Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[Black water]

Update:-105​

Video pura complete hone ke baad Sabaiyya ne bolna shuru kiya….


"Aisa nahi ki shashan jo bolti hai wo matr ek kahani hoti hai. Jab tak humare pass pukhta saboot nahi hote tab tak hum kisi ko katghare me lekar nahi aate. Main ek shashak hun lekin uss se pahle ye dono mere pariwar ke log hain. Main apne pita se jyada in dono ko chahta tha, isliye inko apne gunaah kabool karne ka ek mauka diya tha, lekin inke satta ki lalach aur bukh itni thi ki mujh'par hi ilzam laga chuke the."


"Ek badjaat Viggo ko maine apna pariwar mana. Usne prithvi par jakar ek giri hui ladki ko apni jodi banaya, uski badtamiji sahi. Aap sab ne ab tak dekha kaise katl karne ke baad bhi sabhapatiyon ko unhone apmanit kiya. Humare nyay ke tarikon par sawal uthya. Serin meri complete blood hui to kya hua, isse bhi wahi saja milegi jo in dono badjaat ko mili hai. Sabha ka faisla aa chuka hai.. Serin ko abhi mirtu ki saja di jati hai.."


"Achha drink pilaya tha Parchhe, pi kar maza aa gaya. Jin-jin logon ne Serin ko marne ke liye hathiyar thaam rakhe hain, wo abhi apne hathiyar niche kar le. Sabha samapt nahi hui aur na hi iss Parchhe ke diye zahar se main mara hun"… Nischal apni aakhen kholte huye kahne laga.. itne me Jivisha bhi uth'kar khadi ho gayi…


Lekin tab'tak Suko ne humla ka ishara de diya… sabhi log humla karne ke liye taiyar hi the ki Nischal apni purani gati se bhi 2 guni jyada gati se daur laga chuka tha… aur wahan jo najar aa raha tha wo kewal uddte log aur unka kata hua badan tha, jo ek sath hawa me gaya aur jabtak wo niche aaya tab'tak Nischal apni jagah par aa kar baith chuka tha..


Serin usse ek thappad lagati… "Kaminey tere hath paun kaam kar rahe the, hume bataya nahi"..


Jivihsa, apni aankhen dikhati…. "Computer ji iss nalayak ko tang do upar"..


Jivisha ne jaise hi command diya Nischal hawa me, lekin akle hi pal wo Gulati khakar niche tha… "Main jab Jaal mahal me tha tab medical section me maine wo Mittoso ke device se jo patthar nikala tha usse process karke maine kisi ke brain cell ko apne brain cell se replace kar liya."


Serin aur Jivisha badi si aakhen kiye…. Kise apahij bana'kar khud chalne lag gaye…


Nischal:- Taza taza koi mara tha, ussi ke jinda brain cell use kiya. Ab tum dono thehar jao jarra… abhi to dimag me kuch aur hi chal raha hai. Aaram se baitho jarra.


Un dono ko aaram se bitha'kar Nischal tej aawaz me kahne laga...... "Jise apni jaan pyari na ho wo yahan se jane ki kosis kar sakta hai.. Sabha abhi samapt nahi hui hai."


Nischal ki baton ne aisa khauff ka mahol paida kiya ki har koi tharra chuka tha. Apni baat kah'kar wo teji ke sath daud laga diya aur bhid se 20 hunter ko samet'kar late huye… "Bahut bada hunter hai na tu… ab batayega ki tum log iss sabha me kya kar rahe ho"..


Nischal ke aakhon ko dekh'kar hi sabke shwans atak gaye. Hunter ke mukhiya ghigyayi si awaj me kahne laga…. "Hume zahar badha hathiyar diya gaya tha tum logon ko marne ke liye"..


Nischal:- Kisne diya..


Mukhiya, Sabaiyya ke ore ishara karke…. "Yahan ke shashak ne diya tha"...


Nischal:- Apni baat ko sabit kar warna main kya kar sakta hun uska namuna to dekha hi hoga…


Mukhiya hadbada kar apne contract paper dikhate…. "Humara koi dosh nahi hai. Hum bhagodon ko pakadne ka contract lete hain, jo jurm karke bhagte hain. Doshiyon ko pakdna ya unhe marna koi apradh nahi aur mujhe tum sab ke khilaf saboot dikhaye gaye the, isliye humne anubandh kiya tha. Humare kaam karne ke tarike ko pura universe janta hai, tum bhi jante ho sahjade"..


Nischal:- Sabaiyya tumhe kuch kahna hai..


Sabaiyya:- Kahna kya hai, tum doshi ho aur sath me yahan sabse jyada khatarnak, isliye maine unhe contract de diya..


Nischal:- Chal tu wo video Play kar aur Lobhu jara wo Bihavan ke maut ke waqt ki orignal video nikalo, jisme uske body ka video ho…


Aadhe screen par Nischal aur Serin ke katl ki video chal rahi thi aur aadhi screen par purv shashak ke marne ke baad ki tasveere. Nischal video pause karte huye kahne laga…


"Purv shashak ke marne ke baad, jin-jin logon ne tasveer lee thi, wo tasveer apne samne nikal kar rakho, aur mujhe batao jab maine chir kar fikwa diya tha purv shashak ko, to uske maut ke baad badan se chire jane ke nishan kahan gayab hain. Doctor Parchhe ki report anusar purv shashak ne kuch aisa khaya ya piya hoga, jis se unke andruni organ gal gaye the… kyon doctor Parchhe aisa hi tha na"..


Parchhe:- Haan sahjade aap sahi kah rahe ho..


Nischal:- Sabaiyya iss fake video ko janta ke samne dikhane ka kya matlab hai… ispar kuch kahna hai kya..


Sabaiyya:- Main yahan ka shashak hun.. tum mujh se sawal nahi kar sakte.. sainikon.. pakad lo in sab ko..


Nischal:- Mujhe tune badjaat kaha tha.. meri jodi ko gali diye.. Sabaiyya tumne seema langhi hai… tumne satta par kabja pane ke liye purv shashak ki maut ko hum se joda. Pahle mujhe yahan se jane par majboor kiya, fir jhuthe video evidence se Serin ko fasaya. Council nispaksh honi chahiye thi, sabha me aam log hone chahiye the. Tumne shashan aur nyay vayvstha ki dhajjiyan udda di.


"Purv shashak ke 2 uttradhikari tumhe ab madhya rajya ke shashan se abhi tumhe hata'ti hai. Yahan maujood har counceller aur Sabaiyya ke sabhi logon ko jail me dalne ka aadesh diya jata hai, inki baat dusri sabha me suni jayegi."


"Sabaiyya jis satta ke lalach me apne hi pariwar se daga kar gaya, uss ki saja yahi hogi ki wo ek aam nagrik ka jivan jiyega. Yahan maujood purv shashak ke 2 uttradhikari main aur Serin, ye faisla lete hain ki Jaal mahal ko pura dhwast kiya jayega. Jaal mahal jitna labhdayak hai, galat hathon me utna hi vidhwansak bhi. Yadi Jaal mahal ki takat ko koi samjh jata to wo kewal purn Aizem hi nahi, apitu dusre grah me bhi apna prabhutwa kabij karta. Jaal mahal manawata ki hani hai aur isliye usse dhwast kiya jayega."


"Jaal mahal se sabhi taknik ko bacha liya jayega, kewal vidwansak hathiyar aur manwata ko hani pahunchane wale bade-bade sodh ko chhod kar. Isliye Jan kalyan ke sabhi taknik ko bahar nikalne ke baad, Jaal mahal puri tarah se dhwast ho jayega.."


"Jaal mahal ke sath ek lambe yug ka bhi anth hota hai, jahan kewal ek pariwar hi shashan karega aur baki rajya ke log unki sewa aur manmani ko jhelenge. Aaj se karya-karni shashak Lobhu hoga aur main ek yuva team ka gathan karke prajatantr ko bahal karunga.. jiske ander praja apni sweksha se apna shashak chunegi aur unka kaam pasand nahi aaya to unhe satta se hata bhi sakti hai."


"Niyam aise honge jo har kisi par lagu honge aur kanoon sabke liye barabar hoga, jo yahan ke jivan ko sucharu roop se chalne me madad karegi… Aaj ki sabha yahin samapt hoti hai. Sab jashn manaeye aur mere faisle par apne vichar jaroor dijiye, kyonki ek rajya uske khushhaal janta se banta hai."


Koi kushal rajnitigya jaise apni baat rakh raha ho. Nischal ko uski samast janta sun rahi thi. Jis hisab se sabha ke samne Nischal ne apna bachaw paksh rakha tha har kisi ko yahi laga ki Nischal ya Serin me se koi agla shashak hoga..


Lekin usne puri niti me badlaw karke har kisi ko samjha diya tha ki Aizem ke madya rajya ka sahshan aane wale samay me kaisa hone wala hai. Zoren ke tarj par hi yahan ki bhi shasan vaywastha ki jani thi.


Dekhte hi dekhte pahle to uss sabha se sabhi gaddaron ko naap diya gaya, jisme khud ko sabse jyada buddhiman samjhne wale Ruki aur Suko the. Wahan jo kewal jail nahi gaya wo Sabaiyya aur Nova the. Sabha bhawan suraksha guard dwara khali karwaya ja chuka tha aur wahan kewal 5 log bache the..


Sabaiyya sar jhukaye Nischal ke pass pahuncha…. "Mujhe laga tha tum dono ko satta ka lalach hoga. Maine apne ghrina me bahut badi galti kar di. Tumhare pass mauka hai, mujhe maar kyon nahi dete Nischal…


Serin:- Marna hota na tumhe Sabaiyya to kab ka maar chuke hote. Dukh iss baat ka nahi tha ki tumhe satta aur shashan ka lalach aa gaya tha… dukh to iss baat ka tha ki tum gairon me uljahkar apno ko hi jaan se maar dena chahte the… galat kiya hai Sabaiyya tumne..


Nischal:- Aur iss galti ki ek hi prayschit hai.. jab hum agli baar aayen to tum yahan ke shashan me apni jagah bana chuke ho, wo bhi kewal apni chhawi aur achhe kamon ke dum par. Tumne aur bhabhi ne satta ke mad me bahut anaitik kaam kar chuke, ab dono milkar kuch acha karo… hum dono ke liye to sada tum bhai hi rahe aur aage bhi rahoge… chalta hun main..


Nischal Sabaiyya se apni baat samapt kar wahan se nikal gaya. Wahan se nikal kar teeno sidha Jaal mahal aa pahunche… Nischal aur Serin apne gum bhaw se wahan ki har chij ko bade dhyan se dekh rahe the..


Dono ki aakhen dab dabayi si thi. Aisa lag raha tha apne hath se aaj apne hi sabse pyare bache ko marne ja rahe the. Rah rah kar sine me dard sa uth raha tha… Jivisha dono ko dekhti hui kahne lagi… "Yahan ke research aur machines ko kewal khatm nahi kar sakte kya"..


Serin:- Sab shrenikram me hai.. manual ek-ek kar ke bhi hatayenge to bhi yah jagah dhwast hi hogi.. chalo Nischal kaam pura kiya jaye..


Nischal, gahri shwans lete… "Haan karte hain"…


Nischal aur Serin ne 15 minute ka command diya aur wahan se bahar nikal aaye. Niyati ne bhi kya khel racha tha, jiske har kone ko apne hathon se banaya, usse aaj apne hi hathon se dhwast karna par raha tha.


Teeno kuch duri par khade ho gaye. Jaise hi samay pura hua dekhte hi dekhte pahle wahan ke jitne bhi aawshkar aur jaroori dastavej the wo khatm hona shuru ho gaye. Unme chingariyan si utne lagi… fir dekhte hi dekhte wo jagah dhire dhire tootkar malwe me tabdil ho gayi…

Fabulous update bhai

 

[Nevil singh]

Update:-102​

Serin:- Bhai tumhe pata hai Suko ne to jodi banane ka prastaw bhi diya tha mujhe.. .


Nischal:- Kya re Suko, meri bahan ka hath mang raha hai, apni quality to batao..


Serin:- Iske aur iske dost ki khas baat hai dimag chalana aur jo inse jyada buddhiman hai unka sar ya to katwa dete hain, ya fir unhe bhagoda ghosit karwa dete hai. Sabaiyya yahan ka shasak thode na hai.. yahan to Ruki aur Suko shasak hai..


Nischal:- Oh isliye tumhare sath jodi banane ka prastaw rakha tha..


Mahavinashi:- Tum log aapas ki bair baad me nikalna, pahle batao mera beta kahan hai..


Jivisha:- Ye waqt humne pariwar ko diya tha, yadi pata hota ki yahan ye sab baat honi hai, to main kabhi milne ke liye raji nahi hoti. Aap sab yahan tak aaye uska dhanywad. 3 din baad Nischal sabha ke liye aayenge, aap apne sare sawal wahin puch lijiyega…


Suko:- Kamal hai jo ladki yahan ke tahjib aur taur tarikon se wakiff nahi hai, wo hume aakhen dikha rahi..


Jivisha:- Viswas maniye Suko tum mera aankh dikhana bardast nahi kar paoge. Waise Serin kya wakai me maine kisi ko aakhen dikhayi thi, ya fir yahan ke taur tarike ke virudh jakar apni baat rakhi thi..


Serin:- Bilkul nahi bhabhi.. aap ne sach kaha tha. Hum itni dur se aaye hain, apne aaram karne ke samay se apne pariwar ko samay nikal kar diya tha..


Jivisha:- Main chahti hun iss badtamij insan Suko ko galat aarop lagane aur mujhe jaan bujh kar yahan ke logon ke bich badnam karne ke liye giraftaar kar lo. 3 din baad jab hum sabha bhawan me honge tab iski sajison ka pata karenge ki aakhir mujhe badnam karne ke piche iski kya mansa thi..


Suko:- Mere kahne ka galat arth aap nikal rahi hain..


Jivisha:- Main bilkul sahi arth nikal rahi hun… Aise hi jhut ka bhrm faila kar Nischal ko ek laparwah Sahjada ghoshit kar diya gaya..


Nischal ke laparwah hone ki baat jaise hi samne aayi sabhi hasne lage aur ek sath kahne lage… "Jo jaisa rahta hai pata chal hi jata hai".. ..


Jivisha:- Serin iss point ko note kiye rahna… kyonki 60 sal se upar kaam karne wala ek Vaigyanik jisne Jaal mahal ko apni mehnat se khada kar diya, usse ye log laparwah kah rahe hai… Iska matlab hai ki yah ek sochi samjhi rajniti thi Nischal ko badnaam karne ki taki Nischal ko nicha dikha kar aage se kayi log apne maksad saadh sake..


Ruki:- Kya aap sab sabha ki baat ko lekar abhi se charcha karne lage… Main aap teeno se Suko ke prayog kiye shabdon ke liye mafi chahta hun… Haan usne jo bola wo galti se nikla tha, lekin irade galat nahi the, isliye ek baar aap apne faisle par punah vichar karen..


Jivisha, khadi hoti… "Baat badhane se baat badhegi.. aur shayad humari pahli mulakat itni khas rahi nahi... Khair ek baat jo main abhi se kah dena chahungi… aap sab kahe gaye apne har shabd ke liye khud jimmedar honge, isliye pahle kya hota tha wo bhul jaeye, jab mere pass rahenge to apne irade aur shabd bahut hi saaf-saaf rakhen.. bade bhaiyya ka swagat hai, wo humare sath waqt bita sakte hain baki ke log ja sakte hain"…


Kitni jyada khushi Nischal aur Serin ko ho rahi thi, wo koi unke dil se puche. Aizem grah par pahli baar aisa hua tha ki kisi ne usnki ore se aisa bola tha ki sun'ne walon ki bolti band ho gayi.


Sabko bahar bhej'kar Sabaiyya un logon ke pass milne aaya. Yun to uske man me chhal tha, lekin Jivisha ke hansi mazak ke bich aisa fasa ki wo na chahte huye bhi ek ghante ka samay wahan bita chuka tha.


Baton ke dauran Sabaiyya ko yah bhi pata chal chuka tha ki yudh me huye hadse ke dauran Nischal apne hath aur paun ki shaktiyan kho chuka hai. Ander se wo kutil muskan deta raha lekin bahar se afsos jahir kar raha tha.


Jate-jate Sabaiyya kahta chala wo apni jodi ke sath aayega aur Raj pariwar ke sahjade ki jodi ko ussi samman ke sath rajdhani tak le kar jayenge…


Lagbhag 2 ghante ki Sabaiyya ke sath ki baithak aur ek ghante yahan ke logon ke sath ki baithak ki video ko Serin ne raj pariwar ke portal par upload kar diya. Serin, Jivisha ke bewaak aur nirbhik sambodhan ke niche likh chuki thi… "Purv shasak ke teesre uttaradhikar ki jodi"…


Aizem ke madhya rajya ki janta pahli baar Nischal aur Serin ka paksh sun rahe the. Unke paksh sunne ke baad puri janta ko aisa mehsus hone laga ki kuch to bhramit ki gayi baten raaj mahal se, sahjade ke liye nikli thi jo galat thi..


Jivisha ke diye tathyon par yuva varg kafi utsahit najar aa rahe the aur pahli baar aisa hua tha ki Nischal ko pure janta ka samarthan mila tha… Har kisi ka itna hi kahna tha hum Sahjade aur uske vichar ko aur karib se janna chahte hain..


Nischal, Serin ke iss kadam par kafi achambhit hote huye kahne laga… "Is tarah ke video upload ka idea kafi mast tha"..


Serin:- Ye idea mujhe Nandu ne diya tha.. ussi ne kaha tha ki yadi humare vichar achhe hain, to logon ke bich pahunchne chahiye, taki uska labh sabko mil sake..


Nischal:- Nandu kab se itni smart ho gayi…


Jivisha:- Wo shuru se hi smart thi Nischal. Bus wo gambhir isliye nahi hoti kyonki apno ke bich kya gambhir hona. Yadi uske samjhdari ka udharahan chahiye to iss faisle se dekha ja sakta hai, ki usse tumhare sath rahne me koi khot nahi lagi, jabki dusri ore uska hone wala pati ko tumhara rahna pasand nahi tha. Uski jagah koi aur ladki hoti to shyad Ansh ko samjha hi nahi pati ki tum dono ke bich ka rista kya hai.. Isliye Nandu ki samjhdari par koi sawal nahi…


Nischal aur Serin dono apna sar jhukate… "Ji Malkia hum dono ko ye baat pata hai"..


Jivisha:- Huhhh ! Tum dono bhai bahan milkar mujhe chidha rahe..


Serin:- Haan to bhabhi ko chidhane aur un par julm dhane ka licence to hume mila hi rahta hai. Aisa aapne hi bataya tha.


Jivisha:- To kya yahan mujh akeli garib ko tum dono milkar sataoge..


Serin:- Satayenge baad me pahle ghumayenge… Nischal main bhabhi ko desh bhraman par le ja rahi hun.. Lobhu aata hi hoga tum uske sath Jaal mahal chale jana…


Jivihsa:- Aur suno yahan ki ladkiyan thode vichlit karne wale kapde pahanti hain, isliye apni najren nichi kar'ke jana..


Serin:- Hahahaha… Najar uthi hi kab thi iski bhabhi… aap ko iski kahani pata hi nahi fir…


Jivihsa:- Haan to raste bhar issi ki kahani sunate jana…


Serin:- Haan kyon nahi, waise ek baat jo abhi ke liye hai.. Lobhu hum dono ka sagirdh hai. Uski jodi hai Nayla. Lobhu ke shadi ke purv Nayla kayi baar Nischal ke upar try mari thi aur jab Nischal usse nahi mila, to sirf Nischal ko wo dekhti rahe iss khyal se usne Lobhu ke sath jodi bana li..


Jivisha:- Suno love uss Lobhu ki biwi se tum dur hi rahna..


Dono ladkiyan Nischal ki ragging le hi rahi thi ki utne me Lobhu bhi chala aaya. Lobhu ke aate hi Nischal Lobhu ke sath Jaal mahal nikal gaya aur Jivisha, Serin ke sath desh bhraman ke liye chali gayi…


Lobhu, Nischal ko dekh'kar thoda bhawuk hote huye kahne laga… "Aap ek Viggo hain, main ek Dakshat hun.. aur hum dono ke samuday ka itihaas jo bhi raha ho, lekin vartman ko dekh'kar to yahi lagta hai ki itihaas me pahli bhul Dakshat samuday se he hui hogi… tabhi to jo log kashmta vihin hai wo aap ko jaan se marne ki lagbhag safal kosis ke bawjood bhi aap ke samne jivit hai, jabki aap ki kshmta aur yudh kusalta ko abhi-abhi sab logon ne apni aankh se dekha hai"..



Nischal:- Lobhu mere bhai, meri maa khud ko Dakshat manti thi. Meri bahan Serin ek Dakshat hai.. tum bhi ek Dakshat hi ho. Chhodo in charcha ko.. abhi shant mann se main apna Jaal mahal dekhna chahta hun..


Lobhu ke sath Nischal pura Jaal mahal ghuma. Nischal aviation section me tha aur wahan ke vimano ki jankari le hi raha tha tabhi wahan ka naya niyukt hua incharge Yukte pahunch gaya…. "Hello, tumhe Jaal mahal ka kanoon nahi padha kya, yahan kewal research team aur Jaal mahal ka master hi aa sakta hai"..


Lobhu:- Tumhari himmat kaise hui inse aise baat karne ki..


Nischal:- Lobhu wo sahi kah raha hai… chalo medical section wahan Parchhe hoga, uss se kuch ilaj bhi karwa lunga…


Lobhu:- Aap ko pata nahi kya, Serin ke jane ke baad Parchhe ne yahan ke medical team ke head se istifa de diya..


Nischal:- Usko khabar bhejo ki main ussi se ilaj karana chahta hun.. wo turant hajir ho..


Yukte:- Purv master ji, aap aise kisi bahar ke doctor ko nahi bula sakte.. ..


Nischal:- Chal bhai Lobhu, medical section chalte hain... Yukte sir thode garam dikh rahe hain..


Lobhu:- Par nikal aaye hain inke master, chaliye yahan se chalte hain…


Nischal Lobhu ke sath medical section me aaya… wahan takriban 4 ghanta raha.. jo log admit the unse wahan ki vaywastha ke bare me puchhne lage, jiska jawab sun'kar Nischal ko gahra dhakka laga tha..


Darsal 8000 admit log me se koi ek aisa nahi tha jo aam nagrik kahlate ho. Kewal aur kewal shaskiya vibhag ke log aur unke pariwar hi admit the…


Nischal ka dil ab wahan rukne ka nahi hua.. bahar aakar wo Lobhu se puchhne laga…. "Yahan aam nagrik ko admit karna band kar diye kya?"


Lobhu:- Haan, issi wajah se to Doctor Parchhe ne Jaal mahal ko chhod diya…


Nischal:- Hmmmm ! Unke pass sare equipment to nahi honge..


Lobhu:- Jaal mahal ko ab commercially developed kiya ja chuka hai… Jis kisi ko bhi koi bhi equipment chahiye ya anay saman, wo Jaal mahal se kharid sakte hain.. Horiyant planet ke kayi ammunition dealers ki 2 din pahle meeting bhi hui thi, jisme kayi sare karar bhi kiye gaye… 4 din baad kayi sare technology ke blue print aur hathiyar unhe beche jayenge.


Mahamahim ki sena me bheje gaye har bhadi hathiyar ke badle unse achhi kimat wasool ki gayi thi, iske alawa 1 lakh parsikshit logon ke liye alag se payment kiya tha..


Nischal:- Waqt bahut teji se badal raha hai Lobhu..


Lobhu:- Haan master sahi kaha aapne. Waise aap dono ko yahan wapas nahi aana chahiye tha.. sabha me aap jara dhyan se baithna… unki taiyari puri hai....

Bemishaal update hai mitr. Har aur saajish aur nafrat ka bolbaala hai.

 

[Black water]

Update:-106​

Jaise-jaise wo jagah toot rahi thi, Serin aur Nischal ki himmat bhi toot rahi thi, aur dono ke toot'te himmat ko Jivisha sahara de rahi thi. Nischal aur Serin ke liye ye bahut hi marmik kshn the. Jaal mahal ke dhwast hone ke baad bhi na jane kitni der tak rote huye uske malwe ko dekhte rahe. Dono ke hriday purn viyog me the.


Jivisha kisi tarah dono ko hausla deti hui Rajdhani ke raj mahal me wapas le aayi, jahan Lobhu apni patni aur bache ke sath pahle se pahuncha hua tha. Jivisha ko laga ki kuch waqt dono ko akela chhod dena chahiye, isliye dono ko wo mahal ke dusre hisse me chhod'kar wapas chali aayi.


Sabha mahal me kewal kuch log the usme se bhi Lobhu ko shashan vaywastha ke bare me koi gyan nahi tha. Uski patni ka bhi wahi haal tha. Kuch Jaal mahal ke purane staff the aur naya niyukt kiya hua sena-nayak Ajur baitha hua tha.


Jivisha jab unki baithak me pahunchi to pata chala ki sab muk darshak bane huye hain aur Ajur sabko gyan ki ghutti pila raha hai. Jivisha lagbhag aadhe ghantey tak usse sunti rahi…


Jivisha:- Ajur tum ek kaam karo, sena ke sabhi commanding officer aur aala adhikariyon ko suchna bhejo ki unhe rajdhani bulaya gaya hai… aadhe ghante me report kare. Jab tak wo log aate hai tum bahar ja'kar intzar karo..


Ajur:- Lekin sahjadi, main to yahan ke shasan vaywastha ke bare me sabko samjha raha tha..


Jivisha:- Uss par hum baad me charcha karenge, abhi jitna kaha gaya hai utna karo..


Ajur ke wahan se jate hi, Jivisha Lobhu par barsati hui kahne lagi…. "Wo yudh niti aur janta se jyada kar wasooli ki mang kar raha tha aur tum log chup chap sun rahe the"..


Lobhu:- To main kya karoon mujhe shasan vaywastha dekhne ka koi anubhaw nahi hai.


Jivisha:- Jaal mahal ka prabandhan kaun dekhta tha..


Lobhu:- Wo mere aur Nayla ke jimme tha..


Jivisha:- "Bus fir kya pura prabandhan Jaal mahal ki tarah kar do… Pahle to har shahar ka ek up-prabandhak banao jo apne shahar ki dekh rekh kar sake. Fir un sabhi up-prabandhak ke upar tum maha-prabandhak ban jao."


"Iske baad abhi up-prabandhak se pahle likhit me lo ki usse prabandhan ka kaam diya gaya to wo apne sahar ke kin samasyaon ka samadhan karege… Jo apne wade par kayam rahe wo thik, jo wada nibha na sake unki samsya suno aur unko hal karne ka kosis karo… yadi uske baad bhi kisi ke area me kaam nahi hota hai to naye ko lao.. simple.."


Lobhu:- Kya baat hai shashika aap ne to humari itni badi muskil ko yun aasan kar diya…


Jivisha:- Haan lekin mujhe kuch anubhawi aur kuch pratibhashali yuva chahiye jo aane wale kuch salon me yahan ke prajatantra ki roop rekha taiyar kar de…


Lobhu:- Aise list to humare pass pahle se hain.. kis catogray ke log dhundh rahi hai wo bata dijiye…


Jivihsa:- Ache prabandhak aur samaj sewi log..


Lobhu:- Lo maine bhej diya sab ko ek sath sandesh, kal tak sab rajdhani pahunch jayenge…


Jivisha:- Itni harbadi kyon hai Lobhu.. sab ko cancel karo aur kaho main khud kal se har sahar ka bhraman karungi… Sahar ka map do main shedule bhej deti hun. Har sahar ke jo bhi ikchhuk log hain wo aa jaye.. main apne swatantr mat se unka chunaw kar lungi…


Lobhu aur Jivisha jabtak sahar ke bare me charcha kar rahi thi, tab tak Ajur bhi pahunch gaya. Jivisha ne sab commanding officer aur aala adhikariyon ko sabha bhawan me he bulwa liya… takriban 60 logon ko Jivisha ne short list kiya, jisme Ajur bhi tha. Jivisha ne sab ke hath me kuch sawalon ke paper thama diye aur 1 ghantey ki pariksha lene lagi.


60 logon ke paper dekhne ke baad Jivisha ne un me se 20 ko 10-10 ke group me select kiya aur bakiyon ko bahar bhej diya. Pahle 10 me se Jivisha ne apne purvanuman ke jariye, 1 ko pure sena ki kaman shaunp di. Fir puri sena ko 6 zone me tabdil karti hui, 6 logon ko uske zone ka malik bana di. Ek jo ammunation, hathiyar aur viman ka jyada jankar lagta tha usse sena ke liye latest hathiyar aur technology ki jimmedari de dee. Wo apne sath ek team ka gathan kare aur in sare mamlon ko dekhe. Wahin 2 logon ke liye desh ko 2 zone me vibhajit karte huye, unhe apne zone se naye logon ke bahal aur prashikshan ki jimmedari de di… aur ye sabhi 9 log sena-nayak ko jawab dete. Aur wo sena-nayak mukhya prabandhak ko apni puri report deta.


Aisa hi kuch Jivisha ne un bache huye 10 logon ke sath kiya bus fark sirf itna tha ki unko civil mamle ko dekhne ke liye police ke department ki baat samjha diya gaya. Jivisha apne purvanuman ka purn upyog kar rahi thi aur isme uske filmon ka anubhaw kafi kaam aa raha tha.


Kisi bhi jagah ke mukhiya me kewal achha hona hi ekmatr quality nahi hona chahiye ye Jivisha ko achhe se pata tha. Agle 6 din tak Jivisha, Nayla aur uske sath kuch logon ki team banakar, lagbhag har sahar ghum chuki thi. Alag-alag kamon ke liye log short list ho rahe the..


6 din ke baad jab Jivisha har ore se sunischit ho gayi fir sara kraya bhar upyukt logon ke jimme chhod'kar 2 mayus parindon ke pass pahunchi.


Nischal aur Serin, Jaal mahal ke jane ke dard se ab tak ubar nahi pa rahe the. 6 din bit chuke the, lekin dono kewal gumsum aur mayus hi the… Jivisha dono ke pass pahunch'kar… "Chalo yahan ka kaam khatm ho gaya hai"..


Nischal:- Hmmm !


Nischal to kuch bola bhi, lekin Serin kewal ek baar Jivisha ke ore dekhi aur wapas se khyalon me gum ho gayi. Tabhi wahan kayi sare nanhe gang ka attack ho gaya.. wo sabhi charo ore nachte huye apna role play karne lage… Yah role play ek bhai-bahan ki kahani thi, jisne sath mil'kar kisi jagah me kayi sapne sanjoye the aur uss jagah se kaiyon ke sapne sakar bhi kar chuke the..


Yahan baat unke Jaal mahal ki nahi thi, balki pura role play unki himmat aur logon ke prati samwednao ko dikhaya gaya. Fir yah bhi dikhaya gaya ki yadi kisi mod par wo hatash hokar ruk gaye, to aane wala waqt kaisa hoga.


Iss role play se bahut jyada to nahi lekin kuch sochne ki chetna jaroor jagi thi. Dono ki haalat ko dekhte huye Jivisha kahne lagi… "Tum dono aa rahe ho ya main akele apne ghar chali jaun"…


Serin:- 1,2 din aur ruk kar chalte hai na..


Iss baar Nischal kuch nahi bola.. Jivisha dono ko 1 baar dekhti hui "fine" kahi aur wahan se nikal gayi. Takriban aadhe ghante baad Lobhu un dono ke pass pahuncha…. "Ye kya hai, sahjadi aap ka viman lekar kahan udd gayi"..


Nischal aur Serin ek dusre ko hairani se dekhte huye, sidha dur sanchar pranali ke pass pahunche… "Jivisha wapas aao ye kya bachpana hai"… "Haan bhabhi wapas aao"..


Jivisha:- Ek viman wahan maine chhod diya hai… tum dono ka man ho to aa jana warna main to shedule ke hisab se chalungi…


Nischal:- Thik hai hum aa rahe hain… speed ko aadhi kar lo hum thodi der me pahunch rahe hain…


Nischal Serin ko lekar Lobhu ke samne se gayab ho gaya. Dono turant hi chhote yan me baith'kar teji se apne bade viman me pahunche. Lagbhag 16 ghantey lag gaye uss bade viman tak pahunchne me… Nischal kafi gusse me..... "Pagal tumhare dimag me chal kya raha tha, akeli aa gayi. Hume bata nahi sakti thi....


Serin:- Bhabhi ne hume bataya tha..


Nischal:- Haan to humne dhyan nahi diya to dobara nahi bata sakti thi..


Serin:- Bhabhi ne kayi baar bataya tha…


Jivisha:- Ab dono sok me dube the. Mujhe laga dono ko nakara kar diya hai sok ne, isliye main akeli chali aayi. Laga abhi dono ko gum se ubarne me samay lagega…


Nischal:- Mera dimag abhi kharab hua para hai Jisa… abhi kuch der mujhe akela chhod do..


Jivisha:- 6 din to akele hi chhodi thi Nischal. Suno baby jo faisla tum dono ne liya, manti hun kathin tha, lekin thik hai ab wo faisla le liya na… Ek aashiyana fir se banayenge.. Ek khushiyon ka jahan fir se taiyar karenge, abhi happy hone ka aur iss khajur Surpmarich se kaise nipatna hai uspar dhyan do chalo..


Bahas ka lamba daur chala… Nischal aaj se pahle kabhi itna kafa najar nahi aaya tha. Usse bus yahi lag raha tha ki Lobhu ne nahi bataya hota to Jivisha akele hi pahunch jati. Khair safar aage badhne laga aur teeno he uss Surpmarich par charcha karne lage… uske liye anth me Nischal ne ek hi baat samjhaya….


"Surpmarich ek haiwan hai.. yun samjh lo jaise hum technology ki madad se artificial shaktiyan develope karte hain, usne natural experiment karke apni natural shaktiyan develope ki hai. Usse kisi bhi technology se nahi maat di ja sakti, usse hum kewal aur kewal apne ander ki shaktiyon se hi hara sakte hain"…


Charcha karte huye teeno Decca pahunch gaye. HuYu khud unke swagat ke liye khada tha. Jivisha ne sabko ek hi baat suggest ki, yahan 1 din ke liye hum sab baton ko bhula kar relax karenge aur pura free mind se aage badhenge"…


Teeno ke swagat sabha pahle se hi aayojit tha. Apne comedy ke naam se chahrchit iss jagah par aakar teeno hanste-hanste lotpot the.. kya act tha aur kya hasane ki adbhut kala thi in logon ke pass…


Raat ko atithi bhawan me utna hi bhawya swagat hua. Yahan ke shashak ne khud aa kar teeno se mulakat kiya. HuYu ne swagat me koi kami nahi chhodi thi. Charcha ke dauran pata chala ki unke diye huye dhatu platinum ki itni maang thi bajar me, ki wo muh mangi kimat par wahan biki. Ek hi raat me HuYu Horyent grah ka sabse amir vyapari ban gaya.


Labhag aadhi raat ka waqt tha.. HuYu kisi tarah himmat juta kar Serin ka darwaja khat-khatya. Serin kafi gahri nind me thi. 2 baar knock karne ke baad jab HuYu ko koi jawab nahi mila, fir wo chupke se kamre me dakhil ho gaya aur Serin ke ore badhne laga. Jaise hi wo Serin ke najdik pahuncha, Serin uska hanth khinch'kar bistar par litayi aur uske upar chadh kar khanjar uske gale par lagati…. "Tumne chori se mere pass aane ki himmat bhi kaise kar liye"..


HuYu:- Maar hi do kyonki pata nahi kyon tunhare bina jine ki ikchha nahi ho rahi…


Serin, chaku ka dawab gale par badhati hui…. "Bade Sauk se tumhari ye ikchha puri karungi."


HuYu ke gale se halka khun nikalne laga, lekin wo fir bhi muskurate huye…. "Mere sath jina pasand karogi. Manta hun tumhare mukable mere ander kuch bhi khas nahi, siway iske ki tum mere liye sabse jyada khas ho"..


Serin apni chaku hata'ti… "chale jao iss se pahle ki main tumhe maut se bhi badtar saja de dun"..


HuYu:- Jo bhi dena hai de do.. bus khud se dur nahi karo....


Serin:- Achha ! Aur tumhari wo shikar ki aadat. Wo kya dialogue tha tumhate…. Maine dekha nahi ki ladkiyan gir gayi bistar me…


HuYu:- Haan to tum kaun sa pichhe thi… Apni dialogue na batao.. "Main wo hun jo shikariyon ko apne aage pichhe ghumati hun". Tumse milne ke purv ki baten thi wo, jab se tumse pyar hua hai, sab chhut gaya hai…


Serin:- Jhansa achha hai HuYu, lekin uss din bhi tum apne chember me bhog aasan hi liye huye the, jab main Horiyant aayi thi.


HuYu:- Ussi din to ehsas hua ki tumse chahat hai. Uss se pahle kabhi kisi ke sath sex karte aisa nahi laga ki chori kar raha hun. Dono ki marji thi aur maze karne ke liye sabhi swatantr hai, jab tak ki rishte me na bandhe ho. Lekin na jane kyon tumhe dekh'kar wo ehsas hone laga ki shayad main chori kar raha hun…


Serin:- Achha matlab ab wo tumhare shikari wale gun hawa ho gaye hain.. Shikar karna bhul gaye kyon?


HuYu:- Haan, chahat bhi ajib hoti hai, bina kisi bandhan ke sahi galat ka ehsas karwa jati hai. Waise ab kewal ek hi shikar karunga Serin ka, aur kisi ka bhi nahi..


Serin:- Tumhari baten bhramit karti hain, mujhe tum par yakin nahi. Aur pata nahi kyon, main tumhari bakwas sun kyon rahi hun… chale jao..


HuYu:- Hati hun main.. ya to mujhe kabool kar lo, ya wada kar do ki Decca chhodte waqt mujhe marti hui chali jaogi..

Fabulous update bhai super

 

[Nevil singh]

Update:- 103​

Nischal:- Itni chinta kyon karta hai.. 2 din baad sab tay ho hi jana hai... Chal wapas chalte hain.. Parchhe se fir kabhi aur mil lenge..


Lobhu:- Aap ko yahan se rajdhani nikalna hai Master… aap ki jodi aur Master Serin bhi wahin hain..


Nischal:- Pata nahi dono ke dimag me kya chalta hai… chal wahin chalte hain…


Dono Jaal mahal se sidha rajdhani ke raj mahal ke ore nikal gaye. Raat ke andhere me wo mahal kya lag raha tha… Rajmahal ko kafi bhawya tarike se sajaya gaya tha. Nischal jaise hi Rajmahal me prawes kiya, 2 guard apna sar jhukate huye kahne lage… "Sahjade aap ko manoranjan bhawan me bulaya gaya hai"..


Nischal, Lobhu ka chehra dekhte huye…. "Ye log mere aane ke khushi me itne pagla gaye hain kya? Lobhu tumhe kuch samjh me aa raha hai kya?"


Lobhu:- Sabaiyya apne pariwar ke lautne ki khushi me jashn mana rahe hain.. isme samjhne jaisa kya hai…


Nischal uski baat sun'kar hasne laga aur hathon ke ishare se chalne ke liye kahne laga. Dono manoranjan bhawan ke dwar par khade ho'kar charo ore ka najara dekhne lage… Lobhu wahan ka najara dekh'kar dhime se kahne laga… "Oh to ye mamala hai"…. "Tu samjh gaya na, to bilkul shant rah aur aaj ke sham ka luft utha"..


Dono dwar par khade khusur fusur kar rahe the, itne me hi Sabaiyya ki Jodi Nova ka dhyan Nischal par gaya…. "Kyon Sahjade, apni jodi milne ke baad to mujhpar dhyan hi nahi de rahe"..


Nischal:- Nova tumhare rijhane ki adda kabhi nahi jayegi.. milkar acha laga, kaisi ho..


Nova:- Achi hun, aur junior ka plan kar rahi hun..


Nischal:- Achhe khyal hai, waise itne sare anay grah ke mehmaan yahan kya kar rahe hain Nova..


Nova:- Bhawishya niti tay ho rahi hai… Horiyant, Decca, aur Aretela grah ke kayi rajya, hum se gatbandhan kar rahe hain… ek naye yug ki shuruwat hone ja rahi hai Nischal, afsos sirf itna hai ki tum aur Serin dono ne Sabaiyya ko apna dushman maan rakha hai…


Nischal:- Nova, Ruki tumhe kitna bhi prashikshit kar de, lekin chhal chehre se pata chal hi jata hai… Jara asli rang to chadhne do party ka, fir aayega maza… have fun bhabhi…


Nova se apni baat chit khatm kar'ke Nischal ka bechain man sidha Jivisha ke pass pahunch gaya jo iss waqt Serin ke sath sath, kuch anya logon ke bich ghiri hui thi. Achanak hi wo chaunk gayi aur apni badi si aakhen kiye samne wale ko dekhne lagi…. "Bhabhi kya hua".. Serin ne puchha.


"Kuch nahi Serin, tunhare bhaiya ki .. eeeee.. eee yaad aa gayi"…. Jivisha jab apni baat kah rahi thi tabhi fir se usse ehsas hua ki uske nange pet se hath upar ja raha hai…


Serin:- Bhabhi aap thik to hai na..


Jivisha, muskurati hui…. "Haan thik hun....Nischal kahin dikh raha hai kya"..


Serin:- Dua karo wo yahan na hi aaye to achha hai.


Jivisha:- Wo kyon bhala..


Serin:- Tumhe pata hai bhabhi duniya me wo sabse jyada kise chahta hai…


Jivisha:- Wo duniya me sabse jyada tumhe, mujhe aur Nandu ko..


Serin:- Uske jindgi ki pahli chahat Jaal mahal hai… usme Nischal ke pran baste hain…


"Aahhhh"… Jivisha ke honth se dabi si awaj nikli…


Serin:- Aap ki tabiyat to thik hai na bhabhi..


Jivisha:- Ek minute do mujhe Serin..


Jivisha apni aakhen mund'kar dhyan lagayi… aur Nischal bilkul karib khada tha…. "Love, please tang na karo na… plzz plzz plzzz baby"..


Nischal:- Main darwaje par khada hun.. ek kiss do fir main tang nahi karunga…


Jivisha:- Mujhe koi apatti nahi hai, ruko main aa rahi hun..


Jivisha muskurati hui apni aakhen kholi aur Serin ka hath tham'kar kahne lagi… "Nischal darwaje par hai main 2 minute me aayi"..


Jivisha, Serin se apni baat kah'kar mukhya dwar ke pass jane hi wali thi, uss se pahle hi Sabaiyya ne sabka dhyan apni ore khincha…


"Dur daraj se aaye aap sabhi tamam sathiyon ka swagat hai. Bahut dino ke baad mera half blood aur complete blood laut aaye hain. Issi ke sath mere half blood iss baar akele nahi aaya hai, balki behad hi khubsurat aur khatarnak jodi ke sath lauta hai. Serin, Nischal aur sahjadi.. teeno iss manch par aa jao, aur aap sab log taliyon se swagat kare teeno ka"..


Ek ore se Serin aur Jivisha manch ke ore chalne lagi. Wahin dusri ore se Lobhu, Nischal ko manch tak lane laga. Nischal manch ke ore jate huye Nova se kahne laga… "Party ka asli rang ab jamega"…


Nova, Nischal ki baat par hansti hui Ruki se kahne lagi…. "Iss gadhe ko lagta hai itni badi party iske aane ki khushi me rakhi gayi hai. Sala apahij"..


Ruki:- Hahahaha… Kya hai na ye log pariwarik log hain, inhe thoda pyar se upar kya utha do, inhe lagta hai yahi sabse jyada special hai.


Idhar jabtak Nischal, Serin aur Jivisha teeno manch par pahunch chuke the. Nischal ko yun chair par aate dekh kayi log hanste huye khusar fusar kar rahe the. Wahi kayi logon ki najar to Jivisha par hi tiki hui thi… tabhi bhid se koi bola..


"Ye Sahjada to kisi kaam ka na raha.. iski Jodi anaitik sambandh banaye, usse acha hai ki sahjade ko chhod'kar mujhse jodi bana le"…


Jivisha uski baat sun'kar muskurai aur apne dono hath jaise hi hawa me ki, wo aadmi bhi hawa me aa gaya… "Main aaj subah hi kisi se kahi thi.. log apne kahe shabdon ke liye khud jimmedar honge… fir bhi mere love ka mazak udda rahe. Khair ek baar aur main dohra dun apni baat, yahan har koi apne khae shabdon ke liye khud jimmedar hai, isliye jo bhi bole soch samjh kar bole"..


Jivisha jise hawa me tang rakhi thi wo Aretela ke Shashak ke maha mantri ka beta tha. Sabaiyya bich bachaw me aate huye kahne laga…. "Sahjadi, pahli bhul samjh kar isse maaf kar do. Hum sab ek pariwar hain aur ye log humare mehman. Kisi ko ghar bulakar aisa nahi karte"..


Serin:- Ghar bula kar hum aisa nahi kar sakte aur wo bhadi mehfil me mere bhai aur bhabhi ko bejjat kare.. bhabhi iski juban khinch lijiye, taki yahan maujood log yah samjh sake ki kis prakar ki bhasha ka prayog kiya jaye..


Jivisha:- Computer ji iss badtamij ladke ka juban khinch lijiye taki aaj ke baad ye apni juban se kisi ko bejjat na kar sake…


Jivisha ne jaise hi apni ikchha ko command dee, hawa me hi uss ladke ko juban bahar aa gayi aur aur wo dhamn se niche gir gaya. Usse turant hi utha'kar ilaz ke liye Jaal mahal le jaya gaya…


Sabaiyya:- Ye tum logon ne thik nahi kiya…. Ek main hun jo tum dono (Nischal aur Serin) ke apradhik mamle ko bhula kar, 2 din baad hone wale sabha ko rad karwa'kar tum logon par koi mukadma nahi chalne dunga aisa soch raha tha. Aur tum log ho ki yahan meri hi mehfil me mere he hukum ki nafarmani kar rahe ho…


Nischal, daharte huye…


"Sabaiyya maine tumse nahi kaha ki sabha ko bhang kar diya jaye.. isliye janta ke bich me khud ke ektarfe faisle ko mujh par na hi thopo to achha hoga. Aur rahi baat hukum ki nafarmani ki, to meri bahan aur meri jodi ne uski jindgi baksh dee, uss se kaho khushiyan manaye, kahin main saja tay karta to uski maut nischit thi."


"Ye tunhare desh-videsh ke mehman yahan kyon aaye hain wo main janta hun, isliye mujhe ye jatane ki kosis bilkul bhi nahi karna ki mere aane ki khushi me tumne ye party rakhi hai"..


"Ab aata hun mai ek aham mudde par. Jaal mahal kisi ke baap ki jagir nahi hai... Fir wo Sabaiyya ya humara baap hi kyon na ho. Serin ke Jaal mahal chhodne ke baad, jis tarah se wahan ke technology ko gali dete huye, humari mehnat ko sajha kiya gaya, uss se main aur Serin katai khush nahi hain."


"Jis hisab se wahan ke technology ke blue print ki boli lagi hai, iss baat se bhi hum dono khush nahi hai. Jaal mahal ke medical section me kewal sarkari log bharti hai, aam janta ko kyon nahi admit kiya gaya, uss se main khush nahi hun. Jo Jaal mahal ka chaprasi ban'ne ke kabil nahi tha, usse pure jaal mahal ka master bana diya, iss baat se main khush nahi hun.."


"Aur jab main hi khush nahi, to fir tum sab kaise khush ho sakte ho. Main Nischal, Aizem ke madhya rajya ka Sahjada aur Jaal mahal ke sampurn vikas ke 2 scientists me se ek scientist hone ke naate, main abhi se Jaal mahal ko sabha ki suwai tak band karta hun…"


"Agle 10 minute me Jaal mahal ko khali kar de sab, warna sampurn lock down ke baad yadi koi ander apni jagah par jam jata hai, to uski jimmedari meri nahi hogi. Ek aur baat jaal mahal ki kisi bhi sampatti ko bahar le jane ki kosis na karen, warna aap bahar nahi ja payenge aur ussi jagah atak kar jam jayenge."


"Har scientist swatantr hai apne aawiskar kiye huye taknik aur device apne pass rakhne ke liye, kewal ati vidhwansak hathiyar ko chhod'kar. Isliye har inventor apni ek arji mujhe mail kar dijiye, kal sham tak aap ka saman aapke ghar pahunch jayega. Wahan ke ghar me rahte huye jitni bhi chij aap logon ne sanjoye hain, bhale hi wo Jaal mahal ki sampatti he kyon na ho wo, bhi aapke ghar me pahunch jayega."


"Jin logon ne meri ya Serin ki taknik ka blue print apne pass rakhe huye the, wo ab tak nasht ho chuke honge. Jitne bhi Jaal mahal ke aadhunik hathiyar yahan se logon ne kharida hai, usse bhi maine niskriya kar diya hai, jo bhul se bhi sakriya nahi hoga, isliye yadi koi kharch hua hai kisi ka to apni wasooli kar le.. "


"Sabse aakhri me jaal mahal ko lekar ab se 2 din tak koi baat nahi karunga, sidha sabha bhawan me baat hogi... Chale Jivisha, chale Serin.. "


Nischal ki baat samapt hote hi Jivisha siti bajati hui… "Haan nikalte hain yahan se love. Waise bhi in bade logon ke bich humara kya kaam.. Tumhari kya rai hai Serin"..


Serin:- Bhabhi mujhe bhi ye siti bajana sikha dena. Rahi baat Rai ki to jaisi aap ki feeling hai thik wahi feeling meri bhi hai…


Teeno he uss mehfil me aag lagate huye nikal gaye aur log tamasha dekhte rah gaye… aag itni tej lagi thi ki Sabaiyya aur uske pure kheme ke sine jal rahe the. Padosi desh Uttari rajya aag me ghee ka kaam karte huye, un sabko tatkal maar dene ki yojna par sochne ke liye kahne lage..


Mahamahim ke maha sena ka kya haal kiya tha uss baat ko dhyan me rakh'kar Ruki aur Suko ka ek hi baat kahna tha…


"Nischal kitna bhi apahij kyon na ho, lekin uski jodi Jivisha, Serin aur uska wo janwar Adhmya, teeno mil'kar Madhya aur Uttari rajya ke sabhi sainikon ka safaya kar denge. Serin aur Nischal kewal aawam ke hathon majboor honge. Agar ugr bhid inpar humla kar de to Serin aur Nischal kabhi unhe palatwar nahi karenge…"


Nova:- Aur uski jodi ka kya, jiske aage wo Mahamahim bhi nahi tika tha…


Suko:- Main to kahta hun itna jhanjhat hi nahi palte hain.. mere vichar se to sabha ke aayojan wale din teeno ko jahar dekar maar diya jaye…


Ruki:- Sabse behtar sujhao hai… yahan sabha ke liye aayenge to kuch na kuch piyenge hi… hum bina koi risk liye uss badjaat Nischal aur uski katili jodi ko jahar pila denge. Kewal Serin ko jahar nahi denge, sabha bulayi hai to janta ke samne unke kaam ki chij bhi pesh karenge na warna unhe lagega ki sab pahle se tay tha, to fir ye sabha kyon bulayi gayi..


Sabaiyya:- Thik hai fir unke pine ke padarth me 4 bund jatil ras jahar mila dena..


Nova aaschrya se…. "Jiski ek bund ke duswe hisse se 1000 logon ki jaan chali jaye, uske 4 bund… ander se sab kuch gal kar bhumi me wahin mil jana hai"


Sabaiyya:- Tabhi to mere dil ko sukoon milega… lekin yadi kisi karan se jahar nahi pite hain tab…


Suko:- Universe ke hunter se baat ho gayi hai.. unki tukdi kal Aizem pahunch jayegi. Paristiti kaisi bhi ho lekin unhe har paristiti se nipatna aata hai. Unki jit sunischit karne ke liye unke hathiyar ko hum jahar me dubo denge, taki galti se bhi Nischal aur Jivisha ko uske hathiyar ne bhed diya, to unke bachne ki koi ummid na rahe…


Sabaiyya:- Behtarin upay hai… isme kisi ko aur kuch kahna hai kya…


Nova:- Doctor Parchhe ko yadi main taiyar kar leti hun, to un hunters ki jaroorat shayad na ho. Nischal ke hath paun nahi hai hai. Wo apahij ilaz ke liye Jaal mahal gaya hua tha lekin Parchhe ke na hone ke wajah se wo apna ilaz nahi karwa paya. Yadi Parchhe ko main taiyar kar leti hun, fir Nischal aur Jivisha dono uske hath ki bani dawa ko jaroor pi lenge.


Sabaiyya:- Achha sujhao hai.. Nova ye tunhari jimmedari hui...



2 din baad…



Party me hui high voltage drame ki video pure Aizem garh ke har desh me viral ho chuki thi. Madhya Rajya pure Aizem ke alawa anya grahon ke kayi sare desh me apna prabhutwa kewal Jaal mahal ke dum par banaye huye the. Pahli baar logon ko pata chal raha tha ki uss 600 kilometer me faile research center ko kin 2 logon ne khada kiya tha.


Kayi sare grah ke log Nischal aur Serin ke bhagya ke faisle ko live dekh rahe the. Wahin jab se madhya rajya ke aawam ko Jaal mahal ki sachai pata chali thi, puri aawam 2 rahon par khadi thi ki purv shashak ka katil pure madhya rajya ka rakhwala hai.


Puri aawam ko ab ye lagne laga tha ki purv shashak ki mirtu ke pichhe jaroor koi sajis hui hogi. Bahut sare youth sabha bhawan ke aage sirf isliye baith chuke the ki yadi sabha ne faisla Nichal aur Serin ke haq me nahi diya to wo sab shashan ke khilaf protest karenge.


Takriban 20000 log uss sabha ko dekhne ke liye aamantrit the, jo aaram se apni kursi pakde the. 40 sabha ke counceller aur ek mukhiya Sabaiyya, jinhe mil'kar faisla lena tha. Oval aakaar ka ek bada sa maidan, jiske niche 100 special trained sainik aur 1 medical team ke 20 log baithe the. Takriban 20 gawah aur shashan ke ore se paksh rakhne ke liye 2 log Ruki aur Suko wahan apni jagah par kabij the.


Sabha bhawan ke charo ore bade-bade screen lage the, jispar puri sunwai live aane wali thi. Pal-pal ki khabar dikhane ke liye live video link share kiya ja chuka tha. Takriban 9.30 baje logon ke bhir me kautuhal sa machne laga. Nischal aur Serin ke naam se log itni tej awaj lagane lage ki wo gunj sabha bhawan ke ander tak kafi tej sunai de rahi thi… aur apne prashansakon ke bich se Nischal, Serin aur Jivisha ki gadi sabha bhawan ke pass ruki.


Teeno jab attitude se ander pahunche to wahan par chal rahi khusur fusur aur aapas ki baat chit bilkul shant ho gayi aur sabki najar teeno par hi thi…


Ruki:- Sunwai ke bich iss bahar ki ladki Jivisha ko sath lana, kya sahjade bhul chuke hain ki yahan ka kya kanoon hai.


Jivisha:- Nischal ki jodi hun main aur un dono ke ore se main paksh rakhungi… kisi ko yadi aapatti ho to wo yah jagah chhod'kar ja sakta hai…


Suko:- Ji koi aapatti nahi sahjadi, humara focus kewal itna tha ki aap shayad yahan ke kanoon se ru baru na ho..


Jivisha:- Yahan yahi sab faltu ki baat karne aaye hain ya fir yah sabha jis udeshya se bulayi gayi hai usse shuru karen..


Sabaiyya khada ho'kar hath upar kiya aur issi ke sath sab khade hokar apne hath upar kiye aur Sabaiyya ke sath apni jagah par baith'kar sabha ki shurwat ki gayi…

Jabardast update hai mitr.

 

[Black water]

Update:- 107​

Serin uske gala pakad kar thoda upar ki aur uske honth ko chumti hui kahne lagi… "Tum pahli najar se achhe lagte ho, lekin tumhari harkton se utni hi nafrat hai. Kal sharp 8 baje taiyar rahna, hum safar par chal rahe hain.. jao ab so jao aur apni dukan kisi bhadosemand ko dete jana, kyonki ab tumhara lautna kabhi-kabhi hoga..


HuYu, Serin ko teji se palat kar niche karte uske honth par honth rakh'kar chuma aur kahne laga… "Subah 8 baje….". Aur apni baat kahne ke baad fir se ek baar chum'kar wahan se chala gaya.. Usse jate dekh Serin muskura rahi thi aur HuYu ke iss kadak andaj ke bare me hi soch rahi thi. Aaj se pahle kisi ne uske samne itni himmat nahi dikhayi thi…


Subah 7.30 baje hi Nischal aur Jivisha viman me pahunch chuke the. Thodi der baad HuYu aur Serin bhi hanste huye viman ke ore chale aa rahe the…. "Baby, tumhe tumhare jija shayad mil gaye"..


Nischal HuYu ko gaur se dekhte… "Kaun ye.. iski to band main abhi bajata hun"..


Jivisha:- Aisa kya.. waise kaise bhai ko bahan ki khushi dekhi nahi jati kya.. main to dono ko jab pahli baar dekhi thi, tabhi purvanuman ho gaya tha…


Nischal:- Pahle kyon nahi batayi…


Jivihsa:- Tum hi to kahte ho purvanuman ek feeling hai jo vastavik ho bhi sakti hai aur nahi bhi..


Nischal:- Kitni badi jhuthi ho… main aisa kyon kahne laga. Mujhe to pata hai ki purvanuman ek feeling hai, jo tumhe kuch achha ya bura hone ka sanket deta hai.. apni kahani mujh par mat lado..


Jivisha:- Huhhh ! Tumne hi kaha tha, tabhi to mujhe sab yaad hai…


Nischal:- Jhuthi kahin ki.. tum 2 minute shant raho.. dono aa gaye hain…


Nischal, HuYu ko aakhen dikhate… "Tum kyon aaye ho yahan HuYu"..


Serin:- Mere sath aaya hai.. ye mujhe chahta hai.. aur yahan mera viswas jitne aaya hai..


Jivisha:- Dekh'kar to lagta nahi ki dono ke bich viswas jitne ya haarne jaisi koi kahani hai… tum to isse bahut pahle se chahti ho..


Nischal:- Mujhe HuYu pasand nahi..


Serin:- Tumne pahle se ek ko pasand kar rakha hai Nischal aur jise pasand kiya hai wo bilkul mast hai… tumhe pasand nahi karna hai.. mujhe pasand karna hai. Apna dhyan bhabhi par lagao…


Nischal, Jivisha ke ore dekhte huye…. "Sab samjh raha hun Serin ye nautanki aur hajir jawabi kiske sangati ka natija hai. Lekin isse sath safar par kyon le kar aa gayi.. bekar me iski jaan ko khatre me dalna…


Serin:- Chinta mat karo, jaan bachane ki kala me ye bahut mahir hai.. aakhir shatir chor jo thehra..


HuYu:- Chor kah'kar kyon bejjati kar rahi ho. Mujhe kalakar kahte hain… Maine logon ke kadi suraksha ke bich unke anmol chijen churaya jaroor hun, lekin unke malik ko badle me kimat de deta hun, ya nahi mane to main saman wapas kar deta hun… 2 sal aur 3 mahine se Serin ka wo pendent tha mere pass, kisi ko becha kya maine..


Nischal:- Gadhe fir chori karne ki kya jaroorat hai..


HuYu:- Apne apne shauk hain. I love challenges. Jab koi apni chij kadi suraksha ke bich rakh'kar sukoon se sota hai, tab uski nind haram karne ka maza hi kuch aur hai. Waise main Serin ke pendent me koi intrest nahi rakhta tha… Main to Huwayu jane ka plan kar raha tha uss waqt..


Serin:- Huwayu kyon ….. apne naam ka matlab dhundne Huwayu jate kya?


Jivisha:- Main ja rahi hun mujhe kuch bhi samjh me nahi aa raha, kaun kahan ja raha hai..


Serin:- Bhabhi Huwayu suraj ke gole ka sabse najdiki grah hai, jahan jana hi maut hai…


Jivisha:- Kya baat kar rahi ho, maine ek movie me dekhi hai wo grah.. lagta nahi tha ki koi aisi bhi jagah hogi. Film me sab kalpnik hi laga tha, abhi pata chal raha hai aisi bhi koi jagah hai.. Suno ji main bhi chalungi wahan… mujhe bhi jwalamukhi wala grah dekhna hai..


Nischal:- Ek pagal apne sath kam thi Serin, jo tum isse bhi le aayi..

Jivisha:- Huhhhh ! Main pagal hun… juban kuch jyada lambi nahi ho rahi hai..


Serin:- Had hai, dono kitna aapas me bahas karte ho.. iski baat to sun lo kyon ja raha tha…


HuYu:- Dekho ye sahi hai mere bapu ne mera naam ussi grah ke naam par rakha tha. Mere bapu ne mera naam Huwayu ke prem me rakha tha, jiska karan tha wahan paya jane wala ek nayab dhatu, jisko pane ki chahat ab bhi unke man me hai. Huwayu par lagbhag 40 lakh varsh purv ke kuch nayab dhatu rakhe hain..


Serin:- Kis tarah ke dhatu hai..


HuYu:- "Puri detail to mere bapu ko bhi pata nahi, lekin uss dhatu ka ek 1/2 mm ka tukda mila tha unhe… wo prithvi par paye jane wale chandi ke dhatu jaisa tha bilkul.. bus fark itna tha ki wo chandi ke mukable kafi halka hota hai. Ek tarah ka friendly dhatu kah lo, jiske gun kafi rochak hain."


"Chunki Huwayu atyant garam jagah hai, lekin agar sarir par wo dhatu ho to, wo dhatu body need ke hisab se heat ko bahar reflect kar'ke, ander normal temprature banaye rakhta hai.. uske alawa wo dhatu jis surface par rakha ho, raushni uss surface ke aar paar ho jayegi...."


Serin:- Matlab uss ke istamal se koi bhi adrishya ho sakta hai..


Jivisha:- Mister India ki tarah..


Nischal:- Nahi gaya na wo Huwayu, fir band karo discussion..


Jivisha:- Ye fir se wapas akdu hua ja rahe hai… HuYu tumhe jana chahiye tha wahan… kyon nahi gaye..


HuYu:- Ussk waqt market me dhindhora pit gaya tha. Har jagah kewal Serin ke pendent ki charcha hone lagi.. aur mera pura focus divert ho gaya… Sath me ek aur sach ye bhi hai ki, mujhme itni capacity nahi ki ek aisa viman bana sakun jo suraj ke najdik ka temprature jhel sake… isliye wahan ka khyal dil se nikal'kar Serin ke pendent churane par focus karne laga…


Nischal:- Iska matlab yah hua ki tum Serin ko kisi tarah raji karne aaye ho, ki wo tumhare liye aisi technology developed kare, jo tumhare Huwayu tak ke safar ko aasan bana de. Aur apne swarth par chahat ki chasni laga kar Serin ke samne pesh kar diye…


Serin:- Oh uparwale… HuYu itna bada game mere sath..


Jivisha:- Kamal ka conclusion hai baby.. muh khologe to gandh hi failaoge, tumhe HuYu nahi pasand isliye koi bhi conclusion mat nikalo..


Serin:- Nana bhabhi .. Nischal ka aakalan sahi hai...


HuYu:- Chor hun bewakoof nahi jo chahat ki chasni me apna swarth pados dun… Main challenge apne dum par accept karta hun aur single hand pura kaam hota hai. Pahle chahat jagao, fir ek marmik kahani banao aur kuch salon ki fielding ke baad apni mansa me kamyab ho… itna lamba intzar mujh se nahi hoga…


Serin:- HuYu tum please itne lambe-lambe bhasan na diya karo, main bore ho jati hun… chhodo in sab baton ko Surpmarich par concentrate karen..


HuYu, hairani se sabko dekhte huye… "Tum log kiske pichhe ja rahe ho"..


Nischal:- Tum itne hairan kyon ho HuYu.. kya jante ho tum Surpmarich ke bare me…

HuYu:- Ek mangadhant kahani hai ye Surpmarich, jiska koi astitwa nahi hai… khud ko sabse taktwar aur prakriti ke barabar man'ne wala ek prani…


Nischal:- Bus sath chalte raho, yah bhi tay ho jayega ki kahani mangadhant hai, ya hum sab sach ke pichhe hain.


HuYu:- Mere sath chalo aur kuch mere pasand ki dhatu do..… aur ek bhatti. Mujhe ek khanjar banana hai.


"Chatakkk".. ek jordar thappad…. "Kya lana hai wo batao, yahan kahin koi chij hum jakar nahi late"… Jivisha HuYu ko ek thappad lagati hui kahne lagi…


HuYu:- Mujhe to bus ek khanjar banana hai… aur mera apna bag chahiye…


Jivisha:- Computer ji iska bag aur humare pass jitne bhi dhatu hai uske kuch samples le aaeye…


Computer:- Arre yaar khud bhi chal fir liya karo.. kitna achha to wo sath chalne ki baat kar raha tha..


Jivisha:- Be serious abhi kaam ka waqt hai..


Computer:- Lo ab ye bhi serious ho rahi hai…


Nischal:- Bus bhi karo computer ko counter karna Jisa.. abhi kaam dekhte hai na...


Jivisha:- Computer ji iska muh band kar do.. aaj iski khabar main akele me leti hun... Jab dekho tab ye mujhe tok rahe hai..


Serin:- Chup karo dono… kyon pagal bana rahe ho… ek dum chup…


Jabtak Serin dono par gussa ho rahi thi, HuYu ka bag aur tarah-tarah ke dhatu bhi wahan pahunch gaye…


HuYu:- Nah mujhe maza nahi aaya… computer ji yahan ke dhatu section me mujhe le chaliye aur ye saman bhi wahin shift kar dijiye…


Nischal:- Mujhe ek baat sanjh me nahi aa rahi.. ye achanak se mere dhatu bhandar me kyon jana chahta hai..


Serin:- Acess control do usse aur jo kar raha hai usse karne do na.. har baat me swal karna jaroori hai.. usse kar lene do apna, hum apne kaam par focus karen..


Nischal Serin ki baat maan'kar usse control de diya aur uske wahan se jate hi…. "Serin sab thik to hai na"..


Serin:- Kya hua aise kyon puchh rahe ho..


Nischal:- Nahi HuYu ka behaviour ajib hai aur main kuch samjhta uss se pahle hi tumne usse bhej diya. Jabki computer ka acess control usse hum de sakte hai ya nahi uss par main soch raha tha..


Serin:- Kuch bhabhi se bhi sikh lo… bhabhi bhi chahti thi ki wo apne kaam me lag jaye, taki hum apni ran'niti tay kar le.. dhatu le'kar khanjar hi banana chahta hai… bana lene do.. kaun sa wo kahin bhag raha hai… jab hum se alag hoga to sara saman wasool lenge.. ..


Jivisha:- Jo ki hone se raha, wo alag hone ke irade se to nahi hi aaya hai.... kabhi-kabhi Nischal over karne lagte hain Serin…


Nischal:- Hmmm ! Sorry, main utni gahrai se nahi soch paya. Waise Tum kya sach me HuYu ko pasand karti ho.


Serin:- Achha lagta hai wo mujhe… pure himmat ke sath mujh se ek mauka manga aur main mana nahi kar payi…


Nischal:- Chalo thik hai, koi baat nahi. Waise mujhe bhi achha lagta hai wo. Kam se kam usse pata to hai ki wo kya aur kyon kar raha hai.


Ek bade yudh ke ore agrsar ho rahe the teeno. Pahle se kuch bhi tay kar pana muskil tha, isliye apni ran'niti tay karke teeno ek achhi nind le chuke the. Subah jab aankh khuli prithvi ke orbit ke bilkul najdik the…


Jivisha mithi angrai leti hui jagi aur fresh ho'kar control room ke pass wale hall me pahunchi. Nischal pahle se wahan taiyar hokar kitchen me tha. Subah ki surwat ek mithi chumban se hui, fir dono hi nasta banane me lag gaye..


Nischal:- Aakhri ladai… kya tum taiyar ho..


Jivisha:- Jahan tum wahan main, har khatre ke liye taiyar hun main..


Ek aakhri mukam, ek aakhri kadi.. Jahan se in sab ki shurwat hui thi. Jiske pass wo shaya Nischal ko pahunchana chahti thi, jab wo Sapna ke mirt dimag me ghusa tha..


Apne path par chale the dono aur kadiyon ko jodte-jodte yahan tak pahunche the.. jiski sabse aham kari thi Vish Nilayani ki wo pustak, jise Nischal aur Jivisha ne Alfas grih me padha tha aur tab gyaan hua tha ki aage ka safar tay kar'ke, majil kahan aakhri hai.…

Awesome update bhai

 

[Nevil singh]

Update:- 104​

Suko:- Sahjada Nischal aur Rajkumari Serin par iss sadi ke sabse mahan shashak jinhone madhya rajya ki bhumi par apne shashan ke dauran na kewal apni seemaon ko badhya, balki apne padosi rajyon ke sath Maitri ke sambandh bhi badhaye, Shashak Behavan ka katl bade hi satirana dhang se kar diya.


Katl karne ke baad sahjade apne saja se bachne ke liye Aizem chhod'kar bhag gaya aur uski sathi Serin yahin ruk'kar apni sazis rachti rahi. Pure Jaal mahal ko madhya rajya ke khilaf istamal kiya. Pure rajya ko hathiyane ki mansa aur Jaal mahal me baith'kar katl ke sabooton ko gayab karne ki kosis karti rahi. Main sabha ke sabhi counceller se appeal karta hun ki in dono ko mirtu dand diya jaye.


Bench 1 counceller:- Bachaw paksh ko kuch kahna hai..


Jivisha:- "Mujhe Suko ki kahani thodi boaring si lagi. Aisi kahani to maine 60 se 70 video me dekh chuki hun, jahan ache logon ko fasa diya jata hai. Apni kahani ko sach batane ke liye kya koi saboot hai ya yahan kisi par bhi ilzam laga'kar kuch bhi bol do, to log maan lete hain."


"Mujhe to yahan ke apang council par hi shak ho raha hai. Koi ek layak counceller to hota jo pahle ye puchh sake ki jitne bhi ilzam lage hain uska aadhar kya hai? Unse saboot na maang'kar sidha bachaw paksh ko sun'na ye saaf jahir karta hai ki counceller sab faisla lene yogya nahi hai… maaf kijiye in counceller ke bich mujhe koi bhi paksh nahi rakhna… 40 counceller ko pahle khud ko proof karna hoga…"


Sabaiyya:- Ye sabha ko apman karna hua ladki, iska dand bhugatna hoga…


Jivisha:- Kyon apna paksh rakhna aur galat ko galat kahne par sidha saja, ye kaisi nyay vyavastha hai. Logon ke poll bhi aa gaye hain… 22 caror janta ke poll ke sath meri baat ko 80% logon ne samarthan diya hai shasak Sabaiyya.


Sabaiyya:- Yahan ke council govern ka apna tarika hai aur wo apne ho niyam se chalegi, aap ke kahne se nahi. Sabha ka standerd procedure yahi hai aur issi hisab se sabha chalegi…


Jivisha:- Ji hum to niyam se chalne wale log hain, bhale hi wo niyam kewal satta paksh ko labh aur aam janta ke sath anyay kar jaye. Lekin koi nahi, jab aaj shasahn humre hath me hoga tab ye sare gande niyam hawa ho jayenge... Main lage huye ilzam ke pichhe ke aadhar ko dekhna chahungi..


8th bench Counceller:- Saboot aap ko dikhane honge kyonki shashak Behavan Jaal mahal me mare gaye the aur wahan ki ghatnao ke liye kewal Nischal aur Serin jimmedar the..


Jivisha:- Thik hai maan liya ye baat ki Jaal mahal ke ander ki hone wali har ghatna ke pichhe Nischal aur Serin ka hath hoga… lekin O bhai sahab iss baat ka to saboot do ki purv shashak Behavan, Jaal mahal me hi maare gaye the? Kam se kam unhe Jaal mahal ke ander ghusne ka video hi dikha do, tab to pata chale ki haan purv shashak apne mirtu ke waqt Jaal mahal me the…


Ruki:- Yah kya bakwas hai, yahan to pura case ko hi divert karne ki kosis hai. Purv shashak Behavan ke Jaal mahal ke ander jane ka saboot den, jabki sabko pata hai ki Shashak uss waqt Jaal mahal me the…


Jivisha:- Haan to jab sabko pata hai ki Shashak Behavan Jaal mahal me gaye the to 2-4 ko pakad lao unhi ki gawahi karwa do…


Suko ne 8-10 logon ko pakad laya aur unse sawal hua … "Kya unhone purv shashak ko Jaal mahal ke ander jate dekha tha?"… Aur har kisi ne haan kah diya.. haan kah'kar wo log ja he rahe the ki Jivisha unhe rokti…. "O bhai, andher nagri aur chaupat raja, sawal puchh kar logon ko bhaga kahan rahe ho, mujhe bhi to cross sawal puchhne do"..


Suko:- Haan kyon nahi..


Jivisha, un logon me se ek ko bulayi…. "Haan to tumne Purv shashak ko Jaal mahal me jate dekhe."


Aadmi:- Haan bilkul..


Jivisha:- Lobhu pichhle 10 sal ki entry check karke batao ki kya shashak Behavan ne Jaal mahal me kadam rakhe the..


Lobhu:- Ji nahi, entry book me shashak Behavan ki koi entry nahi…


Ruki:- Ha ha ha ha ha… Ek shashak apni hi jagah par jane ke liye entry kyon karne laga… tumhare faltu bakwas se in dono ko koi nahi bacha sakta..


Jivisha:- Mr Jasoos, dimag thoda thanda rakho. Lobhu naye Shashk Sabaiyya ki entry chehk kar ke bato..


Lobhu:- Ji pichhle 5 saal me inki 600 baar entry hai…


Jivisha:- Mr Ruki Mr Suko aap dono ne iss sabha ko gumraah kiya hai aur apne pad ka durupyog kiya hai. Main aap dono par abhi mahabhiyog chalati hun… ye dono ab apna paksh nahi rakh sakte kyonki bhid se apne 10 logon ko bula kar inhone wo sab kahlwaya jo inke baton ko support kare. Apni jhuthi baat ko proof karne ke liye kewal logic he de rahe, na to inke pass koi thos saboot hai aur na hi koi thos gawah.. ye case yahin par kharij hota hai aur sare ilzam bebuniyad hai.. kisi ko kuch kahna hai..


Sabaiyya, pure taish me aate huye…. "Faisla suna'na mera kaam hai. Abhi puri council ki report nahi aayi hai"..


Jivisha:- Kaisa council aur kaisa report jisme kewal ek paksh ki kahani ko suna ja raha hai aur aankh mund kar sach maan rahe hain… kewal kah dene se maan liya jata hai to main bhi ilzam lagana chahungi ki Shashak Sabaiyya ne Jaal mahal ko hathiyane aur apne shashak ban'ne ki raah ko aasan karne ke liye bache huye uttradhikari ko fasaya hai.. aa jao ab tum saboot do ki aisa nahi hai…


Sabaiyya:- Iss badtamij ladki ko abhi maut ki saja di jati hai…


Serin khadi ho'kar samne aati… "Kisi ko yahan lagta hai ki bal ke dum par wo apni manmani kar sakta hai to aa jao, kyonki jab hum katna shuru karenge to yahan kewal lash bichhi hogi. Council niyam ke hisab se Sabaiyya ke har ilzam se hum bahar hain, kyonki jab koi jaal mahal me aaya hi nahi to uske Jaal mahal me marne ka koi sawal hi paida nahi leta."


"Sare ilzam bebuniyad nikle. Sabha me jhuth bolne ke liye in logon ko abhi maut ki saza meri ore se di jati hai… Yahi saja un counceller ke liye bhi tay hogi jo nyay vayvstha ki dhajjiyan uddane par tule hain aur jhut ko jabardasti kabool karwane par lage hain. Behtar hoga ab Sabaiyya ko apni behunahi ka saboot dene ke liye yahan bulaya jaye.."


Serin apni baat samapt kar apni blade nikali aur bina koi raham dikhaye un jhute gawahon ka sar kat'kar niche gira chuki thi aur Jivisha un Kate sar ko alag-alag jagah ke unchi deewar par taang di.


Ab tak jo man'mani karte aa rahe the aur jinhe lagta tha ki apne logon ke bhid ke bich sabha ka aayojan karke Nischal aur Serin ko doshi karar de denge, unke paun tale se jamin khisk chuki thi.


Nayay prakriya ko puri aawam bhi dekh rahi thi aur itni sari baten hone ke baad to ab logon ne khul kar bolna shuru kar diya tha ki puri council aur puri sabha hi biki hui hai, jo lagatar apne jhut ko faila rahi hai aur nirdoshon ko saja dene ke liye sabha ka aayojan kiya gaya hai.


Mamla haath se jate dekh Nova bich maidan me aa gayi aur ek alp viram le kar dono hi pakshon ko shant hokar sabha ko aaram se chalane ki appeal karne lagi. Nova ki appeal ko maan liya gaya, aur 1 ghantey ka ek alp viram liya gaya.


Iss alp viram ke anth hote-hote Nova bhi apne mansubon me kamyab ho chuki thi. Doctor Parchhe Jivisha aur Nischal ko jahar pila chuka tha. Jaise hi dono ne jahar piya Nova ke chehre par kutil muskan chha gayi.


Jivisha wo drink pite hi dhamn se niche bhumi par gir gayi aur Nischal apni chair par aakhen mund chuka tha. Aur issi ke sath sabha wapas se shuru ho gayi. Sabha bhawan ke upar ke sabse aakhri raw me hathiyar'band sainik tainat ho chuke the, jiska nishana Serin thi. Niche ke 100 sainik bhi apne hathiyar nikal'kar Serin ko nishana banaye the…


Sabha jab dobara shurwat hui tab doctor Parchhe zahar ke uss drink se itna sunischit ho chuke the, ki bus upar se hi dekh'kar dono ko mrit ghoshit kar chuke the. 40 counceller aapas me kuch der discuss karne ke baad apne vichar likhit roop se Sabaiyya ko shaunp diye..


Sabaiyya, aage badhne se pahle…. "Serin tumhe kuch kahna hai"..


Serin hatash thi aur baith'kar Jivisha ke sar ko apne gode me rakhi ro rahi thi. Sabaiyya ne 3 baar Serin se puchha lekin koi jawab na mil pane ki stithi me kahne laga… "Yah saboot pahle aawam ke naam"..


Itna kah'kar Sabaiyya ne wah saboot pura chala diya jiske dum par Serin ko bhi doshi karar diya gaya tha.. ek video jisme Nischal Jaal mahal me ander apne kamre me hai. Tabhi darwaje se purv shashak Behavan ander aaya aur uske pichhe Serin bhi aa gayi. Serin ne pichhe se Behavan ko pakad li aur Nischal ne usse chaku se chir diya…


Baad me uss lash ko Jaal mahal se takriban 20 kilometre dur wale uss maidan me fikwa diya, jahan Behavan ki lash mili thi. Iss karname ko kayi logon ne dekh liya tha isliye unhe bhi uss video me mar'kar wahin uss ground me litate huye dikha diya…

Jabardast update hai mitr.

 

[Nevil singh]

Update:-105​

Video pura complete hone ke baad Sabaiyya ne bolna shuru kiya….


"Aisa nahi ki shashan jo bolti hai wo matr ek kahani hoti hai. Jab tak humare pass pukhta saboot nahi hote tab tak hum kisi ko katghare me lekar nahi aate. Main ek shashak hun lekin uss se pahle ye dono mere pariwar ke log hain. Main apne pita se jyada in dono ko chahta tha, isliye inko apne gunaah kabool karne ka ek mauka diya tha, lekin inke satta ki lalach aur bukh itni thi ki mujh'par hi ilzam laga chuke the."


"Ek badjaat Viggo ko maine apna pariwar mana. Usne prithvi par jakar ek giri hui ladki ko apni jodi banaya, uski badtamiji sahi. Aap sab ne ab tak dekha kaise katl karne ke baad bhi sabhapatiyon ko unhone apmanit kiya. Humare nyay ke tarikon par sawal uthya. Serin meri complete blood hui to kya hua, isse bhi wahi saja milegi jo in dono badjaat ko mili hai. Sabha ka faisla aa chuka hai.. Serin ko abhi mirtu ki saja di jati hai.."


"Achha drink pilaya tha Parchhe, pi kar maza aa gaya. Jin-jin logon ne Serin ko marne ke liye hathiyar thaam rakhe hain, wo abhi apne hathiyar niche kar le. Sabha samapt nahi hui aur na hi iss Parchhe ke diye zahar se main mara hun"… Nischal apni aakhen kholte huye kahne laga.. itne me Jivisha bhi uth'kar khadi ho gayi…


Lekin tab'tak Suko ne humla ka ishara de diya… sabhi log humla karne ke liye taiyar hi the ki Nischal apni purani gati se bhi 2 guni jyada gati se daur laga chuka tha… aur wahan jo najar aa raha tha wo kewal uddte log aur unka kata hua badan tha, jo ek sath hawa me gaya aur jabtak wo niche aaya tab'tak Nischal apni jagah par aa kar baith chuka tha..


Serin usse ek thappad lagati… "Kaminey tere hath paun kaam kar rahe the, hume bataya nahi"..


Jivihsa, apni aankhen dikhati…. "Computer ji iss nalayak ko tang do upar"..


Jivisha ne jaise hi command diya Nischal hawa me, lekin akle hi pal wo Gulati khakar niche tha… "Main jab Jaal mahal me tha tab medical section me maine wo Mittoso ke device se jo patthar nikala tha usse process karke maine kisi ke brain cell ko apne brain cell se replace kar liya."


Serin aur Jivisha badi si aakhen kiye…. Kise apahij bana'kar khud chalne lag gaye…


Nischal:- Taza taza koi mara tha, ussi ke jinda brain cell use kiya. Ab tum dono thehar jao jarra… abhi to dimag me kuch aur hi chal raha hai. Aaram se baitho jarra.


Un dono ko aaram se bitha'kar Nischal tej aawaz me kahne laga...... "Jise apni jaan pyari na ho wo yahan se jane ki kosis kar sakta hai.. Sabha abhi samapt nahi hui hai."


Nischal ki baton ne aisa khauff ka mahol paida kiya ki har koi tharra chuka tha. Apni baat kah'kar wo teji ke sath daud laga diya aur bhid se 20 hunter ko samet'kar late huye… "Bahut bada hunter hai na tu… ab batayega ki tum log iss sabha me kya kar rahe ho"..


Nischal ke aakhon ko dekh'kar hi sabke shwans atak gaye. Hunter ke mukhiya ghigyayi si awaj me kahne laga…. "Hume zahar badha hathiyar diya gaya tha tum logon ko marne ke liye"..


Nischal:- Kisne diya..


Mukhiya, Sabaiyya ke ore ishara karke…. "Yahan ke shashak ne diya tha"...


Nischal:- Apni baat ko sabit kar warna main kya kar sakta hun uska namuna to dekha hi hoga…


Mukhiya hadbada kar apne contract paper dikhate…. "Humara koi dosh nahi hai. Hum bhagodon ko pakadne ka contract lete hain, jo jurm karke bhagte hain. Doshiyon ko pakdna ya unhe marna koi apradh nahi aur mujhe tum sab ke khilaf saboot dikhaye gaye the, isliye humne anubandh kiya tha. Humare kaam karne ke tarike ko pura universe janta hai, tum bhi jante ho sahjade"..


Nischal:- Sabaiyya tumhe kuch kahna hai..


Sabaiyya:- Kahna kya hai, tum doshi ho aur sath me yahan sabse jyada khatarnak, isliye maine unhe contract de diya..


Nischal:- Chal tu wo video Play kar aur Lobhu jara wo Bihavan ke maut ke waqt ki orignal video nikalo, jisme uske body ka video ho…


Aadhe screen par Nischal aur Serin ke katl ki video chal rahi thi aur aadhi screen par purv shashak ke marne ke baad ki tasveere. Nischal video pause karte huye kahne laga…


"Purv shashak ke marne ke baad, jin-jin logon ne tasveer lee thi, wo tasveer apne samne nikal kar rakho, aur mujhe batao jab maine chir kar fikwa diya tha purv shashak ko, to uske maut ke baad badan se chire jane ke nishan kahan gayab hain. Doctor Parchhe ki report anusar purv shashak ne kuch aisa khaya ya piya hoga, jis se unke andruni organ gal gaye the… kyon doctor Parchhe aisa hi tha na"..


Parchhe:- Haan sahjade aap sahi kah rahe ho..


Nischal:- Sabaiyya iss fake video ko janta ke samne dikhane ka kya matlab hai… ispar kuch kahna hai kya..


Sabaiyya:- Main yahan ka shashak hun.. tum mujh se sawal nahi kar sakte.. sainikon.. pakad lo in sab ko..


Nischal:- Mujhe tune badjaat kaha tha.. meri jodi ko gali diye.. Sabaiyya tumne seema langhi hai… tumne satta par kabja pane ke liye purv shashak ki maut ko hum se joda. Pahle mujhe yahan se jane par majboor kiya, fir jhuthe video evidence se Serin ko fasaya. Council nispaksh honi chahiye thi, sabha me aam log hone chahiye the. Tumne shashan aur nyay vayvstha ki dhajjiyan udda di.


"Purv shashak ke 2 uttradhikari tumhe ab madhya rajya ke shashan se abhi tumhe hata'ti hai. Yahan maujood har counceller aur Sabaiyya ke sabhi logon ko jail me dalne ka aadesh diya jata hai, inki baat dusri sabha me suni jayegi."


"Sabaiyya jis satta ke lalach me apne hi pariwar se daga kar gaya, uss ki saja yahi hogi ki wo ek aam nagrik ka jivan jiyega. Yahan maujood purv shashak ke 2 uttradhikari main aur Serin, ye faisla lete hain ki Jaal mahal ko pura dhwast kiya jayega. Jaal mahal jitna labhdayak hai, galat hathon me utna hi vidhwansak bhi. Yadi Jaal mahal ki takat ko koi samjh jata to wo kewal purn Aizem hi nahi, apitu dusre grah me bhi apna prabhutwa kabij karta. Jaal mahal manawata ki hani hai aur isliye usse dhwast kiya jayega."


"Jaal mahal se sabhi taknik ko bacha liya jayega, kewal vidwansak hathiyar aur manwata ko hani pahunchane wale bade-bade sodh ko chhod kar. Isliye Jan kalyan ke sabhi taknik ko bahar nikalne ke baad, Jaal mahal puri tarah se dhwast ho jayega.."


"Jaal mahal ke sath ek lambe yug ka bhi anth hota hai, jahan kewal ek pariwar hi shashan karega aur baki rajya ke log unki sewa aur manmani ko jhelenge. Aaj se karya-karni shashak Lobhu hoga aur main ek yuva team ka gathan karke prajatantr ko bahal karunga.. jiske ander praja apni sweksha se apna shashak chunegi aur unka kaam pasand nahi aaya to unhe satta se hata bhi sakti hai."


"Niyam aise honge jo har kisi par lagu honge aur kanoon sabke liye barabar hoga, jo yahan ke jivan ko sucharu roop se chalne me madad karegi… Aaj ki sabha yahin samapt hoti hai. Sab jashn manaeye aur mere faisle par apne vichar jaroor dijiye, kyonki ek rajya uske khushhaal janta se banta hai."


Koi kushal rajnitigya jaise apni baat rakh raha ho. Nischal ko uski samast janta sun rahi thi. Jis hisab se sabha ke samne Nischal ne apna bachaw paksh rakha tha har kisi ko yahi laga ki Nischal ya Serin me se koi agla shashak hoga..


Lekin usne puri niti me badlaw karke har kisi ko samjha diya tha ki Aizem ke madya rajya ka sahshan aane wale samay me kaisa hone wala hai. Zoren ke tarj par hi yahan ki bhi shasan vaywastha ki jani thi.


Dekhte hi dekhte pahle to uss sabha se sabhi gaddaron ko naap diya gaya, jisme khud ko sabse jyada buddhiman samjhne wale Ruki aur Suko the. Wahan jo kewal jail nahi gaya wo Sabaiyya aur Nova the. Sabha bhawan suraksha guard dwara khali karwaya ja chuka tha aur wahan kewal 5 log bache the..


Sabaiyya sar jhukaye Nischal ke pass pahuncha…. "Mujhe laga tha tum dono ko satta ka lalach hoga. Maine apne ghrina me bahut badi galti kar di. Tumhare pass mauka hai, mujhe maar kyon nahi dete Nischal…


Serin:- Marna hota na tumhe Sabaiyya to kab ka maar chuke hote. Dukh iss baat ka nahi tha ki tumhe satta aur shashan ka lalach aa gaya tha… dukh to iss baat ka tha ki tum gairon me uljahkar apno ko hi jaan se maar dena chahte the… galat kiya hai Sabaiyya tumne..


Nischal:- Aur iss galti ki ek hi prayschit hai.. jab hum agli baar aayen to tum yahan ke shashan me apni jagah bana chuke ho, wo bhi kewal apni chhawi aur achhe kamon ke dum par. Tumne aur bhabhi ne satta ke mad me bahut anaitik kaam kar chuke, ab dono milkar kuch acha karo… hum dono ke liye to sada tum bhai hi rahe aur aage bhi rahoge… chalta hun main..


Nischal Sabaiyya se apni baat samapt kar wahan se nikal gaya. Wahan se nikal kar teeno sidha Jaal mahal aa pahunche… Nischal aur Serin apne gum bhaw se wahan ki har chij ko bade dhyan se dekh rahe the..


Dono ki aakhen dab dabayi si thi. Aisa lag raha tha apne hath se aaj apne hi sabse pyare bache ko marne ja rahe the. Rah rah kar sine me dard sa uth raha tha… Jivisha dono ko dekhti hui kahne lagi… "Yahan ke research aur machines ko kewal khatm nahi kar sakte kya"..


Serin:- Sab shrenikram me hai.. manual ek-ek kar ke bhi hatayenge to bhi yah jagah dhwast hi hogi.. chalo Nischal kaam pura kiya jaye..


Nischal, gahri shwans lete… "Haan karte hain"…


Nischal aur Serin ne 15 minute ka command diya aur wahan se bahar nikal aaye. Niyati ne bhi kya khel racha tha, jiske har kone ko apne hathon se banaya, usse aaj apne hi hathon se dhwast karna par raha tha.


Teeno kuch duri par khade ho gaye. Jaise hi samay pura hua dekhte hi dekhte pahle wahan ke jitne bhi aawshkar aur jaroori dastavej the wo khatm hona shuru ho gaye. Unme chingariyan si utne lagi… fir dekhte hi dekhte wo jagah dhire dhire tootkar malwe me tabdil ho gayi…

Khubsurat lafjo se rachi gai ek yug ka ant karti sunahri update hai mitr.

 

[Black water]

Final Update:-3​

"Aahhhhh" Surpmarich ke sar me pagal kar dena wala dard sa utha. Usse aisa mehsus hua, mano dimag ke ander maujood har sanayu tantu me, kisi ne high voltage current daura diya ho. Turant hi Surpmarich bhi wahan pahuncha aur uske sath Jivisha bhi thi, jo akeli tab se apne dimag ke ander Surpmarich se lad rahi thi, haalat uski achhi to nahi thi, lekin fir bhi wo tiki hui thi aur jaise hi Surpmarich Jivisha ko chhod'kar bhagne laga Jivisha bhi uska hath tham sath chali aayi…


Jivisha ko dekhte hi Nischal ne apne robots ko Surpmarich ke upar chhodte huye Jivisha ke ore bhaga… "Tum thik to ho na Jivisha"..


Jivisha:- Baby ye bahut bada kamina hai... Isne hume yahan bula'kar fasaya hai. Ye dikhane ke liye to hum teeno ke sath lad raha tha lekin planning iski kuch aur hi thi.. hum teeno ke dimag me ek-ek karke ghusta… aur humari shaktiyon ko nigalte huye hume maar deta… Ab bhi iske shakti pane ki lalach miti nahi… yudh ke liye bahut sahi jagah ka chunaw kiya hai love…


Jivisha apni baat samapt hi ki thi, tabhi teeno ko ek sath jhatka laga aur teeno hi dur jakar gire… Nischal khada hokar apna gala idhar se udahr hilaya aur ek hi chhalang lagakar Surpmarich ke pass pahuncha. Jitni tej uchhal'kar wo Surpmarich ke pass pahuncha, utni hi teji se Surpmarich ne Nischal ko gale se pakad kar fir se dur fenk diya…


"Ab tak to hat'kheli chal rahi thi, lekin na to tum ram ho aur na hi tumhare pass koi vibhishan .. iss Lanka se kaise nikloge…"


Jivisha khadi hokar hath ko golakar banayi, jaise-jaise gola purn hote ja raha tha, wahan ke charo ore ki hawa khinch rahi thi… "Ravan kitna bhi balsali aur buddhiman kyon na ho, Lanka dahan to ussi ka hua tha Surpmarich".. kahti hui Jivisha ne wo gola de mara…


Dahakta hua gola Surpmarich ke ore badhne laga, lekin jaise hi wo Surpmarich se takrane wala tha, usne bus ek chutki baja'kar apne ungli ko upar kiya aur wo gola fatkar charo ore pusp varsha karne lagi. Agle hi pal usne apne hath ke ishare se Jivisha ko badi teji ke sath apne pass khinch'kar, apne kanda se uske sine itna tej humala kiya ki Jivisha dur jakar giri aur uske muh se khun nikalne laga…


Wahin dusri ore se usne Nischal ko bhi khinch liya aur usse to apne kandhe se, Jivisha se 10 guna jyada tej prahar kiya… aisa laga jaise Nischal ke ander se dil gurde sab fat gaye ho…


Serin teji se daurti hui uski ore badhi.… "Mere bhai aur babhi ke sath khelna band karo"..


Surpmarich ne Serin par bhi apne dono hath ka humla kiya lekin tej chot lagne ke bawjood bhi wo khadi rahi… "kyon beta jhatka kha gaya na" .. kahti hui Serin ne apna laat uthayi aur jhatke se uske sine par aisa jama dee, ki wo kahin dur jakar gira… khun uske muh se bhi aane laga…. Serin tej-tej shwans leti hui kahne lagi… "Dono uth jao bewakoofon.. hum dimag ke ander hain aur yahan atmbal ke sath dimag ko bhi majboot rakho.. war jhelo yah sochte huye ki ye humara kuch bigar nahi sakta.."


Serin ki awaz par dono khanste huye uthe. Zoom se current gujri ho jaise ussi teji ke sath Nischal Surpmarich ke samne pahuncha. Uska ek jordar prahaar jhela aur apni puri kshmata se usne apna panja, Surpmarich ke sar ke upar maar diya… pure panje kaa chhap uske sar ke upar nikal aaya tha, jiske charo ore baal the. Udhar Serin ek patli sharp rassi lekar uske gale me fasayi aur uss paar kud gayi…


Nischal aage se Surpmarich ke dono hath pakad kar, apne ore khinchne laga. Jivisha ne uske paun ko apni jagah jama dee aur Serin uske pith par apne paun jamati hui, apne dono hath se, gale me fasi patli dhatu ki rassi ko piche ke ore khinchne lagi ..


Surpmarich bebas hone laga tha. Teeno ka ek sath humla usse dhire-dhire maut ke karib le jane laga. Dhire-dhire Surpmarich ki aakhen bahar aane lagi. Jaan to hakakh me atki thi, lekin Surpmarich ki dahakti aakhen jaise hi Jivisha par pari.. Jivisha ki shwans rukne lagi… tabhi Nischal ne apna panja, uske panje se fasaya aur Nischal apne sar se uske aankh oar jordar takkar marte… "Bahut lambi jindgi ji liye tum dost, ab marne ka samay aa gaya hai"…


Tabhi Surpmarich jor se hansa… aakhri shabd uske juban se kisi tarah nikle…. "Mujhe apne mirtu ka purvanuman ho chuka tha… tum teeno ka dhanywad"..


Kisi tarah wo apni baat kah gaya. Dhatu ki rassi lagatar apna pura khinchaw uske gardan par banati ja rahi thi. Dekhte hi dekhte rassi gale ko kat'ti hui, uski gardan niche utar di… jaise hi uska gardan kat kar niche gira… Nischal ne uske sar par itna tej paun mara ki uska pura sir niche chipak gaya.. wahin Jivisha ne turant uske sharir me aaga laga di…


Nischal bina koi der kiye doni ko lekar dimag se bahar aa gaya. Lekin idhar bahar to alag hi kahani chal rahi thi. Serin jab aankh kholi, tab Nischal ke pass khade uske sharir se HuYu lipta hua tha aur uske honth Serin ke honth se lage huye the…


Serin chaukar apni puri aankh kholi aur khud se chipke HuYu ko tej jhatka dekar khud se dur ki. Lekin HuYu bhi Serin ka hath pakde tha aur wapas uske upar aaya, fir se honth se honth lagakar chumne laga… Serin uski iss adaa par fida hoti hui ander se musukrai aur wo bhi sath dene lagi. Jabki Serin ke bilkul karib khade, Nischal aur Jivisha ki jaise hi aakhen khuli, unki najar Surpmarich ke badan par pari…


Dono ka pura dhyan udhar hi tha. Dono uske pass pahunch'kar bade dhyan se uske sine me ghusa khanjar dekhne lage. Chamkila khanjar jo thik dil ke bicho-bich ghusa hua tha…


Nischal uss khanjar ko sine se bahar nikalte huye, pichhe muda… Jivisha bhi pichhe mudi… "Oye ye kya ho raha hai"..


Nischal ki awaz sunkar dono teji se alag huye… Serin thodi sharmati hui kahne lagi… "Wo mujhe laga main ab bhi uske dimag me he hun aur ye kalpnik image hai"..


Nischal:- Haddiyan kadki hui hai.. medical ki jaroorat paregi.. upar se Surpmarich ke sine me utara gaya khanjar. Ye wahi khanjar lagta hai, jo kal raat se HuYu bana raha tha. Mera dimag dard se fata ja raha hai. Surpmarich ke iss jagah ko bhi dekhna hai. Itne sari baton aur sawalon ke bich tum iss gadhe ko chum rahi ho. Upar se sharmana aur nautanki karna.. puri shagird ban jao apni bhabhi ki.


Serin:- Tum log thakte nahi itna lamba-lamba bol'kar, chalo medical section…


Sabhi viman ke ander pahunche… Serin khud thodi kam damage thi, isliye usne khud ke sath sab ko scan ki. Kamal ke scan results the. Serin ne sab ko mana kar diya purane koi bhi liquid lene se. Filhaal ke liye Serin ne dono ko kuch naye dawa ka prayog karne kahi. Dawa lene ke kuch der baad sab achha mehsus karne lage…


Nischal Surpmarich ke mirt sarir ko surakshit kar'ke, prayogsala me dal diya aur khud naha dho kar hall me pahunch gaya.


Hall me sabhi log pahle se baithe the aur jigyasa purwak HuYu ko hi dekh rahe the…. Nischal aate hi wo khanjar table par rakhte huye…. "Iske bare me bataoge jarra"..


HuYu:- Main thoda late ho gaya … kyonki Surpmarich ya koi bhi aisa prani jo khud ko prakritik bataye, uska ye ilaj hai… mere pass ek pustak hai jisme aise logon ko marne ka pura sodh likha hai… bus ek hi dikkat hai…


Nischal:- Kya…


HuYu:- Uske khun lagne ke karan, ye khanjar ek hi baar kaam karta hai… yadi dil me na ghop kar, kahin aur khanjar ghopte ho to wo nahi marega… ..


Nischal:- Tum nahi bhi ye khanjar chalate, to bhi wo marta hi.


Serin:- Ab chhodo bhi, khanjar ne usse kamjor kiya aur hum usse marne me safal rahe, ya khanjar lagne ke karan uske pran nikal rahe the aur iss wajah se hum uske dimag ke ander jit rahe the, iss baat par bahas karne se kya fayda. Wo mar gaya na, bus baat khatm. Haan lekin marte-marte sala kand kar gaya…


Nischal:- Kaisa kand…


Serin:- Humare sarir ki lagbhag 40% kashmta ko permanently le urra hai…


HuYu:- Tumlog apne 10% kshmta ke sath bhi khatarnak ho, fir to tunhare pass ab bhi 60% kashmta bacha hua hai…


Nischal:- Surpmarich jaison ko marne ke liye, yadi kashmta minus bhi ho jati aur aage ki jindgi kamjor aur nirbal hokar bhi gujarna hota, to gujar leta… Khair... Uske thikane ka purn awlokan karne ke baad, hum log yahan se niklenge…


Lagbhag 2 din lag gaye un charon ko, pura wo jagah dekhne me. Wahan par jitni bhi kaam ki chijen ho sakti thi unhe utha'kar viman me dale aur wahan se sabhi urr chale…


Nischal ne apna viman Himalya ussi kshetr me punah park kiya jahan pahle kiya tha. Aur sidha sampark Nandni se hua… Nandni ne sabko indore hi bula li, sath me ye suchna bhi de di ki Jivisha ka pura khandan yahin indore me khunta gade baithe hain...


Jivisha sab ko warning deti hui kahne lagi…. "Dhyan se suno sabhi, khaskar tum baby. Jo kuch bhi bolenge mere ghar wale, wo chup chap sun lena.. jitna safai doge, utni baat badhegi.. iss se acha hai ki sorry bol lo aur sar jhuka kar baat sun lo"..


Jivisha ki baat sun'kar sabhi "jee" bolkar apna sar haan me hila diye. Chhote se viman me sawar hokar Indore khufiya thikana. Wahan Nandni ne sabke aane ke liye pahle se car bhi chhod rakhi thi… fir wahan se car me Nandni ke ghar jahan ek baar fir shadi ka mahol tha…


Jaise hi dono Durga devi ke dwar aaye.. Nischal, Jivisha ko dhakka dete aage kar deta aur khud pichhe ho jata, to Jivisha bhi wahi karti aur dakka-mukki karte huye dono, aage-pichhe karte huye, dhire-dhire aage badh rahe the. Jivisha, Nischal ko aanhen dikhati hui…


"Had hai baby, aage jao na"…. "Jisa ye tunhare gharwale hain, tum se hi sunege"….. "Baby tum hone wale jamai ho, aur jamai matlab bhagwan. Jamai jo ek baar bol de, to log sawal nahi karte"….. "Gaya wo jamana jahan jamai ke paun dho kar pite the. Jab se film ke madhyam se, jamai ko hawasi aur jaydad ka lalachi dikhaya gaya hai, tab se jamai ko jute parte hain. Example ke liye mera bita past utha lo. Tumhare Rawan khandan ko main pasand to tha, lekin mujhe kabool nahi kar rahe the"….. "Baby wo tab ki baat thi, ab to tum carorepati ho aur sath me dil ke achhe bhi"…


"Aa jao hum log, hum kuch nahi kahenge. Hume pata hai kuch bhi kar len, bita waqt lautega nahi. Khushi iss baat ki hai ki dono sath me bahut pyare lag rahe ho. Aur sath me yahi hai tumhari bahan jamai babu. Nandni ne jab hume bataya to yakin nahi hua, ab dekh rahi hun to pura yakin ho gaya".. Jivisha ki maa Priya mahol ko halka karti hui kahne lagi…


Priya ki baat kisi marham se kam nahi thi… itna sukoon to ye log Surpmarich ko marne ke baad bhi nahi mehsus kiye the, jitna sukoon ab kar rahe the. Mahol khushiyon ka tha aur 2 din ke extension par chal rahi shadi, finally ab hone ja rahi thi. Nischal ko thodi der se inke aane ki khabar lagi, lekin jab khabar mili tabhi Ansh prakat bhi ho gaya. Ansh, Nischal ka hanth khinchte… "Chal dost, tum baraat ke sath aaoge"…


Nandni, Nischal ka dusra hath khinchti… "Aise kaise ye tumhare sath jayega… mere shadi me rahega, kyon Nischal"..


Jivisha:- Nandu, jane de na … dekh tu hi kahi thi na, ladka apne baap ke bina shadi kar sakta hai, lekin dost ke bina nahi…


"Jivisha, Jhalli… tu kab badi hogi re"… Nandni fusfusahati hui uske kaan me kahi aur jab Jivisha ne samne dekha… kya najara tha… Nandni aur Jivisha ke sare gharwale unhi ko ghur rahe the…


Jivisha bilkul kadak adaa se…. "Sab ghur kyon rahe ho… bhag kar shadi hoti dono ki, to hum hi sath hote, koi baap bhai nahi hota sath me. Rasta do jarra mujhe. Main apne Love ko 2 din ki vidai de aaun … 48 ghante baad surat dekhungi"..


Jivisha Nischal ka hath tham'kar bina mude sidhe darwaje me nikal gayi. Usse jate dekh, har koi hanste huye ek hi baat kahne lage…. "Welcome back, nautanki"


Pahle shadi ki rahshmen fir shadi ki dhamaal… Nandni ki shadi attend karne, Mumbai police commissioner ko bhi aana para, apni beti Aarsi ki wajah se jo Chirag ke sath aise chipki thi, jaise fevicol se nanak chipak gaya ho…


Idhar Jyoti aur Sawaker bhi shadi attend karne pahunche... Jaise hi Nischal un dono ke samne aaya… dono ne thappad maar-maar kar Nischal ka gaal suja diya. Thoda gila-sikwa hua.. thode aanshoo aur milne ki dher sari khushiyan chehre par chamak rahi thi…


Nandni ki shadi ho gayi aur shadi me utna hi hungama bhi hua. Shadi ki khushiyon ka double dose tab ho gaya, jab pata chala ki Jivisha aur Nischal ki shadi bhi next hafte hi ho jani hai…


Nandni iss khabar se sabse jyada khush hui, kyonki 2-4 din to shadi ke baad ki rashmon me lag jani thi aur uske baad sidha Pune aur fir wahin se honeymoon…


Khushiyan aise charo ore chhayi rahi, ki kuch din pahle kya kuch saha tha sabne, pura bhul chuke the. Serin aur HuYu ke liye ye pahla awsar tha, jab wo log prithvi ke logon ke karib the… Unka apnapan dekh'kar to dono hasrat hi karne lage… "Aisa nahi ki yahan ke log achhe ya bure nahi hote honge, lekin dikhane ke liye hi sahi, khushiyon ke bich kya gair kya apne, sab sath me mehfil jamate hain..


Ye pura mahina aisa bita jaise har gum aur padesani ka payback mil raha ho… Ek khushal si jindgi jo pyar aur pariwar ke bich itne shandar tarike se gujar rahi thi, jiska koi jawab hi nahi tha..


Lekin kahte hai na kuch bhi shaswat nahi hota hai. Mahine din ki khushiyan aisi thi ki usme beete waqt ki kadwi yaden to gayab ho gayi thi, lekin aane wali musibat fan failaye aamantran de rahi thi.


Ek hasin sham thi. Jivisha aur Nischal nayi relese picture "Kis-Kis ko pyar karun" dekh kar aa rahe the. Nischal pure mood se tha aur Jivisha ko lagatar teen shadi ke liye chhede ja raha tha, wahin Jivisha puri tarah chidhkar film makers ko galiyan par galiyan diye ja rahi thi, aur sath me Nischal ko utne hi gusse me apni aakhen bhi dikha rahi thi.... Tabhi rajeev gandhi zoological park se Sawalker ka emergency sandesh aaya….


Nischal:- Jisa bade bhaiya musibat me hain.. bula rahe..


Jivisha:- Location share karte jao…


Nischal location share karte huye.. bina kisi ke najar me aaye teji se bhagte huye Zoological park me pahuncha… Police ki bahut badi tukdi, bahut hi buri haalat me ghayal thi.. aur Sawalker kisi lambe kad kathi wale admi ke hatho me tha.. Nischal teji se daurte huye uske pass pahucha aur apne dono hath se pura force dekar usse dhakka diya…


Jaise hi uss aadmi ko dhakka laga… wo kuch dur pichhe gaya… Usne Nischal ko upar se niche dekha aur apni raftaar ka najara, Nischal ko pesh karte huye wahan se bhag gaya…


Sawalker behosh hone se pahle Nischal se uss aadmi ka sandesh kahte huye behosh hua, jo Nischal ko dekhne ke baad dhime se kah gaya…..


"Usse se kahna iss baar mujhe dhundhna uss ke bus ki baat nahi. Isliye apni khush'haal jindgi pyar se jite rahe… wo jahan rahega hum wahan nahi honge. Ek dusre ke pichhe na aaye ye santulan bana rahna chahiye warna yadi wo parchhayi ka pichhe karna chahta hai to most welcome.


Sawalker uski baat dohra'kar behosh ho gaya aur Nischal hairan hokar bus sochta rah gaya…. "Had hai janu, hospital le jane ke badle aise pakde huye ho bade bhaiya ko"..


Nischal:- Ye thik hai inhe kuch nahi hua… commissioner ko call kar do, aur bolna ambulance bhi bhijwa dene…


Jivisha:- Tum itne hairan kyon ho Nischal…


"Baby.. Zindgi ke abhi mukam aur baki hai… jise hum anth samjh baithe the.. uss anth se hi ek surwaat abhi baki hai… jo jung hai to ab jung hi sahi… khud ko taiyar kar lo abhi ek jung aur baki hai"…


Jivisha:- Matlab…


"Matlab … Ab hum apne romance ke bich ek romanchit safar par jane wale hain… Bus kuch din aur intzar kar lo"…

Marvelous ending bhai
Ant hi aarambh hai

 

[Nevil singh]

Update:-106​

Jaise-jaise wo jagah toot rahi thi, Serin aur Nischal ki himmat bhi toot rahi thi, aur dono ke toot'te himmat ko Jivisha sahara de rahi thi. Nischal aur Serin ke liye ye bahut hi marmik kshn the. Jaal mahal ke dhwast hone ke baad bhi na jane kitni der tak rote huye uske malwe ko dekhte rahe. Dono ke hriday purn viyog me the.


Jivisha kisi tarah dono ko hausla deti hui Rajdhani ke raj mahal me wapas le aayi, jahan Lobhu apni patni aur bache ke sath pahle se pahuncha hua tha. Jivisha ko laga ki kuch waqt dono ko akela chhod dena chahiye, isliye dono ko wo mahal ke dusre hisse me chhod'kar wapas chali aayi.


Sabha mahal me kewal kuch log the usme se bhi Lobhu ko shashan vaywastha ke bare me koi gyan nahi tha. Uski patni ka bhi wahi haal tha. Kuch Jaal mahal ke purane staff the aur naya niyukt kiya hua sena-nayak Ajur baitha hua tha.


Jivisha jab unki baithak me pahunchi to pata chala ki sab muk darshak bane huye hain aur Ajur sabko gyan ki ghutti pila raha hai. Jivisha lagbhag aadhe ghantey tak usse sunti rahi…


Jivisha:- Ajur tum ek kaam karo, sena ke sabhi commanding officer aur aala adhikariyon ko suchna bhejo ki unhe rajdhani bulaya gaya hai… aadhe ghante me report kare. Jab tak wo log aate hai tum bahar ja'kar intzar karo..


Ajur:- Lekin sahjadi, main to yahan ke shasan vaywastha ke bare me sabko samjha raha tha..


Jivisha:- Uss par hum baad me charcha karenge, abhi jitna kaha gaya hai utna karo..


Ajur ke wahan se jate hi, Jivisha Lobhu par barsati hui kahne lagi…. "Wo yudh niti aur janta se jyada kar wasooli ki mang kar raha tha aur tum log chup chap sun rahe the"..


Lobhu:- To main kya karoon mujhe shasan vaywastha dekhne ka koi anubhaw nahi hai.


Jivisha:- Jaal mahal ka prabandhan kaun dekhta tha..


Lobhu:- Wo mere aur Nayla ke jimme tha..


Jivisha:- "Bus fir kya pura prabandhan Jaal mahal ki tarah kar do… Pahle to har shahar ka ek up-prabandhak banao jo apne shahar ki dekh rekh kar sake. Fir un sabhi up-prabandhak ke upar tum maha-prabandhak ban jao."


"Iske baad abhi up-prabandhak se pahle likhit me lo ki usse prabandhan ka kaam diya gaya to wo apne sahar ke kin samasyaon ka samadhan karege… Jo apne wade par kayam rahe wo thik, jo wada nibha na sake unki samsya suno aur unko hal karne ka kosis karo… yadi uske baad bhi kisi ke area me kaam nahi hota hai to naye ko lao.. simple.."


Lobhu:- Kya baat hai shashika aap ne to humari itni badi muskil ko yun aasan kar diya…


Jivisha:- Haan lekin mujhe kuch anubhawi aur kuch pratibhashali yuva chahiye jo aane wale kuch salon me yahan ke prajatantra ki roop rekha taiyar kar de…


Lobhu:- Aise list to humare pass pahle se hain.. kis catogray ke log dhundh rahi hai wo bata dijiye…


Jivihsa:- Ache prabandhak aur samaj sewi log..


Lobhu:- Lo maine bhej diya sab ko ek sath sandesh, kal tak sab rajdhani pahunch jayenge…


Jivisha:- Itni harbadi kyon hai Lobhu.. sab ko cancel karo aur kaho main khud kal se har sahar ka bhraman karungi… Sahar ka map do main shedule bhej deti hun. Har sahar ke jo bhi ikchhuk log hain wo aa jaye.. main apne swatantr mat se unka chunaw kar lungi…


Lobhu aur Jivisha jabtak sahar ke bare me charcha kar rahi thi, tab tak Ajur bhi pahunch gaya. Jivisha ne sab commanding officer aur aala adhikariyon ko sabha bhawan me he bulwa liya… takriban 60 logon ko Jivisha ne short list kiya, jisme Ajur bhi tha. Jivisha ne sab ke hath me kuch sawalon ke paper thama diye aur 1 ghantey ki pariksha lene lagi.


60 logon ke paper dekhne ke baad Jivisha ne un me se 20 ko 10-10 ke group me select kiya aur bakiyon ko bahar bhej diya. Pahle 10 me se Jivisha ne apne purvanuman ke jariye, 1 ko pure sena ki kaman shaunp di. Fir puri sena ko 6 zone me tabdil karti hui, 6 logon ko uske zone ka malik bana di. Ek jo ammunation, hathiyar aur viman ka jyada jankar lagta tha usse sena ke liye latest hathiyar aur technology ki jimmedari de dee. Wo apne sath ek team ka gathan kare aur in sare mamlon ko dekhe. Wahin 2 logon ke liye desh ko 2 zone me vibhajit karte huye, unhe apne zone se naye logon ke bahal aur prashikshan ki jimmedari de di… aur ye sabhi 9 log sena-nayak ko jawab dete. Aur wo sena-nayak mukhya prabandhak ko apni puri report deta.


Aisa hi kuch Jivisha ne un bache huye 10 logon ke sath kiya bus fark sirf itna tha ki unko civil mamle ko dekhne ke liye police ke department ki baat samjha diya gaya. Jivisha apne purvanuman ka purn upyog kar rahi thi aur isme uske filmon ka anubhaw kafi kaam aa raha tha.


Kisi bhi jagah ke mukhiya me kewal achha hona hi ekmatr quality nahi hona chahiye ye Jivisha ko achhe se pata tha. Agle 6 din tak Jivisha, Nayla aur uske sath kuch logon ki team banakar, lagbhag har sahar ghum chuki thi. Alag-alag kamon ke liye log short list ho rahe the..


6 din ke baad jab Jivisha har ore se sunischit ho gayi fir sara kraya bhar upyukt logon ke jimme chhod'kar 2 mayus parindon ke pass pahunchi.


Nischal aur Serin, Jaal mahal ke jane ke dard se ab tak ubar nahi pa rahe the. 6 din bit chuke the, lekin dono kewal gumsum aur mayus hi the… Jivisha dono ke pass pahunch'kar… "Chalo yahan ka kaam khatm ho gaya hai"..


Nischal:- Hmmm !


Nischal to kuch bola bhi, lekin Serin kewal ek baar Jivisha ke ore dekhi aur wapas se khyalon me gum ho gayi. Tabhi wahan kayi sare nanhe gang ka attack ho gaya.. wo sabhi charo ore nachte huye apna role play karne lage… Yah role play ek bhai-bahan ki kahani thi, jisne sath mil'kar kisi jagah me kayi sapne sanjoye the aur uss jagah se kaiyon ke sapne sakar bhi kar chuke the..


Yahan baat unke Jaal mahal ki nahi thi, balki pura role play unki himmat aur logon ke prati samwednao ko dikhaya gaya. Fir yah bhi dikhaya gaya ki yadi kisi mod par wo hatash hokar ruk gaye, to aane wala waqt kaisa hoga.


Iss role play se bahut jyada to nahi lekin kuch sochne ki chetna jaroor jagi thi. Dono ki haalat ko dekhte huye Jivisha kahne lagi… "Tum dono aa rahe ho ya main akele apne ghar chali jaun"…


Serin:- 1,2 din aur ruk kar chalte hai na..


Iss baar Nischal kuch nahi bola.. Jivisha dono ko 1 baar dekhti hui "fine" kahi aur wahan se nikal gayi. Takriban aadhe ghante baad Lobhu un dono ke pass pahuncha…. "Ye kya hai, sahjadi aap ka viman lekar kahan udd gayi"..


Nischal aur Serin ek dusre ko hairani se dekhte huye, sidha dur sanchar pranali ke pass pahunche… "Jivisha wapas aao ye kya bachpana hai"… "Haan bhabhi wapas aao"..


Jivisha:- Ek viman wahan maine chhod diya hai… tum dono ka man ho to aa jana warna main to shedule ke hisab se chalungi…


Nischal:- Thik hai hum aa rahe hain… speed ko aadhi kar lo hum thodi der me pahunch rahe hain…


Nischal Serin ko lekar Lobhu ke samne se gayab ho gaya. Dono turant hi chhote yan me baith'kar teji se apne bade viman me pahunche. Lagbhag 16 ghantey lag gaye uss bade viman tak pahunchne me… Nischal kafi gusse me..... "Pagal tumhare dimag me chal kya raha tha, akeli aa gayi. Hume bata nahi sakti thi....


Serin:- Bhabhi ne hume bataya tha..


Nischal:- Haan to humne dhyan nahi diya to dobara nahi bata sakti thi..


Serin:- Bhabhi ne kayi baar bataya tha…


Jivisha:- Ab dono sok me dube the. Mujhe laga dono ko nakara kar diya hai sok ne, isliye main akeli chali aayi. Laga abhi dono ko gum se ubarne me samay lagega…


Nischal:- Mera dimag abhi kharab hua para hai Jisa… abhi kuch der mujhe akela chhod do..


Jivisha:- 6 din to akele hi chhodi thi Nischal. Suno baby jo faisla tum dono ne liya, manti hun kathin tha, lekin thik hai ab wo faisla le liya na… Ek aashiyana fir se banayenge.. Ek khushiyon ka jahan fir se taiyar karenge, abhi happy hone ka aur iss khajur Surpmarich se kaise nipatna hai uspar dhyan do chalo..


Bahas ka lamba daur chala… Nischal aaj se pahle kabhi itna kafa najar nahi aaya tha. Usse bus yahi lag raha tha ki Lobhu ne nahi bataya hota to Jivisha akele hi pahunch jati. Khair safar aage badhne laga aur teeno he uss Surpmarich par charcha karne lage… uske liye anth me Nischal ne ek hi baat samjhaya….


"Surpmarich ek haiwan hai.. yun samjh lo jaise hum technology ki madad se artificial shaktiyan develope karte hain, usne natural experiment karke apni natural shaktiyan develope ki hai. Usse kisi bhi technology se nahi maat di ja sakti, usse hum kewal aur kewal apne ander ki shaktiyon se hi hara sakte hain"…


Charcha karte huye teeno Decca pahunch gaye. HuYu khud unke swagat ke liye khada tha. Jivisha ne sabko ek hi baat suggest ki, yahan 1 din ke liye hum sab baton ko bhula kar relax karenge aur pura free mind se aage badhenge"…


Teeno ke swagat sabha pahle se hi aayojit tha. Apne comedy ke naam se chahrchit iss jagah par aakar teeno hanste-hanste lotpot the.. kya act tha aur kya hasane ki adbhut kala thi in logon ke pass…


Raat ko atithi bhawan me utna hi bhawya swagat hua. Yahan ke shashak ne khud aa kar teeno se mulakat kiya. HuYu ne swagat me koi kami nahi chhodi thi. Charcha ke dauran pata chala ki unke diye huye dhatu platinum ki itni maang thi bajar me, ki wo muh mangi kimat par wahan biki. Ek hi raat me HuYu Horyent grah ka sabse amir vyapari ban gaya.


Labhag aadhi raat ka waqt tha.. HuYu kisi tarah himmat juta kar Serin ka darwaja khat-khatya. Serin kafi gahri nind me thi. 2 baar knock karne ke baad jab HuYu ko koi jawab nahi mila, fir wo chupke se kamre me dakhil ho gaya aur Serin ke ore badhne laga. Jaise hi wo Serin ke najdik pahuncha, Serin uska hanth khinch'kar bistar par litayi aur uske upar chadh kar khanjar uske gale par lagati…. "Tumne chori se mere pass aane ki himmat bhi kaise kar liye"..


HuYu:- Maar hi do kyonki pata nahi kyon tunhare bina jine ki ikchha nahi ho rahi…


Serin, chaku ka dawab gale par badhati hui…. "Bade Sauk se tumhari ye ikchha puri karungi."


HuYu ke gale se halka khun nikalne laga, lekin wo fir bhi muskurate huye…. "Mere sath jina pasand karogi. Manta hun tumhare mukable mere ander kuch bhi khas nahi, siway iske ki tum mere liye sabse jyada khas ho"..


Serin apni chaku hata'ti… "chale jao iss se pahle ki main tumhe maut se bhi badtar saja de dun"..


HuYu:- Jo bhi dena hai de do.. bus khud se dur nahi karo....


Serin:- Achha ! Aur tumhari wo shikar ki aadat. Wo kya dialogue tha tumhate…. Maine dekha nahi ki ladkiyan gir gayi bistar me…


HuYu:- Haan to tum kaun sa pichhe thi… Apni dialogue na batao.. "Main wo hun jo shikariyon ko apne aage pichhe ghumati hun". Tumse milne ke purv ki baten thi wo, jab se tumse pyar hua hai, sab chhut gaya hai…


Serin:- Jhansa achha hai HuYu, lekin uss din bhi tum apne chember me bhog aasan hi liye huye the, jab main Horiyant aayi thi.


HuYu:- Ussi din to ehsas hua ki tumse chahat hai. Uss se pahle kabhi kisi ke sath sex karte aisa nahi laga ki chori kar raha hun. Dono ki marji thi aur maze karne ke liye sabhi swatantr hai, jab tak ki rishte me na bandhe ho. Lekin na jane kyon tumhe dekh'kar wo ehsas hone laga ki shayad main chori kar raha hun…


Serin:- Achha matlab ab wo tumhare shikari wale gun hawa ho gaye hain.. Shikar karna bhul gaye kyon?


HuYu:- Haan, chahat bhi ajib hoti hai, bina kisi bandhan ke sahi galat ka ehsas karwa jati hai. Waise ab kewal ek hi shikar karunga Serin ka, aur kisi ka bhi nahi..


Serin:- Tumhari baten bhramit karti hain, mujhe tum par yakin nahi. Aur pata nahi kyon, main tumhari bakwas sun kyon rahi hun… chale jao..


HuYu:- Hati hun main.. ya to mujhe kabool kar lo, ya wada kar do ki Decca chhodte waqt mujhe marti hui chali jaogi..

Bahut hi sunder shabdo se ek aur prem kahani parvaan chdhne ko hai.

 

[Nevil singh]

Update:- 107​

Serin uske gala pakad kar thoda upar ki aur uske honth ko chumti hui kahne lagi… "Tum pahli najar se achhe lagte ho, lekin tumhari harkton se utni hi nafrat hai. Kal sharp 8 baje taiyar rahna, hum safar par chal rahe hain.. jao ab so jao aur apni dukan kisi bhadosemand ko dete jana, kyonki ab tumhara lautna kabhi-kabhi hoga..


HuYu, Serin ko teji se palat kar niche karte uske honth par honth rakh'kar chuma aur kahne laga… "Subah 8 baje….". Aur apni baat kahne ke baad fir se ek baar chum'kar wahan se chala gaya.. Usse jate dekh Serin muskura rahi thi aur HuYu ke iss kadak andaj ke bare me hi soch rahi thi. Aaj se pahle kisi ne uske samne itni himmat nahi dikhayi thi…


Subah 7.30 baje hi Nischal aur Jivisha viman me pahunch chuke the. Thodi der baad HuYu aur Serin bhi hanste huye viman ke ore chale aa rahe the…. "Baby, tumhe tumhare jija shayad mil gaye"..


Nischal HuYu ko gaur se dekhte… "Kaun ye.. iski to band main abhi bajata hun"..


Jivisha:- Aisa kya.. waise kaise bhai ko bahan ki khushi dekhi nahi jati kya.. main to dono ko jab pahli baar dekhi thi, tabhi purvanuman ho gaya tha…


Nischal:- Pahle kyon nahi batayi…


Jivihsa:- Tum hi to kahte ho purvanuman ek feeling hai jo vastavik ho bhi sakti hai aur nahi bhi..


Nischal:- Kitni badi jhuthi ho… main aisa kyon kahne laga. Mujhe to pata hai ki purvanuman ek feeling hai, jo tumhe kuch achha ya bura hone ka sanket deta hai.. apni kahani mujh par mat lado..


Jivisha:- Huhhh ! Tumne hi kaha tha, tabhi to mujhe sab yaad hai…


Nischal:- Jhuthi kahin ki.. tum 2 minute shant raho.. dono aa gaye hain…


Nischal, HuYu ko aakhen dikhate… "Tum kyon aaye ho yahan HuYu"..


Serin:- Mere sath aaya hai.. ye mujhe chahta hai.. aur yahan mera viswas jitne aaya hai..


Jivisha:- Dekh'kar to lagta nahi ki dono ke bich viswas jitne ya haarne jaisi koi kahani hai… tum to isse bahut pahle se chahti ho..


Nischal:- Mujhe HuYu pasand nahi..


Serin:- Tumne pahle se ek ko pasand kar rakha hai Nischal aur jise pasand kiya hai wo bilkul mast hai… tumhe pasand nahi karna hai.. mujhe pasand karna hai. Apna dhyan bhabhi par lagao…


Nischal, Jivisha ke ore dekhte huye…. "Sab samjh raha hun Serin ye nautanki aur hajir jawabi kiske sangati ka natija hai. Lekin isse sath safar par kyon le kar aa gayi.. bekar me iski jaan ko khatre me dalna…


Serin:- Chinta mat karo, jaan bachane ki kala me ye bahut mahir hai.. aakhir shatir chor jo thehra..


HuYu:- Chor kah'kar kyon bejjati kar rahi ho. Mujhe kalakar kahte hain… Maine logon ke kadi suraksha ke bich unke anmol chijen churaya jaroor hun, lekin unke malik ko badle me kimat de deta hun, ya nahi mane to main saman wapas kar deta hun… 2 sal aur 3 mahine se Serin ka wo pendent tha mere pass, kisi ko becha kya maine..


Nischal:- Gadhe fir chori karne ki kya jaroorat hai..


HuYu:- Apne apne shauk hain. I love challenges. Jab koi apni chij kadi suraksha ke bich rakh'kar sukoon se sota hai, tab uski nind haram karne ka maza hi kuch aur hai. Waise main Serin ke pendent me koi intrest nahi rakhta tha… Main to Huwayu jane ka plan kar raha tha uss waqt..


Serin:- Huwayu kyon ….. apne naam ka matlab dhundne Huwayu jate kya?


Jivisha:- Main ja rahi hun mujhe kuch bhi samjh me nahi aa raha, kaun kahan ja raha hai..


Serin:- Bhabhi Huwayu suraj ke gole ka sabse najdiki grah hai, jahan jana hi maut hai…


Jivisha:- Kya baat kar rahi ho, maine ek movie me dekhi hai wo grah.. lagta nahi tha ki koi aisi bhi jagah hogi. Film me sab kalpnik hi laga tha, abhi pata chal raha hai aisi bhi koi jagah hai.. Suno ji main bhi chalungi wahan… mujhe bhi jwalamukhi wala grah dekhna hai..


Nischal:- Ek pagal apne sath kam thi Serin, jo tum isse bhi le aayi..

Jivisha:- Huhhhh ! Main pagal hun… juban kuch jyada lambi nahi ho rahi hai..


Serin:- Had hai, dono kitna aapas me bahas karte ho.. iski baat to sun lo kyon ja raha tha…


HuYu:- Dekho ye sahi hai mere bapu ne mera naam ussi grah ke naam par rakha tha. Mere bapu ne mera naam Huwayu ke prem me rakha tha, jiska karan tha wahan paya jane wala ek nayab dhatu, jisko pane ki chahat ab bhi unke man me hai. Huwayu par lagbhag 40 lakh varsh purv ke kuch nayab dhatu rakhe hain..


Serin:- Kis tarah ke dhatu hai..


HuYu:- "Puri detail to mere bapu ko bhi pata nahi, lekin uss dhatu ka ek 1/2 mm ka tukda mila tha unhe… wo prithvi par paye jane wale chandi ke dhatu jaisa tha bilkul.. bus fark itna tha ki wo chandi ke mukable kafi halka hota hai. Ek tarah ka friendly dhatu kah lo, jiske gun kafi rochak hain."


"Chunki Huwayu atyant garam jagah hai, lekin agar sarir par wo dhatu ho to, wo dhatu body need ke hisab se heat ko bahar reflect kar'ke, ander normal temprature banaye rakhta hai.. uske alawa wo dhatu jis surface par rakha ho, raushni uss surface ke aar paar ho jayegi...."


Serin:- Matlab uss ke istamal se koi bhi adrishya ho sakta hai..


Jivisha:- Mister India ki tarah..


Nischal:- Nahi gaya na wo Huwayu, fir band karo discussion..


Jivisha:- Ye fir se wapas akdu hua ja rahe hai… HuYu tumhe jana chahiye tha wahan… kyon nahi gaye..


HuYu:- Ussk waqt market me dhindhora pit gaya tha. Har jagah kewal Serin ke pendent ki charcha hone lagi.. aur mera pura focus divert ho gaya… Sath me ek aur sach ye bhi hai ki, mujhme itni capacity nahi ki ek aisa viman bana sakun jo suraj ke najdik ka temprature jhel sake… isliye wahan ka khyal dil se nikal'kar Serin ke pendent churane par focus karne laga…


Nischal:- Iska matlab yah hua ki tum Serin ko kisi tarah raji karne aaye ho, ki wo tumhare liye aisi technology developed kare, jo tumhare Huwayu tak ke safar ko aasan bana de. Aur apne swarth par chahat ki chasni laga kar Serin ke samne pesh kar diye…


Serin:- Oh uparwale… HuYu itna bada game mere sath..


Jivisha:- Kamal ka conclusion hai baby.. muh khologe to gandh hi failaoge, tumhe HuYu nahi pasand isliye koi bhi conclusion mat nikalo..


Serin:- Nana bhabhi .. Nischal ka aakalan sahi hai...


HuYu:- Chor hun bewakoof nahi jo chahat ki chasni me apna swarth pados dun… Main challenge apne dum par accept karta hun aur single hand pura kaam hota hai. Pahle chahat jagao, fir ek marmik kahani banao aur kuch salon ki fielding ke baad apni mansa me kamyab ho… itna lamba intzar mujh se nahi hoga…


Serin:- HuYu tum please itne lambe-lambe bhasan na diya karo, main bore ho jati hun… chhodo in sab baton ko Surpmarich par concentrate karen..


HuYu, hairani se sabko dekhte huye… "Tum log kiske pichhe ja rahe ho"..


Nischal:- Tum itne hairan kyon ho HuYu.. kya jante ho tum Surpmarich ke bare me…

HuYu:- Ek mangadhant kahani hai ye Surpmarich, jiska koi astitwa nahi hai… khud ko sabse taktwar aur prakriti ke barabar man'ne wala ek prani…


Nischal:- Bus sath chalte raho, yah bhi tay ho jayega ki kahani mangadhant hai, ya hum sab sach ke pichhe hain.


HuYu:- Mere sath chalo aur kuch mere pasand ki dhatu do..… aur ek bhatti. Mujhe ek khanjar banana hai.


"Chatakkk".. ek jordar thappad…. "Kya lana hai wo batao, yahan kahin koi chij hum jakar nahi late"… Jivisha HuYu ko ek thappad lagati hui kahne lagi…


HuYu:- Mujhe to bus ek khanjar banana hai… aur mera apna bag chahiye…


Jivisha:- Computer ji iska bag aur humare pass jitne bhi dhatu hai uske kuch samples le aaeye…


Computer:- Arre yaar khud bhi chal fir liya karo.. kitna achha to wo sath chalne ki baat kar raha tha..


Jivisha:- Be serious abhi kaam ka waqt hai..


Computer:- Lo ab ye bhi serious ho rahi hai…


Nischal:- Bus bhi karo computer ko counter karna Jisa.. abhi kaam dekhte hai na...


Jivisha:- Computer ji iska muh band kar do.. aaj iski khabar main akele me leti hun... Jab dekho tab ye mujhe tok rahe hai..


Serin:- Chup karo dono… kyon pagal bana rahe ho… ek dum chup…


Jabtak Serin dono par gussa ho rahi thi, HuYu ka bag aur tarah-tarah ke dhatu bhi wahan pahunch gaye…


HuYu:- Nah mujhe maza nahi aaya… computer ji yahan ke dhatu section me mujhe le chaliye aur ye saman bhi wahin shift kar dijiye…


Nischal:- Mujhe ek baat sanjh me nahi aa rahi.. ye achanak se mere dhatu bhandar me kyon jana chahta hai..


Serin:- Acess control do usse aur jo kar raha hai usse karne do na.. har baat me swal karna jaroori hai.. usse kar lene do apna, hum apne kaam par focus karen..


Nischal Serin ki baat maan'kar usse control de diya aur uske wahan se jate hi…. "Serin sab thik to hai na"..


Serin:- Kya hua aise kyon puchh rahe ho..


Nischal:- Nahi HuYu ka behaviour ajib hai aur main kuch samjhta uss se pahle hi tumne usse bhej diya. Jabki computer ka acess control usse hum de sakte hai ya nahi uss par main soch raha tha..


Serin:- Kuch bhabhi se bhi sikh lo… bhabhi bhi chahti thi ki wo apne kaam me lag jaye, taki hum apni ran'niti tay kar le.. dhatu le'kar khanjar hi banana chahta hai… bana lene do.. kaun sa wo kahin bhag raha hai… jab hum se alag hoga to sara saman wasool lenge.. ..


Jivisha:- Jo ki hone se raha, wo alag hone ke irade se to nahi hi aaya hai.... kabhi-kabhi Nischal over karne lagte hain Serin…


Nischal:- Hmmm ! Sorry, main utni gahrai se nahi soch paya. Waise Tum kya sach me HuYu ko pasand karti ho.


Serin:- Achha lagta hai wo mujhe… pure himmat ke sath mujh se ek mauka manga aur main mana nahi kar payi…


Nischal:- Chalo thik hai, koi baat nahi. Waise mujhe bhi achha lagta hai wo. Kam se kam usse pata to hai ki wo kya aur kyon kar raha hai.


Ek bade yudh ke ore agrsar ho rahe the teeno. Pahle se kuch bhi tay kar pana muskil tha, isliye apni ran'niti tay karke teeno ek achhi nind le chuke the. Subah jab aankh khuli prithvi ke orbit ke bilkul najdik the…


Jivisha mithi angrai leti hui jagi aur fresh ho'kar control room ke pass wale hall me pahunchi. Nischal pahle se wahan taiyar hokar kitchen me tha. Subah ki surwat ek mithi chumban se hui, fir dono hi nasta banane me lag gaye..


Nischal:- Aakhri ladai… kya tum taiyar ho..


Jivisha:- Jahan tum wahan main, har khatre ke liye taiyar hun main..


Ek aakhri mukam, ek aakhri kadi.. Jahan se in sab ki shurwat hui thi. Jiske pass wo shaya Nischal ko pahunchana chahti thi, jab wo Sapna ke mirt dimag me ghusa tha..


Apne path par chale the dono aur kadiyon ko jodte-jodte yahan tak pahunche the.. jiski sabse aham kari thi Vish Nilayani ki wo pustak, jise Nischal aur Jivisha ne Alfas grih me padha tha aur tab gyaan hua tha ki aage ka safar tay kar'ke, majil kahan aakhri hai.…

Sunder shabdo ki pankti se ek aur yudh ki aur badh rahe hai veer. Parshanshniye update hai mitr.