne ki koshish uske baap ki bhi ki gayi thi, par kisi karan vash unka sar puri tarah kata nahi tha. main aur Ved waha tab tak rahe jab tak ki unki body waha padi rahi aur fir jab ambulance me bharkar unki body ko hospital le jaya gaya toh hum dono bhi ambulance ke peechhe-peechhe hospital pahuche… Ranjan ke dhabe ke paas bheed jyada thi, par area kafi khula hua tha , isliye police aasani se bheed ko control kar le rahi thi lekin hospital me bheed ko control karne me police ko problem hone lagi...
Kyunki hospital pahuchne tak lagbhag school ke sabhi ghar me ye khabar pahuch gayi thi aur lagbhag sabhi students dheere-dheere hospital pahuch rahe the… kuch ke toh maa-baap bhi waha apne launde-laundiyo ke sath mauzood the… jinme se main bhi ek tha… mere bhi papa hospital aa gaye the… shayad mujhe lene ke liye aur baad me jab unhone mujhe ghar chalne ke liye kaha toh confirm ho gaya ki wo mujhe lene ke liye hee aaye the. Hospital ke bahar students ki itni bheed dekhkar ek pal ke liye maine socha ki…… madarchodo, tum sabki maa ka bhosda... ab yaha kya maa chudane aaye ho… jab tak zinda tha wo, betichodo kisi ne seedhe muh baat tak nahi ki us-se… tum sabki maa ka bhosda maaru, mahtarichodo…. Lawde me gaya land of white tiger... Sab bakchod log hai, is shehar me.... Yadi main kal Riya se milne gaya hota toh laut-te waqt jaroor Ranjan ke dhabe pe jaata aur shayad ye sab hota hee nahi..... Shayad......?
P.S. Interceptor chalane ke dauran jaha bhi Atharva & Ved ne Ranjan ki baat ki hai, waha sirf uske dhabe ka jikra hua hoga... Naa ki khud Ranjan ka ki... Wo jinda hai etc.etc. aur Atharva ke interceptor kharidne ki vazah bhi yahi hai kyunki wo bullet Ranjan ki fav. Thi
.
.
Race lagana aur nishana lagana alag alag baat hai, bhale hi ved ka nishana aacha ho but woh atharva se tej bhag nahi sakta ,
Ranjan aur uske baap ko kon behrahmi se mara hai , aage patah chalega...
.. 
tabhi to maza aaye read karne mein 
poster
